HLUSANGZUALI BY Rebec Colney (Completed)

[Ngaia]

HLUSANGZUALI





CHAPTER-13







Zan lam ah Rinsawma nen vedio call in kan in bia a, ka hmai zawn ah phone chu min ken hnai tir in ,uluk deuh in min en a ,awm dun lo mah ila ka lai mai dawn a lawm le





"I thau deuh e maw ni " a rawn tih chuan ka nui ringawt a , ka lo in en chiang ngai lem lo a, a rawn sawi lan tak ah chuan kei pawh in a nih mai te ka ring .Ka thawmhnaw thawl hek hawk a ka hak thin thenkhat chu ka ha mar deuh tawh a,tun a ka hak lai thleng pawh hian a ni







"Nangpawh ,ka hmu fai var mai che " ka tih chuan a then suk a ,''ka hmeltha a lawm "a rawn ti kher bawk , ka melh rum der vel te chuan ,





" Ka hria ,ka hmeltha tih chu ,min en reng kher suh ,ka lai ve thei tho a nia "rawn ti in a biang a dawm a ,vel tak chuan





"Hmingi te nen in in be ngai em , " thu tak zawk hian a rawn ti leh , phone call tak hi chuan kan in be vak lo , hman chang erawh in whatsapp lam ah kan in be awl lo thung .









"Chhana hi lo sawi pui ve deuh teh " ti in a nui kur kur , net a rawn chhe leh thut thin nen , a hmel a rawn rang leh nuai zel a,a hnu ah phei chuan phone call pangngai in kan in be ta daih







Thu ngai bawk chu kan sawi zawm leh ,"A va mak awm ve ,he ti chen kan in hre tawh a, Chhanan Hmingi a duh tih chu awi mai a har ,nang i ni ve tho em "ka ti zung zung a,ka thu hriat mak deuh vang a niang ka phur sur leh nghal.







" Min rawn hrilh hriat tirh phei chuan ,fiamthu ang in ka lo ngaihsak a, a lawm lo khawp mai "a rawn tih chuan ka nuih a za khawp .





Tu mah hian Hmingi leh Chhana hi chu kan la dem chhin ngai lo ,tawng duh dun viau hi an in hnial te a nih loh chuan tha deuh in an in be mai mai lo a ,thian ni vek tho mah ila , an pahnih hi chuan an in nel lo ka ti mai thin kha a nia.







" Hmingin a duh ve reng reng em."ka ti leh , zanin kan inbiak chu kan pahnih chanchin ai in kan thiante chanchin sawi in kan in be tam daih zawk dawn a nih hi







"Thianpa kha chuan min duh ve chuan ka hria chu a tih kha, " a rawn ti mai a , a hriat thui pui bik lutuk lo a niang.Thu chiang sawi tur a hre bik tlat lo.





Kar tir atang in hna kan thawk ngawrh nghal khawp a ,naktuk ah mikhual pawimawh tak tak an rawn thlen dawn avang in , kan lo in buatsaih nasa mai a , chauh pawh a chauh thlak takzet , chauh thlak viau e ti lo chuan bonus min pek an tum thu an sawi chuan tlem in thathona te pawh ka neih leh phah deuh ten ka hria







"Kan boss saw a ninawm e , kei ni lo midang ho pawh ti tur an tam teh reng nen " Rinengi chuan a ti hlak hlak ,Muanpuia pawn a rawn tui hnih zat bawk .





"A hmelchhe bawk si ,khawlum nen a hmuihmul te chhep chhup saw a ning lo emaw ni " a rawn ti leh pang pang chu ka nui hak ,choka chhung lam min tih fai tir a , midang ho erawh an chawl thung .







Kan tih tur chiang sa chu ti mai ila , phun kawi vel avang in kan ti lo thei dawn chuang lo ,chuvang chuan phun nawi lo a tih zawh vat ka duh mai .He tah chuan kan thu loh zia hrechiang tu ka ni.





"Hmun dang ah thawh na tur ka duh ngawt mai " Rinengi bawk chuan a ti leh a , hetah kum khat em thawh hma a a dang a thawh leh nghal chu ka tum lo viau mai .





A hnung ah va beng thek thek in "a kum em pawh i la thawh loh hi chutiang sawi teh suh a " ka va ti a, Muanpuia pawh a lo bu nghut , kei ni ai a naupang bawk nen kan nau en deuh a , amah hi rilru puitling har chi ang kha a ni ve bawk nen ,thil te hi a sawi phawng phawng a , a thil hriat thar te lah hi sawi lo in a ngawih bo pui mai thei ngai lo .Ka thu thar hriat na ber hi a ni ringawt







Zan lam pang chu mut hahdam nan chawlh min pe tawp a , naktuk a mikhual rawn thleng tur avang in hotel chu an khar tawp bawk ,bar lam tak ngial pawh an hawng lo.







Hna thawh tur kan nei lo a nih chuan pawn lam ah pawh kan tei harh thei a, hna kan thawh loh ni ang ah te chuan kan boss te pawn min rawn thunun tawh ngai lo , duh duh na hmun ah kan chhuak in , kan leng thei thin.





Ka nu te nen kan in bia a, "I pawisa rawn thawn pawh kan hmu e aw , i hlawh ang zawng zawng kha chu rawn thawn vek kher suh , i tan tlem tlen dah tha ve zel rawh " a rawn ti hnasa ber a , han mamawh teh chiam ka neih loh avang hian sum lam ah chuan ka buai vak lo.





"I nau te pawh hei i pawisa rawn thawn khan inkhawmpui kawr tur ka lei sak a ,an lawm khawp mai,tirh te pawh an nuam sawt khawp mai " a rawn ti leh ,Duata aw ka hre zui a"U , kan thian ho chuan a in ang vek kan lei a "lawm hmel tak in a rawn ti lawng lawng , " An thianho in a in ang kan duh an ti tlat a "ka nu in a rawn ti zawm vat bawk.







Ka nau te leh ka nu te lawmna chuan mi hlim tak ah min siam ni mai in ka hria , a bak pek belh zel leh an mamawh ang tihsak chak zual zelna thinlung ka nei chawpchilh nghal bawk .





Tun ah hian ka pa la dam ve se , min lawmpui in ,thu tha tak tak min hrilh in ,a fanu ka nih avang a a inchhuan thu te sawi ri leh se, inrintawkna tam zawk leh a ai tha nih duh leh na in ka khat zual ngei ang





Hmingi ka be leh bawk a, Chhana chungchang te chu ka sawi pui ve , a sawi tha duh lutuk lo na chung in a duh ve deuh chuan ka hria .A ni ang lo tak in a lai tlat a, sawi pui chiam theih pawh a ni lo.





A la hma deuh avang in Rinsawma chu ka la be mai lo a, an zanriah ei hun lai vel a la ni tlat .Hna ka thawh loh hi chuan ka thiante ,ka chhungte biak kual nan hian hun hi ka hmang hnem thei khawp, .







Rinengi leh Muanpuia ten chhuak harh ang u an tih deuh tlat avang in peih em em lo in ka zui ve a , Muanpuian thian mipa pahnih an rawn tel ve bawk ,Pakhat zawk chu kan training lai a kan batch pui Rintluanga a ni a , cher chhe ve zet sam buk deuh hi a ni a ,pakhat pa erawh Simona ni in ka hriat ngai mi a nih loh dan ah tun kum a training chhuak chiah a nih ka ring ve ngawt , Rintluanga ang lo tak in pa lian lampang ,hmel chhe lo zet a ni thung a , a tawng tam hran lo na chung in a tawng ve chhun ah erawh a thusawi a dik in a felfai thei khawp mai.





Chhun lam boruak ai in zan lam chu a nuam daih zawk , thil mawi deuh deuh hmuh tur a tam bawk si ,ka mit chu ka len kual ruai reng , hmuh ngai loh thil hmuh tur a thahnem si , rinai tak in nuam ka ti leh tawh .







Rinsawman min rawn biak lai pawn kan la haw lo a ,kan kal pah reng nen duh ang pawh a sawi theih lo , haw veleh a ka biak tur thu sawiin kan dah ta ringawt.







Ka rilru chu a nuam zan lo ,kan inbiak lai khan Muanpuia te thian ho tawng ri a hre ve vek awm sia , ngaihtuahna diklo deuh a pu mai ang tih ka hlau.







" He tah hian thil ei lawk ila ,kan let dawn nia "an tih tak ah chuan an awmna lam chu ka pan phei vat ,thil ei an sawi tak ah chuan ka ril a tam zia ka hrechhhuak uar uar mai , tlai lampang khan ka chauh em avang in ka mu daih a, thil ka ei ve ta miah lo kha nia .







A tlangpuiin vai ho thil siam hi chu masala an telh hnem thei lutuk hi ei har ka ti deuh thin ,a tui lo pawh a ni chuang lo na chung in ka ka nen hian a inrem chiah lo .





Mahse tun a kan chawlhna hi chu a zia khawp , khawchhak lam thil an zual tel nual bawk nen ,rinai tak in kan ei tui tlang hlawm in ka hria .







" Vai nu hmeltha zet kha naktuk ah a phone number ka dil tawh ngei ngei ang "Rintluanga chuan haw lam chuan a ti nui vur vur , a thian mipa te pahnih lah chuan an lo sawi phur pui nasa khawp .





Amah bawk chuan " vai ka hmuh tawh zawng zawng ah a la hmeltha ber mai awm e , ka inngaihbel nge ka hrelo , min chik ve riau hian ka hria "a rawn ti leh , a sawi nu chu kan thawh na a thawk ve tho hi a nia, a sawi ang tak tak in a hmeltha a ,a that dan a fiah kak kak khawp , sang ka in ti ve viau a nia ,kei ai in a sang daih bawk a, mahse kei ai in a hang thung.





" Zak teh ,zak teh , eng dang a ni lo ,i inngaihbel vang mai mai a nih chu , nang a chhe bawk ve te kha a ngaihven lo khawp ang che "a thiante chuan an ti hluk hluk a .





Engmah sawi lang ve lo mah ila , Rinengi nen pawh a thusawi kha chu kan awih lo hlawm tih a hriat khawp mai .





" Simona hi zawt ru , a ni pawn a hria "a rawn la ti leh tal , Rinengi pawn a hmel a lo pe nur nasa tawh khawp mai .





" A ni mi ,Simon"ti in kan zawt ta ngei ,Simona lah chuan " A niang ,a man a a tih tlat te chuan "a ti mai a , Rintluanga hawi sang vah chung a kawng a kal kual kawi vel chu kan nuih tiah hlawm mai.







A tu a mah chuan a thusawi kan awihpui lem lo tih chu a hriat .





" I va chhuak rei ve , zan zan ah "ka thlen veleh ka be nghal a , eng mah ka sawi ve hman hma in ka chhuah rei thu a rawm sawi hmasa ber .





" Nuam i ti hle a ni maw "a rawn ti leh nghat ,tiang hian Rinsawma nen kan la in be ngai si lo a , nuam lo chu ka ti viau ,a thinrim viau phei chu ka ring lo , mahse a lung chu a awi zan lo chu a ni .







Mi tam tak buaina ang kha kan hmachhawn ve dawn tan in ka hria , kan awmna a hrang a , duh duh hun ah lah kan in hmu thei hek lo , tiang kar ah chuan neuh neuh te hi a tam duh khawp , ho te a kan hriat thil pawh ni se ,tha tak a sawi fel te a har hle dawn in ka hria a , hei vang te pawh hi a niang inngaizawng awm hrang ho hi an inkar a chah thin.





" Nuam te chu ti ve bawk e , mahse i awm ve lohna hi chu a kim lo riau in ka hre thin "tha deuh in ka ti let , a ni reng lah tak a,hlim viau a ka inhriat ve pawh hian thinlung kil khat hi chu a khawhar ru ngawih ngawih tho ..





Ring zet a rawn thaw chhuak in " ka ngaihtuah che a , ka rinai in min rawn be har leh si bawk nen , tawh sual te i tawh ka hlau a ,"a rawn tih chuan nuamlo ka ti tak zet a , min ngaihtuah in ,buaina ka tawh te a hlau em em reng tih hre tur ka ni a sin le , ka chhuah tur thu te tha tak in hrilh ni ila chu a rilru ka tinuam lo miah lo tur







"Ka tihpalh , nakin ah chuan ka chhuah dawn chuan i phalna ka la hmasa zel in ka hrilh hmasa zel tawh dawn che nia " ka ti sep a , kan boruak pawh a nuam chho leh tan tawh khawp , eng eng emaw sawi in dar 12 dawn thleng kan in bia a, kan inbiak rei pauh leh kan inngai zual telh telh emaw tih mai tur a ni .







Dam a, buaina ,harsatna te tawh loh hi chuan hun te chu a liam zung zung a, kan ni hman ral tak ah te khan ka nun kawng atan thil tam tak ka zir chhuak ang bawk in , paih bo tur thil te pawh ka nei a,nitin hna ngai thawk reng mah ila ka hun hman dan thin erawh a in ang lo viau mai , a chang in buai tak te in kan buai a, hahchawlna hun tha pawh nei hman lek lo in ka phe kual thin , a chang erawh in buai lutuk lo leh chawlh te nei in ,rilru tih thawveng na hun tha tak tak te ka nei bawk



Muanpuia thian te pahnih nen pawh kan innel ve tawh viau a , an duty na an thlak sak a , kan duty na hmun lam ah an rawn dah hnu atang phei chuan kan inpawh tlang tawh in mizo kan tam tawh bawk a ,a nuam in a thlamuan thlak ve tak zet.







Rinsawma nen nizan a kan inbiak khan hostel atang a chhuah tawh thu a rawn sawi a ,naktuk lam ah kan khua ah christmas hmang tur in a chho tawh dawn .Kei erawh helam ah ka hmang dawn thung .







Goa ka kal pui te ho pawh tu mah mizoram lam a chhoh tum an awm lo , sum sen a hautak zia kan hre tlang a , sum leh pai khawhral lo zawng in rilru khingbai zet in helam ah christmas kan hmang hlawm dawn a ni .





A kal ho zawng zang kha kan kim vek tawh lo a,pathum ngawt in min pen bo san tawh , hmeichhe pakhat chu a tlin tawh ngang lo te pawh a niang ,mizoram ah a let leh a ,mipa pahnih erawh hmun dang ah an thawk tawh thung .







Mizo tam thawk kan awm tawh lo tih na a nih ber chu , mipa phei chu Muanpuia te thian thum te chauh he tah an awm tawh , hmeichhia erawh 8 bawr vel kan la awm thung .







Hmun dang a thawh chu kei tak hi chuan ka hreh ve deuh tawh a ,manager nen kan inhre tha in,ka lak ah a fel bawk nen , ka tlangnel tawh lutuk , he lai hmun zawng zawng lo enkawl a ,endik tur in a nei tu pa ber Pu Prakasha ai ah a fapa Rishanan ai a rawn awh a .





Vai hmeltha kan tih ang chi kha a ni ,hmui hmul ,emaw kha be hmul buk chhep chhup ang kha apu ve ngai lo a,a lang fai in a zahawm khup reng mai a ni , hna a duh uluk a,min vil chawt in a thawk rim em em bawk ,a rawn enkawl atang hma pawh kan sawn tlang khawp.







Dan ngai te bawk in dar 11 bawr vel ah chuan ,Malsawmi te thian ho chu an chhuak leh dial tawh , Rinengi nen te chuan kan ni leh a , a ni pawh ka khum lam ah a rawn mu phei hrih a , a lung hi a leng thei khawp a , krismas a hnai tawh nen a mah a a awm hi chuan tah in peih at hian a awm emaw tih mai tur a ni





"Zan tin an chhuah hian khawi hmun ah em em nge an kal thin bik ang le " a ti hlak , in be nel vek mah ila , kan inpawh lo thung a , chu mai bak ah an ni ho hi chuan min be chak in ,min kawm peih vak lo in ka hre thin a, kei pawn ka pawh luih bik lo ,





Kan duty na hmun a in ang lo bawk a ,va kawm ngeih tal ka tum bik lo .Zan lam hi kan in hmuh theih hun ni mah se an chhuak bo daih zel hlawm .







"Hrebik lo le " ti in ka chhang mai a, an kalna hmun tur han rin ngaihna ka hre tlat lo a ni .





"An inchei duh dan a them hlem si , pheikhawk sang tawk tawk nen , mawng khuh tawk tawk thawmhnaw an in bel leh a, an in hnawihsen hlar mai bak ah , an biang an ti tai hlur a ,zawng nu hur an ang " ka nui hak , a thil sawi duh dan chu a ,amah pawh a nuih za za ah tangin a nui kar kar mai .







Zawng nu hur in tih berkher chu , mahse han ngaihtuah chian chuan an in hmeh phian lawi si .





"Chhungten an hmuh phak tawh loh vang mai a , tiang a han khawsak kher ,nizan hmasa an rawn haw lai khan ka lo la meng a, an rui in ka hria ,thawm an rawn dim lo hlawm sia ,nang lah kha i harh phah chuang der lo " a rawn ti a , ka mutthilh tawh vek vek hi chuan thawm a beng chheng viau te a nih loh hi chuan ka thang harh ngai lo tih theih a ni.





Mak ti deuh in ka melh a "i hresual a niang , chutiang ten an awm duh dawn a mi " ka ti chhuak halh chu a chek tlak , zan chhuah ching mahse tiang lam hawi zawng leh rui tur ang chi chuan an awm duh ka la ring lo fan .





Rinengi lah chu a pawr khawp "ka hresual lo , kal pawh an kal tha thei hlawm hlei nem , Malsawmi phei chu a thiante pahnihin an rawn kai lut " a hre chiang ang reng sia , mak ti viau mah ila eng mah ka sawi zawm duh ta lo .





"An taksa te hi an zawrh a nia ka rin ni " a rawn tih chuan ka khap ta vat ,mi chanchin hriat chian loh chu sawi vak tul ka ti lo







A chhung ten an rawn biak avang in kan ti ti zawm ta lo ,a khum lam chuan a mu phei a , keipawh Rinsawma nen whatsapp ah thu ho te te sawi in kan in bia a,





"Kan khua i thlen veleh min rawn hrilh la,zan ah kan thian te ho nen khan min rawn vedio call bawk u la " ka type zawng ringawy pawn ka phur khawp , ka ngai tawh hlawm si ,ti hian an ni chu an awm ho in urlawk zan leh kumhlui thlah zan te an hmang ho a nga , ka ngaihtuah zawng ringawt pawn an kiang a hun han hman ve chu min ti chak zual.





"I thu ber a lawm ,Ka Lalnu, i thupek zawm tur mai ka lo ni " min rawn chhan let dan chu , a duh hun ah hi chuan a nghal thiam ve maw le .







"Kan Pastor tur chu , thutak ai in uan na nun a pai tam a va ang ve " ka nui vur vur, kan pastor ka tih hian a duh lo thei khawp , pastor ka nih tak tak hma chu he tiang hian min ko suh a ti thin reng a , ka ko ngai zen zen bik lo ,mahse runluih ka duh chang erawh in ' Pastor' tih ka lam ri tel ngei ngei thung .







Rin ang ngei in a rawn duh lo nasa leh tawh lutuk , ka ko leh a nih chuan kan thiante nen an inhmuh hun ah min rawn biak loh tur thu sawi in min rawn vau der nasa .





Ani a tel tawhna reng reng ah chuan ho te pawh ni se ka hlim pui em em vek thin , mualza tam tak in min dang mah se , a awm na hmun atang pawn kei hmeichhe der dep tak ,a mah chauh innghahna nei hi min rawn la ti hlim in ,khawvel nun nawmna min rawn tem tir thei chu a ni si .







Ka tan hian ani tluk a sipisial hi an awm tawh kher ka ring lo .Awm tir lah ka duh hek lo.







Malsawmi te ho rawn let hun ka hre lo a, an rawn let har viau erawh ka ring ,nizan khan Rinsawma nen kan inbe rei ve hle kha a nia , zing lam ah erawh pangngai deuhin hna thawktur in an chhuak leh diak tawh .







"Rintluanga leh Vai nu kha an lo in be tak tak a " Muanpuia chuan a rawn ti sup , kei ai mah in Rinengin mak a tih hmel zawk , chhun chawlh lai a nih avang in balcony lam ah kan thu a ,nidang ai in dawr a lun lo bawk nen , kan hahdam phian .







Rinengi chuan "engtin nge i hriat , vai nu khan a be ve duh mai a maw , a va mak tak ,Rintluanga hmel that loh loh nen , " a ti mawlh mawlh mai , vai nu hmel that zia kan hria a ,kan awi chiah lo chu a ni .





