STILL WITH YOU (chapter 5)

[Maam J]

"Pawm e" ngaihsam hmel zet a ati ri ka hriat te chuan ka haw zual ngawih ngawih.

"Nang Park Sora ka zawt a che. Jeon Jungkook hi i pasal tak ni tur in, a nuam leh hrehawm ah, harsat lai leh bawrhsawm lai pawh a enkawl in i pasal tak ni tur in i pawm em?"

"ka pawm e"

"Mopa khan monu i fawp thei tawh e" Inneih tir tu in a tih chuan ka meng nghal kawk a, ka bula ding chu ka en a, ka duh lo tih lan tir nan ka lu ka thing.

Mipui lam atang chuan "fawp rawh fawp rawh" an lo ti a. Mahse kei chuan ka lu ka lo thing. Kan boruak engmah an hre ve der silo.
Chutah Jeon Jungkook chu a rawn âwn riai riai a, ka thin a rawn phû dup dup.
A hmui in ka hmai a rawn hnaih tawh êm vang chuan ka mit chu ka chhing ta tawp a, ka kawr hak chu ka hmer khawr vak a.
Mahse a hmui in ka hmui nilo in ka chal chu a rawn dek ta zawk a, ka meng nghal kawk.
mipui ho chuan kut beng in an lo au vak a.


Inneih ceremony kan zo a, Mr Jeon leh Mrs Jeon chuan an ṭhiantha te leh thawh pui thenkhat te nên in hmel hriat tir na min neih pui a, ka pheikhawk bunna ka ke lah a na tawh lutuk.
Mikhual thenkhat chu an haw nual tawh ka nu leh pa in an thawhpui te leh Company a an thawh pui te nên in hmel hriat tir na min neih tir bawk a.
.
.
Ceremony kan hmang zo a,tunah chuan mipui an awm tawh lo, ka nu leh pa Jinnie leh Jeon Jungkook chhung te leh Jeon Jungkook thiante, Jimin hyung te chauh kan awm tawh a, Jeon Jungkook erawh ka bulah a awm lo a, a thiante ni awm tak bulah inneih ceremony kan zawh rual khan a awm ta chawt a, kei erawh Jimin hyung bulah ka awm deuh chawt thung.


"Cutie ka kal a ngai tawh a" inthla hrun hmel zet chuan a ti a.
"Imm" tih pah in ka bu nghauh a, ka nui lui, ka rilru chuan "Hyung min kal san suh, he Jeon Jungkook bulah hian min kal san suh" tih ka duh tak zet. Mahse ka chelh thei silo. Mahse Jinnie a awm hlauh a a zia deuh.

Chutah ka chal chu rawn fawp in "i tan ka awm reng dawnnia Cutie, in ti chak hram hram rawh aw" a ti a. Ka lo bu leh zeuh.

"Ka kal ange" a tih chuan ka ding ngawi reng a.
Chutah "Cutie " a rawn ti leh.
Ka la ngawih reng vang chuan a kal lo a, min rawn kuah.

"engkim a tha leh vek mai ang" a rawn ti leh a, chhang lem lo chuan ka bu nghauh. Engkim hi keipawn tha vek tawh se ka ti tak zet.

Vawiin hian ka hmangaih ber ka kalsan mai pawh nilo ani pawh in min kal san ní ani a ka theihngilh leh tawh ngai lo ang.

.
JUNGKOOK pov

Ni e ,A tawp nan tiin inneih ceremony tan hma in ka be leh a, a aw tham riai chu ka hre leh ta, Na tak a min siam avang a àn khum in tawngkam chhe tin reng hmang a an chhe lawh ka duh mahse kha âw kha ka ngai lutuk a, ka thil tum zawng zawng chu thawk leh khat ah min thulh tir leh ta vek a, engmah sawi zawm thei lo in ka nupui neih tur thu chiah chu ka sawi a, kha thu ka sawi lai khan ka in hum ruh nasa ngang mai.

Mahse heihi ka chiang ani. Engzat atam nupui pawh nei ila ani ang a hmangaih leh duh kha ka nei leh thei tawh ngai lovang.

