KA HRINGNUN CHAPTER 1-5 by Tetei Velez Khiangte

[tetei velez khiangte]

KA HRINGNUN
CHAPTER 1
Khang hunlai kha vawitam ka ngaihtuah chhuak thin. Tu hriatpui si loh hian ka lung hian len veng veng chang anei fo mai.Ka hnathawh pui ten an naupan lai chanchin an sawi thawmte hian thawnthu ngaihnawm tak tak kan neih ve te kha min ngaihzual tir thin.

R. Vanrammawian thiam leh lungkuai em em mai a a phuah,
"Lenrual duhte nen hlim te in,
Zaitin kan vawr lai kha.
Ka ngai thin e thiante kha,
Kan lenna a dang zo ta si
Min han hriatchhuah changin,
Kan nun dan thin an dawn kir ve anga,
An lung a leng ve ngei ang."tih hian a tute tun hringnun hi a hrilh fiah ni mai hian ka hria.



Tunah zawng tuanna tlang leh mualte an dang zo ta sia, hlawhtlinna chang tam tak awm mahse beidawng a tlu,tho chhuak leh thei tawh lo an awm nual bawk thin.


Ka theihna zawng zawng nen nasa takin zir ve thin mah Ila ,ka fail a,ka fail nawn leh thin, a chang chuan rilru chak tak tak ho hi ka awt thin .



Chutih rualin khang hunah khan ani kha a tel ve reng thin tunah erawh chuan ,hmuh chu sawi loh biak pawh kan in be tawh ngai lo.



"Thlamuan I hman em ? Kan kal vat loh chuan kan kal na tur hi hla nia" lo ti ah chuan nunhlui theihnghlihin ka pindan atang ka chhuak zui nghal a. "Khawiah maw kan kal dawn a ?" Ka tih chuan mawl hmel min ti zetin ka thiannu chuan min melh vak mai."Zingah documents ka lo thawn che kha a location pawh a awm" a tih chuan lei ka chhuah zauh .



"Jona-a lam kawi kan la ngai dawn nia,a car a kal a rawt a ,mahse kan ta ken kan tum sia ka phallo nih kha,a khawngaih thlak reuh sin aw" a ti zui a a nui hak hak mai. Jona te in lam kan pan lai chuan keiin a tul ang ang ka lo en ve thung. "Jonathan" ring leng lawnga tih pahin a car horn a hmet ri vak chu ka lo khap .



"I koh tho chuan horn hmeh vak ngai lo,hrim hrim in call mai ta che" ka tih chuan a in dap ruk ruk mai ,a call alo pick aniang " I hman tawh em kan nghak che lo chhuk rawh" call a dah zui leh hmak ,a duh chin a sawi tawh hi chuan mi a ngai chang ngai lo re re .




"Lunglei chu engtik velah nge kan thlen theih I rin re re"Jona lo chhuah hma chuan kan lo titi dun a. A hla bawk nen khaw kar velah zan kan riah ngei chu a rinawm khawp mai."Thlamuanpui ka ning hle mai Laldampuii hi ,duh chinah phone a dah hmak bawk si" a rawn ti ve hluk hluk mai kan Mipa hruai tur ber pawn.




"Khawi lo chhuk teh ,ka lo khalh ang a hnungah va thu rawh" an inti leh tawh ,pakhatin nawr chhuah a tum a,pakhat a in vuan tang thung."Inkhalh chhawk mai rawh u" ka tih lah chuan Dpi chuan min lo melh rum vak mai a,hmun dang ka hawisan ta ringawt.




A tawpah chuan a ning ta ngang a niang Jona chuan chawi Kang lawpin hnunglam kawngka a hawng a,a nghat lut chawrh mai,pakhati chu alo teu hlar mai bawk si ."Mipa zawk awm renga hmeichhia in khalh phet tum angai lo,thiam lo ni Ila chuan thuhran"an inti khur khur mai.


"Hmanhmawh ru,kan tlai palh ang Chalo chalo" ka tih chuan Jona pawh alo lut a ,motor ti nungin kan tlanchhuak zui nghal."Tlaina tur thlen hun fix a awm ami" kan hnung ami in a rawn tih chuan " Awm lo e" ka ti chu a ner nasa ngang mai.





"Serchhipah riak mai ang u" Dpin a tih chuan ka pawm leh viau tawh . Motor chuan chu chauh a na bawk si a hrehawm. Tet lai atanga motor ruih thin phei chuan hrehawm tak a ni.


Kan khua kan tlan pel chiah chu lung a leng rum rum mai,kumkhatah vawi hnih te ka haw hman tawk chauh thin bawk si a. "Thlamuani chu a muhil daih nih hi" an tih thawmah chuan ka harh a,kan lo tlan thui leh tawh viau .



Serchhip kan thlen meuh chuan khua pawh a thim fel der tawh . Kan thiante inah thlen kan tum rilru bawk.


"Ka rin aiin In lo thleng leh hma sia,in lo call Khan Tlungvel inti chauh sia" Feli chuan an in kan luh rualin alo ti zui bawrh bawrh mai."Khaw kar kawng a tha tawh a,zin vei vah pawh a awlsam tawh lawm " Jonaan alo ti ve thuai.




"In inbual duh takin ka tia tui ka lo luma,mahse mutna hi mikhual pindanah innghat phawt Ula kan sawi rem mai dawn nia" a ti leh zung zung.Zanriah kan eikham fel chuan kan inti fai a ,hah te pawh a dam sawng sawng thei alawm maw le.



"Chuan engmaw intih ber dawn a" Nu Remin alo tih chuan "Hei mimal building sak tur vel kan en dawn a,a design vel ti tur hian min lo bia a" Dpin alo ti vewh zung zung. "Eng building nge ni leh ta a ?" "Hotel tur niin ka hria, mimal ta tur a ni nghe nghe lehnghal in ka hria an hausa tak tak ani"



"Kan tunlai khawvel zawng a nei an hausa thur thur a ,a rethei an rethei tawlh tawlh mai a nih hi,an awh awm ngawt mai" Pa Mawia pawn alo ti ve charh charh mai.

"E Pa Mawi ,awh awm hran lo e ,mi hausa chhungkaw hlim lo chu sawi loh mal riau te hi an awm ania, Pathian tello nun chu a hahthlak asin hausa si Pathian hre lo nih ai chuan rethei te Pathian hria te nun hi a nuam zawk ania" ka tih ve chuan a bu nghat nghat mai.


An ti ti malh malh lai chuan Feli chuan min pawt hrangin a pindanah min hruai lut a, "Alo be tawh che em vawikhat tal" a tih chuan lu ka lo thing ."Avan buaithlak tak! A theihnghlih tawh che a nih hi ,in inthen hlim atang theihnghlih rawh ka ti ka ti che lawm ,I hriat reng hian tangkaina a nei lo" sawi ring tha ngam si lo a a tih chuan ka lo melh ngawt ngawt.




"Mahse min lo nghak ta se" ka tih chuan â min tih hmel zet chuan min en tlawk tlawk mai."Mipa dang I ngaihven chhin tawh hrim hrim em?" A tih chuan hnuai lam bih ngul chungin " ngaihven lo" ka tih chuan a thaw hak mai.



Kan inhmuh tawh hia chuan ani chanchin kha kan sawi ngei ngei thin,ka school kal lai aka bialpa leh ka first love ni bawk kha.



Chhuah hma kan duh avangin mut hma kan rawt a ,mutna kan in daih loh avangin Jothana erawh chu sofa ah a mu thung dawn a nih hmel e.A mut dan kan hmuh meuh chuan "I van khawngaihthlak zer zuar ve aw" Dampuii pawn a ti vang vang mai.



Pindan kan luh hnu chuan min rawn hnaih sawt sawtin "I school kal lai chanchin min lo hrilh teh" a rawn ti deuh thut "Chanchin ka nei lo " ka tih chuan a awih lo ngang mai.



"Bialpa pawh maw" a tih chuan ka lo nuih tawp " I nei Chiang lutuk sawi rawh ka lo ngaithla teh ang,mutna ka sawn hian mut a har thin a" a ti a min tur tet tet reng


"Aw aw aw ka sawi dawn " ka tih chuan a tum ah a hlawhtling tih hriat lutukin a nui var var mai.


"Class 12 kha ka kumkhatnaah ka fail a " ka tih rual rual chuan thu chhuak meuh hian " I fail maw" a rawn ti hluai a awih lo tih erawh a hmelah a hriat theih.""A ni tak tak" ka tih chuan mu thla leh in sawi chhun zawm Turin min ti leh.Ti hian ka hrilh tan ta a ."Class 12 ka nih lai khan ka bei nawn a , khatah chiah Khan ka fail tih ka hriat khan ka hnual lutuk,mahse thih em ka ngaihtuah thleng lo thung" .


Mihringin a nuna zirlai thar zir a ngai thin ang hian ka tan chu chu zirlai thar pakhat zing ami a ni.'Engkim tan hunruat a awm' an tih thin ang Khan ka tana hun ruat a awm ka ring a ka nghak a,ka bei bawk.



Khami kumah chiah khan keipawhin duhzawng ka nei ve a, Kum hmasa lam erawhin duh leh ngai nat kha ka nei hran lo thunga ,chumai pawh ni lo in ka ngaihven hran lo. Ka duhpa nen chuan section hrangah kan awm a,amah hmu turin break lai apiangin ka chhuak thin"ka tia,ka chawl dat Dampuii lam ka en chuan alo mu hil suk suk tawh .





" Ka muhil thei lo ati ve sia" ti sap in ka inlet zui thawk a,ngaihtuahna a thui leh veng veng tawh khawp mai. Higher ka kal lai khan ka sum dawng thei bawk si kha ka thianten Vestige thlenga ka tawrh ve kha an ring vek kha nia,chutah class sum tuakna tur vûr kha kan sport ni apiangin ka zuar ve ziah bawk thin.




A vur a awm tawh loh pawh Khan hralhna zawngin pathum Cheng 10 ten ka hralh leh thin kha ania angaihawm vawng vawng reuh khawp mai.


Zing dar 6 ah Serchhip atang kan chhuak leh a Haulawngah Chhun chaw eiin kan dinga zingah engmah ei lo ta chu ril a tam duh khawp mai. Kan tlan chak bawk nen kan thlen har a rinawm hmel viau loh.



"Nizan khan ka mutthilh san daih che a " inthlahrun hmel deuh a tih chuan ka nuih pui ringawt . "I muhil hma em mai a" ka tih chuan a a nui var var mai,a nui hmel hi hmuh a nuam thin a nia ."Sawi chhunzawm leh tho la" a tih chuan "Ka duh tawh lo e a,I muhil leh palh ang" ka tia a nui hak hak mai.



"Ka va hre ve chak ve " Jonathan pawh chuan alo ti ve bawk "Chutiang hmeichhe thuruk lawm" ka tih chuan pakhat zawk lah chuan " A school kal thin lai ka lo zawt a" a rawn ti leh hman thawt thawt tawh. " Kalkawngah sawi leh rawh se chuti chu" tiin ti fuh inti lutukin min lo melh .



"Kal leh tawh ang u" ka tih chuan phur deuhin motorah an chuang lut duh tharh mai. " Sawi tawh rawh lem" motor an start hma hma in an han ti dun nghalah



"I sawi dawn nge dawn lo" an tih pawh Chuan pawn lam ka hawi San daih. " I phakar emai a,I phone pawh hi khawih kan phal tawh lo ang" an tih rual rual chuan ka in dap a,ka phone ka lo kawl reng reng hleinem le.



