HLUSANGZUALI BY Rebec Colney (Completed)

[Ngaia]

##CHHUNGKAW HARSATNA AVANG A PHAI A HNATHAWK LEH PASTOR NIH TUM TE INHMANGAIH CHHOH DAN I HRUT VE I LA

I innghahna leh i rin em em mihring , hmalam hun lo la awm zel tur nen lam a i inghahna chuan mit khap kar lek in in thutiam te chu theihnghilh nghal mai se , i na in , i hmalam hun suangtuahna te khan an kal bo san nghal mai lo che maw ???

A chung a ka rawn sawi ang ngei hi keipawn ka tawng ve , mahse maw ,khitiang thil avang hian sang tak atang a hniam tak a awm ka tum lo ,

Keimah ,HLUSANGZUALI ka nih chhung chuan natna in min chim ral ka phal ngai lo ang ...


HLUSANGZUALI







Chapter -1









Khawhar in a tlai var tur chuan ka insiam mawlh mawlh a ,vawiin tlai lampang dar thum bawr vel khan vengchhak lam a awm ,pitar kum upa tawh zet ,kum sawmriat ral kai tawh chu a boral a ,tlai lam ah an inchhung bungrua vel an sik sawi kual vel lai in kan han kal hman ve si lo, zan lam pang tal a han tlaivar chu kan tum a ni.







Phone a hla ngaih thlak rat rat pah chuan ka insiam chhunzawm mawlh mawlh ,tlaivar tur kan nih tho avang chuan dar kaw bawr vel ah chauh kal kan tum bawk nen ,a hmanhmawh thlak lem loh .









"Kal tawh rawh , i țhian ten an lo nghak reng tawh ang che " ka insiam zo pindan ațang a ka chhuah rual chuan meizial zial mawlh mawlh pah in ka nu chuan a rawn ti dam dap a , ka nau te pahnih chu a kiang ah țhu in tv an lo thlir dun dauh dauh thung .An en duh a in ang ve mial a niang , remote chuh in an inkhawih rak lo e mai .







Mipa leh hmeichhia tih tak ah Peki zawk hian korean film lam hi a atchilh a ,a nau Duatan a lo en pui peih si lo hi remote chuh in an in ti thinur ziah , ka nu emaw ka pa an inrawlh erawh in an buai zawm ngai lem lo.Kei chu phone keima pual a ka neih tak hnu hi chuan tv pawh ka en tha peih meuh tawh lo chu a ni.Tv a chhuak ang ang chu phone ah lo en theih ve zel tawh mai bak ah , a lo awlsam zawk zel nen ......A!...chawhrual chuan tv en ngai lo tluk ka nih ber chu .







"I pa i han hmuh tak hloh leh dawr ah zial lehkha i rawn lak tir dawn nia " ti zawm leh zat in kuhva thleng a țhutna hnuai a a dah chu ban in a ei zawm nghal, kuhva hi chu duh ve hlarh hlarh tak hi a ni ringawt ,zing ațang pawn a ei thei nghal,a chaw ei a ti tui lo chuang lo reng reng .Ka pa hian zingkar a ei a phal lo a, ka pa hriat loh tur theih ber tur in a ei ru tham tham zel , kuhva ei ruk chu pro tak hi a ni ringawt ,sarang ri miah lo pawn a dah na atang a la chhuak thiam.







"Ka hmuh kher pawh ka va ring lo mi an tam dawn si " ti niah niah in ka chhuak a .Zikpuiin min lo sawm thla rawh a tih avang in kan sawm kawi leh ,an insiam rei em em leh nghal .Țhian te zing a nghah reng ngai ang chi kha ,a che reng reng te hi muang tak hi a nih mai bak ah hmanhmawh na nun nei miah lo ang chi kha a la ni zui .





Vengchhak leh kan veng kar kawng hi a inhlat tham reuh a , ke chuan darkar chanve zet kal ngai a ni .Kawng lak ah midang kal tur kan tawh ho te nen chuan kan kal tlang dial dial hlawm .







Kan han thlen chuan țha lai dang ho pawh an lo țhu far hlawm tawh a ,a hnung lam țhut na nuam deuh tur a kan rin ah chuan kan țhu nghal tharh ,ka bul a țhu run ,zai ve dut dut pa vang chuan ka awmdan a khaih lak ka ti mai , zai pawh ka zai ring țha ngam meuhlo chu a ni.







"Zai ve la " nui suk a min rawn tih chuan ,lai ru deuh tak hian "ka zai ve tho e aw " ka lo ti let sep , kiai deuh suk chung a hawi sawn in a zai zawm leh nghal mai .Ka kut hum tawm vak in ring lo te chuan kan zai leh .Zai thiam ngang lo tih tak ah ,hla te hi ka hre tlem a nia.







Kan kohhran upa fapa Rinsawmpuia ni in ,a thiante ho hian Rs an ti mai thin,tlangval fel tak , tho thang tha zet hi a ni a .A hmel han țha vawr tih tur chi ni miah lo mahse zun hi a nei riau , ngo lampang ai mah chuan hang rawng a kai lam mah a ngem aw tih tur a ni .Mipa pian țha kan tih ang chi kha a nia ,a mah a palian reuh in a sa pawh țha nelh nawlh tak a ni .Kan khua ang ah chuan tlangval hleitling tha pawl tak a ni







A ruk in ka lo duh ru ve thei em em ,mahse kan cho phak niin ka hre bawk si lo ,a ni chu kan khua ah rau rau pawh chhungkaw awm thei leh mi te zah rawn ,kohhran a inhmang chhungkua kan tih ang chi kha an nia kei ni nen a tehkhin ralah phei chuan an fi lawr țhak .









Hmingi mut chhuak tawh muthlu lawp lawp țhin chu en in ka nuih leh suk suk țhin, a bul mai a țhu Zikpuii pawh chuan a nuihsan deuh reng a, a thla te a laksak in ka hria .Zai pawh a zai hman meuh lo ,thlen hlim hlawl ațang in a muthlu nghal tih theih a ni.Ani hi zawng rem leh rem lo lam hi a ngaihtuah vak lo ,a mut a chhuah chuan a muhil thei mai zel .









"I mut a chhuak tawh em " zai loh kar lak ah chuan Rinsawma chuan a rawn ti deuh sur sur a ,lu ka lo thing mat mat .A țhiante ho chu rawn dak phei pah deuh in min rawn nuih vur vur hlawm ah chuan "in va mak heng huang reuh " ti a ka fiam chuan ,an ner nasa hlawm ngei mai. A thian te hi phawk ve tak tak an ni hlawm a, kei pawn ka fiam bawrh bawrh ngam









A țhiante ho nen hi chuan kan inbe ve deuh reng țhin ,amah Rinsawma tak hi chu ka be ngai lo ang tluk tih theih a ni , a hmel ka hmuh in zak ru tlat thin hek.







A dar chu a kut a beng thak thak in "I men theih ngang tawh loh hun ah chuan I lo bei hnap dawn nia " mit ko san euh euh chung chuan fiamthu ti tak deuh in a ti sup a.Ka lo nui mai .









Khua a var thleng chuan ka muthlu lo a tih theih ang chu , ka mít erawh a na thùm ,,ka kawng leh hnungzang bawr vel te chu a kham ngawt ngawt mai .Țhuthleng dup ah kan țhu bawk si lo chu mawng te nen lam a na thei.







Ka hnungzang kham ka chum deuh mawlh mawlh lai chuan "rinai i meng thei zek a , I mut a chhuak lo maw ?" Rinsawma bawk chuan min rawn thlek deuh ha in min zawt a,a chhuah ve tho thu a ka chhan hnu chuan ,Zikpuii leh Hmingi chu en in "Nangni pahnih kha mutbu nen rawn kal ta law law u la , mi an zai lai pawn in in hnar thlawrh thlawrh lo chauh a nih kha le " a tih chuan ,huat en ah pawh an en lo ,an nui ang thaw a







"Min rawn bia ,min rawn be suh , i bialnu ten min melh rum leh emaw a nia nga " Hming in a ti hlak , ner nung a chek tlakin "leh ngawt thin a che a, mi mah in lak single mah nak lai a" ti in a chhang hluk a , a thiante pawh an lo nui ve huk hlawm mai .An in ngam dun bawk a , ho te te ah an inhnial leh thin .Boruak pawh an ti nuam viau mai.Nuih rin chi a ni bawk si lo , hmui hup in ka nui ve kar kar a.







"Rinsawma leh Babyi kha ngati nge an in țhen le " Zikpuii ani ,kan haw lam ni tawh in mi ai hma in kan lo zuk kal hmasa a. he thil hi keipawh ka hriat chak tak thil a ni ,Hmingi leh Rinsawma te hi in ti chhung hnai tak an ni ve a , ,an in awmna pawh a inhlat lo khawp,











Babyi hi Rinsawma bialnu hlui a ni a,nurse ngat a ni bawk , kan khua a nula hmeltha pawl tak a ni , mi zawng zawng in innei mai tawh tur a kan ngaih an ni a , an inthen na pawh rei a la ni lo.Tlaivar zing ah pawh khan a tel ve a , kan awmna lam a rawn hawi deuh chhen leh nghal, chhan dang a ni lo kan kiang mai ah Rinsawma thu hek.








Zikpuii chuan "tu zawk in ,Rinsawman maw " a ti hliai,lu thing in"Babyi zawk , a mak a nia , Rinsawman a duat in ,a duh tehreng nen "a ti mai a .









" A va mak tak ve , ka rinloh lam daih a lo ni a nih chu"Zikpuii chuan a ti nuah nuah .Keipawn tiang lam hi chu a nih ka ring lo a sin , engtin nge tiang ang a mipa tha lutuk midang a kawp san theih ni.







"Mihring hi chu pawn lam landan chauh a in teh mai mai loh tur ,pawn lam a fel hmel deuh mahse chhungril nun lam kha deuh te hi a awm theih a nia " Hmingi chuan a rawn ti hlak hlak ,Ni e , mihring te hi chu mize thup thiam tak hi kan ni hlawm a ,pawn lam landan a inteh ngawt hi thil tha a ni lo.











A sawi chian hnu ah chuan ,Babyi bialpa thar chu aizawl a nurse a training lai a ,an in luahna neitu te fapa a lo ni , a tir chuan a duh mai bik lo ni awm tak a ni a, mahse lo inhmu ngun a, lo inkawm nel ta bawk , sum lam ah a buai lo bawk nen eng eng emaw lei sak in ,Babyi pawh a lo tang zo ta lo a niang , Rinsawma nen thla khat zet zawt a kawp hnu in , Rinsawma chuan a man chhuak ta si kha an in then chu a ni mai.







"Tun lai tak hian Rinsawma hi a rawn be tha leh deuh a , ka ngei reuh a nia "Hmingi chuan ti leh bawrh bawrh ,an in kan thlen tak ah chuan la sawi zawm chak tak chung in ,









"A nih leh u aw ,kan zuk mu ham ham tiang muttui " thaw veng zet a ti in an lam chu a pan thla hnak hnak .Eng nghelh vak te hi a nei lo a nia , min ti hlim tu ber pawh a ni .







Rinsawma chu ka lo khawngaih ve ngawih ngawih mai a ni ,Babyi reng reng pawh a ti ang lo , duh leh lo tur tho te chu kawp kual loh mai tur hi a nia.Hmeichhia hi zawng kan mak a nih hi .







Rei pawh kan kal țan leh hma chuan Zikpuii te in pawh kan thleng zawm leh chu a ni mai , kan in awmna hi tlem in a han hla fal deuh hlek bik a.







Vawiin chawlhni a nih avang chuan ka mu țha ta lo law law , duh leh zan lam ah ka mu nghek zawk ang .Tunah mu ta ila chu ka thawh peih loh mai bak ah zawi a na duh emai.







"Ka lo țhu ve " inkhawm bang ka țhian te ka lo nghak a, biak in sir a țhut na an dah ah chuan .Hmingi leh Zikpuii hi Junior naupang zirtirtu an ni a ,kei ve erawh ka ni lo hlauh , kohhran lam ah ka tel tam lutuk lo bawk a ruat en ah min en lo te pawh a niang.







Ka en chho a coat dum a taksa phuar lam lek lek ha in a smart leh thlup tawh ,Rinsawma pawh hi senior zirtirtu a ni , a pa kohhran upa a ni bawk a , kei ang lo tak in kohhran thiltih na lam ah a tel tam viau.





Ka buk nghut rual in a lo țhu thla ve a ,"Fellowship in tum em "ti a min zawh chuan lu ka lo thing leh mai , a rum deuh nghut mai .Inkhawm pawh hi ka peih hran em em pawh a ni lo,chhung ten inkhawm țhulh an phal tlat lo ah chuan phur hmel tak in kan ti ve a ni mai a,,chutih rual erawh chuan tih țhan a ka neih tak chin ah chuan inkhawm pawh țhulh mai mai ka harsat ve tlat tawh thung.







" Enge tih tur pawimawh i nei mi ,lo tel ve mai mai teh "a rawn ti leh hram ," vawiin chu ka lo tel lo mai ang "ti in ka nuih tlawn sang , kar hmasa vel ațang khan khawlai a in tawh hlek leh inhmuh fuh chang hian min be ta zeuh zeuh ,tlem chuan a bul a awm pawn ka zum duk tawh bik lo,mahse midang bul a ka awmdan nen chuan la inthlau tak a ni.







Țawng tum in a a ang leh zuau hman tih a ka țhiante chuan min rawn fin tak ah chuan engmah sawi lo chuan a chip leh hmuk ,an lo lang thut chu a lawm hmel teh chiam lo khawp .







" Min lo phone a, kan inkawt ah min nghak tawh aw ,Muanpuia leh Freddya, chuan an țhian pakhat an lo hruai bawk ni awm tak a ni "Zikpuii chuan a rawn ti nghal mawlh mawlh ,Rinsawma chuan mitmeng hriat thiam har zet a min lo melh ka hmuh chuan ka nuih var a , za lo deuh in min lo țhen khum ve suk mai .







" Nang ni pahnih hi ka hmu dun zing reuh viau che u "Hlutei a ni,a hma chuan Rinsawma hi a duh thei lutuk mahse a țhiannu Babyi nen an inkawp tak ah kha chuan a vei zawm lem lo ti in Hmingi khan a sawi a,a thiannu nen an inthen tak hnu hian Rinsawma bul ah hian hmuh tur a awm ve reng zel ,A mak tak tak a ni.Kei in a kan tih ngam loh dawn nen ,Hmeichhia theuh theuh pawh a in an loh theih ngei mai.






" Awi awmloh e a "ti in ka nui deuh chiam ,Rsa(Rinsawma) erawh engmah sawi lo in a țhu run a ,a chang a min rawn melh leh zawk țhin chu kan in melh chiang thei si , lai deuh in ka hawi sawn leh vat thin.Nidang ang lo tak in a țawng mawh riau bawk ten ka hria .






Zikpuiin " kan kal dawn mi "ti a min rawn bek bawr tak sur sur ah chuan ,ka kiang a hlabu ka dah chu la in ka ding chhuak a, Hmingi te ho erawh chu an fellowship dawn thung .






Kan kal țan dawn chauh tih ah chuan Hmingi pek chuan "nuam han ti lutuk lo ula aw , chuan Muanpuia mi hmelțha deuh kha min rawn biak ang che u " ring tawk tak a a tih chuan , ka mitmei in ka khap vat ,a țawng ring reuh bawk si a, biakin kawt a midang awm ho pawh chuan min lo en țhap hlawm mai.He nu thawveng leh zah pah vak nei lo lutuk hi chu a hahthlak a ni .





Muanpuia a te hi kan khaw thenawm lawk a mi ni in ,aizawl a ka hotel management ka training pui țhin a ni bawk ,a piancham lawm a tum ve a,kan lo kallo mai ang kan tih pawn zuk phal tlat lo ,"rawn kalna tur lirthei kan nei lo "ti a chhuan lam kan siam ngial pawn hei min rawn hruai vang vang tak si ah chuan ,han țhulh kha a nuam tawh lo.Zikpuii min kal pui turin ka sawm ngawt a , a lo peih ve maibawk .Muanpuia nen pawh an inbe pawh fu tawh bawk nen kei ai mah in an inkawm thei tawh zawk .







Zikpuii te kawt ah an lo awm a , kan inthlak chhung in veng hnuai lam ah întur zu kan la lawk dawn ti in phur tawk in an tlan thla a.







Tun ah in nghal lo tur in an rawn let leh chuan ka lo hrilh a ," zan lam a mi tur a nih hi "an lo ti mai . ,ka ngaih a țha sawt mai.Zu rui chhuh bul a bike chuan chu ka thisenin a ngam thlawt lo.







" Phai lam ah hnathawk tur chuan i kal dawn em "ti a Muanpuian min zawh chuan chhan ngaihna ka la hre rih lo ,hotel management lam kan training ka tih tawh kha,kan training zo tawh bawk kum a laklawh tawh em avang in phai lam a thawh ka tum ro ro a nih chuan kum thar law law ka tih vang in ti hian in lam ah ka la awm hrih reng a ,kuhva rah kawr pui te la in tih tur neuh neuh chu a lo awm ve zel mai bawk.










Chhan ngaihna ka hriat mai loh tak ah chuan " nang engtin nge "ti in ka zawt let daih , tun ah hian zanriah ei zo an inchung ah țhuthleng la chho in kan țhu khawm a , guitar te perh in an zai nasa hlawm khawp mai.Ka țhian nu hruai pawh in kei ai nuam a ti zawk a maw tih tur in a zai ring thei khawp mai.






" I kal hun hun ah ka kal ang "ngaihsam zet a a rawn tih chuan ,ka ner nang .






" I chhung ten kal tur in an nawr lo che mi , i training chhuak vek tawh sia "ti a ka zawh chuan ,lu thing nghut in " ka kal loh theih dan ngawt a lawm maw le an ngaihtuah "a ti hluk , an chhungkua hi kei ni ang a harsa an ni em em lo a , a sawi dan phei chuan lehkha zir tur in an la duh viau zawk a mahse lehkha zir peih tawh ngang lo in Hotel management làm a training ve tawp a ,rin ai in a lo tui reuh phian sia ,nuam ti deuh in a training zô ve ta mai bawk.






A u mipa hi primary ah zirtirtu ni in ,a pa hi PWD làm ah a thawk bawk a,Muanpuia hi an duat rawn in an chhungkaw naute kha a ni ve bawk si ,kal an remti chiah lo pawh a awm ve reng mai.







Rei lo te kan thut leh hnu in min va thlah leh thlap a, a piancham lawmna ah pawh mi a sawm tam hran lo, an țhian ho sawm bawr vel leh kei ni pahnih chuan an chhung khat laina hnai te an ni leh mai.Zan lam party te nau neih pawh an la tum viau kha ,min sawm ve leh tho na chungin zan lam kha chu kan hnar thung.







In ka thlen chuan ka nau te pahnih chu inkhawm turin an lo chhuak dawn chiah a , mipa leh hmeichhia ni in kan chhang a khat khawp a ,Peki hi a upa zawk a tun ah pawl 6 a zir ve mek ,kan naupang ber Duatan pawl 5 a zir mek bawk , tunlai tak phei hi chu ka inti tlangval ve e tia ,a thawmhnaw hak tur te hi a tlang uluk thei lutuk a kan nuih pui chiam zel.







