NAYELI

[Nui Ngente]

NAYELI

By Nui

Chapter-3




Inkhawm chu ka ring ai daih in anlo tam a puitei chuan ahnung lam ah chuan min thut pui a,"teh thusawi tu tur khi ka peihlo e,kan kohhran upa thusawi rei ber thin anih khi thusawi rei ber of the year chu dawng tur nise a dawng hmasa ber ang"alo ti sup a
Ka nuih chu aza ang reng si ka nui ngam bawk silo,ahreawm tak zet.






Chairman a ding zawh hnu chuan
Thusawi tu tur pawh chu a ding nghal a,pathian thu a a luh tak tak hma chuan thu ma hruai anei nghal duah a
A thu hma hruai sawi pawh chu
A rei fu a,ka thut pui nu chu a mu thlu nghal a,kei erawh thusawi tu a amen thut thut zel avang in ka muhil theilo va,ka phu deuh zawk zawk zel mama te lam ka zuk hawi thlak chuan kan lalrinpuia chu thuthleng chu bawh in alo muhil a,an thut na ahma ang reng si ka hau chak tak zet,keini chu kan thut na ala hnung tal a,ka hau Chiang khawp ang.









"Puite tho rawh kan bang dawn ania"tih pah in puitei chu ka sawi deuh va alo harh vat a,"awii,,,dar 9 ari tep alawm le ka ning athusawi zan chuan ka in khawm tawhlo chiang ngawt ang"ati leh a,atawng ring deuh hlek avang chuan kalo khap vat.









"Lam ava han tam ve ka va tul lut ve dawn amile"puitein atih chuan
Rum zet hian kalo melh a,a lei min chhuah khum duh chauh"ka va tul lut tak tak teh ang"tih leh kal atum a
Mi hmuh theihloh tur ang ber chuan
A kut ah chuan ka chelh a,atal put a
Ava vir chhuak ta mai,ka hmai kalo hup nghal a, kan hnung a thu te chu
Nui ri ngam silo hian an in hup deuh far a,lalnunpuii mai mai chu a mu a tho chiah a,a van zak theilo mai mai tak.




Ezra leh mama chu kan lam an rawn hawi chho nghal zat a,tih ngaihna hrelo zet chuan kalo en ve ringawt a, puitei chu ka hmu phak tawhlo va, lam an tam si a lai ah ava mi tlaw mut tawp anih ka ring ve ringawt.








Zai a zawh hnu chuan"heiraw hla pakhat kan thlang ve lawk ange Ka thinlung sual bawlhhlawh hnu kha tih kha khuangpu uzaitea khan han la se"lalnunpuii aw ngei mai chuan a rawn ti,awi aw ka va han zak thin tak Nu muani te thutna lam ka va hawi phei chuan hnuai lam hi a bih char char a,a zak ve viau aniang Pa ngura lam ka va hawi leh chuan a ban chu phar in alo chhing diar diar a,ani erawh nu muani anglo tak in afanu hla thlang chuan ahneh hmel kher mai.







Puitei hla thlang kan sak zawh hnu chuan lal biak na sawi in inkhawm chu kan tin a keichu rang lutuk chuan ka chhuak zui nghal a,mama leh ezra pawh reilo te ah anlo chhuak zui a "Lalnunpuii kha enge ahriat a thlarau vin a khawih tihna ami?"ezra chuan ati a,"khawih mai mailo,ka va tul teh ang atia alo tul chhuak nghal anihkha "kalo ti vat,"henu hi chu aw"ati vang vang ringawt.