"In ninawm teh sek e " ka tih pawh Chuan engah mah min ngai duh bawk si lo chu ka sawi leh ta nge nge . " Vur ka zuar thin a ,class ta tur ania,min dawr ve ziah thin bawk" ka tih laiin " Tu in maw dawr che sawi Chiang teh " Laldampuii chuan a rawn ti leh ka sawi tawh emaw ka tia.



"Tu emaw in " ka tih chuan bu nghat nghatin " maw! tu in" a rawn ti leh hu tawh."Mawl viau Suh ,a bialpa niang nih loh pawn a star pa in " kan motor khalh tu in alo tih chuan " ni dawn tak e" a ti leh ang lawi a.



"Vur kan zawrh hian hmun thumah kan inthen thin a,vur bawm pathum hi kan khai kual thin a, kan sir hian "Khawi pakhat kha min lo pe ve teh u" alo tih chuan "A chi nah sir,lei loh chuan kan phallo " ka ti dek dek a ' ka sawi hmuh mah mah che u in nih kha aw ,class dang bulah sawi ve ngai ni' a rawn ti chu kan pe Chiang asin aw" ka ti leh chu za fahran a rawn nui chhuak hak hak chung hian "Ava phakar e" a rawn ti chhuak a,keipawh ka lo nui suk suk mai.




"Chuan I bialpa chu" Jonathanan alo tih chuan "sawi zui tlak em em pawh awm hran lo" tiin ka chhang mai a,an Beng ka lo ti vir leh sawt tih hriat takin min melh dun run run mai.


" Kum tir lam chuan ka inthlahrung kha ka hawi chhuak vak ngai loa ,mahse thla hnih vel kan kal atang kha chuan nuam ka ti leh viau tawh a,chutah chuan ka hmu a. Ka duh zawng hi ka hmu khat a ,a chhan pawh Korean film leh sap movie ka en nasat vang ani pakhat"


"Chuan sawi zel"
"I mak thawt thawt Dp lo ngawi teh"
An inkhap zui leh hman tawh.


" A sang a, ka in teh ruk kha chuan a dar chu ka pel ve a,a San mai bakah lehkha a thiam in a hmel a tha a, teachers favourite (zirtirtute duhsak) ang kha a ni bawk . Kei aiin kum khatin alo upa zawk lehnghal tih ka hre leh a.



A Instagram account a ,a indah dan ka hriat tan tirh phei chuan keimah Khan ka follow ngam lo hrim hrim a ,chuan ka thiannu in min follow sak a ,keiin ka thiannu star ka follow thunga , story an up in kan in hrilh a kan Inthawn leh thin" ka tih lai mekin "Kan thleng tep tawh , documents ho kha lo en tawh zawk teh" Jonathanan a rawn tih chuan ka lo bu nghat



" I va rawn ti tawp laklawh reuh e aw" Dpin a tih nang nang chuan "Midang nunah buai viau loh tur" a ti bung nghut mai. A pawi nasa deuh a sawi te pawh kan ang dawn zawk alawm le. " Steering kha I van hum nghet ve " Kan hnunga chuangin alo tih leh chuan hnunglam hawiin ka lo mit mei vat.



"Tuna kan building khawih tur hi Englam in nge an duh an sawi hrim hrim em?" Ka tih chuan "La sawi lo,mu hil rawh u nakinah kan thlen hunah ka lo Kai tho mai ang che u" a ti leh ang lawi sia.



"Anih chuan sawi chhun zawm leh la Thla-i " hnunglam a miin a rawn tih leh chuan "A tul tawh lo" pakhatin alo ti ve thung .Dpi pawh hmui ti pawrh tarhin tukverh lam a hawi ta daih a .


Ka lo muhil leh sek ni ngei ang Chiang lo ruai hian "I bialpa hlui chu a vannei bik hle mai" ti sup thawm ka hre ruai ruai a chu erawh ka mumang a nih ka ring mai




Kan thlen chuan Jonathanan min lo kaitho a ,khua a thim det det tan tawh. "Ehe kan hotel design tur neitu te chu min lo hmuak a nih dawn saw anmahni an ang riau" Dpin a tih chuan hawi chhuak ve chuang lo in ka bungrua ka hai a.



"Chhuk ila" Jonathanan alo tih chuan " lo va chhuk ru ka hman ni mai" ka tih chuan min chhuk thlak San a. Ka bagah khai chhuak chung chuan "Dampui khawnge ka phone kha I dah min lo pe tawh teh biak tur" ka sawi tur ka sawi zawh hma in ka hmaa lo ding vang chuan ka thusawi lai ka tawp chawt mai.




"Thlamuan " a rawn tih chuan keimah ah awm ze thuk deuh ala nei pha,helai hmunah hian hmuh ka inbeisei lo sin ,hmuh leh tawh pawh ka inrin loh kha ka hmaah hian a ding chu ni sia awih Avan har si em ."Duhsak" ka tih chuan mawi ka tih dan deuh thin chuan min lo nuih var var.



"In hmuh a khat hle mai" a tih chuan ak en reng tawp. A hma aiin a hmel a puitlingin a chhelo zual tawh zawk a,a pa tling ruih tawh bawk . Duhin hrechiang viau lo phei ilang chuan ka hre tawh kher in ka ring lo .



"Heihi tuna kan hotel design tur neitu tur te an nia,in inhre sa ami"Jonathanan a rawn tih chuan " School kan kal ho thin" tihin ka lo chhang mai thung,ani erawh chuan engmah a sawi lo thung.




"Hetah hian zanin chu lo awm phawt Ula,naktukah hmundang kan zawng dawn nia kan lo in puah chah lo lutuk a" harh chhuak thut ni awm hrim hian a rawn ti bah deuh niaih a .



"A pawi hleinem,kan awm thei mai ang,naktukah a hmun hma hi en hrim hrim Ila Aizawl chhuk leh HMA kan ngaih hmel a" Dampuiin alo ti zung zung bawk.



"E taka heihi kan head designer tur ania, Thlamuanpuii ,school in kal ho thin chuan in inhre tho ang ,kei hi Dampuii chuan heihi Jonathana a nih hi" tiin a inhmel hriat tir zung zung a.




"Duhsaka ka nia,mamawh in neih chuan min lo hrilh dawn nia,zanriah chu kan in lamah kan Kil ho mai dawn mi niang?" A tih chuan ka thiante pahnih chuan pawi an tih loh thu in an chhang vat.



Kan awmna Turah in dah fel sawk sawkin Mate- I ka bestfriend em em ka call nghal a ,ka thil tawh ka hrilh chuan mak a tiin min hlimpui ve viau tho. "Chance Ila nei hrim hrim ang" tiin min sawi phur pui khawp mai.



Mahse ,ka hlimna chuan rei min daih leh ta lo,an in kan thlen chuan hmeichhe pakhat rai puar deuh luah tawh hi alo awm tel ve tlat ,an pahnih chiahin an ni lehnghal a nupui tihna a ni thei ngem? Hei vang hi em ni min lo biak pawh ngai loh? ..


"Duati ,hei kan hotel tur lo design turte chu an nih hi" a tih phei chuan ka awm zawn hi chem a vih nawn sawk sawk ang mai hian a na ani. Kum kha chen min biak hun ka nghah Khan tunah chuan ka tello in chhungkua alo din chu ani tawh si a.




Pathian chungah hian ka vui thin,Khang ka nghah hun chhung zawng Khan ka hmuh leh theihnan te ka dil cham chi thin .Tunah ka hmu ta a ,mahse eng nge thleng hi ,ka hlimna Khan rei Avan daih si lo em .



Khuanun ka tan a rem min ruat sak hi tawrh a har tak zet a nih hi. Pathian chungah hian lawm lo thei ka ni si lo ,hmuh leh theih nan ka dil a ka hmu alawm hei.Kan chunga tha tura rel thintu Pathian hian ka tana thil tha zawk a ruahman a ni ngei ang .





HEIHI CHU A KHUH HAWN NA ANG A NIA DUH ANG PAWN A THUI THEI MEUH LO ,CHUAN ALA KIM CHANG VAK LO BAWK MAITHEI ANI .ZIAH LOH NA ALO REI TAWH NEN KAN KHAWR TUT MAI LAWM LE

[tetei velez khiangte]

KA HRINGNUN
CHAPTER 2



Ka mu ka mutthilh theih ngang loh avangin pawn lamah ka chhuak leh a,zan boruak thiang kuk mai leh arsi lo pe deuh un te chu ka thlir kual a.



Duhsaka helai hmuna ka hmu mai hi awih har chu ka la ti ve . Kan higher kal lai khan reilote kan inngaizawng hmana mahse Khang hun tawite chhung Khan ka duh hman viau ani. Ka tan chuan han then leh theihnghlih mai kha har sa tak ani. Ka ngaihzawng neih avangin nasa takin zirlai lamah tan ka la a,a fail nawn leh ah tan ka tum tawh hauh lo bawk.



Thil engkim kha nimin lawk a thleng ang maiin ka la mitthla thei, kan haw kawng a in an loh avangin min thlah kawi a rem ngai lo a,mahse kan kal dun theih lai chin kawng tawite ah kha chuan ka school bag min ken sak ziah thin.



A pa hi pastor anih vangin an awm hmun an sawn reng thin. Hrehawm a tih thu ka hnenah a sawi ve fo thin,a chhan pawh thian kawm nghet a nei dawn chauh a insawn a ngai thin hi ani.




Kan pahnih a kan awm dun kha chuan kan hma lam hun tur Kan suangtuah dun thin ."Kei chuan hna tha deuh neih ka tum anga,nang chuan hna pawh nei lo mah la ka chawm zo tho ang che " tih te khan min hrilh thin.Chung kan pahnih a kan suangtuahna chu tunah midang lakah a hlen ta anih hi.




Zinglamah ka muhil ve thei chauh a,ka tum aiin ka harh har phah hret. A hmun vel tur hmu lo a,thil design hi kan firm hian kan duh loh avangin project incharge te hian hman rem chan dan a zir in a hmun kan tlawh ngei ngei thin heihi kan firm in kaih hruaina pakhat ani.



"Vawiin leh naktuk cham Ila kan zo hman thei mai angem le?" ti a ka thiante pahnih ka rawn chuan ,an hmel ah chuan mak an tih hmel viau. "Ngati nge? Nidangah muang changa en duh thin ber si,I van hmanhmawh ang reng ve" Dpin alo tih chuan ka chhang hran tawh lo, chhan dan tur ka hre tawh mai lo Ani pakhat.



"A hma lam in zawh kan tum dawn nia,mahse nihnih lek thli thlai chuan kan hman dawn em maw ni le?" Jonathana pawh chuan alo ti ve charh charh.


Tukthuan kan eikham zawh hnu rei lo ah Duhsaka a rawn lang zui a,pindanah inthlak turin Dpi nen kan Inzui lut a,cham belh ala chak deuh aniang a sawi a sawi mai.



Inthlak zawh hnu in a ram vel en Turin kan kal a,'a hla lo' a tih vangin ke in kan kal thung. Min biak miau loh avangin keipawn ka be bik lo a, Jonathana nen an titi dun thung.



"A chhelo reuh e ,nupui a neih hma in a luck ngawt ang ka ring" Dpin ka bulah chuan a rawn ti ru deuh sar sar, "Nia" tih Bakin ka chhang lo thung.


