Min hruaina chu tlâng chhîp ti ila adik ber ang, bûngkûng lianzet hnuaiah hian min thutpui a.Ka zâm luat vang nge ka kut te chu athlan huh dup tawh.Ka hrawk aza mer mer reng bawk a,anawmdan ahrehawm duh ngar ngar asin aw.
"Dimples " an ti hmasa te te a,hnuailam melhin akut akheuh neuh neuh mai.Keiin ka melh ngar ngar thung a,a awmdan chu a inhmehlo a zâm ve hmel lutuk ringawt.
"Ih.." a ti leh chiah chu ka hrawk a zat em vangin ka ding lawk a,min melh chho nghal hâ mai."lawk" ti vakin ka kalsawn thuai.Ka khuh chuan ka khuhpuak dawn chiang sa a, a romantic lo zo vek dawn.
Kan thutna tanga hla vaklo ah ka hrawk ka va thian zuai a, ka let leh chuan "i zung ami?" alo la ti zui! Chhândan tur hre heklo ka bu nghut tawp.
"Mi tumah kala bêm ngailo a" a ti leh te te phawt a, min bem deuh thuai se aw tia chhân ka chak tawh lutuk hi ka mawng aza zek zek tawh.
"Engtia han sawi tur nge pawh ka hrelo" a tih leh phei chuan ka rilru in 'ka hawsan daih dawn mawni?' ka ti rum rum tawh.
"U Raymond mipa ini lawm ni? Sawi tawp rawh"ka ti chhuak phawng a, thu pehhel kual hi angaithlatu nih phei chuan aninawm.
"Anih ka bêm che anga min hnawl vaih" ka mita min melh kiau chunga a tih chuan ka tah achhuak tawh zawk.Nula ala bêm ngailo tak tak aniang azeilo emai.
"Dimples Ka bêm che, min duh em?"lehlam hawi hmak chung chuan a ti tawi tup a, a sawi rang lutuk a 'ka êm che duh em' tih bak ka hre hmanlo!Ava han zeilo tak.
"U Raymond min bêm lai tal te chuan min en ve la,ipa lo e" ka ti nang nang."Keichu mipa pâ lo deuh ka duhlo" ka ti leh a,athu ngil auh a! Âwm ti pauh vaha rawn hawiin thûm dut hian "min duh nge duhlo" a ti ram hmarh! "Sawi rawh" a tih leh dut phei chuan a awmdan zawng zawng nen ka engtih mah a tui tawhlo.
A zei viau kalo ring ve asin le! 'kan khaw nula ka rîm chhuak tawh' te kha atia! Awih pawh aharsa tawh zawk.
"Ininawm ee, duh e" ka ti a, inngaizawng tur pawh kan anglo.Unau intithiamlo kan ang zawk.
"Ava lawmawm dawn ve aw" ala ti ta deuh deuh! Keichu then leh nghal ka duh, ka peih tawhlo.
Haw tlai ka hlauh vangin rei pawh kan awm lo, kan inphur haw leh nghal a.Kan inkawt ah ding datin "zanin lo lên i phal em?" A ti sup a."ka inkhawm dawn a"pangai tak chuan ka chhâng ve mai.
"A rei angem?" A tih chuan "rei ka ringlo,mahse bânah hla kan zir kawi ang" ka ti leh a,ahnual ruih in ania ka hriat ni.
"Lo inkhawm ve zawk la" tîm dai hian ka ti a, angawih deuh vung vung hnu ah "kalo in ngaihtuah ang" a ti ve ta sup.A in ngaihtuah tur thu a sawi ringawt pawh chu ka lawm tawk atling em em nghal.Vawi leh khatah Pathian lam hnaih tir nghal tawp ka tumlo a, zawi zawi in kal pui chhoh bek bek ka rilruk dan ani.
"Lût tawh rawh, kalo bia ang che" a tih chuan "chaw ei tui" ka ti sep a."Umm ka ei teuh ang" a ti dut! Chaw ei tui te pawh min tih let ve awm ania.
Inchhung ka luh rualin ka nu âng thawm ka hre nghal a, ka pa'n Hmingmuana hmai sen nuaih alo hrukfai sak mawlh mawlh bawk.
"Makeup te hi kan nei rei ve theilo, Hmingmuanpuia hian a ei loh leh alo tichhe zel a.Tiang taka makeup lawm te chu tinge hmeichhia aj alo pian loh law law ni?"a la âng tui ngang mai.
