The Bad Boy,Cupid&Me 15

[B.laltlanhlui]

Ka diary ka keu a subject zawn chu enin Math a lo nih chuan ka nui deuh suk

Math hi nuam ka ti,English,Biology leh Chemistry pawh

Awle subject zawng zawng hi a nuam,mahse Math hi ka dah chung ber.Ka tan chuan a awl alawm chumi vanga duh pawh ka ni lo

Math chuan hmangaihna a belh in huatna a paih thei lo nan,buaina zawng zawng ah hian chin fel dan a awm tih a lantir

Thil ka chhui zau hmel tawp ka hria e ka hria e

Gabby bulah chuan ka ṭhu a a hmeichhe biak lai chu ngaihsak lovin min be daih

"Hi chhelonu" min rawn mgheng a ka biangah a chuk zeuh ka lo chhang let

"Hey,i ṭha maw?" Textbook keu in pencil case ka hawng

"Ṭha e han ring chhin teh"

"Eng chu?"

"Oliver a'n a chhungte bulah min hruai a tum a"

"A ṭhat viau chu"

"Ṭha lo thei tho bawk" ka tih zawm a

Ka kut a rawn beng a,ka rum nghut, "Chloe ka fiamthu lo ania.Ka che buai vek mai ang"

"Hahdam rawh.Engmah buaina tur a awm lovang.I ât zia an hmuh hun chuan an duh dawn lutuk che"

Gabby chuan min beng leh chawrh

"A na,Gabby tharum i ngah lutuk" ka ban chu ka tuai vet vet

"I phu tawk chiah"

"Ngeiawm suh aw"

A nui a, "Awi Chloe,i lawmawm reuh lutuk"

Za lo deuhin ka nui a zirtirtuten paper min pek chu ka chhang zo va

"Chloe,zawhna palina chhanna kha eng nge?"

"A chhanna chu 'Zawng chhuak rawh tih a ni"

"A va thui ve a leng lo ang digit hnih leng chauh a nih hi" a ring tak tak mawle haha

Ka fiam a ni reng sia

"Hey,han ring chhin leh teh"

"Aw?"

"Tukin zing ah Charlie leh Allie school an kal dun"

A lam ka hawi a "Tak tak maw?"

"Aw,class ah pawh an lut dun,an inngaizawng mi le?"

"Ka hre lo". Nizana thil thlen hnu khan Allie biak nachang ka hre tawh lo re re

"Ni hram se" Gabby chuan nui chungin a ziah tawh chu a rem a "An inhmeh dawn e" tiin a belh leh

"Nia i ring tak tak em?"

"Tehreng mai.A kawp te te in kan chhuak thei ang a" A phur lutuk chuan ka nuih a ti za.Mahse ka lawm vak lo tlat.Eng nge dik lohna ka neih le?Lawmpui tur zawk ka ni lawm ni?

"Bialpa neih chiah i bak ta" a tih zawm zat a

Ka meng kual a

Gabby rawn ṭawng leh hma chu a reh duk

"Reece Carter,chhelo zet,mit hring,sam uk,sang,Pathian ang maia hmelṭha sexy bawk nang pawhin i hriat kha?"

"Aw,Gabby i sawi ka man e"

"Chhuak dun ula a ṭha ang"

Ka chhang thei lawk lo, "A teuh lo mai.I â ta em ni?"

"A eng berah khan maw?" A va buaithlak a hriatpawlh vek anih hi

A chang hi chuan Gabby hi a ngaihtuahawm ṭhin mange

Zawhna chanve ka chhan leh lai chuan Gabby i'n min rawn be leh a

"A duh che in ka hria"

Ka lai chhe lutuk chu ka thaw ri hak, "Ngaihzawng a nei ngai lo i tih kha"

"Motorbike ah hmeichhia a phur ngai chuang lo"

"Chuan?"

"Chuvang chuan engkimah a hmasa ber hi a awm ṭhin.Chu lo ah nang pawhin i duhin ka hria"

"Ka duh lo bawk!" Ka hmai a sen ṭawn ṭawn mai

"Kan va pha nasa ve tiraw?"

"Engmah ka pha hleinem thudik alawm ka sawi.Reece Carter hi ka duh lo"

A dik chiang alawm

Gabby ai mah chuan keimah ka inhrilh a ni zawk mah

"Awle khawi lawngah pawh i chuang thei alawm"

Math equation tawp ber ka zawh chuan phun deuh sep sep ka hria

A sawia ka hriat deuh chu "Inngaizawng ula in inhmeh ngawt ang"

"Eng maw i sawi?"

