NAYELI

[Nui Ngente]

NAYELI

By Nui


Chapter-1





"Zomuanpui,kha tia awm kual vel kha angailo,in siam rawh"ka nu chuan dawhthei lo zet hian a ti a,ka tih ngaihna hre lo chu khum ah chuan ka thu ngawi reng ringawt.



Ka nu bawk chuan"in siam i tum miahlo le,luhlul lutuk"tihpah chuan ka suitcase ah chuan ka thuamhnaw ho chu a vawm lut tawp tawp a,ka nu chu rapthlak ti zet hian kalo en reng thung.






Ka nau rinpuia chu lo lut in"Nu,ka u thawmhaw kha pakhat mah khawih tawh suh"a rawn ti nghal zat,"Lalrinpui,nang kha lo ngawi hmak rawh"ka nu chuan a rawn ti nghal hmak mai,ka hun tawn mek chu ka zo lo lam lek lek ani.


Ka nu chuan ka thawmhnaw vel chu ala khung zel tho"Nu,duh tawk teh,i duh leh kha putar hur hmel zet bul ah chuan nangmah in kal ta mai che,a ro sum te chu va cheng rawh,ka u nen hian min rawn ngaituah pawh angailo vang,kan puitling ve tawh kan duh duh na lam kawng kan zawh ve thei, nangpawn i duhna lam kawng pan i tum ani lawm ni?ka u nen hian kanlo kal ve hleklo ange,kan in enkawl na tur te chu ka thawk chhuak ve thei lutuk"ka nau chuan ati piap piap a
Sawi tur ber pawh ka hre ve hauhlo.







"Lalrinpui,engtin a i sawi a?i nu hi tihian maw min han tih ngam a,tih tak em ah chuan,in tet lai zawng zawng in
I pa ,kha mihring tenawm zet tel lo khan ka enkawl sei lian che u a,in ei loh hlau vin hreawm tam tak pawh tawrh huam in ka thawk a,i pa chhungte lam lah belh theih lek lo vin ka chung ah an sual a,tun ah inlo puitling ve dek dek a chutiang te a min tih ngam,i pa zara hi awmlo ta se,ngaituah pawh hi ka ngaituah ngamlo zawk,in kal chiang khawp ang"ka nu chuan aw khur der der chung chuan arawn ti leh nghal zat.




"Mama va in siam rawh"tih bak ka sawi theilo,ka rilru chu ana ngawih ngawih
Ka pa khan tinge le ka nu hi nupui dang alo neih san kher kher le?ka nu sawi kha a dik ani,ka pa chhungte lam chu belh ngam pawh an ni lo alawm.






Ka nau pawh chu phun hluk chung in ka room atang chuan a chhuak nghal
A hmel atang ringawt pawn a thinrim tih alang ngawih ngawih,awm lo ta ila chuan ka nu pawh kha ahnek duh mai ka ring,ka nau pawh hian ka nu mizia hi a chhun fuh em em a,an thinrim in khua eng an hmu ngailo.






Ka nu chuan"Zopar ka va in thlak lawk anga,ti khan nangpawh lo in thlak rawh"ati leh lawi si a,kalo ner sawk ringawt,achhuah hnu chuan,ka thian neih ve chhun rintei chu bia in thil awmzia chu ka hrilh ve nghal zung zung a,muangchang chuan ka in thlak pah bawk.




"Zopar,kalo phei ang"tihpah chuan phone chu a off zui nghal,ka awm loh chuan a lungleng ve khawp ang rintei
chauh hi thian ka nei a,ani pawh ka awmloh hun ah chuan
Ngaituah zawm duhlo chuan
Ka nu thil khung kimloh ho chu ka bag ah chuan ka khung mawlh mawlh.




Rintei lo thleng phei chu arawn tap nghal hliam hliam a,kalo hnem vat"kal lo mai la"a mittui hru mial mial chung chuan ati a"rinte thiani,keipawn kal loh chu alawm ka duh,mahse a kal loh theih bawk si loh, in hmu tawhlo tawp tur pawh kan ni hleihnem,kalo zin fo dawn alawm"tah in sum zet chuan kalo ti ve vat.



"Zopar lo chhuak ru,rintei kha lo in puih tir lawk mai rawh"ka nu in arawn tih lang lang tak ah chuan ka bungrua neih ve chhun chu khai in kan in zui chhuak nghal.