Hmingmuana hian makeup hi alawm viau a, mahse alawmdan erawh a ti chhe zawngin ani.Lipstick te hi hmuihnawih tih hrerengin milem ziah nan te, ahmai chei nan te alo hmang ziah.Tumkhat pawh Kg2 anih laiin homework ah apple chei tur an rawn tia, kan lipstick in alo chei hmiah hmiah! A rawn nula chho daih ang tih te hi nia ka hlauh ni.Unaupa nula deuh neih chu ka duh dawn miahlo.
"Nunpui i inkhel en chu an zo ve thei hrâm maw?"min hmuh rualin ka nu'n an ti kher a,haw har min tihna ah ka ngai.
"Hmun dangah ka kal kawi alawm" ka tih chuan "U Raymonda nen " ka ti sep.Dawh hrilh kual ka tumlo, dawt chuan dawtdang ahring zel a keimahni bawk abuai ber kan ni leh thin.
"Khawiah?"
"Chutiang enga tân nge hria pawh ni la itih ang" ka ti a, awka vîn ka hmang ngam chuanglo.Min melh ang rawm rawm a," i rawn rai haw nawlh ange fimkhur ang che " ati a, avan ngaihtuah bawn thei tak! Min ringlo ve mai sia!
"Ni e,nunu keini min bum thei mahla Pathian khi chu abum theihloh ania.Pathian pawi sawi zawng te khan awmlo ula"ka pa chuan alo ti ve dap dap.
"Nu lo kal teh" choka lama aphei tlang tur chu abân ah ka pawt nawk a,ka pa bulah ka pawt thu rawk rawk.
"Min hau lo ula,U Raymonda'n min bêm a" hnuailam bih a kut sik neuh neuh chuan ka ti a, anla hre dawn tho tho a tûn a hrilh nghal law law ka duh. "Chuan" ka nu'n alo ti var.
"Aw" ka ti.
"I duh ve maw?" Ka nu ani.
"Zeploh chuan a duh hmasa tu zawk ka nih ka ring" ka ti sep.
"Iva zaklo awt awt tak, i duh hmasak thu i hrilh ami?" Ati deuh that! Ka nu chu ka melh deuh tawp.Min pawmpui lo nge ka duh hmasak vangin min vîn zawk pawh ka hre hrang lo e a!
"Hrilh nang, ih min duhpui lo em? Ka sawi awmzia chu hmanzan anlo len atang pawh khan amizia tur awm leh tlangval fel leh chhuanawm Pathian tih mi tak anih in rinloh sa chu ka ring tho a, mahse ka siamtha thei hlauh maithei a.."ka insawikhalh nghal zung zung.
"A chhungte pawhin an siam that theihloh kha nang hian i siamtha lo ange" ka nu chuan a ti ram hmarh a, min pawmpui lo tihna ah ka ngai.Ka hnual nghal ruih mai.
"Nunu kan mihringpui te hi keini siamthat theih an nilo.Anmahni leh mahni'n insiamthat duhna rilru an neih hmasak phawt angai.Pathian lam hawi tur erawhin kan pui thei thung"ka pa chuan a ti dap dap a, "anih in remtilo hranlo tihna mi kan inkawp chu" ka ti sep.
"Rem tihlohna chhan tur a awm hran hleinem, Raymonda pawh kawngdik a zawhna kawngah i kaihruai thei maithei asin"
"Anih nu" ka nu melhin ka ti veleh. "I chhân vek tawh chu, chawhmeh va ti lum rawh inkhawm kan tlai ang"ati zui var.Ka thawveng ta huai mai, midang chuan engtin pawn minlo sawi mahse apawimawh ber ka nu leh pa in min pawmpui bawk a, ka rilru anuam huai thei.
Inkhawm turin ka inpeih vek tawh,Hmingmuana inthiar kan nghak leh rih a.Ka pa phei chu alo va kal hmasa tawh zawk.
Kan kal dawn tih ah U Raymonda message ka dawng a"zanin chu tilo phawt mai ang" tih te ani.Hmabak a ko chho viau mai, mahse zawi zawi in kal chhoh pui bek bek ka tum bawk a,tunah minla hnial mahse min hnial loh chin anei ve mai ang.
Ka nu bulah ka thu a, kan inkar ah Hmingmuana athu bawk.Inkhawm chu kan tam hranlo viau mai.
