Chapter 10
Chutah muang chang hian "Ai ka thei lo!Eng pawh chu lo ni se...Nang kher hi chu ka date thei lo ang che" ka ti chhuak sap a.He pa hian eng vang a min fiam kual reng thin nge maw a nih le?Tunah lem lui a min chhan chhuak tu kha a nih thu a rawn sawi leh si a!Eng vang in nge a hma khan a hriat loh der vel,a khawsa zia hi ka hrethiam thei thlawt lo!
"Ka hua che ka haw lutuk che" ka mittui chu a rawn tling nghal pam a.Kalsan mai ka tum laiin kan hnunga Ruby lo ding ngawi ve reng ka hmuh rual chuan ka mittui rawn luang ngiai ngiai chu hru nghal sawk sawk in ka kalsan ta daih a.
Zing ka thawh rual chuan nizan thil thleng vel chu ka ngaihtuah zui nghal neuh neuh a.Ning zet hian ka lu chu ka thing leh nar nar thin a.He thil hian nizan zankhua in ka thluak a chawk buai tawh!
"Kan misualpa hian a ti tak tak lo ang...A ni te chuan engtik lai pawn min chhaih kual reng thin alawm!Bakah a ni te chuan bialnu hmeltha leh chhe lo deuh a neih reng kha...Ngaihtuah zui tawh teh suh Lucy"Eng vanga he thil ringawt hi ngaihtuah zui reng nge maw ka nih le?
Vawiin chu valentines day a nih bakah kum khat a festival pui leh lian ber Summer Festival a nih avang chuan mamawh te lei turin zingkar hma takah bazar turin ka chhuak a.
Bazar tur a ka kal laiin Nick leh John te zingkar exer la nen chuan kan intawk hlawl a.Nick ka hmuh rual chuan lai ru deuh hian ka hawisawn nghal daih a.Ka awm dan a hrethiam tih hriat deuh chuan a lo la nui suk zui!
"Lucy khawnge I kal dawn?" John chuan aw zangkhai deuh hian a lo ti var a.Tukin zing chu a mood a fuh hmel kher mai!Ni e vawiin te chu festival a nih avangin kawtthler lun lai ah intih hlimna chi hrang hrang an buatsaih dawn a,a phurawm viau mai!
"Vawiin thil vel lei in bazar ka lo tum deuh a" pangai tak chuan ka ti ve mai a.Nick lah chu nimin thil thleng vel engmah hre lo ang mai chuan a la awm hmak zui!Zah te pawh hi a zak ve lo amaw ni le?
"Ka lokal pui ang che" an rawn ti rual deuh thawt a.Nick chu lungawi loh hmel deuh hian a ner zui nung a.
"Awle a tha e,kal ang u"
Tunlai chu bazar tur a ka chhuah khat deuh avangin mamawh kan lo ngah tawh ang reng a,ka rin aiin ka inlei hnem ta phian mai!Ka thil lei tha hnem tak chu rit ti zet hian ka khai bawr tun a.Nick leh John te lah chuan min puih a hnek in ka hma ah chuan kalin an la ti ti kual zut zut zui!Ka hah lutuk chu ka thaw leh hluai thin a.Mipa pahnih ka chhuahpui te ve lah hi tangkai na an awm hlawl lo" Ka hruai tawh lo chiang ang che u aw..." Ti ru sep in ka hah lutuk chu ka ding ta tawp a.
Chutia ka hah chawlh deuh vang vang lai chuan ka hma a glass lian pui chhan a thi mawi zet chuan ka mit a la kher mai!Han en mai pawh in a to dawn tih hriat reng reng,keini ang tan chuan dam chhungin thawk ila kan nei thei tawk ang tih tur vel a ni!Mawi ti zet chuan ka en dauh dauh a.
"I duh chuan lei ta mai che" Nick chu ka bul mai ah chuan lo dingin a rawn ti sam et a.Ka retheih zia a hre ve reng sia hetia rawn tih kher...Hepa hian min hmusit ve deuh tihna em ni?
"Hey misualpa,kei ang mi rethei hian hetiang thi man to lutuk hi ka lei theih I ring em ni?Ka hlawh tlem te pawh min cut then sak ziah a nia,ka damchhung pawn thawk I la ka lei zo nang...Kal tawh ang u" lungawi lo deuh hian ka ti vei hmak a.
"Lo va kal hmasa ru...Thil pawimawh deuh lei tur ka nei tih ka hre chhuak thut,ka lo um pha thuai ang che u" A sawi zawh rualin mall chhungah chuan a lut zui nghal daih a.
