Thawk ka la nghal kawk bawk "i à tawh ami?" Ka thiannu chuan min sawi dat pah hian a ti a,ka thil tih zawh chiah avang khan kei erawh mumal in ka la awm thei lo, engtinnge bottle khan ka vawm ngam zawk le? Ka thinrimna ka lo up beh zawng zawng kha a rawn pawk chhuak ni ber in ka hria.
Rei lo te hnu ah kan semester pui te chuan min rawn zawm ve a, assignment kan neih avang in library lam ah ti ho Turin thu an lo rel a, library lam chu kan pan nghal bawk, lehkhabu nen enkawp chuan assignment chu kan ti mawlh mawlh a, a thiam pawl ka nih avang in ka kut ah engkim an dah leh chawt tawh, a then in phone an lo khawih mai mai a, a then in lehkhabu kan keu malh malh bawk.
Thawm rawn awm hlut ah chuan kan hawi chhuak thrap a, ka hlauh ang ngei in senior most ho an ni, Rodingliana te thian ho chu an rawn in zui lut tham tham a, kan college ah hi Chuan Lal lén a leng an nih avang hian tumah hian an Khap ngam lo , Rodingliana ngat phei chu kan college principal fapa Ania, in ti lal tak hi Ani, min hmu ang tih ka hlauh em avang chuan ka lehkhabu ken lai Chuan ka in hliah ve tang tang a.
Lehkhabu te la in ngawi reng chuan an thu ve thap a, nuih te pawh a za alawm library ah hian an kal ve ring mai Miah lo kha ania, tun ah tak hi Chuan college naupang fel tak te pawh an ang ve alawm, ka thian te ho chuan an thian ho chanchin chu zawi tak hian an sawi sap sap hlawm a, mi hausa fa vek in kawm khawm an ni bawk a, an chhelo in an dress te chu nalh thei tak ani, mi thenkhat tan chuan college kal nuam an tih chhan ber Ani a, kan tan erawh college hremhmun a siam tu mai an ni.
Ka Chung ah hian sual chhuah tlat lo thin se chu ka ral khat star Ani ve ngei ang, a chhelo a, a hmeltha a, a taksa a nalh em em bawk, ka hmuh hmasak ber khan ka thiannu nen khan chhelo kan ti em em a, mahse ka hmél a hmuh ve atang chiah khan mi pangai a nih loh Zia ka hre thei, canteen a thil kan ei lai in a rawn lut ve hlawl a, a hawi kual thuak thuak bawk ka hmel a hmuh khan kan lam chu a rawn pan ding nghal mawp mawp a, engmah pawh sawi lo in ka thu hle hle lai kha min rék tho anih kha, bang ah min rék bet a, na tak phei Chuan min rék lo a thian te lokal in an pawtsawn nghal thuai a, a hmel ah Khan a buai hle tih ka hre thei bawk , a chhan ka hre lo a, kha mi ni atang Khan kan in hmuh fuh apiang in engtin emaw tak min tih a Ching a, an thian zing a Hmeichhe pahnih Muani leh Papuii khan a bialnu hlui Judy nen kan in an em avang in min ngaihbel thin thu min hrilh a, a tir chuan hrehawm ka ti thin khawp mai, tun thleng pawh hian min ti dawih vek ni mai hian ka hria, ngai ah ka nei thei hlawl lo.
Class kan neih leh dawn avang in kan lehkhabu te chu dah in chhuak tur Chuan kan in siam mawlh mawlh a,kal pelh ka hreh leh ta tlat mai, kawngkhar bul mai ah an thu a, kal pelh ngei ngei an ngai si, ka thiante hnung ah chuan a ruk thei ang ber in ka kal a, an zawn kan thlen lai tak Chuan "Roding Nuntluangi" a bul a mi chuan min kawh zeuh pah chuan a ti a, ka kal nghal hmawk hmawk a , ka thiante pawh ka kalsan daih ,ka hawi let leh chiah chu Rodingliana nen kan in hma chhawn ran mai, a lo nui deuh suk a.
