STILL WITH YOU (chapter 7)

[Maam J]

So Ra p.o.v.

Thinrim em em a a chhuah na kawngka lam chu ka heh hnuai lam peh ngar ngar pah chuan ka en zui reng a, engvang teh hrep a ka thawmhnaw suitcase a awm tha mai mai chu la chhuak a paih ngam nge anih?.

Ka thawmhnaw tin te chu a mal mal chuan ka chhar a, bal lem lo mahse ka beng thek thek in ka tih fai hmasak apiang te suitcase chhunga ka rem mawlh mawlh lai chuan
"ka pi engthil nge thleng a, i thawmhnaw te hi engvanga heta awm nge anih, heng ho hi chu wardrobe ah khan ka rem vek tawh kha ani si a" nula chuan a ti a, kum 25 bawr vel anih ka ring. A thawmhnaw hak atang chuan heta thawk hi anih ngei ka ring a, kei aiin a upa tih ka hre bawk.
Chuan ani hi anih ngei chu ka thawmhnaw Jeon jungkook closet a lo dah tu chu, chuan kha Jeon Jungkook khan awmze awm hauh lo in min àn khum kha ania.

"Engmah thleng a awmlo, ka thawmhnaw hi ka suitcase chhung a a awm hi ka duh zawk a" amah nuih deuh pah chuan ka ti a, kha pa vanga ka thinrimna midang bula ka tihlan kher ngaiin ka hre lo.

"Anih chu, ka lo hre lo anih chu maw le,,, "a nui ve sen sen a,.

"Keiman ka lo ti tawh ang, nang chu i hna ah let leh tawh rawh"

"Nang man i tih tlat chuan le!
Anih ka kal mai aw ka pi" a kun zeuh a. Keipawh in 'aw' tih nan ka lo bu ve zeuh bawk.

"Aaa khawngaih in ka pi min ti suh, ka hming in min ko rawh.
Park So Ra ka nia, So Ra tiin min ko dawnia" ka tih chuan a bu nghauh a.


"Mahse...."


"Mahse a ngailo, ka pi min tih khan nuamlo ka ti zawk alawm bakah pitar pawh ka la nih loh hiii"ka hma a ṭhu mek nuih pah chuan ka ti a. a nuih zawng in a mit a chhing vek. Jimin hyung nen an in ang lutuk.

"Awle, So Ra tiin ka ko ang che aw" nem diai chuan a rawn ve ti ve leh nghal a.

Reilo te chhung chu awm khawmuang leh in an chhungkaw chanchin te chu a sawi a, he hna hi an chhungkaw harsatna vanga thawk anih te ,college pawh kal tluan thei lova a chhungkaw chawm a ngaih thu te leh kei chu he in a ka pen luh a ka hmel a hmuh tirh phat khan min ngaihna nghal a,a chhan pawh a nau thi tawhhnu chu ka hmel ah a hmuh tlat vang ani ati.

Chuan keipawhin chu tianga vawi 1 hmuh atanga min ngaihnatu chu ka pawh nghal ve sawt in ka ngainat ve phah tho bawk.
A hming chu Nam Sun Mi niin kei ai chuan alo upa reng bawk a, ani chuan nau ang tak tak a min en thu a sawi tak ah chuan kei pawh in ka unnie ni tur in ka thlang nghal tawp mai ni.


Skip.......


Room ah chuan keimah te chauh chuan awm in he in leh a chheh vel a thil awm chu balcony tang chuan ka en kual vel a.

"So Ra!! party tur in in peih vat rawh aw" Sun Mi unnie chu room ah chuan rawn lut in a rawn ti a, a chhuak leh nghal mai.

Room a wall clock ka'n en chu 8pm a lo ri deuh thuak tawh chu niin, ka thiam ang tawk chuan ka hmai ah chuan make-up chu ka tat ve a, ka thawmhnaw atan Jimin hyung in ka kum 20 tlin lawmpui nana min present kawr fual ka khup khuh thei vel lek a fual ka khup ser hliah tawk tur lek, a pawl, a pawl ah pawh a duk lam rawng kai lek lek,kawr nghawng pawh nei manglo,a kawngthleng chu zui thla at in min puar deuh ṭang a,a hnuai lam chu a mawi tawk leka puk leh in chu ngei chu ka thlang a, a simple a, a changkang ru tho si darthlalang hma ah chuan ka in teh vel chhin a, "hei ngei hi ani e" tiin ka ha a.
Ka thawmhnaw hak ti zahawm a min timawi zual tur in a rem tur pearl var simple em em chu awrh leh in ka bengbeh erawh a fual deuh chu thlang leh in ka sam chu awmze nei tak si chuan ka ti kawi kual vel a, ka pheikhawk pawh bun nuam tawk lek, ka confi pui theih ngei tur a sang chu bun leh in darthlalang hma ah chuan ka ding ran a, a nih dan tur ang thlap a in bel ang mai in ka in hmu a, hmeltha ka in tiin mawi ka in ti tak zet, ka hma a hmeichhe hlim thla lolang hmeltha tak ka hmuh chuan Keimah ka ni ngei tih pawh ka in ringhlel rum rum mai.

