THE HEIRESS Chapter - 1

[Bethseby Nu Pachuau]

THE HEIRESS




CEO, Romance, Comedy and School Life




By Bethseby Nu




Chapter - 1




Lucy : Hmeichhe fel leh duhawm tak mai chu in atangin a pa in a hnawt chhuak ta daih mai a! Chu a chhap ah playboy chhe lo leh lar a pu te atanga gangster lian leh ropui zet hnen ah phuba lak a la tum zui! Chu mai pawh a la ni lo! Mi hausa leh thil tithei tak tak te awm khawm na ah chuan school lut ve in mi hausa fapa sual leh chimawm tak tak pali te chhiah hlawh ah a la tang zui! A chungah eng thil nge thleng zel ta ang!




*..................................... *





"Ka pa pasal nei tur a min tur lui leh dawn anih chuan in atang hian ka tlan bo daih ang"





"Oh, chu ti maw? Tun atang hian min dodal i tum ve tan tih na em ni?" Ka pa chuan a tarmit vuah phen atang hian thingpui in pah chuan min melh kur a.





"Aw, tehreng mai! Pasal nei tur a min ti lui leh anih chuan in atang hian ka chhuak anga ka lo let leh tawh lo ang"





Kut kuang kuah than chung hian ka ti ve salh a. Ka pa hian min duat bawk a, hetia ka vo chuan pasal chu min neih luih tir bik miah lo ang! "Ka pa tlawm tawh mai rawh" Ka tactic tha zet avang chuan ka hlim ru kher mai!





"Awle, atha lom, I duh na hmun ah chuan i kal thei ang!





" Enga"





"Oh, ka fanu hi a kum te tam in a lo nula ve ta a,tunah chuan a pa thusawi te hi enga tan mah a ti tawh lo anih hi!Amanda, ka fanu bungrua kha lo lak sak ta che!Aw...ka fanu hel na hian ka rilru hi a va ti na tak em!" Ka pa chu rilru nat hmel zet hian a romawl chuan a in sut ri keuh keuh a.





"A ni thei lo ka pa, tap chung in he in a la awm rih tur hian min ngen zawk tur i ni asin!"





Reilote hnu ah kan awmpui nula Amanda chu ka bag nen hian kawngka bulah chuan a lo ding vang tawh a.





Ka pasal neih duh loh avang mai a ka pa min tih dan chuan ka thin a ti rim kher mai!





"Tunah chuan i kal thei tawh ang Lucy amaherawh chu thil enge maw min tiam hmasak phawt angai ang" A lungngai hmel kha alo in thlak pangai leh hman vek tawh anih chu!Tun mai a afanu ngaihtuah hmel tak ka pa kha khawnge a awm tak?





"A hmasa ber ah chuan he in atang hian pawisa cheng khat te mah I keng chhuak thei lo ang!A pahnih na ah chuan,khawlai ah kan chhungkaw zinga mi angin I awm tawh tur a ni lo!Kan tan chuan mi hrang I ni tawh!A pathum na ah chuan,kum 2 chhungin million 10 i thawk chhuak ngei tur a ni!Heng te hi I ti hlawh tling thei anih chuan pasal nei turin ka ti lui tawh lo ang che!I thei lo anih erawh chuan ka thu hi I zawm ngei a ngai thung ang!





"Awle,atha alawm ka pa!Million 10 chu ka thawk chhuak thei lo anih pawhin ka tan a khuanu ruat mipa tha tak erawh ka zawng hmu ngei thung ang!"





------------------------





Ka hming chu Lucy Anderson a ni a.Ka pa in pasal min neih luih tir a tum avangin in atang ka tlan bo ta ani!Ka tan a khuanu ruat mipa fel leh tha tak ka la tawn ve ngei ka in beisei tlat a!Mahse kei ang hmeichhe tleirawl kum 18 mi lek tan hian ka tan a khuanu ruat mipa tha tak chu zawn hmuh ve theih tak ang maw?





