THE POSSESSIVE LOVE CHAPTER-5

[Judy chhakchhuak]

Chapter-5


JASMINE VANHLUPUII POV

"Hello" Ava'in call ka lak rualin alo ti deuh lang lang a, "hey" kalo ti let vat. "Ih englo ania... Nathan'an a hrilh che ka ringlo a,chuan keiman kalo hrilh sak mai ang che,vawiin hi a birthday ania" ati sep a.





"Enga,vawiin hi maw chuan chhun dar sawmpahnih ah min hrilh chauh a maw," kalo ti deuh hlar a. "Ka tihpalh,a birthday a lawm ngailo a, birthday wish vak vak te kha a duhlo a mahse nangman i wish anih chuan a lawm ngawt ang," ati leh a wish a duhloh te chuan ka wish pawh chu eng nge a duh bik chuan ang le.





"Min hrilh a ka lawm e," ka ti ta tho a, "aw anih leh aw" atih hnuah call a dah nghal.A birthday pawh nise ka buaina tur a awmlo,a thinrim emaw kha ani leh anga,ka peihlo.





Tukin zingah pawh khan a buai leh tawh hmel em kha, library ah chuan minute sâwm vel lai ka ṭhu a.Ka thluak te chu ana vek thei, "ninawm" tih deuh hlak pahin inhnuai ka chhuk a,choka lamah ka phei zui nghal,zing ah pawh engmah eilo in a kal kha ania,Mary lo luh chuan thil kalo siam mawlh mawlh a.





"Oh miss,puih i ngai em" nuisâng a alo tih chuan "imm aw" tih pahin kalo nuih let ve var var a.Ka thil siam lai chu tray ah chuan dah in a office lamah ka chho a,zinga a chhuah dawn khan zanah chiah kalo haw ang kha ati sia mahse alo haw hma leh ta daih a.





A office kawtah chuan ka ding vang vang a,ka lut angem ka hrelo a office a lut lo tur khan min duh sia,mahse engmah zing aṭang ala ei bawk siloa.Ka chil lem khalh in a office kawngka chu ka kik a, "lo lût rawh" atih chuan kawngka chu hawng in ka bih dek dek a,a hnathawh na ṭhuthleng ah alo la ṭhu reng.





"Umm" ka tih sep chuan alo hawichhuak vat, "hetah eng nge ilo tih a Amore," ati dam dap a. "Immm zing aṭang engmah ila ei siloa,chuvang chuan eitur kalo siam che a," ka tih chuan a mitmeng a mak tihna langchhuak chu ka hmuh hmaih hauhlo.





Ka lama alo phei chuan ka zam takzet,ka tray vawn lai chu nghet zetin ka vuan a.Ka tray kenlai chu lo la in ka kutah alo vuan a,sofa awmna lamah min kai phei nghal,a mal chunga min ṭhut tîr rual deuh thaw in ka thil siam sak chu a chhin a hawng vat a.





"Pasta salad,i tan a ṭha zing ah engmah ila ei siloa," ka tih chuan "ka lawm e" tih pahin ka nghawng ah alo fawp vang vang a. "Nathan" ka tih chuan minlo enve vat a,a kutin ka mal a zut reng bawk sia ka awmdan a diklo leh vek tawh.





"Happy birthday" ka ti chu ka inchhir leh nghal rum rum,ngatinge kalo sawi kher kher ni. "Tunge hrilh che a," ati dam dap a atih chuan kalu ka thing nghut a, "ka tihpalh,ka kal phawt ang" tih paha ka din chuan min pawt ṭhu leh nawlh mai.





"Ngatinge tlanbo itum a," ati chang run a,a kut ka mal a adah chu ka en reng a,a thinrim angem. "Ka lawm e,ka nupui duhtak" atih chuan mak ti zetin ka en a,a nui hauhlo anuih ka ringlo reng a.





"Umm ei rawh," thawk lak hawk paha ka tih chuan a hmuiin ka biang alo nul thuak thuak a.Ka thawk a danglam leh der tawh,ka hmuia lo fawh pahin ka nghawng ah a vuan a,amah si chet chuan min pawt hnai nghal.





Ka mit chu chhing in a kawr awm ah nghet zetin kalo vuan a,min fawh na chu na ṭep mahse anuam phian bawk sia,ka sam chu ka bengah zep in ka taksa nem laiah alo fawp a,kalo rumchhuak deuh hak.





