Chapter - 11
Thinphu dup dup chung chuan Nick min fawh hun chu nghakin mit ka chhing ta tlat a.Muang chang a ka hmui a rawn tawh rual chuan"Nangni pahnih kha hetah enge in la tih?" Librarian pakhat in khuh kharh kharh chunga a rawn tih rual chuan rang zet hian Nick chu ka nam sawn nghal dawrh a.Kan phu dun chiang kher mai!Nick pawh chu a zak ve deuh emaw ni a tukhum chu tuai deuh puatin a thaw deuh hak a.Kei phei chu zah luatah ka khu ral lo chauh a ni!
"Ih...Teacher in lehkhabu thenkhat min lak tir a" ka sawi zawh rual chuan ka zak lutuk chu ka kal chhuak nghal dawr dawr a.
"Librarian khan a hau che em?Enge a sawi?A thinrim viau lo maw?" Nick lo chhuah rual chuan amah ngaihtuah ru deuh chung hian ka lo ti nghal zung zung a.Lehkhabu kha kan ti tla darh nasa sia,a thinrim viau ka ring!
"Naupang dil chhut lutuk"Ka din hnaih em avang in a kut zung chal chuan min kawk sawn deuh kher a.A awm dan chu ei lo zet chuan ka lo meng kual ralh a.Ani lah chuan min ngai pawimawh lo tih hriat deuh hian min la kalsan hmak zui!
"Lucy zanin chu festival tawp zan a ni tawh a,kan va intihlim ve dawn em niang"John chu nui sang hian ka bulah chuan a rawn thu a.Ka ep chiah a thu Nick chu ka va melh zeuh a a lehkhabu chhiar laiah chuan a rilru a pek hmel tak zet!Kan awm ve a ni tih hre lo ang mai chuan a chhiar chhunzawm mawlh mawlh a.
"Nick I lokal ve duh em?Eagan leh Oliver te an awm chuang lo a,I lokal ve duh chuan.." ka aw chu thian kharh kharh in ka va ti dek dek a"Duh lo" lo hawi chhuak chuang mang lo hian a rawn ti vei hmak a.Ka ngei ru kher mai!Hepa han induh kual vel zia hi chuh!
"I in peih tawh em?" John chu chhe lo deuh a inchei in ka room kawngka bulah chuan a lo ding vang tawh a."A van inpeih hma bik em em,a hmanhmawh thlak loh te kha a ti ve sia" ti sep in John nen chuan kan in zui chhuak ta a.Min rawn sawm hman hmawh lutuk a ka hmai tak ngial pawh ka chei zo hman lo!In nghah tir reng kha a nuam bik bawk silo a,a chhelo bik ropui si min ti confee lo zo vek!
John nen chuan kawn cheimawi vel chu fangin hlim deuh hian kan ti ti dun melh melh a."Mipui zik bengchhen na hmun hi I ngaina vak lo in ka hria a,hreawm I ti em?"John banah chuan ka vuan bet tai a."Nang nen chuan khawi hmun pawh hi a nuam vek" ka mit ah tak min en chung chuan a rawn ti ril ruih a.Chutiang thu hriat nuam deuh a rawn sawi chhuah takah chuan lai zet hian ka thaw halh a.Hepa zei reuh zia hi!
"Tah hian min lo nghak la,thil eng emaw ka va lei lawk ange"A kalsawn lai chu ka en vang vang a,a hnung lam lan dan atang te sawn eng vanga Nick ang tlata hriat na nei leh thin nge maw ka nih le?He misual pa hi tinge ka ngaihtuah ah a cham zui reng,ka duh tihna em ni?A teuh lo mai,a ni kher kha chu ka duh tur a ni lo!
" Hey Lucy,Enge I ngaihtuah tak vung vung a?"John in min biak rual chuan harh chhuak deuh zawk in "Engmah nilo e,enge I va lei tak?I duh zawng te I hmu em?" Nui sang hian ka ti ta daih a.
"Ta-Da...Hei I ta tur!I duh zawng a ni em?" Teddy bear lian leh cute deuh ka hmuh rual chuan ka pawm nghal chawt a.A va duhawm tak!Hlim zet hian "Ni tehreng mai,tihian zantin ka mutpui tawh ang" Teddy bear lu ah chuan ka chul heuh heuh a."Chutia zantin I mutpui thin dawn tih hria ila chuan ka lem lian pui lo pek zawk tur che hi nia" a kut kuang kuah than chung in titau aw deuh hian a ti bai bai a.Tunah tak hi chuan he teddy bear ai mah in amah hi a cute daih zawk!Hlim zet hian ka nuih sang a.
