HMANGAIHTU THINLUNG

[Duati Hnialum]

Hmangaihtu thinlung

'Hmangaihna hi eng nge?' tiin ka student pakhat chuan min zawta, keichuan "hmangaihna hi a mihringa zirin kan sawifiah dan a dang thei ang, a chhan chu mi hi kan inhmangaih dan a dang thin avangin , ka ngaihdanah chuan hmangaihna chuan duhsakna a zakzeh tlat avangin I hmangaih tan chuan a tha ber tur engtik lai pawn I duh ang a, I telloa a hlim dawn tih I hriat pawn hrasa titakin a hlimna atan chuan I kal tir thei dawn a ni" tia ka chhan chuan a bu ve ngauh ngauh a.

Ka thil sawi hi nakinah kei ngei hian ka la tawng dawn tih hria ila chuan hmangaihna ka sawifiah dan hi ka tidanglam mai thei a ni.

Ka hming chu Zothanpuii niin tunah hian Govt. High School Aizawl- ah Mizo teacher in ka thawk ve meka, tun kum hi kum 1 ka thawhna chauh a la niin naupang ho nen kan innel ve tawh hle chuan ka hria.

Ka pa hi Doctor niin ka nu chuan pangpar dawr neiin a buaive thei hlea, unau pahnih niin a nuapang zawk ka ni a, ka u hi mipa niin ka pa hnungzuiin Doctor ve tho a ni bawk.

Ngaihzawng nget kum 3 lai zui tawh ka neia kei aiin kum 4 in a upaa, min duat thiamin a bulah awm nuam keipawn ka ti hle.

Ka phone ri chuan ka suangtuahna atang min kaithoa, ka phone ka han en nak chuan tudang niloin ka bialpa ngei mai Rosangpuia chu a lo nia, nui suk paa pick up in ka chhang nghala mahse a ni chuan he khawvela ka thil hriat duh lo ber leh mang lam pawha ka la ngaihtuah ngai loh inthenna thu chupawh phone kaltlangin min hrilh a nih chu!

"Apuii, kan inkar chu tihian tawp mai rawh se, ka thei tawh lo a ni" tihzawng sawiin ka chhang hma hmain phone a off hmaka, ka hamhaih atalangin engmah sawi tur pawh ka hre lo, ngawi rengin ka ding tawp.

Kum 3 kha kum 3 chhunga kan Inkara thil thleng kha minute 1 pawh tling lo second 5 chhung lekin a titawp thei chu mak ka ti lutuk leh ka rilru na lutuk chu ka biangah mittui a far lai reng ka hre lo!

Rosangpuia kha ka ngaihzawng hmasa ber leh ka hmangaih hamsa a nia sin! A ni nen khan suangtuahna ka lo nei nasain ka pasal turah ka ngai hmiaha inneih chungchang kan sawi zeuh zeuh vang a ni. Kar hmasa lawkah pawh palai tirh duhtu khan kan inkar chu a titawp ta mai sia chubawk a chan engmah min hrilh loin.

Rosangpuia hi Additional SP niin Aizawlah an post-a, a mah hi a hmel thain mizo mipaah chuan a san zawng pawh vantlang pawl tak tur a ni. Kan chhung te ve ve pawh inhre tha hlein kan inpawh hlawm hle.

Mahse "engvang nge" tih chu ka rilruah a rawn lang zut zut mai.. Ka phone lain ka call leh pawh chuan a lo switch off hmak pawh sia ka tingaihna hre lo chu ka bag lain kan headmaster hnenah haw dilin ka tlan chhuak nghal a.

A office ka thlen chuan a vengtu te chuan min hriat sa vangin min dang lo chuan min luttir ve maia mahse eng nge ka hmuh hi!!!

Rosangpuia leh Miriam-i a cousin nia a sawi , vawi tam tak a chhuahpui thin nen chuan duhthawh zet hian an lo in fawp a nih chu! Ka kalsawn thei tawh lo ka dinna ngaiah dingin ka en thlawk tlawk.

Chutah Rosangpuia chuan min rawn hmu thut chu a inring lo nge a meng ve kawk mai mahse insiamrem vatin mitmeng rum tawka min melhin "Eng nge i lo tih" min han ti chu sawi tur ber pawh ka hre lo thilsawi tuma ka kâ ka ang lai tak chuan min deusawh tih hriat zetin Miriam-i chuan min han nuiha, engamh reng ka sawi thei lo "Kan inkar chu a tawp tawh,i bulah ka awm khan hlimna pakhat mah ka nei lo, in la Christ em em a, ka duhzawng pawh min tihsak thei lo tu chu ngatan mah ka tilo che " chiang kelhkawlha Rosangpuia'n a lo tih chuan ka thlawm vawng vawng .