Tûnah hian tawp turin ka duh lutuk,mahse ka in control thei derlo,ka taksa chu a ti danglam hneh takzet.A tawp tak daih ah chuan ka mengchhuak a,fork chu ka hmui bula alo dah chuan ka hau in ka en, "ang rawh" thupe zeta atih chuan ka eive mai a.





Engmah thleng lo ang chuan a ei zui mial mial, "hrilh duh che ka nei a....englo" ka sawi zawh hma chuan "san Francisco ah tlawh tur kan nei,naktuk ah kan chhuak ang" ati nghut a.





Engmaw!!mahse naktuk ah hna thawh ka ngai asin,dawr awm dan vel te va en a ngai a. "Ih...Nathan" ka tih chuan minlo enve vat a, "ka theih ka ringlo" ka tisep a.





"Ka zawt reng reng hleinem che Amore,ka rualin ilo kal dawn,ka thutlukna ani," atih chuan lungawi lo zetin ka en a, "mahse hnathawh ka ngai alawm," kati ta nge nge a hmun danga zin vel mood ah ka cheng lo.





"Sawtah kan zin naah pawh i hna chu i thawk thei reng alawm," atih chuan kalo hnial vat. "ka duhlo,hetah ka awm angai alawm" ka tih chuan a mitmeng ah a thinrim leh tawh tih a hriat, "i bag pack rawh" atih chuan ka en tawp.





Ngatinge ka thusawi a ngaihthlak duh ngai loh, "Nathan, Khawngaih in ka.." ka sawi zawh hma chuan tawp turin minti vat a, "Jasmine,kan kal dawn chu chu animai,min sawi nawn tîr tawh suh" sehchilh zet hian arawn ti leh hrawih a,eng nge a awmzia nichinah chuan a fel viau sia.





"Ka awm duh," luhlul zet in kalo tive ṭang ṭang a,ka inhum ruh ngat ngat bawk.Min vawn na a ti nghet salh a,a dara min put deuh nalh chuan kalo auchhuak ṭhat mai. "Nathan min dahthla rawh" ka tih pawh chuan engmah a ngaithla duhlo,a office aṭang chuan min chhuah pui a kan room kan thlen rualin khumah min ṭhutpui a,ama lam hawi zawngin min ṭhut ṭhat tîr nghal.





"Tal chhuah tumlo mai rawh Amore," tih pahin ka biangah alo fawp a, "mahse ka kal duhlo alawm" ka tih chuan ka khabe ah lo dâwm in amah en tûrin min kuai dâk a, "ilo kal ang,ka nupui ini a ka hnung zuitu tur ini bawk,i pasal ka nih na ang in hna thil ah pawh min support zêl angai alâwm," ati dam dap a.





A thusawi avâng chuan ka rilru a buai Map mai,ka rilru chanve chuan a sawi dik ati tho bawk sia,min ngai pawimawh ve ah ka ngai,a hna thil ah pawh ka bo map biklo anga.





Hnuailam ka melh chhuk deuh rûn a,ka khabe ah bawk lo dâwm in "min en rawh" atih deuh sup chuan ka enchho ve vat a,ka mit leh a mit a in tawng fu chat a,ka chhîp ah alo fawp deuh vang vang.





"Nangmah chiah a kalsan che ka duhlo,ka phal bawk heklo" tih pahin ka hmuiah duhthawh zetin alo fawp a.


***********

"Ilo haw hunah bazar ah te thil kan lei anga,eng nge i ngaidan" Ava'in min tih hlim tum tih hriat taka atih chuan ka thawmhnaw ho chu ka bag ah khung mawlh mawlh in ka thaw hak a.





"Ka kal peihlo lutuk,ka sawi awmzia chu kanu dawr vel kha ni li chhûng a design nan a ngai dawn a," ka tih chuan Ava'i a chêk tlak tlak a.





"I mawl emai,a hmangaih che a a ngaihtuah che tih hre rawh," tih pahin anui deuh har har a. "Inah nangmah chiah a kalsan che a duhlo anih kha,a chhan chu a mamawh che a" ati sep a.





"Eng atân nge min mamawh ang,a rilru hahna leh hreawm na ka chunga hrithla leh turin maw," ka tih chuan a mitko a san ak a. "Aih,a hruai duh chhan che chu a mamawh che a,a mamawh chhan che chu a thinrim chang pawn nang chuan i bengdai nghal zêl thei a," kawngka an rawn hâwn takah chuan kan en phei vat a,Mary lo lût in room chhung chu ati fai nghal sawk sawk.





