"Nute eng engtin nge kan tih ang ? U Liansanga chu ani theilo ang " ka ti bah nak a , engtin nge in atang khan kan chhuah pawh ka hre tawhlo . Ka rilru in U Liansanga anihloh nan ka tawngtai mawlh mawlh a , ka mittui dan rual lo in a rawn tla reng bawk .
"Daphne hahdam la , Liansanga pawh alo nilo thei a " hmalam atang ka pa Sanga'n a rawn ti a , a sawi ang chu nise ka ti takzet .Mahse tinge ka phone call a chhân miah siloh le ? Message tal pawh min hnutchhiah tur ani .Tunah phei chuan a ph a in switch off daih tawh bawk .
Accident thlenna hmun ni ngei tur chu kan thleng a , mipui anlo zi huai huai .Motor atang chuan ka chhuak deuh vut a , kawngthlanglam a tlânliam anih vang chuan torchlight nei ten an chhun hlawm a , motor nei ten an light an ti êng vung bawk .
"Daphne "
"Ka duh theilo ! U Joseph tinge hetah i awm ve ? Accident khu U Liansanga anilo tih min hrilh hrâm teh " ka ti nghal mawlh mawlh .Helai hmunah U Josepha a awm ve anih chuan Lalpa ka ngaihtuahna hi thlendik tir lul suh .
"Daphne "
"Aih ...aih anilo ang , dawt ani tiraw khawi ah emaw U Liansanga chu a awm em em ang .Abuai vanga min rawn la belo mai mai aniang " kala ti fan .
"Daphne min ngaithla teh " a ti hlut a , ka tapchhuak hawk chu min kuahin ka hnungzângah alo chûl nghal heuh heuh "hahdam i mamawh , i naupai lai kha ngaihtuah la . Hetah hian lo kal phawt teh " ti in mipui din khawm thup lohna lam deuhah chuan min kalhran pui a
"Daphne ka thusawi hi ngun deuhin lo ngaithla rawh motor khu Liansanga motor ngei ani " a tih chuan ka thaw chhuak em pawh ka hrelo ,ka mitsulh a engmah ka hrezawm tawhlo .
Tawng ri nak nak thawm ah ka harh a , mahse ka meng chhuak lawk theilo . Ka mittui tlâk nasat em vang ani mahna ka mit chu men a harsa in a inchâr deuh tlat .
"Ka va lainat em aw " ti a inhrût hraih thawm ka hriat te chuan ka mangram mangchhia lutuk tak mai kha atak ngei anih zia a rawn tifiah a , mit pawh meng lo chuan ka inhrut ri hraih .
"Awi mate i harh tiraw ? " Ka meng chhuak riai riai , ka nutei leh Pa sânga chauh nilo Nu Muani pawh alo awm ve ! Chuan alo inhrut ri ve hraih hraih bawk a !
"Mate min ti hlauthawng alawm , hahdam tum hram hram rawh aw " ka nutei chuan ti mahse ka tahchhuak lutuk ka insum nasat lutuk na lamah ka hrawk ana tung tawh .
"Joseph enge chanchin ?" U Josepha lo luh rual chuan Nu Muani'n a lo ti vut .
"Kanla hmulo " a ti zawi sup a "Daphne ilo harh tawh maw ! I HB a hniam viau mai , rai lai inih theihnghilh lo la " a rawn ti zui a "enge awmzia hi ? Tu maw in hmuhloh ?" Ka lo ti zawi sep .
"Mate Liansanga kan hmulo a "ka nutei chuan a rawn ti zuai raih !
"Tu emaw tal in sawi fiah teh u " ka ti hap a , thil awmzia hi engmah ka hrethiam lo takzet .
