MANAGER MAMUANA
By Ziki_nu
Chapter-14
Zanriah ei laiin Nu Ruati chuan ka pasal neih tur chungchang a rawn sawi chhuak leh a, ka hne lutuk.
"Bialpa ka nei, pasal zawn sak ka ngailo" ka tih chuan "I rualpui te anga ngaihzawng nei kual mai mai thei I ni tawhlo tih hre ta che, fanu I nei a, a rang lama pasal neih I tan a tha zawk" zamlo fahran hian min ti leh sak a, ka nuih an ti za zawk.
"Ngaihzawng ka nei kual mai mai tih tunge sawi a? U Mamuana nen inneih kan tum, lungngai suh u pasal chu ka nei em em ang" tih pahin ka thleng ka thawh pui a, ka pu'n "A va mak bawk e aw,, chaw ei lai em chuan inhnial suh u" A tih pawh ka chhan zawm peih lo.
Bawihtei chu pawmin bathlarah ka chhuahpui a, rei vak lovah ka putea A rawn chhuak ve nghal zat bawk.
Ka bulah A rawn thu thla a, a phone chu hmet mual mualin ka malchungah a rawn thlen thla zui a, ka en rual chuan "Kha kha ka thawhna company neitu ania, pasala I neih chuan I nuamsa ang" min ti a.
Thlalak chu ka en a, za lo lutuk in ka nui chhuak hawk, "I pawisa sawi leh he mihring hi ka ngainat zawng an ni lo ve" ka ti chang fak a, en reng reng pawhin a kum a upa tawh tih a hriat, ka putea ai pawh hian a upa hial ang chu, rapthlak lutuk.
"luhlul chhuah lovin I tana tha tur ka sawi hi awih mai mai teh, nang ang hi tuman an nei duh dawnlo che" sehchilh zet hian a ti a, ka hlau chhe te lo.
"I duh ang anga min tih kawi I tum anih chuan bansan nghal ang che, pasal ka nei thuai dawn, mahse I boss ni lovin ka mipa hmangaih ngei ka nei ang" ka ti a, In chhung lamah ka luhsan nghal bawk.
Thleng ka seng fel sawk sawk a, Nu Ruati lah chu vawk note buaiin a buai nghal chul bawk si, ka hne nupa lutuk.
Ka thiante an lo thleng khawm leh tak tak a, an rualin U Mamuana pawh a rawn lang ve hlawl mai.
A la hlim chhawn bawk nen ka thiante pawh chuan kan vawk note leh Nupuii chanchin ngawt titi ah an nei a, U Mamuana leh Bawihtei an in chhaih rak teng tung bawk.
"In thiannu hian pasal a neihsan thut mai thei che u ania" Nu Ruati chuan nui sang hian a ti a, a nui hmel phena a thinlung kha lutuk hi amah pawh hian hrehawm a ti thin ang ka ring.
"Ehee U Mamuan, tak tak ami?" Spa'n a tih chuan "U Mamuan a?" ka putea'n a lo ti nghut a, Engtheii nen kan in melh zawk hnuah "Aw,,,, U Mamuana nen an innei tep tawh, tiraw Nu Ruat?" a rawn ti daih a, ka thiannu hi a awmlo ang tih ka hlau.
Ka putea te nupa za vaklo a an nuih laiin U Mamuana ber chuan "Karleh lamah ka chhungte ka be râwn ve anga, palai hmel in hmu thuai ang" a lo ti ve khauh a, a fiamthu nge fiamthu lo pawh ka hrelo e a.
Ka thiante an nui dar dar a, Engtheii nen erawh ka putea te nupa chu hnawk kan ti ru viau thung.
Mikhual kan nei bawk nen ka thiante pawh rei leng lovin an haw leh thuai a, U Mamuana ka thlah lai chuan chhak lamah min lo nghak thap.
"Hlauthawng suh aw, I hmaah ka ding zel dawn ania" a tih chuan nui sakin ka bu deuh nghat a, ka sama a rawn tuai zauh hnu ah "A tul chuan i putea pawh ka be mai ang, ka haw hnuah thil thleng a awm chuan min rawn hrilh ang che" a ti a, ka thianten an nghak thap tawh bawk nen a kal liam tur chu ka thlir zui reng a.
Ka luh leh rual chuan ka rin ang ngeiin chhuat laiah ka putea a lo tei vut vut a, a thinrim hmel kher mai. Nu Ruati leh ka pi leh pute chu thutthleng pakhatah an lo thu thap bawk a, kil khatah Bawihtei a lo tap pur bawk.
Ka pawm kang vat a, pindan lama hruai luh mai ka tum chu "Ding rawh Lalpekhlu" tih ri vang chuan ka ding leh a.
Hawi let lovin ka din ngaiin ka ding reng a, ka dara rawn dawmin min kuai her zui sawk.
"Kha kha maw I ngaihzawng chu, min zah loh zia kha I lo hmu em? Kan awm lai rengin palai tirh te a sawi ngam ania, hre rawh, ka remtihna tel lo chuan I nei hauhlo ang" a ti a, a thinrim hmel chu ka ten hluah hluah.
"I remtih leh tih loh ah ka buai chhe te lo, ka pasal tur chu ka duh ka thlang ang, phallo pawh nila ka nei dawn tho, nanga putar min sawi hmuh ai kha chuan a tha zawk fe" ka ti let ve sak sak a, "Mi va han zahlo e aw Lalpekhlu" tih paha a kut a rawn lek uai chu ka pi in a lo dang vat a,
"In ti lutuk dawn, mut a hun tawh mu phawt ang u" a ti a, min rawn panin Bawihtei chu a la sawk sawk a, puakpuan nen pawn lama awih mut tum tih hriat takin a chhuahpui a.
Ka putea chuan lungawi loh hmel tak hian min melh khui khui reng a, Nu ruati zawkin "Luhlul chhuah tlat lovin tha takin sawi ta mai che, I putea thin I ti rim alawm" a lo ti a, ngawih mai mai ka tum biklo hrim hrim.
"Tha takin ka sawi lo em ni? Ngaihzawng ka nei a, pasal zawn sak ka ngailo ka tih kha, bakah pasal nei tura min duh em em chhan hi min hmangaih vang ni pawhin ka hrelo e a, min dah bo bak hi in ngaihtuah ve tak tak lo" ka ti a, "Lalpekhlu" tih ri bawk in a zawm leh zat mai!!
"Akhaii, duh tawk tawh em em rawh u, a zahthlak lutuk" tia ka pu a rawn tawng ve takah chuan ka putea pawh a ngawi a, bathrooma ka in tihfel hnuah ka pi pawh Bawihtei paw chung chuan a rawn lut a, ka muttir hnuah ka pi chu pindan atanga chhuak ta mai lovin khumah a thu ta reng a, a bula ka thutthlak ve rual chuan,
"Ngahnge maw I putea te I hnial vak thin le?" min ti a, a vin hauhlo, zawi te in a tawng naa, a awri ah chuan hai rualloh natna a lang tel tih ka hre bawk.
"Ka ngawi mai mai dawn tawhlo ka tih kha ka pi, ka pu nen in hriat loh thil tam tak a awm a, hriat hun pawh in la nei mai thei, puitling ka ni ve tawh a, ka duhthlanna hmang thei tur in ka puitling ve tawh bawk alawm, nangni pawhin hrilhfiah tum ve ula, U Mamuana nen kan chungchang in hre vek a, ka putea sawi te kha chu putar alawm, bakah hmelhriat loh laka lawi ringawt turin min phal em ni?" ka ti malh malh a, Ka thinrim tawhlo, ka hlauthawng tawh zawkin ka hria!!
