FRENKIE POV
Kan hma lawkah tournament a awm dawn avangin kan training ngawrh em em a,peih lo hi a sawi theih loh. Khaw lum hnuaiah kan ti tluk tluk a,zanriah ei kham ka inbual zo hi chu meng tur pawh hi ka awm tawh ṭhin lo. Norah nen reilote kan inbia a, kan hun neih dan a inan ṭhin lo avangin kan innang fuh khat khawp a;mahse, kan inbiak chhunah hi chuan min haw bik lo tih ka hre thei a ni.
"Bhai I hman em?" Room kawngka rawn kik kauh kauh pahin Sudhir a'n a ti a,khua a lum em avangin tlai lam dar 3 aṭang chauhin kan ṭan thei a,chuti chung pawh chuan a la lum tho. "Hman e,kal ang" Ka bag akin room aṭang ka chhuak zui a,midang pawh an lo chhuak sang sang tawh. "Khaw nge Jay a chu?" Field kan thleng a,coach khuahkhirhna hnuaiah training chu kan ṭan a mahse Jay a ka hmu ve tlat lo. "Nichin khan head coach in a koh a, a lo la let lo" a ti awlsam et a,midang hnung zui chuan kan tlan lehnghal zat.
Rei fe kan insawizawi hnuah kan chawlh zuai a, tui bottle nen daih hlim lam kan pan nal nal mai a ni. "Eeee..I skip a ni maw?Kan report dawn che" Midangin kan lam pana rawn phei mek Jay a chu an au lawng lawng a,an rilru tak a sawi phei chu an ni lo. An thusawi chu engtin vaka chhanga lovin ka ṭhutna sirah chuan a rawn ṭhu thla ve a,ka tui bottle chu a rawn ban nghal a.
"Head coach chuan engtin nge a lo tih che?A kidnap tawh che maw kan tia" Fiamthuin Sudhir a'n a rawn ti a, ani pawh a thlan hluam mai. "Eng ti lo e" tiin Jay a'n a lo chhang a,kan hriat ve chi loh thil an sawi te pawh a ni mah na.
"Lo kal leh tawh r'u le" tih pah a coach in hamrik a ham zui takah chuan tho sang sang in field chhung lam chuk kan pan leh a a, player 1 a lai ah dingin midang zawngin kan hual a,tihian min rawn pass zel dawn a, min pass kim hnuah midangin an ti leh zel dawn a ni.
Dar 6 pelh ah kan training zo a, ka phone pawh en hman lovin ka inbual zui a, thlan a tlak hnem em vang hian tui in tam ka ngai zual a, nitin inbual ka ngai bawk a, zanah pawh mut a tui ṭhin khawp mai. Ka inbual zawh chuan zanriah ei a hun nghal avangin chaw eina hmun lamah ka chhuk thla leh a, mawng ka hung hman meuh lo. Zan dang ang lo takin chaw pangngai an lo chhawp a,midangin roti an ei laiin kei chuan chaw ngei chu ka ei a, an chaw ei ṭhin a nih loh avangin an siam tui lem lo. A ṭhen chaw pangngai ei ho pawh an beisei a pha lo deuh a niang,an kham hma khawp mai.
"Pawn lamah nimbu bu tui sial tawk va in ang" Corridor ah kan phei laiin Sudhir a'n a ti a, "A hla em?" ka tih chuan hotel gate bul lawk a nih thu a sawi a, ani hi chu ei ngaina mi a ni miau a,thil tui awmna hmun te hi a hre thei a nia.
"Jay a nghak ve lawk ila?A lo kal duh maithei asin" Ka tih chuan room luhna kawngka biang a vawn tawh chu thlahin min rawn en a "A in duh lo,ka sawm zatin min hnar..hmeichhia biak leh thuai thuai chak tawh a niang" a tih chuan ka nui ringawt. Sawm zata han hnar chu a sawm zing viau a nih ka ring. "Wallet ka va la lawk ang" tiin room ah ka lut zui a, ka phone charge chu phawiin wallet nen ka chhuak leh thuai a.