"Motor accident kha Liansanga motor ngei ani a, mahse amah kan hmu tello thung . Kawngpui ah thisen thahnem tak hmuh ani a , Motor atang avâkchhuak ni ah police ho chuan an ngai .Mahse amah ber hmuh tur a awm bawk silo .A motor kâng nasa viau mahse a taksa tlem tal pawh hmuh tur a awm miahlo a " U Josepha chuan arawn ti a
"Ala dam...ala dam tihna anih chu , min kalsan lo tawp ang . Khawngaihin Nute zawng ang a bul vel ah pawh a awm maithei asin ..mawh nute " ka tapchhuak hawk .Rei tak kalo insum ve tang tangna te chu ka dang zo tawhlo , ala dam tih keimah ah hian ka chiang tlat . Mahse hliam nei chungin khawnge tûnah a awm ang . Ka hminglam in min zawng ve angem ? U Liansang khawnge i awm le ?
Liansangpuia pov.
"Boss thisen ahlauhhnem lutuk , a dam rei lo ang "
"Thi mahse apawi hleinem ,sum kan hmuh tur a kiam phah dawnlo "
"Mahse boss nungdamin a hmuh duh thu a sawi kha "
Tawng nak nak thawm ka hria a , tunah hian ka meng anih chuan ka hliam neihsa pawisa lo in min khawihbelh hreh dawnlo tih ka chiang viau .
An tawngthawm a reh a , kawngkhar inkhar ri dawp ka hriat rualin ka meng zui zat . Ka bek atang thisen ala rawn hnam chhuak tiam tiam a, ka ke veilam ah chiang takin hliam ka nei tih ka hre bawk .
Ka awmna hmun chu ka enkual a , bang awng atanga ni zûng rawn luh danah ka chetsual atang darkar engemaw zah aliam tawh tih ka hre nghal mai . Ka hliam hi enkawl vat anih loh chuan nikhawhrelo a ka awm loh vek pawn ka hnuk a chat har lo ang tih chiang takin ka hria .
Ka tlânchhuah an hlau miahlo tih ka taksa an phuar loh danah a hriat a , chesawn thei hmel ka pu miau lo ang . Thisen in min bual khat vek deuhthaw a , ka marphu an hmuh vanga ka thi lo tih hria chauh an ni ngei bawk ang .
Tunge hetianga ka thih duh tu tih ka hriatchhuah hunah chuan a châklo viau ang .
Ka awmna hmun chu a zîm angreng viau , bungraw dahkhawmna hmun a ang viau bawk .Duhtawk a chethei ni ilang tlanchhuah a harsa lo ang mawle , mahse tûna ka dinhmun nen chuan tlanchhuah tum buailoh law law atha zawk .
Ka thih hun nghakin helai ah hian ka awm dawn ka tihna ani hauhlo , Bawihi...bawihi leh ka fa lo piang tur in min nghak tih hrereng in ruahmanna fel tak ka siam angai .
Ka awmna lai hmun tal hriat tum chuan chetsawn ka tum a , perek kilhna hnu kua atanga êng rawn lut bak chu chetsawn mai harsa khawpin a thim tlat thung .
Chetsawn tuma ka beih lai chuan kawngkhar rawn inhawng thawm ka hria a , ka awmdan ngaiin ka awm leh nghal vut . Ka harh tih an hriat ka duh miauloh vang chuan ka thawkdan pawh a langlo thei bet turin ka ti danglam a , en tawp phei chuan mithi tawh nen kan danglam na a awm lo tawp ang .
"Boss enkawl anih loh chuan a damrei lo ang " ti thawm ka hria a ,nichin ami te bawk kha an ni tih an tawng atang chuan a hriat .
"Thi mahse apawi hauhlo " tih thawm ka hriat rual chuan theih nise thawh lawka a hnukchah thlenga sawisak ania ka châk ni . Ka motor brake fail chhan te , theihpatawpa ka insaseng chunga helai hmun min hruaithlen chhan bul pui ber chu a aw atang ringawt pawhin ka hailo nasa viau .