"Chutiangin kan phallo tih I hriat kha, mahse I putea te nupa I biak dan kha chu a dik bik hleinem , an chhungkaw tel lo chuan kan harsat thin zia I hriat chian em kha" a ti a, "Chu thu bawk chu tinge I sawi chhuah leh a, in fapa ania, enkawl cheu chu a tih tur alawm, Ngatinge maw an thatna phena thil dang awm hi in hmuh thiam theih reng reng loh ni" ka ti a, ka tawng zawi viau.
Ka pi te chu a thaw chhuak ve ham ham a, beidawn hmel deuha min en chang hi chuan ka lo na ve ngawih ngawih thin.
A kut chuar ve tawh tak leh a hna thawhna avanga ro rap chu vuan in ka hum vang vang a, "Pi, min ring rawh, engpawh thleng se min ring turin ka duh che a ni, Pathian pawh kan lamah a tang anga, kan nghei biklo tawp ang" ka ti leh sap a, "Ni e, mu tawh rawh, Nupuii a awm tawh bawk si lo a, zanin chu vawk in lamah ka che leh rih ang" a ti a, puih ka tum chuan min hnial leh tlat tawh a, min chhuah San hnu ah mu tha sat sat pahin ka phone ka on a, U Mamuana message a lo awm leh tawh.
*Thil thleng a awm em?* a ti a, a awm palh chuan be turin min ti kha nia, amah zawkin a rawn ngaihven nghal vat mai.
*Kan in hnial leh deuh a, mahse a zia* Ka tih chuan a seen nghal vat a, tunlai chu vawk kan sawiloh leh kan chhungkaw buaina ngawt kan sawi a, ka inthlahrung tawh zawk.
*Ka sawi kha aw, a tul chuan keiman ka be mai ang* a rawn ti leh a, *Awle* tih bakin ka chhang tawhlo.
Ka putea rilru kawi lutuk chuan U Mamuana thil sawi te chu engahmah a ngaihsak duh teuhlo mai, a biak hma aiin a thinrim zual sauh emaw a nia nga, a tihchi loh lutuk ringawt.
*I nu te chu vawiin ah an chhuk ta ami* ka tihchuan a rawn call nghal a, ka chhang hreh viau na in lak loh ngawt ka hreh bawk si a, "Hello" zawi deuh sapa ka tih chuan a hrethiam aniang "Reilo te" a lo ti nghal zat a, a nui ri suk in ka hria!
"Ka nu hnenah kan In kar kha ka hrilh a" a tih chuan "Engtinnge a tih?" ka lo ti vat a, "Engtin vak ti lo e, remchangah mumal taka hmuh ve che an in beisei ang, I putea te lam thlir in inneih vat a ngaih hmel a, chumi hma chuan kan in ah te pawh I lo kal hmasak ve a tha bawk ang" a ti ta zel a, "Mahse" ka tih chuan "Sawi rawh" a lo ti vat.
"Sangbawihi" ka ti sap chu a thaw chhuak deuh hawk a, sawi hreh nei ni awm taka a ngawi zui vung vung chuan engkim min hrilh vek zawk niin ka hria!
(Dah loh aia dah mai mai chauh aw... Naktui zanah kan zawm dawn nia)
MANAGER MAMUANA Ch-14 by Ziki_nu
Moderator: writers
ZAWMNA
"I sawi tum chu ka hre thiam, ka dah phawt ang aw, mutthilh ka duh a" ka ti a, thildang a sawi leh hma in ka off zui daih bawk.
Ka phone hum ran chung chuan ka thaw chhuak ham ham a, a rawn rik leh chur chur takah chuan ka en leh thuai a, U Mamuana bawk a ni. Sawi tur ka hrelo a, a thilsawi tur lah ngaihthlak chakna ka nei heklo. Chhang lovin ka lukham hnuaiah ka rawlh lut zal zal a, muhil thei dawn hauhlo mah ila muthhilh tumin mit ka chhing vang vang tho.
Mahni inkhawngaihna in min rawn tuam leh nghal hlup hlup a, vanduai bik nia in ngaihna chuan ka mittui a ko chhuak leh ringawt tawh.
Vanduaina ka tawh atanga ka beiseina awmchhun chu kei leh ka fanu min hmangaih em em Tu tawn a ni a, tunah hian ka tawng ta bawkin ka in hria.
Mahse ka ngaihtuah thlen ngai hauhloh a chhungte an lo lang a, kei ang thingtlang mi, nuthlawi leh nghal chu mo atan tuman min awt lo ang. Mi sawi hmangah U Mamuana chu fapa mal a ni a, an chhungkua an harsa hauhlo ang tih a nu hmel ka hmuh atang khan ka hre thei nghal bawk, an fapa nupui atan chuan min awt viau lo ang.
Ka bek huh hluam chu tuai hulin ka in sût ri zui hraih a, ngawi rengin ka mu meng kar ringawt.
Zinglamah ka chhing sek anih ka ring ka piin min rawn kaih thawh chuan Bawihtei pawh a lo tho daih tawh a, dar 7 a pel thui tawh lutuk ringawt.
"Sangbawihi chu i pu nen an in kai chhuak anih kha, chawhmeh thing chhuang lum la, chaw ei kan hman a ni mai" ka pi'n a tih chuan thutthleng seiah thu in Nu Ruati chuan thingpui a lo in a, a thawh na ala rei vak biklo tih a hmelah a lang reng.
"Nizanah i tlaivar leh em ni pi?" Ka tih chuan "Tlaivar lo e" a lo ti ringawt a, Nu Ruati awm laia sawi chu a duh ka ringlo reng a ni.
"Vawkte chu pathum kan hauh ni se la, a bak chu in chang thung dawn nia" tih pahin a thingpui chu a dawt ri zui khalh a, ka nuih a ti za zawk.
Tawng tuma ka ân zuau laiin ka pi chuan ka banrekah min lo chelh a, "Ni e, pathum man te chu in phu ve bawk alawm, a chaw man zawng zawng in rawn tum ziah a" ka pi chuan a ti luam a, awih awmloh lutuk. Vawk chaw tur kan lei avanga mamawh dang kan lei loh a tam emai, bakah a chaw man chu rawn tum ziah pawh ni se an chhungkaw tan chhiatna engmah a awmlo a, phût let nei tur an ni lo hrim hrim, mihring duhamna hian chintawk a neilo an tih hi an nupa ah hian a langchiang thlawt.
"Vawkte pathum kan hralh velah pawisa chu in dawng em em ang, haw thla vat ula ka ti e, Vli ka ngaihtuah" ka ti daih a, ka sawi chhan chu inchhung a awmte chuan kan hrethiam vek tho ang.
Nu Ruati chu nui lui tih hriat zet hian a nui hak hak a, a thingpui in na no chu chhuata nghat chawrh pahin "Kan haw em em ang Merte, chaw ei khamah kan haw nghal ang" a ti a, pawn lamah a chhuak zuai nghal daih bawk.