"Anu ka zun achhuak e"Thusawi tu ading tan chiah tih ah Hmingmuana'n a rawn ti a, "Nunpui ka zunpui maiteh" ka nu'n a tih chuan zak ru deuhin ka kai a, ka chhuahpui thuai.Inkhawm laia chhuah hi ka zah zawng tak ania, amawilo ka ti hrim hrim bawk.Hmingmuana hi chu ala nau em a,ala insum theilo pawh hi a hriatthiam theih mai.
Hmingmuana zun lai chuan pawnlama patling nge tlangval ho pawh ka hrelo?Lo thu khawm laih hi ka melh vang vang a, inkhawm turin anlo kal ve ngei awm sia; pawnlam ah an awm bawk si! Mi hmuh ah chuan inkhawm chu an ni ve ngei anga, mahse thupuan pakhat pawh an hre dawn emawni?
"I zung zo ami?"Hmingmuana lo chhuah chuan kalo ti var a, a thawmhnaw siam tha zuai zuai in ka luhpui leh nghal thuai.
Inkhawm chu kan bang har hranlo a, hlazir tlang nghal ka duh vangin ka nu te pawh ka zui haw talo.
"Nunu iva fel ve a" Kohhran hall kan hla zirna hmun tur a ka luh rualin U Tluanga'n alo ti var.
"Chutia mi" ti in ka thu zui nghal mai.
"Kha Zoi te ho kha Nunui hi lo kawmtlangnel ve ru aw" U tluanga chuan ka bula nula thu ho bulah chuan a ti hluai a, "va ko lut hlawm tawh la U Tluang, kan tan hma leh kan reilo dawn ting a"nula pakhat chuan a ti a.
"Minute sawm vel nghak leh lawk ang, inkhawm hmanlo,hla rawn zir tum an awm takin" ti in ka bulah chuan a rawn thu thla zui.
"Nunu"
"Aw" ka ti deuh hâ.An hming kala hre hlawm bawk silo nen kala tim deuh chuih mai.
"Raymonda nen tlaia in inphur kha kalo hmu cheu a" min ko tu bawk chuan a ti leh a,"nia" tih bakin ka chhâng lo.
"In inhre sa ami?" Atih chuan "hre sa lo e" ka ti sep.Kimkimi tal awmve se ka ti,inkhawmpuiah ka sawm a api te ina chaw a ei thu in min chhang daih.Duh se chuan a rawn inkhawm hman tho ang mawle.
"Raymonda hi fel se chuan kohhran tan mi tangkai deuh tur mawle" U Tluanga chuan a ti a,asawi dan ki chu ka ngaithei derlo "asual hran hleinem" kalp ti ve zat.
"A nia sual han tih tur chu ani chiahlo maithei a, mahse kohhran hi abel lo ve a" nui deuh hak hak chung chuan a ti leh a, U Raymonda rawn inkhawm ve duh pawh nise hetiang kar ah chuan nuam ti takin a tâl thei dawnlo anih hi.
"Thiamthil te hi angah reuh sia, Higher kan kalho lai te khan Guitar leh Drum te hi a tum thiam asin aw" ala tawng velo ber chuan arawn ti a, U Raymonda chanchin ka hriat belh leh tal alawm le.A Guitar perh lai mawlh mai chu ani ka hmuh chak, a inhmeh mai dawn sia maw..
Hla hnih kan zir a, Kristian hla bu ami leh hlapui pakhat ani.Kan remna hmun leh hun an sawilang lo a,kalo zawt bik bawk silo nen angaihna ka hre derlo! A zialo tak tak ani.Hlapui meuh kan rem dawn chuan engemaw khawmpui emaw a awm dawn aniang, ka pa ka zawt tawh mai aniang chu.
In ka thlen rualin ka inthlak nghal thuai a, naktuk lama ka hâk tur thawmhnaw chu kala chhuak a.Ka nu hian thawmhnaw hi nawhsa diamin a dah thin a, kan insawn vel na ah kan dah tawm deuh nen alo chuar vangin nawh that ka tum ani.
Ka tihtur tu hmasa lo chuan ka ph chu kan khawih leh hmasa phawt a "kan bang chiah" tih U Raymonda thawn in, minlo chhan let hun chu ka nghak rân.
Darkar chanve dawn ka nghah hnu pawh chuan ala rawn chhâng let lo a, ka beidawng chuan ka ph khumah dahin ka thawmhnaw hák tur chu nawh ka tum ta tawp.