"Kan thleng dawn tawh ngem le" a rawn tih leh chuan ka hriat loh thu in ka lo chhang mai. "Kha tui hi in rawh u" tih paha Jonathana lo ding chuan a tui bottle kan lai chu min pe a,kan in dun nghal khawlh khawlh mai.




" Saw lai lawk saw ni tawh ,kan thleng Ani tawh mai" Duhsakan a tih chuan kan lo bu nghat nghat. Dpi chu rang deuhin Duhsaka bulah ava kal a ,a be zui nghal Siam siam mai.




Ka darah Jonathanan min lo kuah pahin "A lum sia ,hrehawm iti viau em" tih pahin min kal pui a,"Lum ti hran lo e,eng nge in sawi a?" Tiin an thil sawi chu ka zawt ve a. A ngawih deuh vang vang hnu in " I chanchin kan sawi ti Ila I awih angem" a tih chuan ka melh deuh ha mai. " Tak tak ana,in school kal lai vel leh an hotel chungchang kan sawi a" a tih chuan kan school kal lai chu an sawi tel chhan ka hre lo hle.





" Ngatan nge kan school kal lai Insawi" ka tih lai takin kan hma ami te chuan " Kan thleng "an rawn tih avangin kan va pawh zui ve thuai.



Ram an nei zau in a hmunhma vel pawh chu a lai li dan a tawk viau bawk nen an hlawk phian chu a rinawm. " A ram chu a zau tha hle mai,floor engzatin nge in duh deuh " ka tih chuan an ram vel en kual pah chuan floor 5 tal ni se ,chuan a hnuai ber kha garage ah ani mai ,chuan a chung chiah kha reception bakah restaurant tur angin , rooftop kha chu khawthlir vel theihna Turin chuan a dang kha chu in tih dan dan ani mai" a rawn tih chuan ka lo bunghat .



"A ram zau zawng vel hi Jonathan Dpi nen lo teh Ula in buai viau angem?" Ka tih chuan an buai viau chu a rin loh thu in min lo chhang ."Boss kan be lawk ange aw chuti chu" tiin min chhan leh hma chuan ka phone phawrhin ka call zui nghal a.


Kan ram khawih tur chung changah mi dang min thlak tu tur dil ka duh vanga call ka ni ,mahse kan thu a in hmu vak lo tlat mai."A ram chu a laili lutuk,mahse" ka tih lai mekin " A nih te chuan nangmah Khan buaipui rawh ,khami hotelah Khan hlawkna kan tel tam dawn ania" a rawn ti leh zung zung.



Kan boss nen kan inbiak zawh hnu chuan van lam en in ka thaw chhuak ham ham ,ka thinrimna Beng daih ka tum ani ber. "Mimal nun leh hna I thliar hrang thiam tur Ani" tiin ka infuih pah mawlh mawlh .



"Ka hmuh leh che pawh ka ring tawh lo a" lo ti thawm ah chuan ka lo phu zawk ,rang deuh chuan hnunglam ka hawi zui vat a . "Nia, keipawn " ka tih bah niaih chuan alo kiai suk mai.



"Bial pa pawh I nei fel khawp mai" a tih chuan ka hrethiam lo hle ,"Bial pa maw ,tu' ka ti ang he haw a,Jonathana te lam a hawi chuan ka hawi zui ve mai, Jonathana chuan ban min lo vai lauh lauh a,keipawn nuih pahin ka lo vai ve mai.




"Engtik nge naute neih in in beisei hmel" ka tih ve thung chuan "Ka hre lo le, July vel bawr chu kan neih hun tur a nih hmelah" a tih chuan ka lo bu nghat.



"25× 45 sq ft a nia" ti a Jona leh Dp lo kalin an rawn sawi chuan ,ka lo ngaihven vat. "Kha tui hi in rawh u" tiin ka tui ah lai chu dap rawk rawkin ka phawrh a,an lo ban ve thuai.



"Ni a sa sia kha hei khum rawh" tiin a lukhum khum lai chu min rawn khum tir zui a, Dpin lo ti lo leh ngang tawh mai "Hemite pahnih bulah hian tinge boss hian min telh ve ziah le,in care thei bik si" a tih hlak hlak lai chuan ,Duhsaka lam ka melh a,mahse ani Chuan engah mah a ngaih hmel vak loh.



A hma ang kha chu ni se min vil leh run tawhin ka ring. Kan inngaihzawn lai kha chuan vur ka zawrh lai pawh Khan min vil chawt a,Mipa in min dawrh dawn pawn a man a pe zel thin.


"I pa kha pastor iti em Khah" ti a Dpin a tih chuan a nih thu leh a pension fel vek tawh thu a sawi. Kan tih tur tul ni ang ang kan zawh hnu in cham khawmuang lovin haw ka rawt a,Dpi erawh chuan cham chu ala chak hmel viau mai.



"Kan design zawh hnu ah email in kan lo thawn dawn che nia" ka tih chuan an veranda a ding chungin alo bu deuh nghut. " Kan haw hma dawn ro ro chuan in khaw lamah chawl kawi ang u aw" an tih chuan ka hnial hran lo viau.



"In khaw lamah maw in kal dawn?" Veranda ah ala ding reng emaw ka tih kha kan motor bulah alo ding reng tawh. "Aw a niang" ka tih chuan mit Meng dul ruih a min en pah hian " Tluang deuhin le" a ti dul ruih a,kan tlan chhuah dawn a a thusawi chu zawi hle mahse ka bengah a ri nawn tluk tluk mai



Min ngai thin a nih te chuan min rawn be ve se la,keipawn ka ngaiin ka thlahlel ve thin asin .Mahse keini chu khuanun a suih rem kan ni ve lo ani ange.


Kan khua kan thlen meuh chuan zan dar 10 a ri dawn thuak rawh,ka nu te bulah ka sawi lawk avangin tui lum sa an lo nei thlap. Keichu khaw lum lai pawh a tui vawt a inbual mai hi ka ngam lo thin .


Ka nu te chuan min ngai va tawh bawk nen kan thleng chu min lo nuih var var. Kan intih fai zawh fel vek meuh chuan dar 12 a pel fel der tawh. "Muttui aw Thlai " Jonathanan a rawn tih chuan " Nangpawh" tiin ka pindanah ka lut a Dpi pawh khumah alo mu deuh ar ar tawh.



"Keichu maw Thlai , Jonathana hian a duh che ka ring tlat" ka mu thla ve chiah a thil rawn sawi vang chuan awih lo fe in ka lo melh. "A ni tak tak lawm,a melh dan che leh a care dan em em che hi maw dik tak chuan duh lo che Seng chuan a care vak che pawh ka ring lo" a ti teh duah.



"Laldampui thu awm ang deuh hi sawi thin tur " ka tih chuan "Hmm.. Ila hre mai ang" tih pahin bang lam min hawisan hmak mai.




Ka thiannu UK awm mek Mate-i chu ka text leh a,ka hun hman dan ho ka hrilh leh thuak thuak a ,ka mu ve ta chauh .


Ka harh chuan Midang ho chu an lo tho deuh vek tawh. "Bawihi I muttui maw?" Ka nu in alo tih chuan ka muttui thu in ka lo chhang mai. "Nizanah mangtha special a dawng a" tiin Dpi a nui kar kar mai.



"Muttui lohna chi pawh a nih loh chu" ka pa in alo ti ve bawk. "Laldampui ngawihmak teh" ka tih lah chuan a hre tha duh tawh re re lo lehnghal.


"Bazarah Thlai hnah ilo zuk lei rawh,I duh leh I thiannu kha hruai la" a tih chuan Dpi lah chuan lo hnial rang lutuk " Rawng ka lo bawl pui ang che duh leh Jonathana hi hruai se la" tiin Jona-a thingpui in chu a melh a.



Pakhat lah chuan alo la in ri hruih hruih leh ta nghal . "Thlamuani hi maw hnial hnial chi loh tawngkam te hi a thiam a nia aw,tunah chuan a zia ala thup a nih hi" ka nu in a tih chuan " Awihawm loh nahi thei emai a" ka lo ti let ve vat



Jona nen chuan morning walk ani mai tih pahin ke in kan kal a ,a kawngte chu a chho ta riau te hian ka hria ka kal khat vang nge mawni .



Bazar atanga kan let leh lamah Jona pawn " In khaw kawng chu van chho reuh ve maw le" a ti a ti mai. "Nangmah chiah hi mi fa an neih che" tih zawhna min zawh chuan lu thingin "Pahnih kan nia ,ka nau hi tunah hmun dangah a awm rih a" ka tih chuan " Umm " tiin a kal zui leh hmawk hmawk .



"I pen chak reuh sia ,min ti hah" ka tih chuan rei lote muang deuhin a kal a ,a hnuah a kal chak leh tho.



Mi kan tawh te lah chuan "Kha inpa em ni? A pa Lian sia ,a hmel te chu va tha ve " an lo ti thul pasal nei tur pawn ka pasal neih lai pawh an hre hlawm ngawt emawni. "Ni lo e,ka thawhpui pa nih hi ka thiannuin inah ka nu te alo pui a" tiin ka chhang ve zel



"Kan pa nih hi,kan inneihna rei tawh lutuk" ti zel ta che nui kur kur chunga a tih chuan "I ti awm ang lo e a,khawpui ang anih loh hi , thingtlangah chuan mi tute chanchin pawh kan inngaihven vek tih hriat tur" ka tih chuan ngaithla ni awm deuh a bu nghat a ,mahse engmah a ngaihtuah zui lo tih ka hre tho



"In khua hi nuam reuh e, inkhua mi hi nupui tur zawng Ila tha ang Christmas a fate zin pui thin nan " a tih chuan a ban bulah vengin "Khatiang la ngaihtuah re re suh,I nu leh pa hi e Ila chawm rei lo lutuk ,nupui neih hi tih namai ani lo" ka tih chuan "I kut hi a ram leh lutuk mai ,ka sawi ve mai mai anih kha " a tih chuan ka kalsan zui daih.




"Tinge nupui neih Ila phal lo ami? I phal HMA chu ka nei miah lovang" ti a min lo um chuan ka lo nui deuh var var.Chhunah kan khua tang aizawl kan pan a kan thlen hnu in office ah in report Turin kan kawi lawk tih loh chu hna dang kan thawn zui lem lo.



Ka inluahna hmun ka thlen chuan ka mu thla thlawp a ,ka muhil zui hmak mai. Zan dar 9 vel bawrah harhin ka intifai a ,chumi hnuin thingpui leh chhang ka lei haw ka in a,Lunglei kan kalna report ka ziak zui bawk.






Ka phone message tone alo Rik tlang chuan Jonathana anih ka rin tho vangin ka en lem lo,mahse le,engmah a rawn thawn zui leh loh avangin anih leh ka rin chiah loh vangin ka phone chu ka en ta chauh.


Number hlang ani a,mahse a dp atang chuan khapa ngei kha ani. In biak a duh thu min rawn thawn chu niin . A message ka seen rual chuan call a rawn lut zui nghal .



Ka pick up rual rualin "Thlai in hmu leh ang sawi tur ka nei" a rawn tih chuan chhan mai ngaihna ka hre lo " Thil sawi dun kan ngai" a tih leh tak zel ah chuan ngawi renga ngai thla bik mai lovin " Keini tan inbiak amawi tawh lo,nupui fanau nei ka biak ka biak hian keimah mai ni lo nangmah thleng ka ti mualpho dawn che sin" ka ti ve ta salh salh.