Reilote ah kan chhungkaw chenna chu ka chhuahsan fel der tawh a!Engtin nge million 10 lai mai chu ka thawh chhuah theih tak ang?Ka pa hnenah kir lehin ngaihdam ka dil leh mai zawk dawn em ni ang?





"Eng thil atthlak nge maw I ngaihtuah tak mai le Lucy....Kal la,I tan a khuanu ruat mipa fel leh hmeltha tak chu va zawng chhuak zawk rawh" Keimah leh keimah chu ka infuih rilru mawlh mawlh a.





Eng pawh chu nise,nisa hnuaia ke a han vah kual vel chu ka chau in ka tui a hal tak zet a ni!Tui,tui in tur tak ngial pawh ka nei der silo!Ka dang ro chau lutuk chu tlu hnawkin ka bul mai a tui pui ah chuan ka tla palh ta mai a!





"Oh,tui hleuh ka thiam bawk silo,ka thi ngei dawn anih hi!Tu emaw tal hian min rawn tanpui hlauh se aw" ka rilru fim mahse ka taksa erawh a che thei silo!





"Ka thi ngei dawn anih hi,ka la naupangin hma lam hun hma thlir tam tak ka la nei ve asin le?Khawngaih in tu emaw tal khan min rawn tanpui hram teh u,ti mai hi chuan ka la thi thei lo"ka hlau thawng au chhuak thei bawk silo,taksa chau zawi sa nen tuipui mawng lamah chuan ka tla thla ta riai riai a!





Thawk leh khatah mipa hmeltha leh chhe lo zet hian ka ban ah chuan lo vuan vatin ka kawngah chuan min dawm bet zui nghal vat a!Engtia chutia thawk leh khat a rawn lang thut thei nge maw anih le?Ka tan a Pathian lo tirh vantirhkoh ani ngei ang!Ni e,a hmelthat dan em em hi mihring ni awm a mawi ani lo reng a ni!





" Lalpa leh,I hmeltha tak zet" ka sawi zawh rual chuan tui chu ka hak zui nghal bawrh bawrh a!Tun second reilote chhung hian tui a tla ka ni tih ka lo in theihnghilh hman pek!





Tui ka hak rual chuan rang zet hian min rawn fawp zui nghal zat a!"Oh my God,ka first kiss!"Ka taksa chu tek den ang mai hian a rawn sa chhuak nghal hat anih chu!Ka zah luatah na zet hian a kawr awm ah chuan ka tham tawn tawn a!Ka mumang em ni?Lalpa leh,ka mumang ani chiang lutuk!He tiang thil zozai atak a thleng tur chuan a awih awm loh mah mah zawk ani!





Pawn a min hruai chhuah rual chuan ka khuh nghal bawrh bawrh a,thaw chham in ka thi hman thelh alawm le!Oh God,ka mumang mai chu ani lo chiang kher mai! Mahse...ka hmui chu kan khawih zeuh a,ka thil ngaihtuah ho zet chu duh lo in ka lu chu ka thing zui nghal nar nar a.





Ka hawi chhuah leh meuh chuan kawng pui sir a sport car dum nalh zet bulah hian a lo ding var tawh a!





"Hey,min lo nghak teh!Lawmthu pawh ka la hrilh hman hleinem che!Min chhan chhuah avang khan ka lawm e aw"





Ka sawi zawh rual in car chhung atang hian mipa coat suit dum ha smart zet hi lo chhuak in "Young master,I tha em?" A rawn ti zui nghal zat a.





"Young master....Tunah khan Young master a ti em ni?" Hepa hi tu chiah nge maw a nih le?





"Aw ka tha e,kal ang hmiang" nui suk pah in motor chhung a luh chu a rual nghal a."My God" A nui hmel mawi zia mawlh mai kha!A aw te lah chu a la pa em em zui!A kamis hak huh zawr hnap chhan a a abs rawn lang riai riai te sawn min ti a zo thei tak ngial dawn!Hepa kher hi chu Greek Pathian te zinga mi ni awm a mawi leh nalh ani!Hepa ang reng a mipa hmeltha leh chhelo hi ka pian a hnu lamah ka la hmu ngai hauh lo!A hmeltha leh aw pa zet ngaihtuah zui pah chuan an tlan liam lai chu ka thlir zui ta vawng vawng a!



