FOI Chapter-5

[Duati Hnialum]

Class kan lak mawlh mawlh lai chuan kan Mathematics teacher Sir James chu lo lutin kan Miss hnenah chuan min biak duhna a neih thu hrilhin min ko chhuah a rem leh rem loh thu chu zawtin Miss pawh chuan a theih thu sawiin keichu sir zui tur chuan min ti a.

Sir chu zui chhuakin, pawn kan thlen chuan Sir chuan" Pearl,Kan hmakarah khian Brother Principal birthday kan lawm dawna, chutah chuan i zai thei ang ngem " min tih chuan phawk hraa sir chu enin" A" Ka ti hman chiah tih chuan" Kan lo ring dawn che nia, Class-12 ho conduct tur a nih avangin nangpawh hall-ah min rawn zui la, thil tih dan tur vel insawi ho dawnnia " a tih leh chuan hnial chi a ni tawh lo tih hriain hall lam pan chuan ka zui ve ta hna hnaa.


Hall kan thlen chuan senior ho chu lo awm thupin thlem chuan ka zam ve reng a chhan pawh UHruaizela (U tih hi a hma zawng khan ka lo telh loa mahse tun atang chuan U tih kan telh zel tawh ang) a awm ve vang a ni.
Sir James chuan" Hei, Pearl hi solo tur khan induh deuhin ka hriaa" a tih lai chuan hmeichhe pakhat tarmit vuah
hian " Yes sir, kan duh lutuk lawm" a lo ti nghal vata sir pawh chu nui ve ta tawpin min kalsan zui nghal maia.

Nichin a mi nu bawk kha ka bulah chuan lo kalin " Remruati ka nia, ka bulah lo kal rawh i hla sak tur te pawh kan en dawnnia" a tih chuan aw ti ve vatin ka zui ve nghal mai a.

" Awi, keichu zai thiam pawh ka ti lo, new comer te te si hman ni a a chet dan te kha a zak lo ka ti" tih ka hriat chuan ka pen lai chu ka ding chawt, ka hmaa kal URemruati pawn a hre pha tih hriat takin a ding ve nghala.
Ka han hawilet chu hmannia UHruaizela nena Miniso-a ka hmuh nu leh hmeichhe pakhat hi an lo nia.Engtin nge ka hriat chat theih intimai thei,star ruk te ngaihzawng te chu hriat loh theih pawh a ni lo.

An lam pana ka kal chu min lo hmu nge hmai tung vah hian min lo ena. Keipawn ka mit chu la sawn duh loin ka melh ve kar, chutah a thiannu zawkin " Eng nge i duh" a tih chuan nichin a min sawi tu kha chu a mah a nilo tih ka hre nghal thei a chhan pawh a aw hi nichin a mi aiin a sin deuh.

"Eng ni lo e, kan senior te in ni sia ka lo chibai dawn che u a nih hi" tih leh ka kut pharh ka ruala.

An pahnih chuan mak an tihhmel hle chutah UHruaia ngaihzawng nu chuan "A lo nih chu mahse hmelhriat loh ka chibai ngai lo" tih leh ka kut ena ner sawk a ruala.

Kei chu nui sukin " Hmelhriat loh i chibai ngai loa mah se an chanchin sawi chu i duh tho bawk sia ava mak deuh ve tiraw " tih leh a thiannu chu ka melh zawka.( Hei hi ka nihna a ni ,ahmain ka sawi tawh kha mifel tak ka ni bik lem lo mahse tumah tihhmasat emaw an chanchin sawi vel ka duh lo. Min tihbuai hmasat erawhin ka tawlh hnung ngai lo hei vang hi nia ka pi'n min biak apiangin Bible chhiar nasa tura min tih thin)

Chutah " Tu chanchin maw ka sawi" a lo tivin nghal tuara, a tawng ring bawka hall chhunga awm zawng zawng chuan min en thup tih ka mit sirin ka hmu.

Kei lah pek chuan nui sukin " Hei i hmelhriatloh i hmaa ding chanchin hi " ka tihlet chuan rum tawka min melh hian min rawn kek a rual ta mai.

kei lahin "vawi thum ka chhiar hmaa min thlah loh chuan kan senior i nihna anga ka zahna che dah boin ka bei let ang che" Ka tih chuan a thin ka tirim zual emaw tih turin min kekna zuala chutah "Vawi khat,vawi hnih, vawi thum" tih leh ka ke chu tawlhhnung hretin a zaka dawm chung chuan bin ka ruala. Ka hnung lamah au nghek chung chuan a let thla tawp.

"Hmeli, I va zak thei lo ve " a lo la tih chuan hawi kual thuakin min lo en thup chu niin kei chuan " Unfortunately senior, Hmeli is currently unavailable" ka tih chuan hall chhunga awm te chu rawn nui chhuak hawkin chu chuan a thin tirim zual ni ngei tur a ni,a kutzung tanga min kawk vain" Tu nge ka nih i hria em? Nang thintlang ami ve mai mai kha" a rawn tih chuan ka thin a khei ve zak mai "Tu nge i nih ka hre hauh loh mahse i nungchang ka en atang chuan zah i phu vak loin ka hria, chuan thinglang mi min ti ve ringawta thintlang hi awm lo se khawpui a awm thei lo tih i la hre lo a nih ka ring senior " ka tih chuan ka bulah mipa pakhat hi lo dingin " Duh tawk tawh rawh u" a rawn tithawt rual chuan a lam ka hawi nghal tudang niloin UHruaizela chu lo niin.

