HLUSANGZUALI BY Rebec Colney (Completed)

[Ngaia]

HLUSANGZUALI







CHAPTER -19







Rinsawmpuia







In ka thlen veleh ka chhungte pawh be lo in ka pindan ka pan tlang nghal ,zanin zet zawng mipa pawh ka pa zo meuh lo chu a nih kha ,min auh lawm lawm na ri kha ka beng ah chiang tak in a cham a , hre reng mah i la mipa tih a mawi lo in ka hrelo der lui tlat , ka hawi let leh chuan tha tak in ka kal tir thei lo ang tih ka hlauh vang a hawilet duh lo ka ni .







Min hnar hlawm tawp bik lo tih chu a mitmeng leh che zia atang in ka hre thei , mahse kan in kawp tirh lai ang khan ka lak ah a thlamuang thei tawh dawn in ka hre lo a,keimah avang a hlauthawng reng reng a nun hman tir lah ka duh hek lo.





Thutlukna atthlak zet ka siam avangin ka hmeichhe hmangaih rilru na in ka siam tih ka in hai lo, kum tam liam tawh mahse keimah a inthiam loh na nasa tak awm te erawh in tlem te tal pawn kian zai an rel thei lo.





Inchhir sawt tawh lo mahse ka damchhng hian in chhir reng reng in hun ka hmang dawn ta chu a nih hi .





Bang ngheng dawt in ka chhing a, hun liam tawh hnu chu ka mitthla ah nimin ang mai a chiang im an lo lang zut zut





Pastor nih tum a zir mek , chantawk a lungawi em em ka ni thin , ka bialnu hmun hla tak ah hna thawk mahse ka ring tawk a , harsatna leh buaina kan tawk lo ....Mahse mihring hian kan hma lam hun ah eng nge kan tawh dawn tih kan hre lawk si lo.





Krismas a hnaih tawh avang in kan thil zir pawh kan chawl lai lawk tawh a , Duhnoi awm lo.mahse ka thiante nen hmang ho in nuam kan ti thin viau a, Duhnoi nen pawh kan inbe awl lo bawk ,hmun dang ah chhungte bul lo a an hmang kha ka lainat in ka khawngaih thin hle .





Ka hmeichhe hriat tawh ah chuan a tuarchhel in ,a huaisen em em a , a chhungkaw tan a hun tha zawng zawng pawh khawhral a ui hek lo.



.

Ka hmangaih leh lainat em avang in ka thil zir ah pawh tumna tak tak nen ka bei a, zir chhuah vat a,nupui ah sawm a, nun nuam tak chen tir tluk a chak leh duhthusam ka nei ngai lo .





Reilote chhung lek in ka duhthusam te chu an tham ral ta si , krismas leh kumthar kan hmang zo aizawl lam ah chhuk leh in , hostel luh a la hun loh avang in ka pu te in ah ka awm hrih a , motor chuan na ka chau nen Duhnoi pawh ka be hrih lo , tun ah bia pawh ni ila hna a thawh lai a nih vang in a en hman chuang in ka ring lo,.





Zanriah ei hma thleng chu ka mu ta nghek , ka motor chuan na ka lu ni deuh luk pawh a zia hawk tawh.







Ka pu inkhawm tur chu biakin a hlat tham deuh avang in scooty in ka thlah a ,tar chaklo a ni tawh nachung in inkhawm hi a ngai pawimawh em em a ,ke a kal hah a zo lutuk tawh lo nen motor emaw scooty in kan thlah mai thin,ka inkhalh let leh lam chu ka pu ka phur ta lo bawk a , kal lam ai a chak in ka khalh a , chu tih lai chuan min sul pel zawnga bike chak deuh rawn tlan in ,a side loh lam ah a rawn tlan avangin kei ma tan lo in sa seng na hman awm tawh si lo ,kan in su ta bur , kawngpui thlang lam ah chuan scooty nen chuan kan tleng thla tih bak ka hre zawm tawh lo .





Ka harh leh chuan damdawiin khum ah ka lo mu reng , ka ban leh ka ke chu a intuam var luk a , ka chhungte ho in min lo bial thap bawk.Ka nu hlauthawng phei chu a in sut ri leh hraih thin .Thil thleng kha chiang lo ruai in tlem tlem chauh ka ngaihtuah chhuak thei.





"Ka insut pui pa kha a tha em , " ti a ka zawh chuan ,ka pa in dam dup in "hliam neuh neuh chu a nei ve , mahse a na lutuk lo ni in ka hria , a chhungte ho pawh rawn kal in ngaihdam te min rawn dil a ,keini lam pawn eng mah sawi buai nei lem lo in kan lo ngaidam mai , an in thiamlo khawp a , an khawngaih thlak zawk , " a ti mai a





Pa tha ngang a ni bawk a,a tir in thinrim ve viau mahse sawi buai a ,case a lak tih lampang phei chu tul a tih ka ring lo a, a fapa min hmangaih loh vang lam ni lo in,tu pawh in thil ti sual thei kan ni tih hre chiangtu a ni a, he lei a ngaihdamna hlu tak kan pek chhuah theih tluk a Pathian kawng kan hnaih na a awm kher lo ang a ti thin.





Ka hliam dang ten dam lam an pan tawh lai in ka ke erawh a che hlei thei meuh lo, khum bet a han awm reng mai chu nin chang ka ngah , tihtheih erawh ka nei tlem hle thung si ,ka tihtheih chhun Pathian hnen a dilna thlen erawh ka hmaih ngai lo.





Harsatna a lo thlen chang a Pathian dem mai ching mi nih ka duh lo a , ka rilru kalsual tur pawh theihtawp a thunun ka tum thin .





Ka chhungten min lainat hmel tak a doctor nen an inbiakna min hrilh chuan ka mittui ka khap per ve sak , a hma zawng a dam tha reng , duh duh a vak kual thei , mihring a zawng a hrisel ber ni thin kha ka kal theih mai an rin loh thu min han hrilh hriat zet zawng , intih pachan a va har talh talh tak.





Rilru mumal pu thei lo in ka awm a, Duhnoi pawh ka be ngai lo , ka hma chhawp ten kian zai an rel a ,ka suangtuahna te puitlin theih a ni dawn ta lo.