-------------------------




"Khapa hmeltha leh chhelo zet ka nunna min chhanhim sak tu nen khan kan la In hmu leh thei angem le?Lucy mi mawl nu,khapa kha I thluak te reuh te atang khan paih chhuak nghal vat rawh!Chutiang ngaihtuah hman pawh I nih loh hi!Zanin atan I riahna hmun tur I zawn hmuh vat angai ania!" Keimah leh Keimah chu ka inhau rilru mawlh mawlh a,buai nak alai a khapa ngawt ka rilru a lo lang ve sek chu ka ngei kher mai!He ka rilru ngaihtuahna atang hian ka paih bo vat chu angai dawn anih hi!





Ka hma in lian zet zawn ah chuan ding in"House number 108 nge 109 zawk hi niang aw?Awi... buai mangan lai laiin he lehkha them tal hi chu han fiah ve deuh se tha tur!Chhiat na hlir,chhiatna hlir,ninawm lutuk" ka lehkha them ken fiah lo zet chu kan thlek nawn leh thin a.Kan in ka lo chhuah san kher kha chu ka inchhir tan der tawh!Mahse ka duh ka thlang fel ta sa sa,kir leh thei ka ni tawh lo!"A hmasa leh a fiah zawk a inziak 108 zawk hi a ni ngei ang!Ka cousin Virginia chuan in a lo nei lian hle mai!"





Mahni a phun bul bul pah chuan kawngkhar chu ka han kik thuai a alo la kalh lo zui!"He nu tak hi chu aw...Hmeichhe fimkhur lo leh uang thuang tak kha alo la ni reng anih hi"





"Virginia,khawnge I awm?Hmu tur che in I unau nu duhtak Lucy ka lokal ania...Virginia?Tumah an awm lo tihna em ni?He nu hi kawngkhar kalh lo in pawn lamah a leng chhuak zawk em ni le?"





"Awle,eng pawh chu ni se...Ni leng a ka vah kual na lamah ka chau in ka bal tak zet tawh a ni...Ka taksa te lah hi a ban chuap mai sia, eng pawh ti dawn ila intih fai hmasak phawt ka ngai a ni!Virginia lo haw nghah pahin kan inbual fai der der teh ang"





"Cousin Virginia chu a lo khawsa nuam tawh bik kher mai!A bathroom te lah hi a zau in a changkang mai sia,mahni pual a hetiang bathroom neih ve theih hi a va chakawm tak!Taima tak a hna ka thawh chuan tiang in lian leh bathroom nuam hi chu ka la nei ve thei hrim hrim!Eng pawh chu nise,tui vawt ver vawr a nipui khawlum vang lai tak mai a han inchiah daih vang vang hi chu a nuam a ni!"Rilru hlim leh hah dam zet chuan ka mit chu kan chhing vang vang a.





"Ka inchhung ah rawn lut in ka bathroom ah ngei hlim takin I rawn inbual vel a...Engtin nge I ngam zawk?"





"Tunge" mipa aw ka hriat rual in towel chuan ka inhliah khuh nghal vat a.





"Tunge I nih?Eng vanga ka cousin inah hian rawn lut ve ringawt nge I nih?I va zak thei lo ve?"





"Tunge ka nih a?I cousin ka nih hi" mipa sang tha leh hmel chhe lem lo zet hian a lo thum dut a!A nuih sang danah misual tak chu anih bik loh hmel!Towel chauh a ven avanga a awm ruak kang leh a taksa lang tam lutuk te chuan ka mit a ti kham ru kher mai!





"Mi a ka nih loh hi aw...Ka cousin te chu hmeichhia alawm"





"Anih te chuan i cousin mipa ka ni leh mai alawm"





"Cousin mipa pawh ka nei reng reng lo!"





