FOI Chapter-7

[Duati Hnialum]

Neet kan exam zawh atang pawn karhnihna a ni ve leh der tawh, Mamit lamah keipawh awm tawhin naktuk lawkah hian kan Board results pawh a chhuak dawna, ka chhungte chu an phur tawh hle.


Kan thian ho group 'THE SINGLE' tihah chuan member pathum chauh e tih loin kan bengchheng hlawm hle.


"Keichu ka pass chuan Delhi University ah luh ka duh Mathematics hi ka core ang a" Elly'n a rawn tih chuan kan lo thlawp viau, a ni hi chu chhiarkawpah nanana chuan kan thian hoah a tluk tu an awm lo.


Maggie erawh chuan " Keichu Humanity lamah ka inlet dawn" a rawn ti ve thunga. Maggie hi chuan competitive lam a tum avangin Science hi thiam viau mah se Humanity ( Arts kan tih mai) hi competitive lamah chuan atangkai deuh avangin inleh a tir atang a tum tawha, kan thian ho chu kawng hranah vek kan kal darh dawn a ni ber mai.


"Umm, ti hian Pearl chu Doctors a nih hunah free char char ni mai" Elly'n a rawn tih chuan emoji nui nasa tawk lai thawn teuhin a takah pawh ka nui nasa hle.
Thu ho te te sawiin kan pawt kan pawt hlawma, a chang leh kan insawt thul,message type chak chak kan ti a ni ringawt.


Mut ka tum ve meuh chuan dar 1 a lo ri der tawh kan han inbiak tawh tak tak hi chuan hun lam reng kan hre chang tawh lo.


Zing ka thawh atang kan buai char char a tih theih ka nu'n dawr nghak tura min tih avangin zing atang dawrah ka thua.


Kan dawr hi Mamit district ring rawl ber a nih avang hian a lianin bungrua pawh kan nei chikim ve viau.


Ka buai atalangin kan results chhuah ni a ni tih pawh ka lo theihngilh hman dera. Ka phone ka en chuan lawmpuina min lo thawn sup sup hlawma chutah ka nu chuan min rawn call zuiin tah aw tihhriat tak hian " Bawihte, kan va chhuang tak che em Mizoram pumah pakhatna i ni" min rawn tih chuan ka hamhaih ngang mai, sawi mai tur pawh hre loa ka lo din reng lai chuan ka pa hi a car atang rawn chhukin dawr lam hmanhnawh tak hian a lo pana.



"Bawihte, ka fanu ka va lawm tak em " tih leh min kuah a ruala keipawh chuan lo kuah ve vatin ka hamhaihna kha lawmnain rawn luah khat nghalin ka thinlungin pathian hnenah lawm thu ka sawi nghal mawlh mawlh.


Ka pa nen chuan in ah haw nghalin ka pu chuan pawnah min lo hmuak chu niin lawm tih hriat zet hian mi lo panin min kuah vawng vawnga.


Ka pass naah chuan ka chhungte an lawm ngang a niang ka pu chuan vawk leh sial min talh saka kan chhungte zawng zawng leh khaw chhunga mi te chu a sawm deuh vek a tih theih.


Thilpek pawh ka dawng nasain keipawn nuam ka ti hle, an thil mi pek te ka lawm vang ngawr ngawr niloin ka nuna ka hun pawimawh leh hlim ni ah min rawn tawiawm avangin min rawn lawmpuitu te chungah chuan ka lawm takzet a ni.


Ka thiante pawh titha ve hlein Maggie top 6 na niin Elly top 8 na a ni thung a, Elly chu Maths ah subject topper niin Maggie pawh English leh Chemistry ah topper a ni a. Kei pawh Biology , Physcics leh Chemistry ah topper niin kan thian ho chuan kan lawm ve hle.


Kan lawmna tibelh chhah tur tingin NEET results pawh rawn chhuakin Mizoram ah titha ber niin record awmsa chu mark 690 hmuin ka break hial a, vanneih tlak takin AIMS ah lut thei turin ka thling hlauh bawk a, ka thlin ka inrin loh nen ka lawmzia chu sawi ngaihna pawh ka hre lo.