Nick nghah pah a muang chang a kan laiin kan piah mai ah chuan intihhlim na ni awm tak hi awm in mipui chu an au leh dual thin a."Master John,Nick nghah pah in ka va en ve chhin mai mai teh ang" tih leh kal chu ka rual nghal a.
"Awle vawiin chu Valentines Day pualin pawisa hlawh teuh theihna infiamna hlimawm tak ni bawk si kan nei dawn a,a tel duh chu in ban phar in hetah hian lo chhuak rawh u le" mipa pakhat in a tih rual chuan "Pawisa maw?Aw keimah,ka tel ve duh e" tih pah chuan ka va ding chhuak ve nghal tharh a.
"Nula I tel ve duh tak tak anih chuan kawppui I neih ngai alawm...Kan poster tar hi han en chiang la,couple te chu inkuah in an kiss kher tur a ni chuta couple inhmeh ber te chuan pawisa andawng chauh ang"A tih leh takah chuan " Mahse kawppui ka nei silo a"ka ti zawi sep a.Kal sawn mai ka tum laiin "Ka tlai a ka tihpalh" John chu lokal in ka darah chuan min lo kuah zui nghal a.
"Awle tikhan in inkawp kim tawh bawk a,kan tan nghal ang" a tih leh rual chuan mipui ho chu anlo au chul a.
"John inkiss kher angai tih I hria em"lai ang reng deuh chuan ka ti bah niai a.
" Ka hria e,I mit chhing la" a tih rual chuan ka kut chu ka lo hum ruh nghal vat a.Mit ka chhin rual a Nick min fawh lai ka ngaihtuah chhuah thut avang chuan John chu ka nem sawn ta vat a.
"Ka thei lo John,ka tihpalh lutuk" inthlahrung deuh chuan ka hawi sawn ta daih a.Thlang lam ka hawi rual a Nick ang deuh mipui kar a kal sawn ka hmuh rual chuan ka lungphu chu a rawn rang zui nghal zaih a.Nick a nih ring ngam chiah silo chuan ka thlek kual chiam a,mahse ka hmu der lo!Ka mit vai em ni zawk?Eng vang a he misualpa hi ngaihtuah reng nge maw ka nih le!Ka awm dan hrethiam lo ru deuh chuan ka ding ngawi ta reng a.
"A ho lutuk,in thlahrung duh mah ta che...Kal tawh ila,Nick pawn min lo nghak tawh reng mai thei asin" nui sang hian a lo ti zang vah a.Tun a ahmel mawlh hian ka inthlahrun a ti zual zawk mahin ka hria!Ka thil lei ho chu John chuan keng in a hnungah chuan ngawi rengin ka zui ve chhet chhet a.
Tlai lamah chuan John nen intihlim turin amusement park lamah kan leng kual vel a tum loh deuhin Nick leh Ruby te nen kan la in hmu zui!
"Hetah enge in tih ve?A lan dan chuan tu te emaw chu an in date ve a ni chiang mai" Ruby chuan hlim zet hian a lo ti thuai a.
"Date a..?" Nick chu ka va melh zeuh a.
"Eng pawh chu ni se,kan inhmu ta sa sa leng ho ang u" Nick banah chuan in ti nei tu deuh a vuan chung hian a nui sen sen a.
"Kal ang u"Nick chuan ti deuh hmuk in an hnungah John nen chuan kan zui ve det det a.
"Amusement park a ka kal loh na chin pawh a lo rei ve ta hle mai...Kan naupang lai khan ka chhungte nen kan kal ho thin a,a nuam ka ti thei khawp mai" hlim zet hian ka ti chul a.
"A ni maw,vawiin pawh nuam ti deuh in hun I hmang dawn nia" John pawh chuan nui sang hian a lo ti ve a.John nen chuan kan ti ti dun luam a,Nick lah chuan a khat tawk in nin hmel zet hian min lo melh leh zauh thin a.
"Lucy,thil pawimawh deuh hrilh tur che ka nei a" John chuan kan ti ti karah thu tak deuh hian a lo ti zauh a.
"E nge min hrilh duh chu,sawi la" ka lo ti pangai ve mai a.
"Dik tak chuan..." A thil sawi laklawh lai chuan Ruby chu lokal in "Lucy,en teh saw lai cotton candy tui hmel hlawm zia saw...Va en chhin ang.John reilote min lo hrethiam lawk mai" Ka ban ah chuan chelh in min kal pui ta daih a.