Sudhir a sawi ang takin nimbu tui zawrhna chu hotel gate aṭang hnai te ah a awm a, zan lamah chauh a awm ṭhin a nih ka ring,ka hmu ngai lo tlat. Dawrtu a ngah em vangin a sirah kan lo nghak a, a nimbu tui chu a tui viau a nih ka ring.
*Zanriah I ei tawh em?*tiin Norah chu ka text a, a online lai a nih vang chuan ka nghak ve deuh a. "Nang hi bialnu I nei em?" A tih chuan ka mit lasawnin Sudhir a chu ka va en a, hei leh chen kan lo inkawm tawh a,hetiang zawhna hi a hnen aṭang ka vawi khat dawn na! Chhan dan turah ka laklawh em vang chuan ka nui ringawt a, a hre chak zual sauh.
"Min hmu ve ta che,engtia rei nge thup i tum a?" Tih pahin ka darah nâ vak lovin a chum a, ka va han sawi mai mai awm lo. "Nakinah I hmu ve mai ang" tih chauh a chhangin nimbu tui an lo chhawp chu ka ban nghal a, ka han in chu ka lei ka lem lo chauh a ni. "Thil tuina hmun i va hre thei ve" ka tih chuan 'kha kha nimai' tih melhin min melh a, a intithei leh ngawt ang chu. No 2 lai ka in chuan "I pum a nâ ang,in ṭeuh chi pawh a nih loh kha" Sudhir a'n a rawn ti nghal a, a tui ve bawk em a ni. Pawisa pek ka tum chuan Sudhir a'n min hnial tlat avangin ka pek tir a, nidangah la hruai leh chu angai a nih hi.
Hotel ah kan let a,kan awmna floor kan thlen chuan Sudhir a room aṭanga Jay a rawn chhuak nen kan intawk a,a ṭawng lai a tawp chat mai. "Hei khup tuamna hi ka lo hawh dawn che a" tiin a kuta a thil ken chu a tiche zeuh a, chuta ka en lai a ka thil hmu chuan ka tha a tinâ ve det. Ani chuan min rawn hmu kher lovang a chhan chu Jay a nen in video call an ni tlat! Kei erawh Jay a phone ken danin a zir miau a, ka hmu vek thung!
"An inbe leh ta e,khawvelah in inngai ber" Fiamthu a tih pahin Sudhir a'n room lamah a luhsan a,kei pawh ka room lamah ka phei nghal zat. Ka phone hawngin whatsapp ah ka lut a,ka message chu a la seen chuang lo. Ṭha ka tih anga che chhuakin ka call ta tawp a,a busy dawn tih hre tho mah ila ka call ngat ngat. Engtin nge kei min ngaih thah ṭhakin Jay a nen an inbiak theih? Sudhir meuh paw'n a chhaih a, chu pawh kei ni lovin Jay a nen!
"Pawimawh a awm ami?Eng nge min lo call chhen?" Call a pick rualin a rawn ti vin hrawk.An inbiak lai ka va tibuai pawh chu a duh lo viau a nih hmel. "Tinge I biak?" Ka ti thawr a.
"Tu chu maw?Duh duh ka be thei alawm" a rawn ti var a.
"I be thei mahse min ngaihthah kher suh,ka message pawh seen lovin Jay a nen in lo inbia a,ka teammate a ni tih i hre meuh maw?" Ka ti leh hap.
"I va han zak lo tak! Jay a ka biak pawh chu eng nge pawina?" A rawn tih chuan ka thaw hak, ka tan a nawmlohzia leh tha nat thlakzia a hre ve lo emaw ni?
"Be tawh suh,ka bialnu I nia,midangin Jay a nena an hmer che hi ka duh lo!" Ka ti thawr a, "I bialnu ka ni ngawt lo aw,I zak lo lutuk!"a rawn ti a."Hrim hrimin kan lo inbiak ṭhat deuh vang khan min lo bialnu ngaih ringawt elo?" Tiin a nui zui hak a,ka ngaih ang hian a ngai ve miah lo a nih hmel.