Chutia ka nuih sang lai chuan "Hey Lucy" rawn ti thum sup in ka kawngah chuan a ruan vuan nghal chat a.Midang an tam ve bawk nen lai zet hian "John,in lamah let tawh zawk ila" tih leh a mi kuah na atanga tal pit chu ka rual a.Kal mai tum a ka inher rualin John chuan ka ban ah chuan rawn vuan vatin hnunglam atang chuan min rawn kuah a.Ka hmai zawn ah chuan couple keychain vawkte lem cute zet hi rawn khai chhuakin "Pakhat zawk hi I ta tur a nia,ti bo miah suh ang che!I thinlung a ka cham ve chhung chu he thil hi i kawl tha reng dawn nia...Engtik ni ah emaw kei lo mipa dang duh zawk I lo nei anih chuan I paih bo mai dawn nia" A thusawi mal tin chuan min fan nghal rawih rawih mai!Ka thin phu te chu rawn rang nghal zaih zaih in ka hmai te chu a rawn sa nghal hat hat a.Chutiang khawp a thu ngaihthlak nuam chu ka beng hian a la dawng ngai hauh lo,eng tiang chiah in nge a thusawi mal tin te khan keimah ah effect a neih a hre awm der silo!
Zawi muangin a lam hawi chuan ka inher a.Mipa pian thiam leh sang tak anih avangin a mitah tak chuan ka melh chho kar a,a ni pawh chuan mitmeng de sar hian min melh let ve reng a.Chutia kan in melh dun reng lai chuan van sang lamah fire work mawi zet te chu an rawn de nghal chuai chuai a.Chutah a vawikhat nan John nghawng ah chuan vuan in ka fawp hmasa ta a.A ni pawh chuan min lo kuah let vatin ka fawh na chu a rawn chhang let ve thuai a.Khawi atangin nge hetiang ti tur a huaisen na ka neih pawh hi ka hre lo,mahse ka hlim a ni!
"Lucy" kan bul mai a mipa ding ka hmuh rual chuan ka phu chiang kher mai!"Nick eng thil atthlak nge maw I tih le?"a tih leh takah phei chuan ka bo tulh tulh mai!
"Nick nangmah maw?Eng vanga he thil hi ti nge I nih?" ka ti zawi sap a.Nick thil tih chu ngeiawm viau mahse amah ani tih ka hriat rual chuan ka lawm ru phian lawi si!
"Nang han chhaih kual vel tur che hian chhan ka neih kher angai em ni?Nichin a ka thil sawi te kha I lo ngai thu tak vel ange...I duh chuan ka thil pek che kha I paih bo thei ang" a mit chu rawn siai zeuh in a kal ta daih a."Nang misual pa,I ti deuh mah mah a ni" rilru na zet chuan ka tap chhuak ta hawm hawm a.
"Ka tih palh John?" Inthiam lo deuh chuan ka ti ta ngawt a."Eng vanga I tih palh thu hi sawi reng thin nge I nih?Keimah zawk hi alawm ngaihdam dil tur che chu" nui sanga a tih chuan a ngaihna hre lo deuh hian ka en hu a."Lucy lui a I tlak thu I sawi a nagmah chhan chhuak tu che kha ka ni hleinem" a tih rual chuan "Kha mi ni lui a I tlak tum a rawn chhan chhuak tu che kha ka ni asin,chuan min date duh tawh angem" tia Nick thusawi chu ka ngaihtuah chhuak nghal uar uar a."Dawt hmanga in ngaihzawn reng ai chuan inthen mai ang,kei aia mipa tha zawk hi I phu a ni"ka biang a mittui tla chu rawn hru in nuisang hian ka hnungah chuan a rawn beng thek thek a.
Rilru buai zet hian inlam pan chuan ka kal chhet chhet a.Nick khan thudik a sawi anih si chuan min date chu a duh tak tak tihna em ni?Thil chi hrang hrang ka ngaihtuah kual lai in ka bul mai a ui bauh ri ka hriat rual chuan ka au nghal that a."Cat nang maw?"Eagan ui chu ka hma ah chuan ding in bawm cute deuh mai hi a lo pu va va a."Nang uite sual eng thil nge I seh hi" tia ka lak sak chuan "Dear Lucy I tan..From nangmah hmangaihtu che" tih thu hi mawi deuh hian a lo in ziak kulh a.Mak ti zet chuan bawm chu ka hawng nghal thuai a.A chhungah chuan bazar a kan chhuah tum a ka thi awh deuh mai kha a lo awm khiau a."Nick" ti chhuak sep in in lam pan chuan ka tlan haw nghal vat a.
Pawn a Nick lo ding ka hmuh rual chuan muang chang leh huphurh ru zet hian ka va pan hnai zel a.Mahse a kiang mai a Ruby lo ding ka hmuh ve takah chuan ka ding ta chawt a.
"Nick hun rei tak chhung chu ka lo duh tawh che a khawngaihin ka hmangaihna hi I chhang let ve thei tawh mai lo em ni?"Ruby chuan in thlahrun hmel deuh hian a ti lawt rut a."A tha lawm in date ila..."Nick in a tih rual in Ruby chuan hlim zet hian a kuah nghal chung chung a."Nick ka hmangaih che asin" ti ve sep in ka mittui chu dan rual loh in a rawn sur nghal zung zung a.Ka tah chhuah mai loh nan ka hmui chu hup in ka kalsawn nghal thuai a.
(Hemi chapter bik hi chu a tawi tih ka hria Mahse vawiin chu ka buai em a dah loh ai ah ka rawn ti hram pek anih hi!
Next atangin a Nick leh Lucy te hi kan inngaihzawn tir ve tawh dawn mi niang 
)