"Nupui fanau ka nei lo" a tih chu ka mit ngei a ka hmuh avangin ka awih tawh lo."Ka duatnu ,I hmangaih ber ka nih thin kha,min hmangaih tawh lo mi ? Keichuan ka la hmangaih reng che sin.Ka hmangaihna che ni maw heti tiat ai pawh hian a zau zawk asin" a rawn tih leh chuan tap lo Turin ka insum ngar ngar.




Kan inngaihzawn lai khan a ban phar meuh in min hmangaihna zat entir a tum thin.A thurawn sawi chuan ka thinlung chhungrilah nasa takin nghawng ala nei si. Ka biak tam chuan ka tan a tha lo in Pathian pawi ngei pawh ka sawi mai dawn si. Ka tan biak loh a harsa a,biak lah ka tan thiang ani tawh si lo.




Hmangaihtu chuan a hmangaih hlim taka a awm chuan chu tluk a hmangaih na dik a awm dawn em ni an tih thin hi ka tan chuan pawm thiam a har takzet ani.




A HMA LAMA DAH KA DUH VIAU NANGIN TUN LAI RUAH LEH TEK TLA VELIN KAN KHAWBUL CURRENT VEL A TIH CHHIAT VANGIN CURRENT KAN NEI THEI LOA , PHONE BATTERY TLEM NEN KA LO DAH LAWK THEI LO ANI MIN NGAIDAM HRAM MAI TEH U

[tetei velez khiangte]

KA HRINGNUN

CHAPTER 3


Office kal tura ka insiam mawlh mawlh laiin ka nu in min lo call a ,Jonathana nen min la rawn dem zui Laldampuii bawkin alo sawi leh anih dawn hi.



Kan boss bulah chuan kan kalna chanchin report ka Siam chu thehluh pahin a ram zau zawng leh tul ang ang te ka thehlut a "A design lam lo buaipui rang ang che " a tih chuan hnial tum in ka kâ(mouth) ka ang zuaih hman a ka sawi tur a hria nge "Hnialna awm Suh se Thlamuanpui" a rawn tih leh chuan "Kei aia thiam leh experience nei tha an tam" ka tih chuan min en ran mai.




Engmah a sawi tawh dâwn lo emaw tih hnu ah "Va chhuak phawt teh" min ti a, kei pawh hnial lovin ka chhuak zui. Tun ṭum chu ka zia a dang ati deuh nge Dpi pawn min lo be sûr sur mai.



"I hrethiam lo nih kha Dp " tih bak lo chu han sawi vak tur pawh ka hre lo. "Ka hriat loh chu min hrilh reng ta che" a tih lahin han sawi ṭan mai dan tur ka hre leh bawk si lo.


"I mimal nun leh hna chu i thliar hran theih êm kha,ka hriat ṭhin Thlamuanin ila ni reng a nih chuan i thei êm êm ang." Ka buaina pawh hrilh lo a,hetianga min rin tawkna thu min hrilh mai hian ka rilru a khawih tak zet



"Lunch in ei tawh êm " Jonathan a rawn tih chuan kan ei loh thu in kan lo chhang ve ve . "Ei tawh ang u,ka ril tam tawh " a rawn tih chuan restaurant lam panin kan inzui chhuak tham tham mai.



Kan ti ti ho mawlh mawlh a,kan project neih chungchâng kan sawi pah bawk. Restaurant a eitur kan chah alo thlen meuh chuan ka kalpui te pahnih chuan ṭawng zai an rêl leh tawh lo,an ei leh mawlh mawlh tawh,min nghâk rei leh ang chu aw .




Kan thil ei laia,ka message tone alo rik tlang chuan ka melh zui thuai a ,ka beisei loh lutuk hnên aṭang in a ni.Chu pawh kar thar ah alo chhuk dâwn thu leh inhmuh a duh thu ani.



Ka phone chu ka hmet thim leh zui hmak a,ka eitur a chanve pawh ka la ei lovang tih ah chuan sawi lawk ang ngeiin min nghâk leh tawh. Ka ei zawh ve meuh chuan an phun char char mai,min nghah chhungin Lassi no hnih ve ve an in leh hman der lehnghâl "Nghah man ah che i chawi thei" Dpi chuan ala ti tlat zui .




Ei man kan pêk dâwn meuh chuan Jonathana bawkin alo pe fel leh diam tawh,hepa thil ei pui hi chu inthlahrun na chen a awm lo thei lo,bill zawng zawng hi a chawi tur amaw hi a ti vek ṭhin a. "Kan lo pe ang" tih lah in " Mipa treat tur alâwm" a ti tlat zel bawk si.




Office kan thlen chuan boss ber chuan kan ṭhian ho chuan min ko lut leh ṭhap hlawm. "In project design hi a theih hram chuan tunkarah a ruangâm hi zo hman ula ka duh ,a chhan chu karleh ah Pu Duhsaka alo kal dâwn tlat" a tih chuan kan in melh kual nghal ralh ralh.



"Mahse ava rang awm ve ,design puitham leh mawi deuh khawih dâwn phei chuan karhnih lai te kan hmang ṭhin sia" Jonathanan a tih chuan kan lo bu ve nghat nghat. "Kar thar lamah alo chhuk laia rawn en ve nghal a duh ani awm e" a tih leh chuan ka lo ner nang mai.




"Thlamuan nangpawh a incharge ber i nih kha hria la,hma la zui vat ang che u" a tih chuan ka chhâng hran lo,he mihring hi eng nge maw rawn tih a tum reng reng ni.



"Ka hria" ning zeta ka tih chuan ,min chhuah tîr zui mai.Dampuii bulah chuan loh theih lohin tunlai ka mood fuh loh reng chhan chu ka sawi chhuak ta nge nge a. Duhsaka ka first love leh ka bialpa hmasa ber a ni tih a hriat chuan a phur hman khawp mai.



Kan sawi thui zel takah chuan ani pawhin ka ngaihdan ang chiah alo nei ve tho chu niin . "Nupui nei lai a nih hmel bawk sia" a ti ve leh tho ,heihi ani tuna kan buaina ber chu,a nupui lakah a inthlahrun awm lutuk kei a lo biak ve chhên chi pawh ani lo.



Mizo society ah ngat phei hi chuan mi pasal ngaizawng chan ka chang mai ang tih a hlauhawm.


"Tihdân ka hria" a tih chuan phur lutukin ka lo ngaithla nghal kar "Jonathana hi hmang tangkai mai rawh" a tih chuan awm ang lo ti lutukin ka lo melh.



"Engtin nge hmang tangkai se min tih? Thu hrimin a chi loh" ka tih chuan a chêk zui hlak mai. "Amak lo ngaithla phawt rawh" a tih chuan ka ngaichâng ran .



"Jonathana nen hian inngaizawng mai rawh u" a tih chuan ka ṭe ṭhat "Awm in a ang lo lutuk, ṭhian kan nia chu bawk feelings nei lo a inngaihzawn a chi hlawl lo"ka tih chuan ka ding hluai chu min pawt thu in "A tak takin in ingaizawng dâwn hleinem,Duhsaka awm lai chauhin lawm ,Jona-a pawh tha deuhin i hrilh anga"a tih lai chuan "Lo pawm lo ta se" ka tih chuan A pawm êm êm tur thu in min chhang ve tlat.



"Keichu ka awm pawh iti nuam tawh zo zai lo" ka ti ta ringawt. Ruahhmanna dang nei hek lo le,ka pawm veleh ta ringawt. Kartluanin kan project neih kan buaipui ngat ngat a, overtime in zan thum chuang lai kan thawk bawka,rim tak chu kan ni.



Kan concept kan zawh meuh chuan kan thaw huai thei. Dpin a remruatna anga kal tlâng mai tha a tih tlat avângin Jonathana vawiin tlai leh chhuah pui ah ka sâwm ta ringawt.


Kan hna kan bang inhnuai lam ka chhuk lai chuan hmeichhe ṭawng thâwm ka hria a, "Tun bak hi chance ka siam thei dâwn lo che nia" tih vel an sawiin ka hria,a aw (voice) aṭang chuan Dpi ang riau in ka hre lehnghâl,a biak erawh chu a ṭawng ve lo thung.




Jonathana bul ka thlen chuan amah in alo ding ran mai,ka sawi tum te chu kan huphurh mai mai khawpa . "Kan kal dâwn ami?" Ka tih chuan min nuih suk chung hian a bu zauh a,a bike ah a lawn zui nghal.



A bike hnung hi ka duhzawng a ni hauh lo lehnghâl,ka duh aiin a sâng tlat thut ngheh a har thei si. A car a ken ni a ni lo chu a pawi tak tak ani.



Tlân chhuah mai a tum lai chuan a hnungah beng dat in "Khawnge i helmet?" Ka tih chuan za lo deuh a nui chung hian " Ka theihnghilh a" a ti nih chu ,ava han hai hawt tak.




"Traffic duty in min man ange aw?"
"Man lo turah ngai ang chak deuhin kan tlan mai dâwn nia" a tih chuan chhuk leh mai te ka duh rum rum tawh.


" Station kal kan ngaih phah chuan i chak lo ang" ka tih khar khar lai chuan a tlan phut a,ka in ban zui rawk rawk mai. A nuih lah chu a za sauh emaw tih tur ani a nui hak hak mai.




Hei vang hi a nia chhelo viau mahse ka la ngaihzawn miah loh ni. Reilote kan tlan hman awrh ang tih ah Duty in min rawn hmu ta ngei anih kha ,ka inphurh tîr pa lah chu chak deuha tlan mai a tum ka lo khap ve tung nen.



Duty lo thlen phei hma chu tumbur chungin a bike ah a in rah khalh run mai."i rilru a dawih leh lutuk a buaithlâk" min la ti zek zui.Ka thinrim ka chhuk tau chu kal sawn nghal ka tum a,ka bânah alo man bet tlat pek.




"Nangmah vangin nih hi min man,la awm ve rawh" a tih tlat vângin ka ding leh a puihna mamawh lo ilang chuan bike a keng tih ka hriat tirh khan ka haw san daih tawh ang.




Traffic duty la chu vanneihthlak deuhin Jonathana Putea alo ni hlauh a,station kal ngai lovin pawisa tlem kan chawi bak lo chu harsatna kan tawk lo hlauh. Jonathana pawh ka hau pah mawlh mawlh mai.




"Chhuak leh lo mai ang,min man leh pawh a hlauhawm" ka tih lah chuan "Ngai lo" a ti tlat bawk si. "Nidangah ,kan leng leh zawk mai dawn nia,ti hian ka sawi nghal mai ang" ngen ngawl deuha ka tih pawh chuan ala duh tlat lo .




"Kan inah kal lawk ang,helmet chu kan la mai dâwn nia" a tih rualin an in lam kawngah a tlan zui a,hnialna hman pawh a awm lo.




An in kan thlen chuan chhukin an inchhungah min luhsan a,keipawh muang changin ka chhuk ve.

An in chu a lianin a compound a zau hle a,a in design pawh a changkangin a mawi khawp mai,a chhung phei chu a changkan viau ka ring. Lunglei kan kal dâwn khan an in lam hi ka lo en loh vang nge hetianga pui hian ka hmu lo hrim hrim.




"Lo lut lawk mai la,ka nu in cake alo ur a ei phawt rawh u,a ti deuh tlat sia" an in ka lo hisâp kual laia a rawn tih chuan ka lo phu deuh uih mai. "Engtin maw...?" Ka lo ti bah deuh niaih. "Lo lut lawk mai rawh,ka nu pawn hmuh che a duh" a tih chuan "Awm ang lo lutuk a" ka lo ti vin deuh hlar.