"Class in nei ami?" Nui sang hian a ti a, chhan ngaihna pawh ka hre lo , HEPA mize mak Zia hi, "tikhan ner vak vak Suh" a tih leh Chuan ka lo ner nasa hle tih ka hre chhuak chiah, ka hmel chu ka siam rem nghal thuai a , ka thiante pawh ka bul an rawn thleng chiah bawk, kal mai ka tum chu ka kut ah a rawn vuan chawt a "thiam loh in neih chuan min lo zawt thin dawn nia" a ti a, a hmel ah chuan a uang Ani tih ka hre thei, ka kut chu la sawn vat in, ka kal nghal nal nal a, ka thian te ho chuan min chheih leh nasa khawp mai.
Class kan lak lai pawh chuan rilru ah engdang a awm thei lo, Rodingliana che Zia mak lutuk khan rilru a luah rauh rauh reng a, professor in zawhna min zawh Chang pawh in hrilh chawp zel ka ngai thin a, professor te hian zawh na an neih hian kei kher hi min zawt ta thin a, min duhsak em em bawk, class kan zawh hnu chuan haw tur in kan insiam nghal mawlh mawlh a, last period kan nei lo ve ve a, vawiin chu kan haw hma thei, gate bul ah chuan Rodingliana te thian ho chu an lo awm leh luih tawh, an thawm a bengchheng thei si.
"Rodingliana awmdan kha mak i ti ve em?" Ngaihawmi chuan a rawn ti sa sa a, mak ka tih hle thu ka lo hrilh bawk, "a duh che aniang" a tih chuan ka nui ta ringawt a, tun a thil sawi zawh chiah kha amah ngei pawh hian a awih lo ang , an bul kan thlen lai Chuan a thiante chuan tih luih tih hriat tak hian an àw an thian vak vak a nuih te lam lam an ti za a lawm, naupang chhia ang mai, kan pelh hnu chuan kan hnung lam atang chuan "Nuntluang Rodinga'n ka lo thlah ang che a ti" an rawn ti lauh a, in chum ri kawng ri in a zui zawm zat bawk.
Thutna lo awm ah pawh thu duh lo chuan footpath ah kan kal nghal daih a, footpath a thutna an siam ah chuan thu in chhuanawma leh sangsanga kan nghak a, rei lo te hnu ah chhuanawma chu a rawn thleng phei a sangsanga'n last period a neih avang in a lo kalsan thu a sawi bawk, mahni a ka haw angai ngei dawn anih hi, ka thiannu chuan min haw pui chu a duh viau a mahse kan veng a in ang lo bawk nen chhuanawma rual chuan haw mai tur in ka hrilh a, mahni te chuan ka kal ta hnak hnak a, taxi lo tlan lah an khat zel bawk si a, ka zawn ah chuan bike a rawn ding chat a, horn a hmet ri nghal tuarh bawk, ka Han en chuan a lo nui var var a "lo Chuang la" a ti a, rang tak in a hnung ah chuan ka lawn ve vat bawk.
"Ka in ah tlang ang aw" a tih leh Chuan "awle" ka ti ve lauh a, kan tlan chhuak nghal zat bawk, a in kawt ah chuan kan ding a "tinge nangmah chauh a i haw?" tiin zawhna min zawt leh tawh, Hepa bul a awm hi chu zawhna hlir Ani mai, step ah chuan kan inzui chho a,kan ti ti pah malh malh bawk
Couch ah chuan ka thu thla hnawk a, tui in tur min pe nghal vat bawk "chau hman i ni lo, in tih fel angai ania" kalsawn vut pah chuan a ti a "tinge hospital ah i kal lo ami?" Ka tih chuan "kal e, i u a sual lutuk a ka lo haw hma daih" a lo ti Sam ét a, "in suk tur atam ania" tih leh pah chuan pindan ah a lut daih a.
Ani hi dr.joshua ania, ka u bialpa hlui Ani ka u nen khan an in zui rei ve ang reng a, an in nei mai dawn amaw kan tih laiin an in then leh thut a, achhan Chiang fak in ka u khan sawi duh lo mahse mi thenkhat sawi dan in ujoshua chhung te khan ka u hi an iai deuh ni khan an sawi a, ujoshua erawh in tun thleng in ka u rilru thlak sak a tum a, ka u erawh tih tawh loh chu ti lo bur ang kha ania, an in be tha em em reng a mahse in zawmna mumal an nei tawh lo thung, ujoshua hi a mah in a in dang a chu pawh ka u vang in, a in ah hian kartawp ah ka in hlawh thin bawk , hlawh min pe tha thei si, tihtur a tam ngai bawk si lo, mahse ka u khan in hlawh tawh lo tur in min ti a, ujoshua ka hrilh khan a lungawi lo hle anih kha, ka u run luih nan tal pawh tiin kartawp a lo thlen tawh hi Chuan a in tifai tur in min rawn lam a ching ta thin a, ka u pawh in a khap duh ta bik lo kha ania.