Jeon jungkook erawh tun thleng in room ah a rawn la lut leh lo va, khawi ah nge a kal a,enge a tih ka ngaihtuah hek lo. Ngaihtuah tu tur pawh ka niin ka in hre lo. Min hua a ka bula awm duh lo tu na na na chu eng vang in nge ka lo ngaihtuah bik em em ang?

In hnuailam a ka chhuk chu mi anlo tam tawh kher mai, heti em em a tih ropui a ngaih na chhan erawh ka lo hre hauh lo thung. Mahse a ṭul a an tih chuan a tha vek mai.

Ka nu leh pa te ka hmuh rual chuan an lam ka pan nghal a,min hmuh ruala ka pa hmel a hlim na lo lang ka hmuh chúan ka nui ve nghal.

Ka thil tih hi a dik a ni, kei hian ka pa hi thlang lo in Kookie kha lo thlang ta ila, keihi ka hlim chuang hauh lo ang.

"So Ra khawiah nge kan makpa ve hi ka va hmu ve lo ve?" Ka pa chuan pangai tak chuan a ti a.. Chhan dan tur ka bangbo tak zet.

"Aaaa,,, ka hre hauh lo,, khawiah emaw a awm aniang"uang ti tih deuh in, ka nu leh pa nuih let pah chuan ka ti a.

Ka nu leh pa chu tuna ka nu leh pa thar te chuan rawn pawh vat in an ti ti luam luam a, ka chanchin eng eng emaw pawh an sawi bawk. Puitling kar a awm reng zawng keia rilru nen a in mil ve thei tak tak lo,an thil sawi duh zawng lah ka thil ngainat loh lam daih ani zawk si. An bula awm ve reng ta lo chuan ka in thiar fihlim san ta daih a.

"Cutie ....." Ring fahran a min rawn ko tu lam chu ka leh hawi vat a.
Jimin hyung chuan a kut ding lam vai lauh lauh pah chuan ka lam chu rawn pan in a rawn kal a.

Kei erawh ka din na hmun ah dingin ka lo nui vur vur thung. Jimin hyung chiah emaw rawn kal ka tih lai in hyung thianpa taehyung pawh alo kal tel ve reng a.

Thawk leh khat ah "i chhelo lutuk So Ra" A aw pa zet chuan a rawn ti a, Tae hyung en nghal in 'ka lawm e' tih lan tir nân ka bu zeuh a, Tae chu a kut a champagne a ken loh na lam zawk chuan nen chuan kan in chibai a,
A boxy smile a anuih hian a hmel hi a tha ka ti.

"Tae khawiah nge ilo kal bo hman daih a, ka zawn nasat hmanzia che kha" hyung chuan alo ti nghal bawrh bawrh a.Jimin hyung in Taehyung a treat vel dan hi inngaizawng te pawh an ang alawm maw le.

"In tur ka va la lawk a" tih pah chuan a kut a in tur a ken chu a rawn lek kang zeuh a.

"Ti daih ila So Ra khawiah nge i pasal hi, zanin hian ka la hmu miah lo"
"Nangni hi in in hau nghal der a mi" Tae bawk chuan min nuih pah chuan a ti a.

"Ka hre lo,,. Khawi ah emaw ah chuan a awm a niang" an mahni nuih deuh pah chuan ka ti a.

Thinrim ṭun deuh chung si chuan ka in tur chu ka in zui nghal zat a.

Ka thil in pah a in chunglam step a tanga rawn chhuk thla ka hmu thut chu ka thil in lai min tihak lek lek thei nia.

Coat suit dum, kamis var chu ha in a kamis var kilhna awm 2 button erawh chu a kilhlo a, a pawp sei em em chuan step chu a rawn pen thla puk puk a, a sam chu a thur em em a mahse a mah a ti pa zawk tlat.