"Bike hi kan dah lut lawk ange lo va lut rawh" a tih pawh chuan ka la ding reng. "I luhlul reuh si " tih pahin ka kang lawpa ka ṭê zui ṭhat.



"Min dahthla nghal rawh,Lalrindik" ka tih vin ṭhak rualin min nghat thla zui ,an veranda kan lo thleng der tawh. "Lo va lut rawh" a tih chuan ka lo melh tûr khai. Gate bul a a bike dah chu a rawn khalh phei leh a,ka lo la nghak char char, a tello chuan chhete pawn ka che sâwn dâwn eih lo re re hi ni tawp.




A bike a dah fel alo chho chu rum deuhin ka lo melh."Lut ang" tih paha in kuah pawh chuan ka tal sawn a,a nui suk mai.



"Nu hei Thlamuani chu ,kan hnathawh pui a nih hi" tiin thawm awmna lamah chuan a kal a,ka zui ve zel. Ka lo rin lawk ang chiahin an in chu a mawi .




Luh duh lo hle e ti lo chuan a nu cake siam chu ka ei lehnghek tho. "Thawmhnaw hi ka han thlak lawk ange,ilo kal ve duh em?" Ti a min sawm fiam chuan ka kuttum ka lo hmuh .



Alo chhuk leh chuan tshirt leh cargo pants nen alo chhuk thla a ,"Bike aiah Car kan keng zawk mai dâwn nia" a tih chuan ka rilru te te chuan pawi ka ti lo nasa ,a bike kha chuan a har ropui si.




"Ka rawh le" a rawn tih chuan ka lo ding ve thuai a,a nu bulah chuan chhuahna tur kan neih thu a sawi zui a. Kan kalna tur lam kan pan laiin an in design tu ka zawh chuan a pa anih thu a sawi mai.



Dinner kan eina tûr hmun kan thlen chuan khua pawh a tlai ruih tawh, tuna kan chawlhna tur hotel hi kan Company design niin an sawi a,mahse ka thawh hma ami a nih hmel ,hmanni deuh lawk khan an hawng chiah a ni awm e .



Kan thil eitur nghah chhungin ka dinhmun leh ka awmdan vel chu Jonathana ka hrilh a,a tîr chuan ka huphurh viau nangin amah alo in hâwng bawk nen sawi pui chu a har lo khawp mai



"Chuan engmaw i duh chiah chu" a ti ta chiah a,dang a hil nghal vêk thei alâwm maw le. "Ih..ih.. ih " ka tia thawk ka la leh huai ṭhin.


"Sawi vat" a rawn tih chuan maimit chhing chung hian "kan project kan khawih chhûng inngaizawng der ang" ka tih chuan "A der in maw,eng nge awmzia?" A rawn ti ha mai.


"Ka sawi tawh ang khan ,nakin lawka apa ti a an koh mai tur mihring nen in hnim hnaih ka duh lo ,chuvângin project khawih chhûng lek tal hi ka bialpa lemah min ṭan sak rawh" a ngen hian ka ngen a ni ber.




" A tha e,ka pawm e " a tih chuan ka lo thaw deuh huai thei. "Mahse,eng nge ka hlawh ve ang" a rawn tih leh chuan "i duh duh ani mai" ka ti let ve var. " A nih chuan inngaizawng ho tih ṭhin ang kan ti ve vek ang" a tih chuan ka lo in hup vat.




"Hura" ka tih chuan a kiai suk mai,"I ngai kawi anih kha,i ngaihtuah hi a tha lo riau mai" min la ti let daih zui ve hian a




Kar a thar a a sawi lawk ang ngeiin Duhsaka pawh kan office ah a rawn thleng ta chiah a. Duhsaka lo thlen hma ṭangin Jonathana lah chuan min bialnu treat nghal ringawt lehnghâl. Duhsaka lo thlen lai in Engtin mah awm leh duh chuang tawp si lo.








"Thla-i"ti a min lo ko tu chu ka hre lo der hmak, "In bia ang min hre lo der tlat lo teh" ti a ka bânah alo vawng chuan ka lo thin thlâk sak. Ka chet dan hi a sual lutuk em pawh ka inhre lo. "Rindiki" a rawn hawi miah lo he mihring hi a hming a hre lo mi le. "Jona... Jonathan " ka tih ṭhat takah chuan A rawn hawi rang khawp mai.





"Aw haw,ka Mizo hming hian office ah min ko khat hlawm lutuk a ka lo hre lo lawm" tih pah chuan kan lam a rawn pan a. "Jona vawiin tlaiah dinner ei chhuah dun kan tum kha aw" ka tih chuan " kan tum maw" alo ti he haw mai ka chhawr fuh hlawllo .



"E ni tak Muanbawihte ka lo theihnghilh alâwm" a tih chuan ka luak lo chauh 'Muanbawihte maw! Huh a ṭhing si tiang lo a min koh dah tur hi a hre hlawllo emawni.



"Pu Duhsak,Duh i nei ami?" Thutak deuh a a tih chuan "Nei lo" tiin pakhat chuan alo chhang mai "Anih chuan Khawngaihin ka bialnu hi lo hnaih vak lo la ,a pawilo khawp ang" a ti nghet charh mai.




'A fuh chho ṭan tih lai mek mekin "Hna lam chauh sawi ang che u, ka kal ania Muanbawihte" a tia a kal zui leh daih mawl heh Hawh ve le aw. Tihtur neih chhuan lamin keipawh chuan ka kal san ve ta daih .



Garage kawt a ka din lai chuan Duhsaka bawk alo lang leh move on tum lai a alo lan sek chuan ka theihnghilh thei lo tawp ang.



"Ka tihpalh ,i pawi sawina ka neih chuan min ngaidam rawh" a tih pah chuan min rawn kuah bet a,tal chhuah tum in ka nam tang tang.Mipa tha leh hmeichhe tha chu in chak hleih tak ani.



Vawi leh khatah ka hrang nghal dawrh a,ka hma mi hmai chu A ri zui nghal chawrh mai. "Ka bialnu hi hna thil ah lo chuan lo be suh ka ti che ani lawm ni" a aw ah chuan a thinrim hle tih a hriat theih.



"Jonathan " tia phun supin ka mittui chu A parawl zui nghal kiang. A kut la hum ruh tang leh a bân a thisen zam pawng tawlh tawlh chu ka hmuh hmaih lo nasa.



"I tha tiraw" tia ka lu alo chul chuan ka bu nghat ,that lohna tur engmah ka nei lo ,a chhan chu kut min thlâk lo miau a ,mahse min kuah khan ka kuah let ve chak a,amah kha ka la thlahlel bawk.



Ka ṭan chûng thilte erawh chu tih thiang ani lo tih ka hre ve kar khan ka rilru chhûngril a ti na ber ani. Jonathana chuan A awmah min kuah bei vawng vawng a,min pawm kâng nawlhin a car lam min pan pui zui a,Duhsaka erawh a awm dan ka hre lo thung.






AW LE HEI ENTRANCE PEK LEH IN ENTIR VEL AVANGIN KA RAWN CHHUNZAWM THEI LAWK LO A,IN MI HRIATTHIAM NA KA NGEN A ,REGULAR DEUH A DAH THEI TURIN KA LO IN PUAH CHAH TAWH DAWN NIA 🤍

[tetei velez khiangte]

KA HRINGNUN
CHAPTER 4


Duhsaka pawh Aizawlah cham reng lovin Lunglei lamah a chho leh tawh a, zantin a message dawng ṭhin mah ila ka reply ngai lo,rawn call tel a chin aṭang phei kha chuan ka block phah ta hial anih kha.



Jonathanan Duhsaka awm chhûng zawngin min ngaihsakin min vêng deuh chawt a.Zanah pawh a rawn len phah fo mai.



"Ka ruahmanna ṭhat zia kha,ala rawn tibuai che em Duhphaka chuan" Dampuiin a tih chuan za lo lutukin ka lo nui. "Tha maw,teuh lo mai ka block ngai khawpin min rawn tibuai" ka tih khum chuan inthlahrun hmel deuhin lei (tongue) a chhuah zauh mai.





"A ho e! Hun kal tawh A nih kha theihnghilh hmak teh " a tih pah chuan A sam lo tla chu a nui kiang pap a.


"Tunlai ni sen sa ṭha vel vawl hnuai a,hman tur chi make up hi hriat i nei mial lo maw?" A rawn tih leh hluai chuan "Chutiang ka hre lo" ka lo ti ve thuai. "Anih chuan " tih pahin a bag a hai leh rak rak tawh,henu pui hian thil zawrh a nei chiang lutuk .





"Heihi han enteh " a tih chuan ka en sak mai . "Ava that hmel ve " ti a ka sawi chu sawi sual tak ka ni. "Lei rawh a ṭha,a ṭha mai ni lovin i ngeih dâwn chiang sa" a ti leh bawrh bawrh a,staff dang lo lut ho pawh chu alo kawh hmuh zel.




Ka hman chhin hma hauhin "Hei, Thlamuani pawn a hmanga a vun a nun phah lutuk " tiin ka hming a sawi tel nghal vat mai.A mal chunga ka sih lah chuan A hre lo der hmak leh nghal. Pa ho thawk ve pawn an nupui te tan tiin an lei sak leh tak nual kha.





"I inhralh duh hian ka hming hi sawi tel ve ziah suh" ka tih hlak hlak chuan,a nui nui ringawt. "Kha pakhat tal hi min dawr ve teh" a tih leh chuan "Pawisa ka nei lo " ka ti ve tlat ,a tum lian bar bar khawp mai.



A tumbur ka nuih ka nuih lai chuan hre chhuak thut hi awm hrim hian a ding thut a,min lo en rawh ti ni awm hrim hian min melh a. A chet dan tur ka ngaih chân lai chuan ring deuh mai hian "Jonathan Lalrindik" a rawn ti vak mai .




Rang deuhin pawt thu mah ila ,mi mit chu kan chungah a fu ṭhap hman tho. "I mawl thei lutuk ,boss in a hau leh dawn che nih hi" ti a ka zilh hlak hlak laiin Jonathana a rawn lang ve chiah.



" Eng nge min ko mi Damthinchhenu " a rawn tih chuan Engtin mah chhang let lo in a nuih var har,a sum dâwn lai hi a zaidam lai ber heipui hi chu.


"Engmah ka lei tawh dâwn lo ,a hma min zawrh pawh ka chhungten vawk damdawi amaw an tia ṭhenawmte an pe tawh" ti a kal sawn leh mai A tum chuan "I Muanbawihtei hmai hnawih tur chi hi lawm ka zawrh ,tha a tia pawisa a nei si lo a" a ti chu rum theih tâwpin ka lo melh.




"I lei chuan nangman i hawn ang" tiin Jonathana chu ka melh khai khai. "Ehe! Leisak pawh i tum miah nange a ,iti awm ang lo hle mai ,in inngaihzawn hnu ah thil pawh i pek ka la hre lo e a" tih zawngin a kar leh .




"A lem a nih kha " ka tih pawh chuan ala sawi chhun zawm char char. "Anih pakhat engzah man nge" pakhat chuan A ti leh ta nge nge. "Cheng 400 man chauh maw le han lei teh " a tia a nui zui har har mai .