Gabby chu a thaw halh a, "Engah mah ngai suh"

"Gabby min hrilh la"

"Mr Walker i class ka rawn tibuai lawk min lo hrethiam dawn nia" Headmistress a rawn luh chuan kan ngawi ṭhap. "Miss Armel inbe lawk ang hmiang?" Room chu a en kual a min hmuh chuan a nui ver ver

Ka thin a phu nasa khawp mai

Ka tho a lehkhabu leh pen bag a ka khung lai te chuan min lo en ṭhup.Ka kut te chu a khur dar dar

Headmaster chu kawngka lamah ka zui a a office ka thlen hma chuan kan ngawi reng

Lu haiin ka tlu mai dawn

Thil hrang hrang ka thluakah a lut zut zut.Mahse ngaihdan pakhat chu ka nei

School an suasam kha an hrechhuak aniang a

Ka awm ve tih hria in school chhehvel ah cctv an kam a ni thei ang em?Chuti ni se tinge min koh ang?Tinge kei kher?Engmah tihsual ka nei si lova.Kei te chu pawisawi lo a tuartu a hun lova awm mai ka ni

Reece thiam loh vek....Valentino pawh,Jake leh Jayden nen.....Dennis pawh tiamin eng anga fel pawh ni rawh se

Ka ngaihtuah let chuan ka pum a tina thei

Hnawhchhuah ka ni ang em?

"Miss Armel?" Ka lu chu her in a mit pawl ral chu ka en.A sam chu a bawk a,a kut chei chu a hma lamah a suih a

"Tihpalh Miss i sawi nawn thei ang em?"

"Ka sawi chu,helaia ka koh chhan che hi i hria em?"

Thi turin aniang

"Aih ka hre miah lo"

Nelawm deuh chuan a nui a min tihlau telh telh.A nui chu tihluihna a awm lo,sual deuh ang pawh a ni lo

An hnawhchhuah tur chu hlim takin an nuih dawn em ni?Kei chuan ka thei lovang

Mahse hnawhchhuah ni dawn ila chu tinge hetah min koh?"

Ṭawng tum chuan a ang leh zuau a.Thil pakhat chiah ngaihtuah ka nei

Beisei sang la,a chhe ber thleng turin in buatsaih rawh

Chuan a dang leh chu Reece Carter hi a na viau ang

"Ka lawmpui che Math class thiam bik te awmna ah dah i ni e"

Ka mit ka khap

Vawi hnih

Vawi thum

A la ding reng

Vawi li

Ṭhat lohna ka nei a maw a ti hrim hrim

"Eng maw i sawi?"

"Year 11 ah pakhatna i ni a,Math class a in zir bak chapter sarih in i lo zir lawk tih ka lo hria a.Seventh grade ah khan 100% ah 99 i hmu bawk a.Lehkha thiam tak i ni Chloe,i pawm ang em?"

Ka phur khawp mai.Year 12 Math Class thiam fal bik te awmna ah ka tling ve a,rin phak bak a ni

"Aw ka duh lutuk e" ka au lo chauh, "Ka sawi tum chu hun remchang ka nei a ka lawm lutuk e Miss"

"A ṭha e,i sawi ka ring reng a hei hi i hun neih dan tur thar a ni Miss Armel" Paper min pek chu ka ban a,ka chhuah hma chuan ka hawi let a Savun ṭhutthleng ah chuan boss angin a ṭhu chu ka hmu

"Min hrethiam lawk teh Miss" ka aw chu a khur deuh.A lehkha bih lai chu dahin min rawn en a

"Aw,eng nge ni Chloe?" Tianga min koh ka hriat vawikhatna a ni ang

"School a lut ru te kha in hre tawh em?"

A rangkachak rawng pen chu a khawih niap niap a,a hmelah chuan engmah a lang lo

"Aw hre tawh e"
~*~

Break kan neih chuan,ka bag haiin apple ka la chhuak,seh pahin Allie locker ka pan a

Charlie ka hmu a

A bulah kalin ka kuah a "Hi Charlie"

"Charles min tawh suh lawkin a ni thei lovang?Tunge i nih?Khawiah nge Chloe i dah?"

"I va uar tak e aw"

"Ka uar hleinem ka awih thei lo zawk anih hi"

"Ṭawngkam"

"English"

"Eng a?"