"Kan awih bik hlei nem a hma te chuan " ti hluk in "mahse nizan khan an inbiakna te min chhiar tir a , phone call in an in be bawk " ti in Rintluanga dinna lam chu a melh a , vai nula nen chuan an lo thu dun ,nuam a tih hmel khawp mai.







"Mizoram lam ah ka chho mai thei a ni , ka nun min rwn be reng a , ka u te lah in ka chhoh na tur senso tum an lo inhuam bawk si a " ka thianpa chuan a rawn ti ta daih , Rinengi a kal sawn lawk a , Rintluanga kha va zawh chian a tum in ka hria .





Lungngai thei ka ni lo tih ka hria , mahse he tah khawhar deuh a awm ka duh lo a , Rinengi leh Muanpuia te nen kan pathum a kan awm khawm chuan kan khawhar lutuk ka ring lo kha ania ,mahse boruak siam tu ber khi lam a chhoh a tum chuan krismas leh kumthar kar vel chu a hrehawm ngawt ang .







"I hlawh pawh i hman loh kha nang te chu , a senso tih vel ah chuan i chhungte pur buai pawh i ngai nang " ka tih hlak chuan a nui ruh ruh a , khawsa thei tak an ni a , a hlawh pawh hi aman a pum bilh mai thei zel a ,a chhungte pawn an rawn chuh buai chuang lo





"Helam ah i awm loh daih chuan ,ka khua a har awm , ka peihlo lawk , " ka ti niah niah ,ngaihsam zet in "ka rualin rawn haw ve daih mai la , ka tum sak vek ang che , i thianpa hi mi hausa ka nih hi " eng nghelh neih loh hmel zet in a ti a , ka lo nir khum nawng thung .







A hnu ah erawh thutak zawk hian "kei tak hi chuan haw tih vel hi ka phur hran lo chhungte bul ah helam a chhuk thlak hreh leh ting tang in kan han awm ang a , tih te ka ngaihtuah a ,rilru pawh ka la siam fel lo , tun a kan awmna hmun pawh hi nuam ka ti tawh lutuk ,helam ah awm reng pawh ni ila ka lunglen lutuk ka ring lo ,ka thian te in awm ve vek dawn bawk nen ''a ti leh lawi a, a ril ru a inkhap buai viau te pawh a niang .







Zanah chuam Rinsawma bul a ka chah ang ngei in min rawm bia a,tawng an rawn in chuh nasa mai .







" Lo haw ve la ka tih nen nen ,keimah te a mal tlat nun zir that leh a ngai a ,Hmingi leh Chhana te pahnih inkawp lah hi thiante awmlohna hmun fal lam ngawt an awn a, kawm hleih theih pawh an ni lo "Zikpuii chuan Rinsawma bul ah thu in a rawn vui nasa mai .







A sir leh lam ah Hmingi a thu a ,a hnung ah Chhana a ding bawk ,





" Ani pui pawh hi rawn haw se , nangmah tho a awm i ngai , kha i bul a mi khan a hnen atang awm hlat tir a phal i ring a mi ,"Chhana chuan a thianpa chu a melh rulh a , Rinsawma pawn a pawm pui a niang a nui suk suk mai .







Lalchhana bawk chuan "Bialpa neih i ngai a nih kha ,i phun nawi peih si , mi chance neih lai kar ah i lo thu ve run reng zel a , nuam pawh i ti a mi , " fiamthu in ka thiani chu a kap zui leh nghal , an in tin uai uai mai .



A tih thinrim peih ber Hmingi nen an inngaizawng ta daih sia ,Hmingi ai ah Zikpuii a chhaih in ,a ti thinrim reng dawn tih a hriat.





Ka thiante bulah ngei han awm ve a , thu ho mai mai sawi a ,nuih uar uar te , chawlhni tlai a nuam ti tak a len ho leh tawh te ka chak a , an vai a ka han biak rual theih vek tak ah chuan nuam ti hle mah ila , phone kaltlang mai a inbia kan ni nen , kim lo riau a awm in ka hria a, eng tak nge a nih phei chu ka hre chuang lo.







Thian tam tak nei lo mah ila ,ka neihchhun te ah hian ka lungawi a , thian hlutna min hmuh tir a, min hriat fiah thiam tir tu te an ni ka ti lo thei lo,kan thuruk ril ber thleng a , kan inpuan fai ngam na thian tha tak phei chu kan tan hian an hlu zual hle thin , khawvel awm chhung a thian nei miah lo a nung mawl ve tawp ho hi eng thil ah nge hlimna an hmuh ang ka ti thin .An nun a ho duh awm ma nge.









Darkar khat chuang zet kan in be hem mai , sawi tur kan lo ngah tlang a niang , Ka bialpa ber nen pawh a hran pa in kan in be hman lo .Mahse midang an in atang a an haw hnu in reilote kan inbe leh zawk tho .







Kan Muanpuia khaw lam ah haw tum pawh haw a tum leh tawh lo ni awm tak a ni , a nu erawh in a rawn biak apiang a haw tur in a rawn chah ziah thu a sawi a, a nu nen hi chuan ngaih pawh an inngai bik , in nufa hliah hliah a kan tih theih tur te zing a mi an ni ve a.









Rinsawma pawh kan khua a an awm leh tak chin chu ,a lung a leng vak ta lo a niang ,a hostel awm lai ai in kan in be khat deuh a .





Zikpuii nen kan inbiak in Rinsawma chuan eng nge a tih ve thin tih ka zawt a , nitin a nu huan siam ah a feh ve thin thu a rawn sawi a , amah pawh khan ka feh ziah a tih tak kha ,







"Hlutei hian a zar buai peih khawp ,Rsa nu te lah hi a be thiam sia an in ah pawh a tlang nel khawp ,a mipa ber in eng ah mah ngai lo tih hre tho mah ila , an in lam a a chuang kai ngun lutuk te hi ka lo nat pui ringawt zel che Nu Pari phei hi chuan a mo nu hual chei nghal ringawt ten nia ka hriat " a rawn ti hmawk hmawk a,





Han ngaih huat chiam tur nu lo mahse , rilru nawm loh ruk na chen a awm lo thei lo , Nu Pari te , a pasal pawh mi rilru chhia an ni lo ,an fapa nen pawh kan inkawp tih chu an hriat ka ring a , engmah lah sawi buai an nei lo , Hlutei pawh an in ah leng lut zut zut mahse tawngkam chhia in an be lo ang ,chutiang bawk in Rinsawma pawn ,chu vang chuan an rilru sukthlek a lo ti danglam ang a,ka chanchin dawt a lo sawi in hmeichhe rapthlak tak ah min chhuah mai ang tih ka hlau ru khawp .





Han ngaihtuah chian erawh in ka ngaihruat thil te chu ho ka ti leh hnuhnawh khawp , ka ngai sual viau ringawt chu nuam lo ka ti leh lawi si , misual phakar lutuk ang mai rilru lawm le ka put. Zia lo tak tak a ni.


Show post links
Top

[Ngaia]

HLUSANGZUALI



CHAPTER -14





Krismas chu lungleng ru tak chung in hlim tak in kan hmang ve a ,Hotuten chawlh min pe zing ve viau nen len thawven na hun pawh kan ngah ve khawp.




Muanpuia leh Rinengi an hman loh chang pawh in Simona nen kan chhuak dun mai thin a , a fel in , a puitling a,mi ningkhawng a man chak riau nen ,kan in kawm thei fu a .




"I bialpa chu then la ,kan pahnih in inngaizawng daih ila , keini chu kan inhmu reng thei bawk a , a nuam daih zawk ang " fiamthu a tih a ching a ,kan in tin leh uai mai thin.




Rintluang erawh hi chu a thawveng u chuak lutuk thin hi ka zo lo deuh thin a , thian dang te an tel loh chuan ka zui chhuak ngai lo ,Vai hmelthai nen pawh an la in be reng a ,inngaizawng ang erawh in an la in be lo thung .Han zawh chian lah hian sawi nuam hi a ti thei thin khawp a ,tawng na hun kan chang tawh ngai lo.





Krismas vuak vet chhungin ka nu in min rawn be zing malh malh khawp mai , sawi leh chuan ngai lo in ka pa a ngai tih lah a hriat reng a , a khua a har viau maithei a ni .Kei pawn ka ngai tak zet a, koh kir leh theih a ni tawh si lo .







"I thian te ho pawh urlawk zan ah rei lo te an rawn leng a ,khawhar an hnem lutuk " a rawn tih te chuan ,ka lawm tak tak , ka thiante lah in kan in a an len tur thu pawh an rawn sawi hlawm miah lo a ,Rinsawma takngial pawn a rawn sawi lang miah lo




Kum thar kan han chuang kai a , thil duhawm lo leh zahthlak tak thil a thleng ta tlat , kan mizo pui he ta hnathawk ve tho Malsawmi chu a rai ta tlat a , hetah awm za zel thei a ni si lo a ,karleh lam ah haw a tum a ,




Rinengi nen phei chuan tu nge a pa tih rin dan kan nei thiam lo, midang ho erawh in an hriat hmel viau a, zawh tumna erawh kan nei chuang lo.




Mi tlem te nundan khawloh a vang in hmun dang a hnathawk ho zawng zawng hi kan hmingchhe tel ve tlat thin a,




Rinsawma nen kan inbiak chuan kan inhnial deuh a "Hlutei nen in in zui nasa an ti tlat , ka hriat ve loh thil thleng a awm em ni "



Zikpuii'n min rawn hrilh a , a tir chuan ka ring lutuk lo ,mahse thlalak nen lam min rawn thawn tak hnu ah chuan ka awih ve leh ta deuh .





"Thian kan nia ,zui pawh kan in zui kawi nasa ,mahse tun a i ngaihdan ang erawh chu a ni lo thung , min hriat chian kha tiang ang rilru ka put duh i ring pawh hi mak ka ti , " a rawn ti deuh hmak a , ka va ringchhe nghal ngawt bik lo a sin le, thil awmzia zawh chian ka tum mai a ni a




"Chutiang lam hawi zawng in ka sawi loh kha , ka rilru a nuam famkim thei chiah lo a ,ka rawn zawt chiang mai che a ni,lungloh a lak chi pawh a ni lo " a rawn thaw chhuak hawk a , rei tak chu tawng lo in kan ngawi dun reng .




Ka ngaihruat na mai nge ka hre lo, a hma kha an ang thei tawh lo a , inpawh tak leh inhriatthiamna sang tak kan neih thin te khan tlak hniam lam a pan ni in ka hria , kan inkar ah hian phurna thil a awm tawh lo ni mai ten ka hre thin.





"A chang chuan a hahthlak in a hrehawm ka ti thin " a rawn tih chuan lung a den dawp ang mai in ka nghing dawt a , rilru ah thil tam tak a rawn lut nghal zung zung .





Mahni tawk ah kan buai dun em em a ,inngaizawng dang te ang in inhmuh na hun leh hunthawl tha kan nei ngai hek lo , kan hmachhawp thil te tih puitlin dan tur in kan rilru a luah khat reng bawk nen , a thil rawn sawi chu kei ngei pawn pawm pui na lai chen chu ka nei a lawm ,





"Kan kar a hmangaihna rawn piang hi kan chhem alh hma mah mah ni in i hre ve em " zawi raih in ka ti a , kan pindan chung zawl ah thutna keng chho in ka thu a, boruak lah chu an uap em em leh nghal , thli thaw heuh heuh dawn tur pawh a awm lo .






"Kan nih tur ang ang kan nih hun ah te lo inkawp ta ila , hei ai hian kan in kar pawh a nawm zawk ka ring ," ka ti leh a, ka sawi lai te chuan ka na tun reng tho, kan inzawmna hi tiang ringawt a nih chuan rei min daih pui lo ka hlau a , rilru tawt tun in ni ka awm ni .




Kan nih tur ang ang kan nih hnu ah ,kan duhthusam te leh hmachhawp kan tih hlawhtlin vek hnu ah kan kar a hmangaihna hi lo chhawm nung ta chauh ila , hmun hrang a awm ngai lo in , lunglen leh hrehawm pawh kan tuar lo mai tur.






Mahse , chutiang tur pawh chuan kum tam tak a ngai ngei ang , chuvang in kan hun hman mek ah hian kan lungawi tawn a ngai , hun kal tawh ah kan let leh thei miau si lo a tin ni.




Ani erawh chuan "Harsatna kar ah pawh kan inzawmna chu a nung reng tur a lawm , i rilru ka rawn ti buai ni in ka hria , ka sawi awmzia tak chu i hmel leh i taksa dek thei lo a awm kha a hrehawm ka ti a, a chang chuan ka ngai lutuk che hi mut theih loh chang te ka nei thin a , inthen lam chu ka rilru ah ka la dah chhin ngai lo tih hre hmasa phawt rawh , ka nupui tur a ka duh ber i ni a , ka fate nu tur atan a ka ngaihtuah chhuah hmasak ber i ni bawk , eng harsatna pawh tawk ila ka thinlung ah hian nang lo chuan hmun an chang ngai dawn lo tih hre rawh " eng tik lai in nge ka mit atang mittui a rawn tlak ka hre lo , a thusawi te khan ka thinlung a fan a , min hneh em em bawk ,ka in sut ta hraih a .




"I tap ngawt e law " rawn ti hluk in , a nui huk a,eng vang a tap ngawt nge maw ka nih le , mittui ngah deuh ka ni ngai lo sin .



"Tah na chhan tur ka nei lo ,nge ka tah ngawt ang " ti mah ila a awi erawh ka ring lo.




A thusawi khan min hneh em vang a tap ka nih loh pawn a kiang a awm ka thlakhlelh em vang a ni ngei ang .






"Karleh kar tir lam ah kei pawh aizawl lam ah chhuk thlak leh tawh ka beisei a ,a phurawm hran lo khawp mai " a tawp lam chu a rawn thluk vak kher a , a peihloh tur zia chu ka lo hre thiam ve mai .





"Chawlhni ah chuan mizo ho inkhawmna thin ah khan va tel ve ziah tawh rawh u ,mizo kha lam a awm ve te nen pawh in in be nel thuai a nga , in tan pawn a nuam ang "min ngaihtuah tak in a rawn ti leh mawlh mawlh , a chang hi chuan pa in a fa thu a hrilh hi kan ang in thin .





Krismas leh Kumthar kha Goa a mizo awm te nen kan hmang ho a , kan inkhawm ve bawk , mi thar kan nih na ah min lo be tlangnel thiam hlawm bawk nen nuam kan ti tlang viau.





Rinsawma hian hman remchan chuan inkhawm tur hian min rawn hrilh thin , ka inkhawm ve tawh hi chuan a lo phur thei thin khawp a, kan inbiak a kan hrilh te hian min rawn fak der ve nasa thei khawp .






Aizawl lam a a chhuk atang biak theih in a awm lo a, zan ah te hian biak tum in ka beina sa viau thin , chanchin engmah min rawn hrilh loh chu ka lungawi lo khawp .





A chhuk hma zan te kha chuan a thlen hun ah ,phone calll hmang in ka biak hman dawn loh avang in msg ah lo hnutchhiah mai tur in ka chah a , a ni pawn min rawn hrilh a tum thu a sawi ve reng si a .







Zan lam ah hian ka lung a leng zual thei khawp , zantin Rinsawma nen inbe thin kan ni bawk nen ,tia an reh daih hi , mak ka ti a , ka awmthiam lo lek lek thin .




Zikpuii nen kan inbiak chuan thu mak deuh ,ka awih ngam chiah si lo chu min rawn hrilh a "A thil zir kha a chawlhsan an tia , a chhungte ho pawh aizawl lam ah an chhuk khat tawk reng ,chanchin han ngaihchan lah in tha deuh in min chhang a, a chawlh san na chhan tak an sawi leh chuang si lo" a rawn ti a , kar hnih zen zawn ka biak theih tawh loh thu ka sawi phei chuan kei ai in mak a ti zawk emaw tih mai tur a ni





"Thil dang leh ,rinhlelh awm in an awm ang tihna lam chu ni lo mah se , Babyi nen khan an chhuk tur kha an chhuk rual a , Hlutei lah hian thutak deuh hian an inkawp that leh thu a sawi thin a , kei phei chuan ka awih lo bawk nen ,rilru nuam deuh in ka awm reng a , hrilh pawh ka rawn hrilh loh na chhan che a nia " a rawn tih leh tak ah chuan eng ber nge rin tur ka hrethiam tawh lo.




Hlutei thil sawi chu lo dik ta tehreng pawh ni se , kei nen a kan inkar chhu chat fel lo a ,midang kawp duh tur chi a ni in ka hre thei thlawt lo a , ka ngaihtuahna a buai kual nuai mai .





Pastor nih tum ruh em em in a zirna vawi leh khat a a bansan mai pawh chu thil mak a ni , pastor a nih hun tur te sawi in ,hmalam hun ah duhthusam tam tak ruahman lawk kan neih te kha a thamral dawn a va ni mai awm ve .





Hmingi leh Chhana ka biak pawn Zikpuii sawi ang bak sawi tur an hre chuang lo , rilru buai zet in ka awm reng thin a , beisei na tlem nen nitin hian min rawn biak hun hi ka chang reng thin .





A ni erawh chu theh hmeh ang mai in a reh tlawk tlawk a, amah ah chiah rinna nghat ngam tu hmeichhia hi min rawn hre reng tawh lo a nih rin chang ka nei a , chu chuan keimah bawk a ni min ti na nawn leh thin .





Tiang a ngawi reng a reh ngawih ngawih loh hian ,a chinchang min rawn hrilh hriat a , kan inkar tihtawp a duh a nih pawn chiang tak a min rawn hrilh ka la phut tlat reng a , a aw ka ngei hmang a , a rawn insawifiah ka beisei ru reng thin




Mahse a ni chu a reh tlawk tlawk mai a ni , biak tum in vawi engzat nge a no hi ka hmeh chhuah tawh ,beidawnna ti zual tur mai in a hnen atang chhanna ka dawng ngai lo , msg lam ah ni se biak tumin thu tam tak ka thawn ,a in seen ngai reng reng lo.






Thla khat chhung kha engtiang in nge hun ka hmanral tak tih pawh ka hre lo ,ka nun khawhar lutuk avang a dai sual lek lek chang lah ka ngah , Rinengi pawn ka mize dang chu mak a tih zia ka hai lo, mahnia awm chang in thil ngaihtuah vung vung ka hrat a, hnathawhna hmun ah lah ni se, hmel hlum put luih ka harsat a, tawng lo in ka thil tih tur chu ka ti mawlh mawlh mai thin .




Muanpuia pawn tiang a ka awm chhan min zawt leh zeuh thin ,chhanna erawh ka pe ngai lo mahse sawi lo mah ila eng emaw chen ah chuan rindan a neih thiam ka ring a , Zikpuii nen an in be zeuh zeuh thin nen ,a lo hre vek tawh hial mai thei.




Zan ah thian te'n chhuah ho an rawt pawh in ka tel loa kal mai tur in ka ti a ,mahni a awm in khum ah ka mu meng kar ,thil tam tak rilru ah a rawn lut zung zung a , min lo biak loh chhan tur awm ang ka ngaihtuah kual fe hnu pawh in a chhan tur awm ang ka hre thlawt lo.




Zan rei lam ah Chhanan min rawn bia a ,"Thiana nen inin be be tawh em "a rawn ti a , a tawng chu a sak talh talh viau mai , rilru tibuaitu nasa tak nei ang mai a ni ,a aw ri te chu a dik lo in ka hria .




Kan inbiak lohna rei tawh zia sawiin , ka lungawi loh thu ka sawi tel bawk ,





" Vawiin ah an in ah ka va kal a , aizawl lam ah rei lo te chhung awm an tum ni in ka hria , thianpa chanchin ka zawh lah in a inpeih hun nghak tur in min tia ,min ti bang bo khawp mai ."a rawn ti hulh , a thianpa in la hrang tlat chuan a ti lawmlo ve hle chu a ni.






"Buaina a tawk a maw ni le ,i theih ang ang lo hriat tum teh ,tiang ringawt zawng " beidawng zet in ka ti a , tiang ringawt a a reh leh biak theih pawh a awm lo tlat chuan min ti hnim ruih reng mai.






Kei mai ni lo in kan thiante lak ah pawh a in la hrang chuan tlem in ka awm a ti nuam deuh a ,kan inkar thu vang ni in ka hre ta lo ,harsatna lian tham atawk a nih ka ring ta ber .







Mahse, ka rilru chu a nuam rei lo ngawt a sin , a tuk leh lam a ka thu hriat chuan beisei a bo tawh zia min hriat tir ni mai in ka hria ,tiang bak a inphatsanna tenawm hi a thlen leh theih pawh ka ring tawh lo m





Eng thu nge ka hriat maw !!?



