A hnuaiah khuan a Zawmna ka dah aw
" A.. engtin nge ka koh ang che " koh mai dan tur ka hriat miau loh avang chuan ka thinpui tur chawh rak rak pah chuan ka ti sep a .
" Nu mawite min ti mai dawn nia " a rawn tih chuan " a nih nu mawite I hre tho ang nga , I.. chhungkaw engzat nge an nih le " in thlahrung deuh chuan ka zawt a .
Mahni pasal te chhungkaw member zet pawh hriat loh chu min min tih ngawt ka ring deuh a ,mahse Kan in neih HMA khan vawihnih chiah Kan in hmu hman .
Ka thinrim em avangin ka pate pawh ka be duh lo kha nia , lo be tha hle hle I la chuan tiang em hian ka Bo miah lo ang.
" I pa , I nu ,I pasal leh a farnu te an ni deuh mai , chuan Emily kha I hria em , kha kha an cousin a nia , heti lamah a rawn awm phei deuh chawt thin a ,mahse in in neih HMA deuh khan an in lamah a phei tawh in ka hria , a rawn Lang vak tawh lo , chuan kei chu a langin ka rawn kal thung "a rawn ti teh duah a .
" Emily I tih chu in neih na ah pawh rawn kal ve te lam pang , Sam sei deuh kha mi " ka lo ti leh vat a " aw ni e in lo in hria a ni maw " arawn tih leh chuan ka mak tih na thum hram hram in " hre vak lo " ka ti let sep ringawt .
Emily hi Sangzuala cousin a nih chuan , eng tin nge a nih thei , unau in ngaizawng tih na maw hei vang a nih chiah hi Sangzuala pa'n a nupui atan min lo duh em em chhan hi .
Cousin an nih tih in hre reng chungin in zawmna an Siam duh chu nia , khawvel lo chhiat tawh Zia hi , mahni unau te ngeipawh an ngaih melh zo tawh chu a nia sia .
" Ni zanah ka u a chhuak a ni maw" ka chawhmeh channa bula rawn din pah in Enkawl chuan a rawn ti ru nghal sar sar a .
" Imm " ka lo tih ringawt chuan chek tlak tlak pah hian " a van pawi tak , ka pa te bulah sawi Miah Suh aw " a rawn ti leh sep a , a hmel atang pawn pawi a tih hmel ngawih ngawih .
" Sawi lo pawh ni ila an hra tho ang " ka tawngthei hmel viau nge ni ,chutia min ti chu ka lawm vak lo nen , ka lo ti deuh hmak a .
" Tih dan a awm mai ang , lo sawi lo la " a rawn tih leh hram chuan a lam chu ka hawi ve ta nge nge a , chhan tum a ka ang zua hman tih ah
" E rintluang I tho tawh alo , I va tho hme ve , khawi ah nge Sangzuala hi ?" Tih pah in pa Hruaia chu kitchen ah chuan a rawn lut nghal a , Kan bul dawhkhan ah chuan thu in , a lehkha rawn keng chu phar in a chhiar nghal zat a .
" U Sangzuala chu tukin zing khan pawimawh a awm a niang , an an rawn ko a , a chhuak HMA a nih kha , thingpui I duh em ?" Ka chhan khalh hlau awm fahran hian Enkawli chuan a rawn ti nghal zet zet a , ka lo ner sak ringawt thung .
" A nupui neih tuk a nia hna kal hun a ni mi , a va pawimawh awm ve " lungawi hmel chiah loh chuan pa Hruaia chuan a rawn ti deuh hmuk a .
" Nia U Sangzuala pawh khan a paih chhiah lo deuh a , mahse a mah ber a kal lo chuan a tih chu si lo a , an manager ber a nia sia " min rawn en zak zak pah hian Enkawli chuan a ti leh nghal zat a .
A pa thinrim chu a hlauh hmel ve hle mai .
" Phone rawh rawn haw rawh se , chawlh a lak hnuah pawh chhuah chhuah kha a tul lo , vawiin lamah tih tur in la nei a ni lawm mi , in le g pawh an awm nual ang " Pa hruaia'n a rawn tih leh hmuk chuan Enkawli chuan hreh hmel zet hian a phone chu a phawrh chhuak nghal zat a .
" E nge ni leh ta zing kar kar ah " nu ber chuan rawn luh pah hian a ti nghal hlak hlak a , a mah a nu Lian ve ang reng sia , a nelawm loh khawp mai .