Inneih dawhsan ah ka nupui ka lam pan a alo kal hun tur chu ka nghak a, rei lo te hnu ah Ka hma ah hmeichhia mo thuam var vek ha  ka lam pan a lo kal chu ka thlir reng a, he hun hi ka hmangaih nen a thlen hun kha ka suangtuah thin kha ania, mahse suangtuahna chu suangtuah na mai ah a chang hlen dawn ta si.


Inneih programme a zawh chuan Hyung te nen chuan kan in be mawlh mawlh a. Hoseak erawh a la awm lo thung, a rawn tel ve theih dawn loh vang in thuba min rawn dil kha nia.



"Bunny i nupui chu a hmeltha khawp mai" Suga in a tih chuan ka khi suk.

"Hahhhh nupui mawh"

"bunny ani hi tina miah suh, pawisawilo ani" a rawn tih leh phei chuan ani tih hrehawm ka chak sawt tih hi Hyung hian a hre lo ani.

He in neih na a rem ti ringawt pawh hi ka tan pawi a sawi tawh.
"Lo hre rawh Park Sora i tum anga nuam chuan ka awm tir tawp lovang che, Jeon Jungkook nei tur a i rilru i siam hi i nun a i thil tih sual lian ber ah ka siam ang tih kei Jeon Jungkook hian thu ka tiam e." ka rilru chuan tiin Park Sora awm na lam chu ka en a.


"Bunny ka kal a ngai a, ka kal rih phawt mai ang" a tih chuan ka bu zauh.

Tunah chuan kan chhung hnih chiah in ka awm tawh a, mipui ho an haw vek hlawm tawh,
honey moon nuam tak a hmang tur chuan chhungkaw hnih te chuan min thlah liam a, ka nu chu a phur ber ah a tang nghe nghe.

keipawh in hlim tak a hun kan hman tur chuan ka thlah liam ve mai.

Driver hruai lovin  keimah chuan motor chu khalh ka tum a, a hmalam thutna awm a a thu tur chuan kawngkhar chu ka hawn sak a a lut ve mai.
Keipawh chu lut ve nghal in ka in khalh chhuak nghal a.

Rei pawh kan tlan hma in "car hi ti ding teh" a rawn ti a mahse ngaihsak lemlo chuan ka hmalam chu en in ka khalh ngar ngar.

"Ka sawi chu i hre lo em ni car hi ti ding rawh" vin fe chuan a rawn ti vei reuh a, a tet tet nen a aw chu a lian reuh phian zui, ka khi suk a, ka ding duh lo  lui a, chu ve leh ka steering chu rawn her in kan car chu a kawi nghal zawk zawk a.

"Thih i duh mi a" ka thinrim em vang chuan ka vin hlur. Car steering kha a hun tak ah her lo ila chu kan che sual ngei ang.

" Car tiding rawh vawi engzat nge ka sawi" kei ai mah a vin zawk chuan a rawn ti a. A hmel chu ka en kar ringawt.
Car hnung kawngkhar chu hawngin na tak chuan a khar ri thuai a, min ti phu zawk thei hial. keipawh ka chhuak ve a.

Ka kawng chu dawm in thawk te chu ka la leh hawk a, ka rin ai mah in a kawlh dawn tlat in ka hria.

Car chhung ah chuan ka thu lut ve leh nghal a, car dar thlalang aṭang a lang hmeichhia chu inkuangkuah àt in, thinrim tih hriat ngawih ngawih chuan min lo en kar mai.

"A tha e,,,, tun atanga ka hrem i nghal mai hi pawi ka ti khawp mai,mahse hei hi ka thiamloh ani lo ve, I choh chhuah liau liau ani". Keimah chuan ka khi suk a, ka car Speed chu a sang thei ang ber a dah chuan ka tlan pui a...

"Tlan muang rawh mimawlpa,!! min tih hlum i tum ami"

"Thih i chak ani lom ni"
Ka speed chu down lo chuan ka speed ngai chuan ka khalh ngar ngar a.