Istiri ka la chiah tih ah ka ph a rawn rîk vangin rang zetin ka ban a, Lalkimkimi zawk alo ni.
"Nunu...nunu "thaw hlawp hlawp hian a rawn ti!
"Aw enge" buaina atawk anih ringin kalo ti thuai.
"Inkawtah ka awm lo chhuak teh" thaw hlawp hlawp hian a rawn ti leh a, ka chapal bunin ka chhuak nghal thuai.Gate pawnlamah alo ding chu "enge buaina i tawk ami?" Abul ka thlen hma hma in ka ti nghal var.
"Aih..nangmah zawk" atih chuan ka hrethiamlo hle! Abul ka thleng chawpchilh nghal mai bawk.
"U Raymonda leh U Sangtei inphur ka rawn hmu zo chiah, Lunglei road lama an tlân liam tur ka hmu a"atih chuan "i hmu sual lo ami" ka ti ngat.
"Hmu sual ila hmanhmawh deuha ka rawn tlân chhoh i ring ami? Ka chiang lutuk ringawt ,an tlânchak lo a U Sangtei'n shikhar U Raymonda hnunga chhuang chungin sikhar amix pah mawlh mawlh pawh ka hmu lawm.Ka hmuhsual i ring ami?" A ti chiam a, ka thaw deuh hap.
"Kim tlaiah khan kan ni ve chiah asin" ka ti zawi ruih.
"Iva â tak, nghak ve hrih phawt ta che " min ti let erh mai! "Enge chutiang te chu ahma in i sawi loh" ka ti ve vak a, "tiangin in che rang dawn tih ka hre bik hleinem.Ph la zawt rawh, ka hmu tih hrilh lo la dawt a sawi leh sawi loh i zawt dawn nia.A chhânna che a zirin chet zel dan tur kan ngaihtuah dawn nia.Ka han haw phawt, atlai tawh si ka nu min hau turin a inpuahchah vel mek tawh ang.Ph atang chanchin kan inhrilh mai dawn nia" ti zung zung in kal mai a tum a, "rawn riah la, ka nau khum a ruak tho alawm" keimah chauh chuan tihdan tur ka thiam dawnlo.
"Anih min hawpui phawt rawh" a tih chuan thaw hakin ka zui a, U Raymonda chuan thudik min hrilh hrâm se ka ti .
"Lalnunkim daw daw zel che hian "Kimkimi aluh rualin anu chu alo ri deuh thak, ka luh ve rual chiah chuan "awhaw Nunu i rawn kal ve ani maw"ati nem leh nghal duai!
"Nu Zâm Kimkimi hi lo riak se pawi iti em? Khaw chinchang te hi kala hrelo lutuk a, ka hriat tur awm ang te zawh ka duh a" eng engemaw zawh ka duh hrim hrim bawka dawt saqi ah ka inngai lo.
"A mutna te abuaithlak dawnlo ami?" A tih chuan "ka nau khum a ruak alawm" kalo ti thuai.
"Anihchuan rawn riak mahse apawina awm hleinem, Lalnunkimi tluka vakzau an awm hleinem.Zawh tur diktak zawh itum anih chu.Zingah rawn haw hma ang che"Kimkimi en leh in a ti deuh that a, aphalloh kha kan hlau mai mai khawp a, mahse alo phal hlauh chu ava tihzia tak ani.
Amamawh tur ang alak hnu ah kan in lamah kan chhuk leh zui a, inchhung kan luh rualin "nu Kimkimi hi alo riak dawn aw" ti varin min chhanlet hmain room ah ka luh tlang pui nghal.
"Khawi tunah ph rawh" khumah kan thufel chiah tih in a ti nghal chung chung.
Bu nghatin U Raymonda chu ka call a, aring kuit thak."Beidawng suh call leh rawh" a tih leh chuan ka call leh zui ngat.A ringral tawh biklo, mahse hmeichhe aw hian "hello" arawn ti a,ka hnual rawih rawih mai.
Kimkimi zawkin ph chu min laksak in "U Raymonda kanlo bia" a ti ram hmar.
"Ava la buai ve, nakin ah ka rawn biak tir mai dawn cheu ami?" Nui har har a a rawn tih chuan Kimkimi kut atang ph la in ka dah zui daih a"Kim be tawh lo ang, atlawmthlak ka ti" ka ti zuai raih.