Pastor nih ka tum na pawh ka bansan a tul a , chhungte puih ngai reng tawh tur han nih mai chu pawm thiam a har takzet, ka nu lungchhe insum zolo pawh in min tah khum chiam , a fapa a innghahna tak meuh meuh ka ni tih hai tur khawp a mi mawl ka ni si lo , ka pa erawh mipa a ni a , ka nu ang in a lungngaihna tah chhuah pui lo mahse a na hle tih ka hai bik lo.





Rilru fim tak hmanga thil ngaihtuah a har a , Duhnoi ka ngaihtuah na ah a cham reng bawk , ka thil tawn te hi hria se , min khawngaih in a rilru a na dawn tih ka hria , mi fel leh mi tha tak a ni a, pasal a min neih a min enkawl pawh a zuam ngei ang mahse keimah avang a a hma hun a tih chhiat ka duh lo a , a chhungte a enkawl a ngai a ,ka kiang a rethei leh rilru hah reng reng a hun hmang tur in ka duh hek lo.





Harsa ti tak chungin dawt ka hrilh a , kan inkar ka titawp ta bawk , ka vannei nge ka vanduai ka ti dawn , ka damdawiin awmna hi Babyi thawhna a ni a , a remchang nen Babyi chu hmanrua ah ka hmang ta a ni ...





Ka tihchhan engkim hrilh loh mah ila , "kan inngaihzawn lai a ka phatsan avanga ka ngaihdam dilna ah che i ngai dawn a nia "ti in ka ruahmanna chu pawm in min pui ta kha a nia .





Ka duh ang ngei in thil chu a thleng ta reng , mahse Hlusangzuali be lo a awm te chu ka tan thil na mai a ni lo , nitin ka ngai zual a, inlamlet duh chang nei mah ila " nun nuam tak tawng tur in ,a hlawhtlin theih nan a lawm i kal tir ,nang chu buaipui ngai reng tur leh chhawm dawl ngai tur mihring i nih tawh hi "ti in keimah leh keimah ka infuih ru mawlh mawlh thin







Damdawi in kan chhuah hnu ah kan khaw lam ah let in hun ka hmang zui ta a , nupui nei tawh tur a ka than miau avang in ka thianten thil awmzia min zawh pawh in chhanna ka pe ngai lo ,Duhnoi an lainat avang in min biak that duh loh chang pawh an nei a ,a bik in Hmingi leh Zikpuii te ,an awmdan chu awm ka ti a , min dem viau pawh nise sawi buai ka tum ngai lo.





Hun a liam a ,wheelchair ah thu in nitin ni ka hmang liam ve zel ,nupui ka neih leh tak mai lo ah chuan ka thiante nen pawh kan in be tha leh vek tawh ,Hlusangzuali chanchin min sawipui tum a an rawn len chang erawh in ka tuang ti chhah lui in chhanna an duh ang ka pe ngai lo thung.







A kum a kum an vei leh hnu ah chuan that lam ka pan ve ta zel , wheelchair hman ngai lo in tiang hawl in ka kal thei tan a , kohhran lam ah ka theih ang ang in ka inhmang leh tawh , vanneihthlak deuh in kan khaw English school ah Principal nihna dinhmun chelh in ka awm ta a , ka nun pawn hmasawn na lam a pan ve leh tawh .





Matei theihngilh ni ka nei lo a , kan khua a awm chung hian a lo haw hun ka la nghak reng a , Mahse ,Zikpuii hnen atang a bialpa a neih thu ka hriat tak ah chuan rilru na tak chumg si in pawmthiam dan ka zir leh a ,ka kaltir hmasak a nih avang in amah demna ka nei hek lo .





Khuanu ruat kan nih chuan kan la inhmu leh ang a , daltu awmlo a kan inkawp leh ngei ka ring ,kan lo ni ta lo a nih pawn rilru dam tak a pawmthiam tur in ka rilru ka siam sauh sauh thin.





.......







Tun ah erawh awmdun tur a ruat kan ni lo ang a ka ngai nghet hmiah tawh .





"Mama tho tawh rawh , sikul i tlai a nge " ti a ka pindan kawngkhar beng a ka nu a rawn auh tak ah chuan mit kham tun chung in ka tho chhuak a ,nizan ah engtik lai in nge ka mutthilh ka hre lo , dar 1 a rik pawn ka la muhil lo tih erawh ka chiang .





Pindan atang a ka chhuah rual in"Nidang ah tiang chen chen i mu ngai mang si lo"a lo ti a,a sawi dik reng bawk zing dang ah te chuan dar 6 leh chanve rik hma in ka tho ziah a, pawn ah boruak tha dawn pah in ka ke ka sawi zawi thin ,tiang hawl lo pawn in buaina ka nei tawh lo a, ka bike khalh chhuah erawh ka nu in a la phallo bur .





Ka nau nen eirawng an bawl a , ka pa erawh chhim veng lamah chem chher tir tur in a kal thung, buh hmun nei lo mah ila huan hnai ah zawngtah leh thingthupui huan kan nei a ,antam leh thlai dang eng emaw ching in ka nu nen hian an chhuak nitin ve thin .A hmun sam fai a ngaih chin ah erawh hlawh fa kan la mai thin.





"I pa chu a va thangrei leh ang, i nau nen khan chaw ei ula in tlai ang "ti in chaw ei chu min siam sak nghal zung zung .





" U , U Matei bialpa kha i hmu ve tawh em "Nautei chaw ei chu ka melh run, Matei nau nen an inkawm thin a , Hlusangzuali nen kan chungchang hi an sawi dun ve thin ni awm a ni, eng eng emaw min zawh leh khut chang a nei thin.







" Eng atan nge i tih ''





"Peki'n a hmeltha a tia mahse maw ,nangmah hmeltha a tih zawk thu che a sawi a "a ti niah niah chu ka kiai suk .





Peki hian min nel a, , a u chanchin min hrilh hriat a hrat a, a u awmbo lai pawh in ka zawh ngai miah lo in a chanchin min hrilh a, nghaihven lo ang tak in chhang liam puat thin mah ila , a chanchin ka hriat ringawt pawh in ka hlim na tawk a tling viau thin .