Rinsawmpuia leh Babyi te inneih tur thu a ni .Beisei leh tur chuang ka nei tawh lo , ka thinlung natna chuan min hmet chau zo a , ani lo chu ka tih ve tlat thin mipa tha ber a ka ngaih , nun dik tak nei tu a ka hriat khan a lak a rinna nghat tlat tu hmeichhe khawngaihthlak tak hi kawng kawi ah min pen san a , mahni mai a hmachhawn tur in chakna tam tak a nei lo tih hre chung in kawng dang zawh a thlang ta zawk si.





A nupui tur a keimah chauh min suangtuah thin tu khan , a thil sawi pawh hun tam a la ral hma in ,midang nupui a neih a tum a ,.





Kan hma hun kan suangtuah dun thin ngei te khan tak ram chang ni an nei ve tawh dawn si lo .




Suangtuahna a nih ang in tak ram thlen pui hma in a tham ral riai riai dawn chu a nih tak hi .





Nileng in khum ah ka mu chawt a , hna pawh hotu te lam rem ti vak lo chung chawlh ka dil ta tawp kha a nia , Rinengi leh Muanpuian min sawipui lo phei se chu ka chawlh theih ka ring lo .






Rinsawma call tum in a number te chu ka hmet chhuak leh thin , mahse be loh bawk in ka dah leh thn .




Biak a zawh chian duh viau mah ila , min dang tu thil rit tak a awm tlat a ,a ai a rilru natna thuk zawk a min hruai thei thil hriat ka hlau te pawh a niang .



Chu lo ah , a hma ang bawk in min chhan leh duh ka ring chuang lo ang.





Khum ah chuan phone chu ka dah sawk a , dan hman lek loh in ka mit atang mittui a rawn luang thla zung zung , ka awm ah thil lian tak in min delh emaw tih tur in a thip vung vung a, insum lek lo in ka in hnit ta faih faih , ka pa boral hnu a ka tah nasat leh na ber a ni ngei ang .






Rinsawma biak duh na ka la nei fan a , mahse min rawn be ta cheng chu , a hma zawng ai in ka rilru a na thar leh emaw tih mai tur a ni .





"Ka tihpalh " chu thu chu a hnen atang a ka hriat chak ber a ni lo , tihpalh tih vang mai mai in ka chhungril natna hi a kiam phah dawn lo , tu mihring mah ka rin leh theih pawh ka ring tawh hek lo






"Eng tin nge i tih theih , tiang hi eng tin nge ka chung ah i tih theih ka tih chu , min lo hmangaih ngai miah lo em ni ,min hmangaih loh chuan eng vang in nge inkawp tur a bul min tanpui " ka ti nawk nawk a , ka rilru buai lutuk chu phone chu na zet a hum in lukham ah chuan ka hmai ka nawr ta vak





Ring thei ang ber a tu mah dawn lo a au chhuah chiam tluk a chak ka nei lo .





"Ka tihpalh "




"Kha thu kha sawi tei vet suh , ka dam chhung hi chuan ka lak atang ngaihdamna thu hriat in ring suh " ka ti tuar , tun ah chuan hmeichhe nasa tak ang mai in ka tawng chhuak a lawm , mahse ka indem lo ,ka in dem phal hek lo ,hetiang a min siamtu mihring hma ah hian insum theihna ka tlachham a , biak that phu in ka hre hek lo.





A taksa khawih thei ngat phei ila chu , a hmai ah vawikhat tal ben a nia ka duh .




Zaidam tak leh min ngaihtuah ber ang mai a "nang chu hmalam hun thui tak i la nei , kei mi laktlak loh vang mai mai hian i nun ti chhe suh , i beidawn lek lek chang a piang in ,ka tihnat na che hi rawn hre chhuak la , min diriam theih nan hlawhtling tak a ka hma a ding chung a i hawi san vah theihnan beidawnna ata i tho chhuak leh thin dawn nia ,Pathian in a awmpui tlat che tih i hre dawn nia " a rawn ti leh chiah chu ,a hma ai zawng in ka na in ka thinrim zawk a ,insum hman lo lek in ,







"Nang hian Pathian hming pawh lam ngam tur ni in i inhria em ni , Pastor nih tum a i beihna i bansan chu a tha khawp mai ,chu ti lo zawng Pastor lem ber , rinawmna pawh nei lo ,ringtu der i ni ringawt dawn a sin "ka tawngkam hman zet chu le ,phone atang a in bia ni mah ila ,nasa tak a a rum nghut ri chu ka hre pha a , nuam lo chu ka ti ve, mahse ka chapo na avang in ka thusawi chu sut leh tum na lah ka nei tawh hek lo .






" I nupui neih tur ah ka lawmpui a che , hlim tak in le "harsa zet in ka ti chhuak thei hram , ani hi ka huat tluk zet in ka hmangaih a , ka hmangaih in nupui a nei tur chu harsa tak chung pawh in lawmpuina hlan chu ka tih ve tur ah ka ngai ,




" Ka lawm e "a aw chu a tham chhel a,a nupui neih tur chu a aw ki ah reng reng a hlim tih hriat theihna tur ka zawng ngial a ka hre lo .




Ngaihtuah lo teh a hlim ang ,a hlim ngawt ang a hmangaih hmasa ber a lawm nupui ah a neih dawn , a hlim leh a hlim loh chu i lo ngaihtuah tur a ni lo, nang a bialnu ni mek ngaihtuahna nei lek lo in a nih hi nupui a neih dawn , nang pawn theihnghilh tum in hma la rawh ,ka rilru chuan ka ti mawlh mawlh a .





Hei hi kan inbiak tawpna tur a ni tawh ngei bawk a nga , a tawp nan chauh he thil hi ka tih tir ngei ngei ka duh ,



"Rinsawm ''




" Umm"ti chhuak hulh in "enge ni ta " a rawn tih zawm zat .





"Vawi khat chauh ,min koh dan thin khan min ko leh thei a ngem,i lak atang hei bak ka beisei tawh lo ang" ka chapo leh huat na dah tha in , zah hre lo ang mai in a ni ka dil ni , a lak atang hei bak hi chu ka phut tawh lo.




Nakin ah chuan mi pasal duat lai a ni tawh a nga ,dam te a kan awm a kan inhmuh leh te a nih pawn ,hmelhriat satliah chan bak kan chang tawh dawn si lo .




"Duhno " a rawn tih ril ruih rual in phone chu ka hmet tawp a , insum tawh lo in ka tap chhuak ta zawih zawih , ka thin na vawng vawng ah chuan ka tham tawn tawn , thawk chhuah har khawp in ni a nat ni .





Rinengi chu ka bul ah lo kal in khawngaih hmel deuh a mi melh chung in min rawn kuah a ,ka hnung ah a beng dat dat bawk , midang kan bul hnai mai a an awm ve avang in thawm chhuah rin hlau tak in ka tap khur ngat ngat .





Min khawngaih si ,min hnem dan tur hre vak si lo chung in"i bialpa chu a mawl ngawt ang ,nang ang hmeichhe hmeltha lutuk a kalsan thei che hi , nakin ah chuan a la inchhir dawm hrim hrim ,lo ngai reng rawh "an ti ngawt thin a , hun dang chu ni se ka nuih pui thei ngei ang ,tun ah hi chuan ka rilru ah eng dang mah a leng lo ,ka ngaihtuah thei hek lo .




'Khawvel a ka mipa hmangaih awm chhun in kei min thlauh thla in a bialnu hlui nupui ah a nei dawn a , tiang a rilru natna tawp khawk tawng tur hian a lak ah eng nge ka tihsual , min ngaihtuah na chhe te mah nei lo in hmalam pan in chhungkaw thar din a tum ni si .'




He thu hian ka rilru leh thinlung zawng zawng a luah a, min ti na em em bawk.





Ka tah ban hnu pawh in khum ah chuan a mu ve reng a,tlem tlem chanchin a hriat ve tawh avang in tun a ka tah chhan awm ang pawh a hrethiam ruai a nga , hriat belh chak deuh in min melh mahse engmah chu min zawt zui bik lo.





" Zanin chu ti hian riak dun ang "a tih tlat avang in kan mu dun rial a , zan a ka tah leh a hlau te pawh a niang .





Tui tak a a hnar suk suk hnu pawh in kei chu ka la mu hil thei lo, Rinsawma ka ngaihtuah chhuah leh rual erawh in beidawnna leh natna bawk in min chen chilh leh thin





A sar hu lai a ni bawk a , min nghawng khawp thil ka ei tha thei lo in thathona reng reng ka nei bawk hek lo , zan mut ka harsat zual a, zanlai dar 12 ah pawh sanghate rep ang kar ka la ni thin .




Mut that lohna na hi chuan kan lo chau in kan lo harhvang zar lo nen hnathawh na ah pawh min hau zeuh zeuh reng mai .







" A va mak ve , tiang ang mipa a ni lo a maw ka ti a , Pathiam thu te kha a zir i ti in ka hria a , Pastor pawh lo ni ta teh reng se ,rin pawh kan ring ngan tawh nang ,"Muanpuia chuan a ti hluk hluk a , a tawng ring ang reng si a , thil ei tur a rawn chawl ho pawh an rawn hawi zuk zuk mai




A ban ah chuan beng in"tawng zawi rawh "ka ti hlak , glass no sial zet zet chu ka hru fai zawm leh nghal a,




" Ruang kal thei te pawh i ang a lawm , kha , i dang bel a ,ruh kawl hlang hi i ni ringawt "deuh teh chiam zel chuan, mahse han phat ngaihna erawh ka hre lo thung , thil ei tha bawk si lo ,mu thei bawk si lo chu ka taksa ah rawn lang tan in ka rih na a tlahniam chak khawp mai .




Phone tak ngial pawh ka khawih tha peih lo a ,midang bul a awm ai in mahni te a thil ngaihtuah melh melh duh chang lah ka ngah , Phone ka khawih chuan Rinsawma min rawm biak mai rinna ka nei thin a , chutiang ang ngaihtuahna neih chu duhlo viau mah ila, ka thunun theih phak bak a ni si .





Amah ka hriat chhuah theihna tur ang ang chu paih chhuah vek a,theihnghilh ka duh , mahse tun ah hrih chuan ka theih ka in ring lo , a number pawh ka delete lo a , ka block hek lo , ti ta tehreng pawh ni ila ,ka phone atang in ka paih chhuak ringawt a nia nga , la thinlung ah erawh a cham reng thung dawn si .




A hmuh phak lo a ka lo awm hi tunah chuan ka lawmna a ni tawh zawk, ka hmel a hmuh a , ka tawrh nat zia a hriat kha ka duh lo a , hmeichhe dang nen a hlim tak a an awmdun lai hmuh pawh ka duh hek lo .





Mihring te hlimna hi chuan rei a awh ngai lo a nih hi, kan hlim ve dawn chauh a ,phurh zawh rual loh natna in min luh chilh leh thin , hlim na tluantling tawng baw tur hian kan hun liam ta ah khan eng thil tha tak nge tih ngai ang le ?






"Thiannu, Rinsawma te an pem dawn a maw ni kan tih kha a ni leh lo a ,a nau te pawh he lam ah sikul an la kal reng ,mahse a nu leh pa leh amah chu aizawl lam ah an awm a ,a naute chu U Sangpuii te in ah an awm " Hmingi chuan a rawn ti a ,min rawn biak tawh hi chuan Rinsawma chungchang hi a sawi lo thei thin lo chu a ni.





"Ka ngaihtuah lam zawng a nih loh tawp chu a " ka ti liam puat a, Rinsawma chungchang a rawn sawi hi chuan ka be tam peih thin lo , midang pawh an ni vek tho , bumtu hming an rawn sawi lan tawh chuan ka chhan hmuk hmuk loh pawn kan inbiakna ka ti tawp ziah .





"Babyi nen pawh khan an innei leh " a sawi zawh hma in



"Chutiang lam ka hre chak lo ,a chanchin sawi tur in mi min rawn biak " ka ti hlar , a chek tlak tlak ri hre zawm mah ila , ka ngaihthlak sak chuang lo ang , hmalam pan tum a harsa tak a ka beih lai a,a chanchin an rawn sawi teh fo thin hi ka ning lek lek chu a ni .





Mi tam zawk chuan ka zaidam zia an sawi thin , mahse mi zaidam chu ka ni bik lo , ka tih loh tawh ah chuan ka luhlul in , ka tuang ka tichhah tlat thin , midang in an nawr kal mai mai theih hmeichhia ang nih kha ka tum ngai hek lo .





Min hrechiang bawk a ,a rawn sawi zawm ta lo "I nu i be khat a ni maw ,nimin ah ka va leng a , i biak khat zia thu leh a ngaih thu che a lo sawi luam a lawm " thu dang ah a rawn pa kai ta daih , ka tang tung pawh chu ka inthlah dul ta riai riai .





Rinsawma hming an rawn lam rik tawh chuan , ka thu awn duai lai pawh ni se ka thu tung nghal at thin reng a ni .




A rawn sawi lang tak ah chuan ka nu leh nau te ka biak khat zia ka inhrechhuak mawlh mawlh ,ka inthiamlo viau bawk .






Rilru nat tawngkhawng lai pawh in an ni chu ngaihthah miah loh tur ka nih nen , khawvel a ka la dam ve chhan leh ka neih chhun liau liau te an la ni si .




Hmingi nen kan inbiakna ti tawp in ka nu chu ka call a ,rei pawh a in ring hma in a rawn la nghal vat ,






"Mambawih ,biak tlang i va har ve , in buai zual lai a mi " a rawn ti dam dap a , ka nu aw kan hre leh meuh chu ka lung a chhe thar em em mai a, tah mai ka chak zia chu,mahse ka tah chuan min ngaihtuah zual in ,a mangang nasa dawn tih ka hre si,.




"Buai em em.lo e ,in tha tlang maw,Peki ,Duata te pawh "ka ti a ,tah ka insum nasat lutuk na lam ah ka aw pawh khur ru dar dar.




Nu te bul ah hi chuan kum tam ve viau tawh mahse kan lo la pangchang nge nge a nih dawn hi, ka bul hnaih te ah chuan awm ila,lungchhe tak in ka tah khum tawh hial ka ring.




Ka nu chuan " i naute pawh an dam tha , inchhung chet ah pawh min awl fo tawh zawk , rinai tak in an fel zek a , ka feh haw te hian tui te lo lum in ,eirawng te an lo bawl dun thin a "sawi nuam tih hmel takin a rawn ti siam siam .




Rem ka ti vak tawh lo chung ka nu hian thlawh hma a la leh a ,mahse a zau lo thung ,buh phei chu kan ching tawh lo , chawhmeh hmun ang chauh a nih mai chu .A hmun a hla lo bawk a , hahdam te a thlen mai theih a ni .




Thlawh hma neih loh tawp kha a ngai ngam thlawt lo a,in a awm mai mai lah a peih si lo nen chawhmeh hmun a siam chu a hlimpui viau mai .





##Comment liam liam ila ##


Show post links
Top

[Ngaia]

HLUSANGZUALI





CHAPTER -15







K nu chuan kan khaw lam a ka haw theih hun tur min zawt a, chhan ngaihna tak ka hre lo , haw lah ka chak hrih hek lo, haw hman ka ni lo bawk.





Rinsawma te chungchang hriat a neih tak ah ti in zawh ka tum ut ut na a , ka thulh leh ta zawk .





A mihring a dam mah ila ,thinlung lam a rum vawng vawng chuan ,taksa in a tuar lo thei lo , hun in a liam pui a, theihnghilh mai theih mihring a ni bawk si lo .







An thawm ri va hriat tur a awm lo a, an innei tawh nge ,an la innei lo tih pawh ka hre hek lo , ka thian ten chanchin sawi tum a min rawn biak in ka ngaithla duh ngai hek lo , sawi luih an tum tal phei chuan biak loh a ka vau hial thin





Chutiang khawp chuan a chanchin hriat ka duh lo a , zan khat ka ngai lutuk kha,awm ngaihna ka hre lo a , ka a vek nimai in ka hria , ka tihduh lo tawp tur thil ka ti bawk a , ka ka ah lut ve ang tih pawh ka ngaihtuah chhin ngai loh zu changkang chi zet kha rui hnap in ka in a , in ngai loh nih nen ,keimah ah a thawh dan a na khawp mai .





Kan thawhna hmun a thawk ve tho hnam dang zing a ka nel ve ber Prakasha nen a kal kan ni a ,





Kan kal na hmun chu tlem a fal deuh hlek a awm a ni a,a chhung kan han lut chu hla an play dum dum a , boruak chu a uau tak zet , kei a rui tawh , ven thawn nei tawh loh chuan ka thianpa chu lam pui ah te ka sawm ziai ziai a , a ni pawh tlem lem ve sak tah anih avang in kan boruak chu a tha tak zet .





Rinsawma hnen atanga natna thuk tak ka dawn hnu a ka la thawven ber tum a ni hial ang .





Thian ang bak in kan in en lo a , kan inkar ah engmah a thleng lo , kan taksa a in hnaih hle a tih chauh a ni mai .



Ka lam tak tak hnu phei chuan ka chau in ka zawi tak zet ,ka luak te a chhuak dawn dawn in ka hria.





Muanpuia bia in min ran hruai tur in ka ngen ta tawp,ka kal puipa lah chu a la lam tui khawp mai , kei ai mah mah chuan nuam a tih hmel zawk ta daih ,





Mipa tan chuan nuam deuh tur a ni , hmeichhe chhe lo leh it awm tak tak an kat nuk a , an han lam ho suau suau phei chuan hmuhnawm tham tak tur a ni.





In tih harh pah in pawn ah Muanpuia chu ka lo nghak a , ngaihtuah na fim ka hman theih tak chin ah chuan ka thil tih leh in te kha a tullo tak zet tih ka hre zawm nghal,Hmeichhe zu in ka hmuh a mak ti leh eng tin nge an in theih zawk ti a in zawt hial thin khan ,ngaihtuah chiang mang lo in mak ka tih thin em em te ang khan ka nung ta der si .





Keimah leh keimah chu ka in haw tak zet, hun liam tawh koh kir a siam that leh theih ni se tun a ka awm ang hian ka awm nawn tawh lo chiang ang .





Muanpuia rawn thleng in min hmuh rual in min melh rum nghek a , a phun nghal hluk hluk mai .







"Tiang hmun ah te kal , tu nen nge in kal , " a ti pawr hlar, ka zawi in ,ka chau bawk nen chhan pawh ka chhang ta lo , a hnu lam phei kha chu engmah hriat ka nei zawm ta lo .Eng in nge min hruai haw tak tih phei chu hre lo tak ka ni .







Ke chuan min haw pui dawn lo tih erawh ka chiang khawp .







Rinengi leh Muanpuia chuan a tuk ah min hau a , huat ah pawh a kal lo , kha bak kha chu khatiang thil ka tih leh tawh ka ring lo a, a vawi khat na leh a hnuhnung ber tur a ni .





Ka lu chu a na ru et et a , ka chhe zawi em em bawk , pen tawng (trawng)an tih thin ang khan ka awm .

.



Muanpuia thinrim phei chuan "Prakasha hi kawm tam tawh lo mai rawh , thil ni lo lo tih nan i hman phah ringawt hi " a ti a, hnial lo in ka nuih ringawt .





Prakasha thiam loh pawh a ni lo , bar a kal tur kha chuan min sawm ngei a , mahse zu in kha chu ka duh vang reng a ti ka ni thung .







Kan thawhna hmun ah hian mizo lo lenglut hi an vang thei khawp a kum khat ah hian vawi hnih vawi thum vel hi a tam ber ah mizo kan hmu fu leh zeuh thin a, chutiang hun ah chuan nuam ve viau zel .







Khawi atang nge hriat loh in Prakasha nen kan lam dun lai thlalak kha facebook lam ah te a darh ta chiam , sawi sel rawn na ka tawng nasa khawp mai , fb group hrang hrang ah theh darh in commnent pawh an duh tui lo thei hlawm khawp .





Ka thiante nen thla la tu zawn chhuah ngial kan tum hnu pawh in , tu nge a ni tih kan hre thei lo , Kan khaw lam a ka thiante atang leh ka chhungte atang zawhna ka dawng zing malh malh viau thin .An duh ang chhanna tha erawh ka hlui ngai lo .





Mizo hnam phatsan a vai ngaizawng ang hial in min chhuah tawh a , kan khaw lam ah pawh ka chanchin chu sawi duh ber ah an nei ni in ka hria , Hmingi leh Zikpuii sawi dan ah ,an ni erawh chu thudik tak ka hrilh a , min fuih zui mawlh mawlh bawk .





