The Feared Crimson King 14

[B.laltlanhlui]

Alice POV

Chumi zan chu ka muhil thei lo re re. Pi Jane-i'n eitur min rawn ken hnuah a chhuak leh a

Ka thil ei pawh chu harsa tak a ni mahse ka ei zo thei hram e

Darkar a liam a, tan ina awm ho ka ngaihtuah chu ka tawt up up tawh. An thih leh dam chu kha mi rawva kutah a awm. Chhuah zalen thei ila chu ka ti nghal ang

Lal chu pindana a rawn luh laiin a thim thet thet tawh. Ka melh buai peih lo, Min awm tir mai mai a tum lo em ni? Mi hnuai chhiah a tum phet leh min tikual peih lutuk hi ka ning

Ka khum lam a rawn pan a, rawn ṭhu sut in a ṭawng zawng chuan zu rim a nam leh tawh hle mai "Thil engemaw sawipui duh che ka nei" a ti a

Ka chhang lova, ka hawisawn hmak. Ani pawh hmun dang melhin a mal ah a kut a nghat a, a kiu in a khup a dang a

"Ka sawi nawn leh ang, ka tihpalh" inthiamlo deuha a tih chuan ka va en a, mi hlauhawm tak ka hriat ṭhin ang kha a ni tawh lo. A chauh hmel in tha a nei lo tih a hriat ngawih ngawih. A rui ṭawng chu a bah ve nuaih mai

A thil sawi tum chu ka hrechak viau mai "Eng atan maw ngaihdam min dil?" Ka ti a

"Khang mi ho kha ka hmuh tir che avangin" ka ti a

"Khang mite i tihdan kha inchhir tur i ni reng asin, min hmuhtir vang ni lovin" ka thinrim leh rilru na chu a inpawlh nuk mai

"Chuvang chuan an ro dik takin ka rel tawh ang" a ti a

Eng a? Rorelna dik maw? Ka hriatthiam loh lutuk avangin ka chhang thei lawk lo. Lal chuan a sawi chhunzawm a

"Court ka hawng ang a, an thiamlo anih pawhin an chungthu ka rel tho ang" a ti a

"Khaihlum emaw hrem an ni vek dawn tho sia" ka ti a

"Fair takin mawle" a ti leh a

"Engtin nge thudik i sawi tih ka hriat theih ang?" Ka ti a

"Ka bulah i lo awm ve dawn alawm" a ti a

Room chhung chu a reh vek a

"Ka tiam a che, ka tum tak tak alawm" Lal chuan a rawn ti sup a, keimah te a awm turin min kalsan leh daih. A sawi awmzia hi ka hre lo. Mahse fair taka mipui rorel chu tan ina awm tlawk tlawk ai chuan a zia zawk viau mai. Thil ka hrechhuak thut mai

Ngaihdan ṭha tak chu a ni mahse Lyria lal fanu ka ni a, an zinga tu emaw tal in min lo hriat chuan ka chhungte nun a ti derthawng ve thei tlat. Anih loh pawhin ka pa blackmail nan a hmang duh maithei

Sipai ho hmuh ah ka inlan ngai lova tumah hian min hriat ka ring lo

Ni a liam a, ka taksa pawh a rawn ṭha chho ṭan e, engmah tih tur awm lo hi a ninawm. Lehkha chhiar hi ka ngaina a, mahse mi awmthei fa anga ka inlantir avangin ziak leh chhiar thiamlo anga ka awm a ngai tlat. Lal in min rawn kan leh rih lova, mahse pindan ah chuan a lut chhuak ṭhin in ka hria. Bathroom ah inbual tura a room ka paltlang apiangin a lo awm ngai lo re re

Ei tur min rawn ken reng a, ka chak ṭha tawh hle a ni. Doctor in min rawn kan apiangin ka ṭhat chhoh thu a sawi ṭhin a

Room chhungah chuan khum leh dawhkan chauh a awm a, ka ngaihtuahna nen ka tang reng mai anih hi

Lal pindan kawngka chu a inhawng in a inkhar leh ṭhin a, a rawn let leh tawh a ni ngei ang. Ka khum aṭang hmanhmawh lutuk in ka tho a, kawngka chu tlem te in ka hawng a

Khuma Lal lo ṭhu vung chu ka hmu a

"Duh i neih chuan rawn chhuak la, min rawn be rawh" tiin ka lam a rawn hawi a

Awi ka duh thei lo

Kawngka chu ka hawng a, lai deuhin ka aw ka thian a

"Zawh duh che ka nei a" ka ti lawi rut a, tinge a bulah hian inringtawk taka ka awm theih miah loh le?