"Ruby,saw lai cotton candy saw min en pui dawn emaw ka tia" hmun fal deuh a min hruai tak daih avangin a ngaihna hre lo deuh chuan ka ti hu a.
Thawkleh khatah a nui hmel chu bo nghal in"Hey Hmeli,John I nei tawh reng sia eng vanga Nick leh zel hi zar buai nge I nih?" a rawn ti ta phiar phiar mai!A thusawi hrethiam lo deuh chuan "enge I sawi awmzia" ka lo ti ve thuai a.
"Ka hrilh ang che Nick hi ka ta a nih hi,a lak atang hian lo inthiar fihlim nghal ang che!Ka thusawi hi I zawm duh lo a nih chuan I chungah thil pawi zawk a la thleng ngei ang" min nam sawn hmakin a kal ta daih a.
"Nick hi ka chuhpui ah a ngai deuh amaw ni,ka duh bik tawp si lo a" lungawi lo deuh chuan ka ti rilru neuh neuh a.
"E he...Haunted house a nih saw...Lokal ru va lut ve ang u,a nuam reuh lutuk anti sin" Ruby chuan phur zet hian a rawn ti hlut a.
"Enge I ngaihdan,I kal ve duh em?" John chuan min ngaichang ru deuh hian a rawn ti sup a.He pa fel reuh zia hi chu aw...
"Ai duh lo mai...Ka dawi bawk sia,ka kal ve lo mai ang...Pawn lamah hian ka lo nghak zawk ang che u"
"Nang ber I lokal ve loh te chuan kan kim nang.Bakah nang te chu veng him tur che in John hi I kiangah engtik lai pawn a awm reng a,hlauh tur a awm lo" Ka ban ah chuan rawn chelh in Haunted house lamah chuan min kai phei nghal dawr dawr a.He nu ninawm zia hi chu aw...Tihian Nick leh John te hmai zah vang chauhin fel hmel deuh in an awm kual vel chu a nia,a peih zawk ngawt mai!
Haunted House chhung chu a thim in thil hlauhawm lam chi hrang hrang chu an dah phei dul a.A dawi mi tih takah thui pawh ka kal hma chuan ka te teng tung a.
"Ka kal zel thei tawh lo,pawn ah ka lo nghak mai ang che u" tih leh tlan let chu ka rual nghal a.John min koh na pawh chu hre zui duh lo chuan ka tlan ta zel a.Mahse chhuah na chu ka hmu zo ta der lo!Ka kal na lam apiang ah thil hlauhawm tak tak chu hmu in ka te leh chiam thin a.Vanduai thlak leh zelin midang tumah ka la hmu miah lo zui!"Nick,John khawnge in awm?Min rawn tanpui hram teh u" ti chul in beidawng zet chuan ka thu ta hnawk a.
Minute 20 dawn ka thut hnu chuan "Lucy khawnge I awm?" Ka hming a min rawn ko ri ka hriat rual chuan "Tunge,hetah ka awm" ka lo ti nghal chul a.
"Lucy..." A ngawi dat a chutah "Keimah John" a rawn ti leh sup a."I van rei em em ve ka lo hlau hman lutuk asin" tih leh amah kuah chu ka rual nghal a.John ni mahse eng vanga Nick ang tlat a hriatna nei nge maw ka nih le?
"Heng thlahrang lem lem te hi I hlau viau em ni?" A nui ri hak a."Ai thim hi ka hlau zawk...Ka tet laiin kidnap ka tawk tawh a,chuta tang chuan thim hi ka hlau ta tlat a ni" ka ti zawi sep a.Kum tam liam tawh mahse ka sawi chhuah zawng te hian ka thau ah min la man thin!
"John....john...Ka thaw tha thei lo,min pui teh" thawkleh khatah ka awm chu thil rit tak a delh beh ang mai hian awm in ka thaw tha thei ta hauh lo mai!
"Claustrophobia" ti sup in"Sh*t,helai hmun atang hian a rang lam a kan chhuah vat a ngai dawn a nih hi" a ti zui nghal a.
"John" ka awm chu dawm in harsa ti zet hian ka thaw chhuak tawk tawk a.
"Hei chiah hi tih thei ka nei" ti sup in muangchang hian min rawn fawp a.A hmui nem leh a lei chung sa ham ham a min fawh takah chuan awih awm loh khawpin ka taksa chuan a mi fawhna chu a lo dawng sawng tha.