"Chaw kha ei vat rawh,i tlai a nge " ka tihsan ta daih , Hlusangzuali nen hi chuan inlaichinna thar kan siam leh thei in ka ring tawh lo , nizan atang khan a chiang mai awm e.A mah hmangaih tu leh hna tha tak chelh bialpa a nei tawh a , lo inrawlh chhen ka tum buai tawh lo .





Ka tih chi ni vak lo a ka ngaih leh ka tuina pawh ni ngailo zirtirtu kan ni ve ta mai chu a ni a , rinai tak in ka tui viau tawh thung , Pastor nih tum a zir leh lam ka rilru ah awm pha tawh meuh lo.





Sikul ka thlen chuan naupang kawt zawl a infiam ho in min lo wish sap sap hlawm , kohhran sikul a nih avang hian naupangte enkawlna leh inkaihhruaina lam ah pawh kan khauh ve khawp a , a tam thei ang ber Pathian thu hrilh nan kan hmang bawk thin .





"Vawiin chu nang ang lo tak in i tlai reuh hle mai " Pi Chhuani chuan a lo ti a, thawh ka hai thu leh ka mut a la chhuah thu ka sawi chuan nui hak in "A lawmawm ah ngai ang , thlamuang deuh a kan mu thei te hi Pathian malsawmna , mi thenkhat taksa na nei si lo rilru lam natna nei ,mutthilh duh si muhil thei lo an tam hi "a ti var a, a thil sawi chuan ngaihtuah a ti thui duh hle mai.





Tunlai ah phei chuan rilru damlohna depression ,anxiety kan tih te a hluar hle a , hre chiang mang hlei lo in ,awm awl lutuk vang te kan intih sak mai mai a ,chutiang ngawt ni in ka hre lo , kan chung a harsatna thleng kan hmachhawn dan a inang lo a thenkhat tan a ho deuh ni si kha , thenkhat tan nat pui ngawih ngawih theih tur thil a lo ni daih thei ,depression a neih vang a va hmuh mak ringawt te hi kan sim a tha , kan mihring pui te hriatthiam na kan neih loh chuan nun hlim na tawng buak a har .







Chawhma lam chu class pangngai in kan kal pui a chawhnu lam erawh naupang ho in game an rawn sawi chhen avang in kan game pui ta ngei a, naupang ho in nuam an ti khawp mai





Zan lam ah Chhana te in ah ka leng phei a ,nupui a nei tawh bawk nen a hma ang tak tak a inkawm a har tawh ,





" Thianpa , eng nge in chanchin ni zel ta,inkawp that leh lam in awn theih hmel em "ti a min zawh chuan lu thing nghut in" nizan khan ka thlah liam fel tawh "ka ti nghut , an in chung ah thu dun in thingpui kan in a , ka thil sawi chu mak a tih hmel ngang mai.





" Thiana ,i beidawng hma deuh lo maw "a ti leh , Hlusangzuali ka hmangaih zia a hria a , ti mai a ka kal tir leh mai si hi mak a ti nih pawn a demawm hran lo .





" Mi pahnih inkar a lo inrawlh ve chhen zawng , a nunrawn thlak "ka ti mai a , nizan ah kalsan tur in rilru ka siam fel vek tawh chung in, ka thinlung ah erawh a la khat liam tha ngang mai ,chu erawh ka tihlan a rem tawh lo .





Ka hmangaih him tak a awm nan ka thlah liam fel tawh , mipa tak in ka thutiam ah ding ngheh ngei pawh ka tum ...





Ka ban puam lai tak chu rawn hnek dawt in " a nih a hnu , Doroi hi i nunah lak luh tum rawh , ti khawp hian i chung a a rilru puthmang a tilang tawh a ,keini i thiante pawn kan hai lo , Matei bansan i tum ta ro ro , a thlaktu atan Doroi hi a tha ber ang,a hmeltha a, a fel a ,reilo ah i duh chawp ve mai lo ang tih pawh a sawi theih loh "ti in a nui a, chhanna ka pelo thung





A sawi dik erawh ka ti viau, kum in upat lam a pan zel a ,nupui neih hmabak mai tur ka ni dawn, ka nu phei chuan nupui nei tur in min tur tan der tawh, ka nupui tur a ka suangtuah thin ber nen kan inkar ah eng thil mah a awm thei tawh ngai dawn loh avang in hmalam pan a ke ka pen chu a hun tawh lutuk tlat.







Kohhran in a lo rel tawh ang in biakin sak that lam kan awn tan a,kan biak in sakna atan KTP ho pawh biakin ah hnatlang tur in kan chhuak khawm luih luih thin, vawiin pawh hnatlang an ko leh a , inrinni a nih avang in keipawh ka thawk hman ve dawn , sikul kan kal ni ah erawh ka thawk chhuak hman ve thin lo a ,kal loh ni erawh in ka tel ve ziah thung .







HLUSANGZUALI









Hnatlang tur in ka insiam a , ka nau te an awm dawn tho a ka nu chhuah san pawh ka hreh lutuk lo , ka nu pawh a dam tha ve zel a , khum erawh a la thawh chhuah san meuhlo .





Ka ni pawh ka be fel tawh a ,aizawl lam ah chhuk tur in min duh tawh viau mahse ka nu heti hi a ni si a, min rawn ti lui em bik lo .





Abul ah pawh tha deuh in " ka nu damlo rawn chhuk san leh ngawt chu a ni thei in ka hre lo ,ka nau te enkawl a ngai a , a ni lah a chak tawh lutuk lo nen ,eng tin nge maw ni dawn ni "ti in ka rawn pah deuh a , ka naute leh ka nu ringawt han kalsan leh chu tih chi in ka hre tawh lo , tun ah lah ka nu che thei mang lo in a awm leh nghal





" A va buaithlak e aw , keimah mai chuan dawr han siam leh enkawl chu ka zuam si lo, nang lah rawn chhuk tawh rawh tih ngawt chi i ni si lo , Mate dawr hawn kan tum hi kan thulh leh mai dawn em ni niang , ka sawi lang lo na chu I Pa Bda pawh hian rem a ti leh chiah lo ni in ka hria , min hnial na thu chhak chhuak lo mahse min phur pui chiam tawh lo emai, "a ti ta a , keimah vang a a thil chak a ti puitling lo tur cu ka inthiam lo ru ve khawp mai.





