The Feared Crimson King 22

[B.laltlanhlui]

Alice POV

"Lady Alice, khawiah nge i kal dawn?"

Vengtu pahnih chuan Lal pindan an lo veng a, Lal hi a chhuak anih chuan an zui ve nghal mai ṭhin sia

"Bathroom ah ka kal dawn" tih pahin ka thaw chhuak halh a

"A ṭha e" an ti ve mai a

Ka kalna tur min lo zawt chu engah vak mah ka ngai lo, hall lam panin ka inher a

Ka hnung lamah chuan thil ri rak rak thawm ka hria a, vengtute chuan min lo zui reng chu niin

"Bathroom thlengin min zui zel dawn em ni?" Ka ti a

"Tehreng mai ka pi" a sang zawk chuan min lo chhang a

"Tinge?" Ka ti a

"Lal in pindan i chhuahsan dawn apianga zui tur che in thu min pe a" an ti a

Hlauhna in min rawn tuam leh ṭan a, ka chawmawlhna zawng zawng pawh kha second khat chhungin a liam leh duak mai

Tinge enthlak ka nih le? Bu nghat in hall lam bawk chu ka pan leh a, ka awm a tawt ngawih ngawih, ka chal aṭang thlan a rawn bawl ṭawk ṭawk a, Lyrian General Otis kha thah a nih lai hmu tu an tam a, tunah enthlak ka ni leh bawk a, min hretu an awm tihna em ni ang? Eng pawh nise tinge le?

Rinhlelhawmin ka awm ka hre si lova, chu aia nasa daih zawk pawh mawle. An man zinga pakhat khan zalen a duh vangin min lo sawi a ni thei ang em? A ni leh lovang. Lal Theodore tan rinawmna an tiam chauh kha a phut a, ka ngaihtuahna a van tibuai tak em. Ka zun zawh chuan pawna min lo nghak tu vengtute chuan pindan thleng min thlah leh thlap a

Lal hian ka nihna diktak hrechhuak se chu tan inah ka awm loh pawhin min that tawh ngei ang. A ngainat loh zawng a sawisa hlum ka hmuh khan amah ka hlauhna hi a thar leh sawt

Lal pindan kawngka lian tak zawn kan thleng leh chu ka pum a inlet but but mai. Vengtu sang zawk chuan kawngka min lo hawn sak a, in chhungah helmet an khum lo chu ka lawm hle mai. Mihring ve mai an ni tih a lang reng a, kan ram ah chuan helmet hi an khum ngei ngei zel

Pindan ka luh dawnah chuan lawmthu hrilh in ka nui sak a, ka lu ka bu zeuh bawk. Kawngka an rawn khar leh lai chuan hmanhmawh deuhin ka lo zawt a "Lal chu a rawn let leh ṭep tawh em?" Ka ti a, vengtute chu an ding chat a, an mitko ti chuar tap in "Ka hre mai lo" tih pahin chik zetin min lo en a, an khar fel ta. Eng thil nge thleng le?

Hrilhhai lutuk in ka hawikual a, ka vei lam lal dawhkan a, ka hming lehkha a inziak chu ka hrechhuak zawk mai. Dawhkan a Papyrus let phung lam chu ka va pan a(Papyrus hi hmanlaia thil ziahna atana an hman ṭhin a ni) A chhungte tan lehkhathawn a lo ziak a ni

Fimkhur takin ka han en vel a, lehkha ziak in a khat vek. Ka hming chuanna paper zawng chuan ka hai kual a, ka hmu ta

*"Ka pa Duhtak, ka nu duhtak, tun hunah hian min kaihhruai ka ngai takzet a ni. Ka kawppui tur mi kha ni rei vak lo ah khan Walzenor a rawn thleng a, he thu ka ziah lai pawh hian ka thinlung a na hle a ni. Lyria aṭanga lo kal a ni a, a hming chu Alice a ni. Ka mi hmuh tawh ah chuan mi derthawng ber mai a ni. Amah tina tu mai ka ni. An zinga mi a ni ve tih hi hmuh kân ka tum lui ṭhin mahse a hlim hmel in chakna min pe a, a mittui tla hi ka chak lohna a ni"*

Hrethiam lo takin a tawp lam chu ka chhiar nawn leh a

*"Ka nuna a vawikhatna atan kawng ka bo a ni. Mahse chu pawh chu a la ni mai lo. In chhuan theih tura awm ka tum ṭhin mahse tunah hian eng nge ka tih ber ka hre tawh lo. Min rawn hmu thei ula chu chhuang takin min chibai in ka darah in vuan thei ang em? Nge ni ang a, lungawi lo deuhin in kal ringawt ang?-"*

Pindan kawngka rawn inhawng ṭhuai ah Lal chu a rawn tek lut a, min rawn hmu chiah ka kuta lehkha chu a en leh a, a sam a thur in a thaw a chham lek lek "Eng thil nge tia i inhriat?!" Thinrim ai mah chuan hrehawm ti hmel a pu zawk

Dawhkan ah chuan lehkha chhah tak chu ka dah let a, sawi tur mai hre lovin ka hawisawn a

Ka lam a rawn pen phei a, ka khabe kuai chho in ka mitah tak a rawn en a

"Min chhang rawh!" a ti leh a

Ka mit ka chhing daih, ka hlau chiang alawm. Ka en chiang ngam tawh lo zawk a ni

Ka hmui a khur dar dar a, ka la meng ngam chuang lo

Ka khabe a vawnna thlah in ka dar a sawi a "ALICE!" Dawhthei lo zetin min au leh a

Ka taksa pum chuan ka khur hlawk hlawk, ka lu chu ka kun hniam tlat a

Tuna ka dinhmun aṭang hian chhuah theih ka duh takzet. Rilru chauh tal pawhin! Ka nu nen huana rose kan en lai te ka mitthla ah a cham reng mai. Lal chuan min ko char char tih hre mah ila ka nu hlim hmel chauh kha ka ngaihtuah a

A reh leh ta ṭhap mai

Kut pahnih rit zet hian ka dar ah a lo sawi char char, min tiharh chiang lutuk ringawt. Tun ang hian rilru takin ka la tlanchhe ngai lo, mahse a reh lutuk hian min tiharh leh vek, ka rin loh lutuk dan a ni

Engmah a awm lo

Ka la khur reng chu zawimuangin ka meng a, Lal chuan min lo hnungchhawn a, a kun hniam daih. A inthiamlo a ni thei ang em? Nge ni Lyria nen kan inzawmna hriatchhuah a tum zawk?

A che sawn miah lova, chumi hnuah a rawn ṭawng chhuak chiah "Nimin khan inthah i tum em ni?" A rawn ti tham ṭiak a....

"Eng a?" Ka meng phawk hru a, ka mitah tak a rawn en chuan ka hawisawn leh nghal vat

"Min hrilh rawh" a awki ah chuan min ngen a ang zawk mah

"Aih" ka ti a

Man lo deuhin ka mitko ka san a "Min tiam rawh!" A rawn ti thum dut a

Ka phu leh zawk mai. Lungngaih hmel deuhin min la en reng. Lemchan vel a ngai lo asin. Kei emaw midang tu pawh ngaihsak a nei lo. Ramhuai anih hi

*****

Chhunzawm tur