" I inkhawm hman dawn lo a ni maw"tapchhak a țhu in ka pa chuan a lo ti ,ka nu leh pa hi senior hnu lam a innei kan tih ang chi kha an nia , an hmel pawn tar lam a hnaih tawh lutuk , hna rum lam han thawk vak chi pawh an ni tawh lo .





"Hman pawh ka ring tawh lo ,zanin chu ka țhulh ni mai teh se " ti in pindan lam chu pan in ka inthlak a,midang ho erawh chu inkhawm turin an kal hlawm tawh .Keimah chiah in in chu ka lo nghak a ,țhuthleng ah mu in phone ka khawih vel ta mai mai .







*I inkhawm bik lo mi *message chu ka en a , Hmingi a ni .







"Ka inkhawm hman lo a lawm, kan haw har reuh lutuk a, " tih chu type mawlh mawlh in ka thawn lrt a ,a rawn seen zawm nghal .







Rawn voice in "Nuam hi ti fal viau zel suh i hria em, em ,em em a che , bike hnung lawmi an ti ve mai tur che a sin ,zahthlak dawn lutuk " fan raih in a rawn ti a , a tawp lam ah a rawn la nui ar ar zui.A va ngeiawm thei reuh tak!!






Thu ho deuh deuh sawi in kan inbe reng a , kan inbiak tawp lam dawn ah chuan *I number min dil tu an awm a ,ka lo pek hnap kha ,i single na rei tawh sia ka tia ,ka lo sawi pui nghal bawk che* tih min lo thawn chuan ,tu nge dil tih ka zawh ngial pawn







*A lo biak hun ah che i hre mai ang , a fel teh nia lo be chhe hlek suh *a ti fel than reuh ,min rawn fiam mai mai nih ring in ka zawh zawm duh ta bik lo.








Mi fiam te hi a peih in ,mi bawl phei hi chu nuam ti tak a ni ringawt , a ma ngei pawh a number dang hmang in a bawl chiam tawh ,a pa in a man chhuah hnu a ,a zilh dan an sawi phei hi chuan a nuih loh theih loh.







Inkhawm ho an rawn ban tak ah chuan khum lam ah ka insawn phei a .Muanpuia chu WhatsApp ah vawiin kan thlalak chu ka va dil a ,online reng si a seen duh lawk lo leh nghal .Chutia thlalak min lo thawn ka nghah chhung chuan ,number hlang ringawt ațang in







"Zan in chu I inkhawm lo a ni maw " tih hi ka dawng nawlh a,a dp kan en chuan coat pawl ha in mask a vuah a ,biakin kawt a lak a ni bawk .Ka bih chian ,ka bih chian tak ah chuan Rsa a ni tih ka hre ta a,eng chu hria a min lo biak teh nawlh ni.





Ka chhan letna tur ka chhut mawlh mawlh lai chuan "Save rawh aw , Rinsawma ,kan khaw tlangval a hmelțha awm chhun, kei ni hi eng ti tih a number te lo la in nei tawn lo nge maw ni kan nih ni " tih hi a rawn thawn leh a ,A rawn che uang vel lutuk chu mahni te in khum ah ka țhen țhaw țhaw mai.









A tawp lam a a rawn sawi erawh ka pawm pui viau thung , ti chen kan in hre ve tawh a , in be em em lo mah ila khaw khat nih na lai ah number pawh lo la innei tawn lo chu a zia lo lam deuh a ni .







A number chu ka save a , ka reply zawm leh lem hlei lo a , han biak vel chu ka chak tet tet na chung in eng nge ka han sawivel ang tih kha ka hre thlawt lo , țawngkam thiam deuh nih ka chak phah .







Mi ze ngawi chawi zet tih tur ni lo mah ila ,sawi tur erawh ka hre lo viau zel thung ,thian te bul ah erawh ka ri ve bawrh bawrh zel.Hmel en ang ai in ka luhlul viau bawk.





Muanpuia thlalak minlo thawn ho chu ,tlem a ka lan țhat na deuh zawng in ka status a , chumi rual deuh thaw chuan msg lo thleng leh in ,











"I in duh reuh eee ,,min reply ve la "





"Hmm,vawiin chu i hmang nuam hle ni maw "






"Mang țha ,muttui phawt aw " tih vel ni in ,Rsa hnen ațang vek in a ni ,ka ka ka chip hlei thei meuh lo chu a ni , zan dang zawng ai in ka mutui leh zual dawn tih ka hre sa , mutui min rawn ti tu in a zir em bawk a ni.








"Nang pawh muttui aw " ti a ka va chhan let chu a hmu mai tawh lo a , phone a dăh tawh te pawh a niang.





"A rawn bia che em " Hmingi te dawr ah ka kal lawk a ,min lo hmuh ve leh he thu hi min zawt hmasa ber. .






"Tu in maw " ka hrelo der tlat , hman zan Rinsawm an min rawn biak ațang khan ni tam a liam leh tawh a, zan tin tih theih deuh thaw chu kan in be ve reng zel .Inngaihzawnna lam hawi leh inngaihbel theih zawng hi chuan min rawn be ngai miah lo thung .








Chek tlak tlak chung a min melh deuh ram ram in "i hre reng aw , ka sawi duh lo e te i ti vel nih " ti hlak hlak in ka alu lei tur chu a buk mawlh mawlh .






"I sawi duh bawk si lo a, khawi teh a mah zawt ila nimai , kan au phei nge " alu min rawn pe zo ,chhuah a tum ut ut chu man ding in "hei ,hei ,ka sawi dawn ,ka sawi dawn ,țhu teh " ka ti ta chul a , an in hi a inhnaih ka tih tawh kha ,dang lo ila chu an inbul ah kal hnai in a va au phei duh tak tak mai ang.







Ka țhutna bul chair a rawn țhut thlak pah chuan "ka zawh lai che khan sawi țha mai ta che ,kan dawr kher a i rawn kalna chhan pawh an in i kal pel dawn a amah i hmuh theih tak hlauh in i ti a ni maw " awm lo ti lutuk in ka melh ta nghek ,min la nuih ang vur vur zui.







"Sawi vat teh " ti a min tur chhen ah chuan "aa,, engtin vak kan inbe lo ,mahse zantin deuh thaw chu kan inbia tih theih chu a nia,mahse i ngaihdan ang a inlem kual zawng kha chuan kan inbe lo nia "inngaizawng ang a min ngai tlat chu kan inngaizawng lo tih a hriat fiah thiam nan ti in ka sawi ngial a ,mahse " in la inngaizawng lo pawh a ni maithei mahse in la inkawp thuai ang "a rawn tih chuan chal ti chuar tap in atthlak ti lutuk in ka melh ta reng.







Sawi sawi mah ila a tan na ngai ah a tang leh tlat dawn tho a, ka hnial buai peih ting tang lo , ka chil per a uihawm mai mai.





Rinsawma chu duh ru ve viau mah ila ,inngaizawng tur ang a kan in dah chhin pawn ,ni thei in ka hre lo, chu bak ah a duh zawng pawh ka ni ngawt lo ang .





### Chapter 1 chu kan dah chhuak ve ta a,a thei thei in han comment liam liam bawk ula ,Pathianni zan lo chu zantin dah kan tum dawn nia u aw ##




.


Show post links
Top

[Ngaia]

HLUSANGZUALI







CHAPTER -2









An dawr a ka awm chhung zawng Rinsawma chanchin ngawt min sawi pui in ,a chang in a fel zia thu a sawi hlut a ,a chang leh "a hmel hi chu a keu puak lo ve chiang a ,mahse a zun a uăi tawh vek vek hi chu an uai na thei a nia , high sikul kan kal lai pawh khan kan zirtirtu fanu in a at chilh tlat tawh kha , a nu tihngaihna hrelo khan hmun dang ah sikul a kal sawn tir te kha i la hria em ,"a rawn tih chuan ka bu nghut , ka duh hneh ve hle in ka hria a ,mahse Miss Saipuii fanu lak ah kha chuan nep tak hi a ni ringawt , a ni kha chuan a duh mai pawh ni lo a at in a at chilh a lawm le.







" Chut hmel deuh si hi ,ngaihzawng lam ah hian a hawi harh reuh phian a , a zei tawh ngawt in nia ka rin " tih vel mai mai sawi in a nui ar ar reng a .






A thil sawi duh dan vel chu nuih pui loh chu har tak a ni, ka chezia ațang hian ka duh ve tih chu a ring thiam tih ka hre mai .Mahse hman ațang ka lo vei ruk em em țhin a ni tih chu a hre lo thung.Tu man an hriat pawh ka ring hek lo ka thu ruk kawl duhawm zet mi hnen a ka sawi chhuah ngai loh kha a ni miau.






"An in i kal pelh dawn khan chak lutuk in kal kher lo la " ka haw dawn a min fiam ang ngei ngei in Rinsawma te in kawt zawn ah chuan rang zet zet in ka kal a, in ka thlen hnu a kan ngaihtuah chian chuan atthlak ka ti leh hnuhnawh khawp .






Kohhran inkhawm pangngai awm loh zan a nih avang in KTP in hla kan zir a , kan la sak ngai zen zen loh hla anih avang in a har zek ,a hla thu leh thluk te erawh a nalh phian thung.







Thingpui inchawlh kan nei a ,biak in sir thlang làm a tlak dal atan a lũng an rem ah chuan keini kum rual khat ho chu kan thu khawm laih hlawm





"A har e ,kan hla zir kha ka hrawk te hi thip vek tawh ,kan sa sang bawk si " Zikpuii chuan a hrawk zawn dawm vang vang pah chuan a ti niah niah .A thusawi chu midang ho pawh chuan an lo pawmpui hlawm khawp mai.







Ka kiang a rawn ding an awm rual in nui ri in a zawm nghal ,,zunin bul kawt ah light an chhit fer fur vang in an hmel chu kan en hlawm , an lo țhen țhaw hlawm mai.Ka ngei reuh hlawm tak tak a ni.





"E,, Thlamuana chu kan hmuh ve teh nawlh che a ,pawttu a na deuh a ni maw " an tih deuh sap sap chuan ,min rawn melh zawk zawk , mipa ngei tih vel hi a nula tih chi loh viau na chung in he mihringpa lak ah hi chuan ka insum thei thlawt lo chu a ni..





"Hman zan khan eng nge in tlan nul nul , in hnung ah ka auh zui lawng lawng na che u pawh in hre lo " a rawn tih bul bul chuan za vak lo in ka țhen ta chiam , min au ri chu kan hre vek , kan hre lo der mai mai zawk a ni reng sia , hman zan Zikpuii nen vengchhak lam ah kan han kal in kan haw leh lam kha ,Thlamuana te țhian ho hi vengchhak ho tuikhur thim lai deuh ah an lo thukhawm a , min lo hmu fuh nen thlah phét min tum a kan duh bik si lo kha kan tlanchhiat san ta ringawt kha nia.





Ka chhan hma chuan Rinsawma leh a thianpa Chhana te chu rawn lang hlawl in thuthleng an rawn zawn a ,kan thutna hma lam ah hung in an thu thla a.An țhut fel rual in Hlutei chu țhu thla ve nghal zat in Rinsawma chu ngheng deuh ti tih in a be pah mawlh mawlh , a nui sang reng a Rinsawma bul a awm chu nuam a lo ti khawp a nih hi.,Hmingi'n nui suk suk chung a min rawn mitmei leh zeuh zeuh țhin chu en rei duh lo in Thlamuana zawhna chu ka chhan san ta daih .





"Ti khan in ngaizawng ve mai ru ,in inhmeh vel lutuk " Hlutein a rawn tih hlut rual in midang ho pawh in an rawn n sawi zawm ta sup sup , ka ngei reuh khawp, midang lah chuan min hmeh bel tal tum in an tawng chhuak leh ta nghal , Kan Lalthlamuana lah chu a nui mai a ,kan pahnih a min dem chu nuam a ti zawk emaw tih mai tur a ni





"Kan la ni daih lo ang tih pawh sawi theih loh " ka chhan hma hma in Thlamuanan min rawn chhan khalh , rum deuh hlek a ka melh na. chu hre lo der hmak in a nui ang put put a.Ka melh na lak ată mit ka la sawn chiah chu Rinsawman mit meng rum lam lek lek in min lo melh run .





Sawi hmaih theih miah loh chu a meng te reng reng hi a meng fiah biak in ,mipa ka hmuh tawh zawng zawng ah a mitmeng chu a nalh fal hle bawk.







Phone in in be ngun viau e ti lo hian midang nen a kan awm khawm ho chang te leh ,a țhian te an awm ve chang hian min be ngai lo tih theih tluk a ni , ka ngaihtuahna a kal sual chang phei chuan min zah pui deuh emaw tih chang ka nei leh zeuh thin .min biak pawn phone a a țawngkam hman nen chuan dang lam tak a ni ringawt.







Ka ngaihtuahna rawn vir zawk avang chuan Rinsawma chu nuih lui suk in ka hawi sawn ta daih ,tawi te chuan min nuih ve chuan ka hria.Eng tin nge maw khang ngaihtuahna atthlak kha ka put theih ni .





Hmelhriat satliah !!ni e hmel hriat satliah mai kan ni a lawm maw le , eng tiang a min en vak tur in nge ka lo beisei chiam le ,phone kaltlanga min rawn biak tam vang mai a inzawmna pangngai kan nei emaw kan tih ringawt chu .Atthlak lutuk .Mipa te chuan an duh vak loh pawh an be peih reng tho a lawm maw le...





Ka thiante zing a pakhat pawn phone ațang ringawt pawn bialnu pathum a nei ,chu ta chhap ah an khaw țhen awm mi nen langsar tak in an la inngaizawng ta cheu bawk a nia.Mipa hi chu an mak tih bak sawi ngaihna ka hrelo , chutih rual in mipa tha tak tak an awm ve tho bawk .






Keimah lam ah erawh chhan dang vak a awm lo, ka duh lutuk na lam ah ka lo beisei sang ve deuh chauh a ni. Kei chu hmeichhia a zawng a beiseina ngah mi tak ka lo ni si nen , a tawngkam tha te kha ka lo thutak khuk pui a,a fiamthu te kha thil tak tak ah ngai in suangtuahna atthlak ka lo nei hman a , mahse ka duh ang a thil a thlen loh chuan keimah bawk a ni na ni.







"Lut khawm țan leh tawh dawn ila ,kan chawlh rei lutuk zawng in zirna hun kan ngah lo palh hlauh a nge " kan leader a rawn au kual lung lung tak ah chuan biakin bul mai a awm hall ah chuan kan lut khawm leh ta sap sap .






Dar sawm bawr vel ah kan hla zir chu kan bang ta chauh a , biakin tual chhung kan pel fel chiah tih a ka phone ka ah chu a lo ri a ,ka chhungte an ni dawn a maw ka tih lai in





"Min lo nghak rawh , pastor quarter kawt ah khan " ka lak rual rual chuan Rinsawma chuan a rawn ti nghal vut .Pastor quarter hi biakin ațang a hla lo te a awm ani a.







Min ti hrilhai lutuk chu chhan mai dan tur ka hriat loh avang in ka ngawi ta tawp .Phone hmang a ka ding chu ka țhiante ho chuan kal vat tur in min lo tur chhen hlawm bawk .





"Mate ,I hria em min lo nghak rawh ka lo chhuk ve țep" a rawn tih leh tak ah chuan rilru nuam zan lo chuan ka lo aw ve mai , Ka thiante leh min hre tu ho hian Mate min ti mai thin a,ka hming tak Hlusangzuali ti a min ko hi chu an vang thin khawp .







Haw rual pui tur a min nghak ka țhian te ho chu en in "lo va kal ru ,mi nghah lawk tur ka nei a " ka tih chuan ka thiannu chuan awihloh hmel pu deuh hian min han thlek ang vung vung a ,midang ho erawh chu an kal zawm leh mai bawk.





Hmingi leh Zikpuii tih loh hi chu a chang zeuh zeuh a ka kawm ,țhian bul fuk tak ang kha an ni lo a ,Hmingi te venglai ah an awm lai in ,kei leh Zikpuii veng khat ah kan awm thung, midang ho chuan eng mah min zawt zui lem lo in an kal nghal mai a.






He nu ve thung erawh hi chu ,kal ve nghal ta mai mai lo chuan "tu nge i nghah dawn " ti a min zawh chuan "umm,ih ,,aaa nakin ah ka hrilh ang che" ka ti ta ringawt , ka nghah tur pa hming ka hrilh chuan a eng a mah hma in min dem fiam leh ringawt a nga ,ngaihdan awm ang lo lutuk a pu leh a nga ,midang in an hriat leh chuan a zahthlak dawn lutuk tlat.







Ka thiannu a kal liam hnu vel ah ka mi nghah pa pawh chu a lo chhuk a,amah chauh in a ni bawk .Ka bul a a lo din rual in "kal ila " ti sup in a kal nghal nul nul chu en in ka hmui ka pet sawi zeuh .Eng vang a lo nghak ngawt nge maw ka nih le .Mipa zawk ni si in tawng hmasak lah chu a tum der si lo






"Khawi ah nge kal I tum a ,zan zan ah " ka tih chuan min rawn en zawk in hma lam bawk chu a en zawm leh nghal , a tawngthei lo emaw tih mai tur a ni , ngel ngul mai.

.




"Ka hre bik lo " min chhan na avang chuan a hmel chu ka han thlek deuh ha a ,zan a nih avang in chiang deuh in a ka hmu thei lo thung .Rawn hawi ve chuang lo chuan tak ngur in hma lam en in a kal zawm zel a.







Zanin a awmdan hi a mak ka ti ,ka lak a lungawi lo ang mai in a țawng hmuk hmuk a, hmel hlim hmuh tur a pu lo bawk.Eng emaw tak thil chuan a ti lungawi lo chiang a lawm .Chuan khawi a kal tum tak ni ang maw .





Inbe leh tawh lo chuan kan in thlen hma thleng chu kan inzui tluan parh a ,a kekawr ipte ah a kut khinghnih hnih zen lut in kan in leh țhenawm te in inkar thim lai deuh ah chuan a ding deuh run .A din tak daih ah chuan kei pawh a hma zawn ah chuan kuangkuah deuh at in ka ding zum ve zut ringawt a .





Rawn țawng chhuak in "haw tawh rawh le ,muttui aw " ti sup in ,a lu chu a chet zeuh .





A tir te khan min thlah dawn tih sawi.that mai awm





Thil zawh tur tâm tak nei mah ila tun ang a a mood ang ah hi chuan zawh chi ni in ka hre leh ta chiah lo .



"Nang pawh mang țha muttui aw " ti in kan in lam chu ka pan chho hnak hnak a ,min koh ding a eng emaw tal a sawi kha ka ring ru deuh a nia ,a ngai ang bawk in a lak ah ka phut sang leh tawh tih ka inhre chawp chilh leh nghal.






A ni nen a kan inkar thil ka hriat fiah tawlh tawlh tak chu ,ani lak a beiseina sang tak ka neih hnu ah ani hnen ațang in beiseina thlawn pek ka ni ziah,a ni hnen atang a thil phut ve deuh ka neih ruk apiang in beiseina thlawn mai ni lo in beidawn na in min luah khat leh țhin.






Mahse maw ,chu beidawnna chu ka la inhneh tir lo tun thleng in ,a hma pawn ,tun ah ngei pawh beiseina lo la eng ve det det chu ka la chhawm nung reng a, ka hma hun ah ka la beidawn san mai a ngem tih erawh ka hre lo thung.