"Mimawlpa" tih pah chuan ka hnung chu a chum vak vak a, ka leh hawi a a kut pakhat zawkin a mit alo hup a, a hnu deuh ah chuan ka speed chu down deuh in ka hnung a chuang chu ka'n en a, seat ah chuan a lo tlu der mai, ka car chu tidingin seat  hnung ah chuan ka thu phei ve nghal a, ka ko a min chhang thei lo, a dar ah chuan ka sàwi leh a, min chhang thei chuang lo, min tihlauthawng  tawh tak zet, a thi tih na em ni?.


Ka car a tui bottle chu la in tui chuan a hmai chu ka'n theh deuh thet thet a, ka be pah reng bawk, ka ṭawng a hriat leh hriat loh hriat nân te chuan ka ko pah reng a mahse min chhanglo, mahse a hnu deuh ah chuan zawi muang chuan a rawn che deuh riai riai a mahse  biak theih in a awm chuang lo, ka mangang tawh tih ngaihna hre tawhlo chu ka car chu tinung vat in damdawiin hnai ber tur lam chu panpui ka tum ta a, ka bula thutna awm ah chuan thut tir in seatbelt ka hren sak a, ahnung a ka mut tir chuan alo tlak palh  ka hlau ve bawk nen,,
reilo te ah chuan Seoul hospital chu ka thleng a, a dinhmun a tha vak lo tih ka hriat avang in ka pawm a, min hmuh veleh doctor leh nurse te chuan min lo buaipui vat a,a rang lam in emergency room ah an nawr lût nghal a.



Reilo te ah Doctor chu a rawn chhuak a, a hnung ah nurse thenkhat in an zui bawk, ka hmuh veleh ka pan nghal a. Tianga a awm chhan leh hlauthawn awm a nih leh nih loh te chu ka zawt a, doctor chuan  natna chu a nei lova,a thil tawn in a tih hlauh em vanga awm mai chauh anih thu chu min hrilh in a rawn harh leh vat mai ang tiin min kalsan a. Sora chu ward ah an sawn tur thu min hrilh a, rei lo tê ah emergency room atang in ka nupui chu an rawn nawr chhuak a, ward lam pan a an rawn nawr chu ka hmu a, ka zui ve nghal. Ward a an dah hnu chuan drip chu an khai a, nurse in a damdawi kan mamawh lei tur a min tih list inziahna lehkha chu min pe a, mamawh ka neih chuan a rang lam a hrilh mai tur in min ti in ward dang ah damlo check ngai dang ala neih vang chuan min kal san a, keipawh in min enkawl vanga ka lawm vang in lawm thu ka hrilh ve luam a.

Ka bula ka nupui mu dang làp chu ka en a, he khum a a mut chhan hi keimah vang tihna em ni?

A khat tawk in a rawn tawngvai reng a vawi khat phei chu a mit a tang in mittui a rawn luang thla ngiai a, eng harsat na tak nge a neih ang tia ngaihtuah in a bulah chuan ka thu ve ràn a.


PARK SO RA pov


Ka mang ram ka thil hmuh rapthlak tak vang chuan ka harh chhuak zawk a, ka thaw hlawp hlawp bawk, ka chal ah chuan thlanchhia in min chiah hneh hle a, kha thil kha tinge ka hmuh ziah le, car chak zet a ka lam a rawn tlan kha.

Boruak chu a tam thei ang ber chu ka hip lut a, ka mit meng chu a rawn fiah tual tual a ka thil hmuh chian hmasak ber  chu in chung var vek chu niin, ka hawikual a ka bul hnai a awm ka rinloh tak mai te chu doctor leh nurse thuam a in thuam te leh damlo kawr ha a damlo vei kual vel te chu an ni,, ka kut lak kàn tum a ka'n ti che vel tur chu min kam deuh ṭuntu a awm, ka khum bul a drip muangchang a far fap fap ka hmuh rual chuan hospital ah ka awm ani tih chu ka hre chiang zual a mahse he hmun a engvang a awm nge ka nih tih erawh ka hre hoh lo, chu aia ka hriat loh leh zual chu tu in nge he hmun ah hian min hruai tih hi a ni.

"Ilo harh ta ni maw? I pasal  in a rawn hruai luh che a a hlauhthawn zia  mai chu" ka bula nurse chuan nui sang in a arawn ti a. Mahse enge a sawi awmzia ka hre hoh lo. Ka dang a ro lutuk bawk a, tui ka mamah tak zet.

