FOI Chapter-11

[Duati Hnialum]

Tunah chuan kan ram Mizoram ngeiah awm tawhin Kan hospital ah ngei thawk ve tawhin ka buai thei ve thin hle. Pathian zarah kan Hospital chu mite fakhlawh tak ni vein mi pan rawn ber a ni vea,State dang atang pawha rawn inentir an awm ve nuka,a chhan pawh kan Doctors te hi an thain facilities kan nei tha bawka phai lama hospital tha te bungrua neih ang chu kan nei ve deuh vek ti ila ka sawi sual lo ang.


Atir lam kha chuan kan hlawk vak pawh ka ring lo kha a nia amaherawhchu tunah chuan doctors te leh hna thawk dangte hlawh pawh pun ve thei tawhin an hna tawh that dan leh miten an pan tam dan ah an hlawh kan tipung thin a, hei hian doctors leh hna thawk dangte te lakah ngawng tha tak neiin an hna an thawk rim zualin Doctors te pawh an patients ten an pan nawn leh theih nan an patients te chu tha taka enkawlin an dawngsawng tha thin hle.Chu chuan kan hospital-a hna thawk te chu fel tia hriat hlawhin, kan hming a tha thin hle.


Kei ngei pawh Delhi ah khan India rama Nephrologist tha rual ho bulah ka thawk bawka, ka hming pawh ka chher ve hman hlein dam lo min lo pan tu tam zawk hi chun kan ram Mizoram aiin hnam dang phai atanga min rawn pan an tam zawk mah.

Ka cabin ah ka luh chuan file lo intiang ur chu hmu hmasa berin hna ka nghah leh dawn hle tih hrilhchawp ngai loin ka hre nghal.


Kar tharah hian kan professor te nen Delhi lamah seminar kan neih dawn avangin tunkar chu ka buai a zualin ka hah thin hle nge nge. Ka tutna bikah chuan thu vatin ka hna chu ka khawih nghal mawlh mawlha.

Cabin rawn in kik ri tawmah chuan hawi chhuak vatin Maggie chu nui thaw hian a rawn lut zui nghala. Maggei pawh Aizawlah an post tawha,Quarter nuam deuhah awmin Elly te nen pawh kan inhmuh ngun thei hlawm khawp mai.

"The hottest female doctor alive in India chu khawi maw ka han bel chiang che a nge" a rawn tih chuan hrethiam lo deuh hian ka en hua chutah tum deuh bur hian " I hre lo tih sawi miah suh" rawn tinghalin min melh rum nasa ngang mai.


"Eng nge a? " nuisanga ka tih chuan ka chalah min rawn nam deuh sawkin" I hna ngawt i buai puia, tun kum a hemichhe Doctor hottest ber ah an thlang che "min rawn tih leh a phone chu phawrhin India today page chu min hmuh a ruala, ka lo menglhawk ngang mai.

Maggie chu awm pawh awm rei loin Dermatologist hmu turin a chhuak nghal daiha, a vun te hi chu uluk ve tak a ni.

In ka thleng chu ka u chuan min lo ko vatin " Khaw maw ka nau Vari varpaw pherhi hi ka lo en chiang teh ang" tih leh min tuai vir a ruala, amah a palian bawk nen ka vir lawp lawp mai.

"I va ninawm tak" ka tih chuan min nuih mai in " I hot na chhe te mah ka hmu velo, a thlangtu te hnenah hian complain theh lut angai dawn a nih hi " a tih chuan ka melh rum nasa ngang mai.


Ka room ka lut chu ka chau ngang mai,engmah tihkawmuang loin bathroom-ah lutin ka inbual nghala. Chaw ei chakna nei lo mah ila ka pum lam ka ngiahtuah avang chuan peih lo deuhin inhnuai lamah chhukin ka va eia, ka u nen hian kan haw hun hi a inan loh theih em avang hian zing lam tih loh chu kan eirual khat khawp mahse a theih hram chuan eirual kan tum ve thin.