"Anih chuan I pa tal ka ni thei mai lawm ni" chimawm zet a min nuih kual vel te chuan ka thin a ti rim hlur tawh,hepa hian min naupang chhe cheibawl vel amaw!"Jail bang i zut hun ah chuan ila inhmu chhuak dawn khawp mai!"





"Nang,nang pa hi...Thudik min hrilh vat loh chuan police ka call dawn ania aw"





"Police call a?Chung te chu ka sawi awm zawk tak anih chu mawle!Ka inah rawn lut ru in ka bathroom ah ngei ka it theih nan che min rawn thlem kual vel ania...Kei hi ani lawm ni police call tur zawk chu?





"He...He in hi I ta maw?





"Hei en ta che...I cousin chuan ka thlalak lian leh mawi zet hi he bathroom ah hian a tar duh ka ring hauh lo!"Mahni inchhuang tih hriat zet hian a rawn ti deuh sup a.A sawi zawng chuan min rawn din hnaih deuh kher a,hnai zet ah mi la rawn melh kur zui!





"Hepa te chu a mi uap a na reuh kher mai ka ti"





"Ngawi teh,kha thil kha!!!" Rang zet hian thlalak banga intar lam chu ka hawi phei leh nghal thuai a.A incheina mawi leh ropui zet kara a ban a lang sar taka a bun bracelet ka hmuh rual chuan ka phu chiang kher mai!He bracelet te chu Dragon chhungkaw rochuntu tur chhinchhiahna kha ani sia...Anih chuan hepa hi Eagan Dragon,Europe chhungkhaw hausa leh thil ti thei panga te zinga pakhat kha anni maw!!"Lalpa leh..."Ka thi thak!Ka inthiar fihlim vat angai dawn anih hi!





"Um...Thil hmanhmawh thlak tak tih tur ka nei tih ka hre chhuak thut mai,ka kal phawt ange" rang zet a inher in tlanchhiat nghal mai chu ka tum a.





Hneh sawh zet hian ka ban ah chuan man in a awm hlai pui ah chuan min pawt bei nghal thlawp a."Nula,he ka inah hian lo lutin ka bathroom ah ngei I rawn inbual bawk a,hetia ka kal tir mai che hi I ring em ni?Tun thleng a Police ka la call lohna chhan chu min tih lawm theih ka rin vang chauh a ni!Ka tisa chak na I kai tho ta sa sa,I tih puitlin ngei chu a ngai ang"





"Lalpa leh,sakawlh in ah ka lut palh anih hi maw?A va rapthlak ngai em?He in atang hian a rang thei ang ber a ka chhuah vat angai dawn anih hi"





"En teh saw...Rukru"





"Hmeichhe chimawm leh lawmawm tak i ni,kan la in hmu leh ngei ang"min rawn auh zui na chu bengkhawn duh lo in,rang zet hian ka tlan chhe nghal vat a.In atanga ka chhuah hnu chuan thlamuang zet hian ka thaw nghal suai suai a.




"Mipa zak thei lo tak a ni!Kan inhmuh tawh loh hram ka beisei" ka ti zui ve sap a.



__________________





"Lucy he tah hian enge I tih a"





"My God,ka cousin Virginia...A tawp ah chuan ka hmu ve thei ta hram che lawm"





"Lucy ka unau nu duhtak"





"Ka cousin Virginia,hmeltha leh duhawm..." kan pahnih chuan inkuah nghal in kan tap dun hawm hawm a...Ni e,kan in hmuh loh na arei tawh bakah,tunah chuan ani chauh hi min ngaihtuah tu awm chhun ani tawh si!