"Lo ngaihtuah Suh, ka lo thlah mai ang" pindan atang a lo chhuah pah chuan a ti Lang Lang a, ka u a bia anih ka ring, ngawi reng chuan ka en reng a, phone chu a dah daih bawk, "thelmai hi chu a thinchhe mah mah" phone dah pah chuan a ti a, ka lo nuih hak hak thung, "othelma-i chuan enge a sawi a" uang fe hian ka ti a, kartawp anih loh Chuan ujoshua in a kal hi a phal vak ngai lo a.
"Va insu la,pi berin haw hma tur in a duh che anih chu" tih pah chuan a kalsawn leh nghal daih a, bathroom ah lut in a kawr chu ka suk sak nghal mawlh mawlh a nidang ang bawk in a awlsam leh ngang mai, a then phei chu tui a chiah huh tawp a comfort a chiah leh ani mai, hetia in hlawh hi ka duh bik vak lo a chhan pawh hlawh min pe tha thei si, ka thil tih lah a ho tham si chuta kar ah ka u bialpa hlui a lo ni kher nen midang hmuh ah pawh a mawi lo ang.
Ka insuk zawh chuan in Chung lam ah ka thuamhnaw suk pho tur Chuan ka chho vat a, in chhung ka luh leh Chuan thutkhawmna lam ah chuan tawng bul bul thawm ka hria a, ujoshua hian in leng a nei leh tawh aniang vawiin chu hlawh min pek a tum pawn ka hnial ve ngar ngar tawh ang, thutkhawmna lam ah chuan ka phei ve nghal vat a, ka mipa hmuh avang chuan ka ding chawt a, ka lam an rawn hawi lo hlauh, sir jeremya Ani higher kan kal lai khan kan teacher Ani a , kan star thei lutuk tlat, higher kan kal lai ang bawk khan a la chhe lo reng mai, ujoshua nen hian an in hria a ni ngei ang, an in biak dan ah in hmelhriat tha tak an ni tih a hriat theih.
"Ujoshua ka insu zo a, min thlah lo mai rawh keimah in ka haw mai ang" ka dinna a ding reng chuan ka ti a, ka lam an rawn hawi ve chiah bawk, sir jeremya chuan min melh leh khui tawh mai, min la hria angem le? "Min lo nghak lawk rawh" ujoshua_an a tih chuan sir jeremya chu a tho hluai a, min la en char char in ka hria, ka hawi chhuak ngam tawh bawk si lo.
"Nuntluangi kha i ni em?" A tih chuan ka hawi chhuak rang khawp mai, chhang lo chuan ka lu ka bu nghat ringawt a, ujoshua chuan "in in hria em ni?" Phawk zet hian a lo ti a, sir jeremya chuan a student hlui ka nih thu chuan a lo chhang vat a, class 12 result te leh college ka kal em? Tih te min zawt liam a, tha tak in ka chhang ve zel bawk.
Zirna chungchang rei fe min sawipui hnu ah min haw san a, ujoshua hnen ah engtinnge an in hriat tih ka zawt nghal vat a, school an ka ho thin thu min hrilh a, nupui a nei tawh em? Tih chu zawh ka chak viau a mahse HEPA thil chik mi em em hian ka duh emaw a ti leh tlat pek ang, ngawih hrih hi a tha ber ka hre chho zel tur ah ngai ang.
Kan in kan thlen chuan ka u pawh a lo haw tawh a, ujoshua pawh a rawn lut ve bawk, ujoshuaa'n pawisa min pek a tum chuan ka lo hnial vat a, min pek luih talh chu a tum a, ka u pawh chuan a lo khap ve bawk, thutkhawmna ah chuan ka u nen Chuan hna chungchang an sawi dun bawrh bawrh a, ka u pawh in tha tak in a be bawk, an pahnih hian mi fing tak an ni ve ve a, hei vang hi niang an in rem theih loh ni.