Ka nu pawh chu a rawn lungngai khawp a"Lo haw mai la , tiang tur khan i awm bo ka phal lo a sin , nun hman uluk ngaih zia ka hrilh ngun viau si che a , khatiang ang a che tla duh tur fanu ka nei ang tih ka in ring ngai reng reng lo a sin "a rawn tih phei chuan , hrehawm ka ti in ka zak tak zet a, he khawvel atang a bo daih mai ka duh hial .





Mahse ,ka inngaihtuah harh a , vai ka ngaizawng lo a , hnam ka phatsan hek lo, a thim zawng ringawt a thil thlir ka ban san a ngai a , harsatna leh mualphona ka tawh zo zai te hi ka awm phaw ah hmang in ,ka inti chak zual thar zel a ngai a ni .





Ka nu bul ah chuan kan inngaihzawn loh thu te chu ka hrilh mawlh mawlh , min ring se , midang in ka chanchin mak deuh deuh a an sawi zui na te hre lo se , kei mah chauh hi min ring tlat se ka ti khawp mai .





A hnu lam ah erawh , fuihna tha deuh min hnutchhiah ta thung" Ka fanu i ni a ka ring che , tun a harsartna i tawh atang hian nun uluk a ngaih zia i chhar chhuah thar ngei ka ring tawh , harsatna kan tawh hian mahni in khawngaihna a rawn lang nghal thin ,mahse maw ,mahni inkhawngaih na chu ngaihtuah ber ah nei miah lo la,chhel tak in , chak tak in , i hmalam hun tur atan bei rawh , i hming hliau na te mi in an theihnghilh sak hun ah che chuan nang chu tu mah tihnat theih loh khawp in chakna thar i lo nei tawh dawn a lawm "a rawn ti zang vah a, ka rilru pawh a hahdam ta huai , ka nu ber in ka lak ah rinna a nghah chuan ,min ti thlamuang hawk thei a ni .







Mahni inkhawngaih na in min luh chilh dawn chuan thil dang ka ngaihtuah ta daih thin , mihring te min ti chak lo tu a ni a , mahni inkhawngaihna a khat liam ho phei chuan depression ,anxiety nasa tak an nei mai thin , chutiang ang chu a theih hram chuan pum pelh a, hlat san zel ka duh .





Beisei loh deuhin Rinsawma hnen atang message ka dawng a ,*Keimah avang in thil tha lo tih duhna rilru pu suh , i chung ah ka chet dan ah ka thiam loh a ni tih ka in pawm ,kei chu mipa lak tlak lo zet mai ka ni a , keimah avang in i hringnun hman kha hnungtawlh zawng a hman tir lo in , hma lam pan zel rawh ,hmeichhe huaisen tak i nih kha " a rawn ti a ,thlalak kha a hmu ve tawh ngei a nga , a eng a mah hma a amah avang a thil ti a min rawn ngai nghal chat thei chu , ka zak tak zet.





Nupui nei mai tawh tur ka lo la ngaihtuah reng te hi tlawm thlak ka ti ve thin , mahse ka thinlung hian tun ah chuan a theihnghilh mai thei rih si lo ,ka chhia leh tha hriatna erawh chuan theihnghilh thuai thuai tur in min nawr kal reng thung







Rilru leh thinlung a inkalh tlat a , kan thinlung duh dan hi kan rilru duh dan a lo ni ve kher lo a ni tih ka hriat chian phah tak zet.





Ka chhang let lo a ,chhan let ngai in ka hre hek lo , ka tan a tha ber duh ang mai a thu min rawn thawn leh te chu eng nge a rilru dik tak hriat pui a chakawm kher mai .





''''







"Kum tawp lam ah chuan kan haw ho vek tawh ang , i inkhawl ten tun tawh tih ka hmu thiam vek , " kan thil ei na hmun tur ah kan thu a , pawn lam ah leh chhung lam ah thut na tur a awm a , pawn lam ah thawveng tak a awm kan duh avang in ke ,Rinengi leh Muanpuia kan thu a







"I tih tlat te chuan ka hnial ngam nang , mizoram ka thlen tawh vek vek chuan helai hmun ah hian ka chhuk ka ring tawh lo " ka ti fel than chu , an hmel an pe nur leh nasa hle si .





Kum 6, kum ruk teh meuh a ni mizoram lei lung rap lo a ka awm tawh , ka thiante pahnih hi chu chawlh an nei rei deuh chuan an haw thin a , kei erawh haw lam ka rilru ah a lang ngai lo .







Ka tum ang ngei in lawng lam a ka thawk tawh a , ka thawhna hlui ah khan kum khat ang er awrh chauh ka thawk a, lawng a thawh a, pawisa tam zawk lak luh kha ka thil duh ber a ni thin a ,chu mi tur atan chuan beih pawh ka bei nasa , hmun hrang hrang ah interview pe in , tam tak in min hnawl tawh hnu pawn ka beidawng ngai lo , beidawn mai duhna rilru put chang erawh ka ngah mai .





A tawp ah erawh tun a ka thawhna Sunset River ah hian ka tling ve ta nge nge a , hotel a thawh nen chuan hlawh pawh a lo in that hleih khawp mai ,a tul te lo ah chuan ka tan chuan ka hlawh chu ka hmang chhuak zen zen lo, mamawh teh chiam lei tur ka nei ngai lo bawk a .





Ka thawhna hmasa ang tho khan , thil ei man leh zin chhuah chang a senso an tum vek a , off day a chawlh hahdam na tur room min pe thlap bawk .





Mahni sum sen na tur a awm lo chu a hahdam thlak viau rual in , kan hnathawh chu chauh pui tham tak a ni .Lawng a chuan fuh loh deuh tum phei hi chuan lu hai chhur in kan thawk a , hrehawm thei tak a ni .







Muanpuia leh Rinengi erawh chu kan thawhna hmasa ah khan an la thawk a , mizo dang thawk ve ho pawh kha an awm darh hlawm tawh an ti in ka hria.





"Saw , i bialpa thik thu chhia a a lo kal " Rinengi'n chuan ti hlak in ka hnung lam chu a hawi a , ka hawi ve vat.





Simona chu a rawn phei a , a ni erawh hi chu mak deuh in office pakhat ah a tling hlauh a, cruise ka zawm dawn lai vel khan a insawn ve a , a lo zir sang ve reuh nen , rinai in a hna chu a thiam in a tui phian a, keini ang lo tak in a kai sang vat reng a.







Kum khat zen zawn chu kan in zui ve tawh , min duat in min ngaihsak a, a chang phei hi chuan ka bialpa ai mah in ka u en deuh thin in ka hria .In hmuh na hun tha kan nei tlem viau thin na chu ,lungloh a a la ngai lo a ,min hrethiam em em reng mai a ni .





Kan thutna bul a lo thlen rual in , a tih thin dan ang in ka sam ah rawn tuai in, min nuih var a .Ka lo nuih let ve sang bawk .





"Engtin maw in awm dawn a , ka in luah chu min rawn join mai rawh u " ti in ka kiang a thutna awm ah chuan a rawn thu thla a, Karleh lam ah mizoram lam pan in haw chhoh kan tum tawh a,kan hna pawh chawlh kan la vek tawh , Simona erawh chawlh a la nei ve thei lo thung







"Kei ni chu dorm ah pawh kan la awm thei a ,Matei zawk hi a nia" Rinengi'n a rawn ti a , keimah chauh a Simona bul a min hnutchhiah chuan an chak lo dun ngawt ang , ka bialpa mah ni se kan pahnih chauh a khawsak chu ka duh lo hi a ni tawp mai.





Simona chan min hrechiang bawk a "In pathum hian rawn awm mai rawh u,in tello chuan a duh leh chuang lo ang , " a ti mai a ,thinrim a sawi phei chu a ni lo .





Kan inhnial kan inhnial hnu ah Simona inluah a awm hrih chu kan ti thlu ta a , Muanpuia leh Rinengi thawmhnaw kan lak pui hnu ah taxi hmang in Simona inluah lam chu kan pan a.







A in luah hi a zau hran lo a, pathum kan han chen belh tur ringawt pawh hi kan tawt viau in a nia ka rin ,







"Khi lam ka rawn thlen chhoh ve leh ,in khua ah ka rawn kal a nga , chu mi hnu ah chuan palai ka rawn tirh ka ring a " a balcony zim te ah chuan kan ding dun a , vawi eng zat nge inneih min sawi pui a ,min thlem zat pawh hi ka hre seng tawh lo ,





Kei chuan inneihna lam hi chu hmanhmawh vut vut chi ah ka ngai lo a , ka rilru ka la siam fel lo bawk .Simona hi ka thinlung tak tak in ka pawm em tih pawh ka hre lo , a chang chuan keimah pawh hi ka in dem lek lek zel .







"Ka tihpalh , palai tirh tih vel ni lo ,thildang kan sawi thei a ngem " a ner sawk a , a chang chuan a lak ah pawh hian ka inthlahrung thin





Engtik hun vel atang tak in nge kan inkawp tih ka hre lo a , min duh thu min hrilh hnu ah pawh kan la in kawp mai lo tih erawh ka hria , thian tha tak ang a ka lo en reng tawh avang in bialpa ang a han en mai ka theih ka rin loh vang leh inngaihzawnna kawng ah thil tam tak hlauh ka ngah tawh avang ten ka lo hnar a , mahse phone ah min bia in , min ngaihsak a ,ka hah deuh chang in thu tha tak tak hmang in min rawn fuih phur thin ,kei lah tiang tak a duatna leh ngaihsak na dawng ngai tawh lo leh thlahlel em em si ka lo ni nen ka tang zo ta thlawt lo a, tian kan inkawp ve ta chawih chu a nia.





"I thinlung tak a min pawh ve hun hi ka nghakhlel khawp mai " ti nghat in inchhung lam ah chuan a lut ta daih .





Rinengi rawn chhuak in "In in hau a mi ,a rawn lut kha a tum buau mai " a rawn ti nghal vat a, chhanna erawh ka pe lo , sawi tur ka hre hlawl lo a, a ni duh na ka lo pawm mai kha ka tisual em ni le ka ti ta rum rum .





"Zep lo ah chuan ,Simona hi chu a hma mi ang khan i thutak lo in ka hre thin , a hmel i hmuh pawn i hmel ah hlim na a awm ngai chuang lo a,a hma mi kha chu a phone call i hmuh rual ringawt in i hmel ah phurna nasa tak a lo lang chhuak thin , tun thleng hian i thinlung ah a la cham reng a ni lo maw "a tih leh chuan rang deuh in lu ka thing nghal thuai ,





Rinsawmpuia la duh reng ang a min ngai chu ka rilru a na leh ringawt bawk , a ni avang in thil tam tak ka chan a , natna tam tak ka hmachhawn bawk , a hunlai kha chuan ka at pui lo chauh chu a ni e .





"Ani chanchin sawi kha ka duh lo " ka ti hmak , ka aw ki rawn ring ta viau te chu ka insum hman lo .





Nui hak in "I thinlung a awm zawk chu nangman i hriat chian kha ,kei in sawi theih ka nei hlei nem " ti in dam diai in min melh a , pangngai thei ang ber a awm tur in ka in thunun hram hram chu a ni .







"Ani avang khan ka thiante ka chan a, biak pawh kan in be tawh ngai lo ,mi nunrawng ang ber in min chhuah a , khawngaihna neilo hmeichhia ang hial in min hmu bawk , a na ka ti a sin , ka natna ve te kha chu min hriat thiam pui pawh an tum lo " ka sawi zawh rual in ka mittui a hnam tiam tiam a ,chung lam hawi in ka chhing ta vang vang ,





Eng chen a rei nge ka thian tha em em te pahnin nen khan kan inbiak tawh loh ka hre lo , Rinsawma chungchang min rawn hrilh tum in nitin min rawn bia a, kei in ka lo ngaithla duh ngai lo , a dam loh thu min rawn hrilh pawn ka awih hek lo,mahse vawi khat tal be tur a min rawn tur tak ah chuan ti in ka bia a ,mahse ka rilru nat na bak hriat tur ka nei leh chuang der si lo a nih kha .







A nupui tur in min rawn vau tak chiam phei kha chuan ,ka zak a ,mawl ka in ti in , hmeichhe laktlak loh zet ang mai in ka in ngaih phah kha a nia .







Rosyi zawk in a lo chhang a , biak ka tum khan zan rei lam lek lek a ni tawh bawk nen , mak ka ti a , mahse a nupui tur a ni a , an cheng dun reng tawh te pawh a ni thei ti in ka inngaihtuah fim vat







"I mak ngawt mai ,kan innei dawn tih te kha i hre ve vek lo a mi ,eng ah nge i la rawn biak buai cheu , ka bul ah phei chuan a nin zia thu hlir bak che a sawi ngai lo , chuan i mize changkang lo zet te kha engtin nge ka lo dawh peih zawk le a ti hial a sin , ka sawi kha , keimah ah bawk a rawn let leh ang ka tih kha , midang ngaihzawng lo nei mahse , a tawp ah erawh keimah bawk a ni min thlan leh thin " min deu sawh na leh min hmuhsit zia ka hre thei a , chu zawng ai chuan Rinsawma min sawi dan khan ka rilru a ti na in ,ka zak hle a mahse min ti chak tu a ni ta zawk .





Kha ta tang kha chuan ka thinlung atang paih chhuah tur in ka bei ta tau tau , ka paih chhuak fel tawh viau in ka hre bawk .





Ka thian te nen erawh kan thu a in hmu thei tawh meuh lo ,keimah chu min rawn dem ta lek lek zawk , nupui a nei dawn lo tih te chu rawn sawi mahse ka awih tawh lo a ,ka ngaihzawng nei tih ka hrilh atang phei kha chuan kan inbe pawp ta lo .





Ngaih chang nei mah ila , va biak hmasak chu tlawm ah ka la ta tlat a ,chuta chhap ah ka phone ka ti bo bawk a,sim chawp in a bo ta vek nen,min be duh dawn chuang in ka hre lo a, an number pawh neih dan ka ngaihtuah ta lo law law kha a nia .







"An va mak ve , i thian te zawk an ni sia " Rinengi pawn mak tih hmel zet in a rawn ti a ,





"Chuvang chuan Rinsawma chungchang hi chu hriat fo ka duh lo,amah vang in thian ka chan a, a hma chuan ka lo duh thin viau pawh a ni mahna tun ah erawh duh na ai chuan huatna ka pai tam tawh zawk " ka tih sep sep chuan min rawn kuah in ka hnung ah a beng dat dat





"Mahse ,Simona hi chu i hmangaih lo tih a chiang e" in la hrang in a la rawn ti leh hram ,a thil hriat duh hi chu mi zawh chhuah ngei ngei tur a maw ni hi a ti thin a, a hahthlak





"Chu zawng ,i buaina a ni lo aw " ka tih chuan ,a nui tha duh lo khawp mai.









Zanriah ah chuan mizo chawhmeh bai ,an tui hang te siam in , bawngsa kan tui zet te nen kan ei tui hlawm viau mai .Simon pawh ka chung ah thinrim ang in a awm leh tawh lo a ,ka rilru a nuam leh ta huai mai .





Mak deuh chu ka lak a a lungnih loh deuh pawh hian , tih lungawi kher ngai lo in amah in a lungawi chawp ve leh mai zel a ,kei lah in thlem ka tum ngai der lo.





Kan ei kham veleh Rinengi nen kan ti fel nghal thuai a , tihfel zawh ah Simona te thian dun thut na bul ah chuan thu ve in eng eng emaw kan sawi a,kan hlim tlang tak zet .







"Rintluanga te pawn an fa pahnih na tur an nei leh tep tawh " Muanpuia chuan a rawn ti chhuak hlawl a ,Vai nula hmelthai nen khan an inngaizawng ta ngei a , kum chanve pawh ah inzui tlin hma in a hmeichhe chhungte lam in an inkawp tih hria in an inkar tih tawp tum in an bei nasa viau a,a hnathawh zawm pawh an phal sak tawh lo nghal ,mahse kan Rintluanga chuan a thiante pahnih puihna hi dil in ruahman na siam in an in atang an hruai chhuak a, rei pawh rial lo in mizoram ah a haw pui ta daih .





"Rin ai tak in an nghet dun zek a , Rintluanga chhungte lam khan kan vainu hmelthai kha an lo pawm ve nghal mai em ni " ka ti a , kei chu hnamdang ngaihzawn lam hi ka rilru ah a la awm chhin ngai lo a ,lo ngaizawng ta ang ila ka nu hian eng rilru tak pu ang ni.





"A tir chuan an pawm lo khawp ,mahse han thawn haw leh ngawt chi a ni tawh bawk si lo ,kan thiana lah in achhungte hnen ah thingthi meuh in a nupui tur atan pawm tur in a dil bawk nen , lungdam zan lo chung in an pawm pui ta ringawt a lawm , tun ah chuan a nu te leh a farnu te pawn an ngaina tawh lutuk a rawn tih kha "Simona'n a rawn ti nui vur vur a ,







A nui hmel lang dam dap chu ka en reng ,mi dang rilru dawn thiam tak, khawi ah pawh a hmun leh hun a zir a insiam rem thei zel mi anih na leh mipa rintlak tak a nih na te hian a niang min hip ta ber chu.





Muanpuia'n" Nakin ah kan la tlawh dawn a nia , kan vai in " thawveng zet in a rawn ti a, hei pui hi bialnu lam hi a awn lo khawp .A thawveng em em reng ringawt mai a ni .







Khum ah hmeichhe pahnih chu kan mu ang a, mipa te pahnih etawh sofa ah an mu ve ve dawn thung .Ka mut hma in ka nu ka bia a ,ka haw theih hun tur te ka hrilh chiang a , a lo phur nghal khawp mai .





" In pawh kan zo chu a ni mai , i naute pahnih pawh in nuam an ti khawp , an mahni in pindan hran an nei tur te chu an phur tawh lutuk ,"hlim tak in ala rawn ti in ka nau te than duh zia a rawn sawi zawm leh "Peki pawh hi hmu la,i hai hial tawh ka ring ,phone ah in hmu tho mah ula ,Duata phei chu thang duh zuar zuar tak a ni "phur sar a a rawn tih leh chuan kei pawn ka nau te chu ka hmu chak tawh hle, engtiang tak in nge an lo than len a ,an lo danglam tawh tih chu a tak ngei in ka hre chak tak zet .





Kei pawh min hmuh danglam deuh ka ring a , Rinengi phei hi chuan min fak thei khawp " i khal dan hi a tawk e ,i sang bawk si , i awm tirh ai khan i hmel pawh a that belh daih zawk "min ti nasa thei khawp , tlem in ka thau belh deuh tih chu ka in hai lo ,mahse ka hmelthat belh erawh ka hre lem lo.







" I rawn thlen dawn ni ah , aizawl lam ah kan lo hmuak ang che ,i nau te nen , i ni pawn zin tur in min ti reng a, intlawh pawh na hun remchang a ni mai "a ti leh a ,ka lo pawm pui khawp mai .Ka chhungten min lo hmuak vek dawn tih ka hriat chuan haw vat vat min ti chak zual hle.









Ka nu nen kan inbiak zawh hnu in whatsapp ah msg ka dawng a," i mu hil tawh em "Simona a ni ,a rawn tih vel dan chu ka nuih a za ru khawp mai ,kan mutna piah chiah ah a awm reng si a,kan in be hnai khawp mai .







" Ka nu nen kan inbe zo chiah a, la muhil lo deuh ''ka chhan let rual in a seen nghal a, a rawn typing zui nghal *Ka pizawn tur chu min biak tir ve lo a *a rawn ti leh, innei hnai tur ang mai a tawngkam a neih hi chuan ka chhungril ah hian hriat thiam si loh in nuam tih lohna leh rilru tawt tun ka nei ziah zel .







" Nakinah le "tih bak in ka chhang let lo ,amah biak ka phurna zawng zawng te chu a tlahniam duak mai.





Min rawn chhan let leh hma in ka chauh deub thu sawi in ,ka mangtha ta daih .Mutthilh lam erawh a lang rih lo khawp ,ka bul a mu nu erawh a hnar leh suk suk tawh







Mahni khua ngei a haw chu ka chak tawh tak zet a , lehlam ah erawh ka huphurh ru leh viau thung si , ka thiante ka lak ah an lungawi lo a , Phaileng ka thlen chhoh hun ah pawh min lo la be duh lo reng ta se , engtin nge ka awm ang le , thian tih tur ka nei dawn lo tihna a ni mai dawn si a .





Hun tam.liam tawh mahse Prakasha nen kan thlalak a darh chiam te kha khaw mipui then khat in ka hmel an hmuh rual a hrechhuak tawk an awm leh ngei awm si a,eng tin nge huaisen tak in ka an hma ah ka inlan theih ang .