Puitei chu kan nghak deuh va,alo chhuah chuan thenkhat chuan an chibai liam liam hlawm a, kan lam chu a rawn pan phei nghal,apuan bih chu a paw vek a chutin a kawr hak lai pawh "Ekhai,,,ka rawl vek mai haw thuai ang u mut ka duh"in beng fai mawlh mawlh chung chuan a rawn ti nghal zawt zawt"lalnunpui i over ka ti dawn nge pawh ka hrelo,i mu tho chiah thusawi pawh engmah i ngaithla lo,i ning thu te i sawi zawt zawt a,i phur vang chauh vin i va tul chhuak ve leh ringawt a Kha tiang kha chin tawh suh,fiamthu na chi pawh anilo"kalo ti charh charh a "A ninawm e,ka duh vang a in vawrh phei thut pawh ka ni hleihnem keimah ah a thawk deuh thut ani mai lawm,nangmah ni ah a thawklo va in hriatthiam lo mai mai ani,zah pawh a sawi thei tawhlo anihkha"arawn ti vat a,"lalnunpui haw vang vang ang u"ezra in alo tih chuan puitei chu phun hluk chung in akal nal nal.



"Heh hawh che hian i a men khan biak in chung pawh athlenglo ange"ti ve hluk in ezra pawh akal nal nal a mama nen chuan in en in kan nui ringawt.





Mama chu ezra lo leng dawn vang in
An in ah chuan apeng lut ve a,puitei pawh chuan min peng san a lo leng tur a ka sawm pawn 'ka mu dawn'ati deuh tlat a ,a tih luih theihloh,nu muanin atih dan ka hre chak ngang mai.







In ka luh rual rual chuan"puitei kha
avan rau ve"ka nu chuan alo ti nghal a
"Ati mai mai anihkha"ka ti ringawt
Pa zara nen chuan an nui nasa khawp mai,in thlak zung zung in ka chhuk zui leh nghal a,ka nu te erawh anlo mu hman a mama te pawh anlo lut zui ve nghal.









"In mut a chhuak tawh anga kalo leng leh si a,a tlai tawh ve bawk si a"ezra in atih chuan"atlai lo,in thlahrung suh mut pawh ala chhuaklo"a in thlahrung hlau chuan kalo ti vat, mama lo chhuk leh hnu chuan in khawm lai a thuthleng bawh a amut avang khan ka lo hau vat a, ezra nen chuan an nui duh chauh.









"Ka va phei tawh ange, naktuk chu
Admission tihte ani sia kal hma ila aw"ezra in atih chuan aw kalo pawh vat,ahaw hnu chuan kei ni pawh kan mu zui nghal,rintei nen chuan Phone call in in be kherlo mahila message in kan in be reng tho va,kan in biak ve lah hian kan in ngaih thu bak sawi tur kan hrelo.









Zing ah chuan ka tho hma ngang mai
Ka phur vang nge pawh ka hrelo
Ka chhungte tu mah anla tho lo va
Ka thiam ang tawk tawk chuan
Eirawng te chu kalo bawl ve a
Pangpar tui ka pek lai chuan ka nu chu alo tho chhuak a,chutia eirawng lo in bawl sa vek ahmu chu mak ati deuh aniang,minlo koh chul a ka tlan lut vat "I bawl ami?"min en hu pah chuan ati a "Aw ni e,enge kha tia i awm vak Eirawng ka bawl ngailo pawh nilo"kalo ti deuh na na"chu lam pawh anilo i tho hma em a, ramhuai in alo bawl vek emaw ka tia"atih leh chuan ka nu chu ka melh vak ringawt, angaituah na reng reng pawh chu aw,engtin nge ramhuai in lo bawl vek se tih angaituah chhuah ni,nuih pawh aza zawk e a.







Admission tih fel kan ngaih avang chuan chaw te chu kan ei hma a
Pa zara chuan min kal pui anga
Mama chu ka nu in akal pui dawn anih hmel lucusa erawh an sawi dan in
Tlai lam ah chauh alo thleng ang.






Puitei chuan minlo phone in apa nen an chhuah tawh thu min hrilh a
Keini pawh chu pa zara nen chuan
Kan chhuak nghal a,ezra chu phone in kan chhuah chiah thu chu ka hrilh a
Ani pawn an chhuah tawh dawn thu minlo hrilh vat.