"Engtin maw i sawi" zawi sep a ka tih chuan "intih hlim tum rawh,atân pawn a hreawm ang a company tih len belh atum leh nghal a,a bula i awm tlat angai alâwm" atih chuan ka nui hak, "ngatimo" ka tih chuan Ava'i a thaw hak a.





"A chhan chu a nupui inia," nin hmel zet hian ati a,khumah chuan ka mu thla dawt a. "Tluang taka kan zawh ngei ka beisei" tih pahin ka mit ka chhing vang vang.





Jet chhûngah te chuan ka muhil leh ṭhin a,ka mut a chhuak takzet, "Amore,eitur i duh em" Nathan'an atih chuan kalu ka thing vat a.





Tunkar hi a kal châk riau in ka hria,kapa pawh kar hnih vel lai ka hmu tawhlo.Ka darah Nathan'an minlo kuah in a lamah min awn tîr a, "muhil rawh Amore,kawng ala thui deuh" atih chuan ka mut a chhuah em avang in engmah ka ngaihtuah tawhlo,a bânah ka kuah ṭat a,ka lu chu a dârah ka nghat ṭha sat sat tûnah chuan mut chiah ka duh,mumang rama ka luh dawn chuan ka chhîp ah Nathan'an alo fawp tih ka hre thei.


*************

Ka bianga minlo fawh paha Nathan'an "harh rawh le Jasmine,kan thleng tawh ania" atih chuan ham bai bai chungin ka mengchhuak a, Nathan'a mal chunga ṭhut pahin a nghawng ah ka kut kalo suih zawm ṭat chu niin.





Thawh mai ka tum chuan min pawt ṭhu leh vat a, "i mut a la chhuak emni" ati sup,ka mut chu chhuak tak te in a chhuak,roomah min hruai se hahdam deuha mut bâka chak ka neilo.





Kalu ka buk deuh nghat nghat chuan mak tak maiin anui ve anih chu,hepa hi a nui ve thei amaw.Ka seat ah min ṭhut tîr in seatbelt minlo hrên tîr a, Flight pawh chu a ṭum ve chiah.





Plane aṭang a kan chhuah chuan Matt brown Audi a5 motor nalh zet hi alo ding reng tawh,ata nge ni anga a Patea ta zawk.Airport aṭang chuan a tlanchhuak vat a,kan kal pelh reng reng chu amawi takzet,ka darah Nathan'an min kuah leh run tawh.





Motor a din dat rualin kan chhuak nghal a, "chibai sir,ka hruai che u min phalsak rawh" tih pahin elevator awmna lamah min hruai a,kan room kan thlen rualin lawmthu min hrilh vat a a chhuak zui leh nghal.





Ka thawmhnaw pawh thlâk peihlo in khum dup zetah chuan ka let thla nghal tawp, Nathan'a chu alo ṭawngchhuak vat a,ka kawngah lo kuah in amah en thei turin min siam ṭha a. "Nilo e,Amore inthlak rawh" ati sup.





"Ka mu duh alawm" mutchhuak zetin kati sep a,ngatinge ka chauh a ka mut a chhuah em em. "Ṭhu rawh" thupe zeta atih chuan ka ṭhuchhuak lo chiang khawp mai.





Min tih luih atum leh tawh emni,min chawi kâng nalh in a mal chungah min pawm a,ka thawmhnaw chu min phelh sak nghal mawlh mawlh.Ka hnute bul vel alo fawh thuak chuan ka sa hat hat thei.





Thawmhnaw dang minlo hak tir vat a,engtik laiin nge ka luggage alo hawn hman.Khumah chuan min mut ṭhat tirin puan in minlo khuh a,a che tla lai chu kalo en reng,a kawr a phelh hnuah a kekawr a zip thla a boxer nen chiah a a awm chu kalo lai ve ringawt.





Ka puan sin lai chu lo keu in alo in thawlh lut ve vat a,ka kawngah kuah in a mah si chet in min pawt leh nghal,a ban chu lukham ah ka hmang a,a awm ruak kang ah chuan ka kut ka nghat a.





"Naktuk ah ka chhuak hma ang" ati chu ka hre reng,ka chhang peihlo. "Ilo kal ve a ngailo ang,mahse a dawt leh ah chuan ilo kal a ngai" atih chuan ka thaw hak,hetah hian kalo awm mai theilo ami ka chau,ka chau lutuk ka thawh deuh thut chuan mak tih hmel zetin minlo en a.