"Official taka ka sawmna ilo nghak deuh tihna em ni chu?"Nui sukin ka ti a,"Ka nghak thlawt lo,I va han zak thei lo tak!" A ti zui leh hap a, hmeichhe dang ang lo taka ka lakah a che vel ṭhin te,ka thu min hnial bap bap ṭhin te hian a lakah chona min pe nimaiin ka hria.
"Ka bialnu ni ta che Norah" Ka ti ṭha leh ngat a,ka mit hmu a awm phei chu ni se awm pauh vahin min melh leh rawm rawm tawh ang chu."Awii hetiangin tuma'n an ti ngai lo,I zei lo si..mu rawh" a rawn ti zat zat a, hetiang bakin insawm dan a awm chuang emaw ni?
"Phone aṭang I pawm chiah lo chuan hmaichhana kan inhmu leh hmasak ber hunah ka hrilh leh dawn che nia mahse kei chuan ka bialnu ngaih hmiah tawh che tih hria la,ka thik tur zawng chuan awm miah suh"Ka tih chuan "I zak lo lutuk!" Tih leh phone off a rual a, zak thei lo nih hlawh reng mah ila ka rilru puthmang te ka hrilh tawh a,a ṭha ve reng reng alawm. Chuti rualin hmaichhanah chuan engtikah nge kan inhmu leh ang?Kei lah inkhelhin nitin hun ka hmang a, ani lah a hna thawh vangin a buai nitin a, inhmu turin hun kan insiam a nih ngawt loh chuan a awlsam lo viau ang.
NORAH POV
"Ram pawn lamah kan thlawk tawh dawn a nia!"Room ah rawn tlan luh pahin Pooja a rawn au chul a, ka laptop bih lai dah ṭhain a thusawi chu ka bengkhawn vat a. "Eng nge I sawi awmzia?" Ka ti ve nghal zat.
"Ram pawnah kan thlawk tawh dawn,list te kha en ta che..a van nuam,ka lo suangtuah ṭhin chu a thleng ṭan ta!Devi ma ka lawm lutuk e" tiin kutsuihin a chal zawnah dahin an pathian hnenah lawnthu a sawi zui mawlh mawlh a, ka phone ban ve nghalin group a list an rawn dah chu ka en a,Pooja sawi kha a ni tak tak. Ram pawnah kan kal ve tawh dawn!Chuan ka kal hmasak berna tur chu Bangkok lamah!
"A nuam e tiraw?Air hostess kan nih chhan chu a thleng ṭan tawh nia" a tih chuan kan nui ta hak hak,he hna kan thawh hnu reilote ah kan inkawm zui a,kan tihchak leh hna zawng zawngah he hna kher kan thawh chhan te kan sawi a,kan thawh duh chhan a lo inang reng a,kan inpawh zual sauh na chhan a ni bawk. Keimah ang tho a chhungte ngaihtuah ngai leh chawm ngai nei lo a ni a, kan inhriatchian hnuah phei chuan kan mizia leh kan ngainat zawng te thleng a lo inang a mahse mipa ah erawh kan duhzawng a hrang daih thung. Pooja chuan hmel hi a en ber a, mi pawh a duh awlsam reng bawk a;mahse, a duh awlsam ang bawk hian a ban hma leh bawk. Kei erawh mipa lamah hi chuan 'duh khirh uchuak' tih hian a sawifiah ber! Mizo hmeichhe dangte angin 'Ka chhungte zahthiam,zu leh zial zu lo' ka ti ve lo a, ka duh ber chu min ngaihtuah em em se,ka tan a nih dawn vangin ka chhungte ngaihdan chu ka dawn lem lo bawk. Ka bialpa tur chuan ka hun neih dan te hi min hrethiam em em se a nimai.
