It Ends With Us : Chapter - 6

[Tlantlani Fanai]

Khami ni zinga ka apartment atanga Ryle a chhuah atanga ni sawmnga-pathumna a ni a. A lak atanga thu ka hriat tawpna atanga ni sawmnga-pathumna a ni bawk.

Mahse a pawilo, khang ni sawmnga-pathum chhung khan tum hun atana ka inbuatsaihna avang hian amah ngaihtuah turin ka buai lutuk tlat.

"I inring em?" Allysa chuan a rawn ti a.

Ka buk zeuh hnu chuan sign chu Open tihah dahin naupang angin kan zuang tawr tawr a.

Kan customer hmasaber tur nghakin counter lamah chuan hmanhmawh deuhin kan phei dun a. Mi hriattir hrih vak loha hawng phawt kan ni baak a kan la fak kual vaklo, thil a kal sual te a hlauhawm sia.

"A mawi hle mai," tih pahin Allysa chuan kan hnathawh dun te chu a en kual a. Ka en kual chuan ka lawm a, ka inchhuan phah sauhin ka hria. Hlawhtlin chu ka duh ngei mai, mahse tunah rih hi chuan a pawimawh ber em tih ka hrelo. Dream ka nei a, ti hlawhtling turin mawngkaw tha nen ka tang bawk a, vawiina thil thleng tur hi chu cake-a a icing telh ang mai mai a ni tawh.

"A rimtui tawp," ka ti chhuak a. "A rim hi ka ngainat zawng tak a ni."

Customer kan nei dawn nge dawnlo chu ka hrelo, mahse hei hi kan chunga thil thleng tawh zawng zawnga tha ber angah kan ngai a, chuvang chuan a pawimawh vakin ka hrelo. Bakah nakinah Marshall a rawn kal ang a, ka nu pawh hna a zawh hnuah a lo kal bawk ang a, customer pahnih chu kan nei dawn phawt a, an tam tawh lutuk alawm.

Dawr kawngkhar a rawn in hawn chuan Allysa chuan ka banah a rawn hmer a. Thil kal sual ta se tih ka ngaihtuah vangin ka khur der der thei.

Chuanin ka panic tak tak bawk, a chhan chu thil a kal sual a, a kal sual chiang hle. Ka customer hmasa ber chu Ryle Kincaid a ni tlat mai.

Kawngka a khar chuan ding chut in mak tih hmel deuhin a hawi kual a. "Engtin?" tih pahin a rawn in her thawk a. "Engtin nge.....?" Allysa nen chuan min rawn en a. " A va tha ve. Building hlui pawh kha a ang tawh hleinem, a thar hlak a ang alawm."

Awle, kan customer hmasa ber tur atan chuan a pawilo maithei.

Thil en kual paha a khawih kual vangin rei fe hnuah counter chu a rawn thleng chauh a. A rawn kal hnaih chuan Allysa chuan a va kuah a. "A mawi tiraw?" tih pahin ka lam chu a rawn kawk a. "Ama idea vek hi ania. A vaiin. A bal ka tihfai pui ringawt."

Ryle chu a nui hak hak a. "I Pinterest skill kha tlemte pawha I chhawrlo iti chu mak ka ti deuh."

Ka lo bu nghat a. " Amah vek zawk ania. A thiamthil vangin he hmun pawh hi a chanve aia tam chu a rawn nun phah alawm."

Ryle min rawn nuih lai chuan ka thinlung hi chemte a vih sawk ang vel a ni, a chhan chu ouch.

Counter ah chuan a kut a rawn nghat a. "In customer hmasaber ka ni em?"

Allysa chuan kan flyer pakhat chu a lo pe a. "Customer ni tur chuan thil I lei phawt a ngai a."

Ryle chuan flyer chu en thuakin counter ah chuan a dah thla leh a. Kan pho chhuah zinga purple lily kan khawina chu a va la a. "Heihi ka lo duh ang," tih pahin ka hmaah chuan a rawn dah a.

Lily par a thlang tih a hria em tih ngaihtuah pahin ka nuih a. Sial hle mai.

"Khawi hmunah emawni deliver tur a ni tel em?" Allysa chuan a lo ti a.

"In deliver bawk maw?"

"Allysa leh keimah chuan nilo," ka lo ti vat a. "Deliver tu tur kan nei a. Vawiin chuan kan mamawh kher dawn emawni."