"tui" Chiang lo zet chuan ka ti chhuak thei hram a,nurse chu che vat in no ah chuan tui chu thli in min pe a, ka lo lem khalh khalh a, nurse chu hawi sawn in
"I nupui chu a rawn harh chiah e" tia nurse in a biakna lam chu muangchang chuan ka en ve a, ka mipa hmuh chu hmuh tawh na ka nei tih ka hria.

"Ilo harh tawh maw" a rawn tih chuan uluk tak in ka lo en a. Engkim hi ka bo hu tawh.

"Tu nge inih?"a zawhna chhang lem lo chuan ka lo ti nghal vat.

"I pasal" nuih deuh suk pah chuan a ti a, min ti bo hú mai, fiamthu na chi anilo tih pawh hi a hrelo amawn le, nge a mawl ve hrim hrim. Nui sang chuan min la en reng a mahse ni e,
tuna a nui hmel ang chiah pawh hi ka hmu tawh.

Nilo, ani thei lo, ani hi ka pasal, Chuan khang ka mumang emaw ka tih kha ka mumang nilo in a tak a ni, chuan Vawiin hi kan in neih ni kha ni lom ni?. Ka ngaihtuah na ṭang chuan harh chhuak in thil thlen dan vel chu a rawn lang leh zut zut a. Mumang anilo, ni e a tak ani. Mahse tinge mumang anih loh?

Ka kut a hriau chu la chhuak in ka khum atang chuan ka tho chhuak nghal vat a.

"Khawiah nge kal itum" tih pah a ka kut chelh tu chu a rum thei ang ber chuan ka melh a.

"Min thlah rawh, ka duh duh na hmun ah ka kal dawn" thinrim ṭun chung chuan ka ti a, he hmun a ka awm chhan hi he mihring hi ani tih ka hria. Kha tiang khan car kha châk deuh in khalh lo che, ka thil, kha hlim thla ka theihnghilh theih tawh ngai loh tur kha ka hre chhuak lo ang.

Ngeiawm deuh chuan a nui suk a, "a tha lom"
ka kut a vawnna pawh a thlah ve mai, a thlah rual rual chuan damdawi in hmun rimchhe zet aṭang chuan ka tlan chhuak nghal.

Damdawiin pawn a ka awm chuan ka hawi kual a,a reh hian a reh thup mai motor tlan tak ngial pawh hmuh tur ka hmu lo, damdawi in te chu hmun lun tak tur ani a tinge he hmun ve hi a reh thriap bik le, damdawi in tak tak anilo zawk tihna em ni?

"Eng vang a he hmun la chhuahsan lova heta la awm nge inih, nge ni a min lo la nghak zawk"

Hnung lam chu ka hawi nghal vat a, a kekawr ipte zen chunga ngeiawm zet a a nui hmel ka hmuh chuan ben thluk hrep mai ka duh. Mahse tûnah tak hi chuan duh pawh ni ila tha ka nei rih tlat lo.

Chhang lem lo chuan hmalam chu ka hawi leh vat a, kawngpui ah chuan kal in taxi lo phar din mai tur  hmuh tum chuan ka nghawng chu ka fan duar duar a mahse vang tak hi anni ringawt vawiin hian motor zawng zawng hi an chhe zo ta vek emaw tih mai tur a ni.

Hospital kawtah bawk chuan let leh in a kawt ah chuan ka thu ta ringawt a. Motor horn ri ka hriat rual chuan hlim em em in ka hawi chho nghal vat.

Ka hma ah chuan taxi nilo in car var nalh tak ding chuan a tukverh darthlalang chu a rawn down a ka hmel huat em em a chuan min lo nuih sâng mai.

"Lo lut rawh"

Ka hrelo lui der tlat, a motor khalh ah ka chuang duh tawh teuh lo, a bul a awm ringawt pawh ka duh lo.