"A mak e aw,, chhungkuaa buaina a chhuah a hlauhawm tehreng nen, thil tullo pui pui hi lo sawi ve ziah suh" tiin ka pi in min hau a, "An duham em anih kha, haw vang vang rawh se" tih pahin choka lam ka pansan ve a, ka pi leh pute rilru tur ka ngaihtuah lo theilo a, ka tawng na mah mah thin tih pawh ka in hria mah se ka insum theihna hiana tlin thlawt bik thin lo a ni.
Tukthuan ei naah pawh kan reh thiap hlawm, aNu Ruati'n zinga ka thil sawi kha ka putea a hrilh tih min melh dan atang a chiang reng, "Chaw ei khamah kan haw ang" ka putea'n atih chuan engmah hre ve lo ka pu chuan "Ngati teh thut nge in va hmanhmawh ve" alo ti thuai a,
"Vli amah chauhin a awm a, a ngaihtuahawm alawm" tiin ka lo chhan khalh a, an nupa chuan min en reng tih hre mah ila ka melh duhlo lui ngat tho.
An haw liam hnu chuan ka thaw huai thei hial in ka hria, ka pi in vawk chaw lei turin min ti a, a chaw pangai pe reng theilo mah ila pawlh tur tal kan lei ve thin, chu vang ania Nu Ruati te nupa kha an pawr em em.
Ka pi in vawk chaw bag lei turin min ti a,
"Tawlailir khan va nawr ula, Bawihtei hruai la hmanhmawh lo mai rawh, Pu nghaka ka biak sa kha" atih chuan peihlo deuhin ka nur nang a, tlangval neih loh chuan tlangval cheta chet a ngai ziah a, ka pu a chak tawhlo si, mipa tih chi a awm hi chuan a ninawm thei ania aw...
"I duh leh Spa te sawm la" ka pu'n a tih chuan "School chawlh lai ania, hna an thawk vek ang" ka ti a, Engtheii pawh ka sawm peihlo, amah a lo len hmasak loh chuan Nu Edeni a den thei emai.
Sangbawihi chu tawlailirah chuan thut tir in kan in nawr phei bap bap a, dawr kawt kan thlen chuan school ka kal ve laia ka kaam ve thin Judy nen kan in tawk hlawl a, apron a hren tup danah Nu Zuali thingpui dawrah khan a la thawk tih a chiang reng.
"Eheee Mertei chu kan van inhmu khat em em" tih pahin Bawihtei chu a pawm kang zui lawp a, "A van lian tawh ve" tih zawng a sawi.
Sawi tawp chuan Judy hi chu nun over ve chi ania, school ka ban kum khan a bang ve daih a, thildang pawh a zir zawm chuanglo, a lerh ve chi ania, U Remruata pawh kha a star thei lutuk ringawt.
Mahse ani lah khan keimah zawk min duh daih sia, mi zingah min rel thin tih pawh ka hria, nun ho ve chi anih avangin engah vak ka ngailo a, inhmuh changa tha deuha min lo biak chuan tha deuhin ka lo chhang ve mai zel.
Rin lawk ang ngeiin "U Remruata nen in la inbe ngai em?" Min ti a, kan inbiak ngailoh thu ka sawi chuan awihloh hmel fe a min melh pahin "Tihian in tia nga, in innei leh daih si ange" min ti a, ka nui ringawt.
A la upat bikloh nen kan rualpui a ngaizawng ngai meuhlo a, bialpa chu kan khua ah ringawt pawh a ngah tawh lutuk ringawt, tlangval pui pui zu duh deuh ho hi a duhzawng an ni aniang, miin an sawi nasa thei emai, a hmelchhe lo va, a over tih loh chu zai pawh a thiam lutuk.
"Ka hmanhmawh" a tih avangin min kalsan leh thuai a, Pu Nghaka nen dawr kawtah vawk chaw bag kan zawn chhuak a, kan chak lo dun si, a hahthlak lutuk ringawt.
Pawisa kan in pek fel laiin U Mamuana a rawn lang hlawl a, inrinni ah office kal ang maia a nalh zur chuan ka mit a lo la nghal chat, min biak hmasak loh chuan biak ka la tum lo bur a,
"Vawk chaw em ni?" a tih takah chuan ka bu nghat a, " Kenpui in ngai em?" a tih chuan ka chhan hma in Pu Nghaka'n "Va nawr phei puitak teh, an nufa ringawt hi chuan an thleng har awm emai" a lo ti a, customer dang a neih avangin min luh san leh nghal thung.
Bawihtei nen chuan an in pawm leh chat tawh a, min en reng tih hre mah ila hmun dang ka hawi lui tlat thung.
"I thinrim em ni?" a tih chuan lu ka thing a, thaw chhuak hawkin Bawihtei hnenah chuan "Anu hi a lungawi lo tlat a, engtinnge kan tih ang?" te a ti vel a, tum loh deuhin ka nui leh ringawt tawh.
"Tak tak a, zanin I chhuak thei angem?" a tih chuan "Tinge?" ka lo ti thung a, "Eng emaw sawi dun tur kan nei a, nang pawn I hriat kha" a ti sup a, chiang taka sawi dun ngei kan ngai dawn tih ka hriat avangin ka bu nghat a, "Ka lo tum ang" ka tih chuan nui sukin Bawihtei chu lei ah a dah thla a.
"Nawr phei pui chu in ngai lo tak tak ang maw?" a ti leh hnuhnawh a, "Ngailo, kan thleng thei mai ang, inrinni ah i va nalh ve" ka tih chuan "Nia kan pute an lo kal thut a, thingpui hmeh lei turin ka lo chhuak zawk" a ti a, chutiangte chu nawrpui pawh ngai ila a hman tawp nang.
Tha tete a kan in mangtha hnuah Bawihtei chuan tawlailir chungah chuan a ngen leh tlat a, vawk chaw bag nen chuan ka nawr phei tuah tuah mai.
In kan thlen chuan vawk chaw pawh dah chhuak hmasa lovin inchuungah kan lut hmasa a, Engtheii lo thu kur chu melh vakin "Engnge i rawn tih a?" ka ti a, ka guitar a pawm lai chu dah thla in
"Enge ka rawn tih vak ang, ka rawn leng anih hi" a ti hluai a, "Nu Edeni'n len a phal ka ring lo a, vawk chaw lak puiah pawh ka sawm duhlo che a" ka tih chuan "Phallo e, min insuk tir char char a, ka zar zawh rualin ka rawn leng tlang daih anih hi, hei kan clip bawm pawh ka la ak" tih pahin a nghawnga a thil ah chu a rawn ti lang a, an clip bawm a ni tak tak.
"I va huai thei tak, a lo call leh tho ang che" ka tih lahin "Phone ka keng hleinem" a ti leh then a, a va han thawveng bik hluah hluah tak.
Bawihtei hnute ka siam zawhah ka thiannu bulah chuan thu thla in Judy ka hmuh thu chu ka hrilh a, ka sawi ruala a meng phawk nghal lutuk chu ka rap lek lek a ni.
"" Awiii saw mihring nu over lutuk saw chu ka pawi sawi miah lo mah se ben let tawp tawp hi ka chak thin" a ti hluai a, "Mi rel hi ka duh ngailo mahse Judy kher saw chu, a over ve thlawt a" a ti leh hluai a, kawmchar atanga ka pi rawn lut chuan a lo hre pha aniang,
"Ve vak vak che hian Muanengthei, midang sawisel ve chiam turin engmah i nih bikloh kha" a rawn ti a, an pahniha an inhnial fuh tawh chuan tawngna hun ka chang ve tawh ngailo.
