DOCTOR FANU CHAPTER-7

[Judy chhakchhuak]

Chapter-7

MELLANIE LIANSANGZUALI POV

"Ka duhlo e a,kapa in min manchhuak anga sin" ka ti deuh hlar a.Ruatdika lah chuan ati ṭalh mai sia, "pawisa kan pe dâwn che alâwm,hei zanin ah Liana birthday na a in tur kan neilo,a tawp nan tak tak" ati deuh ṭalh a.Kapa damdawi corex ru chhuak turin min ti a,a chhan pawh zu tunlai ah an khap nasa sia,an lei ngam biklo aniang.





"Damdawi ruih phei chu a ṭhalo teh mai ania,zu pawh tih tawh nak laiin in â vek mai ang," ka tih pawh chuan ka kutah a vuan tlat a.Liana a tel velo hlauh chu ka lawm, "a nih a tawp nan tak tak aw,chuan engmah in rui tawhlo ang tih min tiam phawt ula" ka tih chuan an aw rang khawp mai.





Kapa hlau ve viau mah ila ka khawngaih ve tho bawk sia, "zanah kalo keng ang" ka tih takah chuan nui deuh vur vur in an inkhalh chhuak nghal. "Nu ka ṭhian te khan Liana birthday na a kal tûrin minlo sawm a,zanin ah an lawm dâwn a ka kal ve dâwn ania," ka tih chuan alo phal ve mai a.





"Khawnge kapa hi" hawikual thuak thuak paha ka tih chuan "damlo kan in an kal,pu Paul'a nen" a ti ve mai a.Tun hi damdawi lak rûk hun remchang tak ani, polythene dum keng in ka faifuk rat rat a.Dispensary ah chuan lutin kapa corex dahna pawh chu ka hmu nghal,a hriat loh nan a hnunglam pang ami pathum vel lai chu kala a.





Damdawi ka rem fel leh hnuah dispensary aṭang ka chhuak vat, dispensary aṭanga ka chhuak chiah chu kapa nen kanla intawk leh ta nghal a. "Eng nge itih a," tih pahin min melh run run a,min ringhlel amawni.





"Engmah,kawngka hi alo in hâwng zau sia ka kalh ṭha," tih pahin ka hnunglam ah polythene chu ka thukru ṭat ṭat a. "I nu a awm em," tih paha inchhung alut ta daih chu lawm tak kani,ka thil khai chu inchhung lamah ka luhpui vat a,ka khum hnuiah ka dah nghal.





Zan lamah Liana birthday kan lawm dâwn sia,a thil pek tur engmah ka nei miahlo,taka ka u ka hrechhuak zawk.Ahma in ka kawr lei thar a bialnu birthday Gift ah alo pe daih a,ka rul let ve dâwn khawp,kapa in kawr thar a leisak chu hrechhuak zawk in ka u room lamah ka phei a.





Ka u erawh a ṭhianpa in alo sawm avâng in an chhuak daih,a thawmhnaw chu a awm hnawk deuh nuai a.A t-shirt thar la in pack ṭha thlap chu la in ka chhuak nghal,ka thil rûk khawm ho chu hmun khatah polythene ah ka dahkhawm a,kapa damdawi kala chu nuam ka ti chiah lo,mahse kalo intiam ve laklawh tawh sia ka u t-shirt ka la erawh pawi ka tilo nasa,a ha duh chuanglo a.






Ka phone alo rik deuh ral ral chuan la vatin caller id ka en a,Liana alo ni. "Aw hello" zawi deuh sap a ka tih chuan "lo phei rawh,hetah eirawng bâwl tur kan inah chaw ei tur" ati deuh phawng a, "deuh thut a che tûnah chaw ei nghal tur ami" ka tih chuan "aih" alo tivat a.





"Kan inah eirawng bâwl a ngai," atih hnuah call chu a ri zui sat sat a, "Liani lo keng rawh aw,i hmelṭhat em kha" Ruatdik'an zawi te a atih chuan ka nui ve tawp.





"Pa Liana te inah chaw ei tûrin minlo sâwm a,ka kal dawn ania a birthday ania eirawng bâwl pui a ngai dawn a" ka tih chuan "lo haw har lo la," ati vat a.Nula ka ni ve tawh a,ka duh na velah chuan min khuahkhirh lutuk tawhlo.