Bangkok lamah ni 3 chama kan kal dawn vangin thawmhnaw ka keng am deuh a,kan ṭhian dun chu kan kalna hmun tur inang lo mahse kan phur em em mai a ni. Bangkok lama kal tur zingah chuan Hriatpuii pawh a lo tel ve a,eng a mah hma chuan min melh rum em em ringawt.
"Nang tê hi Frenkie a nen khan inlo ni reng sia,kan sawi lai te khan ilo hre lo der vel a"Hriatpuii chuan a ti a,ngati nge maw FRENKIE nen chuan kan inngaizawng emaw an tih tlat le?He pa hian thu ni lo lo a lo theh darh a ni chiang lutuk.
"Ka sawi lo vangin ka hre lo der tihna a ni lo" tiin ka chhang ve nghal a,ani nen buaina neih tih vel hi ka peih lo!Abikin mipa chungchangah ngat phei chuan. "Huhh mi duh lai phakar zeta chhuhsak ching i nih loh hram ka beisei..mahni phu tawk te hi an awm ve a nia" mit meng kual ralh in a ti zui leh hram a,kei lah unau te zingah pawh thu hnuai rawlh duh ngai lo ni ta chu ka ngawi mai mai thei bik lo."Tu duh lai pawh lo ni se,ani duh lai ka nih chuan a tawk mai alawm..hrim hrimin kan chungchangah chuan eng nge ilo buai ve vak?"Ka ti let sak a,inngaizawng anga than chu a duh lo ber zing ami ka ni ang mahse ani lakah hi chuan a dan a dang tlat. Eng amah hmain min haw em em a,Frenkie a nen kan chungchang pawh amah rawn sawi chhuah hmasak a nia, dawt lo hrilh ve hlak chu a phu tawk chiah!
"Ig lamah i inlak changkan theih tehreng nen I va han ṭhing reuh tak,I hriatah chuan engmah sawi ngam pawh a ni lo a nih hi. Frenkie a pawh kan sawi i hriat velah i va be leh huam huam a nih kha" A ṭawng ri chu zawi viau mahse a aw aṭang chuan a thinrim leh hle tawh chu a chiang a, midang awm lo se la chuan min an khumin kut hial a thawh ka ring.
"Ṭhing min tih viau leh ig ah pawh chuan min en lo la a nimai alawm" tiin ka tho tharh a,toilet lam ka pan nghal zat. Mi hi ka tawngpawng huatin ka inhauhpui ve ngai lo;mahse,ṭhenkhat eng amah hma a min ngei em em te, min kher ngat ngat tute leh inhauhna tur zawng phet ho hi chu ka dim vak peih lo.
Bangkok International Airport(BKK)ah kan ṭum a, passenger ho leh tih ngai zawng zawng kan tih vek hnuah kan thawhna lamin a an rawn tirh cab in min rawn hmuak a,airport aṭanga hnai ber hotel ah kan thlen tlangpui ṭhin avangin Bangkok a ka thlenna tur pawh chu a hnai viau a, cab nen minute 10 kal chauh a ni. Hotel kan thleng a,ram dang tih takah ei leh in,inchei dan thleng a lo dang tawh a,ṭawng te pawh kan hre maksak tawh viau. Ka room tur chu a nuamin a thianghlim khawp a,khaw en lai a nih miau vangin khawpui mawina te chu ka la hmu thei lo hrim hrim bawk nen inbual turin bathroom ah ka lut zui a.
Zanah chuan kan kal dawn tih tumah inhre lawk bik lovin hotel lobby ah kan inhmu hlawm a, kan sawi takah chuan street food ei tura chhuah tum vek kan lo ni. Keimah bikah chuan Bangkok ka kal chak chhan ber pawh street food leh an island te vang hi a nia, ṭhiante leh kawppui te nen a kal nan paw'n duhthusam a ni.