"Inhlawh akiam phah lo ang "ti leh nghut tu chuan ka harh reng tih ahrelo ani khawp ang .A sualrawngbawl dan kimchang ka hre tawh a , finfiahna tha tak tello chuan a chhuak leh thuai dawn tih hria in finfiahna awm hun ka nghak mai ani .Mahse ka nghah chhungin tiang hian a che ang tih rim ngaihna reng ka hrelo thung .
"Liansangpui , ka kawng lo dâl ve sek lo la tha tur " ka khabe a rawn hmer ngawt ngawt in a ti charh a , "vanram i kai palh anih chuan ka rawn kal ve hunah minlo hmuak ang chu maw , i nupui...no..inupui ala nilo tak e ! Lungngai suh ka pawi a sawi ve hran lo , ka tina lo ang .Kalo duat sak viau zawk ang che "
'insum rawh , ala hunlo ' tiin ka infuih mawlh mawlh , bawihi samzai khat pawh akhawih anih chuan thih châk ngawih ngawih in ka siam ngei ang le .
"Shit! A thisen ka kai alawm le hrep a ! A marphu ala awm em han dek teh u " a ti zui hluk a , ka nghawnga rawn khawih vang vang tu awmin "boss a thi tawh " ti thawm chuan min thawng ngei mai !
Ka marphu hi ka thunun theih piahlam ani , engvanga ka thi anga sawi nge anih ?
"Anih chuan accident na hmun hla vaklo ramhnuai ah paih rawh u , insaseng tum ana tuarlo a boral angin lan tir ang che u "an penchhuak thawm ka hre zui a
men ka tum rual chuan "anla chhuak kimlo " tiin ka beng bulah mipakhat a rawn phun sep . Ka lam tang nge anih hrechianglo mah ila ka rin phawt angai .
Ka taksa zawi ngiai chu zawntu an awm a motor hnungah dimlo zetin min hlânglut nawlh .
"Nuna keimahin ka va kal zawk ang , khawên laia kan paih chuan mita min hmutu an awm thei.Mahni a ka kal chuan tlânchhiat thut ngai pawh nise a awlsam zawk ang" min puitu chuan a ti chhar chhar a ,pakhat chuan a awih ve mai nge motor inkhar ri zui dawp ka hre zawm .
"I meng thei tawh ang "
"Tunge inih ?" Tih chu ka kâ atang achhuak hmasa ber .
"Min hrelo maithei ka hrechiang viau thung che ,tunge ka nih hrelo mah la min ring thei ang " a tih chuan " ka ring lo che " ka ti hluk .
"Officer Liansangpuia an sawi dan chiah ini ,atha e envelope sen hmangin chanchin ka rawn hrikh thin che " a tih chuan drugs tawlhruk chungchang a min pui thin tu ngei kha ani em ka la chiang ngamlo .
"Ka hming chu Zomuansanga ani ,kum li liamta khan chuan police officer niin ka hna thawhthat vang leh ka rinawm vangin chawimawina hial ka dawng bawk . Ka thawktha ta mah mah nge kan chunglam te mit ka ti kham viau ani mahna ka hna atanga bân ka ni a , ruihhlo ka nunna thâp hiala ka man veka awh tir ka ni a , ka drugs man chu diklo taka sum lakluh nan ka hmang anga lan tir in ka hming a chhe viau bawk . " Kum li liamta khan Police chawimawina dawng hial tawh chu a drugs man te khawih chingpen ah puh niin ahna atanga ban tir anih piah lamah jail ah kum khat chhung tan tir ani bawk .Mizoram pum deuhthaw a dengchhuak a , keini police te phei chuan kan hre bel hler hlur tawh .
"That tur che a min ruaitu kha a bul tum tu ber anilo , a uipa khawi chauh ani . A bultumtu ber chu.."
"Ex minister " ka lo ti bul nghut . Ka chhui chhuak tawh .
