Surreal Love

[Sarah Vitone]

Chapter-36
Lalrindiki's POV:



An chhuah hnu chuan Jordan-a thut na hma tak ah chuan in kuang kuah hlan a ding in “sawi fiah teh” ka ti thawr a, a lo dawn sawn dan tur hre lo mah ila a hre thiam tur ah ka ngai, “a eng ber kha, company chung chang nge, i tum loh tak² i hmu zawk kha” a rawn ti let khauh a, ka va ngei mai² tak, fin in chhuah khum na chi pawh ni nghal lo chuan, “ka hriat thiam loh lai zawng²” vij deuh tak a tiin ka melh râm² a, enga tan lah chuan a ngaih hmel loh.



“sawi la i hriat thiam loh lai” a rawn tih leh chuan ka thinrim tawh viau, “lalrinhlu, sawi tha mai² te, a vai in a bul atang in” ka thinrim êm vang nge, ka aw te chu a khur deuh a, ka aw ki sang viau mhs a ring chuang hauh lo, rawn nui suk in “okok” a rawn ti a, nuih na hun pawh a ni emaw ni, “rawn thu phawt teh” tih pah in a bul ah chuan ka in rin hma in min rawn pawt thu hnawk a, thawm pawh chhuah na chang ka hre hman hlei nem le.



“Company atang kan tan ang” tih pah chuan a kisi leh suk a, ka thinrim na te chu a hmu ve thei lo ang mai a ni, “Nico-a pa ta a nia, tun ah chuan thil engkim deuh thaw ah Nico-an thu neih na a chelh tawh, official tak chuan company saw a ta a la ni lo thung a, chuan a mah tak i hmu kha chu ngaih thiam chin I nei ngei ang, a lan dan nen pawh a in hmeh viau a lawm” a nui sak a, “thil a hriat thiam tirh atang deuh thaw saw company roh chun thei tur sawn hrual a ni a, chuan Eve-i ve thung chu kum 9 a nih lai a a nu in mi account te hack a dan phal loh in pawisa a la lut thin tih a hriat khan tangkai zawk a hman dan a awm ngei a ring a, Nico-a pa hruai na hnuai a awm tur in USA lam a lehkha zir tur a thawn anga sawi in a mah pawh kha a kal tel ve kah a nia, mhs lehkha zir chauh ni lo insual leh computer khawih te chu an zir tir a, kum 13 a nih chuan professional hacker a ni der tawh, chuan min ring rawh i rin ai daih in i hmel hriat in hnam hnawih an tam ang, entir nan, Jerome-a te, nang mah ni lam tang ngei pawn i rin loh in hnam hnawih an tam viau ang” a thu sawi pah chuan a kisi suk² a, U Mami a tel ve loh rin an ka nei hauh lo niaa,, haa!! “U Mami a tel ve lo tih sawi hauh suh” ka ti chhuak hap a, a tel ve loh hi ka ring lo bur.



Min lo san uk a min lo en in “ka sawi lo ni mai rawh se” a rawn ti sup a, ka thaw hak, “a nih U Hlimpui ve” ka tih leh chuan a lu lo thing nghut in “a ni chu a tel lo, mhs a tel dang pakhat nen chuan an in lai chin hnai viau a” a rawn ti a, U Mami ni hmiang ka lo ti hmiah, “chuan a unau ten kan lo hriat sak miah lo a maw” ti leh in U Mami ka sawi an a ni tih a hriat thiam mai ka ring a, min rawn chhan dan ah pawh a hre thiam a ni tih a hriat theih nghal, “a nih hmel, i pa kha chuan a thawi in a hria a, emaw a hre vek tawh zawk mai thei, i U khan zep a tum hran lo Hrim² a” nui hak in “Jerome-a nen pawh hian an in mil lo teh a nia, Jerome-a that na i sawi a nih chuan a thinrim anga, tum chhin rawh i hre mai ang” a rawn ti zawm leh zat, ka lo melh hu lai chuan “Hmeichhe tel ve zing ah chuan a buai sar ber a, mhs chet phelh a nei ngai lo, a thluak a hmang thiam a, a hriat na pawh a tha khawp mai” ti leh in ka kut chu rawn man in a mal chung a thu tur chuan min pawt thu a, ka hnial hran lo.