In chhung ka luh chuan an lo mu tawh hlawm hi a nia ,eng pawh an lo ti thim țhap tawh ,nitin deuh thaw ram ram lam a hnathawk a chhuak an nih avang hian zan lam hi chu an mengrei ngai lo tluk a ni a .Kan naupang ber Duata hi ka nu te pindan ah khum lian lo tak an dah sak a ,tah chuan a mu a, Kei leh Peki kan mu dun thung.







Zing ka harh rual in ka nau te pahnih tv remote in chuh a in hnial leh hlak hlak thawm ka hre nghal ,hei hi chu an zing tin dan a ni a ngai ah kan nei tlang tawh nimai in ka hria.






Zing thawh hma tih vel hi ka talent dawn loh na tak a nia, mut hi hmel en ai hian ka duh ve zek a ,chutiang a nih rual chuan tlai chhe lutuk ang ah ka tho ngai lo thung.






Buh hmun thlawh hun lai a nih avang in feh hma an duh a ,tukthuan pawh kan ei hma leh viau .





Hnathawh thawmhnaw an inbel mawlh mawlh lai chuan "vawiin chu ka lo feh ve dawn em ni "ka ti a mahse "nidang ah ,inlam ah eirel tur an awm loh chuan a buaithlak ,feh haw hnu ah chet leh kha a hahthlak ,duh leh i naute chawlh hun ah kan vai in kan feh dawn nia " ka nu zawk in a rawn tih chuan ka bu nghat.






Mipa chu an feh a ,an lo haw a eng ti zawm lo in an țhu hahdam mai a ,nu thenkhat in nghak tu țha nei lo chuan chawlh hahdam na hun takngial pawh nei lo leh, mawng pawh hung țha hman lo lek in an che zawm mawlh mawlh mai țhin.





Nunnem zawk ang a lang si hi an tawrh a chhel ru viau thung a ,harsatna an tawh chang pawn an tuar chhuak leh nge nge țhin .






Nileng in phone khawih miah lo in ka awm a ,ka nu te feh liam hnu lawk ah tuikhurah in su in ,ka insuk zawh ah tukverh darthlalang ka nawt fai leh vek ,inchhung ti fel in ka hmanhlel a nih deuh ber chu phone khawih zawk pawh ka nei lo reng reng .





Ka intih fel deuh thuak tawh hnu ah ,ka khawih ta chauh Wlhatsapp ah ka luh chuan Rinsawma msg hi a lo awm vang a ,kan en nak chuan ka hna tlang dawn nge dawn lo min lo zawhna hi a nia, zing chaw eikham hun lai vel a min lo thawn daih tawh a nih avang in ka chhhanglet ta lo .Tun ah tlai rawng bawl a hun hnai leh der tawh dawn nen.






Status ho chu ka en kual leh thuak thuak a ,Hlutei status chu ka en ve thuak thuak tho na chung in ,ka thil hmuh avang chuan ka en chiang țha leh ngat .





Mi tan chuan a ho viau mai thei mahse ka tan erawh ka ngaihtuahna ti kal thui tu a ni leh daih thung. Rinsawma leh Hlutei țhuthleng a an inpawm lai thla hi ani a ,an bul ah pawh midang ho chu an awm ve tho hlawm a ,tuman thu tak khuk in an khuk pui hlawm vak hmel loh.





A thu hman dan ah pawh han ngaihbel leh tur a awm chuang lo *ktp hna tlang na lam , ka duh lo chung min pawm a tum phet a "ti in nui vak vak lai milem a dah tel bawk.






Ka ennawn ka en nawn hnu ah phei chuan tiang tak a nasa hian kan taksa pawh a la indek chhhin miah lo tih ka hre chhuak a ,a hma a ka ngaihdan atthlak zet ka rilru ang hi a pu ve emaw ka lo tih ruk țhin na pawh kha ,thil thleng ngai lo tur mai mai ka ngaihtuah kual leh tawh tih tuma hrilh ngai lo in ka in hre zawm leh nghal.




Ka bansan a hun tawh viau chuan ka hria ,a nin thian ang mai a min en lai in kei in ka thei thung si lo ,tlem a ngaihbel theih deuh tur a min biak deuh hlek chuan kei in ka lo thu tak khuk pui chiam zel a ,ka ngaihtuahna thleng t leh ka ni hman thleng in a nawm phah țhin .







Ngaihtuah zawm zel ka duh loh avang in ei ka rel chhunzawm ta daih ,buai na na chuan rilru hahna tur thil ngaihtuah zawm na hun kan nei vak lo a ,tih tur ,thawh tur hlir a ni mai .







Mahse ,a zia phian zawk mahni in ngaihtuah lungpuam chawp zel chuan mahni insit bik ngawih ngawih na a lo chhuak leh țhin.






Ni a tla fel vel chiah ,khua pawh thim lam lek lek ah ka nute feh an lo haw a ,nidang ai a an lo haw tlai avang chuan "vawiin chu hna a laklawh a mi ,in va rawn thleng tlai ve " an em phurh a chawhmeh la chhuak mawlh mawlh pah chuan ka ti a .





Thingpui an in tur a ka siam chu in in "i nu hi a kal hlei thei vak lo a ,ka khel a na zawk zawk mai a ti leh țhin sia ,muangchang in ka rawn kal pui bek bek a lawm " ka pa chuan ti in ,thingpui chu a in leh khalh .Ka nu ka va en chu chhuat ah bang ngheng in hah hmel zet hian a lo ngheng ngiai a ,ka lainat tak tak a ni .






Tiang ngawt chuan hna pawh an thawk țha thei lo thuai a nga ,tun ah an thawk hram hram na chung pawh in kan ei khawp tawk an thawk chhuak țawk țawk chauh a nia ,nakin hun lam ngaihtuah phei chuan bei a dawng ,kan mipa neihchhhun lah khawlai a in fiam rual lek a la ni bawk si .






Nakum lam chu peih emaw peih lo emaw phai lam ah hna thawh na ka zawn ngei chu a ngai tawh ngei ang ,class 12 thleng ka pass țawk țawk chauh a ni si a , ka thil training chhuah chauh chu hna hmu tur a ka innghahna awmchhun a ni ta mai.





Rinsawma nen pawh kan in be zawm leh ta lo a , a phur thut hun hian min rawn be vel mai mai thin ni ber in ka hria .Hmingi erawh in ka bul a a chanchin sawi a la sim hlei thei meuh lo.





Hei tun ah pawh a dawr ah ka leng a ,a eng a mah hna in a chanchin a rawn sawi leh nghal ringawt tawh "In ah a awm a ngem aw ,leng tur in kan phone phei dawn em ni niang " a rawn tih chuan kan in melh no lo dun khawp mai , ka kut a ka tin uai chuan min nuih ang vak vak leh nghal.







Zikpuii a rawn thlen ve tak ah erawh thil dang kan sawi ta daih , Hmingmawii phawk lutuk hian a rawn sawi chuak leh ang tih chu ka hlau ru kher mai , an pahnih in thil ni lo pui pui sawi in min perh leh vak dawn si a .





"Thlamuana ka rawn tawk a , ka kal na tur te min zawt a ,Matei awm ve leh awm ve loh nen ,a rawn haw phei lam chu a rawn lut kawi hrim hrim ang " a ti chu Hmingi a nuih a za nasa ,kei erawh nuih pawh ka nui peih lo.







A insuk lak lawk em avang in ka lo va phei san a , ti hian a insuk zawh veleh lo kal in Thlamuana te nen an lo in tawk zui .





A hran pa tak a han hua pawh ka ni lo ,mahse ,Thlamuana hi chu a che uchuak thei lutuk hi a ninawm tep thin , ka bul a a awm phei hi chuan an khawsak phung ai nasa mah mah hian a in sawi thei thin ,a mize puthmang chu mipa put a mawi ni pawh in ka hre lo ,chutiang vang vel te chu a nih ka ring, thian ang a han biak der vel pawh ka tih hleih theih miah lo .





Rin ang tak tak in ,chhun thil kan ei zawh hnu lam ah a rawn lang ta ngei a , a thianpa Hmuna nen an ni ,





"Hei pui ,sawi ang ngei ngei in a rawn in lan tak tak hi " Hmingin a hmuh chuan a lo ti hlut ,kan kiang a rawn thu thla pah in "ka chanchin in lo sawi khawm a ni maw, ka hahchhiau nasa ka ti reng a ni " nui thaw in a chhang let a , a hnu ah phei chuan Hmingi nen thu ho te te ah inhnial in an tawng ring dun na sa.Hmingi ka tluk loh na em em chu tu te pawh hi tha tak in a be thei vek zel a , han huat emaw ngei zawng emaw te hi a neih ngai awm pawh ka hre lo







Hmuna erawh chu a thianpa thusawi ho chu a lo nuih pui ve suk suk ringawt , a tawngtam lo chi ve ngang a ni ve bawk a ,biak pawn a rul tawk te te bak in min chhang lo , engtin nge maw Thlamuana nen hian an inkawm reng theih zawk tih mai tur an ni ,an mizia a inperh san nasa mai si ,an nungchang leh hawiher an pahnih hi chuan engkimah hian ka sawi thiam dan ber chuan a in opposite hi an ni mai...






"" In thiannu hi min lo tih pui teh u,ka ngaihzawn na reng a rei tawh , ka ngawihzawn rei ang hu in hmasawnna ka nei chuang si lo ,beidawnthlak deuh mai a sin a nih "kan Lalthlamuana bawk chuan a rawn ti phawr phawr ,fiamthu ang a sawi ni si a thutak ru phian leh nghal , midang an nuih heu hlawm lai in kei erawh ka lo ner nasa ngang mai , ka awmloh lai a sawi chu ni se ka hrethiam , hmaichhan ah ngei han insawi khum mai chu ,awmdan tur min ti haihchham mai dawn a lawm .





Ka thiani i meuh pawh in melh rulh chung in " i zak thei lo si a "a rawn tih pawh chuan huat en ah pawh a en lo a niang , a nui ruh ruh duh chauh .





Thiani nen kan haw tur pawh chu min thlah a tum leh ta tlat pek , keini pahnih lah in kan lo duh bik mang si lo chu,.





" In mak teng tung e a , nula in nih tawh kha tleirawl te ang mai a khawsa chei chei rual pawh in ni tawh lo "a ti ta hluk hluk , a bul a kan awm peih loh vang tih a hre duh lo reng reng .Amah lah chu a thinrim zawk zawk ah chuan a la tang leh ta daih zawk a .




Kawng sir a kan lo din thup lai chuan Hlutei leh Rinsawma an rawn in zui phei chu, ka thiannu in min rawn nghawk zeuh rual in ka hawi sawn ta daih , eng hria a mit tla lek lo a lo melh vang vang nge maw ni ka nih le , a atthlak tak zet .




Min be lo a an kal tlang nghal kha ka ring lo reng a ,mahse kei ni nilo in Hmuna zawk chu an lo bia




" Nang ni teh thup chu , eng nge in tih a , "Hlutei chuan a rawn ti nui sang , Rinsawma a kal pui chu a intih theih pui hmel nasa , Rsa mit erawh ka chung ah a fu leh ngur tawh , biak duh viau mah ila ,sawi tur ka hriat loh avang in ka ngawi ta reng zawk .





"Babyi te in ah kan leng a ,ka thiana hi helam ah hian pawt tu a nei na riau mai a " nui suk suk in Hlutei chuan a ti zang vah .Dawr atangin Hmingi a rawn chhuak ve bawk a,chu tia kan lo la ding khawm thup chu mak a tih hmel deuh.





A reh tak chhan daih tur ka tin zawn thiam ta chiah,Babyi nen an inkar an lo siam tha leh tawh te pawh a niang .





Hlutei pawh a thiannu nen a an inkar an siam that leh tak ah chuan, Rinsawma pawh duh hmel a pu leh tawh lo, a ni hi zawng mi mak lutuk hi a ni ve reng reng a.






Hmingi chuan"Nang ni pahnih chu khawi ah nge in kal"a rawn ti nghal var a , Hlutei chuan nui sang in "kan leng kual vel mai mai , khua a nuam em a " ti in a chhang leh mai a bul a ding run pa erawh a la ngawi thei khawp mai , ka melh leh zawk thin , ka hawi sawn leh rang thei khawp mai , nichin atang khan keimah ah a mit ala fu run reng mahse min biak erawh a tum loh hmel khawp.







"Kan kal mai dawn a mi " ka thiani bul ah chuan ka ti sep ,Hmingi hrilh a kal mai kan tum chu "Hlui , dawr ah chuan nangmah in lut mai rawh ,an rualin kan phei a nge "a vawi khat nan a rawn tawng chhuak ve ta lawm , Hlutei chu a then sak a , min melh ralh in ,Rsa chu nui sang a en in a bu ta nghut .A lawm lo tih chu ka hrethiam ve reng .Rsa erawh in a hre thiam lo nge , a ngaihsak lo hrim hrim zawk.





"Thlah chu in ngai lo tak tak maw " Lalthlamuana bawk chu , he pa hi eng tia tih chi nge pawh ka hre tawh lo .






A hnung ah Hmingi chuan a beng pawp "i mak chung chung e ,a duhlo tih an sawi ngun tawh em kha , hmeichhia ang mai " a ti hlak ,an inngam nasa dun mai si a.





"I va reh ve " Rinsawma chuan zawi te in ka beng bul ah a rawn ti sup , a lai a kal ka nih vang in ka thiannu chuan a hriat ve phak ka ring lo , a len chhuah pui nu lah a rawn haw san ve ta daih chu a nia .Amah hrim hrim pawh hi tun ah chuan ka be chak hran lo , Babyi aizawl atang a rawn haw leh chu ,nuam a lo ti ber dawn a ang ,rei pawh rial hma in an in ah a len chilh leh vang tawh a nia .





"First love can never die "tawm pui tu te zing a mi a nih ka ring , a hmeichhia zawk in mipa dang a kawp sawn hnu pawh a a la pan dawk dawk duh dan ah .







"Min hmu fuh lo thin mai mai a nih chu , in veng lam ah hi chuan ka tam ve lutuk " ka ti hmuk , ka tawng pawh a nem lem lo khawp , ka rilru te hi a na ru tlat a nih chu.





A ni reng bawk a ,Hmingi lo hi chu mamawh kan nei pawh in kan dawr ngai lo tih theih tluk a ni a , reh han tih tur chi chu ka ni lo ,dawr paltlang tur chuan an in kal pelh ngei ngei a ngai bawk nen ,min hmu fuh ve ngai lo nge , kei erawh chuan ka hmu leh zeuh zeuh thin .





Tlai lam ah phei chuan an in piah deuh ah ball ben nan net ang reng deuh tur mau hmang in an kham phei a,tah chuan an veng naupang te nen a ball an ben ho lai pawh ka hmu fo mai.







"Ka hmuh loh na tur hmun ah i biru a niang " a rawm ti leh chu ,amah en in ka ner nang chu a nui ta hawk hawk , nichin lem a tawng thei lo ang mai in a ngawi hmun a ,tun ah lah a nui in a tawng duh ber ah a tang leh ang lawi a ,






Ka thiani chuan "Nangni pahnih chu eng nge in sawi a ,a va nuihzathlak awm ve " a rawn tih pawh chu ka chhang chuang lo.





Min puh dan ber kher lah chu ,eng ti ti a chutiang ngaihdan nei nge maw a nih le .





"Ka fiamthu nih kha , mi rawn melh dan zet kha chu , " ti in a la nui reng ,"Zikpui ,i thiannu hi fiam fiam chi pawh a ni lo , min melh rum thei e mai "ka thiannu hnen ah chuan a ti leh kher bawk , nui hmeltha viau lo phei se chu ka ngei ngawt ta ve ang.


Show post links
Top

[Ngaia]

HLUSANGZUALI







CHAPTER -3







An in pan chhoh na kawng a a chho tur min fiam zuk zuk pawh in ka beng khawn tha duh miah lo , ka thiannu a lo fing hlauh zawk a, a nin uang ru deuh deuh in a lo chhang thin a a zia phian .







Kei mah hmer tel zel in a tawng leh ta kher zel a, huat chi lam ni lo in fiamthu a ni thung .





" I kalpuinu hmek hmuk kha, kal san daih rawh "min melh in a hmui a hup a, a nui ruh ruh ,ka lei ka lo chhuah khum hman hram ,a rawn nui nasa zual , ka chet dan naupang chhia zet ka hre chhuak chawp chilh nghal .







In ka thleng pawh chuan ka la ngui bur , Thiani lah in kan kal dun chhung Rinsawmpuia chanchin a sawi a , ka ngaithla peih lo ti a han khap chiam lah thil mawi leh tih chi a ni si lo , tawt ru deuh in ka ngaithla char char kha a nia .





Ka naute sikul an lo bang tawh a , Pekin lehkha a lo chhiar mawlh mawlh lai in Duata erawh tv ah inhnek a lo en tui nasa mai .Min hmuh rual in " A u , h/w kan nei lo "a rawn ti nghal var , ka nui ta ringawt , tv en lo a lehkha zir tur a ka tih hlau in h/w an neih loh thu rawn sawi vat a ni tih lah ka man thiam nghal.





Mipa a ni bawk a ,lehkha zir te hi a peih thlawt lo , a ma duh thu phei chuan a zir ngai lo , zir tur a kan tih erawh in hnial lo in a zir ve leh mai zel thung.





A theih hram chuan Rinsawma hnaih loh ka duh tawh a , ka tan misual ni lo mahse a hnaih a ka awm chuan ka rilru thunun hman lek lo in ka che thin , chu chuan natna bak min pek ngai loh avang in a hmel hmuh tam loh hi ka duh ta ber.





Hringnun ah hi zawng , duh zawng zawng nei kim vek thei mihring kan awm lo a nih hi !Mi hausa sum ngah duh duh lei thei te pawh ,an nun ah kim lo leh mamawh ngawih ngawih thil an nei ve zel tho .Chung lam rorel dan mak leh ropui zia ti chiangtu a ni .







Hmingi te dawr ah khan kan awm rei bawk nen ,in ka thlen hnu lawk ah ei rel ka tan nghal a, ka nu te feh lo hawn hma in ka lo in bawl peih hman vek , reilo te an thut chawlh hnu in an in bual fai nghal thuai a.Duata lah chu vawiin a an sikul a doctor te an lo kal thu leh zeng hri dan na an lak thu te sawi in , an chiu na te chu a hmuh a ,ka nu leh pa ten a thusawi an ngaithla lo deuh hlek a a hriat leh a pawr hlar zel a , kan nuih pui ta ringawt.







Zan riah eikham hnu thleng pawn kan buai ti ila ka sawi sual lo ang ,hmarcha aizawl lam a thawn tur em khat lo deuh lo hawn in ,chhungkua in a hnah kan thian fai a.







Naktuk zing a thawn tur a nih avang in tep ter deuh a zing kar lam ah buai chiam ai chuan ti in zan ah buk fel vek a ,satha ip a khung țhat vek a ngai a ,kut awl lai pawh awm thei meuh lo .