Rinsawmpuia !!A ni pawh duh reng vang ni lo in ka hmu leh ngei bawk a nga , engtiang in nge ka hmachhawn dawn ka hre lo , inkawp tawh lo mah ila thian tih thumal kan kar ah a awm theih ka ring tawb lo a, kan inhmel hriat satliah en ringawt a nia ka rin .Nupui nei in hlimtak in chungkua a din tawh ngei pawh ka ring.





Han ngaihtuah kual zel phei chuan, bialpa hlui fa te han hmuh chu a nuihzathlak viau in ka ring a, ka nuih te lam a ti zat viau rualin ka thinlung chhung ril ber ah erawh tlem a na ru deuh lai chu a la awm .




🤍🤍Comment that dan a zir in naktuk zan ah pawh a awm mai thei 🤍


Show post links
Top

[Ngaia]

HLUSANGZUALI







CHAPTER-16







La muhil mai thei lo in ka ni nen kan inbiakna te ka ngaihtuah kai leh "Aizawl lam ah hian dawr kan siam dawn a nia,i Pa Bda hian hlawh a lak a piang hian ka hming in bank ah pawisa tlem tlem min dah luh sak thin a , ka ngaihven lo zawng a nih avang hian engzat chiah nge a dah tawh tih phei chu ka hriat pui lo,mahse a tam tham ve viau tawh chuan ka ring ,nang pawn khawl sa te chu i nei dawn a ,thawmhnaw dawr emaw, thil dang pawh hlawk deuh hlek tur kan ngaihtuah a nga kan ti dun dawn nia" phur deuh in a rawn sawi thawi tawh a , rilru ka la siam fel hlei thei lo thung .





Sumdawn lampang hi chu ka ti mi vak in ka inhre lo thin a, naupan lai a thil kan han zawrh pawh a,"in lei duh em "tih bak sawi ngaihna hre vak lo ang chi ka lo ni nen , rilru a ti buai duh khawp mai.





Nizan lam ah ka muhil har bawk nen ka thawh chhuah ve meuh chuan an lo tho vek tawh a , Rinengi'n eirawng a lo bawl peih tep tawh, Simona pawh hna kal tur in a lo in peih at tawh ,hmai a uang lo duh ngei mai.





" Min kaih thawh ve awm che u "tui in tur la chhuak in ka ti nghat, , an ni pathum lah chu an thawhna a rei tawh tih hriat lutuk in an harh tha hlawm tawh khawp ,kei ve ka la ham ka la ham thung.





Rinengi chuan a thil kan chawh mawlh mawlh pah in " In neitupa ber hian a phallo tlat a lawm naw le "ti in Simona dawhkan bul a ding a, laptop khawih mek chu a melh zeuh





" Nupui a tan i tlak dawn loh tawp mai ,thawh i hre lo e mai "Muanpuia'n a lo tih zawm zat chuan ,ner khum nang in " Ka pasal tur i ni lo hi ka lawm a sin , i tawngthei si ,i thawveng bawk si, dawt phuahchawp i thiam si"ka tih chiam chuan a thianpa lam chu hawi vut in





"Ka thiana , nupui a tan hian ka duh dawn ta lo tlat mai che " ham ham hian a, Simona lah chu min rawn en in a nuih ruh ruh duh lek chauh ...







Tukthuan kan ei zawh in chhuak tur in kan in siam zawm nghal a ,Simona erawh office tur in a chhuak tawh thung .



.



Auto la in bazar lun lam kan pan a , thil man tlawm si a ,mamawh lo pui pui pawh lei mai a awlsam khawp ang .





Kan thil hawn theih tur leh kan awh zawng te chu kan lei hnem hlawm khawp, a mipa ber hian a lei hnem ber ang.





Kar leh lam mai a chhoh tum kan ni bawk nen , kan hman hlawm bawk a , nitin deuh thaw kan leng khaw thawng a, hmun nuam leh chhinchhiah tlak tak tak hmun kan tlawh kual hnem hman khawp mai.





"In khua a i let leh hun chuan, di hlui zun ngaih a na thar leh in nia ka lo rin" min fiam deuh ti tih ,thutak tel ru ran chungin Simona'n a ti zuk zuk a





"I ngaihtuah ho ve sia, chutiang lam ka rilru ah awm lo "





"A nih leh eng lam nge awm" ti leh in min nuih ruh ruh, a chang hi chuan a uang ve thei khawp .Thu ho deuh deuh hmang a min tih thinrim te te hnu a duat tak a min thlem hi nuam a ti thin





Ka thinlung zawng zawng hi a lam ah hian pe thei ila ka ti thin, ka tan innghahna tlak tak mipa nghet tak a ni a, ka khawhar chang leh lungngaih chang lah in min ning mai lo in zawldawh tak leh hriatthiamna nen min thlamuan in min hnem thin.





"Thil tam tak ka ngaihtuah , mahse i hriat ve chi a ni lo thung a " amah melh ralh chung a ka tih chuan a nui huk a, ka biang ah a rawn piai pah kher bawk





Kar lo ah mizoram a let kan tum ni a rawn her chhuak a , Simona'n min ngaih tur thu sawi ngun viau mahse, keini pathum lah chu mizoram a let chu phur tak te in kan phur tawh thung .





Khaw hran theuh kan nih avang in inhmuh leh mai chu a harsa tawh dawn ,Rinengi phei hi chu kan khua leh an khua chu chhim leh hmar ang vel a in hlat a ni a .





Muanpuia nen erawh khaw thenawm mai kan ni bawk a , in hmuh mai chu a harsat ka ring lo thung .





Simona pawn "Ka rawn chhoh theih veleh , in khaw lam ah ka rawn zin ang " ti in min thlah thlap a , amah te a awm tur chu ka khawngaih ve khawp mai ...





Simona te hi chu aizawl a awm nghet an ni a , a ma sawi dan in Kulikawn lam ah a nu leh a unau te nen an khawsa tlang thin a, a pi leh pu in an la dam pui bawk.





Simona'n an airport thleng min thlah thlap a a ,chu mi hnu ah hna kal tur in a tlang zawm leh nghal.







"In khua ah in awm tawh dawn avang in biak theih loh te khan awm kher lo ula , ka ngaih chang a piang che u in ka rawn be buai ziah dawn che u "Rinengin in a ti a ,bu nghat nghat in ka kuah vang vang .





Thil eng kim ka hrilh ngam na awmchhun a ni a ,mal tak a ka awm lai a min hnem a, thiam lo tak chung a min fuih kal tu te zing a mi a ni , ka hringnun thawnthu ah hian eng tik ah mah a hming hi thai chhiat theih a ni tawh lo ang .





Kan thlawh chhuah hun tur a la thlen loh avang in , airport piah dawr ah thil te kan va ei leh te te hnu in kan thlawk chhuak ve ta chauh.





Rinengi a chuang fuh vak lo a, a luak chhuah thu sawi leh thin in , a thu zawi hniang reng a,a khawngaih thlak tak tak a ni.





Tluang tak in Lengpui airport kan thleng a,Mizoram leilung ngei kan rap leh thei chu kim hliah hliah in ka in hria,







A lo rei ta hle mai , hma lam um a hlawhtlinna chan ngei tum a he lai hmun ka chhuah san lai te kha mitthla ah chiang tak in a rawn lang a, Mi te ang in ropui deuh in let leh lo mah ila ,ka theih tawk leh phak tawk ah hlawhtling tak in ka let chuan ka in hria .









Kan chhung ten min lo hmuak thap hlawm, ka nu leh ka naute pahnih ka han hmuh chuan insum hman lo lek in ka mittui a tla zung zung , thinlung kil khat ah hian ka pa awm ve a ,min lo hmuah ve rinna mak tak ka nei a, mahse chu erawh thil thleng thei lo tur a ni si ....







Ka nu hmel chu ka rinai in ka hmu tha a , kan inhmuh tawp ber ai khan a lo thau deuh bawk a ,sawi hmaih theih miah lo ka naute pahnih pawh chu an lo lian in an lo tleirawl chhuak ve tak zet tawh .Duata phei chu kei ai a sang daih tawh zawk a, naupang en a ka la en viau chung in a in la tleirawl tawh khawp mai.







" Mate , i chau em , taxi kan rawn hmang a ,in hlang fel ila kan kal dawn a nia "ka ni chuan min rawn kuah in a ti zung zung , Peki pawh in ka kut ah min lo kai vat bawk ,hei pawh a lo nula tawh tak zet .





" Ni ,ka thian te saw ka va thlah ve phawt ang nge aw"ti in Rinengi leh a nu te lo awm na lam chu ka pan phei a, an kiang ah Muanpuia te chhungkua an lo awm ve bawk .





A nu bul ah chuan min in hmelhriat tir in,phur deuh in min fak zung zung a, a zahthlak lek lek a ni .







"Rinengi thiannu maw i nih , i chanchin hi min rawn hrilh awl lo a sin ,a rawn fak thei khawp che, kan fanu i lo kai hruai in, a lungleng te i lo hnem thin a kan lawm khawp a nia "a nu chuan min chibai in a ti malh malh ,a fanu ang chiah in a ni pawh hi mi rilru tha tak a ni tih a hriat theih ..







Rinengi te nen kan inthlah fel hnu in,Muanpuia te chu an khaw lam an pan chho nghal dawn nge dawn lo te ka zawt luam bawk, a chhungte chu an mahni motor a rawn kal an nih vang a zawt ka ni.





Naktuk lam a chhoh an tum zawk thu a min chhang in, kan inthlah liam veleh a ..





Ti hian ,inhmuh leh theih hun nghak hlel tak leh in ngai tak chung si in mahni tuanna mual ah theuh 'damtakin'ti a inthlah liam chung in kan inthen darh a lo ngai dawn ta







Mihring nun hi chu a kal liam zung zung a,mi tamtak in hringnun hoh zia sawi mahs se , a ropui em em thung si.





Hla phuahtu pawh in ''Then na ram khawvel " a lo tih ang in , hmun hran hran ,tlang hran hran ah hmalam hun suang tuah chung in ke pen chhuak in ,kan inhmuh leh theih hun tur thlir chungin kan inthlah liam ta a ni.







Ka ni te in kan thleng a , thut khaw muan hnu ah ka thil hawn ho chu kan hawng a , Duata ta tur a ka hawn sak pheikhawk nalh leh to zet chu lei a inchhir awm loh khawp , ha hip in nalh a tih zia leh a duh thu a sawi reng mai....







Midang pawh ka thil hawn sak chu an lawm thiam hlawm khawp a, an hlim hmel leh lungawi hmel tluk a hmuh nuam hi a awm chuan bik ka ring lo.







Ka chauh deuh avang in ka mutsan ta rih a , aizawl kan han thleng leh ta chu mumang a ang rum rum mai a lawm ,





Goa ka kal hma a Rinsawma nen kan len chhuah dun lai te chu tun a ka hun tawn mek ang mai in mitthla ah a lo lang zut zut a , ngaihzawng ka nei tih inhre reng mah ila ka ngaihtuah lo thei si lo .





Ka ni te in kawt thleng min thlah thlap hnu ah ngaihngam tak in kan inthlah liam kha a nia , mahse tun ah erawh engkim chu a dang zo tawh si .





Kan inthen atang kum khat mai pawh ni lo , kum khat chuang fe a ral tawh ,ka hmangaih na pawh in kiam lam a pan tawh bawk ,mahse eng emaw chang a ngaihtuah chhuah leh zeuh erawh ka la bansan thei lo zawng a ni.









Zanriah ei dawn ah min rawn kai harh ta chauh a , pa Bda pawh a lo haw daih tawh hi a lo ni, min hmuh chuan "e,ram dang a awm i ngeih hle mai , i thau sawt sawt mai a lawm " a lo ti ve hlut ..







Ka phone rawn ri chu la vat in Simona hming ka hmuh rual in kan thlen tawh thu ka hrilh lo tih ka hre chhuak nghal , engtin nge ka theihnghilh theih zawk ni ,a zia lo tak zet







"Ka tihpalh ,ka chau deuh nen ka lo mu hil tlang nghal daih a " ka ti nghal zung zung a , thinrim ah rawn lak mai ka hlau a ni .





Min hrethiam tak in "a pawi lo ,i chauh ka ring sa hrim hrim a, thlawhna chuan hi chu ngai ah i nei thei dawn lo a nih hi " a rawn ti dam thluam a, motor rui ngai miah si lo hian thlawhna ka chuan hi chuan ka ni muai thin , rui phei chu ka in ti duh chuang lo .





"In ka haw chu a lo reh ta thiap nen , ka awm thiam lo lek lek " lunglen hmel zet in a rawn tih zawm zat ,kan awm ve lai kha chuan a hna bang a rawm haw hi chuan kan lo ri nuai nuai thin kha a nia .





"Min ngai hlawm a ni maw "





"Ngai hlawm khawp mai che u , a bik in nang mah " a rawn ti thluk duai , ka sawi tawh kha a ni bak a tha hi chu an awm theih ka ring tawh lo ka thinlung tak hian pawh in ,a hnen ah in tu lut thei ila ka thin ...Mahse ka thinlung hi duh duh a ka thunun theih a ni tlat si lo.







Rei tak kan in be lo a , mi rilru le lo ang mai in ka bialpa lo zawk midang in min rawn chen chilh leh tur chu duh lo in ka chhungte awm na lam ah chuan ka phei ta vat .





"In sa tha lo in helam ah rawn in beng bel ve mai ula ka tih nen , thingtlang lam ai chuan helam ah eizawnna tur a tam zawk a,zirna ah lah ni se a tha zawk bawk " ka ni chuan a lo ti barh barh , ka nu erawh in chhang lo in a nuih liam pui mai thung







Ka ni sawi pawh chu a dik khawp mai , ka nau te an lo lian zel a nga , an zirna lam ah pawh hma an sawn chhoh zel te a nih chuan aizawl lam a awm thlak vat an la ngai thuai dawn tih chu chiang sa a ni , kan khaw lam ah chuan higher ai a sang a la awm tlat si lo.Chu tiang a nih rual chuan ka nu hi chuan kan khua hi chu a chhuahsan thei dawn lo tih ka chiang a, ka pa thlan nghah na a lo ni bawk nen , aizawl lam a awm thlak phei chu a duh ka ring lo hul hual , chungte avang chuan a bul ah pawh ka sawi lang duh lo hrim hrim a ,rilru buai deuh a awm tir kha ka duh lo a ni.







"Mate, dawr chu siam ve ila I pa Bda pawn min phur pui teh a nia " ka nu bul te a ka thut thlak rual in a rawn ti leh , a thil vei zawng leh chak zawng hi chu a tih hlawhtlin hma hi chuan a vei et et reng mai thin .





"Ka lo inngaihtuah dawn nia " tih bak chhan na pek dan tur ka thiam hrih lo .Ka nu hi pangngai tak a a bul a sawi a ,thurawn lak ve phawt te ka duh .





Pindan awl ah ka nu leh Peki te nen kan mu dawn a , Duata erawh thuthleng sei a chuh thung .





Phone games buaipui hunlai a ni bawk a , ka nu phone hi Peki nen hian an in chuh deuh thin ni awm tak a ni ,ka awm ve hnu ah erawh ka phone chu a ta neih ta bur mai a,zan mut na ah pawh a man a kawl mai thin , Simona'n min rawn biak chang phei hi chuan a lo ning ve em em mai thin a ni .





Kan lo upa deuh ta a niang , tleirawl ang mai a whatsapp a inbiak reng te kha kan ti ngai lutuk tawh lo ,mahse in be ngai lo tawp chu kan ni bik chuang lo a tlangpuiin ,phone call hian kan in be tawp mai zel , chhun lam ah hna a thawh thin a vang hian biak buai hman a ni lo hrim hrim bawk a.







Chhuat ah mutna chu phah in ka nu chu a lai ah a mu a, Peki erawh a muhil tawh thung , kan khaw lam ai in aizawl lam hi nuam a tih thu a sawi leh zeuh zeuh thin, Duata erawh in khaw lam a ngaih tawh thu a sawi awl lo thung.







"I thian te nen in in be ngai lo nge , i rawn haw tur thu ka hrilh khan ,an bangbo dun khawp a ,i lo hrilh hriat daih tawh zawk ka ring a " ka nu thil sawi chuan ka beng a verh zar mai ,an number ka nei tawh lo ka tih kha , ka lak a an lungawi tlat loh avang a va be buai lo kha ka ni bawk ,a dang leh ah chuan ka rilru natna te hrethiam duh lo a , Rinsawma lam an tang tlat kha ka lawm loh vang pawh a ni tel tho bawk .







A mi zawhna chu chhang lo in "an rawn leng ngai em " tih ka zawt ta daih , rinloh tak in ka nu chuan an rawn tlawh zeuh zeuh thin thu a sawi mai a .Ka rilru a hahdam huai phei chu ka hre chuang lo.







Rinsawma chungchang leh a awm chhoh dan hre chak viau mah ila ka zawt duh lo a , hriat ka ngaih na chhan tur lah a awm hek lo .





Ka ni in khaw lam a la chhoh mai a phal lo a, Ka nu in Pa Bda lak a inthlahrun awm zia te chu sawi ve mahse , a rilru a sawh sawn duh chuang lo,Pa Bda lah in awm ve reng hrih tur in min ti bawk nen ,kar khat zet kan cham belh leh hnu in kan chho thei ta chauh







Ka ni leh Peki phei chu an awm dun chawt kha a ni mai a , khawi ah chhuak dawn se an in zui dun rial thin , Peki chu la cham tir hrih tur in ka ni in ka nu bul ah a sawi na chu, sikul an luh hnaih tawh a vang in a phal lo ta thung a .







Kan khaw sumo counter lam chu taxi in dar 12 vel ah kan pan phei a , ,ka ni pawh in counter thleng min rawn thlah leh thlap , kan khaw mi haw chho tur an lo awm ve nuk bawk.







Dar 1 ah kan khaw lam pan in kan chhuak ta a , ka pian ka seilenna , ka hringnun a ka hlim na ber leh hun chhinchhiah thlak tak tak ka tawn na thin hmun ah ngei chuan kum 6 hnu ah ka let leh dawn chu a ni a, Ka zam ve tak zet .







Kawng lak ah kan chawlh zeuh bak chu kan chawl lo a , Pekin motor a rui deuh a ,midang erawh kan chuang nuam viau.







Kan in sak that hma ah chuan ka ding ta vang , rawng te pawh an lo hnawih thar diam tawh hi a lo ni, a lang mawi ka ti tak zet a , a kawt ah chuan pangpar a in hung fir fer bawk nen hmuh a nuam zual tak zet bawk. A chhunglam erawh a la ruak viau , la chei that loh a ni bawk nen bungrua tih tham a la awm lo .







Thenawm hnai vai ho an rawn leng lut nak nak hlawm a , naupang ho in mak ti hmel zet leh min hriat ngai loh melh tak a min melh hlawm chu ka nuih a za deuh a ,khua ka chhuah san kha chuan an la te sip sep hlawm em a , min hre lo chu a awm tho mai







Chatuan sweet leh thil dang kan lei chu kan pe hlawm a , an lawm hlawm ngang mai .







"Mate ,kal leh te i tum em , awi ,ihmel a tha zual sawt a nih hi , sap nula te pawh i ang a lawm " kan thenawm nu Nu Rovi'n a rawn tih chuan awm ang lo ti lutuk in "Nu Rovi chu a, sap nula an ngawt thu awm lo , i ti zahthlak ''ti in ka nui hak hak , ka kal leh kal leh loh tur thu ah erawh ka la hriat chian loh thu in ka chhang thung ..





Ka thiante min lawm tur a an lo kal beiseina sang tak ka nei a , mahse an ni erawh zan kan mut hnu thleng pawh in thawm an rawn nei ta lo thung .







Ka phone ka tih bo a ,phone thar leh sim thar ka hman vek tak hnu te khan an lak ah thinrim lo in an number ka nu dil tir in ,lo be tha ta hle hle ila , kan thian inkar pawh hi a chhe lo mai tur tih tlai khawhnu ah ngaihdan ka nei thar leh , mahse a hun lai khan a harsa em a , ka natna tawrh in min hneh bawk nen,biak loh a ka tlak ta tawp kha a nia.







Pawn chhuah a dawr ka kal te hian min be tu neuh neuh ka tawng zut reng a , a tlang puiin ka haw chhoh ni min zawt leh, ka kal leh hun tur min zawt an ni tlang pui vek .







Thenkhat erawh in Prakasha nen a kan thlalak an hmu ve tih hriat tak a , min melh hrek hrek tawk lah bo lo , kum ve a fei tawh chung pawh hian mi te chhiat na lai leh an tih sual thil te hi chu theihnghilh a lo har a nia nge.







Thil tha kan tih chuan kan tih lai in min fak hluah a , tu man an hre zawm tak tak ngai lo , hmingchhiat na leh kan thil tihsual te erawh dam chhunga hriat sak reng kan ni tawh thin.