"Judy te chu hriat pawh i hre ve ami? Tlangval zu duh deuh deuh a kawp kual a, school kallo in a heheu kual mai mai bawk si, mihring nun inthlahdah chu a mah ang saw an ni mai" Engtheii lah chuan a la ti ta deuh deuh a, ka pi chuan rawn thut chilh meuhin,
"Hre tehreng mai, Mapuii fanu Judy saw ka hre lutuk, a mipa kawpte chu tu te pawh lo ni se kohhran ah a inhmang a, thalai pawlah pawh a tangkai pawl a ni, nangni thianho hian in tluk reng reng hleinem" a ti leh a, boruak chu a so sang tawh khawp mai.
"Nahhh ka pi Sawii chu, a langa an rawngbawla in ngaisang vak zel hi lawm thalo, ngun deuhin ngaihtuah ula, an rawngbawlna leh an khawsak dan a inmil em tih teh, thalai pawla an in hman dan leh an thuamhnaw hak duhzawngte en mil ve ula, tam tak hi chuan Pathian rawng ni lovin kohhran leh mipui rawng chauh asin an bawl, tih tak em ah chuan keini pawh Judy tih ang chu kan ti ve thei vek, kan peihlo mai mai" ka thiannu chuan a ti leh duah a, a sawi tawp lam erawh a zawi viau.
"Mai mai che hian aw, Judy nungchangte chu nangni aiin kan hrechiang daih zawk, hetiang a ni chunga kohhran a belh hram hram na hian a nun a kaihruai reng alawm, kohhran leh thalai pawla in hman hian nundan kawng tam tak min zir tir a, mi pangaia min siamtu anih hre ta che u, nangni ve hi zawng, in hawi vual vual a, chhungkaw tan in tangkai lo si, inkhawm zat zat tawh ang che u, Edeni pawh ka hrilh dawn" ka pi chuan a ti ta khar khar a, an in hnial thinrim mai dawna ka hriat avangin ka pi chu vawkte chungchang ka zawt ta daih a,
An thilsawi kha ngaihtuah zui ve ve tham a tlingin ka hria, rawngbawltu kan in tih lai hian kan rawngbawl dan hian Pathian lung a ti awi em tih kan in zawh fo a tul khawp mai. Ka pi thusawi pawh kha ka thlawp thlap, eng ang mi pawh ni ila, Pathian leh a kohhran kan belh hram hram na hian kan nunah rah tha zawk a chhuah ngei ngei ang, keipawh tun ang hi ka dinhmun ni lo se chuan ka theih tawpa rawngbawl ve ngei ka duh ang.
Engtheii'n ka pi thin a ti rim laklawh bawk si a, vawk chaw chhum min vil tir a, a khu duh bawk si, kan in khuh chhawk reng ringawt.
"Thil sawipui duh che ka nei ania" a tih chuan a thutak hmel bawk nen "Sawi la" ka lo ti ve mai a, "U Mamuana nen zingah kan in bia a, a zawng zawng chu min hrilh duhlo na in, inneih lam in hniah tih ka hria a, ka lawmpui che, mahse.... "
a ti a, a sawi tum ka hriat tho avangin ka lo nuih sak a, "Nuthlawi ka ni tlat a" ka tih chuan "Chutak chu" a lo ti hluai a, ka kut chu rawn vuan in,
"Sangbawihi pa hi Tu hnenah mah i la sawi chhuaklo tih ka hria, mahse nun thar a bul tan i duh tak tak anih chuan U Mamuana hi i hriat tir ve ngei a tul in ka hria, a duh em em che a, Sangbawihi nena hmangaih taka enkawl cheu a duh tih pawh ka hria, a pa chu hrilh la, chu chuan harsatna in inkarah a thlen pha dawn chuang em ni?" a ti duah a, fiamthu thawh hmel a pulo a, chutiang hun pawh chu a nilo hrim hrim.
Ka thaw chhuak ham ham a, ka putea hmel ka mitthla rualin mit ka chhing zui sawk bawk.
"Nawr luih che ka tum lo a, mahse U Mamuana i hriat tir ve ngei chu a ngaiin ka hria" a ti nawn leh a, "Umm, ka hrilh em em ang, engkim ka hrilh vek dawn a ni" ka ti ve sap a.
End of chapter-14
NOTE: Ka zawm hun tura ka sawi ah ka note type sa a bo avangin ka zawm thei lo a, in mi ngaihdamna ka dil nghal ni se la, ka thawnthu te in lo ngaichang ve thin anih chuan WhatsApp group lamah info kan in pe thin a, fb lama sawi vek a har avangin in lo join ve theih dawn ania..
Group link
https://chat.whatsapp.com/J9Mq1ulA3Jx9klwcpJ4Ixd
"I sawi tum chu ka hre thiam, ka dah phawt ang aw, mutthilh ka duh a" ka ti a, thildang a sawi leh hma in ka off zui daih bawk.
Ka phone hum ran chung chuan ka thaw chhuak ham ham a, a rawn rik leh chur chur takah chuan ka en leh thuai a, U Mamuana bawk a ni. Sawi tur ka hrelo a, a thilsawi tur lah ngaihthlak chakna ka nei heklo. Chhang lovin ka lukham hnuaiah ka rawlh lut zal zal a, muhil thei dawn hauhlo mah ila muthhilh tumin mit ka chhing vang vang tho.
Mahni inkhawngaihna in min rawn tuam leh nghal hlup hlup a, vanduai bik nia in ngaihna chuan ka mittui a ko chhuak leh ringawt tawh.
Vanduaina ka tawh atanga ka beiseina awmchhun chu kei leh ka fanu min hmangaih em em Tu tawn a ni a, tunah hian ka tawng ta bawkin ka in hria.
Mahse ka ngaihtuah thlen ngai hauhloh a chhungte an lo lang a, kei ang thingtlang mi, nuthlawi leh nghal chu mo atan tuman min awt lo ang. Mi sawi hmangah U Mamuana chu fapa mal a ni a, an chhungkua an harsa hauhlo ang tih a nu hmel ka hmuh atang khan ka hre thei nghal bawk, an fapa nupui atan chuan min awt viau lo ang.
Ka bek huh hluam chu tuai hulin ka in sût ri zui hraih a, ngawi rengin ka mu meng kar ringawt.
Zinglamah ka chhing sek anih ka ring ka piin min rawn kaih thawh chuan Bawihtei pawh a lo tho daih tawh a, dar 7 a pel thui tawh lutuk ringawt.
"Sangbawihi chu i pu nen an in kai chhuak anih kha, chawhmeh thing chhuang lum la, chaw ei kan hman a ni mai" ka pi'n a tih chuan thutthleng seiah thu in Nu Ruati chuan thingpui a lo in a, a thawh na ala rei vak biklo tih a hmelah a lang reng.
"Nizanah i tlaivar leh em ni pi?" Ka tih chuan "Tlaivar lo e" a lo ti ringawt a, Nu Ruati awm laia sawi chu a duh ka ringlo reng a ni.
"Vawkte chu pathum kan hauh ni se la, a bak chu in chang thung dawn nia" tih pahin a thingpui chu a dawt ri zui khalh a, ka nuih a ti za zawk.