A awm ah chuan min kuah bei hlun a, kei pawh kawm chal chung chuan ka bei ve hle², a kiang a ka awm a a awm a ka bei meuh hi chuan khawvel leh a buai na zawng² te hi ka theih nghilh thin a, ka hriat ngai loh leh tawn ngai loh hlim na ka chang thin, a hlat ah ka awm duh lo a, ka awm phal lo, eng vang pawh in hmangaih in a kiang a awm zel ka duh a, thih phah na a ni dawn a nih pawh in in phal tak in ka thi mai ang, hei hi hmangaihna a ni, hun harsa leh hah thlak tak² kar ah pawh, in beidawn san mai duh loh na thin lung hi, a chhia zawng² i hriat hnu pawh a a tha lai chauh i hmuh sak an thin, i thin lung I pe a ni tih i in hriat miah hma a lo kawl fel diam tawh tu, him na i ma mawh pawh a i in hriat loh lai a i rin phak ai a tam him na pe thei tu che, an nun an ngei pawh dah kham huam a hmangaih tu che. Hmangaihna hi ak sawi fiah thiam hauh lo, mhs enge maw fakim riau a in hriat tir tu che leh I pawi mawh a I hlut zia hmuh tir fo tu che hi an ni mai dawn lom ni, tu emaw I hma lam hun i suang tih a piang a i tel ve thin, a tel lo a i suang tuah thiam mih loh thin kha, chu mi ngei chu a ni mai lo a mi I mi hmangaih chu.



“Min ring rawh Di, Jerome-a te, i U Mami te, Eve-i leh Nico-a, chuan midang zawng² pawh, an ni chu thisen chhuah mai an harsat lo a, an hlim pui zawk a maw tih tur a ni thin, mhs kei chu thisen ka hmuh chang hian kha mi ni kha ka hre chhuak thin a, thisen hi ka hua, mhs a tul leh mah mawh hun ah chuan ka hreh ngai lo a, ka tlan chhiat san ngai lo,a tul a nih chuan ka thisen ngei pawh a chhuak mai ang” a thu sawi chu a tih tak zia ka hria a, a hma a tla a tlan chhiat san ngai tlat lo, hma chhawn zawh ngei a duh thin a, a chang chuan a tha in a tha lo viau thei, mhs a pawi lo, a mah a nih tir tlat, a mah Jordan-a nih na a ti tlat a, chuan he mi hi ka hmangaih.



“Ka ring che, i hria em, ka ring che, i mi hmangaih te an him an tur a nih phawt chuan nang mah in hlan mai pawh pawi I ti lo a, chuan ka chhuang ltk che, hun harsa kar ah pawh thu in i mi hmangaihna sawi fo thin lo mah la i ti lang fo a, chuan ka in rin loh lai khan ka lo duh in ka lo hmangaih reng tawh bawk che a, a mak tiro, ka hma lam hun ah hian eng pawh tawk dawn ila, tel la, ka kiang ah awm la ka duh, Lalrinhlu i hria em, awm la tel ve zel la ka duh” tiin a biang chu ak khuap a, a hmui ah chuan ka fawp vang².



Kan hun tawn in zir lo viau mhs min rawn fawh let ve meuh chuan khawvel chu kan tel lo in a kal mup² tawh a, kan tan chuan hun hi a ding bik ngawih², khum min thlen pui a ka chhung a a luh lai te hre vek chung in mang ram ang ami in ka hria a, a vawi khat na ang mai a ni, hmangaihna chen na dik tak a ni.