Kan tih fel meuh chuan mut a lo hun der tawh , ka naute phei chu meng thei tawh ngang lo in an lo mu hmasa tawh .Mut hma in ka inleih thla leh thuak ,chhun lam a inbual hi chu khaw lum nen, chet hlek chuan thlan a lo chhuak leh emaw a nia ,mut dawn a inbual hi a țha phian ta zawk ,ban chep chup in kan mu lo zawk bawk a ,mut pawh a tui duh khawp mai







Tih dan ngaite bawk in mutthilh tak tak hma in phone chu ka en leh te te ,Hmingi leh Zikpuii te message a lo awm vang a ,a dang chu ktp group tih vel a ni leh mai ,Rinsawma message pawh a awm chuang lo .







Kei hi a !!a theih hram chuan amah hlat a awm ka tum kha nia ,darkar tam pawh a la ral hman lo tih a ,a message awm leh awm loh kan en leh nghal ngawt a ,tih na mai chu a ni dawn lo tawp mai.





A number hi ka delete mai dawn emaw ni tih te rilru ah a rawn lang a .Mahse chutiang ngawt a ni thei bawk si lo ,pawi lo hun a kal a nga tiang reng hi chu ka ni bik tawp nang ti in keimah leh keimah chu ka infuih ta mawlh mawlh,





Hmeichhe chak lo leh derdep ka ni lo , min duh lo tu zun a uai a kur diam tur lah ka ni hek lo .Kei mah Hlusangzuali ka nih chhung chuan beidawnna hi in hneh ral tir hi ka la tum ngai lo hrim hrim .







Inrinni zan inkhawm ban hnu lam ah chuan Hmingi dam lo kan tur in thiani nen bawk kan in zui leh a ,a pindan a kan luh chuan rizai sin hlun in a lo mu a,a muhil emaw ti a chhuah leh mai kan tum chu







"Haw in va tum leh hma ve" nui vur vur hian a rawn ti hlawl ,a lo muhil der lek chu ni in .A khum kiang a chair an hung ah chuan kan va țhu phei vat .







"I khua a la sik em ,i eng ber maw na a" ti a kan zawh chuan rawn țhu chhuak in a hnung ah lukham pahnih chu dah in a ngheng a .A dam lo chu a hmel pawh a tla ve dawk mai





"Ka pile na a chhuak leh tawh a lawm maw le ,khawsik lam pawh a ni lo " țhen zui chiam in a rawn ti .







Pile na hi a ti ve reng thin a ,a hrehawm zia lah chu an sawi thiam thei țhin khawp a ,a sawi uar zawk nge pawh ka hrethiam lo ,a la na ve ngai bawk si lo .Ni thum chhung zet chu dawr pawh nghak peih lo in a mu tawh , "a na 'ti a sawi liam puat theih thil chu a nih hmel loh deuh chu ka tia.







Rin ai in a harh phian a ,dam lo ber chu a țawng hnem leh ber tawh .A dam loh pawn tawng lam hi chu a la thei ru zek zel .







Min rawn melh ralh ralh chung a ''eng nge chan chin ,in in kawp tawh em "phur fahran a a rawn tih chuan ,''tu nen maw " Zikpuiin min rawn melh in a ti deuh ha a .







"Aw ,Rinsawma nen maw le ,an in be ve țhin a lawm tun hnai hian " ti in pakhati zawk lah in a lo ti zung zung ,eng ah nge maw in kawp tur ang mai a min sawi ziah ni ka lo ti rilru .An ni pahnih lah hian min sawi dun pui thiam thei si ,an han sawi tak tak phei hi chuan min duh ve emaw ka ti hial thin .







" Babyi nen an tha leh tawh a ni lawm ni ? tha lo pawh ni se , min sawi zawm phet tum tawh lo teh u " ka tih chuan "awm ang lo e a ,Babyi chuan a zar buai leh tawh tih chu ka hria ,mahse kan Rinsawmpuia hian a lo pawm leh i ring em , mipa fair ve tawk tak a nih hi i hre lo em ni " a ti hmarh hmarh , ka rilru an ti buai ta tawlh tawlh .





Ni e ,mipa fair ve tawk tak a ni ve chuan ka hria a,a lo pawm leh nge pawm lo in a lo hnar tih lam chu ka buai na tur a ni chiah in ka hre lo , Babyi lo pawh buaina dang Hlutei a la awm tlat a lawm , Hlutein a hauh nat ruk zia ka hmu thiam a , Rinsawma erawh in thian tha tak ah a ngai thung in ka hria.







"In inkawp reng tawh ang chu tih nak lai a " ti halh a a mu thla dat chu ka melh nasa khawp .







"Kawp lo ,kawp lo, eng vang a inkawp tir phet chu min tum le" ka ti deuh hluai,theih nghilh tum lai mek a ,a chanchin ringawt kan sawi leh te chuan ka thin a ti rim deuh țun thei .







Rawn tho leh hluai in "deuh vak vak a che ,kan inkawp lo ti mai la ring deuh a au vak kher kha ngai mi, ka sawipui tawh miah lo ang che " a rawn ti bak hlak , a damlo hi a thin a chhe zual a nih hi , a tawp lam a a thusawi kher kha chu ka awih lo khawp , ni khat pawh a liam hma in a sawi chhuah leh loh a tak ah .







Ka chhan leh dawn lai tak chuan a pindan kawng ka chu an rawn kik "kan lo lut dawn nia " ti a hmeichhe aw in a rawn tih leh rualin Hlutei ,Rinsawma leh Chhana te an rawn lut zui zat a .An rawn țawng nghal bawrh bawrh , ka bul a chair la awm pahnih chu pe phei in Chhana leh Hlutei chu an țhu a , țhutna tur dang a awm tawh mai loh avang chuan ka țhutna chu Rinsawma pe in Hmingi khum sir lam ah chuan ka țhu phei ta daih







Min melh ngur tu an awm tlat avang chuan ka țhu rem deuh chhen , hawi pawh ka hawi chhuak ngam lawk lo , tiang a tleirawl ,star te hma a zam tak a an awm țhin ang mai mai a ka awmdan a dik lo zo vek zel hi ka in haw ru tak tak a ni .A boruak rawn ken tel hi ka zo lo lek lek thin zawng a nih hi.







"Hman ni kan hna tlang in cement bag i pu nasa lutuk a ,I dam lo phah vek a nih kha " ti a Chhana'n a fiam chuan ka thiani chu a nui țha vak duh lo .Lukham chu la lawk in vawm a tum ta mai , midang ho chuan nuihza insum zet in an lo melh a kei chu ka lo bò viau thung .





"I cement bag pu lai vedio pawh kha ka nei a nia aw " a rawn tih leh chuan





Vin tak hian "Lalchhanhim ler kawh pa , delete rawh " a rawn ti ta chiam ,a dam lo ber hi a pawr mai sia.





"Eng nge a " ka bul a thu Zikpuii beng bul ah ka va tih ruk sar sar chuan ,la nui reng chung in "hman ni kan hna tlang khan cement bag a pu ve a ,kan hall pan thlak na chhuk ulh deuh lai ah khan mawng sawh dawt in a tlu a lawm ,a thil put lah kha a baw darh vek ,a hmai leh a thawmhnaw te nen a paw chhuak vek , kha lai vel kha hei " ti in Chhana chu a melh zawk





"Thla an lo laksak a niang " a rawn tih ruk sa sa chuan kei pawh ka nui ta tawp .A hnu ah phei chuan thlalak chu rawn ti lang in kan vai nuih ta vek .Thlalak mai ni lo in vedio in a lo la nei zui , ka nui nasa ve lutuk chu ka hrawk a thip vek thei.





Rinsawma'n "I rawn hnatlang ve lo a che hit deuh deuh kan tam a sin " ti a Hlutei lam a thlek zeuh chuan Hlutei chuan a ban puam ah a lo chum deuh dat,"Hei , I sawi vaih chuan "tih pah a haw tak tak lo tih hriat zet a,, a kut a hmuh vel chu en rei duh lo in ka hawi sawn ta daih , a lu lam leh mei lam ang vel an nih hi , hmuh dun tur an awm reng a,an inzui reng emaw tih tur a ni .







Babyi lam ka rilru ah awm leh tawh lo , Hlutei hian ka rilru a kap run leh tawh zawk , aaa, hmeichhe rilru tak hi chu .





Chhan loh tawp ai ah ti in " ka hman lo a "tawi te chuan ka ti a ,ka chhan na chu a ngaihtuah zawm lem lo tih hriat zet in Hlutei nen chuan eng emaw sawi in an nui leh hak țhin .





Thik rilru zet a ka en reng lai chuan Zikpuiin ka nak ah min rawn kheuh zeuh ,rang tak a insiam țha vat in ka melh ,mit hmul min lo kan khum euh chuan lu thing in ka nuih khum suk .Zawhna ngah hmel zet a min la melh reng chu ' a biang ah piai sak vak chung in " min melh kur kur suh "nui sang in ka ti a .Ka hmel leh che zia ah ka ngaihtuah na ka lo ti lang leh lutuk chu ka in hau ru mawlh mawlh







Ka kut chu lo beng thla dat in " a na ,i mawl mi"a lo ti hlar a.Kan thian thum hi chu kan thin hi a chhe hlawm em em khawp a .Kut thlawn te hi kan ba mai mai ngai lo chu a ni .







Hmingi lah chuan "Naktuk ah chaw eikhawm ang u kan in ah " a rawn ti deuh hlut a ,a phur hmel viau bawk .Rinsawma chuan mi rawn melh zawk pah in "a in nei tu tur ber in i inhuam phawt te chuan " a lo ti ve mai bawk ,a tu a te pawh chu an phur hmel hlawm ta viau mai .





Tun a ka hmuh ang thil hmu reng tur chuan ka peih hauh lo ,țang deuh țun in awm a ngai nga ,hmuh loh der theih ni dawn si lo ,ka rilru natna leh mai mai tur .







Chaw eikhawm chungchang chu phur deuh in an sawi zui luăm a , Thianin min rawn mitmei zeuhin "haw tawh dawn ila " a rawn tih sup chuan sana ka en vat dar sawm a lo pel tawh hi nia ,ka ding deuh uau chu min rawn en țhap ,ka zak leh deuh tak tak a ni





"Kan lo va haw hmasa a nge "zak lo tak a awm lui in ka ti sep,Thiani pawh a lo ding zawm ve mai bawk .Hmingi lah chuan awmze nei zet zet in "I hawna tur a hla si ,zan rei lam ah leh nghal riak daih mai la " min ngaihtuah hmel zet in a rawn ti a







A thil tum ka man loh a ring emaw ,Rinsawma melh ran in nih kha tun ah pawh a sawi .A hma zawng zawng pawn keimah in ka haw thin a lawm maw le ,tun ah tak hlauhawm viau tur ang a sawi kher .Ka sawi pui tawh lo ang che a tih atang pawh in darkar tam a la liam hman lo





Hlutei chuan "nih chuan haw ve nghal law law ila " a lo tih ve leh tak ah chuan mipa pahnih pawh an ding zui ve ta mai ,.





"Muttui u aw ,min rawn kan a in fel e " ,Hmingin a khum a thu chung a a rawn tih lang lang chuan muttui ti let ve sap sap hlawm in kan in zui chhuak hlawm a .







"Ka lo thlah ang che "





Ka sir lam chu ka hawi vat ka bul a kal ka thiani pawh rawn hawi zawk in Chhana thil sawi chu a ngaithla zawm leh mai a .









"A ngai kher lo ,keimah pawn ka haw thei a lawm ,ka lawm hrim hrim e " ti a ka chhan chuan min en in a ner suk , eng ah mah ka ngai duh lo thung .A theih hram chuan a ni bul hnaih a awm hi ka tum tawh lo tak zet .





Midang ho chu kan hma ah an kal hlawm a ,keini chu an hnung ,sir làm deuh ah in be mang hlei lo in kan kal thung ,Hlutei rawn hawi leh zawk zawk țhin chu ka mitsir in ka hmu reng bawk .







"Ka rawn thlah leh ang che mahni chauh a haw chhoh chu " an in kan thleng țep tawh .







Ka chhang mai lo kan hma a ka thiani chu ding in a rawn hawi let "Mate ,tuikhur bulah khan an nghak che aw ,lo hmanhmawh rawh an ti " a rawn tih fiah fak chuan a ngaihna ka hre lo tak zet .







"Tu ..." ka ti hman awrh ,a mit meng hmang a min khap in "I hriat reng kha ,in la bialpa nei viau suh " a rawn ti leh phei chu amah chu melh heu in ka ngawi ta kur ringawt. Midang ho lah chuan ding chung meuh in an lo ngaithla ve bawk si .





Rinsawma chu an in pen chhohna kan thlen chuan eng mah pawh sawi tawh lo in a kal ta hmawk hmawk ,Chhana'n a țhianpa chu nui hawk hawk a au in "I thinrim na kha chu mut bo pui daih rawh ,muttui " ti a a auh lawm lawm pawn a rawn hawi duh țhak lo ,tu nge lo ti thinrim hman reng reng ni.





Hlutei leh Chhanan min pen san ve leh hnu ah chuan eng dang sawi hmasa lo in "nichin a mi kha eng nge awmzia " ka ti nghal vat a , a ban ah ka vuan ran bawk .Eng dang a min chhang lo chuan "I duh ti raw " a rawn ti teh hlawl , chhan mai dan tur ka haihchham chiang hle .







"Duh tawh suh " a rawn tih liam leh puat rual chuan "maw " ti in ka ding dat a ,tun a kan din na tak hi a thim chin deuh lai a nih a vang in a hmel awm dan tur ka hmu thei lo .A ban ah ka vawn avang chuan a ni pawh a ding ve lo thei lo a .Nidang a min duh pui a min sawi pui peih hle si .







"Bialnu a nei " ti a min chhang in min pawt kal deuh dawr a ,Thiani hi kei ai pawn a țawng tam lo ve leh chhawng a ,a ni lak ah chuan țawng duh tak ka la ni zawk , a ler lo chi a nih avang hian tiang lampang hi a sawi hma sa ngai lo tih theih tluk a ni ,a mah pawn a ngaihven lo hrim hrim.





Chuvang a Rinsawma'n bialnu a neih thu a sawi mai pawh mak ti em em ka ni, a ni ai chuan Hmingi pawn hre hmasa zawk tur a ni ,kan țhian thum zing ah rau rau a ni hian thil a hre thei zual bik .







Țawng lo a kan kal char char hnu ah "ka hriat theih dan i hre chak ti raw , Hlutei khan an inkawp thu leh i lo biak buai țhin thu a sawi a , an inkawp thu a sawi kha chu ka awi lo em em lo,mahse i lo be buai hmasa țhin ang a a sawi che kha chu awi ngaihna pawh ka hre lo ,ka ngei ve deuh in ti khan ka rawn țawng chhuak ta tawp a nih kha " a rawn tih malh malh chuan , ka thu hriat in min țhawng nat dan ang chiah in hmeichhe zak thei lo mi bialpa va be buai chhen anga min sawi tel na chuan min ti na hle bawk .





Min hrilh chian hma kha chuan Babyi nen an inkawp tha leh a ti dawn a maw ka tia , ka lo rinloh zawk nen an inkawp ta daih chu a nia.







Ka țhiani kut chu vuan bet nghet zual sauh in ''țhian țha lutuk Pathian in min pek a vang hian lawm thu sawi mawlh mawlh ka ba ",ka sawi lai te chuan rilru na tho si in ka nui var var a ,țhian țha te lo hlut zia ka hre thar leh bawk .Kan țhian dun inkar pawh a nghet leh zual sauh ngei ang .







Dawt a min puh avang a ka mualpho theihna thil ah min chhan chhuak a , ka chungchang dawt a an sawi a awi ve mai hek lo, țhian țha tak chuan kan nungchang leh mizia thleng in an lo bel chiang a ,ka mize mil in ka tih duh leh ka tih tur a mawi lo thil chu a lo hrechiang na ngiang mai , mi min sawi dan ah ngaihdan a siam mai lo a ,min hmuh dan a zir in ka chung ah thu tluk na a siam zawk mai țhin.







Hei hi Pathian in ka bansan tak tak theih nan a remruat a ni in ka hre ta ,tun ah chuan ka thinlunga ka vei khah thin em em chu midang nen inzawmna nghet an nei tawh a ,tun ah harsa mah se midang thil na na chu va chuh sak ngawt thei a ni si lo , chu ka ngaihdan chuan ka rilru ti pau khâuh in hmalam pen thei tur in min siam hi ka ring tlat ,ka beisei hle bawk.







Pathianni chawhnu inkhawm ban ah Hmingi te in a chaw ei khawm chu an ti thlu ta a ,inkhawm ban veleh inthlak sawk sawk in an in lam chu kan pan leh ta nghal .Tiang thil hi kan tih vak ngai loh a vang in ka chhungte pawn min hrethiam viau ,engmah sawi buai an neilo a a zia tak tak .







Thiani sawi ang ngei in Rinsawma leh Hlutei chu an awm dun chawt tih theih a ni mai a engmah chinchang hre ve hek lo Hmingi chuan a ruk deuh in min chhaih leh zeuh țhin ,chutiang hun ah chuan ka tana nawm loh hlau in Zikpuii chuan thudang a rawn sawi pui vat zel .





Ka chezia a țang in ka duh hneh ve zia a hrethiam tih ka hre mai a ,a hma ang in keipawn ka che zia leh mitmeng ațang pawn ka thup run tawh lo .





Mahse ,Rsa te pahnih awm dun en a lainat hmel zet a min rawn melh leh thin erawh ka duh hauh lo,khawngaihna leh lainatna hian mihring a ti chak lo țhin miau .







Ka tan a ruat loh tur vei reng hi ka tan hlawkna a awm lo a ,hmasawn na awm lo tur thil ah ka nun ka ti buai duh hek lo.





Mahse ,mahse tih hi a lo awm leh țhin thil reng reng hi kan ka ațang in awlsam tak in chhuak mahse tih puitlin nan erawh hun a ngai viau zel thung .





Beidawn san mai ka tum ngai lo kha a nia ,tun ah erawh beidawn san na tur chhan țha tak ka nei tawh thung.







Chhana choka a hmarcha rawt mawlh mawlh bul ah chuan ka thu ve ta reng ,a țawng duh bawk a a bul a awm a nuam tak zet ,a hmeichhe han biak vel dan ah chuan mipa harh vang ve thawkhat tak a ni tih a hriat theih .









"Zan lam inkhawm te I tum a nge'm " tih min zawt in min nuih vur vur a "hman chuan tum awm tak " ti in a hmarcha rawt tur chu a kuang ka lo then sak zel ,sa leh chawhmeh dang erawh kan siam peih vek tawh.







Hmingi nu leh pa te chu chawhnu inkhawm ban zawh ah rawn inthlak zawk in damlo kan tur in an chhuak leh nghal daih nen venthawn tur an awm lo a eng emaw kawnh zawng tak in a nuam phian .







"Thianpa, saw duh ve mai la " ti in a Rinsawma lam chu a melh zawk a, nui vur in min rawn en leh .





"Thil ni lo pui pui hi sawi lo teh a,Hmingi pawh tih tawh nak lai a " melh rum der kual vel a ka tih chuan "a la hrilh lo che a ni maw " tih zawng sawi in a thil rawt chu a rawt zawm leh mai a .







A thu sawi awmzia chu keipwn ka zawt zawm duh ta bik lo .Ka tan a tangkai na tur vak a awm ka ring lo ve pakhat bawk a.