Zanriah ei lova chhuak kan ni bawk nen eitur chu kan ei hnem khawp a, an eitur taste hi keini NE lam nen a inang deuh ka tia,tui ka ti reng bawk.Phai lam ho hi chuan chutiangin tui an ti lo.
"Zanina lo kal ve lo ho chu an chan nasa hle mai" Ritesh a'n a ti a,ani hi kan kalpui pilot te zing ami a ni. A felin kawm a nuam a, kan thawhpui Ritika nen kum tam an lo inzui ve tawh a,'tiam tlat e' an ti ṭep tawhin ka ring. "Ritika nen in inneih hunah hetiang hi eitur ah inchhawp ve dawn nia" Kan zinga hmeichhe pakhatin a lo fiam ve bawk a,midangin "eitur tui tawk in siam loh chuan kan rawn kal miah lovang" an ti thul,hlim em emin khawlai ah chuan kan nui leh rih. Ka ṭhian kawm te hi hnampui(vai)an ni tlangpui a,an inneihna pawh ka lo chhim ve fo tawh. Hnampui tih takah an inneih na a ropuiin hun a awh rei em em a,kâr 1 lawih te a ni ṭhin! Ei leh in tur duhthusam a tam a awm bawk a,'eitur vang chauhin ka kal' kan ti ṭhin a, fiamthu ni mahse dik tho bawk si a ni.
Eitur kan ei zawh ah thla te kan la leh a,kan mipa ho pawh a phur phur ah an ṭang a,kan hlim tlang viau.
"Naktuk chu bazar leh ila?" Hotel kan thleng a,kan floor pana elevator kan chuan laiin ka thawhpui te'n an rawt leh a,ka kalpui te ho hi keimah anga pawn nuam ti mi,thil la hriat ngai loh te hriat leh tem chhin chak vek an ni a,a nuam ka ti tak zet. Ka mizia leh awmdan nena inrem lo deuh ho chu ka kawm rei thei lo,a chhan chu awm duhdan ber a inang tlat lo.
"Rara naktuk chu aw" Room ka luh dawnah an rawn ti zui hram a,"Tehreng mai..muttui vek u" tiin room ah ka luhsan a,tikhan ka kal chak chhan 1 chu ka ti zo ta phawt.
Khumah muin kan kal dawn a sim min pek chu phone ah ka vua a,Pooja ka be hmasa ber bawk. Ani pawh keimah ang thoin a thlenna ram chu nuam a lo ti khawp a,chawlh kan neih velah kalpui ah min sawm leh hmanhmawh. Frenkie a'n ig aṭang min rawn bia a, whatsapp leh call aṭang min biak tlang theih lo thu a rawn sawi bawk a,Bangkok kan kal tur vel engmah ka hrilh lo tak e. Ani chu a sawi ang takin min bialnu ngaih hmiah tawh a, min biak dan te,min ngaihtuah dan te thleng chuan kawppui biakin a ni min biak. Keimah lam aṭang chuan cbutiang chu awm lo mahse 'ka duh lo' ka ti thei bik lo a,tun dinhmunah chuan a bialnu nih pawh ka duh chiah chuang lo. Ani'n hmaichhana kan inhmu leh hunah sawi a tum tho vangin ka nghak ru deuh a ni. Chumi hma chu ka hriatchian zawk nan ka bia a nih ber chu.
Keimah zawkin sim thar hmang chuan ka call a, a lo pick ran danah a awm awl lai a nih hmel. "Keimah Norah aw,vawiin khan Bangkok lamah kan kal a" ka ti nghal a, "Chuvang a nih chiah chu,a hrim hrimin mite pawh hrilh ve tur che nia"A ti nui nui a,a aw ah chuan min demna aw ri ka hre tel tlat bawk.