Chaw ka ei zo chu ka u room lam panin ka kik nghala, ka u nen hian kum 7 laiin kan inthlau nain kan Inkawm ngeihin, inchang bung ang mai hian kan inhnial nasa thin hle.


Lut tura min tih chuan lut vatin sofa-ah paper nen a lo awm nuai mai, en pawh min en lo hian " Eng nge ka Var pingpong te" min lo tih chuan huatah pawh ka la tawh lo, min koh duhdah dan em em hi chu tih ngaihna pawh ka hre tawh lo.

A kumah chuan thuin amah en reng chung chuan " Ka nu'n min lo bia a " Ka tih sup chuan " Eng nge a sawi " lo tivatin a lehkha darh nuai chu dah felfai ngahlin min lo en hian a kuangkuah ata.


Chutia a kuangkuah ka hmu chuan ka nui za lutuk chu insum thei loin ka nui chhuak haka, amah a palian bawk nen naupang thuawi deuha thu hi a ang lutuk.


Ka aw thian ve kharhin " Nupui kan zawn sak a duh loh chuan tunkarah a bialnu rawn hruai rawh se Mamitah a ti" ka tihchuan chal tichhuar nghalin " A ho em mai" a tih chuan " Ka nu chu i hriat kha a duh ang a i tih loh chuan a zawng tak tak mai ang, Patea pawh a zawn sak kha" ka tih chuan a ngawi deuh vung vunga.


A ni renga ka patea pawh ngaihzawng a ngaihsak lo lutuka a senior tawh bawk nen ka nu'n a zawn saka, arrange marriage ang deuhin an inneia, tunah chuan Patea'n a duh leh duat lutuk hi chhungte fiam rawn an hlawh nasa ngang mai.


Ka u chu enin " Ngaihzawng i nei miah lo mi" Ka tih chuan rum tawka min rawn melhin " Pakhat pawh la nei lo kha chu lo ngawi ngam se " min tih chuan ka ngei ngang mai, melh hrawkin ka chhuah san nal nal.

Seminar pawh tluang taka nei zoin vawiinah ka rawn letin Hospital lamah ka tlang nghal a, Office a ka awm lai chuan ka nu call dawngin ka pick vata " Ngah nge i u leh i thiannu Maggie kha an inngaizawng tih min hrilh loh" a rawn tih chuan ka hre thiam lo ngang mai.


Chutah "tu te maw inngaizawng " ka tih chuan " I thiannu MCS kha leh i U" a rawn tih leh chuan mak ka tingang mai ka nu lah chuan ka hrilh vat loh avangin min rawn la hau hrep zui, fanu mal ve si hi min be no lo thin teh a nia, kan inbiak tawp lamah phei chuan innei vat se a tha ang te a rawn la tideuh deuha, Ka u leh Maggie chu an rawn let hunah zawhfiah ngei ngei tur a ni.ka u reng reng pawh Mamita a kal tur thu pawh min hrilh miah lo.


Office atanga ka chhuak ward lam pana ka kal chu Police form ha palian deuh feet 6'1 vel tur hi min hnung chhawn zawng hian alo dinga,ka mit alak deuh em avang chuan mak ka intihial


Ka kal pel tur chu Kan surgeon pakhat hian "Miss" rawn tih leh min rawn pan a ruala, keipawh lo ding ve nghalin ka lo nghak a, ka bul a lo thlen chuan " Miss, nangmah hmu duh che a awma hei" tih leh ka ding lam kawh a ruala, ka han en chu kha police pa kha lo niin a hmel hmuh tuma ka han en chho chu a shade vuah lai la thlain min lo en ve runa, mak ka ti ngang mai chupa chu tudang ni loin Lucifera alo ni reng chu niin! Ka mak tihna chu lahchhuah tir ka duh loh avangin in control vatin " E, a lo nih chu ka cabin lamah kan kan inkawm mai dawn mi? " ka tih chuan bu ngutin min en ngura.


Keipawh inher vatin ka cabin lam chu ka pan nghala.