"Lucy,ban ka tawk a....Ka rilru a na tak zet!Ka mipa duh leh hmangaih ber chuan enga tan mah min ti tawh silo,ka tel lo in a hlim zawk si!Eng ah nge,eng vang nge....Ka rilru na lutuk hi thih mai ka duh"





Wait...ka cousin Virginia hi min ngaih avanga tap emaw ka lo tih ve kha mipa vang lek a lo tap maw anih a!Hui ha,he nu tak hi chu! "Tu fa lu bawk chuan nge ka unau nu fel leh chhelo zet hi ban ngam zawk a,a phu tawk hrem na a hmu ngei tur a ni"





"Amah,amah chu mipa hmeltha leh chhe lo,fel leh hausa bawk si hi a nia...Sawi sel bo hi a ni ringawt!A pa chu European finance ah leader ania chuan a nu chu fashion designer lar tak a ni bawk a!Chuan a pu chu politician lar leh thil ti thei tak ani bawk a.Chuan a pu pakhat dang leh chu European gang lian,hlauhawm leh thil ti thei ber The Bloods a an boss ani bawk a!Chu mai chu a la ni lo,amah pasal a nei thei tu hmeichhia chu he ram a lady hmasa ber hi anni thei bawk dawn asin!" A bialpa hlui chu a duh viau ani ngei ang a chanchin a sawi zawng te chuan a mit te chu an rawn de sar sar a!





"Mahse amah chu playboy chhelo leh lar zet hi ania!Lucy ka duh tak zet a ni!Ka neih let leh theih nan min pui hram teh,anih loh pawn phuba tal min lak sak rawh!





"Awle lungngai lo la,tunge a hming?"





"A hming chu Rick O'Connel ania...Dream pub ah a kal fo thin a tah chauh chuan I hmu thei ang!A hranpa chuan hmuh theih loh tluk ani,mipui hma ah a inlan tam ngai lo"





"Eng pawh chu nise lut phawt ila,inchhungah kan sawi chhun zawm dawn ania" Virginia kawngkhar bula House no 109 tih inziak ka hmuh chuan meng nghal kawk in ka zak ru chem chem mai!Lucy thenawm a in lian zet saw kan mi tenawm pa in zawk maw lo ni a,ka va lut sual chiang tak!





Zanah chuan ka cousin Virginia tan dream pub ah chuan kal tum in chhelo zet hian ka in chei a.A kawr min hawh chhing leh tide zet chuan ka awm ati nuam lo ru kher mai,tiang thawmhnaw hi ka hak ngai loh vang nge tiang hmun a ka la kal ngai loh vang zawk pawh ka hre tawh lo!





Dream pub ah chuan mi naran mai chu luh anlo phal lo nasa...Virginia min pek Dream pub Vip card ka hmuh hnu leh security check an neih zawh vek hnu chuan min luh tir ve thei hram a!A chhung kan lut chu a lian in a pui ngang mai,light chi hrang hrang mawi zet mai hian a de khat tuar a!A chhung a awm ho te lah chu an inchei na en reng reng pawh in mi hausa leh ropui tak tak anni ang tih chu hai rual a ni lo,ka inhmu te nghal chem chem mai!"Lucy Anderson,zam mah ta che!I unaunu avang chauh a he hmun a kal ve mai i nih kha in hre reng rawh!Eng pawh chu nise pub chhung de chuai chuai,mipui zi nuai nuai leh music thawm beng chheng tak karah hian engtin nge Mr O'Connel chu ka zawn hmuh theih tak ang?"Bang bo zet chuan ka hawi kual hru hru ringawt a!





"Min lo hrethiam lawk,Mr O'Connel a awm na I hre mial lo maw" waiter pakhat model ni awm a mawi leh nalh zet mai ka bul hnai a lokal ka hmuh rual chuan ka lo ti nghal thuai a.





"In chung Box no 7 ah...Nang ang hmeichhia hi engtin nge Mr O"Connel hian a nula te zingah a telh duh mai che le?A nuihzatthlak zawk" ka taksa leh inchei dan vel en vang vang chung chuan min ngaihnep hmel zet hian a rawn ti deuh hmak a!A ni anga pian mawi leh nalh ka neih ve tak loh avang mai a han in hmuhsit deuh kher chu'h!Hmmp ka pian mawi lo mahse ka hmeltha in ka chhe lo tho,keimah tawk ah ka confee ve em!