"I fing e , khang hunlai a diklo taka min puh tu pawh kha ani. Pawn lam atang chuan ka tan thiltih aharsa a , dan lekkawh thei mi rintlak leh dik .Huaisen tak ka mamawh a , ka mi zawn ngei inih ringin vawi tam ka pui che . Ka beiseina iti thlawn lo viau , kei ang bawkin i huaisen vang erawh chuan aman tel tir ve che an tum anih hi "
"Ka motor brake fail chhan kha enge , khawiah mah ka kawi silo " ka ti sup a , Bawihi te in atang khan penkawi emaw din khawmuan vawikhat pawh ka neilo hrim hrim tih ka chiang .
"I nupui hual te in thlengin zuitu inei alawm , an rawn koh thut che pawh kha kan ruahmanna vek anih kha , i naute zingah hian kan misuala nau a awm a , ani puihna in nang that tumna chs pawh akaltluang viau . I motor pawh i nupui tur te in ah ngei tihchhiat ani .Tunah hian finfiahna tha tak kanla hmulo a , tin i duh ang thala che thei ila nilo bawk .Ka tawmbuk ah ka hruai phawt ang che , ka nau in a enkawl thei bawk ang che "
"Ka ruang hmuh anihloh chuan an ringhlel ngei ang che " mi â an ni bik tlatlo , kumtam man loh a anlo tal thei anih chuan ma ruang hmuhloh vangin hepa pawh hi an dahtha duh ngei ang .
"Engkim ka ruahman fel tawh , ruang tu tih hriatloh hospital ami ka la chhuak a , nangmah angin kan lan tir thei ang .Kan misual a uipa manna tur khawp chu evidence angai hran tawhlo nang i awm a , a bul tum tu pa ber manna tu khawp kan la mamawh vangin kan chet vut vut a finthlak loh ang . "
Daphn pov.
"Mate "
"An hmu tawh em ?" Abu ta nghut nghut . "Damdawiin ah a awm ami ? A tha tiraw " beiseina awka zet chuan ka ti a , U Liansanga hian min kalsan dawnlo tih ka hria alawm .
"Mate " ti hapin ka bulah a rawn thu thla dat .
"Nute he hospital ah hian a awm em ? Ka hmu duh " ka tih chuan " a thi tawh "a ti chuai raih !
Awihawmloh ! Chutiangin a thi ngawt theilo .
"Dawt i sawi " ka ti hak a , zalo zet in ka nui hak bawk .
"Nute dawt i sawi tiraw ? Khawi ka hmu duh kal ang "
"Daphne a ruang chhar ani tawh " a tih chuan ka zawi hnawk ani ber ! Ka mita ka hmuh ngei loh chuan ka awih chuanglo .
"A accident na tanga hla vaklo ah a ruang hmuh ani , insaseng tumin a lo bei ve tang tang ani ngei ang .A taksa ah hliam a awm nual a , ramsa hnuhma a awm nual bawk , a hmel tak pawh ahriat hran theihloh"...
"Aih chutiangin a thi ngawt theilo , min kalsan dawnloh thu a sawi alawm .Nute in hresual aniang " ka la ti fan a , U Liansanga chu ani thei lullo ang .
"Anu leh pa ngeiin an chian tawh mate vui turin vawin hian Lunglei lam panpui ani dawn " a ti chuai raih , amittui afar fap fap reng a , kei a hul hlauh thung .
Lunglei lamah kan zui phei ve a , a ruang achhiat tawh em vangin leh rim aneih tawh vangin uluk taka tuamin kuang an chilh nghal vek bawk .A hmel tak ngial pawh hmuh min phalsak lo ! Ataksa mai nilo akut pawh ka chelhloh lai hian he ruang hi U Liansanga anih ka ring ang maw? Anu leh pate ngei pawn sawi mahse ka awih ve dawn hauhlo .