A hnu ah thu tak deuh in "bialpa chu i nei tak tak em ni" a rawn ti leh ,lu thing chung in ka nui mai a ,nizan a ka thiannu thu sawi kha an awih hle a niang .





"Nizan khan " a sawi zawm hma in ,"Zikpuiii dawt sawi te lo awih "ka lo ti vat ,bu nghut in " a awihawm ve em a lawm a thutak bawk si a "min rawn melh zawk in " kawppui I nei lo chu a tha "rawn ti zawm leh zat in a kutzungpui a rawn ti pir vah





Uang zet in "e he,nang hi min bem I tum a ni maw " ti in ka nuih ar ar a ,a duh lo nasa mai ,







"Chutiang , awmang lo lutuk ," ti hluk in ,thutak zet hian " ka thiana tan ka hual lawk che " rawn ti zawm leh zat in a hmarcha rawt chhin na tur la in a chin fel leh thlap a.





Ka hawi heu chu min nuih ang vur vur leh nghal , ka tawng tur chu min lo tawng khalh leh in "tikhan lo awm hle hle hrih la , thil mak deuh i la tawng mai thei a sin , i hlimpui viau loh pawn i thinrim viau maithei bawk " ti in ka zawh chian leh hma in midang lo awm na lam ah chuan a kal ve ta daih .







Hriatthiam har deuh deuh hian thu an sawi a , kei mifing var lutuk lo tan chuan ngaihtuah chian ngial hnu ah pawh "a ni thei mai a ngem aw " tih bak kan ngaihtuah chhuak thiam thin si lo a .A buaithlak .



















































"





















































































"


Show post links
Top

[Ngaia]

HLUSANGZUALI







CHAPTER-4







Zanriah pawh chu kan ei har lo a ,zan inkhawm duh leh hlawm tur vek te kan ni si a ,kan chaw ei kham tih fel ngai te kan tih fel zung zung hnu in kan haw nghal a .







Kan awm ho chhung zawng khan Rinsawman min be lo a, kei pawn biak ka tum chuang lo .







A hma kha chuan ka duh ru ve mai kha a nia ,hmeichhe bul ah pawh lo awm se thik en ah ka en ngai lo ,mahse min rawn biak a beiseina min pe zawng a a lo khawsak zeuh khan ka rilru ang pu ve ni tur ah ka lo ngai hmanhmawh a ,chu chuan ka rilru ti no zo in ,thik thu ka lo pe chhe ve em em ringawt a ,a atthlak tak zet .







A hma atang khan thian satliah ang bakin min en lo ang tih hi hre tur ka ni sin maw le .Tiang em em hian kan miduh te neih hi a lo har tih hi ka hrethiam ta chiah mai .





Ka thiante chu an inkhawm leh thlap a, kei erawh ka peih ta chiah lo thung ,inkhawm lam hi chu ka thatchhia ka tih tawh kha.







Chaw eikhawm hnu atang khan a reh deuh vang vang a hun pawh a kal leh duak tawh , tun hnai te atang hian min rawn biak hi a ching thar leh a ,han chhan let loh tawp kha chu a hming a thian kan nihna zawn ah a dik chiah silo .In veng ru ran in ka chhang ta thin a.Zawhna min zawh pawn tha deuh in ka hrilh ve mai a, a bak ka sawih bel ngai lo thung.









Hlutei nen pawh an inzui hmuh tur an awm leh zeuh thin a ,a chang hi chuan inngaizawng an ang chiah lo te hi ka ti thin .Thian in kawm ve satliah mai hi an ang zawk thin .







Thingtlang ang ah chuan kan hun hman dan hi a ngai deuh put tih theih a ni a ,zan lam ah nise inkhawm a ngaih leh kan inkhawm a ,a tam zawk lo lam ah feh tur in tukthuan ei kham atang ațang in an liam a ,,chawlhni tih loh chu thalai tan pawh han len khaw thawn hman a ni meuh thin lo .







A tu a te pawh kan eizawnna chu buh hmun neih a ,thlai chi hrang hrang hmun siam kha a ni mai a .Tlem a khawsa thei deuh ho in an nei lo mai pawh a .







"Vawiin chu I rawn feh ve mai loh chuan thlai phurh haw tur a tam tham dawn tlat " Ka nu in a tih avang chuan chaw ei na thleng seng fel zung zung in ka insiam ve mawlh mawlh .Mahni infak lam ni lo se lo a feh a,hnathawh tih te hi nula tam tak te ang in ka hreh hran lem lo .





Ka feh dawn ni tak ah lah chuan ni chu a la sa tha em em leh nghal ,ka nu leh pa te chu thlen vat a thlai rah leh eng ilo lo zuk lakkhawm hmasak an tum avang in an kal hmasa tawh a.







Kei erawh ka thiani ka sawm leh hmasa te te phawt , zau khat ah lo kan nei tlang a ,an ni pawh thlai lak an tum ve tho avang a feh ve tur a ni .





Feh ve tur midang an awm ve nuk bawk a ,kan kal lam pawh kan ri thla nuk nuk hlawm mai .Tlem a kum upa lam chin in sawrkar rorel dan dik tawk loh chungchang sawi in an țawng tui thla buan buan khawp mai. A chang in an inhnial leh khat khat thin.







Inthlan a hnai bawk a , an sawi duh zawng pawh chu lam hawi zawng chu a ni ,Party tih vel ah hian ka buai vak lo , mitin in tha tih zawng leh duh zawng kan nei a ,eng party atang a rawn ding pawh nise kan khawtlang tan a tha tur a ka ngaih ber leh hmasawnna thlen tur ni a ka hriat mi chu ka vote mai thin .







"Hei ,Mate min lo nghak teh u " mi dang zawng ai hnung ah kan kal a ,ka han hawi let chuan Chhana leh Rinsawma hi thaw deuh hlawp hlawp hian kut an rawn vai .Kal pangngai pawn an rawn kal lo , an rawn tlan deuh ti tih .







Kan kianga lung lian tak lo awm ah chuan thu in kan lo nghak ,"Rsa chu Chhhana te lo ah a feh dawn niang a "thianin a rawn tih chuan a nih ka rin thu in ka lo chhang ve mai .





A chhan pawh Rinsawma te hian an mahni in buh hmun an nei ve miau lo a , eng huan emaw ber chu an enkawl ve a ,mahse he lam ram ah a awm lo thung.





Chhungkaw tha tak ni in ,an inlungrual tlang hle a , ingaitlawm mi tak an nih mai bak ah midang tanpui na lam ah pawh an theih na zawn ah an thawh hlawk thin hle.







An rawn thlen rual chuan " Auh in hre thei lo si ,aw chhang khawp khawp a kan rawn auh deuh lawm lawm che u pawh in rawn hawi thei thak lo leh nghal "an ti zui barh barh ,min au ri eng mah ka hre lo hrim hrim ,chu lo ah kan hma a kal ho kha an țawng ring hlawm em a, kan hre lo pawh a awm tho, hria ila a mak zawk ngawt ta ve ang.







" Kan beng hi a tha vak lo a ,tar a lam ah chuan "ka tih fiam chuan " A nih tak dawn chu a ,kei ni reng reng pawh I beng that vak loh thu te chu hre lawk tur kan nia ,tar lam han pan zel hi chuan ri hriatna te hian min phatsan tawlh tawlh zawng a nih hi ,ha te ila nei maw ,ha neih loh chu thil tui ei theih tur a vang nia *ti a Rinsawm an a rawn tih fiam let leh chuan kan nui tlang ta hawk hawk





A hma ang a inbiak duh loh boruak awm tawh lo a ,hlim tak a kan nui tlang thei chu a zia phian.







Ka ngaihtuah na kil khat ah erawh kan han puitling chho telh telh a nga ,kan kum in tam lam a pan tawlh tawlh rual in,kan hmel te pawh kan vanglai ang reng in a awm reng thei dawn si lo ,kan hmai te chu lo zur in mahni pawh inbuai pui hlei thei lo a kan awm hun te a lo la thleng ngei awm sia .Chutiang hun ah chuan hmangaihna tak tak a min hmangaih a min dawm tu an hlu ngawt tawh ang tih lam daih a ni ka lo ngaihtuah kual .





"Eng ti in maw in feh dawn a " a lam chu ka hawi zeuh ,kan hma ah kan thiante pahnih chu an kal a ,eng emaw sawi in an thutak dun phian a.







"Thlai kan phur dawn ,hralh tur ''ka tih chuan ding deuh dat in ka hnung lam chu a melh zawk .







Mawl mang zet a min rawn melh in " Em a phurh na tur i keng chuang si lo "tih leh a kal zawm leh nghal a rual a ,ka nui ta hak ,tha deuh chuan " ka nu in a phur a ,kal lam a em han phurh nghal hi ka peih vaklo thin a"ti in ka hrilh a ,a buk vei tak ang nghut nghut kha .





Rei kan kal hma in tui lo luang rik herh herh na hmun ah chuan kan chawl leh a ,feh te tan a in theih a siam ni in, mau phel hmang in an luan thlak tir a ,no atan sangha tin bur ruak sil fai thlap chu an dah bawk .Kan han in liam liam a ,ni a sat that teh lul nen tui chu a vawt raih ang lawi a, min ti dai sawng sawng mai.





A thianghlim nge hlim lo tih lam rilru ah a awm pha tawh lo ,kan chhawl hal lutuk ti hnawm tu a ni a ,sum a tehkhin chi ni lo mahse a hlu em em tho.







"Tun lai hi i induh riau " kan kal tan leh hnu chuan a rawn ti leh sup ,ka chhan hma chuan kan hnung a kal kan thiante pahnih in min rawn pawh tak ah chuan chhan loh a ka tlak ta ri ngawt .









Eng eng emaw sawi a kan țawng deuh barh barh chhung in Chhana te lo pen chhohna tur peng chu kan thleng der









"A haw hmasa sa in kawng peng lai ah hian hnah tel khawm kan dah dawn nia aw " ti in kan kal hrang a .





Kawng kan kal ho chhung khan thianin Hlutei hming sawi lang chiah si lo in a fiam leh zuk thin ,mahse Rinsawma chuan a ngaih pawimawh hmel chiam loh a, a nui leh suk thin tih loh phei chu a chhang lo hrim hrim .







"Kan in kawp "emaw " Kawp lo "pawh ti chuang lo in a nuih liam pui mai vel mai mai a.







Rei lo a kan lo pawh chu kan thleng thla tthuai ,ka thiani te lo erawh kan lo atang rei lo te kal leh hret a la ngai thung .Rawn chawl kawi lo in a tlang a .





Thlai an lak khawm ho chu thlam nam thlak ah an lo chhep khawm deuh thur ,thlam chhung ah ka luh ve leh thli rawn chhem theihna deuh ah thu in fanghma tuai te chu vel in ka ei a ,hah a dam sawng sawng mai ,tiang tak hian fanghma ka ei tui ngai pawh ka hre lo .









Lak khawm tur a tam tawh loh avang in chaw chhun fak zawh a in lam pan in kan in phur haw nghal a,kan rual in thiani pawh a rawn haw ve leh nghal ,a chhungte dang erawh an la haw ve lo thung.







Kan phur rit ve hret bawk nen kal lam nen chuan in sawt hleih tak a ni .Kan haw hun tak hi chhun nisat vanglai a lo ni leh zel bawk nen thlan a tla tha duh ngang mai.







Chhana te chu an la haw lo a niang ,kal lam a kan in then dawn a kawng peng ah hnah tel khawm dah tur kan tih kha a la awm lo tlat ,thlang lam ah hnah lo awm pawh nuam deuh deuh ho chu pawt in ka tel khawm te te a an pen chhohna kawng lam ah chuan ka dah ta a ,ka dah zawh hnu chuan kan kal chhunzawm leh nghal vat .







In pawh kan thleng har lutuk lo ,in thlen ve leh rei lo te thu hahdam in ka in bual fai a,ka nau ten chaw an lo chhum hmin ve diam , chaw chhum ah an rin theih viau tawh na chung in ,chawmeh siam lam ah erawh an la hman tlak lutuk lo thung .







Zan ah Hmingi damlo chu len pah in ka kan leh a ,damlo han tih hluai tur chi pawh a ni tawh lo ,a hmel leh che zia pawh a harh leh vang tawh .







Rei kan awm hma in Rinsawma rawn lang teh nawlh bawk ,ka lo awm ve chu mak pawh a tih hmel teh vak lo ,a hre lawk emaw ka ti hial ,mahse a hriat lawk chu ka ring chuang si lo .







"Vawiin khan in haw hma a mi " ti sup in ka kiang ah chuan a rawn thu thla a ,kei ni ho chu choka lam ah dawhkan kil bial in kan thu a ,Hmingi nu leh pa te erawh sitting room lam ah chanchinthar an ngaithla uluk viau mai.







"Aw, chaw chhun ei zawh a kan haw ,nangni in haw har nge " ka tih zawm zat ,tun ang a mitmeng ril ruih a min melh hian ka zam thin tih a hre lo chu a lawm awm.

.





An haw har vak bik loh thu sawiin ,a hawisawn ve ta chauh .A hnu ah a ruk deuhin Hmingi chuan an in a kan awm thu a lo hrilh tih a sawi leh ,eng rilru maksak pu a lo hrilh nge maw a nih ni.







Thingpui te kan infel leh hnu in haw turin kan in zui chhuak dun a ,kan haw hma in Hmingi'n nui pat pat chung in, a mitmeng hmang a min chhaih zui hram bawk a nih kha ,engvang a an in a ka len thu te lo va hrilh nge ka la zawt dawn khawp .





Ka sawipui tawh lo ang che an ti ve sa sawi a, a sawi lai te chauh hian a zawm a.





Ka kalpui pa lah chu rilru kaptu lian tak thil nei ang maiin tawng miah lo chuan hma lam melh ngur chung in a kal ngur a ,kawngpui a lung lian lo te lo awm chu a pal ta mai ,a pal na lam ke chu khai kang in a phun hluk .A tlu teuh lutuk in hai buai vel chu ka hmuchiang si ,lo nuih san kha ni thei in ka hre si chiah si lo ,hmui pet fan fan in ka hmui chu ka hup leh tawp thin ,a mah te chhe zawk zawk a lo ni lo nen ,a hmel ka thlek leb thin nuih a za zual sawt leh nghal .







A ke lehlam chu khai kang in a ke hmawr lam chu a tuai vut vut , a phun leh bul bul thin .Eng nge a sawi phei chu ka hre lem lo.







"A va chet chhiat theih ve " a nui huk a ,keipawh insumthei tawh bik lo ,ka nuih pui ve ta hak hak .Amah tak pawh chu a nuih a za ve viau a niang , a then leh suk suk thin .







"A na lo maw " lu lo thing in,a hmui a pet sawi zeuh "na lo ," tih pah in lung chu a la lawk a, kawngsir lam ah chuan dim lem lo tak in a vawm chho.A lung vawm chhoh tak chu rum deuh a meng in a melh zui run , nuihza insum tak in a che zia chu ka lo thlir ta reng .





"Tiang ang lung te ,kawngpui ah tu nge dah reng reng ni , midang pawh ni se an inpal ve tho ang ''min rawn melh in " kal leh tawh ang , i nuih a za nih kha nui uar uar rawh "rawn ti nghut in a kal zawm a,lung a chhuihna lam a ke chu a melh leh zeuh zeuh thin.







"Ka lo thlah ang che chu " a pen chhoh na tur kawng kan lo thleng der tawh ,a ngaihloh thu a ka hnial ngawng ngawng pawn a ngai pawimawh duh leh ta tlat lo ,chu ti na na na chu ti in ka hnial lui zel duh ta bik lo .





A bul a ka awm hi chuan keimah tawk te hian nuam ka ti ru veng veng zel ,chutiang khawp chuan amah hi ka thlahlel in a kiang a awm reng tluk a chak hi ka nei lo .Ka rilru lehlam ah erawh hlatsan tur tih chu ka la vawng ve reng tho.







"I bialpa in hre ta se min hnek mai a nga ,zan ah kan pahnih chauh in kan kal dun bawk si " lu thing mat mat chung in ka nui ta ngawt ,Ka thiannu dawt sawt kal zel vang vek .







Amah chu mitsir zeuh in "nang pawh i bialnu in min lo hmu thut mai ang tih a va hlauhawm ve ,ka ngam dawn lo nasa mai sia " ka sawi zawh rual chuan pen lai chu ding chawt in thutak em em hian "Bialnu ka nei lo " bul deuh in a ti a , min va ti bangbo tak , a aw ki te lah chu thinrim aw ki te pawh a ang lek lek ,







Tun a ka thil sawi ah kha chuan ka thutak lem lo a sin maw le ,a hma a min thlah lai a kan awm khaw tlai na hmun, kan in thlen hma lawk ah bawk khan a nia kan ding leh tawh.







Sawi tur ka hriat tawh lem loh avang chuan mangtha a kal sawn ka tum chu ka ban ah rawn dawm in min kuah bet a ,a chet dan mak ka tih lutuk vang nge chet sawn mai na chang pawh hre lo in min kuah bet ang ang chuan ka awm tawp .Tiang thil hi a thlen ka ring chhin ngai lo reng reng bawk .







Kan chhehvel ah chuan rannung rawn hram ri leh thin tihloh chu thawm dang a awm lo ,thla eng lah chu zan dang ang lo tak in a eng mawi zual emaw ni tih tur a ni leh nghal .A taksa hetiang khawp a ka la hnaihchilh ngai loh vang a maw ni ka ti ril ah chuan min tham er er a ,mit khap zeuh tur leh han tawng mai tur takngial pawn ka thluak a chawl dup mai .





A thil rimtui in kah rim leh zan thla eng nghulh mai chu a la in chawih tawk em em leh nghal ,min la kuah reng chung chuan "tiang a i taksa lian lem lo tak mahse ka ngaihtuahna zawng zawng luah khat thei khawp a mawi leh duhawm ni thung si hi suangtuahna ram mai ni lo a ka hnaih thei che hian min ti hlim in min ti lawm takzet a sin " ti in ka sam hnung lam chu a chul pah hliau hliau .A thu sawi mal tin thleng hian kei mah a ngawng a neih nasat zia hi a hrethiam ve ngei chuan ka ring .







"Ka duhna che ka ti lang har in ka hrilh hre vat lo che hi ka inchhir hle a ni ," a thu sawi engkim chuan min ti hrilhhai zel zawng a nih hi.Ngaihtuah na fim hmang thei lo lek in ka thu hriat hian min deng nghawng chhuh mai.







Eng ang thil mak leh ropui nge ka chung ah hian thleng ni .Min kuah na chu phelh in ka mit ah tak chuan a melh a ,mak ti lutuk a chet pawh che san thei lo a ka awm chu min nuih pah suk in







"Ka tlai chhe lo ti raw ,midang kawp lai I nei tih hre tho mah ila ,ka thinlung a thu awm hi i hnen a ka phawrh chhuah loh chuan kumkhua in ka in chhir dawn tih ka hre si a ,beidawn mai pawh ka tum lo kawp lai nei lai pawh ni la ,a pawimawh ber damchhung a i kawppui tur pasal i la neih loh chhung chu tlai ka in ti lo " tim deuh dai in a hmel chu ka en chho a ,a mitmeng leh hmel hmu chiang lutuk thei lo mah ila ,a aw ri nghet leh thum fiah tak si khan beidawn mai a tum loh zia a ti lang chiang tak zet.