"Awle,ka lawm lutuk e" ngei awm viau mahse ka hriat duh min hrilh tho a ala zia tal e!




Ka mood fuh vak tawh lo nen waiter min hrilh na box no 7 ka thlen rual chuan ka nam hawng nghal thuai a!A chhungah chuan mipa pakhat hmelchhe lem lo tak,rosary thi awrh,a inchei dan atanga fel hmel zawk zawk lo tih hriat zet hi hmeichhe pali vel hian anlo thut hual thap a!Awle,he pa hi kan play boy tenawm a ka unaunu ban tu chu a ni ngei ang!





"Hey,nang nu kha...Eng vanga ka room chhunga buaina rawn siam ngam nge I nih?Thih I duh em ni?" A rawn ti vin nghal that a,a lan dan chuan mipa zaidam zawk zawk chu anih bik loh hmel!





"Ka sawi chu I hria em?Tu phiangsen nge I nih?"





"Umm kei chu nangmah duh a atchilh deuh tu che ka nia" aw ngaihno bei leh no hnap chuan kan melh kual vel a.





"Min at chilh tu a?"ngeng leh awih loh hmel zet hian a lo ti bul hmuk a.





"Aw ni chiah e,ka duh lutuk che a!I bialnu ka ni thei angem?" Ka sawi zawh rual chuan a hmel ngainat awm loh zet pawh kha a bo chawpchilh ve nghal zat a!





"Oh,nice!Mahse ka bialnu I nih hma in eng tiang chiah in nge mipa I tih lawm thiam min han hmuh hmasa phawt teh"





"Oh,anih chuan engti turin nge min duh?"





"Min han fawp phawt mai teh"





"Chu chauh chu em ni?Thil dang ti tur pawn min duh lo em ni?" a mal chungah chuan thu in kan zut der kual vel a,a mitmeng chu tisa chak na nasa tak avang chuan a rawn de sar sar tawh a!





"Min han fawp phawt mai la,thil dang chu a thawh dan azir in a chawp zelin kan ti dawn nia!Eng pawh chu nise,eng tiang chiah a nuam in nge ka siam theih che tih hi lo thlir tawp mai rawh"a sawi zawh rualin a hmai ah chuan ka beng ri ta thuai a!





"Nang nu hi,eng thil nge maw I tih le?"





"Eng mah ti lo e,ka duh zawng I ni leh chiah lo a...Tikhan in then mai ang aw..." A hma ah chuan hnehtu inti zet in ngeiawm tak hian kan awm khum vel a,ka cousin chunga a thil tih nen khan a inrul tawk viau chuan ka hria!





"Nang nu mai mai chu'h...."





"Mr Walton,I tha em?Nang nu hi engtin nge Europe khawmual pui a chhungkaw hausa leh ropui,mi thil ti thei panga te zing a lang pha ngat kan Mr Walton hi i rawn ben ngam zawk a?" A nula awm pui te chuan hlauhthawn hmel zet hian anlo bawisawm nghal sap sap a!





My God,tunah khan Mr Walton a ti em ni?Walton chhungkaw fapa neih chhun,an ro khawm tu tur Oliver Walton a tih na em ni?Tunah khan Virginia bialpa hlui emaw tiin ka lo beng vel ania,ka thi dawn chiang lutuk!Engtin nge hetiang thil hi ka chungah a thlen theih?Waiter khan box 7 a ti sia,ka lut dik ve ngei bawk si...Min hrilh sual lui zawk em ni le?"Lucy mi mawl nu,chutiang ngaihtuah buai hman I ni tawh lo...I nun na atan tlan chhe vat rawh!





"Mr Walton I biang chu enge a an a na viau em?Tui vawt hian ka lo deh sak dawn che em ni?Saw nu saw a thil tih man hrem na I pe ngei tur a ni" A nula awm pui ten an biak buai lai chu remchangah la in ka chhuak ru nghal thuai a!