"Khawiah nge mama?"ka tih chuan
"Pawn ah"alo ti vat,Pa Zara lam chu hawi pawh ka hawi peihlo,rintei chuan"nu tluangi chu,zopari hruai ve kher angai ami?he lam ah awm se"atih chuan ka nu chu ka en vut,eng dang a chhang lo chuan ka nu chu a nui hak ringawt, Ka nu mah nise ka ngei thin ani.




Pawn ah chuan kan in zui chhuak hlawm a mama chu a bike ah alo chuang vu tawh mai"U lo chuang vat rawh,lo han tlan hmasa ang"helmet khum pah chuan ati a,"Lalrinpui,hmanmawh vak suh,i u hi kala kuah phawt dawn"rintei chuan nui hak pah chuan ati a,minlo kuah nghal vawng vawng"ka thian ka ngai ngawt ang che"ka ti sup a"keipawn"
A tap leh lek lek tawh.



Mama chuan"rinpar,i tap belh lutuk"arawn ti hlut a ,rintei in sum hmanlo pek chuan"Lalrinpui,kha tin min koh ziah suh,zehzuah che hian"ahnung a beng pawp pah chuan ati a,kalo nui hak hak thung.





"Rin,kan thleng vel ah kalo bia ang che"tihpah chuan mama bike ah chuan ka lawn kai nghal zat,"Awle,minlo biaklo veih,khawpui a i awm dawn vang hian in duh reng reng suh,kei lo thian hmelchhe vek nei rawh"an ti pek a,mama nen chuan in sum hmanlo in kanlo nui chhuak hawk.



Rintei chuan mama nen chuan min en raw raw a,"rinpar,i hmeltha ber"mama lah hian rintei tih thinrim dan ahre ropui si a,"zomuanpui,i nau hi ka talh hma hian tlan chhuah tir vat rawh,lalrinpui rinpari pawh ka nilo aw
I duh duh dan hian i u hming ami te hi ka hming ah i vuah leh ringawt zel"ati leh a"mama ni e rinpari anilo rintei anihhi"thu tak deuh chuan kalo ti ve vat.






Ka nau pawh chuan"yess,urinte nula senior nih loh tur aw"an ti leh kher a
Rintei chuan chhang pawh a chhang tawhlo,rum zet hian a melh ringawt
"Mama in tlan hmasa dawn ami?"ka nu in a rawn tih chuan,mama chu alo bu zeuh ringawt.




"U kal ang aw"atih chuan rintei chu en in"lo in enkawl tha la aw"ka ti a
"Nangpawh"a tihpah chuan leh lam chu a hawi daih,keipawh ka biang alo lum thla nghal huk mai,ka nau chu a tlan chhuak ta vang vang mai le.






Mahni pian na ngei han chhuah san dawn meuh chuan thi tur ang hial ten ka in chan a,ka lung chu a leng nghal lawk em em mai ringawt a,tet te atanga kalo sei len na,class 1 atang a class 12 thleng kalo kal chhuahna
Hmun,hlim tak a rintei nen a kan len kual ve na thin te chu ka ngaituah a
dang hman lek loh chuan ka mittui chu arawn sur nghal,ka nau erawh thian ti a han sawi tur em em anei lo va,ani hi zawng amah a awm nuam ti chi ani a
A lungleng ve vak pawh ka ring hauhlo.





Ka nau chu ding zuai in minlo thlek zeuh va"u i tap alaw?"ati a,nui hak in
"Tap mai mai lo"ka ti vat
"I tap dawt sawi tumlo mai teh,kan khua ah hian kal tawhlo tawp tur pawh kan ni hleihnem,zin satliah ang mai in in ngai rawh,khi lam ah college te kan zawm anga ,hlawh kan nei ve hun ah
Kan khua ah te chuan in kan luah dawn ania"ati dap dap a,ka nau chu a ruk tak chuan a puitling ka ti tak zet,a u zawk hian rilru ka neilo em zawk a
"Mama i puitling tawh hle mai,chuan tlan phawtla"ka tih chuan
A tlan chhuak zui ve nghal mai bawk







Dar 4 vel ah chuan lunglei chu kan thleng a, Pa Zara te in lam kan pan zui nghal Pa Zara te in hi kan hriat chhan pawh ka nu hian min hruai ve fo vang ani.




Reilo te ah chuan kan thleng zui nghal
Ka nu leh Pa Zara chu in kawt ah anlo ding a,"in chhuah hma hma nen keini ai in,in lo theng har leh zawk ania"ka nu chuan nui huah huah chung chuan a rawn ti nghal bawrh bawrh a
"Mama ka nu chu ahlim hmel hle mai"ka ti sup a,mama pawh alo kiai ve suk ringawt.