"Hi,ṭhiante u!" Allie lollipop phur deuha a fawp chu kan lo en a

"Hei i note bu min hawh tir a ka lawm lutuk" Charlie chuan Chemistry bu chu Allie a pe a.Allie chuan a nuih sak a locker ah chuan a dah a

Charlie chu a ṭhiante'n an rawn hual a,chhun chawlh ah kan inhmu dawn nia tiin min kalsana.Allie nen chuan classroom ruak ah kan inzui lut a

"Engkim min hrilh vek rawh" ka sawi ring fiah fai khawp mai.Thu pe ka ang zawk mah.Eng thil nge thleng ka hre chak zek zek

"Khatia"

"In ni ta em?" A sawi tak tak hma in ka lo zawt vat

"Nilo"

Ka mitko ka san a, "Nilo a?"

"Nilo" a lu a thing a,rilru hah hmel pawh a pu lo

"Pawi i ti lo a mi?"

"Ka sawi hmasak alawm"

"Engtin?" Ka ngaihtuah let a Charlie a duh thu a sawi tak anih kha

"Nizanah movie zawh khan kan inbia a"

"Awle sawi zel rawh" ka nawr tet tet

"Chutiang em em in ka lo duh lo tih ka hrechhuak a.Unaupa leh ṭhian ang bakin ka en leh thei lo"

Dar a ri a,class lam panin kan phei

Ka rilru hahna te chu a kiang hawkin ka hria ka inthiamlo zawk

Midang chu kan bum a ni thei,kan mittui tla pawh kan thup thei mahna mahse mahni chu inbum a theih loh

Thudik chu Allie leh Charlie hi inngaizawng lo se ka duh

Hetia hian ka sawi hian ka sual in hma ka sial hmel viau a,an inhmeh dawn lo tlat khan ka hria a,beiseina pawh ka nei lo.Lo ni ta se an inṭhen hunah ka buai dawn asin.Allie leh Charlie ah thlan tur zawk ka hre lovang.Thlan ngei ngei ngai ah chuan ka thlan zawk tur ka chiang

Charlie

Ka thlang zawk fo ang
~*~

Hun chu a tlai chak khawp mai hriat loh karin.Kan in kawngka chu ka hawng a pheikhawk ka phelh.Choka ah ka nu in basket ah ei tur a lo dah a.Hetiang hunah hi chuan sam sen Desperate Housewives a Bree Vandicamp kha min ti hrechhuak ṭhin.Chhunglamah ka khur der der

"Hi nu,tute ta tur nge?" A biangah ka chuk zeuh a

"Ṭhenawm nu fel deuh te tan mawle_Zing ah hna a kal dawnin ka tawk a,tlai thingpui inah min sawm a.I pa a rawn tlai dawn sia,kan pahnih chauh kan nih hmel"

"Kan ding lam nge vei lama mi te?" Zam deuhin ka zawt a ka hre chhuak thut.....kan vei lama mi te chu tuai an nia

"Kan ding lam Carter te.Va inthlak rawh minute sawm hnuah kan kal ang?"

Awi leh

Minute sawmpanga hnuah Reece te inah lai deuh chuan ka ṭhu a,ka nu leh Aurora Reece a nu an awm ve bawk.Reece chu ka va hmu lo ve....

"Chuan Chloe,eng grade nge i nih?"Aurora mit uk deuh chu ka en a.A hmelṭha in hmuh a nuam khawp mai

Ka nui a, "Sawmpakhat"

"Chuti chu ka fapa i la hmu lovang a?Reece chu sawmpahnih ania"

"Ka hria alawm.....ṭhian kan nia"

Enge kan nih pawh ka hre lo ve a

Chumi lai tak chuan kawngki ri ah kan hawi ṭhap a,Reece chu pa deuh,sam hnawk deuh nuaih leh kawrkilh pum lovin a bag chu a dar lehlam chauha akin a lo ding a.Ngaihna hriat loh hmel deuhin ka lam a rawn hawi a min nuih deuh sak a

A nu biangah a chuk a ka nu a chibai leh a inchung lamah inthlak turin a chho a

Kan haw vat a bedroom a laptop chu ka on a letter ka dawng hnem leh viau tawh

Dear Cupid puitu,
Mipa vang hian ka na ngun em em a,Ka thinlung hi infiam nan an hmang a ni.Ka ring leh thei ang em ka hre lo.Mahse art class ah fel tih deuh mai ka nei a.....chhuahpuiah min sawm a a number min pe bawk.....ka lo ngaihtuah ang ka tia
Ka ring leh thei ang em?
Sasha

Hetiang zawhna ka dawn apiang hian pawisa dawng dawn ila chu ka hausa tawh ngawt ang