Pawn ka chhuak hi hlauh nei ang mai hian ka rilru hi a thlamuang ngai lo , kawng lak ah Rinsawma ka hmu thut mai ang tih ka hlau thei khawp .





Zikpuii erawh ka hmu tawh a , biak tum a a lam ka pan lai in min nuih suk a,a hnu ah an in pan na lam ah a let leh ta daih , an in a va kal a biak zawm erawh ka tum lui duh ta bik lo.





Min be duh lo ni in ka hria a,a tak ah ,hmaichhan ah ngei han tawn meuh chuan rilru chu a na ve veng veng mai.





Chawlhni chu inkhawm tur in ka in siam ve a ,kawr dum design nalh zet mai chu ha in ,puan rawng lar lam pang a zeh mawi ka tih deuh chu ka bih bawk , ka kawr dum hak chuan min kap eng ve khawp in ka hre bawk.





Lawng a kan thawh lai khan pheikhawk sang lam kan bun vek thin a vang khan ,ngai ah ka nei deuh tawh a ,keimah ka sang e ti lo hian pencil heel sang zet te hi bun nuam ka ti tawh zawk a, inrintawkna tam tak min pek belh ni in ka hre thin .







"I va in bun sang ve ,i kal pui thei ang maw" ka nu chuan pindan atang a ka insiam zo ka chhuak chu a lo ti a , bu nghut in kal pui theih tur thu a ka chhan hnu ah kan inzui chhuak a,tun a ka bun tak hi chu sang tih hluak tur a ni lo keimah ka lo sang sa nen a hmu sang vel mai mai ni in ka hria .







A hma in ka thiante pahnih rawn lang lo lo kha mak a tih thu a sawi tawh a , zep leh chuan ngai a ka hriat loh avangin kimchang lo deuh in a thuak thuak ka hrilh ve ta ngawt kha a nia ,min hrethiam viau na chung in keima thiamlohna chen a awm thu min hrilh tel in, min fuih mawlh mawlh ta kha a nia .







Kum lam ah puitling ni tawh mah ila , nu te kiang ah hi chuan puitlin tak tak hi chu a lo har a ni ,nu duatna te hi ka la thla hlel khawp mai a , a kiang ah awm nuam ka ti in, ka bul a a awm chuan ka thlamuang thin







Kawng ah min lo be khawmuang tu kan tawk leh thin nen , kal a sawt mawh khawp , Khua ah awm lohna a rei tawh nen mikhual ta duk bik a in hriat a awl khawp .





Kan khua a kan han awm ta chu ,thil danglam tam tak hmuh thar tur leh hriat belh tur a awm a, thil engkim chuan hma a sawn tih hai rual a ni lo.





Ka hmelhriat tha thenkhat phei chuan nupui pasal an nei fur tawh .Khawlai a an fa te kai chung a an leng hmuh hi chuan nula naupang tak kan ni tawh bik lo tih a hriat theih viau awm e





Rinsawma te in kan pel chiah chu ka in rin hma hauh in ka thlir let leh thuak a, eng tak nge hmuh ka beisei phei chu ka hre lo , ka tello a a hlim a nih chuan ,a tello a ka hlim ve theih zia tluk a hmuh tir chak ka nei lo .







Nula len ah chuan ka thu a,ka bul a rawn thu ho pawh ka hmelhriat te an ni hlawm a,a zia phian , midang tam zawk erawh hriat loh ka nei nual tawh ,kan khua a rawn awm thar an ni nuk hlawm a ,a then te erawh an nu leh pa te hnathawh avang a rawn pem ta te an ni bawk .





Kan kohhran Pastor pawh a lo dang tawh a , a hma mi ang lo tak in kum upa lam tawh a ni a , ka nu in a sawi dan chuan fa pawh pa li lai an nei ni awm a ni , pa hnih zirna avang in aizawl lam ah an awm a , pahnih erawh he lam ah an awm ve thung.







Kan inkhawm bang, chhak lam thingkung hnuai ah ka nu ka lo nghak a,chutih lai chuan kan piah a mipa aw in Zikpuii leh Hmingi a ko ri chu ka hria a, a ko tu aw lah chu ka tan hai theih a ni lo.







Ka hawi phei vat a,a ni pawh ka lam a rawn hawi , min en vung vung hnu ah a hawi sawn ve leh mai ,a hma zawng ai in a hmel pawh a lo lang fiah zual tawh a, a ngo deuh hlek tawh bawk , a hma ai erawh in a cher deuh em ni aw tih theih a ni thung, chu zawng ai a mak ka tih chu zak zeh tiang , kal lam a harsatna nei ten an hmang thin ang a hmang chu a ni ,ka insum thei thlawt lo in ka hawi phei leh a, ka thian te pahnih leh Chhana an awm a , an zing a hmeichhe hmeltha zet awm tel ve chuan Rinsawma chu a ban ah a kuah hnap bawk .







Midang ho chuan min rawn hmu ve em ka hre lo a , an nui ho dial dial leh , an hlim nui ri chu ka beng ah a cham a , an kiang a awm a ,an hlimna ,lawm na tawmpui thin kha tun ah chuan an lak atang mihrang ka ni ta mai si a







A mawi tal a tu emaw ber pawh in an zing a kal ve tur a min sawm lo chu ka thinlung chhungril ah na ka ti ru tak zet a ,an mahni va pawh tur in huaisenna chhete mah ka nei hek lo.





Rinsawma'n nupui a nei leh dawn lo ti a ka thiante pahnihi'min rawn hrilh chu a dik a nih ka ring deuh tan a, a hmel ka hmuh leh chiah a ka rilru a thil lo awm erawh chu ka duh lo ,







"Inthunun rawh , bialpa nangmah hrethiam em em tu leh hmangaih em em tu che i nei a , a ni saw chuan eng a tan mah a ti lo che , i rilru ti paukhauh tlat rawh ,hmeichhe chak tah i nih kha" ti in ka in fuih ru mawlh mawlh .









Ka nu lo chhuah ve leh in lam pan in kan haw dun nghal ,ka thil tawn ho te khan min hmet chau zo vek thei in ka hria .



Haw lam ah ka nu ka zawt chiang a ,ka thiante zing a tel ve nula hmeltha zet kha tun a kan pastor fanu a lo ni a .





Simona nen kan inbia a, ka inkhawm thu te sawi in , a ni pawn a thil tih a rawn sawi ve zung zung bawk ,





''Chawlh ka lak tur kha sawn hlat leh a ngaih hmel , "lungnih loh hmel zet in a rawn ti hluk a , kar thar lam ah chuan mizoram lei lung a rawn rap ve tawh ang chu tih nak lai a .







" Hna a rawn in thuah khawm tup tup a , sumdawng dang te nen thawh ho na thuthlung an ziak leh hnuhnawh bawk nen ,chin fel ngai thil a tam khawp"a rawn tih zawm leh hawk , ka khawngaih ang reng , he lam a rawn chhoh te a phur ve tawh teh reng nen







Mihring lo remruat lawk sa thil te hi chu eng mah lo mai ah a chang leh thin zawng a nih hi







Han hnem vak dan ka hre lo ,chutiang ang chu ka lak atang in a phut ka ring hek lo , kan inngaihzawnna ah hi chuan amah hi a pe chhuak tu a ni char char char a , kei in lawm tak in ka lo dawng mai thin , .





Midang te inlaichinna ang hi kan pha ve lo tih chu kan hrethiam ve ve , mahse amah zawk hian a hrethiam lo lui tlat a , midang te ang a thuk tak a inlaichinna kan siam theih nan tan a khawh tlat thin.





Mahse, awmzia vak a la awm thei rih lo thung, chu pawh keimah vang in.Amah lam ah chuan engkim a inpeih fel sa vek tawh a ,kei in ka la thei ve lo thung.


Show post links
Top

[Ngaia]

HLUSANGZUALI







CHAPTER -17







Biakin kawt a kan inhmuh bak kha chu Rinsawm te ho nen pawh kan in hmu leh tawh lo , nitin in chhung chei in ka buai thin a , pawn a han chhhuah a ,len thawven na hun pawh ka nei mang ta meuh lo.







Ka nu pawh a dan ngai te in a chawhmeh huan lam ah a liam thla tuk tin a, in a awm mi mai tur a tih lah hian ,a peihloh thu sawi in a kal leh nge nge thin , dan hleihtheih pawh a ni lo





Ka nau te lah sikul an kal a ,mahni te a in a awm chu lehlam kawng zawng tak chuan a khawhar thlak thei khawp mai.





Thenawm mai a awm kan KTP leader U Sanga a rawn leng lut zeuh zeuh thin a, hla zir na a tel tur ten min rawn sawm thin , KTP lam a inhman ka la phur tehchiam loh avang in a sawmna erawh ka la tih hlawhtlin saklo thung.





Ka rilru ah Rinsawma awm reng a ,a ke kha engvang a na nge tih chu ka ngaihtuah na luah ber thil a ni bawk,







Zan khat chu rinloh deuh in Rinsawma, Hmingi leh ka hmelhriat te ho kohhran a inhmang tak tak pathum an rawn leng lut a , an rawn lang teh thut chu ka hamhaih lutuk a lo biak na chang pawh hre lo in bangbo deuh in ka lo en reng ,ka nu zawk in a lo be ta hlauh a .





A hnu ah erawh an rawn kal chhan te an sawi a KTP member tlawhchhuah programe an nei hi a lo ni ,an ni chauh lo pawh veng dang dang ah inthen darh in an kal hlawm a.





"Mate, hla te rawn zir ve la ti raw , he lam a i awm lai lai in , nang phei chu sawm ngai a kan ruat pawh i ni tawh lo a nia , " U Hmuna chuan nui suk suk in a ti a , ka nui ve ta ringawt keipawh naupang te emaw in tihlai hian nula senior rim kan nam tan tlat tawh .







"Naktuk zan atang hla kan zir dawn a ,theihnghilh lo in rawn kal chu tum ngei ngei rawh " Rinsawma chu ka melh vat , a ni pawn min melh ve reng , mahse kan inkawp thin lai ang a a mitmeng ah min duh na lang thin kha hmuh tur a awm tawh lo thian satliah en in ni min en.





Kei erawh ka zam ru em em a, tiang a hnai a a mah ka hmu leh thei te hi mak ka ti in ,ka taksa a ti chawmawl zo thei tak ngial dawn.





A hma a ka lo hmuh tawh ang bawk in ,tiang a la hawl a ,a kal bai deuh bawk , a chhan hre chak viau mah ila zawh ngawt chi lah a ni si lo .





Rei thu khawmuang lo in an chhuak leh vat a , Hmingi pawn tha deuh in min be ve tawh mahse a hma a kan inkawm leh biak thin dan nen erawh danglam tak a ni .

.



Phur tak a kan khua a haw hun ka suangtuah nasa thin ,mahse ka suangtuah dan loh hlir in thil a thleng a , kan khua ngei pawh nuam tih na ka nei pawn ka hre tawh lo .Thian ka nei lo a , nun ti hlim tu tur thil engmah ka tawng hek lo , ka thian te nen hlim tak leh tha tak in inkawm thei ni ila chu a danglam deuh mah na .





Thian neih loh hrehawm zia ka hrechhuak thar a, an ni tello kha chuan hlim na tur ka van a, nunhlui koh kir theih tawh lo ngai in ka rum vawng vawng zawng a nih hi .







Ka ni in min rawn biak lah hian aizawl lam a chhuk a , dawr chungchang buaipui tan tawh tur hian min rawn sawm awl lo a, chhuanlam fahrah te te siam in ka la chhuk lo chu a nia .







Kar thar kan chuang kai leh tawh a , Simona pawh aizawl ah a awm vang tawh , a remchang veleh kan khaw lam a rawn zin chhoh a tum ruh viau , inngaizawng ni si hian biahthu thlum deuh deuh te hi kan in fah ngai loh chu thu hran , thian biak hian kan in be liam mai thin .





Hlazir na ah pawh ka kal ve ta zeuh zeuh a, a tir chuan nuam ka ti chiah lo ,keimah hi ka inthlahrung duk a, mahni ai a nau ni hlawm fur mahse ka ti deuh duk a ,mahse vawi hnih vawi thum kan tel ve tak chin ah erawh ka tlangnel leh tawh khawp .





Ka thiante pahnih nen pawn tha deuh in kan inbe leh tawh a ,kan inkawm tak tak thin lai erawh kan la pha lo viau thung . Pastor fanu Doroi pawh an zing ah a tel tam in kei nen pawh kan in kawm ve zeuh zeuh thin , a fel in a tawng duh a ,a bul a awm a hahdam thlak bawk.









Rinsawma nen pawh kan in hmu leh ta zeuh zeuh , a hma a kam inkar a tih tawp chhan te leh nupui nei tur ang mai a thu a chhak chhuah chhan te kha zawh fiah a , hriat chian ka chak thin,mahse hria pawh ni ila sawt na tur thil a awm tawh loh avang in mahni in tih mualpho a in dah hniam leh ai chuan ngawih bo pui mai ka thlang ta zawk.







Khua a a awm tawp dan ah BD kha a zir zawm ta lo tawp tih a rin thiam theih mai a , mahse a ni chu lehkha thiam a ni bawk a , kohhran sikul ah principal in a awm vang tawh .







Mi tu te pawh in Doroi nen an fiam leh zawk thin avang hian an in kar ah eng emaw tak chu a awm ni in a lang.







Ka ni pawh ka be fel ta a , a ruahman ang in dawr siam chu rem ka ti ve ta nge nge , buaina pakhat erawh , eng dawr ber nge kan hawn tak ang tih chu rilru sen fe a ngai a ,ka ni chuan pheikhawk dawr lam a awn deuh a, kei erawh ka phur hran lo thung .A hnu ah erawh thawmhnaw dawr hawn chu kan ti tlu ta a, a to lam ngawr ai chuan ,tlawm si ,tha si lam zawrh chu kan tum rilru ve ta ran.







Dawr luah tur lam kha chu ka ni kut ah ka dah deuh tawp a , a hmuh hma chu helam ah ka la awm ve thei dawn tihna a ni mai a.





Bial zaipawl ho thingpui lum sak tur in min ruat a, thingpui te kan pek fel vek tawh hnu ah tih tur dang a awm tawh lo nen , hall hnunglam ah ding in arsi eng tak te chu huhnawm ti zet in ka en kual a.





"I lung a leng a ni maw " ka hawi let nghal vat ,Rinsawma chu ka din na bul ah lo ding in , thla eng zet leh arsi pe un lam chu a hawi chho .





"I lo danglam ta hle mai " ka melh ralh , nui suk in "a tha zawng in a nia ka tih " a rawn ti zawm zat , pangngai tak a awm ka tum ve pawh in a harsa lam hret chu a ni.





"Mihring te chu kan hun hman liam a zir zel hian kan inthlak danglam mai thin a lawm " ka thusawi phen a amah ka dem telna chu a hriat thiam ngei ka ring , hrilhhai tak a min siam lai te, nupui nei mai tawh tur ang a a awm lai te , ka rilru natna zawng zawng te khan min rawn chenchilh thar leh emaw tih mai tur a ni a, ka duh lo viau mai.







Kan inkar thu sawi chhuak eng ang mah ila a hma ang in kan awm thei tawhdawn lo tih hrechiang tu ni mah ila , ka rilru dam famkim nan tal chuan thudik hriat ve phu in ka in hre leh ta zawk si a.







"Ni e tiraw , ka hunkal tawh a let leh thei in ,siam tha leh thei ni ila , ka ngaihdan atthlak zet hmang a thuthlukna ka siam avang a buaina lo awm zawng zawng hi ti bo tur in , kha thutlukna kha ka siam nawn tawh miah lo ang " eng nge a sawi tum ka man thiam lo a, zawh chian lah ka tum hek lo.





Lunglen hmel deuh a van lam a thlir vung vung chu ka melh reng a , kan hunlo hman dun tawh tam tak te kha chiang zet in an rawn lang zut zut a , dan ngai te bawk in khawharna leh mahni inkhawngaihna in min rawn chenchilh chawp chilh leh nghal





Kum tam liam tawh hnu ah pawh kan pahnih a kan thil tih te theihnghilh lo a, mitthla ah chiang tak a a la cham reng thei chuan min ti thinrim in nep ka in ti takzet.





Mahse ,ka la hmangaih reng vang erawh a ni lo thung .







A rawn chet tak ah chuan ka hawi sawn ta vat zawh tur tam tak nei si in , bul han tan dan mai tur ka hre tlat lo, amah bawk chu rawn tawng chhuak leh in"mipa kawp lai i nei tih ka hria a , ka lawmpui hle mai che , eng tik ah nge tih huk lam te kan hnaih ve ang "then suk in ka mit ah min melh run a







Eng tin nge a hriat tih lam ai chuan ka chhan dan tur chuan ka rilru a ti buai zawk.





" A la hla ang "ti liam puat in " nang zawk le "ka ti let ta daih , kan inkar boruak tang at chu a hriat thiam ve tho ka ring .





Chal chuar nang a min melh in " kan ti huk thei tep tawh ang , hma ka la tha leh mek "a ti mai a , a ni ang a pangngai tak a awm a , nun bul thar tan that leh a , min ngaipawimawh miah lo tu te leh min ngaihsak miah lo tu te hi hriatchhuah tawh lo a , thlamuang tak a nun tluk a chak ka nei kher awm lo e.







" Kal leh te i tum em , nge ni i kal tawh dawn lo zawk "ti a min zawh na chu tha deuh in kal ka inrin tawh loh thu in ka chhang mai a , a hmel rawn eng ta sawt chu a chhan ka hre thiam pha leh tawh lo reng reng .





Kan awmna bul ah light a in vuah fer fur avang in kohhran choka lam atang pawn kan lang thei vek a , mi dang in min rawn hmuh chuan ngaihdan maksak zet an nei mai ang tih hlau in choka lam ah huan ka phei san ta daih .







Ka haw hnu in Simona ka bia a , zan a rei tawh tawh nen rei pawh a in ring hma in a rawn chhang nghal vat ,ka phone hun a lo chang reng emaw tih mai tur a ni .







" Min ngaih ve deuh theih nan hian eng damdawi nge ka pek ang che le "a rawn ti fiamthu nghal , mipa dang ang chu ni se ka lak ah hian a thinrim fo in nia ka rin ,







" Ka ngaih leh ngaih loh che pawh i hria em ni , i va rawn confi ve "ti in ka lo fiam let daih a , tiang a ka fiam zeuh zeuh te , a hnen ah in hawng tak chung a ka harsatna ka hrilh te hian a lawm viau thin in, theihpa tawp in min hnem dan a zawng ve thin.







" Ka rawn biak pawh hmasak loh che chuan , i reh reng thin ,be hmasa tu nih hi mipa tih tur chauh a ni bik lo a nia "a rawn ti kher chu ka nui ta hak.







" Thil dang ti hman lek lo in ka rawn be buai thin tawh dawn che a nia "ka ti var a ,nidang ang bawk in kan in be rei lo , sawi tur hi a vang thei khawp.





" I bialpa i la bia a ni maw , i la muhil lo tlat "beisei loh deuh hnen atang a ka message dawng chu ka chhiar ka chhiar nawn .





Hla ka zir a, kohhran lam a ka inhman leh hnu atang khan Hmingi te nen pawh kan inkawm tam telh telh a ,an ni ka kawm chuan Rinsawma hi a tel lo thei lo , ka phone ka tih bo hnu ah an no kha a bo vek kha a ni a , mahsele tun ah chuan phone no te in pe tawn leh in, kan in save leh diam tawh thung.





" Nang pawh ,i la muhil bik hlei nem , a changtunu i la be vel mek a ni maw "ti in ka chhang let , a rawn seen rang hrep leh nghal.





Thian ang a min biak luih tlat thin avang hian a eng ah mah hma a a chung a lo thinrim ve ngawt dik in ka hre si lo ,hun liam tawh chu hun liam tawh a nihna ang in huatna pai tel tawh lo a tha tak a liam tir mai ka duh tawh avang in thian ang a inbiak mai chu kei pawh in harsat ah ka la tawh bik lo





" Be vel mek "a rawn ti mai a , a rawn insawithei nge , ka lak ah eng rilru mah a pu tawh lo tih min rawn hriattir a tum tih pawh ka hrethiam lo !!!A, buai lo phawt teng ,ka lo buai chiam na tur lah a ni hek lo.





Ka chhang let ta lo ,mahse rei fe hnu ah " Hma lam hun dawn tel ran chungin , hmangaihna dai tawh chhawm nun that leh tum in ka bei leh dawn a , lo in hawng viau rawh , muttui "tih hi a rawn thawn a , min ti bangbo viau .