"I over lutuk" ka lo tih lah chuan engah mah A ngai duh lo . " Pathum kha khawi" a ti ta nge nge . " Pakhat chiah a bâng dâwn sin ,avai hian la law law teh" a tih chuan " Khawi " a ning tawh tih hriat reng reng a aw chu a nelawm loh tawh khawp mai.



A man an inpek fel hnu chuan pahnih chu ka hmaah A rawn dah A,min nuih suk chung hian "Heihi i ta tur Muanbawih" a ti kher nih chu . "Ka duh bawk lo" ka tih pawh chuan a dah lui tho .




"A dang hi chu i mother-in-law kan Hawn ve nge aw" a tia kal sawn a tum laiin "Pakhat hi ka duh ve" Dampuiin a rawn tih thawm a hre leh sia "Laldampui I lak ṭhen chuan aman ka dil let ang che" a rawn ti thum dut a,Dpi pawn a dah thla leh zal zal mai.



Boss office atangin khauh ṭha êm êm in "Laldampui" a rawn tih ṭhat chuan A sawi tur kan chiang tawh hlawm khawp mai.




Hun pawh a kal ve bek bek a,fur kan thlenga ruahtui a tla deuh reng bawk. Duhsaka pawn an hotel tur chu a sa mek bawk.



Vawikhat chu an sak ṭan hnu ah kan han tlawh tawh nghe nghe bawk.An nu pawhin min lo dawng sawng ṭha khawp mai.




Jonathana hnênah pawh inngaihzawn derin awm zia a nei a ka hriat loh thu leh inngaihzawn der chhunzawm loh tha ka tih thu ka hrilh a. Mahse min chhang lovin a kalsawn hmak kha nia.



Kar khat chhûng chu min peh hel tawh,ka hmuh a biak ka tum chung pawn min hmu lo der char char ṭhin.



Hna kan bang chu ruah a sur nasat em avangin ka haw thei lawk lo nen ka zâna chu ka bih leh ṭhin. Taxi ko turin ruah a tam ang reng bawk sia,ni hliap nen kal ngawt dâwn ila ka huh vek hman dâwn tho ni a ka hriat vangin office kawtah ka ding reng.




Darkar chanve dawn ka ding tawh ang tih ah ka hma zâwn takah Car a rawn ding a,ka phone a ri zui zat bawk. Ka pick up rualin "Lo chuang rawh" a rawn ti a, keipawh rang deuhin ka va chuang lut zui nghal.



"I haw daih tawh emaw ka tia" ti a ka luh chuan min en zawkin " Sawta ṭang sawn engtia rei nge i din peih ka lo en che" a tih chuan ngei lutuk in ka lo melh.



"Ka khur hlum lo chauh a vâwt ka tih hman zia hi" tih pahin ka khur der zui a ,ka chal ah a rawn kuk ri fawk mai.



"I thuthlukna kha ka pawm aw"

"Maw ? Eng thuthlukna?"

"I mawl siah, i hriat chhuah hun hunah hre chhuak rawh" a tih nghut chuan ka hre chhuak leh chiah .



"Kha hei hi sin rawh" tiin A coat fual chu hnung lam ami a ban a,sin rawh a ti chu lâk pawh ka la na hran lo ,amah hi a lian ve êm bawk ani.




In ka thlen meuh chuan ruah chu a sur tlêm tawh hle. "Lo kal rawh ,thingpui ka lo lum ang che" ti a Jona ka sâwm chuan a ni leh ni lo angin alo hnar ve tlat. "A tlai tawh êm mai ,ka chhungten min ngaihtuah ang" a tih chuan ka nuih tawp.





Ka chhuak tur chu ka bânah lo vuanin "Inngaihzawn der na kha tawp se la , inngaizawng tak tak mai ang" a tih chuan nuih var var in "I fiamthu a nuihzatthlâk loh êm mai" tiin ka chhuah san a.





Ka lung leng riau chuan kan khaw lama kan chhungte zanriah eikhamin ka han call a,an lo buai khawp mai. Ṭhenawmte chhûngkua nen an awm ho lai a nih hmel.




Ka nu in ruah a sur nasat leh sat loh te min zâwt a,fimkhur turin min chah zui mawlh mawlh bawk. Kar thar lawkah haw turin min hrilh a,ka pi leh pu te lung phun an lo rel a ni awm e.



"A ei leh in man tur ka lo tum ve ang" ka tih lahin "I pa te ho nen kan intum sem dâwn alâwm ti khan lo khawl rih rawh" an ti ve tlat thung.




Lungphun an tih hun ka zawh chuan kar thar ningani ah an ti ani awm e,kar tîr an tih lohna chhan chu kan haw khawm theih hun tur ngaihtuahin ro an rêl a nih hmêl.




"Chhungkaw group kan nei ve renga,khangte kha en na chang hre ve ta che" a rawn ti zui leh "min phone khat pawh tih tawh nak laiin " ti a ,a phun bul bul chuan ka buai thu in ka chhâng leh.



Ka pa nen kan inbiak ve thung erawh chuan ani chuan ka nun uluk tur leh zahawm taka nun dan te, nundan mawi leh incheina chungchang te a rawn sawi luam mai. Incheina lam phei chu sawi duh thawh tak ani.




"Kan incheina hian min thuam mawi a,mahse kan inchei duhdan erawh in min ti lang zahawm loh ṭhin. Inchei dan mawi leh smart tâwk a awm tih hriattur" a ti leh dap dap tawh.



Ka pa ṭawng ka chhuak reng reng hi a dam thlup reng ṭhin."Thawmhnaw hi min chei tu anih rualin midang anga mawi loh hlau lo la,nang aia ṭhing an tam a, nang aia in cheina ṭha pawh an awm nuk ang,kha khan a ber ini lo tih a lantîr ang" tiin min chah leh dap dap.




A tuk office ka kal chuan boss office ah lut in kar leh lam atana chawlh lâk ka dil a ,alo phal khawp mai. Chawlh hi ka la ngai zen zen lo,ka dam lo ka na viau a nih loh chuan ka chawl ngai lo tluk ani.




"Ngati nge boss office aṭang ilo chhuah " Dampuiin a tih chuan "Ban na theh luh ka tum a" ka tih chuan a mangang khawp mai. "Ngati" a tia a tap dâwn nghal mai emaw tih turin a men pur pur mai.




"Ka ning tihder i awlsam si" ka tih rual rual in ka hnung a ri zui kawrh mai."Ana lutuk" ka ti ve ṭhat mai ,min ben na lai te chu A thip vawng vawng ni mai hian ka hria.



"I phu tâwk chiah" min la tih khum zui . "Ka haw san dawn che " ka tih chuan a ri chel chul mai . Kan senior interior designer UMapuii pawn "Dp i beng chheng" a rawn ti nui vur vur mai.



Min han zawt chik leh khawp a ,ka haw hun tur te ,ka haw chhan tur leh chawlh ka lâk hun chhûng tur mai bakah ka chhuk leh hun tur thlengin min zâwt tel nghal vek.



"Jona hi ka van hmu lo ve" ka tih chuan alo chek zui hlak mai. "Vawiinah hna a rawn la kal re re lo" a tih chuan "Nih chu" ka lo ti liam mai. "Thil hih i hrethiam duh lo nge i hrethiam lo der pawh ka hre lo " a ti chu ngaihsak tawh lovin ka computer chu ka bihsan daih.




Pu Isakan Dpi a rawn ko ri chu ka hre pha "I Patea te damdawiin awm kha eng nge an an tak zel?" Tiin a rawn zawt . Dpi Patea leh Pu Isaka te hi naupan têt aṭanga inkawm chho an ni awm e.



"Ka hre lo,tukin zing dar 4 vel bawr khan min lo call a" a tih chuan "Anih chu" pakhatin alo ti ve mai a "Mahse kan chhang lo a" a rawn tih leh chuan a chawk ho zo leh vek tawh.




'i biak rei tlak loh êm mai" tih pah chuan Pakhat chuan a kalsan ta daih. " Hriat lohten tunge chhang thei bîk ang,zingah chiah lawm ka hriat a" a ti ve bul bul mai.




Kartawp a ni a ,ka bungrua ka hawn tur chu ka pack mawlh mawlh. Karkhat ang lai cham ka tum avangin Chawlhni thawmhnaw nen ka inpack tel thleh thluah mai.





Ningani ah daih a nih dâwn tho avangin Thawhtanni ah erawh hna lam kal ka la rilrûk thung. Jonathana pawh ka bia a,sik leh sa inthlakin hritlang khawsik a kan tel thin avangin,Hritlang khawsikin alo man ve a ni awm e .




Ka haw tur thu ka hrilh chuan ka message chu a seen ringawt thung. Ka chhungte bulah Thawhlehni a chhoh ka tum thu leh Sumo ticket min lo cut sak mai turin ka chah a ,chhun lam deuh dar 1 vel bawrah kan chhuak dawn a nih hmel e .



Thawhṭanni chuan office kan kal leh a, Staff thar kan nei a nih hmel e. A hmel chu la naupan hmel tak ani. Intern ang in a thawk hmasa phawt dâwn ni awm tak a ni.



Mipa a nia ,a hmel a fresh in amah pawh chu smart hmel tak ani. Ka ṭhutna bul lawkah a seat tur an dah saka keipawn ka lo be zui ve siam siam .




"I hming kha tu maw nih?" tih paha Jonathanan a dar a rawn ben thak thak chuan "Rammuanpuia " tiin tha deuhin alo chhang ve mai.




"Anih chuan Rammuan"

"Muanpui" tiin min ko ṭhin a tia ,Jona-a pawh chuan a ko tha leh.



"I bul ami nu hi maw ,a fel a nia tibuai bawrh bawrh rawh ,mahse ngaizawng lo la,ka tan ka hauh ania" a tih chuan ka lo melh ram ram.



"Ngati nge i dam loh hmêl em kha i rawn kal " ka tih chuan "Aw Muanbawihtei hi i haw dâwn sia ka thlah loh che chuan" a ti ve ngei.




Chhûn chawlh kan neih laia ka phone alo rik vângin ka chhâng a."Hello " ka tih pawh chuan lehlam ami chuan thawm ala rawn nei chuang lo.'An ti sual aniang' ti a call ka dah hnu lawkah a ngai bawkin alo call leh.




"Aw eng nge ni?" ka tih leh chuan "Hello" hmeichhe aw tham tiak hian a rawn ti a. "Tunge i nih ka van hre lo che ve ?"
"Duati ka nia ,in building kawtah hian ka nghâk che a,ilo chhuak lawk thei angem" a rawn tih chuan ka la bang bo viau mai .




"Duati .... Ka van hre mai lo che" ka tih leh tak ah chuan "Duhsaka chhungte" a rawn ti fiah fâk mai. "Lawk ka lo chhuk ang" tiin ka kawrlum leh nihliap chu ka ban zui a ,ka bag ak tha mawlh mawlh in ka chhuah lawk tur thu ka sawi zui a




Kawt ka thlen thlâk chuan ruah alo hmi ser
ser a,chutiang kâra raipuar ka innghah tîr chu ka inthlahrung ang reng viau bawk.




"I dam maw" ti a ka nuih var var chuan min nuih let ve hran lo hian. "Kan inbe lawk thei angem le" a tih chuan kan theih thu in ka chhâng mai.




"UDuha hian lo biak che a tum ṭhin tih ka hria a"restaurant kan lut kan thu fel chiah in a tih chuan ka hamhaih khawp mai



"I hrethiam lo anih kha,ka chhâng ngai lo,biak pawh ka be ngai lo" tiin ka insawifiah ve vak. "Nia ka hria lawm" a tih chuan a sawi tum chu ka man lo viau. "Mahse"ti a thawk a lâk halh chuan ka lo ngaichâng reng.