Dear Sasha
Mi pakhat in a tihnat vang mai che in midang tawrhtir suh
Be rawh
Risk lak ngam te a ngai ania.A fuh dawn chuan a rem vek mai ang
XOXO
CA

ka en thuak thuak a pakhat chuan ka mit a la leh tlat

Dear Cupid puitu
Khawi zawk nge i thlan?
American nge British mipa?
-Flirt Alert

Ka nui zawi sap a.A chang hi chuan thurawn pawh ni em em lo fiamthu duh deuh te hi an awm leh ṭhin

Dear Flirt Alert
British mipa fe!
A chhan pasarih a awm a:
1.An aw phawi
2.'Duat' ti hnap tu tur che
3.An aw phawi
4.American ai inchei an thiam zawk
5.An aw phawi
6.An duhawm zawk
7.An aw phawi
Hahaha mahse hrehreng rawh,a tawpah chuan an nungchang bawkin min hip leh ṭhin.A zuna i uai na mi chu i thlang thei lo
XOXO
CA

ka laptop chu ka khup a khumah chuan ka mu zal a.Facebook ah lutin ka inbox chu ka en a,my page tih ah chuan thu mal hnih ka chhu a 'zawnna' chu ka hmet leh

Reece Carter--209 ṭhian inang kan nei

A profile chu ka en a,Valentino nen Kawr phelh a pool bula an lakna chu a hmang

Ngaihtuah mang lo chuan ka en zel a

Eng nge ka thiam loh pawh a ni lo.Mi zawng zawng hmuh theihin a dah anih kha he kan mimawla hian

573 likes,796 likes,618 likes.......

Awi leh tu zozai in nge lo like a?A chhelo tih chu ka hria mahse 500 chung lam chu a pui deuh mah mah

Like ka neih hnem ber pawh 14 vel chauh ania

Comment te chu ka en thla zel.Hmeichhia vek an ni.An va nghak tak ka luak an tichhuak e a

Close hmeh tumin ka tisual palh

Add friend tih zawk ka lo hmet

Ka tum a ni lo asin.A van pawi tak

Noti ka dawng a--Reece Carter a'n i ṭhian nih a pawm e

Awi leh

Inbox 1

A ṭha dawn lo tawp

Hreh deuh chuan ka en a

Reece Carter:
Min lo add a ka lawm mahse i hria em Cinderella hian Prince Charming a enthla ngai lo(;

Chloe Armel:
Prince Charming ah i inngai ringawt elaw?

Reece Carter:
Hmeichhia te suangtuahna ka nih i hria maw ka ti? (:

Chloe Armel:
Ni mai rawh se nuam i ti em mai (:

Minute ruk a liam min chhang lo

Reece Carter:
Tihpalh lal fanu,ka chhang vat thei lo che min tibuai reng tu an awm a

Minute thum ka nghak ve det ka chhan leh hma in.Tihtur nei lo anga lan ka duh lo

Chloe Armel:
Buaina a awm em ni?

Minute thum hnuah min chhang a mahse a thil sawi chuan ka hmul thi a ti ding ur ur

Reece Carter:
A ṭha vek e.Naktuk school banah insual pui tur ka nei a.A chang chuan midang te zirtir tur chuan a harsa zawnga tih a ngai ṭhin

Chloe Armel:
Ngawi teh,i ti tak tak maw?

Reece Carter:
Aw naktuk tlai dar li ah,amah pawh i hre maithei Tyler Alexander ania

Tyler maw?ka hria alawm.Charlie te nen Tui hleuh team ah an awm

Chloe Armel:
Tyler nen in insual dawn maw?Tinge?

Reece Carter:
In inkawm ṭhin a ni maw

Chloe Armel:
Ṭhian chu kan ni lova ka hre ve tawp.A fel viau khan ka hria a!Nang ai a nau zawk a a tawi bawk!I beih tawk hre rawh an tih kha i hria em?

Minute sarih hnuah

Reece Carter:
I sawi awmzia chu ka fello i tihna tiraw? (;
Chloe ka rilru i va tina ve
Anih chuan an sawi ṭhin hi i hre lo aniang maw
'Reece Carter ka nia,engah mah ka ngai lo

Ka en ngai ka en tawp ringawt

Chloe Armel:
Khati zawng khan ka sawi lo ania.Kal ka ngai Muttui Reece,inenkawl ṭha la

Reece Carter:
Muttui le Lal fanu.I mumangah min hmu nasa lutuk lo la (;
~*~
Chhunzawm tur