FOI Chapter-12

[Duati Hnialum]

Ka cabin ka lut chiah chu min rawn zui lut tih hriat zetin boruak a tang tha at mai. Ka thutnaah chuan thuin mawi hnai takin thu tur chuan ka han sawma.


Lucifera erawhin ka dawhkan hmaa ka hming chu melh ngurin chutah ka mitah chiang zeta min lo en lehin a thu ve ta chauha.Ka ruk tak chuan ka zam lutuk hi ka thlan te a chhuakin ka hria

Ka aw thian kharhin ka zamna tilang duh loh chuan nui deuh sang hian" Min hmu duh tih ka lo hriaa eng chungchangah nge le? " ka tih chuan a kut chu hmalamah suihin ka mita min en reng chung chuan " Ka hming chu i hriat ka la ring, tunah hian convicted murderer chu in Hospital-ah hian zai mek a nia, a theih chuan a room tura kan tihah hian cctv vauh kan duha, 24 hrs chhung kan duty reng dawna chuvangin damlo dangte kan tih phawklek loh nan room fal deuh hlek min pek theih chuan kan lawm ngawt ang" nget cherh churha a tih chuan ngawi deuh vung vungin ka hmaa file chu ka han keua, chutah a mi sawi ngei chu ril phir phuak tep emergency a an zai a ni tih chu ka hmu nghal a, file chu khupin Lucifera chu chiang zeta melhin"Aw le, in rawtna chu kan tihlawhtling thei ang; amaherawhchu,kan patients te hi eng ang mi pawh lo nise kan tan chuan an pawimawh bera, a ni pawh chu a dam chian hunah chiah a chhuak thei dawn tih min lo hriat sak dawnnia" ka ti let vea.


Hetia ka tihna chhan pawh heng criminal nei dam lo te hi an dam that hma hma chhuah tir an ngen fo avanga intlawh khalh lawk ka ni.

A ni pawh chu ngawi deuh vung vungin " Aw le, a dam chian ver vawr hunah chiah in discharge dawnnia" tih leh din chhuah rualin kut a lo phar chhuaka, keipawh ding ve vatin a kutah chuan ka va chibai ve nghala, ka kut laksawn tuma ka tihchet chuan min lo vuan nget ngang mai, mak tizeta ka han en chho chu " Zawn hmuh i har hle mai " tih leh ka kut chu thla nghalin, biak hman lek loh chuan a chhuak zui nghala.

Eng nge a sawi awmzia kha ka hre thiam hlawl lo! Ngaihtuah zui duh tawh loin ward round tur chuan ka chhuak zui ve ta nghala mahse ka rilruah chuan a awmzui reng, alo palian leh zual tawhin a inkhaithli zarha, a hmel tha leh rum tak kha chu a la ngai reng.

In ka thlen chuan Maggie leh ka u chu an lo in dinchilh ran mai, ka va lut Maggie'n min lo hmuh chuan ka lam rawn pan vatin thinrim tih hriat zet hian " Pearl, U Amos-a mak zia hi, nimin khan min rawn call a, thil hmanhmawh thlak tak a awm thu a rawn sawia, keipawh hmanhmawh tawkin a firm lam ka pan nghala, ka va thlen chuan pawnah a lo awm a, a car ah lut tura min tih chuan thil tha lo thleng a awm maw ka tia ka lut ve nghal maia mahse Mamit lam min pan puih daihin a bialnu angin min sawi a nih chu "a tih chuan ka u chu ka va melha en pawh min lo en duh lo.

ka u awm dan atang chuan Maggie hi a duh tih ka hrethiam nghal, kan thian ho chanchin min zawh laite te chu ngaihtuah chhuakin Maggie chanchin te kha min zawt chik em em a nih kha. Ka lo â ngawt mai, khami atang te khan hriatthiam awm tak a ni a sin le.

Maggie nen chuan ka room ah lutin a tum lian nasa ngang mai, a mah hi 5'4 vel tur a nia, a vun hi a nung sarin a sam kir chiai leh a mitmeng te hian Barbie a ti ang viaua.Chutia ka lo en reng lai chuan luhkham hian min lo vawma, a thin te hi chu a chhe ve zek a nia mahse thurawn lakna tha ber a ni thung .

"Ka thusawi pawh i hre lo" tum deuh bura a lo tih chuan thil alo sawi tih ka hre ve chiah. Amah chu en leh vang vangin " Magg, ka u hian a duh che in ka hria " Ka tih chuan min melh rum nasa ngang mai " I mawl ami, min duh chu nise min bem ve ang chu" a rawn tipawr hlar mai, chutia a sawi atang chuan ka u hi a iai bik loh tih ka hre thei a chhan pawh Maggie hian mipa a ngaihsak ngai lo, Higher vel kan kal laia ni hnih khat vel a star tih loh kha chu star a neih thu pawh a sawi ngai meuh loh Elly erawhin tunah chuan bialpa nget nei tawh thungin puitling ve ve ni tawh an ni bawka, an inngaihzawng dan pawh a zahawm phian.