"Ih..ih..minlo hrethiam teh," tih paha kal mai ka tum chu minlo vuan vat a, "khawnge kal itum" ṭhut chhuah paha tiin ka banrek ah alo hmer a, "bathroom ah" kalo tivat.





A mitko a san ak a, "ngatinge iva hlauhthawn hmel ve" atih chuan ka sa hat hat thei, "ka kal a ngai" ka ti leh hap a. "Dawt i sawi tih ka hria ania,Amore engthil nge thleng min hrilh rawh" ati leh tlat tawh.





"Bathroom ah ka kal angai alâwm," ka tih leh pawh chuan "dawt" alo la ti ṭalh,ninawm lutuk ngatinge ka ngaihtuah na hi a hmu tlang vek thei ami, "min hrilh rawh Jasmine,eng thil nge thleng" atih chuan ka mit ka chhing tawp.





"Ka...ka period alawm," ka tih chuan a vawn na a ti nghet salh a. "Chiang deuh in sawi rawh" atih chuan "ka period alawm" kalo ti deuh ṭhat a.





A hmel chu a danglam zawk a,ka kut a vawn na thlah in a hmai a tuai a tuai a,eng nge a awmzia ni,bathroom lamah hmanhmawh deuhin ka phei a.Ka period chu lawm tak kani,nau ka pai ang tih mawlh kha ania ka hlauh,tûnah rih chuan kala inpeih lo.





Ka inthlak zo ka chhuak leh chu Nathan'a amit alo chhing daih tawh,lawmawm lutuk hahdam deuhin kamu thei tawh ang.Ka lukham chu la in ṭhuthleng sei a mut ka tum chu "khawi ah nge i kal dawn!!" Alo ti hrawk a,a lama hawi pahin "ṭhuthleng ah" ka tih chuan lo tho chhuak vat in ka bânah alo vuan a,khum lamah min phei pui nghal.





"Eng vang phiangsen in nge ṭhuthleng ah chuan imut ang!!" Atih leh hrawk a. "imm a chhan chu ka period a," melh ha paha ka tih chuan "i mut a ngailo ang,engpawh thleng rawh se" atih chuan ka zak ringawt.





Khumah kan mut hnuah puan minlo sin tîr a,ka kawngah a kut dahin a mit a chhing nghal.


**********

Hotel a min awmtîr chu lawm tak kani,ka tai leh kawng vel chu ana ut ut mai, "Amore,i tai ana emni" a hrethiam ve ngei chu niin,kalo bu deuh nghat nghat a,ka chhîpah alo fawp vang vang.





"Damdawi lo pe tur che in mi kalo tîr ang," atih chuan kalo hnial vat a, "a ngailo,ka ṭha hetiang hi chu awm ve tûr hrim hrim ania,damdawi ei ka duhlo" ka lo tisep.





"A nat viau chuan minlo call ang che," thutak deuha atih chuan kalo bu nghat a,ka lu chu lukham ah ka phûm nghal daih. "I lunch ei tur kalo dah tîr ang," atih hnuah minlo fawp zeuh a,tukin chu afel ve lutuk keipawn anuam kati.



*************

"Kan buaipui ve thei alâwm," pu James'an atih chuan "a theih lo ang, Lincoln'a hian a buaipui mai ang," Nathan'an atih hnuah file chu a en san leh daih a.





"Imm anih chuan adang hi kan kutah awm rawh se," pu James'an atih leh chuan Nathan'an thinrim tih hriat zet hian a melh a, "authority chu keimah kani, thutlukna chu ka siam tur ani bawk ilo sawi ve a ngailo ang pu James," Nathan'an ati chang run a.





Pu jamesa pawh chu a hmelah chuan a thinrim tih a hriat,meeting lah chu a rei em em leh nghal a.An thusawi awmzia a tam zawk chu ka hrethiam lo, Nathan'an a thu hretu atân lehkha min sign tîr leh zeuh ṭhin a,ka sign hma in ka chhiar uluk thei hle bawk,buaina ka in siam leh ka hlau ani.





Pu James'a chu ka mi rin zawng ani hauhlo, company hi neih dân phet a zawng ka timai,mahse Nathan'a hi mipa fing tak ania Lincoln'a lo chu tu thusawi mah a ring ngailo bawk.





"Mr.Chevrolet," pu James'an atih chuan Nathan'a pawh a thil tih lai tawp chawt in a hawi let a, "zanin ah kan hmuh ngei che u kan beisei" atih chuan "adang ala awm em" Nathan'an ati sup a.