Collage kan thleng chuan mi anlo la tlem ang reng hle a puitei chuan min hmuh vel ah chuan min lo pan phei vat
Kan thleng hnu reilo te ah chuan ezra leh apa pawh chu anlo thleng chhun zawm nghal, kan chhungten min kal pui chhan pawh lut thar tur ho chuan hruai tur kha an tih vang ani midang ho pawh chu lo thleng zel in
Kan tam tawh hle,"zopar lucusa chu engtin nge pa zara hian atih dawn"Puitein alo tih chuan"ka hre biklo vawin ah hian a rawn thleng anga Pa zara hian alo sawi lawk sa tawh anih ka ring ve ringawt a,a chhan pawh lucusa lehkha pawimawh ho tur
A keng vek "ka tih chuan alo bu zeuh.









A kal hmasa lam kan nih vang chuan
Kan hun pawh chu athleng thuai a
Alo harsa lemlo khawp mai,ka ring lawk ang ngei chuan pa zara chuan
A fapa chu admission atih sak nghal a
He school nei tupa nen hian thian anlo ni reng bawk a,chu vang te chu anih ka ring admission pawh lucusa tel lo va atih fel mai ni.









Pawn ah kan chhuah leh hnu chuan
Puitei chuan"pa zar ka pa nen hian lo va haw mai ru zopari leh ezra te nen kan bazar tlang dawn "alo ti vat a Pa zara leh pa ngura pawh chuan min hnial lemlo chuan thuawi deuh chuan an haw nghal ve mai a
Ezra te pawh rei vaklo hnu ah chuan
an lo chhuak a ,apa pawh chu a in khalh haw nghal.










"Hawi vua vua suh ang che u"ezra chuan ati a,puitei nen chuan kanlo melh rum nghal ngang mai "kal teh malsawmsang ka ti zak ngawt ang che Min kal pui hreh leh haw rawh,hawh zopar kal san ang min zahpui anihkha"puitei chuan min kal pui nghal daih a,ezra chuan minlo um zui vat
"Lalnunpuii hi chu a mak thin ania,i hre tawhlo ami ahma ka bazar pui che pawn i hawi vua vua a,bazar lai tak ah i in chhuih tluk tawp a i hma a hmeichhe naupang kal lai i va bawh tawp kha,kha naupang lah kha a tap ring si , kha tiang kha thleng tawhlo se ka ti alawm"ezra chu alo in sawi fiah nghal,ka thinrim reilo ngei mai puitei hmel chu en in ka nui chhuak hawk a.









"Malsawmsang i sawi chhuah lo lo tur i sawi chhuak ani,zomuanpui nangpawh min nuih vel a"tih leh kal arual a ezra nen chuan kan um nghal dawr dawr,ezra chuan chelh bet in
Kei chuan texi chu kalo phar vat a
Lalnunpuii kei mah ang tho va
Huat thu chhia leh luhlul chu
Kan nawr lut zui nghal,taxi a kan chuang hnu chuan atawng leh tawhlo reng reng,a lawmlo hle aniang.








A tawp atawp ah chuan puitei chu ezra chuan ati lungawi leh a
A lawmawm ti tawh mai ang,puitei chuan 'keichu kawr lei vak ka ngailo,nangmah kan en kual pui ang che'atih tlat avang chuan ka thil tur hlir en chuan kan vak kual a
Ezra pawh t-shirt pathum lai a lei ve a
Puitei erawh sunday bag bawk chuan amit ala leh a pahnih chu alei leh a
A ngaina ve hrim hrim a a room ah pawh hian sunday bag tih ang reng a tam ber,kei pawh chuan t-shirt te kekawr te chu ka lei ve teuh va Ka chhungte thil tur erawh engmah ka en hmanlo an mah nin lei ve tawh mai rawh se an mamawh tur chu.







Dar 1 ah chuan restaurant ah kan chawl hman ve chauh va kan riltam tawh hlawm viau ani chawk ang chu
Kan thil chah alo thleng chuan tumah in be lo chuan kan ei nghal mawlh mawlh a.








Puitei nen kan ei na pek kan va tum chuan alo nghak tu nu chuan "in thianpa khan ape vek tawh aw"nui sen sen hian alo ti a,ezra khan 'bathroom ah ka va kal lawk ange'kha ati a Chu mi pah chuan alo pe anih kan ring
Reilo te ah ahmel pawh kan hmu leh nghal "Ezra ilo pe ami?"puitei tih hma chuan ka lo ti vat"um"ati ringawt "Kal ang u zopar kan thianpa hi chu a fel ania chhuah pui ziah chi"puitei chuan kuah pah hian ati a kalo nui hak hak" henu phakar zia hi chu"ezra pawn nui chung chuan alo ti ve zat.