"Dawr luah tur te kha i be fel vek tawh bawk si a ,eng tin nge niang " ti a ka zawh chuan "kha lam kha chu lungngaih na tham a ni lo ,a man kan la inhlan lo a,chu lo ah pangngai tak a inbiak fel pawh a la awm lo, kei nin luah lo mah ila luah duh tur dang an tam a," a rawn tih leh tak ah chuan ka thaw huai , a nih chuan dawr hawn chu tum ta lo law law ila a that chu.





Kan inhnuai luah tur a siam ka ril ruk ta thung , thla tin tlem tal pawisa a lo luh chuan ,hnathawh lutuk ngai lo in kan khawsa ve naw naw thei ang, inhnuai siam lah thil har a ni dawn lo a , sum sen vak pawh a ngaih ka ring lo.





Thiani sawm thla in hnatlang tur chuan kan kal a , Simona nen kan inkar pawh ka hrilh a, ka then chhan ber erawh ka sawi lang duh lo thung ,Simona sawi hi chuan keimah ka inthiam lo nghal ngawih ngawih thin , khati khawp khan min buaipui a ,kei lah in na theihtawp in ka siam thung si , ka lak ah engthil pawh ti se , dem thei ka ni lo thil tisualtu ka ni miau .









Kha zan Rinsawmpuia men kan inbiak zan atang khan kan la inhmu leh miah lo a, phone atang biak tum ut ut chang nei mah ila ka la insum thei hram hram .





A ni pawh a reh ta hmak kha a nia ,mipa ngang a ni a ,kei ang in a rilru tibuai tu atan a hman ve ka ring lo ,





Hmingi dawr nghah a ngaih avang in a ni chu a hnatlang hman ve dawn lo a,hmeichhe ho in rawra kan chhu a ,mipa erawh an thawk kual duah thung .





Doroi chuan "Ka pa hmun dang a an sawn chhuah leh hun ah pawh ,in khua a awm reng mai hi ka duh , "a ti a , kan khua nuam a tih zia a sawi zui leh siam siam a, hmun dang a pem kual reng ninawm a tih thu a zep tel zeuh bawk.





Apa pastor a ni a, awmna ngai rengah awm theih ngawt a ni si lo , hmun dang dang ah an sawn kual reng nen,pastor nupui leh fate tan hian ninawm ve deuh tur chu a ni.





" Chuti chu,kan khua ah awm reng i duh a nih chuan , kan khaw tlangval pasal ah i neih mai a ngai dawn nih chu "Thiani'n a ti a , kei pawh in ka lo sawi zawm zat bawk.





Nui ar ar chung hian" duh deuh bik te i nei tawh em , hma kan la tan nghal ang chu " a tih zawm leh ,





" In ho e mai ,"ti hliai in Doroi chuan a hnung lam a hawi a, a kut a vai lauh lauh mai , a hawina lam ka hawi ve chu Rinsawmpuia nen kan inmelh fu nghal chat , kha zan kan inbiak hnu a kan inhmuh leh na hmasa ber a ni a , ka zam ru tlat pek , a ni erawh a lang pangngai viau thung .







A hnathawh thawmhnaw hak chu a taksa phiar lam mah a ni a, a lang lian zual khawp ,ni sa hnuai ah an thawk bawk a ,a hmai chu a sen deuh tul a, a nghawng ah puan te a awrh a , a thlan tla hruk na tur a nih ka ring .





" In va chhu hnem tawh ve ,Doroi hah tawh em "rawn ti in kan bul ah an rawn thu thla a , rawra chhu kan ni bawk a ,a bengchheng viau , tlem a tawng ring loh chuan tawng pawh hriat a har





Doroi a rawn ti bik kher chu ka lo la na deuh nge ni min ti hnual nghal rawih thei .





" Hah lo e , in thiar thla zo tawh em ni "a lo ti let vat , mipa thenkhat in rawra an chhut ve lai in,a then in cement an thiar thla a, kan thil ei tur lo siam pawl an awm bawk, kan insem zai thiam khawp mai.







"Aw zo, a thiar thlak na a thui lo a , tih a sawt khawp mai " a ti mai a , ka lo melh leh thin , mahse a ni erawh in nichin a kan inmelh fuh bak kha chu min la melh nawn miah lo .







"Mate ,i nu chu a tha zel maw" Chhana min zawh na chu tha deuh in ka chhang a , a that tawh thu leh zia awm lam a pan zel thu ka sawi chuan "a lawm awm a nih chu , rawn tlawh leh tum reng in ka awm a, hun ka nei thei si lo a,hman remchang veleh ka rawn la tlawh leh ang " ti in kan thianho a lui kal a chak tawh thu a sawi zawm a.





Thiani chuan "awi kei pawh ka chak tawh , karleh lam hi tin zawn chhin ila , Rinsawm nang i ke kha lui i kal pui ngam tawh a ngem " a ti a , a phur zia chu a hmel ah a lang vek.





"Kalpui ngam loh thu awm hlei nem ,a chakawm tawh ngawt zawk a lawm,chu lo ah min veng tu tur a awm , hlauhthawn awmloh 'ti in mawi ka tih thin dan deuh in a nui a , an pahnih in chhaih zui chu en reng peih lo in ,chhuan lam siam in ka kal sawn ta hrih .





Lung an dah sa kan chhu zo tawh a ,nimin lam ah pavalai ho hnatlang in an chhu ve a , nimin lam a an tih zawh loh keinin vaawiin lam ah kan tih zawm lwh a ni a , lung lak sa a tam tawh lo nen beisei ai daih in kan zo hma ta a ni ,





Ka kut paw phuk ka sil fai hnu ah tui in tur in cooler awmna lam pan in ka phei a,ka bul ah Hlutei rawn ding ve in min nuih a





" Mipa hi chu an mak ti raw " a rawn ti teh ngawt , hrethiam lo zet a ka en chu Rinsawma leh Doroi te nui dun lam min kawh hmuh in a nui leh suk .