Ka phone ri ral² vang chuan ka harh a, ka phal deuh chual mai, “Hello”
“E heeee, lalrindiki, i la tho lo a mi aaaa, tho vat teh, kha ti chen² mut tur pawh a ni lo, hmel phak-i te awm lai in picnic leh ila ka tia, I unau thil ti thei tak² te kha han be teh, kan cousin ho in kan thian duh bik te theuh sawm khawm ila, mawhhhh, U Mami emaw U Hlimpui kha lo be teh” hmeli chu leee, ka beng a chhet dawn, a rawn au tawn² ni mai in ka hria, “Laldinpui” ti that in call chu ka dah nghal daih a, zing kar mood tih chhiat nan chuan duh thu sam, ka bul a mi rawn che sat² a min rawn kuah chuan a awm ve a ni tih ak hre chhuak chauh a, hah thlak hian, “enge a sawi” rawn ti thum sup in ka nghawng ah chuan a lu chu a rawn phum deuh kâk a, ka nui nghawr deuh dat, “picnic a rawn ti a nih kha, zing kar² ah, a mu mang ah a hmu tih Chiang reng” lo ti nâng² in min kuah na kut chu ka kuah let ve a, a lo nui hak.



Chhun lam chu dawr ah kan buai ni leng a, Christmas te a hnai leh tawh bawk nen, ber thla kan chuang Kai leh der tawh, khua pawh a vawt tan deuh tawh a, in ha lum tak² a dawr rawn kal hmuh tur pawh an awm leh nual tawh, ni pawh a rei lo in dar 4 a Rik meuh chuan ni a tla a ni der tawh mai zel a, ni leng tih tur hi a rei lo tehi viau.



Nimin thil thleng te nen, U Mami ka hmuh chuan ka rap thar tlat a, hah thlak, min ti na dawn lo tih hre mah ila a mah hnaih tu te hian min ti na thei tih ak hre ve tlat a, hah dam pawn a awm theih loh, private office ho sound proof a ti tur a a tih te khan tiang vang te hi a ni awm sia, a ni leh zel a in hnam hnawih hi mak ka ti hran lo mhs, a rap thlak ka ti dawn nge, tawng Kam han mai tur pawh ka hre thiam lo.



Hun te a kal a, Jordan-an hna an thawh tan a kar leh zir tawp lam a chet chhuah an tum thu te a sawi a, Anil Kumar-a pawh a duh ang in a in ring hman hauh lo ang a ti nghe².



“Lalrindik, khawi ah nge i U Hlimpui leh a nau duat em² a te hi, an rawn la thleng na nge” U Rempui chuan a ti lawng² a, a sir lam atang Dinin, “ college kal lai a nih saww, class hmasa lam zo se kan lo kal ang a tih mawlh² kha” a rawn ti let ve a, kan buai khawp mai. Ka birthday a ni tawh a, kan in ah, Jordan-a nen kan in ah lawm kan tum a, picnic spot te tih a tum vek nen khan ngai lo ka ti tlat a, ka unau te ho nen riah khawm kan duh vang a ni.



Tuk in zing khan Jordan-a chuan thi nalh zet mai hi min pe a, a hrui chu sin lam niin rangka chak man to tih hriat zet in a tawp lam chu a rit deuh bik bawk, a la zawh loh thu min hrilh in a dang chu midang present min pek rual a min pek ve tur thu a sawi a, ka nghak hlel viau.



“Ka call dawn a mi, an lo chhuak tel tawh mai thei a sin” ka tih chuan “han call teh, an tlai vel riu riau a nge” a lo ti ve leh zat a, ka nuih tawp, an in ngam tlak dun bawk a, tun lai a hmeli hmela an in tih ang em hi vuan in ko ngai lo mhs an in chhang tawk thei viau, U Hlimpui chu ka call te nge² a a ring rei hran lo, “hello” a rawn ti a, a bul ah chuan awm ve an awm niin ka hria “khoi maw” a ti deuh hlak mai, “in lo kal tawh dawn em” ka ti a, a thaw hak ri chu ka hre thei, “aw kan lo kal dawn chiah, kan rei lo ang” tiin ka chhan na pawh nghak lo in a dah daih, an in ti buai leh a niang maww, an in hnial tawk siii, a naupang zawk nih in hre miah lo a U Hlimpui a chhan chang a tam a, U zawk nih in hre lo lek a Zothansanga hnial pawh a hrat, peih in ang leh theih in ang na na na chu an in man chawt reng hi maw.