Maggie nen chuan khumah thuin kan khuaa an awm dan vel te chu a sawia, a zak ngang a niang a sawi lai te chuan a biang te chu a tai sen nasa ngang mai. A quarter luaha let leh ai chuan tiin riak turin ka sawma, a nih pawn a lo hnial lem lo.

Zing ka tho chu ka tih dan pangngaiin gym room ah lutin ka work out nghala, rei loteah Maggie pawn min rawn zawm ve nghalin darkar khat vel chu kan insawisawi hman.

Kan inbual leh tete hnuah inhnuaiah chhukin dinning room lam kan pan nghala, ka u pawh lo awm tawhin Maggie nen an inhmu chu an lai dun vela, ka nuih te lam lam a za.

Hospital ka thlen chuan a la hma khawp maia, kan hospital ah chuan punctuality hi kan ngai pawimawh bera, keimah ber hi a theih anga hmaa thlen ka tum thin, a hotu ber ka thlen hma na nana chuan min entawna tlai hi an awm khat lutuk.

Ward ka round zawh chuan ka cabin lam pan mai ka tum chu ka mi hmuh avang chuan ka ding deuh chawt tudang niloin Lucifera ngei mai chuan min lo en runin kawisawi zet hian a lo dinga.

Lalhruaizela( Lucifera) POV

Ka hmaa mak tih hmel taka min ena ding ka hmuh chuan ka nui suk, amah zawng hian kum engzat nge ka lo hman ral tawh. Class 11 ho luh ni hmasa bera an classroom-a a lut tur ka hmuh ni atang khan ka vei em em a nih kha!

A rukin ka thli thlai renga, a mizia langtlang te khan min hip hle a nih kha.Function kan neih ni a a zai phei kha chuan ka duh tih hrilh chawp ngai loin ka inhre nghal.

Emily nena an insual tum khan hmuhnawm ka tiin a insual thiam dan khan min thawng tak zet! Ka tum loh deuhin ka tawngkhum khan hreawm a hnuah ka tihzia kha!

Emily khan mi duh tih ka hria mah se ka duh zawng a nih loh avangin min zui kual reng pawn ka en liam mai mai thung.

Ka duh tih hrilh kha ka duh mahse khami ni ka tawngkhum ni atang khan min hmuh pawn min hmu lo der hmak tak siah chuan ka hrilh thei ta lo kha a nia.kan farewell niah chuan a bag-ah lily par var leh chocolate ka dah saka, lily par nen hian inang ka ti em vangin rose aiin ka thlang zawk kha nia min hriat lohnan engmah lehkha ka hnutchhiah duh lo bawk.

Hun lo kal zelin ka zirna avangin hmun dangah ka awma mahse kum tam a liam hnu pawn ka theihngilh thei tak tak lo,a zir zawmna ka theih ang tawka ka zawng pawn ka hre thei lo kha nia mahse ka nau in magazine a lo hawn ka hmuh khan mak tih luat vangin mipa inla pa ve tak hi ka meng buai ve nak a nih kha! Hottest female Doctor in India a lo ni tih ka hriata, a thlalak ka hmuh phei kha chuan ka chhung ril hi a alh loh chauh. A hleitlinga pian a thiamin a sam zei hniang te chuan a chawiin a mitmeng lian nalh zet atang ringawt pawn mahni inringtawk tak a ni tih a hriat theih
"Henu hi chu Mizo hmeichhiaah chuan ka duh thlawt Hospital ama pualin a la nei zui" Ka nauin a tih khan insum hman loin " Eng hospital " ka tih khan mak a ti ngang a niang a meng phawk nasa mai chutah " Hei tunlaia hospital lar deuh Pearl Healing Hospital hi ama ta lawm, a pu in ama tana a din sak a nia, mite sawi dan tak phei chuan a pu rangkachak an tia, hospital a din kum 2 naah a pu duh lo chungin a din na atana pawisa a pek kha a rul leh vek an ti" a tih chuan ka lo chuang ru ve veng veng, mahni inringtawk tak a nih zia ka hriatbelh ta zel e.

'Tunah chuan ka chhuah tawh lo ang che' ka rilru chuan ka ti mawlh mawlha.
Chuta tang chuan hmuh dan tur hlir ka ngaihtuaha, DGP val inla pa ve tak hi amah hmuh tumin ka va buai si em!

Ka tum ang ngei chuan ka hmu thei taa, a taka ka hmuh phei kha chuan ka insum hman lo teuh hle a nih kha, hei tunah pawh hmu leh turin darkar 1 vel chu ka lo nghak reng tawh a nih hi.