" U Sangzuala a hna thilah a chhuak lawk a , chuvang mawle " Enkawli chuan a nu en pah hian a ti zawi sep a .
" Thil pawimawh ah a nun chu a chhuah , Han rik hluai na tur a awm loh chu " min en pah chuan nu ber chuan a rawn ti kher a , a mi atan min duh vak lo tih hriat reng reng .
" Rawn haw mai rawh se tun hi chhuah na hun a nilo " Pa hruaia chuan a rawn ti leh hmuk a , an nu chuan min melh nghal ram ram pah hian " Mawite thingpui sen ha min lo thlir teh , Kan fanu thar hian a na chang a hre rih lo a nih hmel " huat theih miah si loa a tih chuan ka tang nghal teuh mai .
Ka lawi tuk atang pawn min duh loh Zia an ti Lang nghal chu nia .
In leng neuh neuh Kan nei ve reng nen thingpui lum a ngai reng te chu ka Ning tak tak a ni , dar 9 lai a ri tawh Sangzuala lah chu a la rawn haw thei lo reng reng leh nghal thenkhat in 'khawiah nge I pasal ' an rawn tih leh nawlh chang hian nuam ti vak lo chungin a hna a kal thu sawi zel a ngai ziah leh nghal .
Dar sawm a Rik takah chuan ka pa'n lungawi lo deuh chuan chawei min Siam tir a a tu a mai pawh chu a thinrim a maw tih mai tur in an tum hmuk reng a , a hreawm tak zet .
Chawei ken siam mawlh mawlh lai chuan Sangzuala pawh a rawn lut ve hlawl a "Sangzuala ka room tunah min rawn zui nghal rawh " tih pah in kitchen atang chuan a chhuak nghal a ,a aw a nem lem lo nen an in hauh vak ka hlau deuh .
Engmah sawi buai lemlo chuan Sangzuala pawh chuan Pa Hruaia chhuak ta chu a zui ve nghal zat a .
" Eng thil lawmawm lo in nge Keini chhung hi min hmuak ta ni , nidangah tiang ka ni ngai bawk silo , zing zing atang pa ber in a thiam loh na awm Miah loh ah a fapa ngei a hau leh nghal dawn chu nia sia " pa Hruaia te an chhuah veleh nu ber chuan a rawn ti nghal hlak hlak a .
Ka hming sawi kher lo mahse keimah min tih chhan tih ka hre ve reng , chhang duh lem lo chuan chaw chu ka khawrh nghal mawlh mawlh a , ka chhang let ve a nih chuan buaina atam mai mai dawn tih ka hre ve reng
Chapter 5 Zawmna
Chaw la khawrh mawlh mawlh lai chuan Sangzuala chu hmel dur khup hian choka lamah a rawn lut a , Pa Hruaia pawn a hnungah a rawn zui lut ve nghal .
Sangzuala hmel a dur khup laiin Pa Hruaia hmel erawh a paingai viau thung , pa in thunun thei tak chu a ni ka ring .
Chawei lai te chuan tumah Kan tawng lo hrim hrim , Enkawli'n a u chawei lai chu a en leh zeuh zeuh thin . A be lem hlei lo a .
" Han in ti fai tawh ru , nangmah ni chei tu tur te pawh an rawn thleng tep tawh ang , kal HMA Ula in rawn let leh vat zawk dawn nia " chawei na tih fel pui ka tum laiin Pa Hruaia chuan a rawn ti dam thluam a .
Nu ber sawi awm zawk tak a nu na in , nu ber erawh chawei kham atang khan ka thil tih sual lai chang ang mai in , dawhkhan bul chair ah chuan thu ve reng , ka thlen na hmun apainga mit in a rawn chhui zui ve zel .
" Hei te hi Kan ti fai lawk ang " tih pah in dawkhan chu puan chhia chuan ka hru nghal sawk sawk a .
" Kha te chu I nu pawn a lo ti thei reng alawm Han in siam tawh rawh u , tlai lamah chawei Kan nei dawn leh nghal rawn ho hma leh zawk Ula " Pa hruaia'n a rawn tih leh tak zel ah chuan nu ber chu ka va melh zeuh a , ka va en min hmuh veleh ner sak chung in a hawi sawn nghal vut a .