"Khawngaih in a message leh call hi chhang la,lo block tawh lo hram teh" a tih chuan mak ka ti lutuk chu ka ka hau mai.



"Eng...Eng nge awmzia?" ka aw ah chuan mak ka ti tih a hai bik ka ring lo."A ngai thei lutuk che,zantin in thlalak hlui a en ziah ṭhin chu sawi loh a be hial ṭhin " a tih lai chuan Lo pawt chat in .



"I pasal a ni lawm ni?" Ka lo ti ang hâ a mahse a rawn nui suk suk mai.Fiamthu ka thawh pawhin ka hre lo sin maw le.


"Ka u a nih hi"

"Awih awm loh e,Duati a tih che pawh ka hre vek, nau hmeichhia a neih pawh ka hre lo" ka ti leh tan tan .



"Duati tih hi ka hming Lalfakmawii ka nia ,ka chhungten Duati min ti thin. Chuan UDuha hi ka pasal a ,u chiah hi a ni bawk ,ka Rai vangin ka pasal bulah awm lo in inpuiah ka awm rih thung " a tih chuan zia lo ti tak ka ni.




Nupui fanau nei biak ka hlau a,mahse alo la nei lo a,chutah a nau nupui chu a hming kha ka loh duatna emaw ka la ti zui ,zia chu sawi loh a zia lo mah mah a nih hi.



Office ka let leh hnu chuan Duati thil sawi ten ka rilru an luah ngut ngut a,ka thianten min biakna pawh ka chhang mumal lo hle.


Zanah lo leng lo tura katih avangin tu mah mah an lo lang lo. Matei bulah ka thil tawn ka hrilh a,alo hmuh hun hunah min rawn chhang leh mai Turah ka ngai.




Ka thiantha ber nena kan awmna kar inhlat lutuk hi hrehawm tih chang ka ngah
a han inbun ruahna mai tur ka nei lo te hi hrehawm ka ti thin. Duhsaka nen a kan chungchang zawng zawng hre ve vek tu ani bawk.



Duhsaka pa kha pastor ni mahse a chhungten ngaihzawng neih an la phal lo a, min hmuh pawhin min ve chhe ngai chuang lo.Mahse ka thiante ka atanga an chhungten a bialnu then tura an tih thin dan ka hriat khan ka tan kawp luih chi niin kahre tawh lo a,inthen ka rawt ta tawp kha a nia.



Zan lamah ka mut tlem avangin ka harh har phah a,chu erawh ka chhuah hun dar khat daih anih vangin ka ngaipawimawh vak lo. In atang ka chhuah dawn chuan Jonaa a rawn lang teh nawlh thung a.



Ramhlun a kan sumo stand thlengin min thlah nghe nghe , Chawhnu lam dar 1 chuan M&M sumo in kan khua Tlungvel lam pan chuan kan tlan chhuak ta a. Jonaa pawn thil eitha Turin min chah ve luam mai.





Ka thil tawn te ngaihtuah in ka hah ru tun a, Duhsaka unblock pawh tlawm a ka lak tlat avangin kala unblock lo bawk.




Ka mut tlem vang nge ka lo mutthlu a ka harh chuan Thingsul bazar ka lo thleng der tawh,ka nu tan chengkawl lei ka tum nen ka leisak thei dawn ta lo nih hmel.




Kan khua chu dar 3 pelh hretah kan thleng a,Aizawl khawchhung traffic ah kan tang zeuh zeuh tih loh chu harsatna kan nei lem lo.




In ka han thleng chu ,a hmaa kal pah deuha kan tlawh kawi zawk ang kha a ni tawh lo a,tunah chuan haw pangai ka ni ta bawk nen lunglên te pawh a ti zual a ,ka pi leh pu sulhnu ka chhui zawngte chuan tah a chhuak ve tun mai. Chutah chhungkhat lo kal khawm te han hmuh ngat chuan rilru pawh a hnim ve ruih mai.





KAN HRIAT ANGIN TÛNLAIAH RUAH LEH THLI THAWH A HRAT A KEI TEK DEN HLAU NGANG KA NI NEN PHONE HI KA KHAWIH NGAM MAI THIN LO IN NI VE THO CHUAN KA RING

[tetei velez khiangte]

KA HRINGNUN

CHAPTER 5

Kan khua ka haw chu min lo lawm tu pawh ka nei ve sap sap mai. Higher ka kal laia thil ka haw thin naupang te pawh tûnah chuan an inti nula tlangval hlawm tawh khawp a. Kan kawt naute ni thin phei chu biak deuh pawn a lai deuh tlat tawh.



Tunlai ah hi chuan naupangte emaw kan tih pawh hian ngaihzawng an lo nei hman leh der ṭhin.Zanah chuan chhungkhat ho an lo leng khawm ve ṭak ṭak a. Ka ni leh ka pa te ho tâna ka thil hawn chu ka lo sem ve zel bawk. Heihi a hma daih aṭang ka lo chak tawh thil ani.




'Hna ka neih hunah chuan ka pa unaute leh ka nu unaute eng emaw tak ka la lei ang' ka tih ve ṭhin ka puitlin thei ta chu ka hawn sak a te an lawm mai bakah keipawn nuam ka ti takzet.



Ka haw chu eng emaw hian min mawlh a,eng nge a nih ka hre hauh lo thung.Rik nek nek chhungin dar 10 alo ri der tawh,chhungte an haw sap sap hlawm a ,ka ni te lungphun tura lo chho te nen chauh kan awm tawh na chungin thawm chu kan nei tha viau tho mai.





Ka mut dâwn meuh chuan dar 12 a ri dâwn thuak tawh a,ka pindan chu a hma ang bawk khan ala awm reng,danglam pakhat mah hmuh tur a awm lo tih theih ani. Ka mut hma chuan tukverh bulah thla eng ka en hmasa leh phawt .Tun ang khua hi chu ruahsur deuh reng ṭhin ania,thla lo eng pawh chu A velah chhûm an zam chiai chiai a.






Chhum zing te hlei hlei chuan ka lung mib len thar zual. Christmas mahni khuaa hmang tura ka haw zawk pawh kha kan hman chang apiangin Duhsaka nen kan inbe thin. Assignment tam theih em avanga inbiak loh tawp chang pawh kha kan nei thin a, kan inbiak chang erawhin tukverh bulah thuthmun ka rem ngei ngei thin.





Tunah chuan kan hun kal tawhte kha,mumang ang riai a ni tawh a,hriatrengna hlimawm ka theihnghlih phal leh ngai tawh lo tur ani.




A tuk lam dawr ka chhuak ve te chu miin min lo be liam liam hlawm "I lo haw ni maw? Engtik thleng nge I cham ve theih dawn?" tih ang reng min zawt sap sap hlawm mai.




Ka cousin te pawh vawiin chuan an lo thlen kim tawh ka chu ka ring.


Kan khuaa thian ti a ka sawi ve thin te chu,kan khua leh a chhehvelah an vang tawhin haw chang pawn a khawhar thlak thei khawp mai.






"I lo haw ve chhun pawh hian I inzep leh lutuk thin a,ti hi chuan kan inhmelhriat tha duh tawh lovang" Zemawian kan intawh chuan alo ti zung zung mai. "Amak ṭhin e,Lalzemawi, i ṭawng hnem hman lutuk" ka tih chuan a nui hui mai.



Ka alu lei chu rawn melh pahin a nui vur vur a,"In hmeh tur ka hria" a tih chuan nui var var chungin "Tlai ami tur a sin leh" ka tih chuan A awih loh hmêl ngang mai.




"Khawi ka lo khai ang" tih leh rawn ban a rual a,ka phallo chung min chhuhsak lui tlat tho. "Zanah inkhawm ve la" a tih chuan "A thawh dan a zir ani mai" ka tih khum a "Thawk rawh se" thutak fe hian min tih khum zui a,ka hamhaih letling tep zawk ani.





Kan inthleng in ka alu chu min khai chhawk tluan ta zak. Kalkawngah branch KTP hma lakna hrang hrang a sawi chho paha ,he lama inkhawm chu min ti chak ve zual vek.



Zemawia hi kohhranah a inhmang nasa in
vengchhung ami ho pawn an fak zia ka nu ka atangin ka hre tawh bawk. Mahse an sawi tam ber chu "A leng rei ve tawh e,nupui neih a hun tawh" tih ani.



Upa chhia erawh ala ni hauh lo , school a chawlh hma avangin khawtlangah a inhmang nasa a ,mi in an hmu senior zual bik thin niin ka hria.





Zan lamah chuan Zemawian min rawn sâwm nasa bawk nen ,ka hman hma chu kal a tum si lo a ,ka chhungten inkhawm mai tûra min tih vângin ka inkhawm ve ta ngawt.




"Kohhran hi hlau suh u" te min la ti tak deuh deuh zui. Ka cousin te pawh tlai lam khan an lo thleng deuh vek tawh ,phai a awm ho erawh chu an remchang dâwn lo anih hmel.




Inkhawmnaah ka ṭhiante ka hmu leh sia,inkhawm banin haw tlang lo in an inah thingpui te ka inkâwi leh hnuhnawh a. Inkhawm tum vak lo inkhawm mah ni ila nuam ka ti leh phian tho. Zemawia leh Thanngura pawn min zui ve zel tho .






" Kan nula rim tum ber lah chu a lênna piangah kan zui ani sia" an tih chuan ka nuih tawp.Thari lah chuan "In ninawm ve sek" alo ti thung.Thingpui kan inzo chu ka ding deuh uai a ,rang deuhin Zemawia te pahnih an lo ding zui ve vat.




Ka puan siam tha in ka thu leh hmak a,chhuak lo deuh a khuh kharh kharh pahin an hawi kual a "In Calendar avan sial ve Thari" tih pahin an thu thla leh zal zal chu ka lo nuih tet tet mai.



Ka din leh pawh chuan rawn din leh an tum tawh lo reng reng."Ka han haw phawt mai ang" ka tih veleh rang tawkin an dinga "Nih phawt u" tih pahin an chhuak zui nal nal.



"I chhuk leh hma in lo leng leh ngei ngei ang che" a tih chuan ka len ve leh ngei tur thu in ka chhâng . Kawngka bula kan inthlah lai chuan min rawn kuah a "I thingpui chiah a thlum,midang kha chi ka lo telh palh a " a tih chuan inla hrangin amah chu ka en reng.





Hei vang anih dâwn chiah hi an lo tep Chuap Chuap ni ,an thingpui pawh kha no chanve bak an in ka hre lo.



Kan haw kawngah chuan an phun dun nuah nuah mai.

"Thingpui al te in pek ngai emawni?" Zemawian a tih laiin Thannguran " A al si,tuina a nei lo,a hângin min pek mai tur nia"tiin A ṭhian pa chu alo thlawp ve bawk.




Kan inkawt kan thlen chuan , kawmthlang unaunu te inah chuan thawm a tha leh ham ham khawp mai. Ani hi chu A pian leh hmel hian alo zir bawk nen duh der tu angah bawka an inah hian leng pawh an awm nual zel.





"In chhuk tlang ve dâwn em?"


"Dâwn lo"
' ṭhiannu ber ilo haw a,hmun danga len daih te chu A" an tih zawh in kan in lamah an lut nghal.