Tawng tuma ka ân zuau laiin ka pi chuan ka banrekah min lo chelh a, "Ni e, pathum man te chu in phu ve bawk alawm, a chaw man zawng zawng in rawn tum ziah a" ka pi chuan a ti luam a, awih awmloh lutuk. Vawk chaw tur kan lei avanga mamawh dang kan lei loh a tam emai, bakah a chaw man chu rawn tum ziah pawh ni se an chhungkaw tan chhiatna engmah a awmlo a, phût let nei tur an ni lo hrim hrim, mihring duhamna hian chintawk a neilo an tih hi an nupa ah hian a langchiang thlawt.
"Vawkte pathum kan hralh velah pawisa chu in dawng em em ang, haw thla vat ula ka ti e, Vli ka ngaihtuah" ka ti daih a, ka sawi chhan chu inchhung a awmte chuan kan hrethiam vek tho ang.
Nu Ruati chu nui lui tih hriat zet hian a nui hak hak a, a thingpui in na no chu chhuata nghat chawrh pahin "Kan haw em em ang Merte, chaw ei khamah kan haw nghal ang" a ti a, pawn lamah a chhuak zuai nghal daih bawk.
"A mak e aw,, chhungkuaa buaina a chhuah a hlauhawm tehreng nen, thil tullo pui pui hi lo sawi ve ziah suh" tiin ka pi in min hau a, "An duham em anih kha, haw vang vang rawh se" tih pahin choka lam ka pansan ve a, ka pi leh pute rilru tur ka ngaihtuah lo theilo a, ka tawng na mah mah thin tih pawh ka in hria mah se ka insum theihna hiana tlin thlawt bik thin lo a ni.
Tukthuan ei naah pawh kan reh thiap hlawm, aNu Ruati'n zinga ka thil sawi kha ka putea a hrilh tih min melh dan atang a chiang reng, "Chaw ei khamah kan haw ang" ka putea'n atih chuan engmah hre ve lo ka pu chuan "Ngati teh thut nge in va hmanhmawh ve" alo ti thuai a,
"Vli amah chauhin a awm a, a ngaihtuahawm alawm" tiin ka lo chhan khalh a, an nupa chuan min en reng tih hre mah ila ka melh duhlo lui ngat tho.
An haw liam hnu chuan ka thaw huai thei hial in ka hria, ka pi in vawk chaw lei turin min ti a, a chaw pangai pe reng theilo mah ila pawlh tur tal kan lei ve thin, chu vang ania Nu Ruati te nupa kha an pawr em em.
Ka pi in vawk chaw bag lei turin min ti a,
"Tawlailir khan va nawr ula, Bawihtei hruai la hmanhmawh lo mai rawh, Pu nghaka ka biak sa kha" atih chuan peihlo deuhin ka nur nang a, tlangval neih loh chuan tlangval cheta chet a ngai ziah a, ka pu a chak tawhlo si, mipa tih chi a awm hi chuan a ninawm thei ania aw...
"I duh leh Spa te sawm la" ka pu'n a tih chuan "School chawlh lai ania, hna an thawk vek ang" ka ti a, Engtheii pawh ka sawm peihlo, amah a lo len hmasak loh chuan Nu Edeni a den thei emai.
Sangbawihi chu tawlailirah chuan thut tir in kan in nawr phei bap bap a, dawr kawt kan thlen chuan school ka kal ve laia ka kaam ve thin Judy nen kan in tawk hlawl a, apron a hren tup danah Nu Zuali thingpui dawrah khan a la thawk tih a chiang reng.
"Eheee Mertei chu kan van inhmu khat em em" tih pahin Bawihtei chu a pawm kang zui lawp a, "A van lian tawh ve" tih zawng a sawi.
Sawi tawp chuan Judy hi chu nun over ve chi ania, school ka ban kum khan a bang ve daih a, thildang pawh a zir zawm chuanglo, a lerh ve chi ania, U Remruata pawh kha a star thei lutuk ringawt.
Mahse ani lah khan keimah zawk min duh daih sia, mi zingah min rel thin tih pawh ka hria, nun ho ve chi anih avangin engah vak ka ngailo a, inhmuh changa tha deuha min lo biak chuan tha deuhin ka lo chhang ve mai zel.
Rin lawk ang ngeiin "U Remruata nen in la inbe ngai em?" Min ti a, kan inbiak ngailoh thu ka sawi chuan awihloh hmel fe a min melh pahin "Tihian in tia nga, in innei leh daih si ange" min ti a, ka nui ringawt.
A la upat bikloh nen kan rualpui a ngaizawng ngai meuhlo a, bialpa chu kan khua ah ringawt pawh a ngah tawh lutuk ringawt, tlangval pui pui zu duh deuh ho hi a duhzawng an ni aniang, miin an sawi nasa thei emai, a hmelchhe lo va, a over tih loh chu zai pawh a thiam lutuk.
"Ka hmanhmawh" a tih avangin min kalsan leh thuai a, Pu Nghaka nen dawr kawtah vawk chaw bag kan zawn chhuak a, kan chak lo dun si, a hahthlak lutuk ringawt.
Pawisa kan in pek fel laiin U Mamuana a rawn lang hlawl a, inrinni ah office kal ang maia a nalh zur chuan ka mit a lo la nghal chat, min biak hmasak loh chuan biak ka la tum lo bur a,
"Vawk chaw em ni?" a tih takah chuan ka bu nghat a, " Kenpui in ngai em?" a tih chuan ka chhan hma in Pu Nghaka'n "Va nawr phei puitak teh, an nufa ringawt hi chuan an thleng har awm emai" a lo ti a, customer dang a neih avangin min luh san leh nghal thung.
Bawihtei nen chuan an in pawm leh chat tawh a, min en reng tih hre mah ila hmun dang ka hawi lui tlat thung.
"I thinrim em ni?" a tih chuan lu ka thing a, thaw chhuak hawkin Bawihtei hnenah chuan "Anu hi a lungawi lo tlat a, engtinnge kan tih ang?" te a ti vel a, tum loh deuhin ka nui leh ringawt tawh.
"Tak tak a, zanin I chhuak thei angem?" a tih chuan "Tinge?" ka lo ti thung a, "Eng emaw sawi dun tur kan nei a, nang pawn I hriat kha" a ti sup a, chiang taka sawi dun ngei kan ngai dawn tih ka hriat avangin ka bu nghat a, "Ka lo tum ang" ka tih chuan nui sukin Bawihtei chu lei ah a dah thla a.
"Nawr phei pui chu in ngai lo tak tak ang maw?" a ti leh hnuhnawh a, "Ngailo, kan thleng thei mai ang, inrinni ah i va nalh ve" ka tih chuan "Nia kan pute an lo kal thut a, thingpui hmeh lei turin ka lo chhuak zawk" a ti a, chutiangte chu nawrpui pawh ngai ila a hman tawp nang.
Tha tete a kan in mangtha hnuah Bawihtei chuan tawlailir chungah chuan a ngen leh tlat a, vawk chaw bag nen chuan ka nawr phei tuah tuah mai.
In kan thlen chuan vawk chaw pawh dah chhuak hmasa lovin inchuungah kan lut hmasa a, Engtheii lo thu kur chu melh vakin "Engnge i rawn tih a?" ka ti a, ka guitar a pawm lai chu dah thla in
"Enge ka rawn tih vak ang, ka rawn leng anih hi" a ti hluai a, "Nu Edeni'n len a phal ka ring lo a, vawk chaw lak puiah pawh ka sawm duhlo che a" ka tih chuan "Phallo e, min insuk tir char char a, ka zar zawh rualin ka rawn leng tlang daih anih hi, hei kan clip bawm pawh ka la ak" tih pahin a nghawnga a thil ah chu a rawn ti lang a, an clip bawm a ni tak tak.