Minute 2 vel hnuah chuan Ka aw thian kharhin a mitah tak en chung chuan "a tha e, I hlimna tur chu i pan tawhah hlim taka i awm zel ka beisei " tiin room atang chuan ka chhuak nghala.

Kar 2 lai aliam ta, Rosangpuia nena kan inthenna pawh nilo min thenna pawh ti ila a dik zawk ang khang kar 2 chhung khan engmah ka ei in ka mu thei loa ka taksa pawn a chhiat phah nasa hle.

Ka chhungte chuan engkim an hre vek tawh a chhan pawh Rosangpuia leh Miriam-i inkawp chu social media ah an larin an in phochhuak nasa em a hriat loh ngaihna pawh a awm lo.

Keipawh hmangaih viau mah ila, a hlimna a pana min hnuchhawn takah chuan theihnghilh tumin ka rilru ka siam ve taa, ka beih ngial pawn ka theihnghilh theih lo tak siah chuan hre reng chunga hmalam pan ka tum ta zawk a ni.

Ka pa chuan rilru lakpennan tiin UPSC exam tura min duh thu chaw ei lai chuan a sawi ta chuar chuara. Ka nu leh ka u pawn an thlawp viau keipawn ka ngaihtuaha tha ka tih thu ka hrilh chuan an lawm hle.

Ka hna bansan a ngaih avangin ka banna te chu tifelin Mizoram chhuahsan tur chuan ruahmanna ka siam taa.

Mite chuan khatiang kawpa a bum hnu leh a tihthangtlawm hnu che pawn i la hmangaih reng maw min ti mai thei mahse keimahah hian huatna a awm lo, a hlimna ka nih loh vang erawh chuat nat chang ka nei. Tunah erawh a hlimna ber bulah a awm tawha hlim reng turin ka duh bawk a ni.

Lengpui airport-ah chuan ka chhungte chuan min thlaha ,Flight a ka luh chhiah chuan ka thinlungin "Mangtha aw ka hmangaih, nang nen kan inkar chu nunhlui an chang zo ta" tiin ka sawi mawlh mawlh a.

KUM 3 HNUAH

Vawiin hi Mizoram ka chhuahsan atanga ka haw hmasak berna a ni. Pathian zarah Indian Revenue Service ( IRS)ah ka inziah tlinga,kan ram Mizoramah ngei min post a. Ka chhungte an lawm em ema ,ka pa phei chuan min chhuanzia thu min hrilh nge nge.

Mizoram ka awmna pawh thla 2 a ni ve der tawh. Ka hna lam pawh tluang ve viauin Aizawl DC nen kan inhmuh dawn avangin file vel chu dahtha sawk sawkin DC office lam chu ka pan taa

"May I come in Sir" tiin chibai ka bukah, lut tura min sawm hnu chuan lutin kan DC chu ka hmuh tum dang ang lo takin coat dum nalh tak hain feet 6 vel bawr tur mipa painthiam leh hmel pa em em a lo nia chuta karah Mizo a lo la ni lehzel, an rawn post na hi ala reiloh avangin a chhanchin hi kan la hre em em loa chuvang chuan a nia mak ka tih em em.

Kan tihtur ang te kan tizawk hnu chuan ka chhuak vata kan office lam chu ka pan leh taa.

Kha mi ni atang khan Kan DC thar chu Alex Vanlalhruaia a nih thute ka hriaa, Aizawl khua niin a pa lawh IAS (retired) tawh a nih thu ka thawhpuite chuan an sawia,tunlai thalai te lakah a tlana hle a ni ang an sawi dan hmangah.

Rosangpuia pawh la theihnghilh lo mah ila ka hrechhuak reng tawh loa, khawiah nge an post pawh ka hre tawh lo.

Mak deuh mai chu Kan DC hi a changa kan ina rawn lenluh a nei zeuh zeuha, ka pa leh a pa te hi an lo inhre sa niawm tak a ni. Kan hriatchhuak tak chu kan tetlai Lawngtlaia ka pa an post lai khan Sir Alex-a pa pawh DC-a a awm lai a nia.. Ka u leh Sir Alex-a hi an inkawm thin a ni awm e.

Thlakhat a liam leh meuh chuan palai hmel ka hmu thut mai! Ka chhungte chuan mak an ti em em a, kei ngei pawn mak ka ti a chhanchu ka palai hmuhna chu tudang niloin kan DC Alex Vanlalhruaia hnen atang a ni!

