FOI Chapter-3

[Duati Hnialum]

Hun leh ni te liam ve zelin 1st term exam pawh tha takin kan zo fel theia, ka chhang tha ve viauin keipawh ka inhria.

"Naktuk chu chhuak ho ve ila, exam zawh lawm nan" Maggie a rawn tih chuan Elly nen pawh tha kan lo tiviaua. Hostela awm an nih avangin min rawn sawm ang a,kan in atang kan leng chhuak dawn niawm tak a ni.

Chutia kan lenna tur vel kan lo sawi ho lai chuan mipa sang tha tak min tawk zawnga rawn kal chuan ka mit a la hle a, min kal pel hnu pawn ka lo la thlir zui reng chu niin ka thiante khuh kharh thawmah chuan ka harh zawk mai.

" Ee,, I mit a tla ang tih ka lo hlau hman lutuka" titu Elly chu hrethiam lo zeta enin "Eng nge" ka tipawr hlara, chutah "Lalhruaizela senior most, topper ni lai a nih kha" Maggie chuan rawn tizuiin "Eng nge chu chu ngatan nge intih" Ka lo tih chuan ka chalah an phaniha min rawn kuk fawkin Maggie chaun "I melh dan atang khan kan hre vek, zep tum lo mai teh" tih leh min kaih aruala.

Ni e, ka inzep lo ang mipa ka vawikhat hmuhnaa ka thlir zui awm chhun a ni. Ka zirna chauh ka ngaihtuah thin avangin ngaihzawng lam ka ngaihsak ngai lo, insawi luck vang niloin star tu te hi chu ka nei nasain lehkhathawn tea min rawn chhai zui tute pawh ka tawng ve tawh mahse ka rilruah zirlai bak ka dah ngai loh avangin ka uksak ngai lem lo.

Mahse kha pa aw nitak Lalhruaizela kha chu a danglam a ni.

In ka thlen chuan intifaiin online class ka attend nghala, vai ho hi chu an hnaah hian an chiangin zawhna kan neih te hian an lawm zawk emaw tihturin min dawngsawng thaa hei hi entawn tlak tak niin ka hria.

Zan ka mu chu mak tak maiin ka mitthlaah Hruaizela ngawt chu lolangin ka tihngaihna hre lo chuan ka mit nataka chhingin "lo lang tawh suh" tia phun char charin ka lo inphun muhil ni ngei tur a ni.

Zing ka tho chu eng emaw kim lo riau hian ka inhriaa chutah ka mumang hrechhuak thutin ka sa pup pup mai, eng dang a ni lo ka mumangah lehzel Lalhruaizela chu lo hmuin, vawiina ka thiante ho nena kan lenna tur tia ka sawiah te chuan kan lo kal dun vel chu niin! Tuman min hmu lo mahse ka zak lutuk chu lukham lain ka rak chiam ringawt.
Nizan lamah chhuah ka pite ka dil lawk tawh avang chuan chaw ei khamah ka room tifaiin inbual tum chuan bathroom ah ka luta, inbual pah hian ka thawmhnaw ka suk nghal zel avangin thawmhnaw bal hi ka nei hman ngai meuh lo.

Ka inbual zawh chuan ka sam tiro hmasain ka hmaiah sunscreen chu hnaawihin,ka hmuiah lip gloss hnawih leh tawpin , ka hak tur khuma ka dahsa skirts hring a ruka a vara par leh top var chu ha nghalin converse bun leh tetein ka perume duh ber cherry blossoms Oriflame a mi chu inkap leh thuak thuakin ka sling bag ka ak leh meuh chuan ka insiam zo a ni mai.

Full mirror ah ka inen chuan ka lang tha ve viau chuan ka hria ka sam sei nghiang chu ning thing viau mah ila min tilang nu ve viaua ka thu chu nise ka tanna a rei tawh ang ka pu'n tan a phal miau loh avangin ka la zuah ve ngar ngar a ni.

Ka phone ri chu hriain rang taka pick up vatin "in gate bulah kan awm, mahse kan lo lut ngam lo" Maggie chuan a rawn tinghala "ka lo chhuak nghal" tih leh inhnuaia chhuk chu ka ruala. An sawi ang tak takin kan gate bulah chuan an lo awma,inchhungah lut ve hrim hrim tura ka sawm avang chuan an rawn lut ve maia.

"Awii!in invan nei nuam" Elly chuan ka beng bulah zawi tein a rawn ti chu nui liam san maiin ka pi leh pute hnenah chuan inhmelhriattirin keini pawh bazaar lam pan chhuan kan chhuak ve ta nghal a.

Mission venga awm kan nih avangin Sikulpuikawn thleng kea kalin chumi atang chuan bus in bazaar thleng kan kal leha.
MINISO-a kal an tih avang chuan kea kalin kan titi pah mawlh mawlha rei loteah thleng ve nghalin mahmawh tur pawh ni chiah lo thil cute deuh deuh chu atam ngang mai rin aiin a to zek zul lehnghal.

Ka thiante chu hostela awm an nih vang nge hangers leh bawm vel te chu an leia kei erawh engmah ka lei lo thung.