"I va huai thei tak, a lo call leh tho ang che" ka tih lahin "Phone ka keng hleinem" a ti leh then a, a va han thawveng bik hluah hluah tak.
Bawihtei hnute ka siam zawhah ka thiannu bulah chuan thu thla in Judy ka hmuh thu chu ka hrilh a, ka sawi ruala a meng phawk nghal lutuk chu ka rap lek lek a ni.
"" Awiii saw mihring nu over lutuk saw chu ka pawi sawi miah lo mah se ben let tawp tawp hi ka chak thin" a ti hluai a, "Mi rel hi ka duh ngailo mahse Judy kher saw chu, a over ve thlawt a" a ti leh hluai a, kawmchar atanga ka pi rawn lut chuan a lo hre pha aniang,
"Ve vak vak che hian Muanengthei, midang sawisel ve chiam turin engmah i nih bikloh kha" a rawn ti a, an pahniha an inhnial fuh tawh chuan tawngna hun ka chang ve tawh ngailo.
"Judy te chu hriat pawh i hre ve ami? Tlangval zu duh deuh deuh a kawp kual a, school kallo in a heheu kual mai mai bawk si, mihring nun inthlahdah chu a mah ang saw an ni mai" Engtheii lah chuan a la ti ta deuh deuh a, ka pi chuan rawn thut chilh meuhin,
"Hre tehreng mai, Mapuii fanu Judy saw ka hre lutuk, a mipa kawpte chu tu te pawh lo ni se kohhran ah a inhmang a, thalai pawlah pawh a tangkai pawl a ni, nangni thianho hian in tluk reng reng hleinem" a ti leh a, boruak chu a so sang tawh khawp mai.
"Nahhh ka pi Sawii chu, a langa an rawngbawla in ngaisang vak zel hi lawm thalo, ngun deuhin ngaihtuah ula, an rawngbawlna leh an khawsak dan a inmil em tih teh, thalai pawla an in hman dan leh an thuamhnaw hak duhzawngte en mil ve ula, tam tak hi chuan Pathian rawng ni lovin kohhran leh mipui rawng chauh asin an bawl, tih tak em ah chuan keini pawh Judy tih ang chu kan ti ve thei vek, kan peihlo mai mai" ka thiannu chuan a ti leh duah a, a sawi tawp lam erawh a zawi viau.
"Mai mai che hian aw, Judy nungchangte chu nangni aiin kan hrechiang daih zawk, hetiang a ni chunga kohhran a belh hram hram na hian a nun a kaihruai reng alawm, kohhran leh thalai pawla in hman hian nundan kawng tam tak min zir tir a, mi pangaia min siamtu anih hre ta che u, nangni ve hi zawng, in hawi vual vual a, chhungkaw tan in tangkai lo si, inkhawm zat zat tawh ang che u, Edeni pawh ka hrilh dawn" ka pi chuan a ti ta khar khar a, an in hnial thinrim mai dawna ka hriat avangin ka pi chu vawkte chungchang ka zawt ta daih a,
An thilsawi kha ngaihtuah zui ve ve tham a tlingin ka hria, rawngbawltu kan in tih lai hian kan rawngbawl dan hian Pathian lung a ti awi em tih kan in zawh fo a tul khawp mai. Ka pi thusawi pawh kha ka thlawp thlap, eng ang mi pawh ni ila, Pathian leh a kohhran kan belh hram hram na hian kan nunah rah tha zawk a chhuah ngei ngei ang, keipawh tun ang hi ka dinhmun ni lo se chuan ka theih tawpa rawngbawl ve ngei ka duh ang.
Engtheii'n ka pi thin a ti rim laklawh bawk si a, vawk chaw chhum min vil tir a, a khu duh bawk si, kan in khuh chhawk reng ringawt.
"Thil sawipui duh che ka nei ania" a tih chuan a thutak hmel bawk nen "Sawi la" ka lo ti ve mai a, "U Mamuana nen zingah kan in bia a, a zawng zawng chu min hrilh duhlo na in, inneih lam in hniah tih ka hria a, ka lawmpui che, mahse.... "
a ti a, a sawi tum ka hriat tho avangin ka lo nuih sak a, "Nuthlawi ka ni tlat a" ka tih chuan "Chutak chu" a lo ti hluai a, ka kut chu rawn vuan in,
"Sangbawihi pa hi Tu hnenah mah i la sawi chhuaklo tih ka hria, mahse nun thar a bul tan i duh tak tak anih chuan U Mamuana hi i hriat tir ve ngei a tul in ka hria, a duh em em che a, Sangbawihi nena hmangaih taka enkawl cheu a duh tih pawh ka hria, a pa chu hrilh la, chu chuan harsatna in inkarah a thlen pha dawn chuang em ni?" a ti duah a, fiamthu thawh hmel a pulo a, chutiang hun pawh chu a nilo hrim hrim.
Ka thaw chhuak ham ham a, ka putea hmel ka mitthla rualin mit ka chhing zui sawk bawk.
"Nawr luih che ka tum lo a, mahse U Mamuana i hriat tir ve ngei chu a ngaiin ka hria" a ti nawn leh a, "Umm, ka hrilh em em ang, engkim ka hrilh vek dawn a ni" ka ti ve sap a.
End of chapter-14
NOTE: Ka zawm hun tura ka sawi ah ka note type sa a bo avangin ka zawm thei lo a, in mi ngaihdamna ka dil nghal ni se la, ka thawnthu te in lo ngaichang ve thin anih chuan WhatsApp group lamah info kan in pe thin a, fb lama sawi vek a har avangin in lo join ve theih dawn ania..
Group link
https://chat.whatsapp.com/J9Mq1ulA3Jx9klwcpJ4Ixd
| Link: | |
| BBcode: | |
| HTML: | |
| Hide post links |
Ziki_nu wrote: ↑January 15th, 2024, 9:57 pmZAWMNA
"I sawi tum chu ka hre thiam, ka dah phawt ang aw, mutthilh ka duh a" ka ti a, thildang a sawi leh hma in ka off zui daih bawk.
Ka phone hum ran chung chuan ka thaw chhuak ham ham a, a rawn rik leh chur chur takah chuan ka en leh thuai a, U Mamuana bawk a ni. Sawi tur ka hrelo a, a thilsawi tur lah ngaihthlak chakna ka nei heklo. Chhang lovin ka lukham hnuaiah ka rawlh lut zal zal a, muhil thei dawn hauhlo mah ila muthhilh tumin mit ka chhing vang vang tho.
Mahni inkhawngaihna in min rawn tuam leh nghal hlup hlup a, vanduai bik nia in ngaihna chuan ka mittui a ko chhuak leh ringawt tawh.
Vanduaina ka tawh atanga ka beiseina awmchhun chu kei leh ka fanu min hmangaih em em Tu tawn a ni a, tunah hian ka tawng ta bawkin ka in hria.
Mahse ka ngaihtuah thlen ngai hauhloh a chhungte an lo lang a, kei ang thingtlang mi, nuthlawi leh nghal chu mo atan tuman min awt lo ang. Mi sawi hmangah U Mamuana chu fapa mal a ni a, an chhungkua an harsa hauhlo ang tih a nu hmel ka hmuh atang khan ka hre thei nghal bawk, an fapa nupui atan chuan min awt viau lo ang.