"Ka lo theihnghilh daih alawm,vawiin I inkhelh em?" Ka ti zui a, room parda te zar phuiin mu turin khum lam ka pan nghal a. "Khelh tih ah kan training leh a,kâr leh aṭang kan khelh ṭan leh ang..chuan engtikah maw ilo haw dawn?" Tiin min zawt zui a,hmun khatah kan awm lo chung pawh hian ka haw hun tur min zawt ziah te hian min ngai ve tak taka hriatna min neih tir a,dilchhut ni si lova ka chungchang min zawt thlip thlep ṭhin te hian eng emaw riau ah min inngaih tir bawk a, ka ngaihtuah hian a bulah awm hi a hahdamthlak dawn riau in ka hria a ni.
"Eng nge ka lo hawn ang che?" Rei ngial kan inbiak hnu chuan ka zawt a, sawi tur ka van deuh vang a ni pakhat. "Nangmah tawp kha a nimai,thil dang a ngai lo" A rawn tih chuan ka nui ringawt,amah ṭawngkam ni lo deuh hi a rawn chhak chhuak leh ṭhin a,mak ve thei a nia. "Sawi ṭha rawhhhhh"
"I duh duh min lo hawn dawn nia mahse lo haw vat vat rawh" A ti leh a, mipa naupang te pawh a ang alawm. Dar kar 1 dawn kan inbiak hnuah kan titawp a,min ngaih thu sawi lo mahse min ngai ve reng tih chu ka hre ve kar.
A tuk lamah chuan sawi lawk ang ngeiin ṭhiante nen kan bazar a,lei tur hre lo tih pawh hian vah tam chuan lei tur hi a lo awm ve zel a, kan haw meuh chuan kan bawr tawh hle. Naktipah kan let leh tawh dawn avangin a tuk lamah chhuahna tur an zawng leh chuk chuk a,island a kal kan tum zet a mahse ni 1 chauh a nih tawh vangin kal a rem chiah lo a, hmun ṭhenkhat khualzin te kal tamna hmun tlawh turin kan rawt ta tawp bawk.
Mumbai lamah kan let a,thu thar a awm leh hma chu ram pawn lamah kan la kal char char dawn a, chawlh te pawh kan nei rei deuh turah ka ngai. Hun a kal ve bek bek a,keini flight attendant te tan chuan nitin hi a ngai emaw tih mai tur a ni. Kan hun tam zawk chu thlawhna leh ram pawnah kan khawhral a, a chhan pawh kan hna ber a ni miau. Frenkie a nen paw'n ṭha takin kan inbia a,sawi leh sawi hnu ani chuan min ngaihtuah tih a thup ngai lo a,ka ṭhat leh ṭhat loh te pawh kan inbiak apiangin min zawt ṭhin. Tournament an khelh ṭan tawh a,Frenkie a leh a pawlte pawh an che ṭha thei khawp mai. Kan inbiak hian a inkhelh en ve turin min sawm ṭhin a, hna vangin ka la en thei lo bawk. A hnenah pawh sawi chuang lovin final an luh chuan en ve ngei ka tum ru hle a, ka duh thu a inkhelh ka en vawi khatna hial a ni ta ve ang.
Kan inbiak zel takah chuan mipa dangte laka a danglam bikzia ka hre chho zel a, Mizo chauh ni lo phai lam mite thleng ngaihsan ni si hi a inngaitlawm em em a,amah indah chungnung turin mipa dang chanchin ka bulah a sawi ngai hek lo. Thil ti dawn se ka ngaihdan min zawt hmasa thlap ṭhin a, hetiang thil hi ho deuh anga lang siin hmeichhe tana nuam leh eng emaw riau ah inngaih tir thei thil a ni ve tlat a, ka lawm tawk a tling em em zel.
*Final kan lut ve hlauh a,min rawn telpui thei la ka ti viau na chu India ah I awm leh awm si lo va* Frenkie a message chu chhiarin ka nui suk,tunlai chu kan thlawk chhuak zing ve bawk em a ni.
*Rawn telpui che chu ka duh a mahse kan chawlh lai a ni lo a,ka tel ve angah min lo ngai mai rawh*tiin emoji nuih tlawn lai chu ka thawn tel a, a lo seen rang khawp mai. Reilote ah call a rawn lut zui a, ka nui ta nghek.