Horn chu a ai nasa chuan a rawn pe leh " ilo chuang dawn nge dawn lo"

"Chuang dawn lo, thlawk bo rawh"

"A tha e, bye " muang chang chuan a khalh a, a hnu ah muang chang bawk chuan a rawn let leh " e leh lawk, he hmun ah hian taxi i hmu tawh rih lo ang aw,i sana kha en la" tih pah chuan chak tak chuan a tlan nghal a.
Ka sana chu ka'n en a dar 2 alo pel duai tawh, ka hawi kual a mi veivak hmuh tur lah an awm silo, a reh em em bawk si, a hmun a fianrial em em bawk a, dik tak chuan ka hlau deuh ṭan tawh.
Damdawiin chhung ah lah riah ngawt chi lah va ni suh.

Ka ke in a duh lam lam a pan na ah chuan ka kal ve tawp a, thawm enge maw ni awm deuh ah ka hawi nghal vat a, he hmun hi ka ṭih tak zet, a thim em em mai leh nghal. A hmun lah hi ka hre lo em em mai bawk si.

Ka hnung lam aṭangin motor horn ri ka hre leh ta, ka hnungah zel muangchang in a rawn kal ve zel a, min rukbo a tum ani ngei ang tihna rilru chu ka pu reng a, ka hlau tak zet. Ka rilru in ka tawngtai mawlh mawlh.

A ai ring zawk leh rei zawk horn a rawn pek leh tak ah chuan muangchang chuan ka hawi a, a hmel ka hmu chu ka thlamuang deuh huai thei.

"Lo lut rawh"

"Ka duh lo" ka ti leh ngat, ka in tiluhlul lui ve tlat, mahse dik tak chuan min tlan san leh tak tak ang tih ka hlau, heta mah ni chauh a kal leh ai chuan a motor khalh hrehawm deuh a chuan  pawh kha ka thlang fe tawh mahse ka sawi ve lak lawh tawh tlat.

"A tha e i chuan duh loh te chuan" tih pah cuan muangchang chuan min rawn tlan pel a.

"Ding teh"

"Maw"
A tih rual chuan muang chang in a rawn back riai riai a. hnehtu zawk in tihmel fe pu chung chuan a khi suk a.

"Engmaw" ka tawng hre lo ang hmak chuan atia, a hre lo der tih ka hai lo. Ka ngei na nasa lutuk chu alh thei chu ni ila ka arh hluah hluah tawh ang.

"Kal suh ka lo chuang dawn" kawngkhar chu ka hawng de de a, a hnung ah chuan ka chuang leh.

A khalh chhung zawng in ṭawng thawm a awmlo hrim hrim a, tawng lo mahse pawi tihna pakhat mah  ka neilo  a mah hi ka haw em em ringawt.A ṭawng hmasa zawk ah phei chuan ka tanglo chiang nasa ang.

Car a tih din rual chuan ka chhuk thla nghal vat a ka hma a building sang tak ding  chu  ka en chho út a,

"Lut rawh" a rawn ti thum nghut a, a bawp sei tak chuan step chu a pen puk puk a, a ni chu alut nghal daih.

Keipawh chu awm khawmuang tawhlo chuan ka lut ve nghal a.

Room a luh na ah chuan ka lut ve nghal a, ani chu couch ah thatchhe zet in alo thu thung.

"Khawi nge ka room ve tur"

"I room ve tur mawh!!??"
A rawn nui deuh suk a.

"Engvanga nui nge inih? Khawi nge ka room ve tur ka tih chu" tih pah chuan ka thil ken chu chhuat ah ka dah thla nghal thawt.

"He room hi kan pahnih room tur, kan honeymoon hman na tur a inu leh ka nu te lo thlan anih hi"

"Teuh lo, nang hi engtik ah mah.."

Sawi pawh ka sawi zawh hma chuan a thutna tanga rawn tho chhuak in ka lampan chuan muangchang chuan a lo kal a.

"Hahhhh,,nanghi e khawih chakna che pakhat mah ka nei hauhlo,lo lungngai suh"

A hmel lan dan leh atawng dan kha ka haw ngawih ngawih.

"A that hlauh chu, tun ah hian ka room tur ka book ve nghal dawn" tih pah chuan a mah chu nam sawn nghal in ka kal chhuak nghal.

Room kawngkhar chu a na thei ang ber chuan ka khar ri pawp a, a pawn a ka awm rual rual chuan boruak tam tak chu hip lut in ka thaw chhuak leh nghal.