Ka thil ken ho chu bag ah ka khung khawm leh a,ka insiam hnuah ka chhuak vat. "Ngatinge bag ken a ngai amawni,a hlat loh vei nen a" kapa in atih chuan ka thin a phu dut dut,ka lamah alo phei bawk sia. "Aw pa ka inla chhelo ve duh a,ka kal dawn ania ka ṭhian ten minlo nghak reng" tih pahin hmanhmawh deuhin ka chhuak a.






Liana te in ka thlen chuan Pari te pawh anlo awm vek tawh,min hmuh rualin anlo nuisâng hlawm a.Nuchhim'in tomato alo chan mawlh mawlh mai,Nuchhimi pawh naktuk zanah palai an kal dawn a,a awm hle hle thei tawhlo.






"Khawnge inu te Liana an vân reh," ka tih chuan "kapi an lenchhuah pui,ka u te nupa Vani te in lamah chaw an ei dawn" alo ti zung zung a. "Ruatdik kha kapa in min man ṭep ṭep zel,a hmasa ber leh a tawp na ber ni rawh se" melh deuh rawm rawm paha tiin damdawi chu ka pe a.






"Liana kha i birthday Gift," tih paha t-shirt ka pêk chuan alo ban ve mai a. "Va ha chhin teh,i ha tawk em" tih paha room lama ka nem phei chuan a kal ve mai a,rei vaklo hnuah "Liani lo kal teh," Lian'an atih chuan a room chu kava bih dek dek a.





Ka kutah lo vuan in min pawt lut vat a, "ka nalh em" tih pahin bangah min nem deuh rûn a,ka sa hat hat thei. "Aw i inhmeh em kha," tih pahin ka melh chho zeuh a minlo melh ve reng chu niin, "Liana i kut hi ngatinge ka mawng ah a awm a,ka mawng i ṭham" ka tih chuan a nui suk a. "Tihpalh anih kha," ati thawp sup.





"Ala awm reng tho ania," melh deuh ram ram paha ka tih chuan "kala tihpalh char char," ati leh sup ava han nghal tak, "i nghal emai aw," ka tih chuan ka inrin loh laiin min pawm deuh thut a.Pawn lamah minla chhuah pui zui, "Liana min dahthla teh,i mawl emai" ka ti deuh chûl a,kan ṭhian te lah chuan thla te anlo la la mai mai zui a.





"Awi Liana nghal dan hi a diklo," min dahthlak hnuah kati sep a,ka mittui atla phung thei.Eirawng hmeichhe ho in kan bâwl a,mipa ho in games an khel thung, "naute hi thla a tling tawh em," ka tih chuan a pum a en ve zeuh a, "tling lo deuh kar thum na chiah ala ni," atih chuan kabu nghat a.





"Tun semester tal hi chu zo law law la kati,kalo ui pui che e...naute ala lian dawn chuanglo a," ka tih chuan "nia tiro mahse pasal neih tawh dawn chuan a rem teh ṭeuh lo em a," ati a a dik ve tho, "nau ipai tih i hre har nge, scooty te kha i chuan pui nasa sia naute tân a hlauhawm asin aw ala te sia," ka tih leh chuan "ka hre hleinem,apawi ami scooty chuan pui" ati hau mai.






"Aw naute kha thisen hlawm chiah ala ni dâwn a,two wheel a chuan pui vak vak chuan i chhiat thei alawm,a len hunah chuan a pawi chuanglo a" ka tih chuan abu nghat nghat a. "Ka chuan pui tawh miahlo ang," ati ve sep.





"Ka ril avan ṭam reuh tak,chaw ala hmin bawk siloa ka chhuang chauh bawk sia," tih pahin ka ṭhu zawi nguai a. "Kanu leh pate thil siam i ei duh em," Lian'an ka bula lo phei paha atih chuan "eng nge an siam a" kalo tivat a, "keimah" tih paha ka bula alo ṭhut ve chuan ka melh ram ram,nichin aṭang khan ala nghal char char.





"Awi...Liana rilṭam nen,i vân sual mai mai tak" kalo ti hluai a.Chaw chiah kan nghah tawh avang in chhuatah midang ho in games an khel a,Nuchhimi leh Pari te pawh an ṭang khawp mai.





"Tak tak in i ril chu aṭam viau ami," tih pahin ka bulah leng leh leng lo in alo in thawlh a, "ṭam lo ila ka sawi dawn ami" ka ti deuh hlar mai, "i pum chhûngah hian lo ei ve zel tu an awm anilo maw" tih pahin ka pum te chu a khawih vel a.