James a min melh dan chu ka duh hauhlo,ka awm ati nuamlo,Nathan'a chuan min vuan nghet sauh a. "Awmlo" James'a chuan ati sup.





Nathan'a chu thinrim tih hriat zet hian James'a lamah a phei a, "i ngam chuan en leh rawh" a dar a ben dat paha Nathan'an atih chuan James a mitmeng ah chuan a hlau hle tih a hriat,hnuailam a melh chhuk nghal vat a, Nathan'a chuan min kaiin car ah min luhpui nghal.





Kan hotel room kan thlen veleh ka kawr phelh in t-shirt pangai tawp ka ha a,khumah mu nghal in ka mit ka chhing vang vang.Ka ning takzet,khum a hniam salh danah Nathan'a alo mu ve tih ka hre thei,min fawp zeuh in ka bulah amu ṭha ve hle hle a,kan muhil zui nghal.



**************
"Tho rawh le,Jasmine" tih ri ah chuan ka meng vat a, "ka kal angai ania" Nathan'an atih deuh sup chuan "khawiah" kalo ti vat a. "Thil pawimawh ah kan chhuah lawk angai,inti fai la insiam rawh," atih chuan ka hrechhuak veleh chiah,James a sawi kha.





Bathroom lamah lutin ka inti fai a,thawmhnaw dah na chu hawng in ka kawr fual sen mawi zet chu kala chhuak a, Nathan'a min thlan sak ngei ani bawk.





Ka inchei hnuah ka sam ka siam leh a,kawr ka hak hnu a ka in en chuan mawi ka inti ve lutuk,ka kawr sen hak nen inhmeh tûrin lipstick sen tak chu ka inhnawih bawk a.Nathana lo lût chuan min hmuh rualin "i mawl lutuk," ati sup.





Ka kawng a lo kuah in min fawp leh deuh vang vang a,a awm hran hnu a ka en chuan awi leh ka lipstick hnawih kha a hmui velah a kai nuai mai.Kawngka lama a phei chuan a kutah kalo vuan vat a, "eng nge nita Amore" alo ti dam dap mai.






"Umm..ihh" tih pahin ka hmui ka seh zeuh a, "i hmui seh suh" atih chuan ka tawp ve vat.Khum bula dawhkan lamah chuan pheiin tissue chu kava la a, dingdihlip ak ak a a khabe a ka han dâwm chuan ka kawngah alo vuan vat a,a hmui leh a bul vel a lipstick kai chu ka hru nghal thuak thuak.





Engmah sawilo in min en reng a, "i zo ami" atih chuan kalo aw vat,khum lamah min kai pheiin khumah min ṭhut tîr a,khum bula ka pheikhawk sang chu la in min bun tîr vat.





"Kal ang,kan tlai dâwn" tih pahin ka kawngah alo kuah a,car chhûnga kan luh hnuah kan tlanchhuak zui nghal.


**********
"Champagne in duh angem sir," waiter in alo tih chuan a kut lehlam in ala a,a tlak nghal pawp,a kut lehlam in ka kawngah ala kuah reng.






"Sir ka hmu che u chu ka lawm hle mai,chuan Jasmine i nalh lutuk" James'an kan lama lo phei paha atih chuan Nathan'an minlo ṭawng khalh vat a, "i tan chuan miss Jasmine esposito,chuan ka nupui a nalh thu i hrilh vel kha ka duhlo" a dar a ben dat paha Nathan'an atih chuan James pawh a bu ve nghut nghut.





"Minute nga hnuah kalo let leh ang," tih paha Nathan'a kal mai atum chuan "khawi.." ka sawi zawh hma chuan alo hawi let a, "khawiah nge ikal dâwn" ka tih chuan lo lêt leh in ka chhîpah alo fawp a.





"Mi hmuh lawk tur ka nei a,ka nupui hmelṭha tak hi an hmuh ve ka phallo" atih chuan mak tak maiin ka lai ve ringawt, "hetah lo awm la,lo kalsawn miah suh" atih hnuah a kal zui nghal a.





Rei pawh keimah in ka awmlo,James a chu lo lêt leh vatin ka bulah alo ding a,a chhan ka hrelo hepa hi ka be chak hlawl lo. "Hello,Miss Jasmine esposito" atih chuan kalo nui tawi tak.





"Sir saw mipa hlauhawm tak ani tih i hriat ka ring,engtin nge iduh theih zawk a" atih chuan ka melh reng,a hriat ve a ṭul kher emni,forced marriage ani tih hi "hmangaih vanga innei inni em?" Atih chuan ka melh tawp.