"Lucusa chu alo thleng tawh angem le?"minlo en zeuh pah hian puitei chuan ati a,ka hriat biklo thu in kalo hrilh vat"lucusa he lam ah a zawm dawn ami?"ezra chuan min en pah hian ati a"zawm dawn e"kalo ti ve vat
"Lucusa chu i hre chiang viau em?"ka tih leh chuan "hre chiang lutuk biklo
He lam ah a awm khat em a"alo ti vat
Sawi chhunzawm anuam ka tih tawh chiahlo vang chuan ka thiante pahnih chu thil dang ka sawi kai pui daih a.





Kan veng kan thleng hnu chuan taxi atang chuan kan chhuk thuai a
Driver pawisa pek kan tum chuan
'in tawng duh hlawm emai in chuang man chu Kalo tlawm ang che u'ati a
Keini ho chu in en in kan nui thaw hlawm a,lawm thu te hrilh in kan kal zui nghal a.








Ezra te in a ka la kal miahlo avang in
Kan peng leh zuai a an in chhung chu pawn atang a hmuh mai ai in aropui in anuam khawp mai, a nu leh pa te an fel em em bawk a, ezra chu fapa mal anih vang chuan an duat em em bawk en reng reng pawn an in chhung chu anuam dawn tih ahriat reng fiamthu an duh chhungkua hle bawk.







Kan haw meuh chuan atlai ve duai tawh hle kan in kawt ah chuan bullet nalh zet hi alo ding a ka thlek vang vang " lucusa alo thleng tawh anihhi"puitei chuan ati a,ka hmu hreh nghal em em ringawt,"puite lo lut ve la"tlawn ti tih a ka tlawn chuan " ka peihlo "tih leh a in lam pan arual a "lalnunpui i sual lutuk"ka ti ringawt, hnunglam atang chuan rum em em hian ka melh vak,tih theih ka nei hlawl silo.











Chutia in kawt a ka ding reng lai chuan
Ka nu chu lo chhuak in"zopar lo lut ta che mawle mi à ang mai a i ding vung vung"alo tih tak ah chuan hreh zet chuan ka pen ve chhat chhat a ka hmuh hreh chhan em em pawh ka hre hran chuang hauhlo,"mama alo haw tawh em?"ka tih chuan "haw na a rei tawh,i khai kha ami i thawnhnaw lei vel chu"ka thil khai kawk pah chuan ati a
Kalo bu zeuh"i unau pa lucusa pawh alo thleng tawh a,tha deuh vin bia bawrh bawrh la"atih leh chuan ka nu chu en in ka thaw halh ringawt.









Lucusa chu a room ah a awm aniang ka hmulo mahse minlo hmuh thut hlau chuan ka room lam pan in rang deuh vin ka tlan chho va ka room chhung ka thleng chuan ka hahdam sawng sawng mai,kei,mama, lucusa te chu in chung ah kan room a awm a chu te ringawt pawh chu anuamlo,mama room leh ka room chu in hnaih te ani a
Lucusa erawh a room awm na chu ahla leh deuh va ka lawm hle zawk,ani pawh a lawm hle ang.









Ka nu in ei rawng a bawl tawh tho vang chuan hmanmawh lem lo vin ka in tifai a,ka in tih fai zawh hnu chuan mama
Room ah chuan ka va lut a,ka luh rual rual chuan"u lucusa i hmu tawh em?"alo ti nghal zat ,"aih"ka ti ringawt "Nichin pawh khan in hnuai ah kan chhuk rual a keichu a fel hmel ka ti A t-shirt nalh deuh mai min pe leh nghal"tih leh t-shirt lian hlep hlup hi alo la chhuak a,"analh lo em mai ah"kalo ti vat, nalh ti tho mahila nalh lo tih anga lang kha ka duh char char zawk.