"Awm mai mai lo,engmah ka pailo" vin deuh taka ka tih leh chuan "i ril tal ipai ang chu," ala ti deuh hram a ka pet thla pawp dâwn amawni, "chaw ei hma a i ei chuan chaw i ei theilo ting tang ang," tih pahin a lamah min pawt a.





"Tinge ilo ṭhut ve ringawt a,ṭhut na dang atam nen" ka ti zo deuh chiah tih ah ka hmuiah alo fawp thut a,reilo mahse mak ti zetin ka en reng.Min fawh vang nge ka thin te chu a phut dan a rang leh zual in ka hria.





"Ka bialnu ini tawh tihna anih kha aw,hmuiah ngei an infawh tawh chuan an in bialnu bialpa lo thei tawhlo ania,hmuia fawh tawh hnu a in ngaihzawn loh chuan an thak vak ṭhin ania,midang i fawh phei chuan i bâwl chhuak vek mai ang" Lian'an atih chuan awilo zetin ka melh a.





"I awilo emni," ka beng bula alo tih deuh sup chuan kabu nghat, "kan khua ami pakhat pawh mipa pakhat in a fawp a,a hmeichhia khan a ngaizawng let ve duh siloa a taksa a vual chhuak vek ania" atih chuan "tak tak maw!" Kalo ti haw a.





"I awi loh chuan chumi te chu kava hmuh pui ang che,tûnah phei chuan fa pathum lai an nei tawh" atih chuan "a ngai kherlo," kalo tivat a.Ahma ka bialpa hmasa ber leh a tawp na ber pa nên khân vawikhat mah kan infawp lo,a chhan pawh online aṭang a inchhar kan nia a takah inhmuh na hun a nei hman ngailo a,khati chung khan ka chhungten an hre tho ania.





Chaw kan ei chuan ka ei hnem khawp mai, "thawmhnaw an sale na ka hria ania," Lian'an chaw ei laia atih chuan "khawiah" Par'in alo tivat a. "Ka roomah ka thawmhnaw ho saw sawm nga vek in ka discount,Liani tan sawmhnih in" a mitko san ak paha atih chuan ka nui ringawt tawh.






Vawiin chu a birthday anih vang nge a nghal riau mai a,nghal viau e tilo chuan mi ati hlim tho bawk sia.Thleng sil zawh ah pawh chuan kanla awm ta reng a,Liana pite lah Vani te inah chaw anlo ei ve vek chu niin, Ruatdika leh Jimmy-a chuan kapa damdawi ka ken sak chu an in an in tawh,a tui amawni.





"Atui ami,in vân thei" ka tih chuan bur pakhat zawk hi minlo pe a. "In ve chhin rawh," Jimmy-an atih chuan Lian'an alo la vat, "in in duh anih pawn Liani in sâwm tel ve kher a ngailo," ati chang bawl a,a thinrim daih amawni.





"LalRuatdik ka buaipui peih miahlo che u ania," Par'in ati deuh khâr khâr a,ahma rui deuha anlo len zan aṭang khan kan in ah anlo leng lut ta fo a.Kanu leh pa te nên pawh an innel tawh khawp mai,ka u Zonuna pawh naktuk ah alo kan awmna hmun alo thleng tawh dawn a,ka phur tawh lutuk.





Damdawi Ruatdik'a teh min lâk tîr chungchang kha Lian'an alo hriatpui lo chu niin,khata ṭang khan a lungawi vak tawhlo hrim hrim in ka hria. "Kei chu haw mai ka duh tawh," tih pahin ka ding vat a.





"Kalo thlah ang che," Lian'an alo tivat,Pari te erawh haw anla tumlo anih hmel.Liana nen ke in kan inzui phei a,bike a chuan ka peihlo vang ani bakah a hla over chuanglo a.





"Liani ramhuai i ngaithla duh em" Lian'an alo ti sup a, "duh mai mai lo,a thim si zanah keimah in kanu ṭhin sia,ka dawi em hi" ka ti nghal vat a. "Tun semester zawh ah hian eng nge tih itum," thu tak deuha alo tih takah chuan ka ding dat a.





"Ka hrelo le,mahse tunlai chu Bible zir ka rilru ah a lang nasa lutuk a,han ti zo phawt ila Pathian in ka tan kawng a ruat zel mai aniang chu,nang zawk tum te inei em" ka tih chuan ka darah min kuah a,dar a inkuah hi chu kan ti ṭhang bawk a engah mah ka ngai lemlo.