Tun in zingah ringawt pawh min lawm loh Zia a ti Lang reng tawh , ka pasal lah ni bawk , ka hrawn rei thei ka ring lo nghal ringawt
" Khawiah nge maw Sangzuala pawh hi a lo awm Bo hman leh tak ni ? Tlangval a ni tawh lo tih te hi a in hre lo a maw ni le ? Zing kar atang zawn a ngai nghal a , chawei kham veleh a bo leh nghal hmak a " Pa hruaia chuan lungawi lo zet hian a ti leh hmuk hmuk tawh a .
" I fapa a nih hi , nupui neih a duh loh Zia I hre reng a , I neih luih tir Talh a , a awm awm in awm tir ve tawh teh , A fel chu ti kha ti I ti kual duah a , a fel loh Zia chu tukin atang pawn a Lang nghal reng alawm , a pasal pawh ngaih ven na chang hre lo reng reng mai , bawihi'n a nih kha a rawn haw pawn lo ngaih ven , mahni pasal te hna thawk haw pawh biak khat pawn a lo be lo ania "in chung chhauh na Kailawn ah chuan ka ding nghak chat a .
Min sawi dawn a vang chuan ka nuih a za zawk , a fapa khan hna a kal loh tur Zia chu a hriat pui vek zawk a nia ka rin ni , hmeichhia ve tho a nia a hmeichhiat pui ka ni bawk a , heti khawp a min mil lo nghal ringawt hi ka hrethiam thei lo , a pawinla sawi awm ka hre tawp silo a .
An in hau thawm pawh ngaithla chhunzawm duh tawh loin Kan nupa room ah chuan lut in , min chei tu tur te rawn thlen HMA in ka in bual sawk sawk a .
Kan in peih fel deuh chiah tih ah min chei tu tur te pawh chu an rawn thleng ve nghal mai a , min chei lai te chuan engmah hrethiam ve hek lo , an phur in an hlim sar sar khawp mai ..
" Nang chu I hmel tha bawk a , pasal pawh I nei tha khawp mai , a la upat loh teh reng nen hna tha tak a nei a , chu bak ah an la hausa em em zui " min cheitunu hrawn hruai ve tleirawl te chuan a ti Siam Siam a .
Ka lo nui hak mai " I a Mai mai e a " min chei tunu zawk in khap tum tak a a tih te chuan a nuh lah pek chuan " I hre lo a nih kha U Sangzual te chu Kan star thei mah bak laia , a pa si , a sang tha reuh si , lehkha a la thiam tel zui , a tha zawng a si hlir a ni mai " a la rawn la ti ang tak tak deuh leh ta nghal a .
" A na min khawng ngawt Suh , ka lu I khawng pawl vek mai tur asin " tih vak pah in a lu chu a tuai nghal vut vut a , ka lo nui hak hak mai , min cheitu nu hian tawngtam a ti deuh nge , ka hmai a hnawi na hmawr lamin a luah a khawng ti fawk a , a na ve reuh ang.
" Tawng zawt zawt zel thin Suh ka ti thin kha , mi pa a ni tawh " min cheitunu chuan min ven thawng tak hian tleirawl te I chu a khap nghal vat a .
" Dawt ka sawi pawh ni hlei lo " a la ti nang nang tho , tleirawl tawng duh lai chho vel lek kha a la ni ve a , thup mawi a nai hran silo a , a ti ti Siam Siam reng a , ka nui hnem ve khawp mai , nikhat chiah la in neih mah ila , hreawm ka ti nghal em em kha nia , mahse tunah tak chuan ka hreawm tih na te kha min chhawk deuh huai mai .
Kan lo nuih ho hak hak lai chuan Kan nupa room kawngkhar chu a rawn ti rak a , Kan hawi phei nghal vat bawk , a chhunga rawn lut te ka hmuh chuan ka nui tawp nghal riai riar bawk .
Enkawli'n Tim dai a min melh laiin Emily lah chuan zam map lo hian min lo melh let kal a ,.
" A rem rem ah sawn lo va thu rawh u , ka va in ti fai ve lawk ang " tih pah in Sangzuala chuan min ngaihsak map lo hian , a thawmhnaw bawm lam pan chuan a pen nghal pawk pawk a .
Ka regu lo chung chung pawh a min lo chhiar sak ve avangin in chungah ka lawm tak zet e
Kar leh lam atang chuan zan khat dan ah zel dah ka rawn tum ttawh ang aw