"Lucy,tunah chuan a tha vek tawh e...Tu te pawh hian nunhlui hrehawm tak paltlang tawh te chu kan nei vek alawm.Khang thil te kha in hneh tir nan hmang lo la,nakin ah chhuang tak a inla intih theih pui na tur a la ni mai thei asin"Min kuah pah in ka hnungah chuan a chul heuh heuh a,thlamuang tak in keipawh chu a awm ngheng chuan ka thaw chhuak siai siai a.Ka mit chu chhing vang vang in "John ni mahla eng vang a Nick ang tlat a hriat na nei nge maw ka nih le?" Ka ti chhuak sap a.
Reilote ah mi tawng thawm hi hria in light chu anlo on zui nghal vat a.
"Kal ang" John chu a kal nghal nul nul a."Enge maw a hriat le?" min ngaihchan ka rin nen a kal nghal ta daih chu hrethiam lo deuh hian ka en tawp a."Kei hi nichin khan eng vanga John fawh kha nuam ti viau nge maw ka nih le?Valentines day pual a couple in kiss tur a min tih khan ka hnar ta daih kha a nia.Engtin nge khatia a mi fawh na kha ka feel thut theih?"mahni inhrethiam lo deuh chuan ka lu chu ka thing nar nar a."Eng pawh chu nise,John hi chu ka tan hian a va fel tak" ti sap in a kal na lamah chuan ka zui chhuak ve nghal a.
"Master John,nimin kha ka lawm lutuk aw...I lakah hian bat ka ngah ta viau mai,eng pawh harsatna I nei a nih phawt chuan min rawn hrilh vat dawn nia.I tan tanpui tur che in ka awm reng ang" kan college kal tur kan chhuah hma chuan nui sang hian ka ti zauh a.
"Lucy thil pawimawh deuh hrilh tur che ka nei ka tih kha ka hrilh tawh ang che" John chuan thu tak deuh hian a rawn ti ta daih a.
"Eng vanga serious viau nge maw a nih le?"ti rilru chung chuan a thu sawi leh tur chu ka lo ngai chang a.
"In date ang"
Meng deuh kawkin "in date maw" ka ti deuh hu a.John hi mipa tha tak a ni a,buaina leh harsatna ka tawh lai pawh in ka tan a awm reng thin..Eng vangin nge ka hnar reng bik ang?Bakah John nen kan nih chuan Nick ka ngaihtuah na a awm reng thin pawh hi ka paih bo theih phah mai thei asin"ti rilru chung chuan kan bul mai a ding Nick chu va melh zeuh in "Awle" ka ti chhuak sap a.Ka sawi zawh rual chuan Nick chu lungawi loh hmel deuh a rawn kalin min rawn nek deuh sawk a.
"Kan misualpa chu enge maw a hriat teh hrep le?" Lungawi lo deuh chuan ka ti bak hlar a.
"Ngai pawimawh duh suh" John chuan aw zangkhai deuh a lo ti vatin college lam pan chuan kan in zui chhuak nghal a.
"Nang ni pahnih hi enge in hriat a,in lo haw tlai dun bik ziah mai" Tlai khat chu Oliver chuan min rinhleh hmel deuh hian a rawn ti deuh hluai a.
"A chiang mai lo em ni?Lucy nen hian kan in date alawm" John in a tih rual chuan ka zak lutuk chu ka lo ip deuh chawih chawih a.
"In in date maw?" Eagan leh Oliver chuan mak ti zet hian anlo ti rual thawt a.Hmm...Kan awm dan atang hian an hrethiam ve vek awm tho sia...
"Lucy he thil hi kan in hmangaihna vawn nun reng nan pek che ka duh a.Hman a bazar a kan chhuah thum a I thi awh deuh kha a nia,min lak sak ta che" Thi chu la chhuak in min awrh tir zui nghal a.
"Ka lawm lutuk John" hlim deuh hian ka lo nuih sen sen a.
"In kiss ru,in kiss ru"Eagan leh Oliver te chu anlo khek chul a.Tunah tak hi chuan ka zah luatah ka hmai hi a sen chhuak vek thei hial in ka ring!
"Ka lo va inthiar fihlim ange"Nick chuan a lehkhabu chhiar lai chu khup thawkin inchung lamah chuan a chho ta daih a.
" Nick chu enge a hriat reuh le"Oliver an a tih rualin Eagan chuan rang zet hian a nak ah chuan a va nghawk zauh a.Keipawh chuan a khawsak dan teh thut chu hrethiam lo deuh hian a kal liam lai chu ka thlir dauh dauh a.
"Lucy" John chuan a lam a min pawt hnaiin aw ril ruih hian a rawn ti deuh sup a.Eagan leh Oliver te an awm ve reng bawk nen chutia han awm dun vel chu nuam ka ti lo ru kher mai!