Pa Zara chuan min be bawrh bawrh a
Ka nau nen erawh a rul tawk lek lek bak in kan chhanglo,"Zomuanpui,Lalrinpui,i pa in a biak che u hian arul tawk lek lek in chhang tawh hlek su"ka nu chuan Pa Zara bathroom a ,aluh lai chuan ati a
Ka chhang hma chuan mama chuan"A ho e,chute thleng thleng a ilo buai ve na tur a awmlo"ati hmuk a,ka nu mitmeng chu a ling tha ngang mai
"Mama nangpawh tlem in i tawngkam uluk deuh thinla aw"ka nu kal sawn hnu chuan ka ti ve charh charh a
Zilh ve chang a piang a,atih dan in
A ner duh leh chauh ringawt.






Ka room tur chu ka en kual vang vang a,ka thaw halh ringawt,a zau lutuk a ka awm thiamlo zawk hial ka ring
Rintei hre chhuak zawk in ka phone ah chuan a number chu hmet chhuak in khum a mu pah chuan ka call nghal zat
"Zomuanpui,min van hrelo hma ve"phone alak ruak rual chuan a rawn ti nghal"lalrinnghet lo over suh ,hei kalo be nghal che,mama nen kan chawl reng a,in kan thleng har bik anihhi"kati ve vat.





"Zopar,tluang tak in in thleng a, alawmawm dah phawt ang,chaw kan ei dawn,kan in biak rei chuan mittui atla leh mai mai hahdam rawh"ka tawng ve hma hma chuan phone chu a off leh zui hmak,a number chu en in ka nui hak ringawt,a dan ve reng ani
A thil sawi duh a sawi zawh hi chuan
In biak laklawh lai pawh nise a off zui nghal hmak zel.







"Zopar,chaw kan ei dawn"ka room kawngkhar kik dawt dawt pah chuan ka nu chuan arawn ti a,"kala in ti failo,minlo ei san mai ru"ti in kalo chhawn vat,ka nu chhuk hnu chuan
Keipawh chu ka in ti fai nghal mawlh mawlh a.





Ka in tih fai hnu chuan ka khum ah chuan ka bawk leh nghal thlawp
Ka na vel vek mai,ka taksa ah hian na lo lai a awm zeuh zeuh chauh ani
"U kalo lut"mama chuan a rawn ti lang lang a,lo lut tur chuan ka ti vat
Alo luh rual chuan kalo melh vak
"Enge?"anla ti hu zui,"Lalrinpui,tu ei tur?"ka tih chuan "I à ami nangmah,i zak anih ka ring a ,in tih fai kha chu chhuan lam mai mai alawm,kha chaw hi ei teuh la ,afel ani mai"ati a
"Khawi i fel tho e,mahse ka zaklo aw"chaw alo keng lak pah chuan ka ti a,anui huk mai.







Ka ei lai zawng zawng chuan ka phone ah game a lo khel ve ngar ngar peih mawle,"I riltam tih kalo hrelo va"ka ei zawh hnu chuan ati a"keipawn ka hre chiah"kalo ti ve mai bawk,"Mama i lungleng ve em?"abul a thut pah Chuan ka ti a"Aih"an ti tawp a
"Nang aleng ami?"tih a min zawh let chuan"leng ve hlek rintei vang chu pawh"ka ti sap a"rinpari chu ka ngai ve reuh lutuk keipawn"tihpah chuan ka chaw ei thleng chu la in a chhuak nghal vut,hepa hi chu hriatthiam te hi ahar thin teh ania.






Ka room ah chuan ka tawm deuh chawt a,rintei nen chuan zan dar 10 thleng chu kan in bia a,achang in kan nui a achang leh kan tap dun bawk a
Kan in ngai tih hian ka sawi fiah zo lo
Nangni pawh i thian tha tak nen khan
Hmun dang ve ve ah,awm hrang ve ve ta daih ula lunglen hian in tap in tap ve tho vang.






Ka taksa na lutuk chuan ka khua te a ti sik a hnachhawk na chu ei in ka mu zui nghal hmak.