"Engti zawngin maw, mipa chauh hi mak bik an ni hlei nem hmeichhia pawh hi kan mak thei ngawt a sin" ka ti liam puat , min melh in an ner nung a ,hun a liam hnem tawh tawh nen a hmel chauh a thlak danglam a nih hi , a hma a a rilru kawi zet ang kha a la pu reng .





"Hun liam ta thil ngaihtuah la , in nih that lai ngei ngei in Babyi vang in a then che a,in nei tur thang in a sin an than hial,mahse Pastor thar kan khua in kan neih hnu lawk ah ,ti hian a fanu nen sawi zawm an ni leh a , Rinsawmpuia hi ka rin ang mipa a lo ni miah lo " a ti ta chiam , an thinrim hmel em em leh nghal a , lo thinrim ringawt na chhan tur a neih loh teh reng nen hian aw .





A chhan ber a ka hriat tak chu, Rinsawma a duh si ,tun hma atang reng in Rinsawma lah in a lam a awn ngai si lo , chu a la na in tlawm thlak a ti ni mai in ka hria , lehlam kawng zawng tak ah chuan a khawngaihthlak zawk.





"Chutiang lam ngaihtuah lo in , pasal tur tha deuh zawng daih rawh , senior lam kan hnaih tawh hi " nui chung a ti in ka kal sawn san ta daih , min ngei leh ngawt in a nia ka rin.





Kum tam a vei hnu pawn danglam na hmuh tur a la awm lo a nih kha , a mak ngawt mai mi nun itsik reng reng a hun hman ral mai chu , a hahthlak ngawt ta ve ang ,a hrisel loh em em chhan te hi a nih ka ring ta .





Rilru lam a hrisel miau loh chuan taksa pawh hian tuar chin a nei nge nge thin.





Rinsawmpuia leh Doroi nui dun leh hlim tak a an infiam vel te kha hmuh hrehawm ka ti ve tho ,mahse Hlutei ang a mi bul a an chanchin chhiatna sawi a ,va rel tum tal ang erawh ka tih ngai loh tur te zing a mi a ni.







Doroi mitmenga duhna langchhuak kha ka hmeichhiat pui a nih na ang in ka hmu thiam a , Rinsawmpuian eng rilru nge a put ve tih erawh ka hre lo thung ,an lo induh tawn a nih chuan in rawlh buai ka tum lo a , tha deuh a enliam mai kha ka duh dan a ni .







Hringnun ah hian kan lungngai reng lo a , kan hlim reng bawk lo , tun ah lo na mah ila , chu natna chuan dam hun a nei dawn ,harsatna tawk in nun thlakhlelh na chang hre tawh lo mihring pawh lo ni ila , kan harsatna te khan kian hun a nei dawn ,hnehna nun nei tu ka nih hun tur suangtuang chung a kal zel in ka natna te inhmeh chi mit tir tum lo tur in ka infuih mawlh mawlh reng thin ang.











































"


Show post links
Top

[Ngaia]

HLUSANGZUALI







CHAPTER-20







Kar thar kan chuang kai a ,ka nu pawh in zia awm lam a pan ta zel , a han dam chho zel chu kan unau chuan kan lawm in kan hlim tih hairual a ni lo ,tawng thu chhe lo ah ka nu boral tur ang a kan ngaihruat chhin pawh hian awm ngaihna ka hre ngai lo ,kan unau neihchhun ngawih ngawih a ni tawh a , a dam loh leh a nawm loh hlek te hian Peki hi a mangang zual thin , Duata pawh a ni tho a , a ni chu mipa a ni a , naupang ber e ti lo hian a no lem lo thung.





Muanpuia rawn lang hlawl chu mak ti deuh tak in "deuh teh hlawl a , eng ti in nge i lo kal a " ka tih chuan "Venglai a Pu Samuela te dawr ah sawn ka u fa te ta tur sikul form mawza ka rawn lam lawk a, a remchang em a ,ka rawn tlawh kual zuai che nih hi" a ti a , thingpui siam sak ka tum chu a hnial a, tui vawt a in ta thung





"In khua i sawi len theih theih nen , in khua ah an zuar ve na nge " ti in ka kap zeuh "a awm loh lai tak in kan mamawh sia, phur teh chiam lo in in khua a mi ka rawn lei ta mai a nih hi ,"ti in min nuih var a , khaw thenawm kan ni bawk a , ka bul a an khaw chanchin tlem phuah belh a sawi uang der a la hrat reng a , kei lah in kan khua lo fak in ka hnial let ziah thin ,thutak sawi dun lo ngang chu ,thinrim lam ah pawh a kal ngai lo ,nuih a za ting a ni mai thin .





"Thil ka hria a nia aw , a rawn vui khawp leh nghal awm ngaihna pawh min ti hre lo "a rawn tih chuan " eng maw i hriat , eng nge awm ngaihna i hriat loh ve ngawt "ti mah ila , a sawi tum chu rindan ka nei thiam nghal ,mahse a sawi chhuak hmasa tu zawk nih chu ka tum lo.





Ka hnung ah beng dawt in " i ler zia thu a rawn sawi vul chuk kha chu , ka lo pawm pui lutuk a ,a sawi lai khan ka bul ah awm se chu ka kuah vawng vawng duh hial ang "nui duh miah lo in a ti a , ka hnar tum dat in , ka melh rum a, ka huat tur tawk sawi hi chu kan inhriat tirh te atang reng in a hneh sawh khawp mai .







" Zak teh , dawt dawt rak pui lo mai rawh "ka ti hlak chu a rawn nui chhuak ta hawk hawk a, nghal ti tak in ka melh reng thung





A hnu ah erawh thu tak zawk in " eng nge in inkar i tih tawp na chhan ,tha te te in in awm a nga ,in innei ang chu tih nak lai a"a rawn ti dut a .Simona nen kan inkar ah kha chuan a thiam lo zawk ka ni tih leh kan inkar ti tawp hmasa tu zawk ka ni tih ka in hria , mahse sawi chhuah nuam ka ti lo a , midang min ngaih dan tur ka dawn tel bawk.