"Min nuih vel em ni a?" A rawn ti nghal zat a,thinrima sawi a ni lo tih ka chian em vangin ka la nui ta tho. "I sual hle mai!I induh bawk si!Ka inkhelh pawh ilo en duh lo a" A ti zui a, kei erawh ka telpui ve theih a nih chuan a nawm dan tur ka lo ngaihtuah daih thung.
"A rang lamin inhmu ila a ṭha ang,ka thil hrilh tur che pawh kha hrilh che ka chak tawh a nia" Phur hmel em emin a ti a,a thumin hrilh tur chu ka hriat lawk vang nge ka lai vel ngei a nih chu. "Nipui chawlh hmangin kan zin dawn mi niang?" Engmah ka sawi ve hmain a rawn ti leh a,inngaihzawnna mumal pawh awm hma a chawlh hman dun maw?
"Chawlh chu kan nei ve dawn em tih pawh la chiang lo"Ka ti zuai raih a,chawlh hman dun loh chu ka hlau deuh emaw ni?"Inhmu hun chu a awm turah ngai ila,I mut a chhuak tawh em?"A ti zui zat a,'chhuak'tih dawn lahin ka la be duh bawk si,'chhuak lo' tih dawn lahin inbiak ka la duh tih a man thiam ka hlau bawk si,a zawhna pawh chhang lo chuan thil dang ka sawi ta daih a, a nui ri suk pawh ka hre thei. Final an khelh hun leh hmun tur te ka zawt a,Singapore kan kal ni tur a ni nghe nghe.
Chawlh dil ka tum avangin kan kal ni kâr 1 vel la awmah chuan chawlh chu ka dil a, awlsam takin min lo phalsak ve mai bawk. Tichuan Mumbai aṭang Kolkata flight ticket ka book a, ka kal chhan tur hi Pooja takngial pawh ka hrilh lo. Kolkata ka thlen hnuah pawh Frenkie chu engmah ka hrilh chuang lo a, anni erawh kâr 2 dawn an lo cham tawh thung a, zep lo chuan hmu vat vat ka chak. An inkhelhna hmun tur hnaih hotel ah ka thleng a,naktuk hi an inkhelh ni tur chu a ni tawh bawk. Stadium hnaih a nih vangin keimah anga inkhelh en tuma lo zin mikhual tam tak hotel ah hian an thleng a, room pawh a full vek. Ka vannei a siamin ka kal ni ah midang an lo chhuak chiah a, ka chang ve hlauh a ni.
A tuk zingah chuan khum aṭang tho lawk lovin phone ka khawih a,Frenkie a message ka hmu chuan lawm lovin ka khi vur vur thei hial.*Tluang takin I kal leh dawn nia,rawn haw vat la* ti te hi a lo hnutchhiah a, Singapore ah ka kal emaw a ti tih lah a chiang reng. Chhang tawh lem lovin phone charge in khum ka thawhsan a, ka inbual zawh ah ka breakfast chah te ka ei leh a,ei duh tih takah ka ei leh ṭeuh mai.