Mama nen chuan in hnuai lam ah kan in zui thla a ,a vawi khat nan lucus zohmingmawia chu ka hmu ve ta sofa ah chuan phone khawih hian alo mu der der a, kan thawm ahriat vel ah kan lam chu alo hawi nghal zat a sam buk ve pangai tak,mitkhur thuk lam pang, hnar ngul sang vaih anei bawk a,engtin nge ka sawi ang aw a biang vel lai chu a ki lek lek ti mai ang a mah a cher vang in a lang ki anih ka ring, hmui sexy zet mai anei bawk
Keichu a beng chen vel bak ka nilo
Kan lam alo hawi vel ah chuan in her in choka lam ka pan daih a.







Ka nu leh pa zara pawh chu khawi ah nge an awm bo daih ni, ka tih tur hrelo chu ka nu chaw hmeh siam sa te chu ka chawk kual vel ta mai mai ringawt "zopar dawr ah ka va kal lawk ta che"pa zara chuan ka hnung lam atang chuan alo ti thut a kalo phusa ngang mai.







"Ilo in ngaituah muk hle ani maw?"atih leh chuan kalo nui sak ringawt a
A pawisa min pek chu la in hmanmawh zet chuan ka chhuak nghal,pawn ka chhuak chu ka thaw huai mai dawr lam chu ka pan nghal a ,rei vaklo ah chuan ka thleng nghal dawr nei tunu hming hi nu rotei ani a
Kan in nel ve viau tawh mai ani nen pawh hian,nu tawng duh tak leh fel tak
Uang ve thei tak ani a,nileng a abul a awm chu a ka chak hle.










"Zopar lucusa chu alo thleng tawh amaw?"atih chuan ,alo thleng tawh thu kalo hrilh vat a"i pa Zara fapa lucusa saw mi sual ani hauhlo ania ,a mah saw a nui duh bawk si,a nuih a ahmel a hmuh nuam deuh chu aha var rual thap saw ania,mahse maw athinrim tawh vek vek si chuan bengdaih hleih theihlo ani sin zai dam thin thawk hi ani ber thin"nu rotei chuan ati dap dap a,athu min hrilh chu aho ka ti ang reng hle nuih aduh atih te kha ka awih teh chiam lo nichin a lucusa hmel ka hmuh ang chiah kha chuan hmu se chuan
He thu hi min hrilh ka ring hauhlo
A hmel arum ul anihkha,kan la awm ho zel dawn a nakin ah athusawi hi a dik nge diklo chu ala lang zel mai ang.










"Nu rote lucusa chu i hre chiang hle ami?"ka tih chuan" atet lai te chuan kan awm ve nasa thei lutuk mahse a len deuh hnu hian he ti lam hian a awm khat a,mi pawh hi anel tawhlo Mahse a awm ve tho e arei ve tawh em bawk ani"ati leh a,chaw ei ahun mai tawh dawn avang chuan ka haw san leh ta phawt a.










Ka haw lam pang chuan ka ngaituah neuh neuh va engtin nge lalrinpuia hian lucusa hi a nel nghal mai theih le
Kal dawn a athil sawi te kha ka ngaituah thleng zel a, amah ber ber khan kal a duhlo anihkha mahse tun ah chuan amah bawk hian nuam ati leh ber tawh anihhi,lucusa pawh hi a koh duh lo te kha kalo ring kha ania chu zawng a thlenglo phawt mai.










In ka luh rual rual chuan ka nu chuan "zomuanpuii kan han tirh ve tawh hi chuan kawng khat tal hian min hrem ve ziah anihhi chaw ei kha han siam nghal rawh kan riltam tawh hlawm lutuk"ati hluk a,chutia minlo ti nghal ringawt chu ka nu chu ka ngei viau mai
Tum bar chung chuan ka siam a,mama pawh ahma zawng a chaw ei hmun min siam pui thin kha lucusa bul ah chuan a awm ngar ngar a ka ngei ngang mai.