"Tun semester zawh ah Pawl ka zui ang," atih chuan hrethiam lo zetin ka en a. "Eng pâwl maw," ka ti hu mai, "hel pawl" ati chiah chu ka chêk tlak tlak a. "Over thei emai,engmah i sawi ṭha duh ngailo" lungawi vaklo a ka tih chuan ka biangah alo piai zeuh a.





"I sawi ang khân,ka kawng tur chu a in ruat ve mai ang,kanla zo har dawn emai kan fail nge kan pass dâwn tih a hriat loh hi lehkha zir ngailo tan chuan pass a har si," ati ve duah a.





"Ka lut mai dâwn asin,lo leng la i duh em" kan in bula thingkung hnuaiah chuan kan ding deuh vang vang a, "lut tawhlo mai ang minlo kuah phawt la," tih paha akut alo phar chhuah chuan ka kuah ve mai a.A rim chu a tui zêk leh nghal a,nghet zetin min kuah a,a sang sia ka dah na lamah ka nghawng a kham hman vek.





"Va lût rawh,naktukah kalo sawm ang che" atih chuan nui vur vur in inchhung ah ka lut a, ka chhûngte chuan inlêng an lo nei.





Roomah lut tlang in ka inti fai nghal sawk sawk a,mut ka tum chiah tih ah kawngka ka u in arawn hâwn deuh pawp chuan ka lo hawi phâwk hra mai. "Khawnge ka t-shirt thar kha Liani" ati nghut a, "Liana birthday ania vawiin ka pe daih,i ha duh chuang hleinem ahma in nangpawh ka kawr i bialnu ipek daih kha,kan in rul tawk chiah alawm.





"Liana chu ka kawr a hak chhuah hun hmasa berah ka chhaih ang," atih chuan ka lo mengphawk khawp mai, "ti miah suh aw,itih vaih naktuk ah uZonuna alo haw dawn a,engmah pe ve suh ka ti dâwn," ka ti chuan a hlauh loh hmel bawk sia.






Inlêng kan nei bawk nen thawm rin lutuk ka hlau bawk si,mahse ka u chu a thinrim lo nge a thinrim ngamlo zâwk ka hrelo.





Inlêng haw hnu ah daih ka chhuak a,kan inlêng te lah chu kan kohhran Upa te ho an nia. "Liani ruihhlo ngaite tan camping an buatsaih dâwn a,in unau in lut ve ula aṭha ang" kapa in atih chuan ka tui inlai ka phuh chhuak lo chauh.





"Ruihhlo ti pawh ka nih loh hi pa,ngatan nge ka duhlo e a a zahthlâk,miin min ngai khawlo vek anga sin,duh leh ka inkhawm ve ziah zâwk dâwn nia" lung ni lo fe in kati a.





"Ruihhlo ti ho chiah ani hleinem,a duh duh tan a theih alawm kha ipu Chhuana te khan alo sawi a,a ṭha dâwn viau mai kar thar Nilai aṭang an ṭan dâwn a,Aizawl aṭang team anlo kal dawn anih hmel a" kapa bawkin ati leh a.






"Camp a luh kher chu ka duhlo,inkhawm chu ka inkhawm char char dawn nia," ka tih chuan "ni e,camp a luh kher a ngai hleinem," kanu in alo tivat a,kapa pawn engmah an sawi zui tawh biklo.





Ka chhûngte hi chu an tive deuh mah mah,engkim ah min ring leh lutuk a,thing phurh ngai se nang va kal rawh min tia,gas lâk ngai se nang va kal rawh anti leh a.Heta kan awm hnuah pawh vawihnih lai gas la tûrin ka kal tawh,ka chak tih vâng maia,camp awm se tûnah lah khan nangni lut rawh u anti leh a,ka u nen hi chuan min hmu sual mah mah in ka hria,nula tlangval te kan ni tawh a tleirawl pawh kan ni tawhlo.





Roomah lutin kan ṭhian ho group ah thil ho deuh deuh kan sawi a,camp awm tur chungchang ka sawi chuan Lian'an alo hre der tawh chu niin.





Naktuk lamah class kal a ngai leh dâwn sia rei erawh men ka tumlo,ka phone ah zai play in ka mit ka chhing a,ka mit ka chhing rual in Aizawl lama ka room ka mitthla ah arawn lang tlat pek a ka ngai ve deuh nge,aizawl a ka awm lai kha chuan lunglen tih vel hi ka hriat loh nen tilam a ka awm aṭang hian lung aleng riau zêl a,a reh lutuk vang te pawh aniang Thingmawi khua hian lunglen a chhawm ka ti mai.