Dar 11 ah stadium gate hawn a nih vangin dar 10 velah ka insiam a,hmu hahdamthlak thei ang berin ka inchei a,bag akin sunglass ka vuah a,stadium ka thlen chuan mi pawh an lo tam tawh khawp mai. Gate duty te'n min check zawh ah ka ṭhutna tur vel min hrilh a,ka seng tam ve deuh bawk nen ka ṭhutna pawh a fuh viau. Inkhelh hma aṭangin fans te inkarah boruak a sang nghal em em a, thawm pawh a ṭha khawp mai. Stadium chung sang lama screen ah chuan player te thlalak leh an club hming vel te ziakin an rawn tilang zel a,Frenkie a an rawn tihlan ve chuan rang fahranin thla ka lo la a,a hmel chu a thu tak phian lehnghal. Reilote ah player ho an rawn chhuak a,ka ṭhutna aṭang chuan an lang chiang ngang mai. Fans te au thawmin stadium a luah a,ka bula ṭhu te thawmah ka beng a nâ vek thei! Player te din tlar vek hnuah hnam hla kan vaiin kan sa leh te te a,ding khawng reng chung chuan Frenkie a chu mit a len nasa khawp a,min en ve ngei a,min hmu awm pawh ka hre lo. Chutah rang tawkin min rawn en ṭha leh a, a awih lo lutuk nge hla pawh a sa tawh lo reng reng. Mit tizim sunin min rawn a,hla kan sa tawp tawh tho tiin ka dinna aṭang ban ka vai a, keimah ka ni tih a chian hnu chuan mawi em em in min rawn nuih a, nuam ka lo ti veng veng thei.
Final inkhelh tih takah an tumpui Jamshedpur Fc pawh an thiam khawp mai a, nawr hleih theih pawh an ni lo. Player tam tak zingah chuan ka mit chu Frenkie ah hlir a awm a,a chevel engkim chu ka chhinchhiah vek a ni ber. Midang nen ball inchuh a an innek vel lai te,rilru pe zet a ball a khalh lai te chu ka thlir ngawih ngawih hi a ni tawp.
A khawi lam ve ve pawh chu goal an khung hleih thei lo va,first half chu goal khung awm miah lovin a zo der. Tui te in in reilote an chawlh a,Frenkie a pawh thlan hluamin min rawn melh zeuh zeuh reng bawk. Second half aṭang chuan Frenkie a chu theitawp tak meuh meuh a chhuah a,a taima bawk a,a chaihtu ang nal nal a ni.
Ball a in pek kual hrep hnuah pawh goal an la khung thei lo ve ve a,hun lah chu a kal ve zel bawk sia,an chak lo ang tih mawlh chu ka lo hlau. Ṭan a nâ bawk si,tih theih vak nei lovin ṭhut hmunah chuan ka ding uaih uaih reng mai a ni.
"Goal!!!"tih leh zuan ka rual a,Blasters fans ho chu lawm lo kan awmin ka ring lo. Frenkie che tla vel en reng chung chuan ka zuang turh turh a ni ber. Chutah ka ṭhutna lamah rawn tlanin field daidanna bang kawng chen vel chu rawn zuan kanin min rawn kuah chawt a, ka meng kawk ringawt. Mi zawng zawng mit leh camera chu keimahni ah a fu ṭhup tawh a, ka zak lutuk awm ngaihna hre lo chu Frenkie a nakah hmer vakin mit ka chhing ta ringawt.
"Goal I khung zawh ah thil thleng khan mitin min barakhaih a, a chiang zawkin min hrilh thei ang em?" Interview tunu in a zawh chuan nui sukin min rawn melh a,ka lo lai leh em em mai a ni.
"Tunah rih chuan ka 'vanneihna' ti phawt ila,a bak chu 'processing' a ni rih e" Tiin a zawhna chu a chhang a, a thusawi vang chuan ka taksa chhung lam hi engtin emaw ni hian a awm,a za chuai chuai a,ka ṭek chhawk chhawk maiin ka hria.
"Frenkie a kan lawmpui che a,I 'vanneihna' nen I vannei zual zel kan beisei bawk a,I kal zelna turah duhsakna sang ber kan hlan che aw" tiin interview an ti tawp a,a ṭhiante pawh ngaihsak tawh lovin ka lam panin a rawn kal nghal zat.
"Singapore chu nuam I ti em?" Ka dara min rawn kuah pahin a ti a, a fiamthu tih hre tho mah ila a nakah ka piai ta vak. "I ning tawh em?"A tih chuan rang zetin lu ka lo thing a, nui hakin a chalin ka beng a rawn tauh a, nâ phei chu ni lo.
Spelling mistake ka check hman lo a,min lo hrethiam mai r'u Ads click mawlh kha aw