FOI Chapter-6

[Duati Hnialum]

Vice Principal chuan kan chhungte ve ve a koa, staff room-ah Emily nen chuan kan thu ve kur mai.


Kan Chemistry teacher Miss Remi chu lo kal hnaiin " Emily leh Pearl chu ngati nge staff room ah te inawma" a lo tih chuan kan insual thu a hre lo tih ka hre nghal.


Chutah teacher dang te chuan "an insual avang a nih kha" an lo tih chuan mak tih hmel deuh hian min ena.


Mak a tih pawh chu a awm reng, a chhan pawh Miss Remi leh ka Nutei hi inkawmin,kan in ah pawh a rawn leng lut zinga, kei nen pawh ka in pawh viau.


Khawngkhar lam atang chuan thawm lo awmin, ka han hawi chhuak chu nu tling leh pa tling an hmel en pawha mi pangngai chunglam an nih tih hriat reng hi an lo luta.
Chutia ka lo en reng lai chuan ka bula thunu lah chuan "Nu,Pa" tah chhuah hmel zet hian a han ti chu a nu chuan lo pan vatin " Eng nge thil awmzia" a tih nghal hlara.


Ka rin ang ngeiin Emily chuan a ngai te bawkin ka thiam loh ang vek chuan a han sawi leha.


Emily nu chuan thinrim tih hriat tak mit sen rum hian min lo melhin " Tu fa nge mawh i nih leh i va zakthei lo ve" a lo tinghal thlawra.
Kei aia upa ka nu te ang rual vel a nih avang chuan engtin mah ka chhang lo.


Ka ngawih chuan a duhtawk dawn emaw ka tih laiin ka hmaiaah min rawn beng thawt mai!


Chutah kan teacher te ho chu rawn kal vat hlawmin Miss Remi chuan " Pi Mary, I ti ang lo hle mai, kan student te hi ka awm lai rengin kut I thlak ngawt thiang hlei nem" a lo tih chuan tham lo ve fe hian Pi Mary chuan a lo nuiha.


Vice Principal lo lut chu teacher ho chuan thil awm dan lo hrilh nghal vatin a ni pawh a thin a rim ngang a niang " Thil hre chiang hmass loin ngah nge kut te in lo thawh, a thiam lo zawk pawh ni lo lehnghal" a tih ve takah chuan Emily Pa zawk chuan ngaihdam a dil vata.


Chutia kan buai lai chuan kawngkhar atang hian Ka Patea chu rawn lut vein a hnungah Nutei pawh mangan hmel deuhin a rawn lut vea.

Putea leh Nutei hmel an hmu chiah chu mak an tihlawm ngei mai, a awm lo hran lo Mizoram pawh ni lo India rama Lawyer hmeltha leh thiam tia lar kha a ni ve renga. Chutah, ka Nutei lah Mizoram chhunga Paediatrician lar leh mite pan rawn a lo ni bawk nen an meng phawk ve hle.


Patea chuan min rawn enin ka biang a hmuh chuan a thinrim hle tih ka hria mahse kan teacher te lam chu pan nghalin thil thlen dan a zawt nghala.

Nutei chu ka bulah lo kalin a hmel atang chuan a thinrim hle tih ka hria ka biang dawmna kut chu min lak thlak sakin a thiannu Miss Remi hnenah chuan " Oitment in kawl mial em " a tih chuan Miss Remi chu bu ngatin ava la vata.


Nutei chuan min en vang vangin "Ngah nge bawihte, I insual reng renga " min tih chuan ka inthiamloh lutuk chu " Sorry " Ka tisupa ,a ni pawh a tawng tawh bik lo.


Patea lo let hnu chuan a thinrim hmel hle min hau dawn emaw ka tih laiin Emily nu leh pa te hnenah chuan " Ka Pi, hei ka tunu leh i fanu ten buaina an lo nei ni awm tak ani mah se engmah thu bul hre hmasa loin ka tunu kut i lo thlak hi chu ka lung a awi lo hle, ngaihdam tha taka indil lo a nih chuan ka tih tur hi ka sawi lawk thei miah lo" nget cherh churha a tih chuan tuman engmah an sawi lo.

Chutah Pi Mary chuan "Eng maw I sawi, ka fanu lo sual ngam te chu duh leh kut ka thlak ang. Tu nge ka nih I hre lo a ni maw" tih leh nuih a ruala.

Chu veleh kan teacher pakhat chuan " Pi Mary, I la hre lo a ni mai thei an intihbuainaah khan a thiam lo leh kutthawh hmasa zawk chu in fanu hi a ni, tha te tea ngaihdam che u an inhuam lai khan dil mai rawh. I hmaa ding hi I hre lo zawk a ang hle Lawyer Malsawmhlua a nih hi" a tih chuan Pi Mary chu a meng tal deuh awk mai.


Chuatah Emily Pa chuan " A pawi kan tihle mai kan thiam loh a ni ka nupui leh fanu chet danah khan min ngaidam dawnnia" tih leh a fanu chu melhin "ngaihdam dil rawh" a tih chuan hre hmel tawkin Emily pawn " Sorry " a rawn tisupa.