A mitko san in sawi chhunzawm zel turin min ti a

"I thusawi kha i ti tak tak em?" A mitah tak chuan ka en chat a

Hriatthiam loh hmel takin a rawn thle ha a

Ka lo thaw hak a, sawi zawm leh in "Tan in a awm te tan court hawn i tum kha mawle?" Ka ti a

A hmai chu a ti chuar deuh a, a ngaihtuah zawng pawh hi ka hre thei lo, a rawn ṭawng chhuak a "Ka ti tak tak alawm. Ka tifel mek anih hi. List vel ka siam fel a, naktuk aṭang court kan hawng ṭan ang" a ti a

Ka lo ṭhen sak a, beiseina chhe te nei leh in ka thawveng deuh huai mai

Lal chuan chiang zetin min rawn melh leh a "A aiah thil duh chhe te ka nei" a ti a

Ka nui tawp hmak. Eng thil nge ka pek theih ang le? Thudik min zawh chhuah leh a tum aniang a?

"Eng nge ni i duh?" Tiin ka heh ka pet a

"Tun aṭang chuan zantin zanriah min kilpui tawh rawh" a ti a

Eng thil nge a ruahman ka hre lo nan, zalenna tlem ka lo neih phah theih chuan pawi ka ti lem lo

"Awle" ka ti a

"A ṭha e, zanriah chu darkar khat ah a ni ang. Thawmhnaw mawi deuh lo inbel ang che" a ti a

Pi Jane-i mutkawr min pek kha ni engemaw chhung ka ha tih ka hrechhuak chiah

Pi Jane-i'n thawmhnaw thar chu Almaira chungah a dah a

Kawrfual pawl lace invuah ka hak hnu chuan zanriah an peih fel deuh der mai

Ka rin loh lutuk in Lal chu ruaiṭhehna pindan lam a lo pan tawh a, dawhkan lian lutuk kan han hmu leh chiah chu thil chi hrang hrang ka harh chhuak thut. Crimson lal hi a changin a zaidam em em a, a chang leh a hlauhawm em em bawk

A hming lo chhuah chhan pawh hi indonaa thisen a chhuah hnem em vang a ni. Lyria ah chuan mut dawnah naupang awih mut nan thawnthu angin an sawi ṭhin. Mipuite thinlung ah chu chu tuh ngheh tlat a ni tawh a, thu tak chu a hla vak lo maithei

"Ṭhu rawh" pindanah a aw chu a ri thum hum hum a

A sawi ang chuan ka ti a, a piah ah chuan ka ṭhu rem sauh a, hla deuh ah ṭhu mah ila pawi ka ti lem lo. Kan inkar hi hla viau mahse nuam ka ti daih zawk

Ei tur an rawn la a, room chu a reh leh ṭhiap mai. Chhiahhlawh ten wine an rawn lak hnu chuan kan ei ṭan ta a

"I duh ve ang em Lady Alice?" Chhiahhlawh chuan hawihhawm takin min zawt a

Rawmawl chuan ka hmui ka hru a "A ngai love ka lawm e" ka ti a

"Chuan Alice min han hrilh teh engvangin nge Lyrian mite hi i ngaihtuah viau le?" A ti a

A chhan chu ka mite an ni a, Lal chhungkaw mi ka nih avangin ka venhim an ngai alawm ka ti rilru a

"Chhan a awm vak lo, tu pawh hian dikna kan nei vek turah ka ngai" ka ti a

"I van â tak" tih pahin a khi suk a

"Eng thil maw i sawi?" Ka lungawi lo lutuk chu ka thup ve hram hram a

"I â ka ti hle mai. Indona awmzia hi i hrethiam miah lo a ni...." a ṭawng tawp chawt a

"I sawi dik chiah ka hrethiam ve lo, amaherawhchu thil dik leh dik lo hi chu ka thliar hrang ve thei alawm" ka ti a

Wine chu a tlak pap hnuah chhiahhlawh chu a vai a, a no chu a rawn chhung khat a

"Ka hrilh tawh che kha dik takin ro ka rel dawn alawm. Indonaa ka mite that tu ho hi chu ka hre reng ang" a ti a

"Mahse indona chu i chawh chhuah a ni lawm ni?" Ka ti a

Chu veleh dawhkan chu a rawn chum ri bur a, no te chu an ri tleng tleng mai. Ka zuang tho vat a, ka ngaihtuahna a tibuai leh vek

"Kha Lal phiangsen khan alawm indona ṭan, kei ni lovin!" A aw chu a khawk rum rum mai

*****

Chhunzawm tur