In ka thlen hnu thleng pawh chuan ka biang chu dawm in thaw ka la leh hawk thin ,keimah te a khum a ka mu chung pawn ka lai chhe em em reng tho a ,hmui hup in ka ke te chu ka leng kual leh vak vak thin. Ka chet dan naupang chhia zet ka hriat chhuah rual in ka insiam tha leh vat ,





Ka bul a ka nau mu chu ka en vat ,a lo.harh lo hlauh tih ka hriat chuan ka thaw huai







Duh tawk a midang ngai chang lo lek a thawm chhuah theihna hmun ah chuan awm ila ka va han au in ka va han nui ring dawn tak em .A nuam em a sin ,a kum a kum ka lo buaipui a ka lo duh ngawih ngawih mihring in kei min duh thu a sawi a nia ,engtia lo dawn sawn tur nge pawh ka hre lo reng a .







A thu hriat fuh tawk loh kawplai ka neih loh thu ka sawi chhuah khan ,ka sawi zawh hnu a awih lo ,awihlo phal bawk silo leh lawmna mitmeng a min melh sar sar kha hmuh a nuam tak zet a ni.





A lak a ka rilru put hmang erawh ka la hrilh ve lo thung ,amah zawk in in ngaihtuah hmasa phawt hnu a chhang tur in min ti ta zawk kha nia .Kei pawn pawi ka lo ti lo khawp mai.







Chhan nghal thawt thawt kha chu ka tim ve deuh mai bak ah a sawi ang khan in ngaihtuah chian hmasak chu a ngai.Ka duh lutuk tih chu han phat ngaihna ka hre lo ,mahsela inkawp tur chi kan ni em ,mipa rintlak ,pakhat a lung awi zo mi a ni em tih te ka chian a ngai ,tun a a mizia leh nunphung ah hi chuan mi rinawmlo tur ang chi kha chu a ni in ka hre lo a .Mahse a chhungril nun tak tak ka va hmuh pui lo tlat a,





Ka rin ai in amah a lo tha phian thei a , chu ti rual in rinloh tak in a lo tha lo phian thei bawk.







Thil tam tak ngaihtuah kual zut zut mah ila ka thinlung hlim zia hi chu ka hre chiang viau ,hei lo liam a awm thei bik chuang tawh awm lo e .Puitling in nula ve uai tawh mah ila, hmangaihna leh inngaihzawn na kawng ah erawh tawn hriat ka la nei tlem hle thung tih chu tun a ka rilru put dan leh tleirawl ang mai a ka chet chhuah dan te hian a ti lang chiang viau awm e.





Inngaihzawn na te hi chu risk tak tak thil a ni a, duhthlan na hi a pawimawh em em bawk , duhthlan na kan siam fuh leh mi vannei kan ni a , kan siam sual erawh in natna in min zui mai thin .







##Min han comment sak liam liam ula ##


Show post links
Top

[Ngaia]

HLUSANGZUALI





CHAPTER -5









RINSAWMPUIA







Nichin mai a Matei hnen a ka duh thu ka hrilh lai a a hmel hrilhai leh mak ti lutuk hmel chu mut hmun ah ngaihtuah in ka nui suk , chhanna min la pe lo a, ka nghahthei thu ka hrilh bawk a nih kha ,mahse mipa ka ni e ti lo chuan hlauhthawnna in ka khat ve tho mai.





Chhanan bialpa a neih loh thu min hrilh tawh mahse za ah za in ka ring ngam chiah lo, thil reng reng ka hriat chian leh finfiah hma chuan ka awih tawp ngai lo mi ka ni , chuvang chuan amah ka zawh chian hun ah chauh rilru nuam in ka awm thei chauh dawn tih ka hre chiang







Zing thawh hlim atang kan inchhung chu nui ri in a chen chilh nghal thin , tun ah pawh kan naute leh a ni chu infiam in an khek leh chul tawh .





Ka pa erawh hmuh tur a lo awm leh tawh lo a , zawh buai ngai lo in zing tawngtai inkhawm ah a kal tih ka hre nghal mai .





Unau zing a mipa awmchhun tih tak ah ,ka farnu te hian engkim ah min ring ve a ,ka theihna chen ah chuan an tan pawm tih hreh ka nei ngai lo





Kan upa ber hmeichhia hian pasal a nei tawh a , an pa hnathawhna sub center bul ah in an luah a , kan naute duat em em Celini nu a ni , kan unau zing a naupang ber erawh a la in ti naute thei khawp ,ka pa hian a duat zual bik a ,ka pa bul ah phei chuan upa ve viau tawh hi a la in la pangchang thei khawp .





Zing lam ah hian chaw hi kan ei hma thei khawp , ka pa hna vang a ni pakhat , middle sikul ah head in a awm a , a pension tep tawh bawk.Hun vawn dik duh mi tih tak ah sikul tan hma daih in a thleng fel diam tawh thin.





Chhun lam hi chu tih tur awmlo thei khawp, , a hming in BA ka zo ve tawh na chungin ka line tur ka la thlang fel thei lo tlat a, ti hian khua ah eng ti lo in ka la awm vel mai mai chu a nih hi .





Chhana a rawn leng , nizan chungchang min zawt zui nghal zat bawk , ka hrilh thawi thuak kha a nia ,a lo hre chak thlu ngang tawh te pawh a niang







"Ka hrilh " ti nghut in ,min nuih vur chu a ban ah hnek sak dawt in "mahse beisei ka ti sang ngam vak lo " ka ti chhuak hawlh , tiang khawp hian mipa rilru hi a lo buai ve thei a ni maw !







A thu rawn sawi dan avang chuan ka melh run





"Babyi vang a kawp tum chu i nih loh hram ka ring , hmeichhe pakhat vang in hmeichhe dang belh tum hi a tha miah lo ,thianpa ,i rilru na hian Babyi thik tur in hmeichhe dang kawp i tum te a nih phei chuan ,nuam i ti lo ang ,i hlim chuang lo ang " a ti nih kha .







"Chutiang mi ka ni lo "ti hluk in ka kut ka kuangkuah nghal than ,ka chhungte an chhuah vek a vang in tu mah han ven thawn tur an awm lo chu a aw ki pawh kan hniam lo dun khawp.





Babyi hming an lam ri tei vet te hi a hneawm , Hlui bul a ka awm in a thiannu chungchang min sawi pui thul , hmeichhia a nih na ah ka la hrethiam deuh , mahse ka thianpa in a rawn sawi chhuak chu tul ka ti vak lo.





Lehkha zir a aizawl a ka awm chhung in pamgngai tak in kan inkawp a nih kha , zep nak emaw kei phei chuan ka nupui tur a nih loh reng ka ring lo ,mipa in a hmeichhe duh chung a tih tur ang zawng zawng ang deuh thaw a tih theih ang chu tihsak loh lai ka neih awm ka hre ngai lo.







Inngaizawng a, induh tawn na na chu han kal thui deuh chang awm mahse ,a neih hlu ber tihchhiat sak ka duh loh avang in harsa chung chung in ka insum thin ,mahse ,ka lo insum ve tang tang na khan a ti lawm lo zawk pawh a ni let daih mai thei, ka ngaihtuah thiam nei nuai ta lo e , a chhan ber puh fak tur hrelo in mipa dang min pan san ta kha a nia .





Tun hnai hian aizawl atang a lo chho in min rawn biak a tum tan leh tawh ,huai sar ka ti khawp.





Ka ngaihtuah tawh ngai lo han ti sa teh mah ila ,min rawn biak hi chuan sawi thiam si loh hian thinlung ah che dawt hi a awm leh thin ,mahse ka la duh reng a, a hnen ah ka let leh dawn tih na lam a ni lo thung .





Kan inkawp rei ve em a , a tur reng ah ka ngai ta tawp.







" Thil min hrilh tur a neih thu rawn sawi in inhmuh pui tur ah min sawm "ka ti leh chiah phei chu ka thiana chu a ner nasa khawp.





Kan chanchin engkim a bo a bang awm lo a hre ve vek tu a ni bawk a, a sar hu lai , natna in min chenchilh lai phei chuan ka kiang ah a awm reng thin.







" A mak ve ngawt mai , tiang ang ti duh tur ang hi chu a pu lo a sin le "ka ngaihdan a ni thin , hmeichhe ngawichawi ve tak leh tihnat hlauh awm khawp a thinlung nem , thatna zawng zawng nei tu ni in ka hre thin , ka duh a ka atchilh em em chhan chu a hmelthat vang te ni tho mahse , a nungchang vang a ni tel lo thei lo ,hun a ral a , a tih duh pawh a ka rin ngai loh hmang in ka rilru a hliam ta thung ,amah ka hmuh dan nasa tak a danglam ta pawh hi ka hai lo.





" Bialnu hlui te chungchang sawi reng zawng , a hlawkna awm lo."ka tih tak ah chuan thil dang kan sawi zawm leh , Hlusangzuali ah bawk kan tawp leh , ka thianpa'n min duh pui ve viau nen a nuam ve hran pa reng reng .







A lak a ka inpuan atang ni 2 a ral der tawh , ngaihtuah na fim hmang a, a kawppui tur a duh ang tak mipa ka nih leh nih loh hrechiang tur in ka duh a, va tur chhen lo a ,nghak veng veng pawh ka ni .Zan lam ah erawh msg ah ka va be ziah thin , ka be rei ngai lo thung





Celini men piau a lo tlan lut chuan min rawn pan vat, a chum buang bawk nen a duhawm tur tur a nia "Apute , anu in min hau ,ka hnung ah te in beng " ti in a hnung chu a nu ben dan ni awm tak in an beng vel ,kum 2 lek ni si hian a tawng fiah tawh khawp.





Ka nu a lo nui hak ,chutiang in ka pa pawh , a nu thil tih lai hian lo tih buai a ching reuh a, a nu ning hian na vak lo in a hnung ah hian a ben sak thin , ti hian tlai tin an rawn len chang a piang in a rawn zualko ta thin a.







A biang ah piai in "i nu i tibuai a niang chu " a lu a thing ve mat mat reuh ,a fing in kan duat tih a hre bawk a ,a pangchang nasa thin ngang mai





A nu lo lut chu kan Celini te reuh lah chuan lei a lo chhuah khum zuk , ka awm ah rawn bei than in chan tha chang in ti fahran in a nu a melh zui ,a la in tih theih hmel em em leh nghal a,ka nuih a ti za ru khawp mai.





U Sangpuii chuan a fanu chu en in a nui hak "he nu te reuh fing lutuk hi chu , a chang chuan ka fanu mah ni se ka ngei thin" a fanu te zeuh zeuh lah chuan ka awm a la bei reng chung in a nu chu kut a vai lauh lauh ,tumah insum zo lo in kan nui zo ta vek .







U Sangpui pasal hi U Michaela kan ti mai thin ,pa tawngtam lo tak leh zaidam dup mai hi a ni a , thingtlang khaw pakhat atang a health worker tur a an rawn sawn ni in a pian a seilenna erawh aizawl a ni thung , an inneih hnu in rei lo te U Michaela te nu leh pa te bul ah an khawsak hnu in,he lam ah hna a neih miau avangin an lo chho leh thuai ,U Michaela chhungte pawn an rawn tlawh awl lo ,keini nen lam pawh kan in pawh khawp mai .





Kan u i lah chuan "tun lai chu D hlui tih hla i i ngaithla nasa viau lo maw " nui hak hak a a rawn tih chuan ka rum nghut , Babyi nen a kan chungchang an hre ve vek a, kan inthen tak hnu hian chhaih nan tak min hmang , kan te ber phei chuan ninawm khawp in min chhaih peih thin.







"I ho''ka ti nghut chu a nui zui ar ar leh ta nghal, a fanu te lah chuan min rawn en chho kiau in " Ate ,anu in apute a bialnu chu a nute Babyi ti ''fiah vak lo in a rawn la ti zui, he nau hian a nu nih hi a chhun a .!





U Sangpuii chu ka melh run , hmui hup in min la nuih pat pat zui , ka nu leh pa pawh an nuih a za tih ka hre thei , Celini chu thuthleng ah thut tir in "i nu chuan dawt a sawi nih chu " ti hmuk in ka pindan lam ah chuan ka lut ta daih, min ti lai thelh a lawm maw le.







Ka pindan ah reilote ka awmhnu in Hmingi dawr ah ka va leng lut a , tawng duh ngang a ni bawk a,a lo ri nghal le lu mai .Hmeichhe ho dan ni hmiang .







"Zan in chu i thiannu inkhawm tur in rawn sawm chhuak la tha ang " min melh in an nui nghal thaw , fin var hmel vaklo hian lang mahse thil hi a man chak khawp , Matei phone no ka dil atang khan min chik ngar ngar ti ila ka sawi sual lo ang , chu tia min chik ta ngar ngar chu ka che zia leh ka mitmeng hmang atang in a lo hrethiam ni hmiang , min zawt ta reng a ,zep tul ka tihlem loh avang in thudik in ka lo chhang ta reng .







A theih ang zawn zawn ah chuan hma min lak pui ve chuan ka hria, a sawt lem chuang lo thung .







"Kan Matei te zawng a duhna lo ah chuan sawm luih ngial pawn a tih theih lo , " a ti chhuak hliai chu ka nui ta hawk , kan Hlusangzuali chu a luhlul ve thawkhat tih ka hrethiam mai .







Rawn sawi zawm leh in "a sual chi hian kal phei se chu ,a tawrhhlelhawm ngawt ang , chutiang ni lo a ,fel leh rilru tha deuh a a nung hi a lawmawm " ti in a nui kur kur , kei tak pawh ka then ve suk suk tho ,a chanchin ka hriat hi chuan sawi thiam si loh hian chhungril ah ka hlim leh veng veng thin .







Chutia kan lo tawng dun mawlh mawlh lai chuan beisei loh lutuk in Hlui leh Babyi an lo lang teh nawlh , kan thusawi chu sawi zawm chi a nih tawh loh avang in ka ngawi ta rih .









Hmingi chuan a lo be vat ,kei erawh an rawn luh tirh a ka en zawk bak ka hawi chhuak leh tawh lo.







An thil lei tur an lakkhawm zawh tawh hnu pawh in ,an la chhuak mai lo , Hlutein min rawn biak tak ah chuan an lam chu ka hawi ve ta nge nge







Eng nge ka tih min zawh na chu'





"Hmingi dawr ka nghah pui mai mai ,inkawm pah in " ti in ka chhang mai a, Babyi erawh nuam lo tih hnel zet a lo ding in , keimah hlir chu min en bawk ,a va peih mai mai tak.







Kal ta mai lo in an pahnih chuan thuthleng ah chuan a chep a chep in an rawn inrawlh ve , kan thutna a lian lem si lo ,a tawt deuh chu a ni.





Hmingi chuan"Engtik ah nge aizawl lam ah i chhuk leh ang , eng damdawiin ah nge i thawh kha "ti in a zawt a , ngaihsak lem lo in phone ka khawih san ta daih.





La ingaizawng reng ila chu bialnu nurse ka nei mai tawh tur !





Ka ngaihtuahna mai mai chu , Babyi chu ka melh zawk , nidang ang bawk in kawrfual par rawng hmuh nuam zet a inbel leh ,kekawr tih vel ai hian kawrfual lam hi a ngaina a, a inbel tam zawk bawk , a sam sei hniang nen a ti lang nu zual em em thin ,pheikhawk pum tih vel ai in chapal rawlh luh tawp theih, mawi hnai si bun nuam a ti zawk bawk , kan inkawp rei bawk nen a chungchang chu ka hre tam ve khawp.







Min hlau ta ang mai in,hnuai lam a bih tlat a ,ka lak ah a inthiam lo tih ka hria , eng rilru mah a lak ah ka put tawh loh avang in ka lak a a awmdan te hian min nghawng em em lo ,mahse hlauh hmel deuh a min melh thin erawh hi chu a tul ka ti vak lo.





Hmingi a chhang tur erawh a rawn hawi chhuak ve tak hram kha







" Lrm hospital ah ka thawk a , karleh lam ah nih loh pawn a lehpek lam ah chhuk ka beisei "a ti mai a , ka ngawih reng bik chuan kan boruak chu a uap churh reng dawn a ka hriat avang in a hna chungchang vel te chu ka zawt zui thuai , a ni pawn tha te te in min chhang ve mai bawk.







Ngaihzawng hlui te biak duh loh huat zui tlat te hi ka duh ngai lo , inthen tirh te chuan harsa viau mahse a hnu ah erawh tha deuh in ka be thei ve mai zel.







" Nang pawh hi kan khua ah i awm reng dawn tho chuan ,zirtirtu hna ruak te hi dil ve la, i thiamna in a tlin tho sia , khaw dang mi lah hian a chuhin an rawn inchuh emaw tih mai tura nia , a theih hram chuan khawtual mi hi la se ka ti nia "Hlutei chuan a rawn ti bawrh bawrh , a lak a ka rilru put dan pawh a dang deuh hlek tawh , Zikpuii hnen atang Hlutein in ngaizawng ang a min lo sawi thu ka hre leh zel nen, hmeichhia ang a in biak duh loh a, inchhuahchhal tih vel chu ka rilru ah awm lo,mahse a kiang ah erawh ka thusawi tur ka in ven ve deuh chu a ngaih hmel.







" Zirtirtu lam hi ka line a ni chiah lo , ka nu pawn dil ve tur chuan min nawr tak a lawm "ka ti tha ve mai , han ngaihtuah ngial pawn naupang zirtir tih vel hi chu keimah nen hi chuan in rem in ka hre thin lo.







Hmingi pawn "Khaw chhung mi leh sa tluk hi chu an awm lo , khaw dang mi hi chu chawlh lak neuh neuh hi annei zing riau thin , an ni vek e zawng ka ti chuang lo " ti in a rawn sawi zawm ve bawk.







"I u te kha engtik nge an inneih dawn kha ,pasal a nei tha mai dawn si " Hmingi zawhna chu a chhan phur zawng tak ni hmiang "Thla leh hi kan tin zawn deuh a , inbuatsaih nan tun thla tawp hi kan nei dawn a ,a tih zia , a pasal tur te lam hi an che thei ve a , inbuatsaih ropui an tum hmel khawp "a lo ti zung zung .





Babyi nen min en dun leh te te in "nangni pawh hi insawirem dan ngaihtuah ru , tiang ringawt a awm " a ti zawm zat , Hmingi lo nur nang , kei tak pawh min ti hawi lawl lawl a lawm .A thiannu nen kan inthen fel tawh tih a hre ve reng bawk si.





Chhan en ah pawh ka en lo ,Babyi erawh a thiannu kut ah hmer vakin a melh ralh a zah leh hmel viau tawh .







"Hming, alu min lo buk sak aw " kawngka lam chu ka hawi phei vat, Matei a lo ding ran, chutia kan lo awmkhawm chu mak a tih hmel viau, bangbo deuh in min en a ,mahse a insiam tha leh vat thung.







A rawn luh dawn ah min melh bak kha chu min melh nawn leh duh tawh thai nang , ngaihdan diklo a nei ang tih ka hlau ru khawp .