Putea chuan min rawn melh vein " kei pawh min lo hrethiam dawnnia ka chet dan avang khan " ka tih chuan Putea chuan min rawn nuih sukin a lu a bua.


Kan inrem fel takah chuan class la chunzawm tawh loin Nutei leh Patea te rual chuan ka haw ve nghala.


Nutei chu a thinrim nang mai motor ah pawh a ang nasain ka biang kha kan insualna vang maw a lo tia mah se Pi Mary'n min beng tih a hriat khan a meng alh nasa mai Putea'n a mitmenga a khap vang chauhin staff room-a kan awm lai khan engmah sawi lo a ni tih ka hria.

In kan thlen chuan chanchin ka pi leh pute'n min zawt nghal vata Putea'n thil thlen dan a hrilh chuan ka Pu chu a nui hawk mai phawk fea kan en lai chuan " A nu a chhun ve anih kha, a nu pawh midang tumah a tibuai hmasa ngai lo mahse an lo tihbuai erawhin a tlawm duh ngai lo" a lo tih chuan za lo deuh hian ka nui vea.


Ka Nutei sawi danin Pi Mary te kha Aizawl mi hlun chhungkua an lo nia Emily Pu hi MLA ni lai mek a nih thu te sawiin a bak an chanchin a chhe lam emaw tha lam emaw a sawi lem lo.

Zanah ka Pu ka biak chuan chanchin min lo zawta engkim thil thlen dan chu hrilh veka,ka pu hi chu ka best friend ang a ni bawka, engmah a lakah zep ka nei ngai lem lo.
Keimah ang maia rilru nget ka pu chuan min lo hrethiam viauin tumah inhnuaichhiah tir lo tur leh keipawn tumah enhniam lo tur chuan min rawn tia kei pawn ka pawm tlap.

Ka nu te erawhin min rawn hau nasain thu tha pawh min hrilh leh nasa.

Kan insual atang pawn thla khat vel a nih tawh, school pawh kal ve zelin zirnaah tan ka la nasa zuala kan insualnaah ka hming a chhhiat deuh avangin activity velah pawh ka tel duh ngai lo.


Emily nena kan inhmuh fuh chang chuan min melh no lo thin hle ngatan mah ngai loin ka enliam tawp zel.

Lucifer erawh ka hmuh fuh chang chuan thin phu hi a normal vak thei lo mahse kan buaina avang khan a ni pawh ka ngeiin a chanchin pawh ka thiante hnenah ka sawi ngai tawh lo, theihngilh erawh ka la thei chhuang lo.


Promotion kan exam zo chu ka thaw aveng ve hawk mai Lucifer te erawh Board exam hmachhawn tur an nih avangin an la exam ve rih loh thung.


Tihian a ni chu school atang a chhuak tawh mai ang a, min hre tawh loin kan inhmu leh tawh lo mai thei kei erawhin ka theihngilh theih ka ring tawh lo.

Class -12 ho farewell kan neih ni khan pangpar pek ve chu ka duh lutuk mahse keimaa chapona hian Emily a tan dan leh min tihdan avang khan pe loin ka hawn leh ta kha nia.


Mahse in ka thlena ka bag ka hawn khan lily par var leh chocolate a lo awm va maia,mak ka tih zia kha! Lily hi pangpar ah chuan ka duh ber avangin tu dah nge pawh hre lo mah ila ka dah tha ve thlap.


Tunah chuan kan thian ho pawh Class -12 kan ni ve ta vang mai Lucifer-a te results pawh chhuak tawhin Mizoram pumah topper a ni a, a lar vet vet hle.


Star ve ber te an awm tak si loah chuan zirna lamah ka insawrbing lehzuala ka thiante nen pawh len chhuah vel kan nei khat tawhin an ni pawh zirna lamab tan an la nasa.


Coaching pawh kal chhunzawm zelin ka room ah ka tawm deuh rengin, ka zir tam pauh leh ka thiam lo zia ka inhriaa zir belh tur hlir ka zawng thin.

Dam chuan hun te hi a kal duak duak ni mai tein ka hria class -12 pawh kan exam zo ve tawha Lucifer chanchin erawh ka hre ngai ta meuh lo.

Ka hriat hnuhnung ber chu Delhi ah a zirna a chhunzawm tih kha a nia ka ngaihven bik ta em em lo.

Results nghah chhungin NEET exam turin ka inbuatsaih leh char chara chuti em em chuan ka huphurh lem lo, kum hnih dawn coaching kal ang ka nia Pathianin rem a tih chuan ka tlin ve mai ka inring.


May ni 5 a lo thlen chuan NEET chu ka exam ta ngeia ,ka inhriat chinah Bio leh Chemistry chu ka chhang dik vek chuan ka inhria amaherawhchu, physics ah chhan loh pathum leh tihdik lo Pa li vel ka neia AIMS chu ka chan phak ka inring ta lo, vai ho hi an thiamin an zir peih bawka full mark hmu te hi an tam hle thin.Chubakah,Mizoramah ZMC a awm ve tawh avangin Central lamah Quota kan nei tawh bawk lo nen AIMS a luh chu a harsat deuh ka ringa,CMC Vellore ah erawh ka luh theih mai ka inring.