A hmun a rawn thlen rual chuan a mit rum tak hmang chuan min rawn en chuan ka hria mahse min hmu lo ang mai a awm in ka lam pan lo chuan hmun dang ah chuan a kal nghal daih a,

Mipa pakhat a mah aia Lian pakhat dinna bulah chuan a ding nghal chat a, an ti mawlh mawlh pah chuan a nui deuh sang reng bawk a, an in pawh hmel viau.

Ka bula a sual teh lul nen midang bula nelawm ber awm fahran a awm te chuan min ti haw zual, a mah ei lo fe chuan amah ka enna mit atang chuan ka mit chu la sawn in ka bula ka thian pahnih te titi dun chu ka ngaihven leh ta zawk a mahse engmah pawh an sawi hre lemlo chuan ka lo nuih pui vel ve ta mai mai a. Ka rilru erawh hmun dang ah a vak kual daih thung.

Reilo te ah chuan ka pa thar( Jeon jungkook pa) chuan Jeon jungkook nen a min ko dun in pangai tak chuan min in hmel hriat tir a.
Mipui lo awm ve ho te pawh chuan min lawmpui thu te sawi in kan in chibai liam liam.

Ka nu leh pa te chu kan bulah lo kal in
"jungkook Bawiha, tunah chuan ka fanu hi i nupui ani tawh a, tha takin min lo enkawl sak rawh aw" ka pa chuan thu tak deuh chuan a ti a.

"Teh reng mai ka pu" tih pah chuan ka pa chu a nui hmel pawisawilo zet a nuih pah chuan chibai a buk a.
Chumi hnu ah ka lam chu rawn hawi in a nuihhmel ngeiawm zet a min nuih pah chuan
"ka lo enkawl tha ngawt ang" a ti a, kei erawh in hmun dang ka lo melh san hmak thung. Awihawm loh lutuk enkawl tha ngawt ang tih chu khawilam, zingah pawh ka thawmhnaw leh a thawmhnaw awmkawp mai mai pawh tiang khan a paih duh nia.

Ka pa a damdawi ei hun a nih tawh dawn vang in ka nu leh pa te chu awmrei hman lo chuan an haw a ngai a,an haw dawn a ka nu nen a kan in kuah phei chuan ka mittui chuan tlak a chak tawh ni awm tak chuan a rawn baw hawk a, ka nu chuan "bawihte, I pa nen hian min ngaidam rawh aw keimah ni vang in hetiang a i awm hi a ngai si a" ka hnung beng thek pah chuan a ti a, ka pa in a ruk a a mittui tla alo hru ve mawlh mawlh chu ka hmu bawk a.

"Nu a ho lutuk pawi ti suh, kei chu min ngaihtuah lo ula ka pa hi tha takin enkawl rawh, nang ni pahnih in hlim chuan keichu ka hlim em em ang" ka mittui chu hru nghal in ka nui lui a.
Ka nu in min thlah nan ka biang ah chuan a fawp zeuh a.

"Sora in enkhawl tha rawh aw, ka nu leh pa te chu lo ngaihtuah suh, ka awm hi" Jinnie in a tih chuan ka hahdam huai thei. Ni e Jinnie hian ka nu leh pa te hi tha deuh in a enkawl dawn tih ka hria.

"Ka lawm e" tah insum deuh chung chuan ka ti a.Ka sam ah a rawn tuai a, ka hnar a rawn piai leh.

"Jinniee" ner nung chuan ka tia, Jinnie, ka nu leh pa te chu an lo nui hak, hnar piai ka hua tih kha an hre miau ani.

"Kan kal ang e" a tawp nan Jinnie chuan a ti leh a, aw tih nan ka bu zeuh.

An kal liam ta maw tih ah chuan ka mittui chu a rawn parawl leh nghal ti tih. Ka chhungkua te kha ka ngai dawn lutuk. An tello in ka la awm hrang ngai silo.


Taehyung leh Jimin hyung te nen in kawm in kan lo hlim em em a, rin aiin nuam pawh ka ti leh phian mai, hlim em em a kan awm lai chuan "Park So Ra" nem fahranlo a min ko tu lam chu kan hawi nghal thuai a, Jeon Jungkook bawk ani, a hmel leh mit chu alo rum leh hle tawh.
A bulah erawh nuisang a min en tu Mipa 3 chu an awm ve bawk, mahse tu nge annih erawh ka hre ve hauh lo. Jeon Jungkook chuan a mit meng chuan an bula kal tur chuan min signal a, Jimin hyung leh taehyung bulah chuan hriat thiamna dil in ka kalsan a.