"John ka thei lo!Heng thil te hi a rawn thleng rang deuh mah mah a ni,hun tlem ka la mamawh" mahni inthiam lo deuh chuan ka ti zuai raih a.
"Awle I boss ber alawm...I inpeih hma chu ka nawr lui lo ang che" nui sangin ka dar ah chuan a rawn beng thek thek a.
A tuk tlaiah chuan ka subject hriat thiam loh te teacher zawh ka duh avang in John rual a haw lo chuan ka awm hnu fual a.Ka zirlai ka hriat fiah loh lai teacher zawh tum a ka kal chuan Nick chu office ah chuan a lo awm ve kur a.Ka bul mai a a din tlat avang chuan teacher min explain sak na te pawh chu ka ngaihtuah thei hlawl lo.Bet lo zet chuan ka um e liam vel ta mai mai a.Ka thiam loh te min hrilhfiah zawh hnu a haw mai ka tum chu"Lucy,Nick nen hian library ah lehkhabu thenkhat min va lak lawk teh u" teacher chuan a rawn ti hram pek a.Nick hmel rum ul ka hmuh rualin phur lo zet chuan ka zui chhuak ta hna hna a.
"Nick vawiin chu I van nawm sam loh hmel ve,I dam lo em ni?" Ka biak na chu hre lo ang hmakin hma lamah chuan a kal nul nul a.
"Hepa hi enge a hriat teh hrep a,eng vanga min be duh miah lo nge maw a nih le!A thinrim ti dawn ila ka tih thinrim awm ka hre bawk silo...A tha e min be duh lo tawp se a ni mai alawm,pawi sih sah lo" lungawi lo ru deuh chung chuan ka be lui duh ta bik lo a.
Ka lehkhabu zawn lai pakhat chu an dah na a san em avang chuan ka la mai thei lo a"Tunge he lehkhabu hi hetiang a sangah te dah reng reng ni?"ti sep in "Nick,he lehkhabu hi ka ban pha lo a...Min lo lak sak lawk mai" be chak viau lo mahila ka ti ta nge nge a.Ka thusawi hre lo ang mai in min hnung chhawn zawng chuan a ding lui tlat a.A awm dan vel chu ka ngei tak zet!Ka tihngaihna hre lo chuan "Theihnghilh rawh,keimah a lak ka tum ve mai ang" tih pah chuan thei leh thei lo in ka ban trawk trawk a,a chang leh ka zuang thul!
Chutia lehkhabu lak tum a ka buai lai chuan Nick chu lokalin awlsam te hian lehkhabu chu a rawn la a."Kha,la rawh"ti hmuk in a kalsawn lehnghal daih a."Kan misual pa mai mai chuh"tia phun sep in kal mai ka tum rual chuan bookcase chu a rawn tlu dawn ta mai!
"Nick"ka au tuar a hmanhmawh deuh a rawn tlan let vat in bookcase chu a rawn vuan ding vat a...Bookcase chu tlu em lo mahse lehkhabu rem fel sa ho chu an rawn tlak tak sup sup ah chuan Nick chuan min rawn kuah bet nghal vat a."I tha em?I in tina lo tiraw?"Min ngaihtuah hmel deuh hian ka taksa chu a en kual nghal dan dan a.Tun a hmel leh awm dan vel zawng zawng te nen hian a duhawm reuh tawp!Mipa naupang a thil ngaih hlut chan hlau deuh te pawh a ang alawm le!Mahse mipa naupang chu a ni silo a,han ni ngat se chuan amah awm tu ni ngei bawk ila ka vaw nasa thei ngawt ang!
Ka ngaihtuah na ho zet avang chuan ka nui chhuak hak a." Lawm loh a nui chu mi a anti"tih leh ka chal rawn kuk fawk chu a rual a."A na...Tinge nichin khan min biak duh miah loh a?" Ka ti ta daih a.A ngawih tak reng ah chuan "Min chhan kher pawh a ngai lo min chhanhim avang hian ka lawm tho e"min en reng a vang chuan lai zet hian ka hawisawn nghal vat a.A kut pahnih chuan ka bek tawn tawn a rawn dawm in a mitmeng mawi zet chuan min en ta reng a.Chutah zawi muang a rawn kun hniam in ka hmui bul chetah chuan a rawn thaw lum nghal ham ham a.
(Vawiin atan chuan ti zawng hi ni mai teh se,ngaihnawm intih zawng te anih chuan comment lamah in ngaihdan te lo sawi ve ula...
)