"Hmeichhe tan I lei dawn tak tak ami?" Allysa chuan a lo ti leh a. A unaupa love life chu mi ûnaunu te ang bawka hriat a duh a ni mai a, mahse an thusawi chu hriat chian tumin an hriatloh turin an bulah chuan ka kal hnai a.

"Dawn e," tih pahin Ryle chuan min rawn melh a. "Mahse ka ngaihtuah vak ngailo a, ngaihtuah chhuak khat tak ka ni."

Allysa chuan card pakhat a pe a, "Hmeichhe khawngaihthlak tak a ni, I va han sual lulai tak." Card chu a khawng keuh keuh a. "A hmaah hian a lehkhathawn tur a I duh ziak la a hnungah deliver I duhna address I ziak dawn nia."

Card hmalam leh hnunglama a ziah paha a kun lai chu ka lo en reng a, dikna chu ka nei hauhlo a mahse ka thik deuh ti tih ringawt a nih chu.

"Friday a ka birthday ah henu hi I rawn hruai dawn em?" Allysa chuan a lo zawt leh a.

A reaction chu hriat tumin chiang zet hian ka lo en a. Rawn hawi chhuak chuangloin a lu chu a thing a. "Aih. I kal dawn em, Lily?"

Ka kal a beisei nge beiseilo tih a aw atang chuan ka hrethiamlo. Ka tihbuai dan ngaihtuah chuan a duhloh ka ring. "Ka rilru ka la siam fel lo a."

"A lo kal ang," tiin Allysa chuan min lo chhan sak a. Min rawn en chuan a meng zim san a. "I duh emaw duhlo emaw ka birthday party ah chuan I rawn kal dawn chiang. I rawn kal loh chuan ka bang ang."

A ziah zawh chuan pangpar dahnaa envelope kan tarah a thil ziahna card chu Ryle chuan a thun lut a. Allysa'n a man zat hrilh chuan cash a pe in a pawisa bang a chhiar lai chuan min rawn en leh a. "Lily, sumdawng chuan dawr thar an hawn chuan an pawisa dawn hmasak ber hi an tar thin tih I hria em?"

Ka lo bu zeuh a. Hria ve chiang e. Ka hria tih pawh a hria. He dawr awm chhung chuan a pawisa min pek hi kan tar tawh dawn tih min hriattir a tum vang bak a ni lo ange. Pe let turin Allysa chu ka hrilh tep a, mahse heichu sumdawnna a ni miau sia. Ka chapona chu dah tha phawt mai ang aw.

Receipt kan pek hnu chuan ka attention lak tumin counter chu a rawn ti ri kerh kerh a. Kun deuha nuih pahin, "Ka lawmpui a che, Lily," a rawn ti chhuak a.

Inher letin dawr atang chuan a chhuak a. Kawngka inkhar rual rual chuan Allysa chuan envelope chu a la nghal a. "Tu hmeichhia nge maw pangpar thawn a tum le?" tih pahin card chu a la chhuak a. "Ryle hian pangpar mi a pe ngailo."

A hma lam chu a rawn chhiar chhuak a. "Ti tâwp rawh."

Lalpa leh.

En vung vungin Allysa chuan a chhiar nawn leh a. "Ti tâwp rawh maw? Enge a awmzia ni ngai a?"

Ka nghak khawmuang thei tawh lo. Card chu laksakin a hnunglam chu ka en nghal a. Allysa chuan min nghen pahin a rawn chhiar ve a.

"A va han mawl tak," tih pahin a nui uar uar a. "Kan pangpar dawr address hi alawm a ziah." Ka kut atang card chu a la a.

Wow.

Ryle'n pangpar min lei sak. Pangpar pangngai mai nilo, Lily par bawr.

Allysa chuan a phone chu a la chhuak a. " Thil a tisual tih kan hrilh ange." A text zawh hnu chuan pangpar en pah chuan a nui chhuak a. "Engtin nge tiang hian neurosurgeon hi an mawl theih?"

Ka then tawp theilo. Keimah en lo a pangpar a en chu ka lawm ngei mai, nilo se chu a hrethiam leh dawn sia. "Thawnna tura a duhna kan hriat hma chu ka office ah ka lo dah ang." Vase chu chawiin ka pangpar chu ka la sawn a.


(Karleh Zirtawp thlemg kan exam dawn a, chumi hmaa ka rawn update dan a buai deuh chuan minlo hrethiam hram mai aw)