" A hrilh lo che a mi "ka tih chuan lu thing in " chawlhni chhun ah khan Goa chhuk leh kan tum hun tur te in hrilh in kan in bia a , a tum reng vang pawh ni lo in inkar kha a rawn sawi lang ta zeuh ,khatah khan in inkar a tawp tawh thu a rawn sawi a, hriat belh chak a ka zawh leh pawn engmah a sawi zawm duh tawh lo ,"rilru buai hmel zet leh a ngaihna hriat loh hmel zet in min en reng a ,a thian te veve kan ni si a ,a tan tak pawh hian a luhai thlak ve ngawt ang .





Thaw hak in " chhan em em pawh a awm lo , inkawp tur chi kan ni in ka hrelo a , dinhmun a in ang si lo , chuta kar ah hmun hla tak ah a awm bo leh mai dawn si a , a tan pawn a thlamuang thlak loh ang a , hmel inhmuh loh reng chuan inngaizawng inkar pawh nise a chhan chiang tak sawitur awm lo hian a khi duh a , a dang pawh a tam , midang kei ai tha zawk a tawn na tur kawng ka dang mai mai zawk in ka hria ,min hmangaih ang in ka hmangaih let thei bawm si lo"buai nuai in ka ti chhuak halh , a chhan chiang tak in sawi lang lo mah ila ,ka sawi ho pawh hi a dikloh na a awm chuag lo.







" I then chhan tak min la hrilh loh ang a ka hriat tlat chu le "ka thian a ni a ,kan inkawm rei tawh bawk a , ka hmel ah thup then ka nei nge nei lo tih chu a hre chiang khawp mai.





" I sawi duh loh chuan ka zawt lui tal dawn bik lo che a nia , ka hriat loh vang in ka thi dawn pawh a ni lo "amah bawk in a rawn ti leh , ani tal hi chu hrilh ila ka inthiamlohna te a zia sawt mai lo ang maw , tlem tal in ka thawl phah hawk ka ring .





" Ka theihnghilh in , ka hmangaih tawh lo emaw ka tia "ka tih chuan 'tu maw'ti ni awm tak in a mit ko a san zeuh a ,sawi zawm leh in " ka chapo na leh ka induhtawk ve na te avang in amah ngaihtuah ringawt pawh kha tlawm ah ka la thin , hmel hmuh tur awm lo na na chu keipawh in ka ngaihtuah reng bik lo , i hriat ang in Simona nen kan inkawp ta a ,ka hmangaihlo tih ka in hria ,ka theih pa tawp a hmangaih tum in tan ka la a , mahse ngaihzawng ang a en ai in thian tha tak ang in ka en zawm tlat ,a chang chuan a lakah pawh ka in thiam lo thin "ti in ka chawl dat a , hriat zawm chak hmel tak a min lo melh in " sawi zawm leh rawh "a lo ti thuai .







" Ti khan mizoram ah kan let a ,kan khua ah kan awm leh ta chiah kha ka rilru a thi tawh a ka ngaih kha a lo la thih lo zia ka hre zawm leh a ,Rinsawmpuia hmangaih tawh lo emaw ka in tih pawh ka la theihnghilh loh zia leh ka la hmangaih zia ka hrechhuak thar lo , a lak ah ka thik thu a la chhe hle bawk tih ka hriat na khan Simona lak ah inthiam lohna min neih tir a , eng ang pawn min hmu in min ngai ni khua lo mahse ka dem lo , kei ai mi tha ,a mah hmangaih tu a tawn theih nan ka thlah ta zawk a ni , la inkawp tehreng pawh ni ila kan hlim rei chuang lo ang , ka hmangaih ve tlat lo a , atan a fair dawn lo lutuk tlat "ka sawi zo chu ka thawl deuh sawt , eng ang in nge a ni pawn min ngaih ve dawn tih ka hrethiam lo ,a ni pawn hmeichhe mak tak ang ah min ngai ve pawh ni se dem thei ka ni lo.







Ka rin loh deuh in " tih dikloh tam tak chu i nei ,mahse ka chan ah ka in dah chhin ve in ka dem ngawt thei lo che , Simona pawh tun ah chuan a a la tuar ve deuh ngei a nga , mahse in inkar i ti tawp hi nakinah chuan ala lawm zawk hial mai thei , ani chu mi fel leh mi tha a ni a , hmeihhe tha tak a la tawng leh ngei ang "a tih chuan pawm pui tak ka ni .





Kan inngaihzawn lai reng pawh khan a phone en sak zawk chang ka nei thin a , number hlang ringawt atang a * i chhelo *emaw *bialnu i nei em *tih vel a dawng ve nual thin .Aman a uk sak lo nen kei pawh khan han thinrim nan ka hmang ngai lem lo.





Hun a liam deuh a nga kei ai tha a tawn loh reng ka ring lo .





Muanpuia bul ah a hma in ka nu chetsual chungchang ka hrilh tawh a , a haw dawn ah pindan lam ah lut in ka nu thil ei theih tur a a rin a rawn lei chu va pe in dam thuai thuai tur a a chah hnu ah a haw a , ka nu pawh hian Muanpuia hi chu fel a tih thu leh a ngainat awm a tih zia a sawi ve luam thin reng a .





A kal hma a Rinsawmpuia nen kan inkar min zawh erawh in chhanna mumal ka pe lo thung a , mahse a hriat thiam leh vek tho chu ka ring .





Duata sikul bang rawn haw chu ka nu bul ah va kal in , khum bul a dawhkan te inhung a a eitur lo awm belh leh dul a hmu chu lawm hmel tak a pan phei in " nu hei hi ka ei aw "ti in a kheh nghal sawt sawt , ka nu kan nan a ei tur an rawn pek ho hi ka nu hian a ei vak lo a ,chu tak chu Duata lawm ah a lo tla, a sikul bang hi inthlak pawh inthlak hmasa lo in ,ka nu pindan lam a pan hmasa phawt thin .





Peki lo haw pawh inthlak in ka nu mutna bul ah thu in lehkha a zir a , class 12 board exam tur ani bawk a ,a zir ngawrh viau mai , a rilru chak lutuk lo mahse a zir peih a , 10 pawh kha distinction ah a pass a, ka awm bo lai ni mahse a pass that em avang in a lawm nan cake siam tir na tur pawisa te ka thawn a ,a thiante ho nen lawm in , an thlalak ho pawh min lo thawn ve bawk.