A chhan pawh a thil rawn sawi hi ka man thiam chiah lo , ka ngaihtuaj kual viau hnu ah Doroi a rawn sawi na ah ka ngai nghet hmiah a ," Lo in hawng viau rawh "min rawn ti teh daih erawh eng rilru pu a rawn sawi nge maw a nih ang le .







Kan in chhung pawh a ruak huai ta lo , bungrua theih ang tawk tawk a tha te lei in ,kan dah nel nual tawh a , venglai a mistiri thiam zet Pa Rosanga bungbel rem na tur kan siam tir bawk a, a siam zawh a kan hun theih hun ah phei chuan a phui sui sawt ngei ang.







" In va reh ,kan lo leng ''Zikpuii leh Hmingi an rawn lut a , thuthleng ah thu in phone ka lo khawih lai tak a ni , ka nu leh nau te erawh vengthlang ah Pi Hnuni damlo kan in an kal thung





"Keimah in ka awm ,lo kal ru , teh hlawl che u chuan " ka lo ti zang vah ,ka bul ah an lo thu a, kan ri nghal chul mai.







Hmingi chuan "khaw maw in pa thlalak chu kan lo en , a hmel pawh kan la hmu lo ,nanglah in i sawi ngai bawk si lo " a ti hmarh hmarh a, ka lo nui hui ringawt, Simona thlalak ka phone a awm chu ka en tir ve mai , mahsela ,a mak khawp , nuam ka ti miah lo ,keimah chu ka tim dui a, mi te chuan an thiante bul ah an bialpa te chanchin sawi te nuam an ti thin a nia ,kei ve erawh ka inthlahrung tlat a nih chu.







Rinengi bul ah Rinsawma chungchang leh a fel zia thu ka sawi peih theih nen , Simona erawh ka thiante pahnih bul a a chanchin sawi tum chu a dang tlat .





Rinengi ka ngaihtuah chhuah thut tak ah chuan kan inbiak khat zia ka hre chhuak uar uar mai ,





An khua a a haw chu nuam a ti ve hle a niang , a reh rei thei emai.







"A hmelchhiat loh kha ,mahse kan Rsa a tluk lo " Hmingi chuan a ti mai a, a in thiam leh chiah loh a niang min nuih tlawn nghal vat reng a.







"I hmangaih em " Zikpuii min zawh na thung chu chhan ngaihna ka hre ta hauh lo , awlsam deuh a hmangaih e tih mai ka tum chu ka hrawk ah hnawh tu awm ang mai in ka sawi chhuak thei ta tlat lo .





"Ka duh chuan ka hria " ka ti ta ngawt , ni e , zep nak emaw ka hmangaih miau lo a ni.





"I hmangaih lo chu pasal ah i nei thei dawn em ni ?i hlim ang maw " nge maw ,he mi te pahnih rawn leng hian ka awm nawmlohna tur hlir an rawn sawi chhuah ni, an aw ki a min dem na ri tel pawh chu ka hriat hmaih lo na sa.





Ka thut dan siam rem chung in "chutiang sawi lo ang ,thil dang sawi ang " ka ti ta daih ,Rinsawmpuia chungchang sawi lan ka duh lo a , ka bialpa ni mek Simona chungchang sawi pawh ka duh hek lo.





"I thian ang ah pawh min ngai tawh lo ni ber in ka hria ,ni e , kei ni ang lo tak in sum tam tak i thawk chhuak tawh ,bialpa hnathawh tha deuh nei i nei bawk a , ram dang a i awmlai a min be duh lo leh kan biakna i chhang duh loh pawh kha mak ka ti ta lo " Zikpuiii chuan a rawn ti chhuak hlawl a , Hmingin a lo nghawk ruk zeuh na pawh ngai pawimawh lo in rilru nat hmel zet leh thinrim hnel tak in min melh ta ran .





Nuamlo ka ti viau a, tisual hle in ka in hre bawk mahse khang lai a ka hun tawn kha a harsa em em a, ram dang ah hnathawk in ka awm a , ka bialpa ,ka pasal tur a ka ngaih , ka innghahna in min then in, nupui nei mai tawh tur ang in ka hre zui a , ka thinlung a keh sawm vek ni mai in ka hre hial , kan khaw lam atanga mi rawn be thin ho lah in Rinsawmpuia chanchin an rawn sawi ang a , a nupui nen an hlim zia leh an inhmeh zia an rawn sawi ang tih hlau reng reng in ka awm a, ka thiante pahnih pawh ka biak tlem phah tih ka in hria , chuta chhap ah ka phone a bo zui a , phone thar ka neih hnu ah pawh an mahni biak pawhna tur ka dap lo erawh tumah dem thei ka ni lo , ka thiamloh a ni.





An mahni ka biak pawh chuan Rinsawmpuia chanchin ka hre zui dawn tih ka hria a, chu chu duh lo in ka thiante pahnih ka be ta ngai lo kha a nia .





Mahse ,Zikpuii ngaihdan ang hi chu ka rilru ah a la awm chhin ngai lo thung , hlawh tam thu ah phei chuan kan thawhrim ang hu in kan hlawh tam uchuak lo khawp





"I mak ,chutiang rilru a put i ring a mi " Hmingi'n a hnung a beng dat in rawn ti a, a ni pawh a inthiam leh chiah lo a niang "ka thil sawi kha chu ngai thutak duh duh " a rawn ti chhuak sep ,





Ka biakloh chhan leh phone ka tih bo thu vel chu kim chang lutuk lo in ka hrilh thuak thuak a ,







Ka sawi zawh chuan ka thawl ta hawk in ka hria.Eng tin nge an dawnsawn ang tih erawh ka hrethiam lo





Hman ata tawh ka hriat chak em em chu ka zawt ta a,"Ngati nge Rinsawmpuia leh Babyi kha an inneih leh tak loh a,a mak ka ti deuh"tih chu ka zawt ta ngei ,kei min then phah hial nan a a hman kha a ni si a , tun ah lem an innei chuang si lo.





Hmingi zawk in min chhang in "Innei tum tak tak an ni pawn ka hre lo , Rsa a accident lai vel kha chuan a chenchilh ngei mai a , a tir chuan keini pawn kan lo tha nat pui che a , kha tia Babyin a enkawl hnu lawk ah thu a thang chiam a , Rsa leh Babyi inneih tum thu vel , Rsa kan zawh lah in aw emaw ai pawh a min chhang lo in min nuih liam ringawt zel ,an innei dawn ni hmiag kan tih vek tawh hnuah, rei lo ah Babyi Aizawl lam ah a chhuk leh daih tak si ah khan ,a thiannu Hlutei kan zawt a ,ani lah chuan a inluah na te fa pa nen an la inngaihzawn thu a sawi leh ta daih bawk si, mak kan tih zia chu nang lah rawn hrilh che kan tum lah in min be tha duh ngai lo nen , kan thinrim ve ta deuh a, rawn hrilh hriat che pawh kan tum ta bik lo a nih kha " a ti a , ka biak duh loh chhan pakhat leh chu ka lak ah an thinrim tih ka hriat vang a ni pakhat bawk.





Sawi tur a vang duh ngei mai,insawithiam pawh ka tum hran lo bawk a , hun kal tawh a ni a , hun kal tawh chu ngaihtuah buai tawh lo a liam tir mai ka tum tawh bawk..





"A accident na vang a mi a ke hi a la bai deuh " ka tih chuan "aw ni e , kum khat leh tlem chu wheelchair a hmang a lawm , a tum ruh hrim hrim a , ti hian tha tak in a ke in a kal leh thei chu a nia , tiang hmang lo pawh in pangngai tak in a kal leh thuai in nia ka rin " ti in min chhang a ,ka lo thaw hak ,haw viau thin mah ila tun ah tak hi chuan ka khawngaih in ,a tumruhna chu ka ngaisang tak zet..





Ka thiante pahnih haw hnu thleng chuan thil tam tak sawt tawh si loh thil chuan min ti buai a, ka nu leh nau te leng an rawn haw tak ah erawh ka thil ngaihtuah ngut ngut pawh ka ngaihtuah zawm ta bik lo.





A sawi lawk ang ngei in Simona cha rawn zin ta pauh a , kan khua ah hmelhriat leh chhung hnai a neih lem loh avang in kan in ah min rawn thlen chilh ta tawp.Ka nu pawh in tha deuh in a lo dawngsawng a, engmah sawi lo mah i la a hrethiam ni hmiang eng mah min zawt zui bik lo.





Duata pawh in a nel reuh khawp a, Peki erawh in a nel vak lo a niang Simona'n biak pawn a rul tawk te bak in a chhang ngai lo thung .





Mak deuh chu Peki hian Rinsawmpuia chanchin ka bul a sawi leh zeuh hi a ching thin a , kan inngaihzawn lai vel khan naupang chhia a ni tawh lo nen a la hre ve a nih ka ring , a bul ah Rinsawmpuia a sawi chhiat theih loh a tan hlur zel a ,mak tak chu a ni .







"In khua chu a nawm reuh hi a ,nakin ah min fan kual pui la a tha ang "a tih chuan ka lu ka bu nghat nghat a, Muanpuia phone in tlai lam a chaw rawn ei tur in ka sawm tawh bawk a , a rawn thlen thlak thuai ka ring





" Ti hian ka luh khung che ni mai rawh se , inneih lam ila sawi pui theih bawk si loh ''ti in min fiam zui leh , ka nu a awm hnai loh hlauh chu a tih zia tak tak , a tawng ring reuh bawk si.





"Kal teh , uang reng suh " ti in a chal ah chuan ka nem vak a , a bul a ka awm hi chuan ka hlim in ka nui hnem ve thin khawp mahse eng emaw kimlo riau a awm thin ,chu thil chu eng nge ka hre si lo.





Muanpuia an khua atang in dar 4 vel ah a rawn thleng thla a, kan han inhmukhawm leh chu kan hlim in kan phur tlang hle ,Rinengi kan vedio call bawk , kan zing a rawn tel ve a chak zia a rawn sawi nasa mai , a chang in a thinrim der thul , min thlim ti in a ti tau leh thin chu kan nuih pui hak hak hlawm.







Ka nu in a broiler vulh lai min talh sak a ,Simona a te thian dun chuan an puah a ,tih pui ka tum lah in an phal lo tlat nen dawr ah mamawh lam tur in ka kalsan ta daih .





"Makpa interview rawn nei te an awm a law ,nakin ah ka rawn la en ve chhin ang " kan in ka pel chiah tih a U Sanga chuan nui huah huah chung in a rawn ti a , chhang lo in ka nuih liam ringawt .





Hmingi te dawr lam ka pan a , ka thlen chuan rinloh tak in Doroi leh Rinsawma an awm ve a , kalkawng a rilru thawveng tak ka neih ang kha chu ka nei thei tawh hauh lo ,





"Sawi lai mek mek in i lo lang hlawl mai a lawm le " Doroi chuan min nuih sang in a lo ti a ,nula hmeltha tak leh nungchang tha tak a ni a,ka chungah han sualna pawh a nei hran lo ,mahse ka bul hnai a a awm hian ka tawt ru tlat zel leh mahni insitna lian tak ka nei thin.





Nui lui sak in "chuvang a niang ka rawn hahchhiau phei vak vak " ti a ka chhan let chuan a nui ar ar , chutiang in midang pawh .





Hmingin"Simona chu a lo thleng tawh a mi?" ti a min zawh rual in Rinsawmpuia chu a khuh kharh a , a lam hawi a an thutna lam ka va en chuan chiang zet a min lo melh in a hmel a tak leh run tawh ....





Hmingi lam hawi in chhun ah a rawn thlen vang tawh thu ka sawi a , zanriah rawn ei ve tur in ka sawm nghal bawk ,mahse "ka nu a nuam lo deuh a , ka pa aizawl lamah a zin bawk nen ei chhuah san daih chi pawh a ni lo , ka nu dam tha se chu kan chak tehreng nen" a ti vawng vawng a , anu damlo leh a pa zin bo daih chu pawi a tih hmel khawp mai.







Rinsawma ten kan tawng an hre pha ve vek nen a mawi ah "in pahnih pawh khan lo ei ve ula " ka ti mawi hnai a , ka bialpa hlui a lo nih tawh avang a sawm ni lo in , thian kanlo ni ve tawhna zawn a sawm chauh ka ni .





Chhana leh Zikpuii pawh ka hrilh tawh a ,Thiani chuan min rawn sawm phei dawn nia a ti mai a, Chhana erawh msg atang a hrilh ka ni a, eng chhanna nge min pek dawn ka ka hre lo thung ....





Ka nu in inthar lawm pah a ni mai atih avanga ka thian neihchhun te sawm ka ni tel bawk.







Rinsawmpuia min chhan dan kher kher chu "in hun tha kan tibuai palh ang che u , " a ti hmuk a , a thinrim a ,a tawng bul hmuk na chhan ka hre hauh lo .





Min melh rum dan lah chu , a pawi nasa tak sawi ang mai ka ni , tiang a a awm hi ka la hmu ngai lo hrim hrim....





"Zikpuii pawh a lo kal dawn ,Chhana pawh ka sawm tho a " ka ti leh a , Hmingi in ka lei tur ho a lo la khawm mek a,thut pawh thu lo in ka la ding reng .







Tha deuh chuan "tel ve lo ila nuam i tih zawk ka ring " ka mit ah chiang tak a en chung in a ti chhuak sup , a mitmeng a natna leh hrehawm tihna lo langchhuak zut zut hmuthiam tur in kha chen kan lo inzui ve tawh tlat....







Min nuih luih suk in a bul a Doroi chu a be zawm ta daih , a mitmeng a natna ka hmuh sak avanga ka ngui ta ruih chu ka in haw lek lek ,





Ka inthing harh thuai ,a ni te chu lemchan thiam tak a ni tih ka hriat tawh kha le , hun liamtawh ah khan ka hmangaih ang in min hmangaih ve emaw ka ti thin a nih kha , ka lak a a awmdan zawng zawng chhui kir leh phei chuan ka bul a a khawsak dan te kha lemchan ni tur chuan awih an harsa a ni mahse kan inkar rawn ti tawp tu kha a mah ngei a ni si .


Show post links
Top

[Ngaia]

HLUSANGZUALI







CHAPTER -18







Hmingi nen reilo te kan inbiak leh hnu ah ka haw ta a ,Rinsawma te in pen chhohna thlen hma in a U Sangpuii nen kan in tawk hlawl , an fanu pwh a lo lian ve tawh hle a , a fapa ni ngei tur kum 2 bawr vel a paw bawk .





"E,Matei chu helam a i awm hnu ah ka vawikhat hmuhna che , hawh teh in chibai nghe nghe teng " a ti deuh chul , kan han in chibai leh ang lawp lawp a





Amah bawk chu rawn tawng leh in "Mama nen lah in lo in inthen daih sia , kan monu turah kan duh ruk tawh che nen ," a ti hlut,han sawi ve tur a vang duh ngang mai.





A nau puak a rawm tah tak ah chuan nakin a an in a lengtur a min sawm in kan invai liam a .





Zikpuii sawm phei in kan inlam kan pan dun a , kan khua a ka awmloh chhung a thil thleng ho tlangpui sawiin min hrilh mawlh mawlh ,a sawi tak ah chuan Thlamuana pawh khaw dang ah nupui nei in ,makpa chhungkhung in a awm hi a lo ni.Chu tin Babyi pawh in an inluah neitu fapa nen an innei tawh bawk.







"In pa chu engtik thleng nge cham a tum a , a awm rei dawn em , a thlalak min hmuh tawh tho na chung in a tak ah hmuh chhin a chak awm tawh ,kal vat ang" a ti deuh chhen, Simona chanchin an hnen a sawi nuam ka ti lo tlat thin ka tih tawh kha , an ni lam ni lo in keima lam hi ni in ka hria.





A cham rei vak ka rinloh thu in ka chhang ve mai a , Simona lah in a cham chhung tur ka bulah a la sawi chiang thei lo nen chhan dan thiam a har riau.





In kan thlen chuan an ar puah chu an lo puah zo diam tawh a , siam theih mai tur in an lo chan lawk vek bawk , Ka thianin Simona an hmu chu min melh in zawi ang reng tak in "a hmeltha tho na chung kan Rsa a tluk lo " rawn ti leh mauh mai , ka then ve sak ringawt .





An han in chibai a, Thiani leh Muanpuia chu lo in hre tha sa an ni tawh bawk a an in be leh nghal bawrh bawrh, arsa chu kan tur a buatsaih in Simona nen kan vil dun a , ka nu thenawm te in lam ah a leng lut a ,hunthawl min pe ve a nih ka ring.





"I chau em , duh leh in tifai in lo mu hahdam daih la " ka ti a , a lo thlen hnu reilo te ah a la che char char sia , a chauh ve viau tawh chu ka ring





Lu thing in "chau lo , i bul ah ka awm tawh a,ka chau thei tawh lo " a ti mai a, arsa kan chu a chawh pah mawlh mawlh, sitting room ah ka nau te leh ka thian te pahnih an awm a, eng chu an ti ni maw an bengchheng ngang mai.





Rawng kan inbawl peih har deuh avang in chaw pawh kan ei tlai ang reng , a tihfel lam chu ka thiani leh Pekin min awl ta thung .





Pawnah mei chhem in kan thian ho chuan kan thu a , "Thiana engtik ah maw khu lam ah chuan chhuk leh i tum, kan in thu rual dawn mi ," ti in Muanpuia chuan Simona a zawt a , "I chhungten kal leh an phal a mi " ka lo ti vat , an khua ai in hmun dang nuam a ti zawk a , a mak ve ngawt mai,.





"An phal leh phal loh in awmzia vak awmlo " thawveng zet a min chhan let chuan ka ner khum vak , an thusawi pawh ngaithla tawh lo in Zikpuii chu ka be ta daih .





"Inngaizawng pawh in ang lo ,hei ,ka sawithiam lo , thian tha deuh in pawh deuh hi in ang zawk mah " ka bengbul ah rawn kun hnai in a ti sar sar , keimah chauh hian chutiang ngaihdan chu ka nei emaw ka tih kai in ka thiannu pawn a lo ti ve tho a nih hi .





Simona chu thlek zeuh in ,"ka hrethiam tawh biklo ''ka ti hap , kan khua ka awm leh tak hnu ah phei hi chuan Simona nen kan inkar a rilru ka pek tawh loh zia ka in hrethiam a ,engtia hmalak chi nge tih lah ka hre hek lo .





"I thinlung ah a ni ai a tla na zawk an la awm a nih kha , engtiang pawn haider luih tum in che mah la , i thinlung erawh kha chu a tan na ngai ah a tang tlat ang , hei ai thui i kalpui hma hian nangmah kha inlam let rawh , i hmangaih theih miah loh tur mipa kawp reng chu i tan a hahthlak a nga , a ni tan pawh kawng i ti harsa mai mai in i hre ve lo maw " a ti leh a, a thu sawi chu ka beng ah a ri nawn tlut tlut .





"ka hmangaih a lawm " ti a chhanna pek chu ka duh mahse ka thei lo , a chhan pawh ka hmangaih miau lo a ,sawi tur pakhat te pawh ka hre lo.





Ka thinlung thu ka pawm duh loh luih tlat na leh ka chapo na ten mi pakhat nun ka tih chhiat sak ta ni mai in ka in hre thar a,hrehawm ka ti.





Beisei loh deuh in Hmingi leh Rinsawma an rawn lang ve hlawl a , inchhung ah thutna la in pawn ah chuan an rawn thu ve nghal ,





Chhana erawh chu zanriah kil pui tur pawh khan ka sawm ve na chungin, an nu in rai no a la na deuh a, thisen chaw te an khaisak ni awm tak a ni,chuvang chuan a rawn chhuah san theih loh tur thu sawi in a rawn tel thei ta lo a, a rawn inthlahrung viau mai .







Van boruak a thiang in, thla a eng mawi bawk nen pawn boruak chu a nuam reuh hle .





Simona chu kan inhmelhriat tir ve nghal a, mi tawng duh ngang tih tak ah Hmingi chuan eng eng emaw zawt in a be mawlh mawlh ,Rinsawmpuia erawh a ngawi reng a , ka va melh fuh chang in min en reng emaw tih mai tur in kan in min fuh chiang thei khawp mai.





"Makpa interview i rawn nei a ni maw , " ti a Hmingin uang zet a a zawh chuan ka lo ip deuh chawi, Rinsawma lam ka va en chuan Simona chu melh in a in seh ruh hle tih ka va hmu a , awm nuam in ka awm tawh der lo a nih chu,





"Nia ,nei a ni mai ," ti a chhang let in min rawn nuih a ,za lo deuh in ka lo nuih let ve "in khua hi min la fan kual pui ula a tha ang " a tih zawm leh zat.