"Awi! Ka khup hi ana lutuk Hruai " no zeta lo titu chu enin ka nui te lam lam a za.

UHruaia chuan min rawn melhin " Senior te zahna i va nei lo ve" Khauh taka a rawn tih chuan ka thin a rim ngang mai mah se ka chhan hmain URemruati kha lo inrawlhin " Hruaia, Pearl thiam loh chauh pawh a ni lo, Emily kha a nih kha thiam lo hmasa, a tir atang an bulah ka awm " a rawn tih chuan ka sawi zui ta lem lo.

Mahse UHruaia bawk chuan " Junior te chuan senior te chu insual pui tur a ni lo " a lo tihthum leh dut chuan ka thinin a tuar ta lo,a mita chiang zeta en chung chuan "Senior te chu zah tur in ni meuh mai amaherawhchu zah tlak in nih chauhin " Ka tilet siah ah chuan lungnih lo hmel deuha min en hian thil sawi a tum leh chiah tihah" URemruat, pawi ka ti item ah khan ka tel lo mai ang e" nuisanga ka tih chuan a nih pawn min hriatthiam hmel deuh hian a lo bu zeuha. .

UHruaia aw ni lo Lucifer ka tih tawh zawk ang melh pawh melh loin ka chhuak ta daih, hawihhawm lo chu ka inti ve reng mahse thulai la hmasa loa khatia a rawn tawng khan ka thin a tirim.

Ka thiante bul ka thlen chuan min lo melh hu mai, a awm reng ka sam te reng a pawr dawn em a.

Thil thleng te chu ka thiante ka hrilh hmain an lo hre vek tawh chu nii! chutah min zawt chianga keipawh chuan thil thlen dan te chu ka hrilh ve mai bawka. Ka sawi zo chu an thin a rim ngang mai.

Ka thiante hi Aizawl khaw mi an ni ve lo bawk nen 'Thingtlang mi' tih lai tak phei kha chu an la nâ ang reng viau.

Elly chuan " Keichu Hruaizela chu ka ngei ber" a lo tih chuan Maggie pawn " Nia, a tih dan che kha ka lawm thei lo" a lo ti vein an thinrim thu sawi chuan an ang nasa mai.

Class kan luh chuan min lo en thupa,a chhan ka hriat chian em avangin ngatan mah ka tilo. Chutah, kan class teacher Sir David chu lo lutin "Pearl, lo chhuak lawk rawh " a tih chuan kei pawh chu chhuak ve vatin Sir bul ka thlen chuan" In chhanchin ka lo hriaa, ka ring che a chhan tha tak a awm ka ring"a tih chuan ka thla a muang sawng sawng ,min hauh hrep kha ka lo ring a nia chutia min rin zia a sawi takah chuan ka lawm tak zet.

Staff room ah chuan kan inzui luta, Bro Principal a awm loh avngin Vice President kan hmu dawn a ni, Emily leh Lucifer te pawh lo awmin U Remruati ka hmuh chuan ka hah a dam deuh sawt.

Teachers te pawh chuan mi lo en thupa a zahthlak chu ka tireng mah se thiam lo mah ila, ka tanna kha a dik ve viaua ka hriat avangin mi dawizep ang maia kun vel kha ka duh bo lo, ka kal pangngaiin ka kal mai.
Vice principal hmaah chuan kan class teacher te ve ve nen kan dinga, kan sir deuha Lucifer leh URemruati te pawh an lo ding ve bawk.

Vice Principal chuan a chhan min zawt ta reng a,awii! a mak ka ti lutuk chu ka nuih te lam lam a za, a chhan pawh Emily chuan hniak phawi miah loin a tir atang ka thiam loh ang vekin dawt a sawi thei a nih chu!
URemruati pawh chuan mak a tive ngang a nia a en tawp.

Vice principal in ka lam hawia sawi ve duh I nel em min tih chuan " A hmasain school chungah ngaihdam ka dil duh a ni, uniform ka hak lai reng leh school compound chhung ngeiah ka awm laia ka insual avangin chu zawng chu a ni e" Ka tih chuan min en phawk hlawm ngei mai.

Chutah Vice principal bawk chuan " A dang sawi duh te I nei lo mi" min tih chuan a mitah tak enin " Brother,Ka sawi ve duah chuan insawithiam ka tumna mai mai a ni dawn a, a chhan pawh ka hmaa a sawi ang letling vek kha ka sawi dawn avangin " Ka tih chuan teachers te ho pawh an nui tih ka mit sirin ka hmu thei

Brother pawh chuan tihngaihna a hre tawh lo nge URemruati leh Lucifer te chu thil thlen dan a zawta.

URemruati chuan a tir atanga thil thlen dan zawng zawng chu a sawia Lucifer erawhin engmah a sawi lo mahse min en reng thung.