Chaw kan ei lai chuan pa zara chuan in ngeih tak a awm tur in min fuih mawlh mawlh hlawm a,a fapa pawh anun chu hmang tha hle tur in a chah mawlh mawlh a,lucusa erawh chuan a ngaih pawimawh ve vak lemlo khawp mai.








Chaw pawh chu ka ei tamlo ka nu in ka hming mal kher a min khak ve deuh reng avang chuan an bul ah chuan ka awm thei tawhlo ani ber,"zopar no vel kha sil nghal vek rawh"ka nu chuan alo ti leh sil zawh nghakhlel tawk in hmanmawh deuh vin ka sil ve a chutia sil tur alo sawi leh chu ka tah a chhuak tawh tak zet.








Thleng sil te hi ka ning ve thin ka nu leh pa zara an thawk a ka tih tur tih ka hria
Mahse achang hi chuan ka hne ve ngawih ngawih zel,ka nu hi chu amak ve hrim hrim thil ka tih lai reng te hian thil tih tur dang hi alo sawi zel a entir nan chhuat pawh lo nawt ta ila chhuat kha nawt rawh,nawt fai hle la
Kha lai kha ala bal chutiang chuan alo ti ve sek zel,zaidam zawk zawk kalo ni bik thinlo nen helam a kan awm chhoh hma pawh hian kan in hau ve reng zel.











Ka thil tih tur ka tih zawh hnu chuan
Ka room lam ah chhoh nghal ka tum a
Ka nu bawk chuan"zopar zan ah leng chhuah tawhlo tur, college in tan tak tak tawh dawn a,i rilru i pe hle tur ani"alo ti leh a,ka nu lam ah chuan chhang tum chuan ka in her let ve ta nghat.












"Nu i mak emai ka leng chhuah ve pawn puitei te in bak ka pel ngai hleinem ngati nge min khap hi i tum reng a? Ka chhuak reng dawn pawh ka ti nilo"Ka ti let ve zat mai,"zomuanpui i nun phung hi i hlauh hrim hrim i thian kawm te hi anih ka ring thian kawm tur te hi fimkhur angai ania i nu hi min hnial ve zawt zawt zel mai"ka thaw chhuak halh,ka nau pawh hi a thunun zo vek tawh anihhi.










"Duh tawk tawh teh u khai tluangi nangpawh hi in sum deuh thin la fate nun a thu tum lutuk te hi thil tha ber ani lo ve,zopar nangpawh i nu hi i zah tur ania ka mit mei venglo mahla nu te chu kan lei pathian an ni a zah tur ania"pa zara chuan ati dap dap a,lucusa leh mama erawh an phone an khawih mial mial a chutia pa zaran'ka mit mei venglo mahla'an ti kher chu
Nuam lo ka ti ve det, ka sawi tawh kha pa zara hian kan unau chung ah hian sual na pakhat mah a neilo ka nu in min hauh chang pawn ani chuan min lo chhan vat zel zawk kha ania tun a a thusawi pawh hi diklo a awm miahlo Ka zep hauhlo ka nu hi ka lei pathian chu ani alawm'mahse'lai tak hi a buaithlak anihhi.









Ka room ah chuan ka in kalh khum ta reng a rintei nen chuan kan in video call a bialpa a neih thu te chu uang deuh hian alo sawi bawrh bawrh a "Ezra kha"ka tih chuan aner deuh suk a,"kha kha chu ralkhat a hmeltha ka tih mai alawm khaw hmun ngei a anghet ka nei hi ka lawm"alo ti leh zat zat a
Lalrinngheti chu primary school zirtirtu ah anlo la ve ngei a rintei pawh hi lehkha thiam ve pangai tak ani a collage te hi kal chhunzawm peih se chuan athleng sang ve viau ka ring.










Rintei nen a kan in biak zawh hnu chuan puitei nen chuan kan in bia leh a
Ka tukverh hawng tur a min tih chuan
Ka hawng vat a,puitei chu alo nui var var a ,puitei room leh ka room hi a awm na a in zawn a kan hmel chu kan in hmu phak chang chang chauh ani Puitei chu ka nu nen a kan in hauh dan vel te chu ka hrilh ve luam a,puitei hi hmeichhe fel tak leh thian rin tlak tak ani.