"Park So Ra? hei hi ka thian, ka cousin ni bawk Namjoon, Chuan heihi Suga, chuan a bula mi hi Hoseak" tiin a thiante chu min in hmelhriat tir zung zung a.


"Jeonguk ti lo deuh khan min inhmelhriat tir ta che Mawl lutuk mai" an zinga te ber, sam var chuan ati a, chu pa chu Suga tia nichin lawk a min in hmelhriat tir kha ni.

"Keihi Min Yoongi ka nia, Suga tiin min ko bawk thin, he nau hian a ti duhdah che chuan min hrilh dawnnia keiman ka lo hrem thin ang" nui miah lo chuan a ti a, a hmel a thu tak lutuk chuan min tiawmnuam lo zawk in ka hria.

"Awle" ti chuan ka chhang ve mai a.

"Chuan keihi Jung Hoseak, Hobi ti pawn min ko thei ang" pakhat zawk chuan nui sang chung chuan a ti ve leh a, nichin a mi ai kha chuan a nelawm hmel deuh zawk in ka hria.
"Chuan inneih ceremony khan ka lo kal thei lova min ngaidam dawnnia, Vawiin khan Korea ka rawn let ve chiah a" a rawn tih zawm nghal a.

"Chuan i hmeltha lutuk " a rawn tih leh min tilai lutuk chu ka sen ṭawn ṭawn tawh in ka hria. An zinga sang ber chuan min chibai tum chuan a kut chu a rawn phar chhuak ve leh a, a rawn nui deuh sen sen bawk. A nuih zawng in a biangsum neih chu a rawn khuar duk a, a nui mawi in a fel hmel tak zet. Jeon Jungkook nen chuan in ang lo tak anni.

" ka lawm ve" tih pah chuan ka kut chu phar chhuak ve nghal in kan pahnih chuan kan in chibai a,kan in chibai lai a a kut lian lutuk mawlh kha,, Ka kut chu a hum bo hneh khawp mai



Jeon jungkook leh a thiante chu hmel mai pawh nilo mizia ah pawh dang tak anni, engtin nge an inkawm theih pawh hi ka hrethiamlo zawk. Engtin nge tiang mihring hi an kawm peih zawk ti zawk ang.




JUNGKOOK pov



Tiang ang hmeichhe zakthei lo lutuk ka nupui atana ka lo pawm hi ka thiam loh liau liau ani.
Kei mah chauh chuan bar ah kal in in tur chu ka lem mawlh mawlh a, ka phone ri reng mai chu ka reject ngún ta malh malh hle.

Hyunggg in hetiang ang a tam min lo call chuan enge maw awm ani ngei ang tiin phone chu ka la ve hram a.

"H..e..llo..." Phelh nawk chuan ka ti a.

"Jungkook khawiah nge i awm? Mipui an tam tawh nia lo kal vat rawh, i chhugte pawh in an zawng nasa lutuk che" hyung chuan a rawn ti nghal bawrh bawrh a.

"Immm ka rawn let dawn" tih leh dah chu ka rual nghal a, thil pawimawh deuh ani dawn emaw tih lai a tiang ang party tih vel mai mai, engpawh chu ni se bul ka tan tawh ta sa sa, a tawp nan ti in ka bottle a zu tlem la bang chu ka in zo leh ta hram a.

Pai deuh nawk nawk chuan kal in pawn ka thlen chuan thli chu min ti harh tawk lek chuan a rawn thaw ser ser a chu chuan min ti harh tial tial a, ka khawhmuh pawh a rawn fiah chho ṭan ta.

In kawt ka thlen chuan in chhung lam atanga thawm ri mer mer chu ka hre nghal phat a,he tianga ka luh chuan mi en nawm mai ka ni dawn tih hria in in chunglam atang a luh rukna awm ah chuan lut in ka room chu ka pan nghal a, ka room pawh a hma mi ang lo tak in alo fel leh diam tawh a, kha nu thawmhnaw lah hmuh tur a awm tawh hek lo, ka thawmhnaw zu rim nam vang a rimchhe em em chu hlip in shower ka neih zawh chuan ka closet
atanga ka suit chu la chhuak in ka in ha mawlh mawlh a, in hnuai lam chu ka pan thla ve nghal a, in hnuai lam pan a step ka pen lai chuan ka piah lawk a hmeichhe lo ding chu ka hmu langsar nghal nalh a mahse a hmel ka hmu chiang chu ka nupui, ka huat em em mai,a awm mai mai pawh ka huat titling em em tu ani tih ka hriat rual chuan ka mit chu ka la let rang ngei mai.