Ka bek huh hluam chu tuai hulin ka in sût ri zui hraih a, ngawi rengin ka mu meng kar ringawt.
Zinglamah ka chhing sek anih ka ring ka piin min rawn kaih thawh chuan Bawihtei pawh a lo tho daih tawh a, dar 7 a pel thui tawh lutuk ringawt.
"Sangbawihi chu i pu nen an in kai chhuak anih kha, chawhmeh thing chhuang lum la, chaw ei kan hman a ni mai" ka pi'n a tih lai chuan thutthleng seiah thu in Nu Ruati chuan thingpui a lo in a, a thawh na ala rei vak biklo tih a hmelah a lang reng.
"Nizanah i tlaivar leh em ni pi?" Ka tih chuan "Tlaivar lo e" a lo ti ringawt a, Nu Ruati awm laia sawi chu a duh ka ringlo reng a ni.
"Vawkte chu pathum kan hauh ni se la, a bak chu in chang thung dawn nia" tih pahin a thingpui chu a dawt ri zui khalh a, ka nuih a ti za zawk.
Tawng tuma ka ân zuau laiin ka pi chuan ka banrekah min lo chelh a, "Ni e, pathum man te chu in phu ve bawk alawm, a chaw man zawng zawng in rawn tum ziah a" ka pi chuan a ti luam a, awih awmloh lutuk. Vawk chaw tur kan lei avanga mamawh dang kan lei loh a tam emai, bakah a chaw man chu rawn tum ziah pawh ni se an chhungkaw tan chhiatna engmah a awmlo a, phût let nei tur an ni lo hrim hrim, mihring duhamna hian chintawk a neilo an tih hi an nupa ah hian a langchiang thlawt.
"Vawkte pathum kan hralh velah pawisa chu in dawng em em ang, haw thla vat ula ka ti e, Vli ka ngaihtuah" ka ti daih a, ka sawi chhan chu inchhung a awmte chuan kan hrethiam vek tho ang.
Nu Ruati chu nui lui tih hriat zet hian a nui hak hak a, a thingpui in na no chu chhuata nghat chawrh pahin "Kan haw em em ang Merte, chaw ei khamah kan haw nghal ang" a ti a, pawn lamah a chhuak zuai nghal daih bawk.
"A mak e aw,, chhungkuaa buaina a chhuah a hlauhawm tehreng nen, thil tullo pui pui hi lo sawi ve ziah suh" tiin ka pi in min hau a, "An duham em anih kha, haw vang vang rawh se" tih pahin choka lam ka pansan ve a, ka pi leh pute rilru tur ka ngaihtuah lo theilo a, ka tawng na mah mah thin tih pawh ka in hria mah se ka insum theihna hian a tlin thlawt bik thin lo a ni.
Tukthuan ei naah pawh kan reh thiap hlawm a, Nu Ruati'n zinga ka thil sawi kha ka putea a hrilh tih min melh dan atang a chiang reng, "Chaw ei khamah kan haw ang" ka putea'n atih chuan engmah hre ve lo ka pu chuan "Ngati teh thut nge in va hmanhmawh ve" alo ti thuai a,
"Vli amah chauhin a awm a, a ngaihtuahawm alawm" tiin ka lo chhan khalh a, an nupa chuan min en reng tih hre mah ila ka melh duhlo lui ngat tho.
An haw liam hnu chuan ka thaw huai thei hial in ka hria, ka pi in vawk chaw lei turin min ti a, a chaw pangai pe reng theilo mah ila pawlh tur tal kan lei ve thin, chu vang ania Nu Ruati te nupa kha an pawr em em.
Ka pi in vawk chaw bag lei turin min ti a,
"Tawlailir khan va nawr ula, Bawihtei hruai la hmanhmawh lo mai rawh, Pu nghaka ka biak sa kha" atih chuan peihlo deuhin ka nur nang a, tlangval neih loh chuan tlangval cheta chet a ngai ziah a, ka pu a chak tawhlo si, mipa tih chi a awm hi chuan a ninawm thei ania aw...
"I duh leh Spa te sawm la" ka pu'n a tih chuan "School chawlh lai ania, hna an thawk vek ang" ka ti a, Engtheii pawh ka sawm peihlo, amah a lo len hmasak loh chuan Nu Edeni a den thei emai.
Sangbawihi chu tawlailirah chuan thut tir in kan in nawr phei bap bap a, dawr kawt kan thlen chuan school ka kal ve laia ka kawm ve thin Judy nen kan in tawk hlawl a, apron a hren tup danah Nu Zuali thingpui dawrah khan a la thawk tih ka hrethiam nghal a.
"Eheee Mertei chu kan van inhmu khat em em" tih pahin Bawihtei chu a pawm kang zui lawp a, "A van lian tawh ve" tih zawng a sawi.
Sawi tawp chuan Judy hi chu nun over ve chi ania, school ka ban kum khan a bang ve daih a, thildang pawh a zir zawm chuanglo, a lerh ve chi ania, U Remruata pawh kha a star thei lutuk ringawt.
Mahse ani lah khan keimah zawk min duh daih sia, mi zingah min rel thin tih pawh ka hria, nun ho ve chi anih avangin engah vak ka ngailo a, inhmuh changa tha deuha min lo biak chuan tha deuhin ka lo chhang ve mai zel.
Rin lawk ang ngeiin "U Remruata nen in la inbe ngai em?" Min ti a, kan inbiak ngailoh thu ka sawi chuan awihloh hmel fe a min melh pahin "Tihian in tia nga, in innei leh daih si ange" min ti a, ka nui ringawt.
A la upat bikloh nen kan rualpui a ngaizawng ngai meuhlo a, bialpa chu kan khua ah ringawt pawh a ngah tawh lutuk ringawt, tlangval pui pui zu duh deuh ho hi a duhzawng an ni aniang, miin an sawi nasa thei emai, a hmelchhe lo va, a over tih loh chu zai pawh a thiam lutuk.
"Ka hmanhmawh" a tih avangin min kalsan leh thuai a, Pu Nghaka nen dawr kawtah vawk chaw bag kan zawn chhuak a, kan chak lo dun si, a hahthlak lutuk ringawt.
Pawisa kan in pek fel laiin U Mamuana a rawn lang hlawl a, inrinni ah office kal ang maia a nalh zur chuan ka mit a lo la nghal chat, min biak hmasak loh chuan biak ka la tum lo bur a,
"Vawk chaw em ni?" a tih takah chuan ka bu nghat a, " Kenpui in ngai em?" a tih chuan ka chhan hma in Pu Nghaka'n "Va nawr phei puitak teh, an nufa ringawt hi chuan an thleng har awm emai" a lo ti a, customer dang a neih avangin min luh san leh nghal thung.
Bawihtei nen chuan an in pawm leh chat tawh a, min en reng tih hre mah ila hmun dang ka hawi lui tlat thung.
"I thinrim em ni?" a tih chuan lu ka thing a, thaw chhuak hawkin Bawihtei hnenah chuan "Anu hi a lungawi lo tlat a, engtinnge kan tih ang?" te a ti vel a, tum loh deuhin ka nui leh ringawt tawh.