Ka Nutei reng a lawma awm ngaihna a hrelo hial zawk.Ka Nutei hi an unau zingah nuapang ber a nih avang hian tlemin a chang chuan puitling ve uai tawh hi a naupang chhia ve leh zeuh zeuh thin.


Dam chuan ni te chu kal ve duak duakin keipawh tunah chuan Lengpui Airport panin kan tlan meka.

Ka Nutei in thlah min chuh tlat avang leh medical line lam hre deuh ber a nih avang chuan min kalpui dawna keipawn ka Nutei nena kal duh chu tha ka tiber.


Ka pu( ka pa pa) chuan " I zir chhuah pawt chuan damdawi In i din duh pawn ka puih vek ang che" a ti a,ka pu sawi tak a zarah ka la ngaihtuah ngai miah loh,mahni puala damdaw in din chhâkna ka nei lian hle.


Ka pu hi Officer pension tawh ka tih kha amah hi a fingin tunah pawh a ram neih hmang hian sum a la lut hnem em em a. Chutah, thlah tute atanga a ro chun in leh lo a ngah em em a, Mamit Baazar phei vela Building lian tha ho khi chu ka Pu ta deuh vek niin Aizawl ah pawh Building tha deuh deuh Pa 3 vel a la nei cheu bawk.


Pathian malsawmna a dawng ka tidawn nge a fate tumah sual lam kawng zawh an awm loa, hei hi chu ka pi tawngtaina rah ka ti lo thei lo. Ka Pi hi Pathian ringtu tha tak a nih zia a chenpui te ngei hian kan hre chhiangin a nun hi entawntlak tak a ni.



Ka pate unau hi pathum niin mipa 1 leh hmeichhia 2 an ni a, an hmeichhia te pawh hna tha tak neiin pasal fanau an nei veka. Tumah han buaipui ngai an awm lo, ka nu leh pate lah nise an mahni tawka intodelin an fate min enkawlna tur hi chu ka nu thawhchhuah ringawt pawh hian a daih lutuk.Ka pa lah Pathian zarah Contractor lar niin mi fak pawl tak a niin hna pawh a hmu tha thei hle.Heti hi nimah ila, kan chhungkaw motto chu " Mi hausa leh mi rethei an awm zaa ,an vaia siamtu chu Lalpa a ni" tih hi niin chapo lo tur leh eirukna lakah fihlim turin kan tet te atang zirtir kan dawn nasa hle.


Ka Nutei nen chuan Guwahati ah zan khat riakin Delhi chu kan pan taa. Delhi kan thlen chuan a boruak chu a lumin Mizoram nen ngaihtuah chuan a hreawm hle.


Kan thlen tuk chuan Mall ah min hruaiin thawmhnaw vel min enpuia, ka khirh deuh avangin ka thawmhnaw duhzawng pawh kan zawng rei hle.



Tlai lamah chuan Nutei chuan " Bawihte, ka thianten chaw eiah min sawma Medical School a ka luhpui thin a nia, min sawm deuh tlat bawk sia kan ei mai dawn mi" a tih chuan ka lo aw ve mai a.



Ka Nutei thiannu te in kan thleng chu a lo pui ngang mai ka sawi thiam dan ber chuan an in chu Vai film vela kan lo hmuh thin mi hausa tak tak te chhenna ang kha a ni ber.


Kan va luh chuan ka Nutei ang rual vel chuan min lo chhawn vatin ka Nutei nena an han inhmu chu an inkuah nawk nawka an inngaihhmel hle.


Ka Nutei chuan " Neha, hei hi ka U fanu kan naute duat chu a nih hi" a lo tih chuan ka lo ner nasa ngang mai mahni mah inlak puitling ve nen naute han i tih te chu ka duh bo lo.


Miss Neha-i chuan min lo enin " Wow, I hmeltha hle mai i hleitling bawk sia I Nutei ang deuhin Medical school ah hian i zun a uai an tam ngawt ang " a lo tih chuan Nutei chuan a darah lo beng sawkin " I â em mai " a lo ti a. Miss Neha lah chuan min lo en a nui vur vur hian a kut lo phar chhuakin " Aunt Neha min ti dawnnia aw" tih leh zatin ngaihnatawm deuh hian min nuih leh ver ver a.