Duata erawh hi chu class 9 ni ve tawh in , a zir peih loh lutuk hi kan mangan pui thin , a rilru a chak a , reilote a zir hi chuan pass na tham hi chu a thiam leh mai thin ,lehkha zir ai in ram lam a chet tlat nuam a ti zawk a , thian ho a lui kal te hi nuam a ti in,kan khua a ka let leh hnu pawh in a sangha man vawi hnih chu ka ei leh hman tawh , ka nu pawh in" i nau hi zawng lehkha zir mi a ni lo a nih hi , i pa a chhun a ram lam pang hian a rilru a awn zawk a nih hi , mahse chawlh tir ringawt chu a la hma mah mah , 12 tal hi han pass se, chu mi hnu ah chuan a duh leh a zir zawm a nga , chawlh a duh leh a ma thu thu a ni tawh mai "a ti ta tawp reng kha a nia .





Nilaini ah kan thianho chuan lui chu kan kal ta nge nge , Doroi pawh a rawn kal tel a ,Rinsawma bul ah kal in a tawng siam siam reng.





U Sanga a rawn tel ve bawk, U Sanga kan ti tak na chu a la upa lutuk chuang bik lo , amah hi lehkha thiam leh veng va deuh a ni a , a kum a la tam lo ngaihtuahnin KTP leader hial ni thei a ni . A mah a fel bawk a , keipawn kawm nuam ka ti ,kei ai mah in ka thiante nen an innel zual bawk.







A hmun kan thlen tak ah erawh a nuam in ,boruak a dai nuam bawk si a , a hahdam thlak tak zet , sangha man tum ngawr ngawr a kal kan ni lo a , thian ho intihhlim leh intihthawven nan a kal kan ni zawk mah nen a hahthlak zawng chi a chet lak vak kan tum lem lo.





" A va nuam e, ka kekawr hak hi kan phelh a nga , tui hi kan dai tiang "ti zung zung in Hmingi chuan a kekawr hak lai a phelh nghal sut sut , kekawr bul nen awm in tui a dai a a au chul mai.





" He nu boruak hip sang thei bik lutuk hi chu a "tui a a ke chiah pah a, khek chiam chiam chu en in, Chhana'n a ti hluk hluk a





" A hunlai te kha chuan i duh theih hluam hluam em kha "Rinsawmpuia'n a lo ti zeuh , midang ho chu kan lo nui tha hlawm a , an inngaizawng thin tih hre vektu kan ni a , kan lo man hlawm ngang mai.







" Kan nu rai tir ,huat thu chhe lutuk in an thik tlat kha chu , tih ngaihna a vang a sin aw , Hmingi hnen a kan sawi lah khan min nuih nghek nghek hnu ah thawveng zet in a rawn leng lut leh a, eitur te kha a rawn la ken sak ta deuh deuh , min ti hawi lawl lawl a lawm "Chhan an Hmingi chet dan ngeiawm leh nuihzathlak deuh an sawi chu tumah insum zo kan awm lo kan nui tlang vek a .





Tun thleng hian an inngaizawng thin kha mak ka la ti reng a , thian ho zing ah rau rau pawh in hnial peih leh in khak dun reng thin kha an nia .





Mipa ho in len khang an zar a , hmeichhe ho erawh tui ah kan lo infiam thung , a thuk lo lai ber ah kan awm a , midang ho an luh lai in lung chung ah thu in ka ke ka chiah a, ka duhtawk hrih khawp mai.





" Lo lut ve rawh , a nuam lutuk , tui chen ka zir tir ang che"ti a Hmingin min rawn pawh luh a tum chuan lu thing in ka lo hnial vat , a nin tui chen min zirtir zawng in ram ropui kan inthlen lul lo ang .





Doroi ka bul ah lo thu in "tiang ang hian lui kal a nuam ang tih rin ngaihna ka hre lo " a rawn ti siam siam , a hmel hlim sar atang in nuam a tihzia a hriat vek ,kei ai kum hnih in a naupang a,kum naupang chhe zawk zawk chu a ni tawh biklo mahse a thusawi leh a mah hrim hrim hi eng emaw chang hian naupang thil sawi hi a ang ka ti thin, a tawng duh a, sawi hreh lutuk hi a nei lo bawk ni in ka hria.





"Mipa ho chu an man hnem tawh a ngem le aw" ti in an awmna chhak lam chu a melh a , chutah ka lam rawn hawi in "U Rinsawma nen hian in inngaizawng thin ti raw " ti in min nuih sang chung in chhan na ka pek hun nghak in min en reng .





Tawngka a chhang lo in ka bu nghut a , a mitmeng danglam zawk chu rei lo viau mahse ka hmu hman ,a hma ka rin rilruk kha a dik tih ka chiang leh zual ta em em .Doroi hian Rinsawma hi thian ang chauh in a en lo tih ka hrethiam .





"In inthen hnu ah pawh ti hian thian tha tak in la ni reng thei a ,in rilru a tha ve ve tih a hriat theih "arawn ti zang vah , " Hmingi leh Chhana pawh ti hian an inkawm leh nghal thei a lawm , thil harsa hran a ni lo "ka ti let a , mahse sawi ang ngawt a awlsam a nih loh zia hretu erawh keimah tho ka ni,





Rinsawmpuia lak ah rilru pe tawh lo pumhlum ila chu , a harsa lo ang ,mahse tham ral lo hmangaihna kawl tu ka ni a , tiang a thian ang a inbiak leh pawh hi thil hrehawm zawk zawk ni lo mahse boruak ken tel a nei tlat thung





" U Rinsawma hian bul tan that pui ah sawm leh ta che se la , eng chhan na nge i pek ang "chiang tak in Doroi chu ka melh , chutia chhang lo a ka melh reng tak ah chuan rawn nui leh var in " theihnghilh daih rawh , ka tawng a kal laklawh hi chuan ka thil sawi ngaihtuah lawk na chang hrelo hian ka lo tawng chhuak leh thin "inthiam leh chiah loh hmel tak a a hmui khawih zeuh in a ti zung zung , Kan thiante tui cheng zo in min rawn pawh phei tak ah chuan ,mipa ho awmna lam ah kan chho ta dial.