Ka nu chuan"Zomuanpui,tho rawh i mu rei tawh lutuk,tho nghal vat rawh"ka kawngkhar beng pawp pawp chung chuang arawn ti a,ka mutui lai pawh ka harh zawk alawm,"Nu,enge i hriat a,zingkar kar ah i au chiam,a duh leh la mu ang hmiang a chau ve aniang chu"ka nau aw ka hriat vel ah chuan
rang lutuk tak mai a in perh tho vin
Ka chhuak zui nghal.







"Lalrinpui,nang hi enge i hriat a,thil engkim a minlo khap i tum ve ziah min zah ve deuh rawh i nu ka nih hi,i duh duh dan hian min tawng khum fek fek reng mai"ati a,chutah min hmu leh chiah chu"nangpawh zomuanpui,nula i ni ve tawh eirawngbawl te hi i kut ah a awm,chauh tur thu pawh awmlo,mut vak vak pawh hi anilo"atih zawm leh nghal zat.





Ka nu ka ngei ve deuh hlek chuan"Nu,enge i phun chiam mai le,kalo tho dawnlo pawh ka ti hleihnem,chuan ka chau em em bawk aw,ka taksa te hi na lo lai pawh a awm neklo"ka ti a,ka nau chu engmah sawi tawhlo tur chuan ka mit mei thuai bawk.






"Nang ni unau hi chu aw"atih lai mek chuan Pa Zara chu alo lang ve hlawl a
"Hetah animaw inlo awm a,in hnuai ah tumah in lo awm silo va,in tei chhuak vek emaw ka ti deuh va"nui pha dui hian a rawn ti a"hei zopari kalo kai tho anihhi amu rei lutuk em a"ka nu chuan an tih zawm nghal zat a
"A ho emai la mut tir mai mai rawh
An chau ve ang chu eirawngbawl te mai mai a hmanmawh thlaklo lutuk"Pa Zara chuan ati ve hlut a,ka nau nen chuan in phih fai tur in kan room ve ve ah chuan kan luh san ta daih.






In hnuai lam a ka zuk chhuk thlak hnu chuan ka nu lo che malh malh chu ka pui ve vat,"mama alo chhuk tawh em?"ka tih chuan "i pa nen pawn ah motor an siam,nangpawh kha pawn a pangpar kha tui lo pe rawh"ati nghal zat,keipawh engmah dang sawilo chuan pawn ah ka chhuak zui nghal.






Tui ka pek lai chuan ka nau te motor siam lai chu ka thlek leh zeuh zel a
Lalrinpuia chu alawm loh hmel kher mai,ka nu in a tir lui leh pek anih ka ring nghal ringawt,Pa Zara chu ka en vung vung a,pa sual chu ani hauh lo mawle
Pa fing tak leh pa fel tak ani
Mahse kanlo puitling ve uai tawh a kan tan chuan pa ang khan en ala har em bawk ani,chuti nilo va ka nu hian min khak reng emaw ani vaih erawh chuan
Engtik ah mah pa ang tak tak in kan en thei dawnlo tih chu thil chiang sa ani.





"Zopar,tui minlo pe lawk mai ta che"Pa Zara lo tawng vang chuan kalo phu deuh zawk,"awle"tihpah chuan in chhung a tui chu la in ka pe nghal vat
"Mama i hah tawh em?i duh leh lo in tifai hmasa la"Pa Zaran atih chuan ka nau chuan"hahlo e,hahna tham pawh ala ni hleihnem"ati tha ve mai bawk a
An motor siam laklawh lai chuan
Ka nu chuan 'in zo dawn tawh em?'ati reng a,hah lai nen phei chuan alo in rem vak ka ringlo ve leh ringawt pek a
Alo hahlo zawk pawn kalo ning hman ania.










An zawh meuh chuan pum pawh a ri rawk rawk tawh,an in tihfai chhung chuan ka nu nen chaw ei kanlo siam mial mial a,angai te bawk in kan in hnial leh tawh,mama leh Pa Zara an hman chuan kan ei zui nghal,ka nau nen chuan kan tih thin dan pangai bawk in ngawi reng chung in chaw kan bar mial mial
Ka nu erawh chaw bar mial mial chung in vawin thil tih tur a sawi bawrh bawrh thung.





pa Zara bawk chuan"engmah tih angailo,vawin ah in tifai tu tur te anlo kal dawn"ati a ka nu chuan"Angailo pawisa ahek mai mai in te chu kan tifai thei lutuk alawm"ati vat a,ka kham san ta daih avang in engtin nge an sawi chhunzawm tak ka hrelo.




(Chhunzawm zel tur)