Hyung awm na lam chu pan nghal vat in Namjoon Hyung chuan min lo hau nghal bawrh bawrh a, Suga leh Hoseok hyung chuan engmah sawilo in min lo nuih.


"Hyung engtik khan nge ilo thlen" tiin Hoseok Hobi hyung chu ka ti a.


"Zing ah khan" awlsam zet in a rawn ti.
Thu eng eng emaw kan sawi a, ka bula hyung te an awm kim thei chu a nuam ka ti phian, kan piah lam sir atanga nui leh hak thinte lam chu ka lo mitsir leh zeuh thin.

Engang pawh in hua in ngei viau mah ila tuna alan dan erawh saw chuan min hip ru hle tih ka hai lo. A ruk in ka lo en leh zeuh thin. Keihian ka lo haw tak tak lo tihna em ni le?

Engtianga rei leh uluk in nge ka lo en tih reng ka hre lo, Hyung tawng mawlh mawlh ri chu ka hre reng a mahse englam nge a sawi tih reng ka hre lo.

"Hey,,, Jeon kuk" ka dar a a rawn sawi tak ah chuan ka harh chhuak thut.

"Immm" rang zet in, engmah an zawhna hre lo chuan kan ti ve nghal ringawt a.

"Enge immm chu" min nuih pah chuan Hobi chuan a ti a.

"Ka hre bik lo le, enge " ka ti ve leh mai.

"Jeonguk?"

"Immm''

"I nupui chu min in hmelhriat tir ve la, ka la hmu ve miah lo nia, ceremony ah ka rawn kal ve thei silo" Hobi in a tih chuan"Anih chuan nimin lam te khan rawn haw mai tur che lawm" Suga chuan a lo chhhang a.

"Ka hman ngang lo ka tih kha" tiin a lo in sawi fiah.

"Nie, engpawh chu ni se Jungkook, Sora chu pangai deuh in min in hmelhriat tir teh" Namjoon in a tih chuan ka lo ner nghal núng a,
"Ni e" tiin Suga leh Hobi in an lo ti ve nghal.

Park So Ra awmna lam chu ka va en leh a, an la hlim hmel ngei mai.

"In hmelhriat tir tlak pawh a nih loh hi" ka bula champagne an rawn ken chu la in ka'n tlak zui nghal a.

"Heyyy tiang khan ti suh" Suga chuan a rawn ti leh a,a hmel erawh a pangai viau.

"Immm remchang ah aw" tih pah chuan ka'n nui ve leh deuh a.

Ka pa in ka nupui nena min ko phei in kan inneih min lawmpui tu te lo kal khawm hma ah chuan thil a sawi a, chu mi hnuah chuan Hyung te nen bawk kan awm khawm leh tawh.

"Jeonguk min in hmelhriat tir tawh rawh" Hobi Hyung chuan nghahtheih tawh loh hmel fe chuan a rawn ti leh a. Ninawm lutuk, nge maw hriat chian pawh chu an chak viau ni.

"Immm kal ang" ka thil in a rawn thawk leh ṭan tawh a ni ngei ang, nuam ka tih leh hle tawh, zan in ah pawh ka in hnem tawh em ani. Park So Ra chu ko in ka mit meng chuan kan awmna lam a lo kal tur chuan ka signal a, alo kal ve mai.

Hyung te nen ka in hmel hriat tir lai a an bula mipa lo ding ve reng chuan min ngaisang teh chiam lo in ka hria kei min en dan ah!
Mahse tu mipa in nge mahni mipat pui te ngaisang teh lul ang le?

Programme pawh a tawp a, kan mi sawm te pawh an haw tawh hlawm a Hyung te erawh an haw ka la phallo, Hyung te chuan Jane vanga ka thinrim na leh huatna chu tuna ka nupui chunga hri thla lo tur chuan min hrilh mawlh mawlh a, mahse ka thei thin lo,he nu hmel ka hmuh hian Jane hi ka hre chhuak ziah,a chhan erawh ka hre hauh silo, ani leh Jane hian eng in zawmna mah an nei silo.

Park So Ra erawh kan thiandun bul atanga kal hrang in kan maid te chu thil a rem fel pui mial mial a.

"Kookie...." Ka tette atanga ka àw hriat hran em em mai àw chu ka hnung lam atanga rawn ri chhuak chu hre zui nghal a,,, ka leh hawi nghal vat.

"Heyyy,,, engtik khan nge i lo thlen?" Tih pah chuan ka kuah nghal a.

Cont...