"U Sangtei aw ani em kha kha " ka tih chuan a bu deuh nghat.Ka thaw deuh halh a "kalo lawm ve hman nen" ka ti zui sep.
"Kim U Raymonda hi engang mi nge anih?Ka tih awmzia chu nula lamah alerh viau em? A tleirawl lai in engang nge anih?"
"Lerh viau han tih tur chu anilo, nula hi chu a rim kual nasa ve amaw mahse ngaihzawng tak tak hi anei ngailo.A tleirawl lai pawn ngaizawng tu angah ka tih kha, mahse tumah a chhânlet awm pawh ka hre lo."
"Anih U Sangtei nen chuan inzawmna an nei ami?" Ka ti leh a, "ka hre biklo, mahse U Raymonda hi U Sangtei te inah atâl tam ve" anih chiah chu a .
"Nunu tuma bulah sawi chhuak tawhlo la maw, ka nu te thusawi ania ka hriat ve tho.A dik chiang em tih pawh ka hre bik chuanglo ania.U Sangtei û hian 'damdawi azuar e' an tia, tûnhma chuan an berh ve thei lutuk a, mahse an rawn hausa deuh thut a.Sawrkar zêm zen pakhat an kawl a, chupawh Nu Thiangi Group D kan tih ang hi ania.Damdawi zuarlo se hausak thutna tur an neilo" a ti mual mual a, U Raymonda leh athiante ka ngaihtuah lo theilo.Damdawi ruihna tur an mamawh anga U Sangtei an tih chu an hnaih anih te ka ring rum rum tawh mai.
Dar sawm arik pawh chuan minla rawn call let miah lo a, call ka tum tawh biklo.Hmaichhan ngeiah hmuha zawh chian ka duh.Minlo kawp anih phei chuan a châklo viau ang.
Ka ph innghawr dar dar in min ti harh a, ka luhkham hnuai banin ka en nak chuan dar khat lai ani tawh! Min rawn call tu chu tudang nilo in U Raymonda ala ni zui.
Hmet tawp hmakin luhkham hnuai ah ka dah zui a,message tone rawn ri nghal ralin ka kut hlei luatah ka hawng zui thuai."in kawtah ka ding" tih te hi alo thawn a, ka va chhuak awm hleilo tak.A duh duh a min tih kual theih ka nilo hrim hrim.
"Ilo chhuak dawn lo ami?" Tih a rawn thawn leh a, call a rawn lut zui nghal zat.
"U Raymond, dar engzat nge i hrelo ami?"ka chhan rualin ka ti nghal tawng.
"Ilo ph tih ka hrelo a,kan haw dawnin U Sangtei'n min hrilh ve chauh a" a tih chuan ka hnual rawih rawih mai.U Sangtei nen an awmdun tih pawh aphalo tawp ania! Pha in dawt min hrilh se ka tihna lam anilo, mahse a sawidan teh tawp kha tu hmeichhia mah an lawm biklo ang.
"Anih chu" ka ti deuh tawp a, "kan chak kan lawm a" a ti zawi leh ruih a,anuam a ti viau ang chu.
"Ilo chhuak dawnlo tak tak ami?"
"Dawnlo, hmeichhe koh chhuah hun ani tawhlo U Raymond haw la mu rawh" pangai taka kala tawng thei te chu amak zawk!
"Haw la naktuk ah kan inbe leh dawn nia" ka ti leh a, tunah chuan aharhfim ka ring hlawllo.Hmaichhan ah ngei inbia ila a fuh zawk ang.
"Anih muttui aw" ati a, "umm" ka ti deuh tawp. 'Muttui' han tih let ve pawh ka châk thlawtlo.
Zîng ah te chuan ka mut tlem nen ka harh hma phian a,Kimkimi riazai tlawhthlak vek chu sin that tirin bathroom ah ka lût zui zat.
Ka nu chu alo tho tawh tho a, ka pa phei chu zîng tawngtai in a chhuak leh daih tawh ang.Thingpui ka in zawh hnu ah hmarcha ka rawt a, chawhmeh erawh siam thar ngai a awm hranlo.
"Nunpui Kimkimi chu va kaitho rawh,anu'n 'rawn chho har suh se' nizanah a rawn tih lawm lawm kha" ka nu'n a tih chuan room lamah ka phei zui a "kim tho tawh rawh" tiin ka sawi dat dat.