Chutia, an thil lei vel laman pek tuma kan in line lai chuan dawr kawngkaa rawn luh tum mek Lalhruaizela hi ka va hmu hlawla! Ka phu lutuk chu Maggie kut vuan chawtin ka signal vata.

A ni lah chuan lo hrethiam em em in a rukin min nuih ru nasa mai.

Ka han en leh chuan hmeichhe kalpui a nei tih ka hmua ka hnual nghal ve ringawt chu mak ka tiin ka zak ru chem chem.

Chutah, Elly chuan engmah la hre ve hek lo " Pearl, I duh ber zawllaidi chu i han zawng ang hmiang " a han ti chu kan bula mite hre phah ho chuan min lo nuih hlawma ka zak pawh si chu ka hre lo der hmiah engmah thleng lo awm taka awmin ka kal daih mahse a ruk tak chuan ka zak takzet Hruaizela khan a hrepha ve ngem tih te chu ka ngaihtuah hman vek.

An pahniha an lo chhuah chuan an nui nasa ngang mai keilah ka thin a rim tet tet "Eng khatin min tiha" Elly hnenah Ka tih chuan "Aw zawllaidi chu i duh lo mi, kan hmuh vaih chuan i tat zauh nga, i zunah a uai chhuk chho tawh mai dawn alawm" alo tisam maia, keipawh chu ka nui ve ta tawp thinrim reng theih pawh a ni lo .

Restaurant-ah thil te kan ei hnu chuan haw kan tum deuh tawh avang chuan bus stand lam chu kan pana. Chutah, kan hnung atang hian "Bawihte" tih thawm ka hriat avangin ka va lehhawi chu Putea hian min lo nuih vur vura.

Ka thiante nen chuan dingin Pute chu kan lo nghaka, kan bul alo thlen chuan "in haw tawh dawn a mi? " lo tinghalin keini lah chuan lu lo bu rual thupin, chuatah Putea chu nui sukin min thlah tur thu sawiin a motor lam a pan nghal maia.

"Naa.. I hnial loa" Maggie a tih chuan "ho mai mai sum save na vek a lawm" Elly a lo tisam thenin keipawh chuan "Nia, a rual chuan haw mai ang u chubakah hnialna hun pawh a awm loh kha" Ka lo tih chuan Maggie pawh chuan tha chu a ti leh ang lawia.

Putea car kan zawna a lo din chuan lut nghal hlawmin ,a hnungah kan thu veka. Putea hi a tawng tam lem loh avangin ka thiante pawh an hming a zawh bak a be tawh lem lo.
Hostel thleng ka thiante kan thlah hnu chuan inlam keini pawn kan pan ve nghal maia.
In kan thlen chuan ka chauh deuh avangin inbual nghalin ka mu ta daiha.

Rei pawh ka la mu loang tihah chuan Ka phone chu lo riin meng mang loa ka phone chu banin "Hello" ka ti nghal thawra.
" Lalrohlu mi biakna chang te hi hre ve ta che, biak loh chuan mi biak reng reng tum lo" Ka nu aw ngei maiin a lo tih chuan nui deuh sakin "Hei kan inbiak reng hi"ka tih chuan rawn sa tawh tak a ni. "Keini min biak loh pawn I pu tal hi chu nitin lo be rawh, a vui nasa a nia,a tum bur reng lehnghal "a tih chuan "Min ngai lo reng reng ka pu chauhin kei hi chu min ngai a nih hi" ka tileha hmui hupin ka nui nasa ngang mai ka nu hian min duat khu chuk lo mah se min ngaiin ka awm lo hi hreawm a tihzia ka pa nen kan inbiakah a sawia kei pawh hi biak hmasat ve zel an ngai tawh ang phone atang hi chuan sawi tur ka hriat loh thin em avang hian biak lohah ka tlak leh mai thina insiam that ve deuh ka ngai a ni.

Ka nun nen kan inbiak zawh chuan inhnuaiah chhukin ka Pu bulah chuan va thuin TV kan en duna,Ka Pu( ka pa pa) angin tuna ka Pu( ka nu pa) hi chu ngaina viau lo mah ila min duat lutuk ve tho, a tawng tam lem loh avang hian ngainat hi a har ve deuh tih mai loh chu Pa fel tak a ni. Ka u nen tuna ka pu hi chu an inbat bikin kan unauah pawh ka u hi a duat ber.

Chaw kan ei kham hnua room ka luh chuan ka phone alo ri leha, vawiin chu ka luck riau mai tipaha ka han en chuan Ka u chuan min lo video callo niin ka pick rual chuan a lo nui thaw mai "Vari, eng nge i zirna te" a lo tih chuan rang takin "Vari min tiziah suh " Ka lo ti vin nghal hlara amah lah chuan ngatan mah tiloin a nui nasa ngang mai ka u hian min fiam hi nuam a tiin in a kan awm dun phei chuan kan inum kual nasa thin hle.

( story hi a boring deuh intih pawn ka hrethiam lutuk che u mahse min lo chhiar sak hram hram turin ka ngen a che u)