Receptionist te bulah chuan kal in room awl ka duh thu ka sawi a room chu book vek anih tawh thu min lo hrilh chuan ka down nghal vek a, ti nge maw ka nu te pawh hian he hmun ber kher hi an lo book le.

Room ngaiah bawk chuan ka let leh a, room ah chuan amah kha ka hmu tawh miahlo, a chhuak aniang tiin ka chauh em vang chuan ka bula khum zau tha ve tawk tak ah chuan ka tlu thla nghal tawp a, bathroom kawngkhar rawn in hawng thawm ka hriat na lam chu ka en nghal a.

Ka hma a mipa inbualzo hlim tih hriat tak a taksa leh sam la huh hlap ka hmuh chuan ka mit laksawn na chang reng ka hre lo. A kawngchin hnuailam chu towel var chu veng in, a chunglam erawh chu engmah ha lo bawk in a ruak a vek bawk a, a taksa a six pack awm chuan mipa ani tih min hriat chian tîr a,, a sam la huh hlap mai atanga tui rawn far fap chuan a ti pa ka lo ti ve ringawt. Ngaihtuah loh tur pui pui ti nge ka ngaihtuah tak!, harh teh Park So ra.

Min hmu leh chu mak pawh ati velo aniang tih mai tur in ani chuan a thawmhnaw chu a ha mawlh mawlh a.

"Engvanga lo let leh nge inih?" ka awm ve tih ngaihsak lo zet chuan a rawn ti a, chumi chuan min tiharh chhuak zawk bawk,a thu sawi chu hrelo awm ang a lan tum in chhan pawh chhang lem lo chuan ka bathrobe suitcase chhunga mi chu la chhuak in bathroom ah chuan ka lut ve nghal a,,, shower chu on in nichin a ka thil hmuh theihnghilh tum chuan ka mit chu ka chhing vang vang a,, zep lo ah chuan he pa hi hmeltha ka ti tak zet, ani vang hian ka Kookie pawh eng ang hmel chiah nge a put ve ang tih ka hmu chak zual.

Bathroom atanga ka chhuah meuh chuan kan hmela chu khum ah a lo mu zuar tawh nia,,
A mipa zawk khum a lo mut than te chu a polite loh thlak mang e.

A bula mut ka duh miau loh chuan sofa ah ka mut mai a ngai si.

Blanket chu la in ka mutna tur chu ka siam mawlh mawlh a.

A khat tawk in ka harh sek leh nghal, sofa lah kei atan pawh a tawi ania, ani chu ka en leh thin,  a hriat phak leh phak loh pawh ngaihtuah lem lo chuan keimah chauh chuan ka phun mawlh mawlh a.

Engtik lai in nge ka lo muthilh hman pawh ka hre lo ka hmai vel nizung in a rawn chhun na ni awm tak avang chuan men pawh meng chiang manglo chuan ka in zimar a, hmanhmawh lo tak chuan ka mit chu ka meng duar duar a, ka khawhmuh an fiah tak ah chuan khua chu alo eng ta pup mai.
Ka sana chu ka en nghal vat a dar 9 alo pel duai tawh leh nghal.
Keihi he hmun hi ka room emaw ka lo ti leh hman tawh ni maw...

Kawngka in hawng ri thawm ka hria a, chu mi lam chu ka en nghal a, jungkook chu haw in peih sa àt hian alo awm tawh bik chu niin.

"ilo tho ve ta ni maw, hmeichhe mut duh lutuk mai" en pawh min en lem lo chuan ati a, ka hmui ka lo ner khum nur ringawt.

"Ilo buai ve na tur a awm lo, duh chen chen ka mu ang" tih pah chuan ka mutna vel chu ka siam tha mawlh mawlh a.

"In tifai la, breakfast ei la kan haw hun tawh nia"

"Ohhh!! i ei tawh bik ami"

"I sana kha en ta che, mi pangai tan ei loh a hun tawh mi" ram hmak chuan a rawn ti a.
Zaidam tak a ka biak a vang khan ka in chhir ngawih ngawih.

"Nih chu ahhh"a hriat tham loh chuan ka ti nuap nuap a, bathroom lam pan ka rual nghal

Cont....