FOI Chapter-4

[Duati Hnialum]

Ka u nen kan inbiak zawh chuan mu turin ka inruahmana, exam chawlh lai hi chuan lehkha ka zir vak lo,a hahdam thei ang bera awm tumin ka enjoy ve thei hle.


School pawh tan leh tawhin results an puan chuan rin loh deuhin class -11 pumah pakhatna ka lo nia, ka tihthat chu ring tho mah ila, topper em ka nih ka inring lo,Maggie leh Elly te pawh top 10 ah langin kan hlim nasa mai ,bullet in board ah class zawng zawng results an tar avang chuan class-12 chu en vein a hmasa berah Lalhruaizela tih a lo inziah kiau mai.


"Eeee, nupa pain topper te an nia, an fate chu awii ka suangtuah ngam lo" Elly'n a lo tih chuan thip deuha melhin "Mawl suh, mite reu reuin an lo hria ang e" ka tih lahin a ngai ho em em mai lehnghal.


Nia, ka duh tih chu ka inhre tawh mahse ngaihzawng nghet nei a ni tih ka hriat khan ka hnual ve lutuk,mi inkara tlakzeh hi ka thil duh lo ber a nih avangin ka tan chuan 'Di rukte' niin ka thinlung kil khat hi lo luah mawi ve se chu em chu a thiang lo bikin ka ring lo.

Maggie chuan mi en vang vangin "I ta tur a nih chuan engtik niah emaw inla intawng leh em em ang. Pathian hian kan kawppui tur te chu a ruatfel diam a lawm, mihringin ka lo zawn ve hian a remruatna kan tibuai fo" a lo tih takah chuan keipawn "Ka beisei" tih chauha chhangin ka ngawi ta vang vanga.

Ni e, ka khawppui tur a nih chuan kan la intawng leh em em ang,a ni chuan rei loteah school a chhauh san tawh dawna, ka piang ve em tih pawh a hriat ka ring lo mahse keichuan ka hmuhna la rei lo hle mahse ka thinlungah hian a cham reng tawh ka ring a ni.

Kan class pawh karlehah lo awm tur school function kan conduct dawn avangin kan buai hlea, kan theme tur pawh a thain kan inpuah chah nasa hle, kan class leader te chuan eng tin nge maw ka zai thin tih an lo hriat ni, zai turin min ti deuh tlata hnial an nuam tawh si loh avangin a tawpah chuan ka aw ve ta nge nge a.


Zai hi nuam ka tiin ka naupang deuh lai chaun ka zai nasa thei hle a, musical instruments pawh khawih thei loh ka nei tlem hle.


Ka zai tur ber pawh ka hriat loh avang chuan ka rilru a buai hlea,Pathian hla sak chu tha viau mah se boruak tlema hot deuh a ngaih ve avangin kan leader te chaun Lengzem sa turin min ti a, ka rilruah "Di rukte" tih chu lo langin ka guitar chu la nghalin ka han perh chhin vela.


Function ni pawh lo thlengin ka huphurh ru ve viau a chhan pawh kan school-a item ka neih hmasak ber tur a nih vang pawh a ni mai thei. Programme pawh tluang taka neiin ka zai hun a lo thlen chuan kan host chuan " Please put your hand together to welcome our class singer Pearl Lalrohlui " a tih chuan mipui lam chu thum hakin kut beng ri chuan a rawn khat nghala.


Zam lo ang taka langin nui sang chungin keipawh ka guiter nen chuan ka chhuaka, mic chu min lo siam sakin mit chhing chung chuan ka guitar chu ka pherha.
'I anka thlumin lung a ti awi' ka tichiah chu mipui lam rawm thum hakin chu chuan min tiphurin keipawh chuan nuam ka tiin ka zai chhunzawm zela.

A thunawn ka thlen chuan meng chhuakin student ho chuan min lo en thup chu nui sukin
' Di rukte, haider lo la,
I kiangah chuan ka buai thin kha,
Zan mu chhing leh i rim ,
Zan thimin a ken tal tichuan ka hlim" Ka han tifan reih chuan an lo au nasa ngang mai .

Ka sak zawh meuh chuan kan thawm chu tha tawh tak a ni.

Chutah kan host chu lo chhuakin "Min lo hre thiam la, kha hla mawi tak kha sak chhan i nei em? " a rawn tih chuan nui sukin mic chu lakangin "Di rukte nei zawng zawng tan a ni e " Ka tih chuan thawm a tha ngang mai.

Back stage ka luh chuan ka thiante pahnih chuan min rawn kuahin "Awii! I va bawn chhuk chho phei kual ngai ve le"Elly'n a rawn tih chuan nui chhuak hawkin ka lu ka thing mat mat a Maggie lah chuan " Lehkhathiam hmeltha bawk zai leh zel i thiam hi chu a fair lo" A lo tih chuan nuih ka insum thei tawh lo a hmel zawng zawng nen pum dawm meuhin ka nuih.

Chutia kan nuih zawh chuan student ho thutna lamah va thut ve tumin kan kala,kan kal pelh apiang te chuan min en zui zel lehnghal a nuam vak lo.


"Awii, a hmeltha sia chutah topper ala ni zui amah tawp khi a perfect e " tih kan hnung atanga an sawi thawm ka hriat chuan nuam ka tih tehchem lo mi aia lansarh emaw hnuaihnung nih hi ka duh lo ve ve.

Kan thut ve meuh chuan kan chief guest chuan thu lo sawi mekin zirna chungchang te sawiin min fuih nasa ngang mai; amaherawhchu, a thusawi tawp lam kha chuan min tizak deuh " 'Di rukte' sa tu khan di ruk a neih vaih chuan chupa chu avannei ngawt ang" a ti a nih kha . Awii kan hnung leh hma mite chuan min en deuh haw hian ka hria,ka zak lutuk chu zak lo ang taka awmin ka nui ta vel mai mai ka feelings te hi mi hmuhah ka tilang zen zen loh avang hian 'ka di rukte' chu ka thiante tihloh hian an hriat ka ring lo.

School lam pawh ka kal tluang viau rualin duh aia ka lar ta mah mah avang erawh chuan nuam ka tichiah lo.

Class ka luh chuan kan senior te ka hmu nghala chutah min hmuh rual chuan tho vat hlawmin an chhuak ta daiha. Ka ngaihsak lem vak loh avang chuan ka en zui lem lo ka classmates te erawhin min en hrek hrek.

Ka thiante bul ka thlen chuan min rawn pawt thu vatin Elly chuan " Kha mite kha i hria em? " a rawn tih chuan keichuan "Hre lo" ka lo tisam et.


Chutah beidawn hmel tawka min enin "Awii! Kan school a chicks ber te an nih kha" a lo tihchuan dar san akin "Chuan eng nge" Ka lo ti chu ka chalah min rawn nem pawpin " Mawli, an rawn zawng che nangmah" a rawn tihchuan hrethiam lo deuh hian "Ngatan nge min tih " Ka tih leh phei chuan a chal dawm vawng vawng hian " A star che ni mai lawm David khan" tih leh " A chicks a nia aw, an hausa bawk a.Kan school hmeichhe tam zawk star rawn a lawm Lalhruaizela nen hian mite star rawn an nia" a tih leh chuan "a ho em mai" tih leh project lam sawi ka rual ta daiha.