"Eng zah nge i duh "





"Kg 5 kha ti rawh, a chhe har tho ,rawn kal reng te hi a buaithlak "





"Vawiin chu ka khua har lo khawp ,inleng ka nei deuh reng mai "





"A that hlauh chu , nuam an tih hmel hlawm khawp saw " an thian dun chuan an nui zui nghal , kan thutna thlang lam ah alu an buk dun a , ka thutna atang an thil sawi ho hriat tum in beng ka chhi ran reng bawk





Hlutei thusawi leh min biakna pawh ka ngaihtuah hman meuh lo .







A thiannu in inkhawm tur a a sawm na pawh a lo pawm ve mai , ka tan chance a tha leh chiah, engpawh nise a inkhawm bang chu thlah leh ngei ka tum bawk.







An alu buk zo rawn phei chu ka lo melh reng , a kawr leh kekawr tawt lam lek lek a hak chuan a pian a ti lang nalh khawp ,hmeichhe te tak a ni lo, kan khua ang ah phei chuan a lian pawl tak a ni , thau lam ai in cher lam a pawl zawk mah , mahse cher chhia ti a sawi tur erawh a ni leh miah lo thung , a kawng a fek rat a , a thau loh ang hu in a mawng a vawng lah a , a awmbawr pawh a mawi tawk viau , Mipa ka ni a chutiang thil vel chu ka hmuh hmaih loh chiang hle .







Mite ang in thawmhnaw to leh tha a in bel ngai lo , a thawmhnaw te pawh a lei na a rei tawh tih hriat tak tak an ni ,mahse a fai in a inhmeh pui viau thin thung.







A haw tur chu ka zui chhuak ve nghal ,Hmingin a nghal chhuah in min chhaih zui hram bawk a nih kha , Hlutei leh Babyi erawh in mak tih hmel zet in min en zui vawng vawng kha.Naupang thil hrethiam lo rual lek an ni tawh lo a , eng emaw kan inkar ah a awm tih chu an manthiam khawp ang





"In tlai chawhmeh tur a hriat hle mai " a bul ah kal in ka fiam a , min chhang lo in a hmui a pet sawi duh lek chauh







Keimah bawk chuan "zanin inkhawm ban ah i chhan na ka hre duh tawh ang , ka nghak rei thawkhat tawh che " ka ti leh , min rawn melh chiang ngang mai, mi vei vak an awm leh zeuh thin avang in tawng ring ngam chi a ni lo





"Chhan vak ngai che pawh in ka hre lo , kha i bialnu te nen a nih kha in lo awm thup , khatiang tawh hnu ah engti vak a chhanna tha pe tur che in min la beisei theih." ka nui suk ,thik na rim ka hre tlat ,a zawng zawng in min duh lo pum hlum bik lo tih hriatna chuan min ti thawveng hawk mai a lawm.







"Kha chu thikna ah ka ngai thei a ngem " a hawi buai ta nak , a hmui a pet fan fan ,min chhanna nghak in ka melh ngur .







A lai hmel biang rawn sen tan tan chu hmuh a nuam khawp , va fawp mai lo tur a ka insum nasat zia chu , khawlai ni lo se chu ka ngaihtuahna ang hian ka chet chhuah tawh ka ring.







Ka nghal chhuah in "i thik tih chu i in pawm maw " ka ti leh ta kher ,a ngawi mai mai duh tawp bik nang





"I nghaihdan a nih chu , thikna chhan tur ka nei reng reng lo" aw ki sang lam mah in a rawn ti ve ta hmak ,ka awi a ring reng reng a maw ni , mahni hmeichhe duh ngawih ngawih te mitmeng hrethiam lo tur khawp a chut ka ni reng reng lo.





"Ka awih dawn nge dawn lo?" chhaih buai hi a nuam tlat , a thil khai khai sak ka tum chuan a phal leh ta lo tlat , ka tilui duh biklo , ka hahdam ting a ni mai.





"I thu thu " hmak mai a, kan inbiak dan chuan ka nuih a ti za ru khawp , ka bul a kal nu lah hi a hmanhmawh tawh khawp , a kal chak viau mai.







In ka thlen hnu pawn Hlusangzuali nen kan inbiakna te ngaihtuah in ka nui leh vur thin , ka lak ah thikthu a nei a chu bak bak a min ti thlamuang tu .







"Nu khawnge midang " a eirawngbawl na bul ah chuan ka thu thla a , thingpui ka duh leh duh lo min zawh chuan ka inchak lem loh thu in ka chhang mai.







"Nautei chu a thian te in ah h/w kan ti dun dawn a tia a chhuak ta nih kha, i pa erawh biakin lam ah eng committee ber nge kan nei dawn a tih kha ka hre tawh lo "ti in salad siam na tur hmanrua ho ka bul ah rawn dah in " kha ,lo chan rawh , chet zung zung loh chuan kan tlai dawn tlat ,i pa a rawn haw a nga chaw ei a rawnti leh tut tut a nga "nui sang in a rawn ti , ka nu ang a nu fel leh pasal te zah thiam hi chu an tam ka ring lo , ka pa kohhran upa a ni a,inchhung a awm ai chuan biakin lam.ah hian a tal tam zawk a ngem aw tih tur a ni ,chutiang hun ah pawh chuan a theih na kawng kawng ah a tawiawm tlat thin.







Ka naupan lai deuh phei chuan , ka nu ang ngei hi ka nupui tur nise ka ti thin , tun ah pawh a la ni deuh reng tho .







Tereuh te kan nih atang Pathian thu in min kaihruai a , inkhawm pawimawhna leh hlawkna min hrilh bang lo , tleirawl at lai in a ruk a thil tih leh meizial lo zuk ruk deuh te han ching ve mah ila ,rei ka ti ngai lo chupawh ka nu leh pa te vang ka ti lo thei lo , nitin thu tha min hrilh in mihring nundan dik min zirtir awl lo a, chutiang kara thang chho ta na na chu theih ang tawk tawk ah kohhran lamah pawh ka inhmang ve viau.









Kan chhungkuaah chuan hmeichhe hnathawh tur bik leh mipa hnathawh tur bik a awm hrang lem lo , Nautei te exam lai phei chuan hmun ka phiah a thleng ka sil chang a tam mai .,







Zah a ka la lo a, mipa tih loh tur tih vel ka rilru ah awm lo , chhungkaw tan kan lo tangkai theih ve na bak bak a thil tha a awm chuang lo.







Zan inkhawm ka insiam tur te chu ka phur sur sur khawp mai , zanin ngei hian a chhanna chu hriat ka tum ngei tawh dawn ,min lo hnar ta a nih leh tha thar in hma kan la tha leh mai a niang chu







Inkhawm kan kal tlai ngai loh avang in Chhana nen dar hmasa rik hnu lawk ah kan kal nghal a, kal pawh an la awm mang lo .





Tunlai thalai tam tak ten tlai hi changkan na chikhat ah kan ngai deuh tlatna rilru hi paih bo vat a tha , tan dar rik tawh hnu ah hawisang vah chunga an lo lut ta thin hi chu hmuh that an har khawp.Nula hmeltha chhelo eltiang pawh nise mipa te hi chuan hmuh dan chin tawk hi kan lo nei hmanhmawh thin.





Kan thlen hnu reilo te ah ka mi hmuh chak em em te pawh an rawn thleng , nula len ah thu in , midang kal an la awm vaklo nen kan hma lam daih ah an thu a ,duh tawk in ka lo belchiang hman leh tawh.







Mipa mit hi zawng a duh na ah chuan chak tak a ni.





Kawr dum ban tlawn ,a hma v zau lutuk lo a ha a ,puan sen mawi zet a bih bawk , pheikhawk sang bun lo in a hniam a bun a , a mawi pui em em thung, a thiannu in pheikhawk sang a bun chung pawn Hlusangzuali chu a la chen zo lo.





Inkhawm chhung zawng chu a thutna lam hawi reng lo tur a ka insum nasat a ngai viau, A theih hram chuan biakin chhung ah chuan thil dang ngaihtuahna la peng thei awm lo se ka ti a , zanin zet zawng a harsa lam hret a ni .







Inkhawm kan ban veleh a kawtah chuan ka zawng kual deuh , Chhana pawn min zawn pui deuh bawk , a hmel zuk hmuh tur awm bo lo a , henu hi a lo haw a maw ni le , vawiin khan ka sawi chiang viau sia.







In ka thlen hnu chuan ka phone ta ngawt, vawi khat na ah chuan a la thei lo , a lak hma chu ka call dawn hi a ni ringawt , umm a chhang ve ta hram a lawm ,







"I haw tawh a mi " ka tawng bung viau mai thei , tlem chuan ka lungawi lo ve deuh ,





"Haw tawh e , "ngaihsam zet in a rawn ti, ka thaw chhuak hawk , ka zawhna bak min chhan a tum si lo





" Min lo nghak rawh ka ti reng sia "





"Nia ,kha kha ,lo nghah che chu ka tum a ,mahse Zikpuinn haw pui tur a nei dawn si lo a " tha deuh chuan a rawn ti ve ta nge nge ,thaw chhuak hawk in





"Umm, k hrethiam mai ang che , mahse a leh pek ah chuan i pumpelh thei tawh lo ang ,i hrethiam ti raw, inngaihtuah nan hun i hmang rei tawh viau chuan ka hria " thu pe deuh reuh , hnial theih mai mai tawh lo tur in ka nawr ve ta deuh.







"Hlutei nen chuan in ni lo tak tak em ,chuan Babyi pawh" vawiin min hmuh ho avang khan a rilru a nuam chiah lo ni hmiang.







Nghet charhin "engtik lai mah in Hlutei nen kan inkawp ngai lo, chuan Babyi nen kan nunhlui erawh ka sawi ngai lo in i hre vek , mahse kan inkar a tawp a tang erawh chuan a lam ka hawi tawh ngai lo ,a ni nen a bultan that leh pawh ka tum nawn hek lo , ka lak ah rinna i nghah nasat pauh leh ka rin ngam zia i hrechiang chho zel mai ang " ka ti a, hmeichhe pakhat ah ka lungawi tawk em em thin , inkawp , inlersan tih vel hi mipa rilru nghet ve tak ka nih na ah ka tum chhin ngai lo .Tul pawh ka ti hek lo







"A dang hriat belh ila mamawh em " a mamawh loh thu in min rawn chhang vat , zanin chu kan inbe tui dun riau nen a nuam vei khawp.







"Zep miah lo in vawiin a min rawn hmuh ho kha chuan i thik ve deuh ti raw " ti a fiam leh zeuh in ka nui vur vur ,





Rang zet in "zak teh , i ngiahtuahna vak vel a nih chu " ka nui phuh deuh thawt , tawngkam a rawn duh tui lo nasa .







"I chiang meuh maw, i rawn men len em kha "





"Chhe sia " a rawn ti leh ta hmak .





Rei lo te ka chhaih zawm leh hnu in kan inbiak na kan ti tawp a, chawlhni tlai lam a chhuah pui a ka sawm na chu min hnial lo in tha deuh in min lo pawm pui ve mai.







Ka chhanna dawn tur chu eng lam zawmg mge ni ang ka rin zawn thiam ta mai , Rilru buai deuh leh mahni inringtawk lo takin ka awm rei hmel tawh lo .Ka buaina te min rawn hnawh kian sak dawn a ang riau.











### Han like in han comment leh liam liam ula , naktuk zan pawh kan dah thut dawn nia #


Show post links
Top

[Ngaia]

HLUSANGZUALI







CHAPTER -6





Hlusangzuali pov





Ka zing thawh hnu thleng pawn ka rilru chu a la hlim veng veng thei hial ,ka ni hman te chu nidang ai in a nuam emaw tih mai tur a ni .Mahse ka hriat thiam loh deuh thil chu engvanga Hlutei khan inngaizawng ang a Rinsawma nen in sawi tlat nge tih hi a ni .Mak ka ti ,







Kohhran a in hmang leh inkhawm taima zet a ni a.Dawt chiang lutuk hmai chhan ngei a sawi thei tur mihring a ni ang tih rin ngaihna ka hre lo .Lehlam ah lah Rinsawman chiang tak in an inkawp ngai loh thu a sawi bawk si .





Mihringhi chu pawn lam landan ringawt a in teh mai loh tur tih thu hi a tak ngei in ka tawng ni in ka hria .







Hun a kal ang a thudik zawk chu a lo lang chhuak tur ah ngai ang .





Hmingi leh Zikpuii pawh kan chungchang ka hrilh tawh a, min phur pui in min lawm pui viau a ,ka la chhan let loh thu te pawh zep awm lem lo in ka sawi vek, ka duh thu leh inngaihzawn ka duh ve tho thu te chu hrilh hre vat tur in min thu rawn dun nasa mai .





Hlutei chungchang pawh ka sawi tel a , Hmingi a thinrim leh nasa , an inkawp ngai loh thu sawi in ,Rinsawman a duh loh zia leh vawi khat pawh inngaihzawnna lam hawi a a la melh chhin ngai loh thu a sawi ngun malh malh hle bawk.





"Hlutei te zawng a, a thiannu Babyi leh Rsa an nih hma atang in Rsa hi a duh tawh , mahse Rsaa hian a duh loh mai bak ah thian en bak in a en lo , lo duh ve ta hlauh chu ni se, Babyi a nih pui hma khan an ni daih tawh ang " Hmingi'n ati malh malh , Zikpuii pawn a pawm pui hmel khawp ,kei pawh rilru nuam deuh in an ni zar ah ka awm ve theih phah, an ni bul a thil kalhmang ka sawi chu a hlawk thlak letling khawp mai







Min duh thu min hrilh atang khan Rinsawma bul a ka awm in ka awmdan a danglam zual thin tih ka hai lo , beisei ngaihna ka hriat tawh loh lai a min duh thu min hrilh kha chu ka tan chuan lawm na nasa tak leh ropui tak a ni ka ti lo thei lo ,







Beisei tur pawh kan neih tawh lo lai a , hlawhtlinna nasa tak in min den hian a tu a te pawh kan hlim in kan lawmna in van a tawng hial thei ta ve ang ,chutiang chiah chu a ni ka awm dan chu .







Hmingi te dawr a ka hmuh ho ni khan , tlem in ka rilru a nuam leh ta lo kha a nia, zawh fiah chian leh phawt ka duh avang in inkhawm ban a min thlah tur thu a sawi pawh theihnghilh lui kha ka ni reng .







A hnu ah engkim min hrilh fiah a , Babyi nen an inkar siam that a tum tawh lo zia a sawi atang ten ka rinhlelh na chu a bo vek tawh.







A ma sawi ang khan amah ka rinngam hmasak phawt a ngai, hringnun ah chuan kan duhthlan thil te hi risk tak meuh meuh vek a ni , duhthlang fuh deuh an nuam sa a , thlang fu lo deuh an hrehawm a ni leh mai .Chutiang mai chu a ni mihring nun chu.







Kan sawi lawk tawh ang in Pathianni tlai lam chuan , vengchhak lama awm khaw mipui ten IB tlang ti a kan sawi mai thin ah chuan kan kal a ,kan pahnih te a kal tum kan ni na chu kan thiante ve ve an rawn kal tel ve leh , a nin Chhana a hruai lai in kei in Zikpuii leh Hmingi ka hruai tel thung.







"I hah tawh em " dam duai a rawn ti tu chu melh in lu ka thing, nidang ang bawk in a hmel hmuh a nuam leh takzet , a t shirt dum plain hak chu in hmeh tak a ni ,chutiang bawk in a jogger pants grey rawng ,a taksa phuar lam mah a inbel te chuan mi a hip riau ,nike slide a bun leh mai a ,a ke thiah pawh mipa ke thiah ni lo awm tak a fai leh nalh a ni .







Kan pahnih chauh a kan kal lo chu a tih zia khawp, kan thian hruai te zar ah kan boruak pawh uap churh lo in , a thawven phah na sa.







Kan thleng chho chu ,kan thaw hlawi hlawi hlawm mai , ka kal loh na a lo rei ve tawh nen , an lo chei tha nasa tawh , tanky lian deuh deuh panga siam thar tih hriat zet a in hung run a, tui a khawh thla reng bawk. Tui hi tlangpui ngaw kar a mi pipe hmang in an la a tanky ah khawh luh tir in, hun bi nei in khaw chhung ah an sem chhuak mai thin .





Tui dahkhawlna tanky lian kan nei tha bawk a , thal lai a khaw dang tui vang a an buai luai luai lai in ,kan khua erawh kan buai ve ngai meuh lo .Kan hniang hnar phian zawk zel.





Tanky lian ber chung chu awlsam tak a lei atang a kal chhoh na tur siam a ni a ,a chung pawh an siam tha bawk , tlak dal ah a kual in cement bang ang in kawng chin vel a in hung kual vek bawk , keini pawh chuta chuan chho in thutna an siam ah chuan kan thu a , thingkung lian deuh deuh in a hual bawk a , sava hram leh rannung dang hram ri hriat tur a awm leh thin nen boruak chu nuam tak a ni.







Ka bul chet ah Rinsawma a rawn thu thla , kan kal lam atang tawh khan ka bul hnai zel ah a ni a la awm char char







"Nileng a awm char char nan a va itawm tak , ka kal khat lutuk a ,hetiang an siam lai pawh ka hre lo reng reng " Hmingi pawn a ti deuh hluai , ka rinai daih in an siam nuam ka ti ve .







Dan ngaite bawk in thlalak na tur an zawng kual leh tawh , Thiani chuan Chhana chu rawn pawt tho nawlh in "Lo kal teh , thla min lo lak sak rawh " ti in a kai phei ta dawr dawr , Hmingi pawn a zui ve nghal ,an kal na lam en a kal ka tum ve chu , Rinsawma chuan min rawn chelh vat in , min pawt thu leh.







"Tah hian lo awm ang ,thil sawi dun tur kan neih kha" a ti hmuk , kan thiante kalsan chu thawveng ta hawk hmel a pu ,nichin atang khan a la tawng lo reng a ni....







Tha te te chuan ka thu leh mai , hmun dang hawi lo lek in min melh reng sia , ka kut chu ka hum tawm leh vak thin , kan boruak rawn inthlak ta daih chu ka dawngsawng thiam meuh lo chu a ni.Ka awmdan chu a hrethiam ni hmiang ,a nui ri leh suk suk thin .





Chutah ka lam ah rawn awn hnai in ka beng bul te ah rawn thaw lum hawk chung hian"Chhanna chu " a ti ta sup ,phone kal tlang a kan inbiak na atang ațang in a rilru ang ka pu ve tho tih hi chu a hriatthiam tawh tho chu ka ring a.





'Kan inngaizawng tawh 'tih a tu zawk mah in sawi lang lo mah ila inngaizawng te ang in ,kan inngaihsak a ,kan hun hman dan kan inhrilh tawn a ,thil dang tam tak nen ,thu hmang a kan la sawi chhuah loh vang chauh in nem ngheh a la ni lo mai pawh a ,chu ti ni mahse kan thinlung erawh inchhung khat tawn in ,hma lam hun chhiar dun tur in a inpeih viau tawh thung.





"I hrethiam mai lo mi " ka ti lai rat ,a hma te kha chuan huai tak in hmai chhan ah ngei ka rilru put hmang ka hrilh ang ka tih huai ve em em na te kha khawiah nge a awm zawh tak ni .Thli thaw heuh heuh te hian a chhem bo zo duak emaw tih mai tur a ni







Nui suk hian "I tawng ka hmang ngei a i sawi chhuah ka hre duh ti ta tlat ila" a hmel en tur in ka in her a ,a hmel ah fiamthu hmel reng a lang lo , a thutak tak zet .