"Chaw minlo ei san mai ru" ati nuah nuah, a awmna ahai chiang ani. "Kim tho rawh" ti vakin a aia na in ka sawi nawk nawk ,phak chual hian a rawn thu chhuak a"ka awmna ka hai alawm le" amit anuai zui chat chat mai.
"I nu alo kal hma in tho rawh,chaw ilo ei duh em?" Ka ti zui a, chawlhni zing hi chuan chhunginkhawm te kan hmanduh tlangpui thin vangin alo ei duh tak tak phei chu ka ringlo.
"Aih chaw ei chu chiloh, inkhawm turin ka rawn sawm zawk ang che"tiin zunram thiar turin bathroom lamah a lut zui.
Kan inkhawm a,fellowship ah kal lehin Kimkimi chawhnu a inkhawm peih tawh nganglo a ka nu te bulah chawhnu chu ka thu ve thung.KTP lamah hriat ka nei ve nual tawh tho chungin Kimkimi anga han pawh nghal thawr tur khawpa nel kala nei lo a, kan innel chho ve zel turah ka ngai.
"Inkhawm inbang tawh em?" Ka inthlak mawlh mawlh laiin U Raymonda'n minlo call.
"Ka inthlak mek" ka tih chuan "kalo lam ang che aw" a ti a, aw ka pawh mai.Inbiak kan ngai takzet.
Ka nu hnenah ka chhuah lawk tur thu ka sawi hnu ah kâwn lam panin ka chhukthla zui a, mahse U Raymonda nen kâwn ka thlenthlak tak tak hma in kan intawk tho.Nimin lama kan kalna lam bawk min panpui leh a, vawin chu ani pawh atawng tamlo khawp mai.
"Nizan a kalo ph che in hmeichhia in anlo chhang a" kan ti te te a, min melh zawk a hmalam amelh leh nghal.Kan hmalam ah hmuhnawm tak phei chu a awm hranlo a, building pakhat a ding deuh tawp.
"Nizan ah U Sangtei an tih nen in inphur lai Kimkimi'n ahmu bawk cheu a,dar khat dawnah i haw deuh chauh bawk a" ka ti zel a, angawi reng thung.
"Enge i ngawih reng? Tawng ve ta che" ka ti deuh that.
"I sawi zawh hun ka nghak" a ti dut. "Sawi ve tawh rawh" thaw hak hian ka ti a,athusawi ngaihthlak ve phawt te pawh ka duh.
"Kan chak kan lawm, U Sangtei pawh kan hruai ve ka phur bawk" a ti a, asawi zawm zel dawn amaw ka tia a ngawi zui daih!
"Sawi belh zel rawh" ka ti a, "ka sawizo tawh alawm"ati thên mai! A insawifiah ve te ka ring a!
"Insawifiah te i tum lo ami?Hmeichhe dang i chhuahpui chhan te..leh a dang dang pawh" ka tih chuan min melh vut a, "nizan tlai deuha rui chungin ka rawn phone vang che a thinrim inilo mi?" Awi kan ngaihtuah ava inanglo tak!
"Rui chunga ka rawn biak vang vhein i thinrim tur ah ka ngai a" a ti ban leh chalh .
"Kha chu thinrim tho, mahse tinge U Sangtei chu i phurh?"
"Kan chak kan lawm ka tih kha, kan hruai tel ve " a ti a , a zo der!
"I sawi tawh kha, kan ni tan ve chauh a nula dang i phur nghal a" ka ti deuh halh.
"Dimples i thikthu ava chhe awm ve" a ti hlut a, bin thluk tawp ania ka chak ni.Rilru hah em em in ka awm a angai ho ropui si.
"U Raymond la inngaizawng leh hrihlo ang, inhriatchian tum phawt ila inngaihzawn lam chu ngaihtuah tha leh zawk ang" ka ti ta tawp.Rilru hah deuha awm te, min kawp angem tih ngaihtuah reng renga awm te kha ka peihlo.Rin ngam anih zia hre phawt ila atha ber ang.
"Kan inhrechiang chho zel dawn alawm" a tih chuan "kanla inhre reilo emai, tunah hi chuan kala ring tak tak theilo che.Chuvang chuan thian angin inkawm chho phawt ang" ka ti leh a, kan hma a building chu amelh deuh vang vang tawp.
#Sunday zânah ka dah lo ang aw.Comment leh share te kha tîmlo ila
kalo chhiar zel ania.Hmasawnna tur entirnan tawngkau chheh ang zawng pawh rawn ziak mawp mawp ru.