"Daphne " U Liansanga û chu ka bulah a rawn thu a , tlai lam ani tawh vuina hun hman zawh ani tawh bawk .Ka mittui farkhat pawh afar lo a , keimah ah hian U Liansanga ala dam ngei tih rinna ka nei tlat .
"Zanriah va ei ve ta che " a tih chuan ka lu ka thing ringawt .Ei châkna ka nei hlawllo ani ber .
"Amak tehthut khawp mai , keipawh min thawng takzet .Unau dang te anga innêl tak nilo mah ila ka nau anihna abo chuanglo a , min ti hrikhhai khawp mai ka naua hian " a ti charh charh a ,ka ngaithla liam vel mai mai ani ber . Ka rilru tawt lutuk hi inbunruahna ka mamawh takzet .Tupawh mai hian a thitawh angah ngaiin an thlahliam mek a , ka rilru ang pu hi tumah an awm thlawtlo em ni ?
Thalai an rawn kal khawm tan a , mitthi chhungte khawhar hnem tur in an zai a , mahse ka lung an ti zîng zawk daih .Ka beiseina la neih hi min lak kiansak mai hlau in inchung zawl ah ka chho ta daih a,a reh in ka ipik lutuk pawh a zia awm sawt .
"Daphne " ka hma ah U Josepha leh Zozoi û kha anlo ding a "helai ah enge itih?" An ti sup .
"Nang hi inchung atanga zuanthlak te hi ilo tum reu reu ange "U Josepha chuan dân ngaite in fiamthu athawh leh a , mahse tuntum chu amah ngei pawn anui lo .
"Tinge ka zuanthlak ang? U Liansanga lo let leh huna kalo awmloh chuan a lungngai dawm asin " ka ti var a
"Harhchhuak..." U Lawmkima'n a ti zuai chu U josepha'n alo khap zeuh .
"Tinge a thi anga in ngaih tlat a ? Ala thilo ala dam , tinge chu chu in rin ve loh ? Ahmel pangai pawh in hmu lo a , a taksa in hmu heklo .A thawhnaw hak leh landan atang ringawt engtin nge ruang kha U Liansanga anih in rin theih zawk ? A thianten amah ah beiseina innei lo lutuk tih hi hre ve se a rilru ana ve ngawt ang " ti hlarin ka kalsan daih a , inhnuai ah chhukin inchhung ka luh chuan minlo en thap .
Ngaipawimawh duhlo in inchung ah ka chho tlang leh a , U Liansanga room ah lutin ka tapchhuak nghal hawk .
"Ka nghak ang che ..ka hnuk chah thleng pawn ka kianga ilo let leh hun ka nghak ang che .Khawngaihin min ti beidawng suh aw " ti tiau in ka in sut hlawp hlawp a , ka nuna mipa awmchhun ani a , adanglam dawnlo .Kum Sawmnga pawh nghah ngai dawn mahse ka nghak em em ang .
After 5 months .
"Bawihte Papa hi alo lang har tawh iti ve em ?" Ka dul puar ve ak tawh chûl chuan ka ti sep a , nitin apa chanchin te , kan intawndan chanchin hrilhin apa angai ve em tih te ka zawt thin .
Ni aliam a thla a ral a, U Liansanga thawm hriattur them pawh ala awm lo .Ka beiseina kala ti bo duh chuanglo .Khawi hmunah emaw himdam pialin a awm ngei ka ring tlat . Ka ngaia , ami duatna te ka thlahlel a , mahse ani chu a reh tlawk tlawk si .Ka chhungte leh ama chhungte ngei pawn hmalam an pan mek a , kei erawh ka dinna ngaiah kala ding reng .
Nu Muani ten naupai tana chaw tha min rawn thawn awl lo a ,an theihtawp chuan min rawn buaipui ve .U Liansanga pa pawh ke akal thei nitawh lo mahse afapa thisen zawm ngei ka pum chhungah athanglian mek a , min rawn tlawh ve hial bawk .An bula khawsa turin min duh viau mahse ka tan athat ber an ringlo a , kei pawh ka ngaihdan ani .