Hma lam hawi tum a ka lu ka ti chet rual in amah en theih tur in min kual her leh ,kan in melh chiang viau mai ,rem lo deuh chuan a hmel chu ka en let ve ta kar mai .





"Sawi rawh le ,min duh ve em ,min vei in engtik lai pawn i ngaihtuah na leh thluak ah ka cham ve reng em ." a sawi lai kar a a thaw lum leh hak thin te ,a rimtui zet te chuan ka thluak a ti nu but thei .







Aw thian hmasa te te in ka bu ta nghat a ,a ni erawh rum nghut in "che zia a ti lang chhuak lo khan i ka hmang ngei khan sawi rawh ," a ti ta nghut ,za lo deuh chuan ka then khum ta sak ,a ni pawn ka awm dan rem lo zet leh ka hmel ti sawi kual vel chu min melh in a nui ve ta zeuh .







Zawi te tak tak ,ama hriat theih tur tawk si chuan "nangmah ang mai in nitin ,darkar tin ka rilru leh thinlungah i khat liam ve tho a ,i hmel ka hmuh loh rei a kan inbiak khat deuh phei chuan kim lo riau in ka in hre thin " darthlalang ah in hmu thei ngat ila chu zah lutuk avang in ka hmai hi a sen tawn tawn in nia ka ring .Tui vawt awm se dep ila ka hmai sa hat hat pawh hi a reh ngei ang.







A mit a pawh ka melh tha ngam tawh lo, kan in melh dun sar sar na atanga hawi sawn ka tum chu ka bek ah dawm in min fawp ta siah mai ,rinai in a zei hrep leh nghal ,a hmui a chet chhuah dan te reng reng chu hei tluk a nuam ka tawn leh pawh ka ring lo hial .







A hmui a hman thiam dan ah chiang takin a vawi khatna mai chu a ni lo tih ka hre thei ,ka tan erawh a vawikhatna a ni thung .Chuvang te pawh a niang han chhan let ngaihna pawh ka hre lo ,zei lo chu min ti ve viau mai thei ni.





Tleirawl lai in bialpa te han nei ve thin mah ila,infawh tih lam hi chu ka la tawng ngai lo , hmai a infawh zeuh tih te erawh ka tan thil thar a ni lo thung









A hmui a laksawn rual chuan mitmeng nung sar a min en in ,nghal fahran hian min chhaih zuk a .







"Hmm,i vawi khat na a ni maw ,i mipa fawh hmasak ber na chu enge an a ,nuam i ti em ?Zawng chhang tlak viau lo maw "







A ban puam ah chuan na vak lo in kan chum sak ringawt ,nghal reuh lutuk mai ,min tizak zual ,ka kut in ka biang chu dawm in ka thaw leh hawk thin .





"Kan inkar ah midang awm suh se " ti in ka chal chu a hmui in a rawn si leh , rei erawh a ni lo thung .







Kan țhian te thla la zo rawn phei chuan min nuih ang vur vur hlawm a ,ka awm an ti nuam lo zo vek ,min lo enthla ru reng emaw ,chutiang an tih chu ka ring bik em si lo .





"I hmai a va tai sen nasa ve " an rawn tih rual in







"Awih awm loh e a ,a ngai reng " ka lo ti vat vat ,ka biang chu dawm in Rinsawma chu ka melh zeuh a ,min lo la nuih ang vur zui .







Kan Hming nghali chuan " nangni pahnih awm fal hi thil thalo in ti a ni maaw ''rawn ti in chik zet hian min melh a ,ka en let tha ngam lo ,he nu hi chu thil te hi man chak in a hrethiam chak si a .









Rinswma rawn inrawlh vat in "thil ni lo lo hi sawi teh suh a " a rawn tih ve tak ah chuan min dawp chhuah ngawt pawh a tum zui ta bik lo .







Kan eitur ken ho te chu ei in ,thla pawh kan la hnem khawp mai ,nuam la ti viau mah ila haw har lutuk kha thil mawi a ni si lo a ,chu lo ah zan inkhawm duh kan ni hlawm bawk nen kan haw ta thuai a.







Ka zan inkhawm kal tur chu chang tu ka nei ta tlat mai ,ka nuih te chu a za reuh khawp a ,an in bul mai biakin a nih lai in min rawn sawm tur liau liau in biakin lam pan lo in a let zawng in a rawn kal chu a ni sia.









"I va peih mai mai e aw " kan tih te chuan "inkhawm tur a kal rual dun te kha a chakawm ve mai mai a lawm ," a lo ti mai a,ka sawi buai duh ta bik lo ,a rawn chet chhuah dan hian min ti lawm viau a ni.





Kan pahnih a kal rual te a tia ,kan pahnih chauh in kan kal rual tawp thei lo tih a hre lo emaw ni ,Thiani sawm te ka ngai a lawm .







Ka kut vuan in a nui leh vur thin,a hnu ah phei chuan kal pah in ka kut zung tang te chu khal in a ti che leh zawk zawk thin ,a awmdan vel chuan ka nuih a ti za khawp a ,han nuih san lah kha thil tih chi a ni bawk si lo .







Mi kan tawh dawn erawh in a rang a rangin ka la sawn nghal daih zel a ,lungawiloh hmel deuh chuan min melh leh run zel .Thingtlang chu thingtlang tih tak a a tu a te pawh kan la inhre pawh vek a ,mi sawi sep kai pawh a awlsam zual bik em em,chuvang a nia khawlai ah ,inhnaih chilh lutuk leh mi hmuh tur a in vawn vel ka duh miah lo.







Zikpuii chu sawm thla in kan pathum chuan kan in zui tlang hlawm ta a ,thil dang han sawi vak tur pawh kan hrelo vawiin kan lenna chungchang bawk a ni kan sawi lan tam.







Rinsawma chuan Zikpuii hnen ah "ka in lak changtupa na tur pawh i ti chhe vek " fiamthu hian a ti leh zuk zuk thin a .Pakhati lah hi tawng tam viau lo e ti chung hian hnial khan a hre zek a .An pahnih in hnial vel chu en in ka nui leh kar kar thin .







Inkhawm ban hnu chuan min thlah leh thlap a ,chhun lam a inngaihzawn ai ngawt chuan zan boruak thiang kuk mai ,arsi eng de sep sep kar a in ngaihzawn hi a lo romantic zawk daih a nih hi .





Kan pahnih induat na hmun ka ti tawh mai ,kan in thleng hma thing buk hnuai ah chuan in thlah nan ril fahran leh zei deuh a min fawh ngawng ngawng hnu ah kan in mangtha liam ta chauh a .





______





Lo lam tul lai a ni tan a ,hlo thlawh tur kan neih zau reuh em avang in tunlai te chu in a ka awm ai in ka feh ni hi a tam zawk tih theih a ni.Rinsawma nen pawh zan hunawl tih loh chu kan in be rei ngai lo ,chhun lam ah tih tur tul ang ang kan tih hnu a ,zan lam a phone kaltlanga kan inbiak ve theih hun erawh kan am ru dun hle thin .







Zan khat phei chu message ringawt a inbia in dar sawmpahnih kan thleng der a ,a ni nen hi chuan hun te hi a kal duak duak mai a ni .Kan inbiakna lah chu chutia thu tak khuk pui a khuk pui chiam chi lah a ni lo ,thu ho te te sawi in kan inhnial der leh thin ,eng ang chiah in nge a ngaih va hre kil kel kher lo mah ila,keimah hi chuan nuam ka ti viau thung.





Kan hlo thlawh zawh dawn hnu lam ah chuan in sawi phur chawp in min rawn thlawh pui an tum a ,Chhana leh Hmingi te pawh an rawn feh tel ve ,thlawh hma an nei ve tho na in an ni chu an indaih deuh bawk a an thlo zo dim diam tawh avang a lo feh ve hman ta an ni.







Lo kan han thleng chu nuam kan ti viau mai ,thlawh tur a zau em em tawh lo bawk nen hmanhmawh lutuk lo pawn chawhma thlawh bak a awm tawh loh avang in ka nu leh pă pawh an rawn feh tel ve lo a .





Rinsawma nen chuan kan hma bak te kan thlawh zawh hnu in eirawng kan bawl dun a ,Hmingi leh Zikpuii te erawh lo sir mai kawrhte a tui hna en tur a kal Chhana an zui thung.







Kawrhte tui chu thlam sir mai ah hian pipe hmang a la thla in kan khawh tir mai thin a ,nimin lam kan feh te chuan lian lutuk lo a la khawh ve ter ter kha vawiin lam ah a lo tawp ta daih a ,khawi emaw lai vel ah hnawh tu an awm nih ring in Chhana khan "ka han en chhin ang " ti a a kal kha kan hmeichhe pahnih te chuan an zui lui tlat kha a nia,an han tibuai em lo tur ah ngai ang







Sangha tin leh dal kan pawlh tur kan keng chu kan siam dun ve mawlh mawlh ,kei in mei ka lo chhawm that chhung in Rinsawman sangha tin chu hawn tum in a lo bei ve mial mial bawk ,kan mit ah tak kan in melh fuh leh zeuh chang in rilru inhrethiam tawn tak in kan in nuih leh thin .







Thlam namthlak ah chuan kan thu dun rial a, a hma ah min thut tir in hnung lam atang min rawn kuah nghal run , lum viau mahse ka dah sawn sak duh bik lo , min thlakhlelh ang chiah hian ka thlahlel ve tih hrethiam se, sawi chhuak kher lo mah ila ka duh zia hi hmu thiam thei se ka ti





"Ka nupui tur a ka hual i nih hi " rawn ti dut in ka ngawng chu a fawp zeuh , ka thlan tlak thu ka sawi pawm eng ah a ngai lo ,







"I ngaihtuah thui e mai "ka kawng ah rawn hmer salh , ka te deuh that a, ka duh viau tih chu ka in hria, mahse ka pasal ni tur ang hian ka la ngaihtuah chhin ngai lo , pasal neih lam hi ka la ngaihtuah ngai lo hrim hrim bawk a .







Thum ruih hriat nuam tak si hian " I pasal tur ah min dah deuh tawp mai la , "a then deuh sak ," Ka nupui i nih hun ah chuan hei ai nuam sa a siam che ka tum ang ,nisen sa hnuai ah hna i thawh tawh loh nan theihtawp chhuah in hna tha tak neih tum in ka bei fan fan bawk a nga , pawisa tam tak in vur thei kher lo che mah ila , hlimna zawng zawng neitu ah ka siam ang che , min ring la , i tan rinngam in ka awm zel dawn bawk , i hrethiam ti raw , "a rawn tih leh chuan ka lo bu nghat.







Engtiang a rei nghah ngai dawn mahse , ka nghak thei em em ang , ka tan ,kan hmahun atan a bei dawn a ni si a .







Rinawm tak in ka lo nghak ve tang tang a nga amah hian awmze nei lo ah a chhuah daih ang tih erawh chu ka hlau .







Ka khabe chu rawn kuai chho in, hmai insi lek lek in kan in en ta ran , a kutzungtang chuan ka hnar , ka chal ,ka biang te chu a tuai hauh hauh , ka zam lutuk chu ka thawk ka chelh tlat , kan boruak kalhmang chu a sexy tel ru riau mai.







" Thaw chhuak rawh le "nuihza insum zet in a hmui hnuai lam chhah ve tap chu a pet pah zeuh a , ka thisen kal lai a ti rang sawt emaw tih tur khawp in ka thisen leh mar phu te chu a rang sawt viau.







" Ka bialnu hi thil tam tak zirtir ka ngai dawn a ang riau , a hmasa ber atan chuan a lai lutuk thin tih reh dan tur ka zirtir a ngai ang "kiai suk in a rawn tih chuan ka mit ka chet kual raih , min chhaih laih bel tum ni awm tak in min melh kulh bawk.





" I zaklo a ", ti nghat a, a sam kir lek lek a ka tham sak chu a nuih pui leh suk suk thin, ka tawng leh tur chiah chu a hmui zun nei leh khawvel dang daih a min hruai thei khawp a chet la thiam em em chuan a rawn a khar chilh ta hmiah , a sam chu ai na in ka tham sak a , a ni pawn ka sam hnung lam chu tham in a ai uar leh ril zet in min fawh zawm leh nghal , thiam vak lo chung a ka lo chhan let ve zel na chuan a ti phur tih ka hai bik lo.







Kan inthlah meuh chuan kan thaw chhuak dun hak a , min melh reng nen ka awmdan chu a lai takzet.







Rei lo ah kan thian te tui kawng en pawh an lo chhuk a ,chaw chhun te ei nghal in kan hlim tlang viau ,kan ei hnem hlawm khawp mai ,chaw chu kan ei zo ti tih a, chawhmeh lam erawh ei ban a awm nual thung .







Kan haw hun chu nisat vang lai tak ang mai in ni chu a sa tha tak zet , kal lam ai chuan haw lam chu a sawt mawh khawp a ,ka hnung a kal pa lah hian min veng ang run a , kawng awi deuh kan kal chang leh chho deuh kal chang in ka kawng ah rawn vuan in min nawr kal loh leh min vuan bet run a ,lo a feh ngai lo ang mai a min cheibawl chu ka duh bik thak lo .







"Min veng run lo teh ,kawng chho kal te chu ka thei lutuk chu lo ah kan thlawhhma lam kawng a nih hi nang ai kawng chin ka hre zawk ,ka chesual mai lo ang " ka kawng a dawmna kut chu ben sak dawt in ka ti hlak hlak ,ka hma lam a kal Chhana rawn nui hawk in ,a thianpa en in a lu a thin khum ta mat mat .









Rinsawma lah chu ka thusawi ngai pawimawh lo zet hian ka hnung a rawn nem dat in "kal vat mai teh " a tih nghut chuan,melh ram ram in ka kal chak ta deuh .









Eng chu hria ni maw , kan haw kawng tluan in a tawng ta miah lo a ,mahse ka hnung ah kal in hnim hnah leh a par hmang ten min ti buai reng ,ka nghawng a rawn hawlh za thul ,rum deuh a hawi let a ka va melh veleh eng mah ti l lo ni awm tak in hmun dang a hawisan nghal daih zel a ,ka ngei reuh tak tak a ni .







In kan thlen hnu pawn a la tlai chhe lo a, inbual nghal vat in ka nu eirawng lo bawl chu ka bawl pui a ,a behlawi bai a a thlak tur bawkbawn leh bal chu ka lo chan a , ka chan zawh a alu kan ro tur ka buaipui leh a ,a behlawi bai rim tuizet leh a rim chuan chaw ei min ti chak tawh tak zet ,bai tui han chawm ila alu kan ro nen ,ka thil ngaihtuah chuan ka ril a ti tam zo vek .







Zanriah pawh chu ka ei hnem ve leh viau a ,bai thak tui lutuk khan ka chaw ei a ti tui ni ber in ka hria .





Chawlhni chawhnu inkhawm ban chuan Hmingi te te dawr ah ka peng kawi a ,Rinsawma pawh inthlak phawt in a rawn phei ve leh bawk ,kei erawh ka inkhawm thawmhnaw te nén ka la awm zar thung .







Khua a lum bawk nen ka pheikhawk sang bùn chu phelh in ,ka puan bih chu ka khup chung dawn ah ka hlim chho bawk .





An dawr kawngka kan khar phui vek bawk si a ,khaw lum a ti zual tak zét ,han hawn thawven lah kha a chi mang si lo a .





Pathianni hi chuan tumah dawr hawng an awm ngài lo a ,a hma chiah ni a kan lei lawk mai thin mahse lo theihloh thil ah chuan an hawnsak thin thung.







Min rawn thut hnaih deuh in ''vawiin chu I và hmeltha teh sawt ve a ,"ti in ka hmel chu chiang fahran in a melh ,kei erawh Lalhmingmawiin kan thusawi a hria ang tih hlau in a thil buk mawlh mawlh na lam chu ka hawi phei zawk a ,mahse hre awm ang pawn a awm lo .







"I over e a " ti in ka ner khum nang ,a mithmul kan euh in "tiang ringawt ah pawh lai chhe tút reng mai ,engtin nge kan inneih zanah te " nui tút tút chung in a rawn ti su su a ,ka biang a rawn piai pah ang kher bawk .











Cho deuh leh a thusawi avang a ka lai hmel tur chu chang reng ang mai in min melh sawr sawr a ,a chang hi chuan min chhaih kual a ka hmel lai leh zak lutuk hi hmuh nuam a ti thin .







"I hur " kan ti thla ngawt pek a , a ai ring mah in a rawn la nui , Hmingi pawh a rawn hawi zuk , a ban ah beng in "nuihzathlak a awm lo ,i nui ring si ," ka ti hlak hlak.Eng ah phei chuan a ngaih hmel loh .







Ka phone chu en in whatsapp ah a lut a , ti hian ka phone min check sak chu a ni ve reng mai sia , eng mah ngaimawh tur a hmuh ka ring lo ,Keimah, Hlusangzuali ,hi chu pakhat ah ka lungawi tawk viau thin .







Phone chu min pe in "Thlamuana nen a in biak chu a nuam viau lo maw" a ti ta nghut mai ,a va ho mai mai tak , chhiar chiang se le chu ka hnar na tawngkam te kha a hrethiam tur , Thlamuana te chu duh ni ngat ila , hman a hman ah kan inngaizawng daih tawh ang







Chapo lam ni lo se, hmeltha tak ka ni lo chung hian min duh in min vei ve lutuk hi a mak ka ti zawk, a tha lam ah ka ngai zel ta mai .







"Ka nuih i ti za zawk e a" ka ti chu a rum nghut mai ,ka ban ah rawn chelh in a si chet ah min pawt phei, amah lah chu a thutak zek bawk si, Thlamuana an thik tlat chu ka nuih a za bawk si , Hmingi leh Chhanan hre phei se chu Rinsawma an hmuh apiang in an chhaih duh ang .







"Thik chi pawh a ni lo , chu lo ah min rawn biak pawn , chhan loh ai ah ka chhang ve mai mai zel chauh a nih kha " a awm ngheng dat chung in ka ti ta mial mial.







"Ka thik ka tih loh kha " nghut nghut mai thin a .Ka thik lo ti eng ang mahse a awmdan atang hian ka hrechiang sih sah e mai







Ka biang ah rawn fawp zeuh in "I thiannu saw awmlo se ,i hmui ah ka fawp tur " zawi thum dut in a rawn ti ,a sam kir chiat ah tham sak in "i mak maw " ka tih hlak chuan , rang deuh in ka hmui ah rawn fawp zeuh , nuam a la tih hmel em em leh nghal , ka melh rum ve na te chu min nuih khum suk suk duh chauh.







Ka mawng hnuai lam a phone a rawn rim tak ah chuan ka awmsan deuh ,a phone ka lo thut hi a nia , a zia lo thei e .Phone chu la in ka pek hma chuan ka en zawk ,tu nge lo bia tih ka hmu hman .







Ka lawm lo nghal em em ringawt mai a ni , dawt min hrilh atang phei kha chuan a hma ang in ka en thei tawh lo .







A phone chu a malchung ah ka va nghat sawk ,ka melh rum lutuk chu ngaihna hriatloh hmel deuh in min en ang ha lehnghal.Ka ngaih ang thil hi a thlen zawng in nuam sa lo chiang ang chu.







###Comment leh liam liam ila###


Show post links
Top