Ka in thlâk zawh lam chuan kan titi ho a,dar 10 dawnah an haw a. Ka phone ka en chuan number hlâng tang vawithum missed call alo awm hman a,mahse number hlâng tiin ka call let ta lo.



WhatsApp ah hian min lo call tu chuan [Khawngaihin min lo be teh] tih hi a rawn thawn a,ka hriat ngai loh anih vangin tunge anih ka lo zawt thuai.




[Keimah Duhsaka] ka message ka thawn chhuah rual rual chuan A rawn thleng lehnghâl.


Phone dah mai ka tum chu A call a rawn lut zui a,ka la ang nge la lovang ti a ka inkhap buai chhungin a ring zo hman . A rawn tih nawn leh chuan ka pick up ta chauh.




"Ka chanchin i hre vek tawh tiraw" a tih chuan ka bu nghat a,min hmu thei awm tawp si lo. Ka kâ ka an zuauh lai chuan rawn nui hawkin "Phone call ah chuan i bu tih hriat a har" a rawn ti leh a.




A awte chu A tham tiak a, a awki atang pawh chuan zanah a mu tha lo a ni tih ka hrethei. Heti khawp hian kan lo la inhre chiang tawn ang tih ka ring lo.




Higher kan inkal a kan inngaihzawn kha chuan induhna mai ani in ka hria A,khatih hun lai khan hmangaihna awm zia pawh ka hre hek lo. Kan induhna khan kan inkar nghet takin a phuar bet a, kan inngai in a theih hun apiangah chuan kan awm dun ṭhin.





Hmeichhe dang a ngaihsak emaw kei aia ngaihsak zawk a neihin ka thik ṭhin bawk. Ngaihtuah letin khangkha duhna chauh zawng a ni thei hian ka hre lo





Amahah thlamuanna leh hahdamna ka hmu a , a bulah chuan mibik niin ka inhre bawk.



"Hello ila ngaithla tiraw" a rawn tih chuan hnuk ulh teuh chungin "Ngaithla" ka ti lawi rat.




"Ka la hmangaih reng che ka tih kha ila hria êm"

"Ummm...."


"Tûnah pawh ala ngai reng ania" a rawn tih chuan ka mittui a hnam tiam tiam.


"Ka ...ka ...ka tihpalh" hei lo chu sawitur ka hre lo,ka dang te chu an âwk zo vek.



A hma pawh khan nupui fanau a neih loh thu a sawi a engmah ka awih sak lo. "Kan tha leh thei ang tiraw" a rawn tih ril ruih chuan "Ka thei rih lo" ka tih hap chuan "Ka hrethiam e,i bialpa vang kha mi?" A tih leh chuan A nih loh thu in ka chhâng vat.




Ka la inpeih loh thu leh kan kar sawi fel tur chuan hun ka mamawh thu in ka chhâng a. Ani thung chuan "i inpeih hma ka nghâk thei che" a ti thung.



Zanah pawh chuan muhîl thei lo in ka inlet sek a ,dar 3 a ri tak ngial dâwn ,a number save tûra min tih vângin ka save leh thlap.




Ka harh chuan dar 7 a ri dâwn thuak tawh,ka nu in "I mu hil harin ka hria A ka lo kai tho duh lo che anih kha" a ti a. Midang hi chu an lo phu suau suau tawh . Hunserh atan dar 1 an ruat a dar 3 ah ruaiṭhehin a zui nghal dâwn bawk.




"Kan buai bawk sia,ka lo haw hnuah pawh kan la inhmu lo reng reng" Lawmawmin alo chhoh paha a tih chuan "Nia, Zemawian inkhawm turin min sawm lui tlat sia ka inkhawm ve daih a ,chhuk pawh ka la rawn chhuk hman lo anih hi " ka tih ve chuan alo bu nghat nghat.



"Tlai chu leng ve ang u aw,len ho a khat si" a tih chuan ka lo pawm khawp mai. "Mahse ride na tur ka nei lo nia" ka tih chuan "Nei an tam hi ,kan inphur hlawm dawn nia,YMA park leh khawthlir kham velah kal ila hman leh solar plan ah pawh kal ve chakawm " a ti a ,a phur tawh khawp mai.






Kumthum tha ang thawk ve tawh mah ila ,lirthei ka la lei hauh lo,Dpi pawn min hauhna pakhat ani. Ka phone lo rik vângin ka kalsawn a ,ka lâk rual rualin "Mahni khaw nuam ti nu" a rawn tih chuan ka nui chhuak hak.



"Bialpa lem lem pawn ka ngai tho che a, inthen der tawh mah ila min lo la be tho la" a tih chuan "I ṭawng hnem hman thei lutuk a ,ka be peih thin lo che bye" ka tih fiam chuan "Lawk ,engmah ka sawi tawh dawn lo ,la dah bik suh"

"Engmah i sawi dawn loh chuan inbiak angaih loh chu"

"Takzet che hian aw " a rawn ti vawng vawng chu ka lo nuih kar kar.


"Thil min lo hâwn rawh aw,lo haw vat la" a tih chuan ka la fiam chhunzawm chak tlat "Hei ka haw tawh reng A,ka awm hlen ang" ka tih chuan "Awm hlen lo ang,ilo chhuk dâwn loh chuan ka lo hruai tho tho ang che" thutak deuhin a rawn ti charh charh mai.




Inchhûng ka luh chuan tap chhakah chuan ka nu leh pa te an lo thu a. An bulah thu thla ve in ka rilrûk vel ka hrilh a . Kan in hi a rei tawh bakah sak that a hun ve tawh nen sak an bula ka sawi chuan ka nu in "A ngai mawn le" a tih chuan "Ngai ve tawh e,kan insakah in awm hman lo ang tih a hlauhawm alâwm heta ka awm chhungin teh ila chuan khu lamah ka lo design anga" ka ti let ve thung.




"Pawisa khawl sa pawh i nei amawn le,i nau lah hi ala hlawh chhuak tam vak bawk si lo a" Ka pa in A tih ve chuan "A theih ang angin kan ti dâwn lawm kumthum khan ka hlawh ve nual hman a ,ka nau hlawh nen chuan kan ti ve bek bek thei mai ang" ka tih chuan ka pa pawh alo bu nghat nghat.





"Mahse ,hei fûr te ani bawk si a,favang lamah kan ṭhiah theih hmel chauh tlat" a tih chuan ka lo pawm vek,keipawn ka duh ang than in ka buaipui hman mai ka ring bawk.






Vanneihthlaktak in vawiin ah ruah a sur lo hlauh nen kawt velah chuan kan zir deuh nuaih nuaih a,tleirawl ho leh naupang ho pawh an awm ve nawk hlawm .




Hunserh hmang turin kan bialtu upa kan sâwm a, mi pawh kan tha hnem khawp mai.Ka chhungten pawisa tum phallo viau mahse 1000 ka pe lui a,chubâkah salad pawh keiman ka tum lui tlat bawk .





Ka nau ve thungin naupang lawm tih takah naupang ho sem tur sweet alei a,a chang leh a vâwr a,a then phei chu lollipop niin ka hria.




Tlai lamah chuan kan lo tum lawk tawh angin kan leng ta ngei A,kan naupan lai ai khan an lo chei hnum nalh tawh ang reng a.Zopa in pawh alo la ding ve vang mai.


Kan kalna hmun vel a nuam bawk nen status ka up reng mai. Jonathana lah chuan ka status alo chang emaw tih turin A mal te te in a rawn reply chhuak vek.




"Inkhua hi a nawm hmel e" rawn ti pawh an awm nual a,ka lo chhuang thei khawp mai.




Dampuii lah chuan "Ngai deuh tu che chu an awm maw le" alo ti ve chhen mai. Zemawia te ho nen kan leng bawk nen thawm chu tha tak ani.



Matein min lo call chuan rang deuhin ka pick nghal a tawng kan inchuh zui rap rap mai. Ka sawi tum tak erawh midang an awm ve avangin ka sawi lo thung. "Lo chhuk ve daih rawh ,hetah seat ruak a awm ka lo buaipui vek ang che" tiin min sawm leh tawh.




"Min sawm zing si" ka tih chuan " I HMA ka ngai a nih hi " a ti a ,a lung ka ti awi lo em mawni. "In pa chu a fel em" ka tih takah chuan a rawn fak mawi tha hluak hluak khawp mai .





"Nang ve " a rawn tih chuan "Nakinah" tih chiahin ka chhang. Zemawia lah chuan "Kan len pui ve em em che a,phone I hmang tlat a" alo ti ve sek makthei lutuk mai .



Ka cousin dang te pawh thla an lo la sup sup a, ka phone hmang zo chiah chu min lo khawih her lawp pah hian ka darah a vuan a "Lawmawm le" a tia camera in min tih nghal a ,ka lan that pawh ka ring hauh lo ka Meng phar khawp ang .






Zan lamah chuan kan chhuahna vang nge mawni vawt ka ti a reh thei reng reng lo.kawrlum bakah blanket pahnih nen pawh lum ka ti thei meuh lo. Pawna naupang rak chel chul thawm te pawh chu ka hre reng nangin ka tho peih lo.




Ka vawt ti lutuk chuan ka pang a rawn ti lum tana leng an haw fel chua ka khua a sik hluah tawh. Ka nu lo lutin ka pang a rawn khawih chuan min hau nghal hlak hlak mai . Damdawi ei tur min lo pek pawh chuan ka thu chhuak tha peih lo ,ka ei zawh veleh inlukhup in ka khur bauh bauh mai.





Dar 1 dawnah damdawiin min chhawk tan aniang lum ti in ka puan sin pawh ka sin tha peih tawh meuh lo . Ka nu ten puan min lo thuah belh leh nual bawk chu niin .




Zîng ka harh chuan ka ni ten "Avan zia lo ve aw ,alo haw ve tum a" an tih thawm te chu ka hre pha a ka chanchin an sawi anih ka ring.



Dampuiin min lo call chuan ka chhâng tâwk ka dam loh thu ka sawi chuan A rawn phûl hlut mai . "Hetiang renga ka awm chuan chawlh lâk belh ka ngai ang" ka ti a,"Chanchin lo sawi la ,chawlh chu ka lo dil belh sak mai ang che" a rawn ti ve ngial.






Tukṭhuan pawh ei peih lovin ka awm A,nileng chuan ka mu zak pang a kham duh ngat ngat khawp a,tlai a ka harh chuan Dampuiin missed call lo awm nual mai ,Jonathana phei chu vawi 5 chuang lai a awm.




Dampuiin call let hmasa in "Jonathanan i dam lo tih kan inbiak lai khan alo hria A hei lo kal ve a tum a nia ,engtin nge ni dâwn" a rawn tih chuan ka thaw hak.



"Ka tha tih hrilh rawh" ka tih pawhin A tih tawh thu in min chhang a,a rilru a buai ve khawp mai. "Engtin nge ka dam lo tih a hriat reng reng " ka tih chuan inthiam lo tih hriat zetin tim dai hian "kan inbia tih ka sawi a ,eng nge i an min zâwt" a rawn tih chuan ka thaw chhuak halh,rilru an va ti zing mai mai tak aw.





Kan in call lai kha chuan Jonathana bulah a awm ka la ring lo hrim hrim ala hma lutuk tlat. Ka ngawih reng lai chuan"Nangman call mai teh" a a rawn ti a ,"Aw biak kan tum ange ,rawn kal a tul lo hrim hrim riahna tur pawh A awm lo " tiin kan inbiakna chu ti tawpin call ka tum zui a ,ala thei hauh lo lehnghâl.