"Tak tak a, zanin I chhuak thei angem?" a tih chuan "Tinge?" ka lo ti thung a, "Eng emaw sawi dun tur kan nei a, nang pawn I hriat kha" a ti sup a, chiang taka sawi dun ngei kan ngai dawn tih ka hriat avangin ka bu nghat a, "Ka lo tum ang" ka tih chuan nui sukin Bawihtei chu lei ah a dah thla a.
"Nawr phei pui chu in ngai lo tak tak ang maw?" a ti leh hnuhnawh a, "Ngailo, kan thleng thei mai ang, inrinni ah i va nalh ve" ka tih chuan "Nia kan pute an lo kal thut a, thingpui hmeh lei turin ka lo chhuak zawk" a ti a, chutiangte chu nawrpui pawh ngai ila a hman tawp nang.
Tha tete a kan in mangtha hnuah Bawihtei chuan tawlailir chungah chuan a ngen leh tlat a, vawk chaw bag nen chuan ka nawr phei tuah tuah mai.
In kan thlen chuan vawk chaw pawh dah chhuak hmasa lovin inchhungah kan lut hmasa a, Engtheii lo thu kur chu melh vakin "Engnge i rawn tih a?" ka ti a, ka guitar a pawm lai chu dah thla in
"Enge ka rawn tih vak ang, ka rawn leng anih hi" a ti hluai a, "Nu Edeni'n len a phal ka ring lo a, vawk chaw lak puiah pawh ka sawm duhlo che a" ka tih chuan "Phallo e, min insuk tir char char a, ka zar zawh rualin ka rawn leng tlang daih anih hi, hei kan clip bawm pawh ka la ak" tih pahin a nghawnga a thil ah chu a rawn ti lang a, an clip bawm a ni tak tak.
"I va huai thei tak, a lo call leh tho ang che" ka tih lahin "Phone ka keng hleinem" a ti leh then a, a va han thawveng bik hluah hluah tak.
Bawihtei hnute ka siam zawhah ka thiannu bulah chuan thu thla in Judy ka hmuh thu chu ka hrilh a, ka sawi ruala a meng phawk nghal lutuk chu ka rap lek lek a ni.
"" Awiii saw mihring nu over lutuk saw chu ka pawi sawi miah lo mah se ben let tawp tawp hi ka chak thin" a ti hluai a, "Mi rel hi ka duh ngailo mahse Judy kher saw chu, a over ve thlawt a" a ti leh hluai a, kawmchar atanga ka pi rawn lut chuan a lo hre pha aniang,
"Ve vak vak che hian Muanengthei, midang sawisel ve chiam turin engmah i nih bikloh kha" a rawn ti a, an pahniha an inhnial fuh tawh chuan tawngna hun ka chang ve tawh ngailo.
"Judy te chu hriat pawh i hre ve ami? Tlangval zu duh deuh deuh a kawp kual a, school kallo in a heheu kual mai mai bawk si, mihring nun inthlahdah chu a mah ang saw an ni mai" Engtheii lah chuan a la ti ta deuh deuh a, ka pi chuan rawn thut chilh meuhin,
"Hre tehreng mai, Mapuii fanu Judy saw ka hre lutuk, a mipa kawpte chu tu te pawh lo ni se kohhran ah a inhmang a, thalai pawlah pawh a tangkai pawl a ni, nangni thianho hian in tluk reng reng hleinem" a ti leh a, boruak chu a so sang tawh khawp mai.
"Nahhh ka pi Sawii chu, a langa an rawngbawlna in ngaisang vak zel hi lawm thalo, ngun deuhin ngaihtuah ula, an rawngbawlna leh an khawsak dan a inmil em tih leh, thalai pawla an in hman dan leh an thuamhnaw hak duhzawngte en mil ve ula, tam tak hi chuan Pathian rawng ni lovin kohhran leh mipui rawng chauh asin an bawl, tih tak em ah chuan keini pawh Judy tih ang chu kan ti ve thei vek, kan peihlo mai mai" ka thiannu chuan a ti leh duah a, a sawi tawp lam erawh a zawi viau.
"Mai mai che hian aw, Judy nungchangte chu nangni aiin kan hrechiang daih zawk, hetiang a ni chunga kohhran a belh hram hram na hian a nun a kaihruai reng alawm, kohhran leh thalai pawla in hman hian nundan kawng tam tak min zir tir a, mi pangaia min siamtu anih hre ta che u, nangni ve hi zawng, in hawi vual vual a, chhungkaw tan in tangkai lo si, inkhawm zat zat tawh ang che u, Edeni pawh ka hrilh dawn" ka pi chuan a ti ta khar khar a, an in hnial thinrim mai dawna ka hriat avangin ka pi chu vawkte chungchang ka zawt ta daih a,
An thilsawi kha ngaihtuah zui ve ve tham a tlingin ka hria, rawngbawltu kan in tih lai hian kan rawngbawl dan hian Pathian lung a ti awi em tih kan in zawh fo a tul khawp mai. Ka pi thusawi pawh kha ka thlawp thlap, eng ang mi pawh ni ila, Pathian leh a kohhran kan belh hram hram na hian kan nunah rah tha zawk a chhuah ngei ngei ang, keipawh tun ang hi ka dinhmun ni lo se chuan ka theih tawpa rawngbawl ve ngei ka duh ang.
Engtheii'n ka pi thin a ti rim laklawh bawk si a, vawk chaw chhum min vil tir a, a khu duh bawk si, kan in khuh chhawk reng ringawt.
"Thil sawipui duh che ka nei ania" a tih chuan a thutak hmel bawk nen "Sawi la" ka lo ti ve mai a, "U Mamuana nen zingah kan in bia a, a zawng zawng chu min hrilh duhlo na in, inneih lam in hniah tih ka hria a, ka lawmpui che, mahse.... "
a ti a, a sawi tum ka hriat tho avangin ka lo nuih sak a, "Nuthlawi ka ni tlat a" ka tih chuan "Chutak chu" a lo ti hluai a, ka kut chu rawn vuan in,
"Sangbawihi pa hi Tu hnenah mah i la sawi chhuaklo tih ka hria, mahse nun thar a bul tan i duh tak tak anih chuan U Mamuana hi i hriat tir ve ngei a tul in ka hria, a duh em em che a, Sangbawihi nena hmangaih taka enkawl cheu a duh tih pawh ka hria, a pa chu hrilh la, chu chuan harsatna in inkarah a thlen pha dawn chuang em ni?" a ti duah a, fiamthu thawh hmel a pulo a, chutiang hun pawh chu a nilo hrim hrim.
Ka thaw chhuak ham ham a, ka putea hmel ka mitthla rualin mit ka chhing zui sawk bawk.
"Nawr luih che ka tum lo a, mahse U Mamuana i hriat tir ve ngei chu a ngaiin ka hria" a ti nawn leh a, "Umm, ka hrilh em em ang, engkim ka hrilh vek dawn a ni" ka ti ve sap a.
End of chapter-14
NOTE: Ka zawm hun tura ka sawi ah ka note type sa a bo avangin ka zawm thei lo a, in mi ngaihdamna ka dil nghal ni se la, ka thawnthu te in lo ngaichang ve thin anih chuan WhatsApp group lamah info kan in pe thin a, fb lama sawi vek a har avangin in lo join ve theih dawn ania..
Group link
https://chat.whatsapp.com/J9Mq1ulA3Jx9klwcpJ4Ixd
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)