Ka chhungte chaun Palai te hnenah chuan "kan inrawn khawm ve phawt ang e"tiin an thlah ta in ka hria.

Ka phone ri chu la vatin Sir Alex-a chu lo niin "Hello, Sir eng nge thil awmzia hi? " Ka han tih chuan lehlam a mi chuan "ka rawn kal dawn" tih zawng sawiin a off hmaka.

A rawn thlen chuan min rawn call lehin pawna chhuak tur chuan min tia keipawh i he lovin ka chhuak ve mai

A bul ka thlen chuan "eng nge thil awmzia "ka tinawn leh a.A ni chuan "Puite, ka duh che.. I tet lai tang tawh khan ka duh tawh che mahse ka tilang ngam loa, I la nuapang em avang khan I upat deuh hun ka nghaka mahse min chet khalh tu ka nei ta sia" a tih chuan mak tiin ka en haw ringawt

"Sir. Ka ka.. hrethiam lo, hmangaih dang ka nei sia, a theih ka ring lo" Ka tih chuan "chance vawikhat chiah min pe ve rawh, chutah min duh thei dawna inhriat loh chuan ka tilui lo ang che" a tih chuan chhang loin ka ngawi tawp ringawt.

Zan khua ka inngaihtuah hnuin chance vawi khat pek chu thain ka hre taa .

Thla thum lai a ni ta Sir Alex ahh U Alex nena kan inzuina pawh zawi zawiin ka pawha min hmangaih zia a mitmeng atang ka hmu thin, tawng kam thiam lutuk ni lo mah se a cheziain min duatna leh min hmangaihna a tilang thina.Abulah cbuan ka hahdamin awm nuam ka tihle.

"Palai hi lo tir leh ila pawi iti ang ngem"tia min zawh chuan a mitah tak enin " U Alex, min nei duh tak tak em ni? " tia ka zawh chuan min en vung vungin " Aw, chan leh che hi ka hlau a ni" a tih thum dut chuan nuih seihin" Ka lo upata, ka lo hmelchhiata, ka vun a lo chuar hunah pawh min la duh tho ang ngem? " Ka han tih leh chuan" I pawn lam landan chu engtiang pawn lo danglamin lo mawi lo pawh nise min rinawm loh san te a nih ngawt loh chuan ka hmangaihna che hi a reh ngai lo ang" tia min chhan chuan lawm lutukin ka kuaha a ni pawn min kuah let vatin ka biangah dimtein min rawn fawp zeuha, kan nui dun ver ver mai.

Palai chu a rawn tir leh ta ngeia ahma a mi kha te bawk kha rawn kal nawn lehin kan inrem taa..

Kan inneih tur thu chuan Mizoram a alh hne khawpa, thlah tute atanga mi hriat hlawh ve ve kan ni bawk nen a awm ve reng.

Nikhat ka bazzar ka haw lamin ka hnunglam atang hian min au thawm ka hriat avangin ka hawi leta chutah Rosangpuia chuan min lo au chu niin!

"Apui, Lo let leh rawh aw, min hmangaih kha " tia ka kut lo khawih a tum chu lasawn vatin a mita en chung chuan " Nia, ka hmangaih thin che ,ka hmangaih thin che avangin i hlimna i thlan pawh khan harsa ti takin ka pawn , tunah chuan ka hmangaih chauh nilo min hmangaih ve tu Pathianin min pe a. Chuvang chuan rawn kir thei ka ni tawh lo..Dam takin le" tiin ka hawisan taa.

Kan inneihna pawh kum 2 lai a lo nita! Ani telin U Alex-a chuan min duatin min hmangaih emaw tih tur a ni.. A ni ang hmangaihtu ka neih avang hian Pathian chungah lawmthu ka sawi fo. Kan fapa tap thawmah chuan harhin a pa chuan a lo pawm vata chutah min lo en in "mu rawh Bawihi, ka lo awi mai ang"a tih chuan nui chunga lu thingin nau chu lain a beng bulah zawitein" Ka hmangaih che Lalapa" Ka han ti chuan a meng kawka,chuatah lawmnaa khata min rawn enin "ka lawm e Anu" tiin min rawn kuah ta vang vanga.
A TAWP TA.

(Note: Hmangaihna hi a mawiin a ropuia,hmangaihna avanga tuarte chuan hmangaihna avang bawkin hlimna an tawng leh thin.Chuvangin, hmangaihna vanga i hliam kha hnungtawlh nan leh mahni nunna laknan hmang lo la, Pathianin i chan tur hlimna a pek hun che nghak fan fan rawh. Ka story min lo chhiar sak tute chungah lawmthu ka sawi e.)