Ka phone chu a ri ral ral a, number hlang Ani ka la dawn nge dawn lo ti a rilru ka siam lai Chuan a tawp daih a, ka call back duh ta lo, ka phone ka dah chiah chu a rawn ri leh nghal ral ral a, ka la ve ta hram bawk
"Nuntluang" Hmeichhe pakhat hian a rawn ti Lang Lang a, a thaw deuh hluam hluam in ka hria, thawm dang a tam em em bawk
"Aw enge ni ta" ka ti ve thuai a, "Muani ka nia Rodinga te an insual" a ti leh a "thlah rawh Rochanpui" a tih zawm zat bawk, thawm chu a bengchheng khawp mai, mipa in hrosa thawm te pawh ka hre thei hial, kei min rawn hrilh daih chu ka duh lo hle bawk.
"Tih theih ka nei ami" tih pah chuan phone chu ka dah hmak a, Rodingliana buai Chang a min ti buai ziah thin hi ka duh lo, ka va in lan leh anih vaih chuan kan misuala khan a thinrimna zawng zawng ka lak ah hrik thlak a tum leh mai ang.
Ujoshua chuan phone in mi a be mawlh mawlh a, an awm na a ka phei chuan a lo tho uai a "ka nau a buai deuh a , ka va buaipui loh Chuan" tih pah in a helmet chu a khum a, ka u Chuan pàwn thleng a thlah bawk, othelma-i lo luh hnu chuan thingpui te kan lum a, balcony ah chair la chhuak in ka lehkha zir tur ka keng bawk, balcony a lehkha zir hi nuam ka tia, ka lehkha zirna ber Ani, ka u in eirawng a bawl a, lehkha ka chhiar malh malh bawk.
Rei fe ka chhiar hnu chuan khua pawh a lo thim ruih tawh ,In chhung lam ah chuan "balcony ah sawn lehkha a zir" otheli'n a ti ri chu ka hria a, ka lam pan a rawn kal ka hre zawm zat bawk, ngaihawmi ani "enge i lo tih dawn" ka ti vat a "kan lo kal kawi, sangsanga leh rodinga te an in sual a" a tih chuan ka lo phawk kher mai "enga! Ti nge a?" Ka ti nghal zung zung a, "a haw tur kha rodinga te thian ho khan an lo ti buai a, an in sual hrep alawm chhuanawma an lo phone a, kan pahnih in kan va kal a lawm" a tih chuan "a na em?" Ka ti leh thuai a, anat vak loh thu chuan min chhang a, in chhung lam ah mipa tawng thawm ka hriat chuan tukverh atang chuan ka bih vat a otheli thil Chan lai chu chhuanawma chuan a lo thut chilh ran a, an in be mawlh mawlh bawk.
"Muani khan min rawn phone a" ka tih chuan "awi awi awi an ngei teh mai che ania papuii nen khan kan phone ve em em a, min chhang tha duh lo an tia an thinrim hmel lutuk" a tih chuan nuam lo ka ti hle tawh, a sawi duh ang pawh a sawi zawh hma khan phone kha ka dah daih a, min rawn call leh pawn ka chhang duh tawh lo anih kha.
"Pawi ti Suh, lokal ve pawh ni la tih theih i nei bik lo ang, buaina a punlun mai mai zawk ang" a ti leh nghat nghat a, ni e kal ve pawh ni ila buaina a tam mai mai zawk ang,
College kal a va huphurh awm leh dawn ve, Muani leh Papuii te pahnih in min ngei phei chuan, awmnuam lo ram ram a mi siam dan an thiam si.
In chhung ah kan inzui lut a, khua a tlai tawh avang in an haw nghal vat bawk, keini pawh zanriah te kan ei a,dawr a kal tur in ka u nen kan inzui chhuak a, kan awmna atang hian dawr hi a hla deuh hlek a, zan lam ah phei chuan mahni mai a kal hi ka u hian a remti lo thin, biak in thlang kan thlen chuan bike hian min tlan pel zut zut a, kan hma a lo ding te ka hmuh chuan ka ding nghal chawt a, ka u ban ah ka vuan nghal vat bawk, mak tih hmel em em hian min en haw a, kan dawr kal na tur ah chuan Muani leh papuii leh mipa dang pahnih hi an lo awm a, thil an lei ve a nih hmel, thim lai ah chuan ka u chu ka vuan ran a.
"Enge a" ka u Chuan a ti a, ka melh na lai chu a en ve vat bawk "i hlau ami a?" A tih leh Chuan tawng zawi deuh tur in ka hrilh nghal vat a, bike ah Chuang in an rawn tlan chhuak a, min hmu lo hlauh.