Hmingi leh Zikpuii phur zawng tak lo ni in kan khaw nawm zia sawi in , an tawng tui dun nasa ngang mai.





Ka phone a mgs lo thleng chu ka en "Love rival a chhuak lo ang tih tu nge sawi thei , " Lalmuanpuia a min lo thawn a ni , a mah ka va melh chu a mitmei in Rinsawma leh Simona lo melh tawn in min nuih ruh ruh ,he pa che chimawm thiam thei lutuk hi chu .





Dar 9 pelh ah Muanpuia a haw a ,midang ho pawh rei awm tawh lo in an haw ve bawk , an haw dawn a Rinsawmpuian min melh rum lutuk kha mak ka la ti reng , khatiang em em khan a lo meng rum thei tih ka lo hre ngai lo reng reng.





"I chapo na kha dah thla la , i thinlung ngaithla rawh " Rinsawma hnen atang in a ni , khum ah ka mu fel diam tawh a.





Simona nen pawh thiante an haw vek hnu ah pawn ah reilo te kan awmdun leh a,chu mi hnu ah a mutna tur siam sak leh in a ni pawh a mu nghal , ka pindan a riah tir a, kei ka nu bul a mut tum kha ka nia ,mahse a duh tlat lo sitting room lam ah mutna ka phah sak ta tawp a ,a muhil ve thei mai tur ah ngai ang





"Bialpa nei lai an bia an be ngai lo " ti in ka chhang let ,min hrechiang lutuk ang a tawngka a rawn neih te hian ka thinrim thin , min chhan let ka rin tawh loh hnu ah





"Ka nupui ila ni lo ang tih pawh ka sawi thei lo " a la rawn ti leh , chhan let en ah pawh ka en tawh lo .







Simona chu ni thum a cham a , ka thiante pahnih nen kan khua pawh kan fang kual pui a ,nuam a ti ve khawp in ka hria.





Kan khua a cham chhung zawng khan , taksa hnaih tak si in kan in hlat tlat a, a ruh lang rawt a sawi phei chuan inngaihzawnna na lam thu kan sawi lo tih theih a ni .





Vawi khat erawh a haw dawn hma zan in Rinsawmpuia chanchin min zawt a , min zawt chik hle bawk ,eng rilru pu a min zawt nge tih ka hre lo a , thik ang in a lang bawk si lo, tha deuh in ka chhang ve ta zel kha a nia mahse "Pathian hming chhal in Rinsawmpuia kha i theihnghilh pum hlum tawh em ?" tih min zawhna erawh chhanna mumal ka pe thei hauh lo , chutah pawh rilru na leh thinrim awm in a lang lo a ,amah erawh chu keimah zawk in nuam ka ti ta tlat lo .





Mipa dang chu ni se inthen hial an sawi ri ang a , a nih loh vek pawn an thinrim ang ,mahse a ni ve chuan nui sang in min la be zawm nghal zat thei a ,eng mihring nge maw a nih bik le





Ka ni pawh in aizawl lam a chhuk tur in min rawn tur leh ta chhen a ,dawr hawn kan tum kha buaipui pawh kan la buaipui zawm loh vang a ni , dawr luah tur pawh to vak loh a hmuh tawh thu sawi in rang lam a buaipui vat a tul thu a rawn sawi cham chi .





A tir lam ah ka phur ve tehreng nen tunah erawh chak na em em ka nei tawh lo , han hnial ila a lung nih loh mai ka hlau tho bawk si ,ka dinhmun chu a laklawh kual vek tawh mai a ni .







Chawlhni chawhma inkhawm ban ah Hmingi te in ah bawk kan lut khawm leh thap tawh ,Chhana pawh a rawn tel ve bawk , an ni pahnih inngaizawng ve lah kha an daih rei bik vak lo a niang , kum khat em pawh an inngaihzawn hma in an inthen leh mai a, mahse an ni erawh in huat phah lo in ti hian an in kawm zawm leh mai a , an awl sam dun phian.





"Khawnge Rsa " ti in an lo zawt nghal thuai ,





"Doroi a nghak lawk " ti a chhang a, a pheikhawk a phelh te te hnu in thuthleng ah a mu nghal duai,







"In in pawh a nih loh hi, kha tia a neitu ang mai a mut duai " Hmingin a lo ti hlak , an ni pahnih an awmdun tawh hi chuan puitling ka ni tawh e tih lam an ngaihtuah lo ,ti hian an inhnial reng zel ...





Chhana lah chuan a ngai pawimawh lo nasa "he inchhung makpa thelh ka ni tawh ,tlem chuan min duat ve deuh a ngai " Hmingi huat tur tawk lek chuan a rawn ti leh kher ,Zikpuii nen in en in kan nuih dun ta ringawt.





"I nupui in min lo thik leh a nge " ti in ka lam a lo hawi "ka la hrilh loh che tiraw ," rawn ti hmasa leh te te in"He mihringpa nupui hian min thik deuh a ,whatsapp ah ka number te a lo block tir vel ni awm tak a ni ,chulo pawh " a ti leh chiah chu "Ngawi mai teh " Chhana chuan a rawn ti ta hluk , keini lah kan nuih a za tawlh tawlh , an sawi zawm tak zel phei chuan nui hnem tak ka ni , ka hrawk a thip vek thei.







Hmingi sawi ang deuh hian Chhana nupui te reuh hi a thikthu a pe chhe ve zek a , sual erawh a sual hran in ka hre lo thung .





Reilo ah Rinsawma te pawh an rawn lut a ,inngaizawng ang mai hian an inzui deuh chawt mai a , eng tak nge an inkar ah awm phei chu ka hrelo.





Rinsawma pawh tiang hawl lo in kal pangngai in a kal thei tawh a , kawng a kal tam deuh erawh in a la na deuh thin , chuvang chuan thian ho a lui a kal a intih hlim kan rawt pawh a ke dam chian hun ah tih ah kan khek khal rih ta tawp..





"I inthlak dawn lo em ni " ka bul ah a rawn thu a , a bul ah Doroi a thu ve bawk , ka chawlhni thuam nen ka la ni up a , mahse in a haw leh a kal leh ka peih loh avang a inthlak tur a haw ta lo kha ka nia ...





"A buaithlak mai mai" ti a ka chhan liam puat chuan a bu nghut a, Doroin a lo biak tak ah chuan kan inbe zawm ta lo .





Ka thiante ang tak tak in la be bawrh bawrh thei lo mah ila ,Doroi erawh hi chu a dang thung a, khawlai a in tawh chang leh tiang a kan awm kham chang te hian nui sang hian min be ve reng zel.





Mak ka tih deuh na erawh Rinsawma nen kan lo inbiak hlek chang a a lo be peng vat thin hi a ni , Rinsawma nen kan hun kal tawh chungchang hi a hriat tawh tho chu ka ring a , a lo la hre lo thei bawk ,a hria nge hre lo tih lah ka hriat chak vang mai a han pawng tawng zawh ngawt chi lah a ni bawk si lo.





Chhun thil ei tur atan chow leh soup kan siam a , chawhnu inkhawm tum an awmlo bawk a kan hmanhmawh lo hlawm khawp .





"I bialpa chu i then tawh em ?" ka en chho ha , midang in an lo hria ang tih hlau tak in an awmna lam ka hawi phei vat a, kan lam ngaihtuah lo in an thil ei ah chauh rilru an pek zawk hmel vek avang chuan ka thaw huai





"Thil mak deuh deuh sawi lo teh , i a deuh e maw ka ti mai tur a sin " ka ti nghat , huat a hnek in min la nuih khum duh lek chauh .





A kut la kang in a khabe a tuai zeuh a , chutah chiang fek fawk a min en in "I mitmeng atang rigawt pawn min la duh ve tho zia ka hre thei " inringtawk zet in a rawn ti chhuak leh , "Zakthei lo " ti a au khum chiam mai ka duh .





"I inrintawkna chu a ropui ka ti hle mai mahse i confi sual ang tih ka hlau khawp mai " mit ko san zeuh in ka ti ve ngat , ka thinlung erawh chuan a thusawi kha a pawm viau thung si ,mahse a bul ah hi chuan tlawm hmasak ka tum leh tawh lo





"Kan la hria ang chu " ti in a ding chhuak zui a ,tihtheih nei silo in a taksa hnunglam chu ka melhrum vak ringawt , thil sawt lo ve tak chu a ni.





Vanduai thlak tak in ka nu chawhmeh la a a kal chu a chesual deuh a , kan chawhmeh hmun hi a hnai na nga , kalkawng hi a tha vak lo a , kalkawng a zim deuh nen a ke chhep sual in, a rahna lai lei lo nghet lo nen thlang lam ko ah chuan a lum a , mahse vanneihthlak tak in a lum thui lutuk lo thung , mahse tar lam an ni ve tawh bawk nen a kawng a nat mai bak ah a ke a rap ngam lo bawk .





Chaw pawh khum ah kan pe ta tawp , zan ah chuan ka thiante ho chuan an lo kan a , zo artui leh eitur eng emaw zat an rawn keng tel bawk , ka nu pawh a lawm viau mai .





Kan thenawm lawk a cheng ka nu thiante an rawn leng ve hlawm bawk in pindan lam ah ka nu an awmpui a ,keini thian ho erawh sitting room lam ah kan thu thung .Kan buai deuh nen tlai lama Simona min rawn phone pawn ka chhang lo a, zan lam ah ka be tawh mai ang ka ti ta kha a nia ,biak ka tum lai takin ka thiante an lo lang leh nen ka la be leh ta rihlo.





"Rinai tak in i nu chu ka hmu tha , a chesual tih ka pa'n a sawi khan ka lo hlauthawng lutuk a, a kum a lo upa ve tawh sia ,a insawh khaw lo nual ang tih ka hlau lutuk a " Zikpuii chuan ati siam siam a ,midang ho pawn a vannei an tih thu an sawi ve bawk.





"Nia , keipawh ka lawm tak tak a ni ,tun ah pawh a na lutuk tho a nga ,mahse a kum leh a chetsual dan han ngaihtuah chuan a lawmawm tho bawk si ''ka ti ve a, Pathian hnen a lawmthu sawi mawlh mawlh tur kan ni in ka hria





Ka nau te pahnih lehkha zir zo chu kan awmna lam ah rawn thu in tv an en a ,Peki chu Rinsawma bul ah thu in eng eng emaw a hrilh a ,an nui leh thin , an nuih apiang lah chuan keimah min rawn en dun kher in ka hre leh nghal ,





An haw dawn chuan kawt thleng ka thlah a , midang an kal mai lai in Rinsawmpuia chu a la ding ta reng " I la haw ve dawn lo em ni "ka tih chuan lu a thing a , kal pawh chu a la tum chuang lo , a awmdan vel mai mai chu ka luh san daih dawn chiang .





In chhhung ka lut tur chiah chu ka dar ah rawn dawm.lin min kuai her leh ang lawp a ,nuihza hmel lek lek in min en bawk





" Eng nge "ka ti pawr hlar , a duh duh a min ching let hi a tum a ,ka ngaithei bau lo .





" Hmeltha min ti lutuk tih ka hria "a rawn ti teh daih ,a sawi ho hi kan ti khawp a .





" Dawt dawt sawi lo khan haw rawh "





"Kan khua ah ka hmeltha i ti ber a ni lawm ni ,chuan pa min ti bawk " a rawn ti leh chu "Vanlalpeki chu " ka ti that , a lo nui huk a , ka zak lutuk hi ka biang te hi a sa chhuak vek thei in ka hria .





Ka nau peki nen kan awmdun lai in hmeltha chungchang kan sawi a, kan khua a hmeltha ka tih ber min zawt a ,keilah khan awlsam leh inngaihtuah mang lo in Rinsawmpuia hming hi ka sawi pek a , zanin a an nuih dun na chhan pawh kha zawh buai ngai lo in ka hrethiam ta chiah .





"Haw rawh " ka ti ta ringawt ,la nui reng chung chuan "i thinlung thu sawi kha ngaithla rawh ka tih fo che kha " a lo ti leh ta daih , "Kan inkar a thil thleng tam tak ka ngaihtuah let leh chang hian keimah hi ka in haw thin , khatih lai khan duhthlanna ka siam sual a , ka nun a mi pawimawh em em chu ka kaltir bawk ,mahse ka insawifiah na lam ni lo in hei tal chu min hriat sak la ka ti , ka kal tir chung che khan ka thinlung ah nang lo an awm ngai lo asin , tu hmeichhia mah in i ta ni thin ka thinlung hi an khawih che ngai lo" dam raih in a ti a, a thusawi lai hmel chu hmeltha ti tak in ka en vawng vawng ,a lak ah luanliam nawn leh duh lo sa teh mah ila , hman ang chiah khan ka luangliam nawn leh chu a ni si .





Mahse , kawplai nei hmeichhia ka ni tawh a , a hma a ka lak a thleng ang kha midang chung ah ka thlen tir ve thei dawn em ni?Chutiang ka thlen tir ngat a nih chuan engtik ah mah ka inngaidam thei tawh kher lo mai thei .





"Kawp lai nei ka ni a ,ka lak atang hian enge i la beisei fo, ka rilru chawh buai a , a hma ang tho a na tak a min siam hnu ah inthiamloh na nei miah lo a min kal tir leh i tum em ni ,i nunrawng e mai "ka ti chhuak tuar , khatiang kha ka chung ah a thlen nawn leh chuan ka tuar chhuak zo tawh in ka ring lo.Amah avang a midang rin leh ka harsat zia te hi a hriat ka ring lo , midang chung a rinna nghat leh tur pawn hun rei tak ka inngaihtuah fe hnu ah ka thei leh chauh thin.





Hmangaih leh duh hmel tak a min en in dam dap hian "ka hria a lawm , i duhthlanna ka zah sak ang che , ka hnen a i lo let leh duh tawh lo a nih pawn ka hrethiam in ka pawm thiam theih mai ka ring,i thinlung ka ti na em a , nawr luih che hi ka duh lo , " ti in van lam a arsi eng sep sep lam chu hawi in a thaw hawk a ,a chezia chu hmaih nei lo in ka en ve reng.







Mitmeng sen ram chung a min rawn en leh in"Thil dang zawng zang ai in i hlim a, nun nuam tak nei a i khawsak hi ka duh ber , hatsatna pawh in a hneh theih loh hmeichhia ni reng la , buaina in a chim pil phak loh nun neitu ni in , mipa innghahna tlak tawng la tih hi ka duhthusam a ni thin , "ti in za lo zet in a nui a , chung lam en in a thaw chhuak leh hawk thin , zan thla eng in a hmel a rawn en a, a taksa lian leh ngheh hmel zet te chu kuah a , a hmel pa tak thlir chung a





"Ka huat ber lai che pawh in ,ka thinlung in a theihnghilh ngai lo che a, i thlamuana min pek thin ang kha dawn leh chak in a rum vawng vawng thin, ka chung a i tih ang chiah i chung ah thleng ve se ka tih lai pawh in ,ka thinlung chuan a la nghak ru reng thin che a sin " ti a chhan let chak hle mah ila , min dang tlat tu thil a awm tawh si .







Chelh ka duh a ,mahse chelh tur in huaisenna ka nei si lo , keimah avanga rilru na thei mihring a awm tih ka hriat ve reng avang in rilru mumal ka pu thei hek lo .







"I rilru tihbuai nan a sawi ka ni lo a nia , tun bak hi chu tiang sawi na hun tha hi a awm leh kher pawh ka rin tawh loh vang a zanin a ka rilru a thu awm reng thin ho sawi chhuak ta mai chauh ka ni tih min hriat sak dawn nia " ti in "Thian kan la ni reng tho ang ti raw" ti in min nuih var a ,





Ani hi ka thian a tan ka duh reng reng em ni ,ai ni lo ,ka duh lo , a ni nen te chuan thian ai a thuk leh ril zawk ,ka pasal a nih hun tur leh a nupui ka nih hun tur leh fa te kan neih hun tur hlir a ni lawm ni ka sungtuah thin , chu thil thlen tir thei tu chu keimah hi ka ni , tun a ka hnar chuan kumkhua in ka inchhir mai lo maw .





Hmangaihtu chuan a hmangaih in natna a thlen zawng zawng te pawh ngaidam thei tur khawp in huaisenna leh chakna a nei tur a ni lo em ni , hringnun hi a tawi a ,mihring vul hun chhung pawh mit khap kar lek a ni si, he lei a kan vul hun chhung te a hmangaih te kiang a awm tluk a thlak hlelh leh tur chuang a awm bik dawn em ni ?





Mi tha famkim ka ni lo , hringnun ka zawh chhohna kawng ah pawh tluk chang te ,mi pawisawi chang te leh m natna thlen sak chang te nei ve thin tho kei hian ka mihring pui chung a ngaihdam na thu sawi chhuah harsa ti tlat tur ni in ka in hre lo.





Ngaihdamna hi a hlu a ,chutiang pe chhuak tu chu mi ropui a ni .





Huaisenna ka neih a ngai , mahni hmasial tak in ka hlim nan ka che chhuak ve dawn a ni a , Pathian pawn min dem bik nang .





"Kei hian ..." ka tih lai tak in ka phone ken chu a rawn ri a , hun lo ti zet in phone chu ka en ran , Rinsawma pawn a hmu tih hriat zet in "I tan a mipa tha tak a nih ngei ka ring , ka kal a nge ''ti in a kal zui a, ka au a, rei lo te lo hawi a a kut vai zeuh in a kal zawm leh nghal .





" Rinsawmpui "ti a ka auh lehna chu hria ang pawn a awm tawh lo , lei ah chuan thing thi hnawk in, ka awm chhung na ngut ngut chu ka chum a ,ka mittui a luang zawih zawih bawk , a vawihnih nan a hma a ka natna tuar ang bawk kha tuar nawn leh ta .





Ka phone rawn ri ve chhen chu ning zet in ka hmet tawp a .





A kal liam tawh tih hre reng chung in a kalna lam chu ka thlir reng ,''Ka thusawi tur kha ngaithla hram la chu , i rilru ang ka la put ve zia i hrethiam mai tur ,ka kohna che pawh i hre lo der a ,i sual tak zet ,misual tak i ni ''ti in ka phun chhuak sep , keimah ang tho in rilru na leh hrehawm ti tak in a awm ve tho dawn tih ngaihtuah na ka neih rual in ka na zual tak zet.





He ti tawp hian a mi ,Hlusangzuali leh Rinsawmpuia te in kar chu a tawp dawn , siam that leh theih inzawmna chu kal kan in kawng hrang zawh in kan kal zawm leh dawn tih na em ni?.







Ka mittui chu tuai hul in ka ding chhuak a , pawn a chair lo awm ah chuan k thu a,ka phone bawk chu lo ri leh in, Simona bawk a ni ,ka lak rual chuan







" Biak tlang i har hle mai "a rawn ti hluk , nidang ang in a aw ki pawh a dam lo .





" Nia "





Thinrim tak in ''Nia,tih ringawt maw, i rawn insawifiah dawn lo em ni , min ngaihtuahna chhe te tal hi nei ve teh ''a rawn ti leh hluk , chutia a rawn sawi tak ah chuan kan inbiak tlem zia ka hre chhuak a , inngaizawng tih hming pu ve si ah chuan kan inbe tlem ber hial ang chu le .





"Kan inkar hi kan tihtawp a tha in ka hria " ka ti chhuak ta sep , a tir kha chuan a ni nen a inngaihzawn kha ka tum ngai lo , mahse a nawrin min nawr a ,kan hnial ve deuh lah khan "nakinah min la hmangaih ve thei mai ang" ti a a tan tlat avang in hnial ngaihna ka hriat tawh lo mai bak ah , rinchhan tur mi tha, mi puitling ka mamawh lai a lo ni ve nen ,aw ka pawh ve ta mai kha a nia mahse heti chen kan inzui tawh na chung hian ka hmangaih thei tlat lo chu a nih si hi.







Abul ber erawh ka thiam loh vek a ni thung keimah ka inhrechiang lo a , ka duhdan ah ka ding nghet lo a, khawhar tak a a awm leh ka hlauh avang in ka rilru ni lo pui input tir lui in inzawmna ka siam ta kha a nia ,Midang dem tur zawng ngial mah ila an awm lo ,keima thiam loh liau liau a ni.





"Ka hmeichhe rin ang i lo ni miah lo a nih hi , hmeichhe mak tak i ni , inthen i duh a nih chuan ka pawm e , ka damchhungin hmeichhe le lo tak ang in ka hre zui zel tawh ang che " ti in phone chu a dah ta hmak ,





NI E ,hmeichhe le lo tak ka ni , mahni hlim nan a midang natna siamsak tu hmeichhe rapthlak tak chu ka nih hi .


Show post links
Top