"Nangnu phiang sen kha lo ding nghal vat rawh!Ka chung a I thil tih avang khan hremna pe lo che in ka kal tir mai che I ring em ni?"min lo um zui chu niin amah chauh nilo in a bodyguard te nge mipa rual coat suit dum ha pali te nen hian anlo ni tawh a!





Min man hlau zet a hma lam pan a ka tlan na lamah mi pakhat hi ka su deuh chawrh a...Ka tlu tur chu ka ban ah lo vuan hman in a kut leh lam chuan ka kawng ah a lo dawm bet vat a!Amah ka hmuh rual chuan mak tih luat avangin ka meng deuh kawk a!Buaina ka tawh lai in vantirhkoh ang mai hian ka hma ah a rawn in lan thuai thin a,vantirhkoh a ni tak tak amaw ni le?





" Nang maw" ka ti chhuak deuh sap a!A vawi hnih nan kan intawng leh ta!Ka nunna min chhanhim sak tu hmeltha leh chhelo ka hmuh leh chak em em pa kha lo ni reng in!A taksa ka deh rual chuan ka thin chu phu nghal dup dup in,ka taksa te chu a sa chhuak nghal hat hat a!Ka ke te chu zawi nghal vekin amah rin chhan tak meuh chuan ka ding ve thei tawk a ni!He pa ka hmuh rual a ka taksa tang ru teuh thin leh a mi tawh rual a ka awm dan danglam nghal vek thin chu ka haw ru kher mai,zah thlak zawk hian!





"Young Master,kha nu ve mai mai khan kan pu pawi a sawi a,zirtirna kan pek hlak theih nan min lo man sak teh"





"Ngawi hmak ru!In tawng chhuak leh anih vaih zawng in keimah ngei hian zirtir na ka pe ang che u"





"Khawngaih in min tanpui leh hram teh,misual ho sawn man min tum a"





"Trouble maker"tia nui suk in.Chutah muang chang hian"Engtia tanpui nge I duh" aw ngainat awm zet hian a rawn ti zui leh sup a.





"Engtin pawn a ni mai,khawngaih in min tanpui hram teh" hlauthawng zet hian ka lo ti nghal hluai a!





"Ok,chung te zawng thil awlsam tak anih chu" ti deuh sup pah hian min rawn fawp leh ta mai!A vawihnih nan min fawp leh ta!Eng vanga hepa hmeltha zet hian mi fawh nuam ti viau nge maw a nih le?Hetianga in kuah in fawh tih vel te hi chu in ngaizawng te inkarah chauh thleng tur ani asin,a khawsak danah hian mipa ler tak chu ani chiang phawt mai!





"Buddy,kha misual nu min rawn man sak chu ka lawm hle mai"





"What,Buddy maw?In tang dun tihna a ni maw" Rang zet hian ka nem sawn nghal dawr a!





"Oliver,eng vang a henu hi man tum nge I nih?" Ka thusawi ngai pawimawh lo zet hian a ti liam puat a.





"He nu hian min han fiam kual ve deuh mawle!Mahse in fiamna hlimawm tak tak zawk hmuh tir pahin zirtirna kan pe deuh hlak ange"





"Really?"a ti duh lek chauh a.A landan chuan Mr Walton ai pawh hian a ngeng hmel zawk mah in ka hria!





" Yeah,buddy...Oh,Young Master Rick mi zirtir na han pek deuh hlak te chu kei ai i hneh sawh zia ka hria alawm chuvang chuan he nu hi zirtirna min han pek sak ve hlak dawn em ni?"





"Oh,God!Hepa hi Rick O" Connel zawk chu maw lo ni!Chuvang ani maw Young Master tia ankoh!





"A ni thei lo!Min chhanhim tu ka lo vei ruk em em pa hi ka unaunu bialpa hlui playboy lar leh chhelo zet kha maw lo ni!Eng vang nge a ni kher!"