Dawr lam chu kan pan ve nghal vat a, ka u erawh in zawhna min la zawt lo thung haw lam ah chuan zawhna hlir Ani leh ang,kan haw lam ah chuan kan in keng bawr leh khawp mai, dawr kan hlat avang hian kan in lei khawl treuh zel, horn rawn ri thut ah chuan ka léng deuh lawp a chak em em hian bike in min tlan pel nghal a,, ka en chian chuan a hnung a Chuang chu Rodingliana a ni tlat in ka hria.
"Bawihi ana em?, An va Han mawl em em" tih pah chuan ka u Chuan min pawt tho vat a, lei ah ka thu sawp nuaih tih ka hre ve chiah, kan kal leh nghal thuai a, "min lo nghak ve la" otheli chuan a ti Lang Lang a, ka lo kal chak leh hle a nih hi "rawn kal chak rawh" tih pah chuan ka kal zawm leh nghal a, kan veng ah an thian ho khan enge an rawn tih le? Ka awmna hria in kan in a lokal an tum a mawn le, kan in kawt ah an lo ding angem? Tih te ngaihtuah chuan ka buai ru khawp mai, vawiin lam ah sangsanga nen an in sual si a, a thinrim ka Chung ah hrik thlak a tum leh ringawt aniang a, awii ni lo chungtiang chu Ani lo ang, min hre leh tawh teuh lo mai, "i bialpa in Hmeichhe dang a phur em ni?" Tih pah chuan ka hnung ah a rawn Beng dat a, ka Phu zawk thei "chutiang Ani lo" ka tih chuan a lo nui pat pat a, "i kal chak dan ah te leh i awmdan ah Khan ka hria" otheli chuan uang fe hian a ti leh a, ka chhang tawh lo thung, kan in kan thlen dawn chuan ka bih Dak Dak a, kan kawt ah tumah an awm lo tih ka hmuh chuan ka thaw huai thei, mak tih hmel em em hian ka u Chuan min en leh haw haw thin, ka hre lo der hmak thung.
In chhung kan luh chuan intur a lei chu la chhuak in ka in nghal khawkh khawlh a, bathroom ah inbual tur in ka lut nghal vat bawk, sangsanga chu biak pawh a tha viau in ka hria a mahse naktuk ah kan in hmuh tho ka rin avang in ka be duh ta lo, bathroom atang ka chhuah leh Chuan otheli phone hmang ri ka hre zawm zat a "tun ah dar 9 a ri tawh a, bawihi amah chuah in ka kalsan thei hleihnem" vin deuh lek lek hian a ti a, room ah lut tlang in, ka in thlak nghal mawlh mawlh a, otheli chu rawn lut ve in "hospital ah ka kal angai dawn, RV ah tleirawl ho an insual a, nurse an in daih lo a" tih pah chuan a in thlak nghal mawlh mawlh a.
"Keimah in ka awm ngam hleihnem" ka tih chuan "ka rual in i lokal ve mai dawn nia, a rei lo ang, staff room ah i lo awm Anga, nih loh pawn min pui Anga" a tih chuan duhthlan tur ka nei lo, a rual a ka kal loh Chuan keimah in ka awm ngam bawk silo, kan veng ah thian ka nei bawk si lo, peih lo pawh ni ila min hruai lui leh dawn tho, zan lam ah phei chuan keimah chauh a ka awm hi a phal dawn lo Chiang sa.
"Engtin nge kan kal ang, ké in ami?" Ka tih chuan "i ujoshua a lokal dawn" a ti a, "duty tlem lai te chuan sawmkimi te pawh chhuah loh ve mai tur ania, min rawn phone buai ziah, Joshua lah hi ka hne lutuk" a ti hlak hlak a, ka lo pawmpui khawp mai, a lo haw hma ve trum pawh hian an ko leh ziah thin a hna ah a in pek em avang hian a hnial ngai lo mai pawh a.
Hei Chen hi ni phawt rawh se aw, current kan neih theih loh avangin ka phone battery a low char char a, ka type thei thlawt lo Ani, min lo hrethiam hram hram dawn nia chuan tun chapter hi chu a ni deuh nuaih bawk, angaihnawm lo ngawt ang
FB lam ah like leh comment mawlh kha aw 🥰
..