"Chaw pawh ka ei tamlo ka riltam ania
Ka nu in chhuah a phal vak bawk silo
Min zilh zawh chiah zan ah chhuak nghal ila chuan min hlap zuang awt awt duh ang"ka ti a puitei chu anuih aza ngang mai,"zopar bawihte i room tukverh ah khan leihlawn kalo dawh sak ang che aw,i duh em?"thil ngaituah hmuk hmel deuh chuan ati a ka ngaituah a thil at thlak tak ani Mahse ka chhuak chak tlat bawk si.










"I in ngaituah rei lutuk zomuanpui"ring zet chuan alo ti a kalo phu deuh zawk "Lalnunpui lo dawh rawh"ka ti a Ka sawi zawh rual chuan a room tukverh chu a khar nghal a keipawh Ka in thuam lum nghal a,lalnunpuii chu kalo nghak reng tawh.













Rei deuh ka nghah hnu chuan lalnunpuii chu leihlawn nen chuan ka room tukverh zawn ah chuan alo ding nui sung a ,ala nui sung thei chu ka pheikhawk chuan ka vawm chak tak zet,leihlawn chu minlo chelh sak a dim te chuan ka chhuk thla zel a ka khur der der mai ka chhungte ka hlauh vang nilo vin a sang em zawk vang in ka hlau tak zet hmun sang te,in chhawng sang pui pui ah te hian keichu ka kal ngam vaklo ti ila ka sawi dik ka ring.

















A chanve ka thleng chu lum ka tih vang ni hauh lo vin ka thlan chu a tla zawih zawih tawh,"zomuanpui hmanmawh ve deuhla zankhua in lo chhuk i tum ami?"puitein zawi te chuan alo ti a ka chhang buai peihlo
Thei leh theilo chuan rum zet chuan ka zuk melh tawk tawk.











Ka tum vang ni hauhlo chuan lucusa room chu ka han melh chho va ka phu nasa lutuk chu ka tla thleh ani Puitei bul pawh ka thleng tla tep tawh "Zomuanpui ka pawt chhuk dawn che ami?"ati hlur tawh kan awm na a in hnaih tawh tho vang chuan a hma ai khan a tawng ring.









Eng dang anilo lucusa chuan aroom tukverh atang chuan minlo melh chhuk run a,"rinte lucusa room khi en teh"ka ti sap a ,rintei chuan "lo chhuk thuai rawh"ati deuh chul nghal a kan va han buai dun mai mai tak
Hawi chho leh tawhlo chuan chak zet in kan kal nghal hlawk hlawk a ka thlan chuan min bual tawh ani ber,kan in hlat deuh hnu a kan awm chuan kan ding a kan hah dun lutuk chu kan thaw chhuak halh halh ringawt.



























"A sawi hrim hrim ang"puitei hrilh em emlo chuan ka ti chhuak hak a Puitei chuan"ka fihlim"alo ti leh thawt thawt tawh,"keichu lucusa hi hetah awmlo se ka ti" ka han ti leh ringawt a Ka nu hnen a ,a sawi vaih anih chuan pawn hi ka hmuh khat viau tawh ka ring.










Lucusa hmel chu ka mithla chuan kala mur sung sung thei hial atak run a min melh rum ka ti dawn nge a meng dan ve hrim hrim tih pawh ka hrelo "Puite enge maw pa zara pafa lucusa pawh chu kalo hlauh ve chiam le tiraw?ka nun ah hian athulo"lucusa mit meng rum zet te chuan ka thinrim na chu an kai tho thut ani ber "Khamoin thiannnu kha tiang thak thak tur kha "puitei chuan ka hnung beng thek thek chung chuan alo ti a
"I phakhar zek zawk si'ka fihlim 'te kha i tia"ka tih leh chuan"i ngai thutak elaw kha tiang lam ka sawi kha chu engmah ngaithu tak duh suh i lam ka tan" atih leh tak ah chuan in kuah rial in nu rotei dawr lam chu kan pan zui nghal a.







(Chhunzawm zel tur)