Mak takin U Lawmnakima'n min rawn tlawh zeuh zeuh a ka beisei loh ber te zinga mi anih vangin a rawn lan hmasak ber tum phei chuan lo dawngsawn nachang pawh ka hrelo hial . A nau vangin a inhmuchhuak ah ka ngai tawp tawh .
"Mate lo chhuak teh hei " Tia ka pi a rawn au lâng lâng chuan ka tho a , ka kawrfual hak siamtha zuai zuai in room atang ka chhuak .
"Ehe u Joseph " ka ti deuh hlut .
"Surprise kan fapa tân hei a toys tur kan rawn keng anih hi " a ti hluai a , chhuatah chuan walkers leh toys alo awm nual ! Thla ruk chauh ala nia ala hma viau ka ti keichuan .
A tawngduh zarah ka naupai lai chu mipa ani tih kan hre sa hlauh a , Ultrasound ka tih na ah min buaipui nasa a , a thlalak en vang vangin mipa nge hmeichhia anih ka zawta mahse min hrikh duh nghal mai lo .
Ka nutei'n ' naupuan lei lawk atha ' tiin bazar min kalpui a , U Lawmkima leh U Josepha hian min rawn kalpui bawk .Puan senno lam kan en laiin "apa lo emai " alo ti dut dut zel a , chuta tang chuan mipa ani tih kan hrethiam nghal .Inzep reng theih ni ta heklo , mipa anih thu a sawi ve ta nge nge a , in lei lawk dan tur pawh kan thiam phah viau in ka ring .
"I chêr tlat " ka bula a rawn thutthlak rual chuan a ti deuh sap .
"Nia mahse ka thil ei a tui lutuk , zân lam ka mutthaloh vang mai mai aniang " ka ti ve mai . Ka mang lamah U Liansanga ka hmu leh thin a , harhchhuah tawhloh hial chäk chang ka ngah thin .Mumang mai mai chu harhchhuah hun a awmlo theilo a , ka harhchhuah chang hian chhuak em em in ka tap leh thin .
"Vitamins ka chawh ang che ,in khua ah hian lei tur a awm em ang chu maw " a tih chuan kalo ner nang " a changtlun zia i hrechiang viau in ka hria . Aleina tur hmun te kha min chawh tel leh ngei anga " alai nasa mai !
Kawn venga pharmacist pakhat nen khuan an inhaw vaklo tih ka hre ve .Thingtlang ah chuan thu athang hma a, Doctor lar takin kan khaw nula a buaipui nasat thu an sawi chamchi . Kan khua a rawn lan sek chhan pawh hi keimah vang chauh anilo tih ka chhungte thleng hian an hre tawh .
"Nghali " ti hlukin a tho a , phûr zetin ka nutei chhangkan chu tlângnel zetin ava la leh tawp tawh . U Josepha alo kal châng hi chuan ader ni miahlo in ka nui ve nasa thin .
Choka ah chuan ka nutei ava tinui leh bawk bawk tawh , ka pi ava phei ve zui zat chu lu thing nak nak in kalo nui ve hak hak .Ka chhungte pawh hian an ngaina viau .
"Daphne rawn kal ve teh , i nutei chhang kan saw amahin a ding thei " rawn ti in a hmui mawm zet chu rawmawl phawrhin a hru zui zat a ,kei kalo mengphawk vak thung .
"Rawmawl kha ! Kha rawmawl kha U Liansanga accident zana akut ka tuamsak na anih kha ! Engtin nge ineih theih ?" Ka hrechiang lutuk , akut a dimloh em vangin bandage in tuam mahse ka rawmawl a tlâng keima thleh ngei hmangin ka tuamsak.Engtin nge U Josepha kutah alo awm daih theih !
# Le le le ....U Liansanga thih in hlau hlawm bawk a
misual hi han inrinsiak teh u lem