In atang a kan chhuah khan a la hma angreng a , tun ah pawh dar 12 a pel awr chauh a ni .Mipa ho chuan sangha tlem a zawng an lo man a , chakai te reuh te te 5 hi an lo man tel bawk , a la hmeh khawp dawn in an hre leh lo a niang an chhuah leh ta daih.





U Sangan lui piah a mau lian deuh pakhat chu sat thlu in ,sangha chhum na tur a siam a , chaw erawh kan fun a, chhum a ngai lo , sangha a hmin veleh hnah ah chaw ei kan siam nghal vat vat , kan sangha chhum chu a hang tui ngang mai , a tu a te pawh in kan ei hnem in kan puar tlang viau in ka hria .









" I hnung a bag kha min lo ban lawk "





Hnung lam hawi in bag dum chu ban in ka pe a ,ka nuih sang bawk , min biak avang a lawm ta em em ka ni lah ka inhre chiang ,kan kal lam leh a hmun kan thlen hnu thleng pawh in min en kan ka ti mai , min be lo a , awm ve lo ang mai in min en liam zel a Doroi erawh a ngaihsak in , kawng kal harsa deuh ah chuan kai in a kal pui thlap a , a chetsual hlau in a veng reng bawk .





Sawi theih nei lo mah ila ,hmuh hreawm ka ti in ka lo inseh ruh leh ngat ngat thin.







"Ka lawm e " ti in kan thiante tui chen leh na lam ah chuan a phei leh nghal , beisei ruk ka nei a , mahse beisei ang chuan thil a thleng leh chuang lo , ka kiang ah rawn thu ve in inpawh tak chung a ti ti dun ka lo suangtuahna chu eng mah lo mai a ni.





A hnung lam chu ka thlir ta reng , kekawr bul ha in kawr erawh a ha lo thung a , thingtlang tlangval tih tak ah a ngo hluak lo na chung in a han dan a tawk reuh em em thung , a hma a ka sawi tawh ang khan cher tih a sawi tur a ni lo a, a ma tawk ah sa tha phiar fat mai nei a ni, a sam pawh a la kir ta reng .





Thian te tui a awm infiam chu en in ka lo nui ve leh zeuh thin , tun kher kher a ka period chu hunlo hi kan ti khawp a, period lo ila chu an zing ah tui cheng in hlim deuh in ka aem ve mai tur .





Doroi leh Rinsawma tui cheng in zir tir chu melh loh tum teh mah ila ka mit ka veng zo meuh lo chu a ni ,ka lo en leh vawng vawng thin ,taksa inhnaih chilh tak in an awm a , Rinaawa lah in kawr a ha lo , Doroi pawh in kawrbah leh kekawr bul chauh a in bel a , midang tan hmuh hreawm ni dawn lo mahse kei erawh chuan ka lo hmu mawh hle thung .





Hlim tak a an nui dun ka hmuh te chuan mal intih bik riau na ka nei a , hun kal tawh a tih sual tam tak ka nei tih ka in hria ,chu thil hre reng chung in , siam that leh na hna thawh ka tum rilruk lai in ka rilru ti nguai em em tur thil ka hmu in ka hre leh si ...





Hringnun ah inhmangaih tur a khuanu'n a duan ni mah ila , awmdun tur a a zawm kan ni lo a nih ka ring ta ber .





Kan inkar in hmalam a pan thei tawh dawn lo a nih pawn ,mahni tang hma hai zet a Simona va biak that leh ka tum tawh lo a , a lak a ka chet duh dan ka ngaihtuah ringawt pawh in mahni inthiam lohna leh hrehawm tih na nasa tak ka nei thin





"Va ngaihtuah muk awm ve le" ti ri ah chuan ka ngaihtuah na atang ka harh zawk ,ka bul a lo thu U Sanga chu ka lo nuih a, "I cheng duhtawk der em ni " ka tih chuan ,puan a a lu hru hul mawlh mawlh in "duh tawk der mai , tui a awm reng zawng in a vawt dawn dawn mai a lawm, kum upat tawh hi chuan tlangval sa that lai ang ngawt a ni tawh lo ,vawt te hi kan tuar thei lo em em mai a ni " a tih luam chuan ka nui a , amah chu melh in "tun ah pawh ila tlangval reng lo em ni " ka tih chuan a nui ve ta hawk.





"A, Tlangval te chu la tlangval tho e , Hlusangzual ka sawi i hrethiam reng " ti hluk in amah pawh chu a nui leh rih.





"Nupui neih vat i ngai a nih kha " ti in ka kap leh zeuh , tlangval hna tha tak nei , hmel lah chhia ti a sawi tur ni lo leh chhungkaw pangngai tak a chawr chhuak a ni a , in thenawm mai kan nih avang hian an chhungkaw fel zia leh midang tanpui pawh an hreh loh zia hmu a hre ve tu ka ni ,nula lam hi a ngaihtuah lo hrim hrim nge ni, bialnu a neih thu hi ka hre ngai lo.





"Chutia ngai min tih leh , kan innei mai dawn a mi , kan inhnaih bawk a , duh duh hun ah i nu leh nau te i hmu in i va awmpui thei a nga , a remchang ngawt tak ang " fiamthu in a rawn ti let ve a , fiamthu a duh in amah hi a zau a , bul a awm pawh a nuam .





Khuh kharh ri ka hriat chuan kan sir lam chu ka hawi phei thuai , Rinsawma lek lo ni in , tak run hian U Sanga nen kan thu dun chu min melh hi a lo ni ,a ni pawh lo in thlak fel diam tawh in , midang ho pawh an thawm a reh diak tawh a , an inthlak vel mek hlawm a niang.





"Sawi zawm leh ta che u, hmuh thiang lo hmu ang mai a in ngawih dun tak daih a " ti in kan piah deuh ah chuan a thu a , phone khawih in kei ni chu min rawn ngaihtuah zawm lem lo.







"RS haw lam kan hnaih tawh dawn em ni niang " U Sanga'n a tih chuan pawm pui tak in a bu nghut a , haw tlai lutuk chuan khua in min thim hnan a nga eng kan keng si lo nen a buaithlak tur thu a sawi zui sup,





"A nih chuan midang ho ka zuk hrilh a nge 'ti in U Sanga chu a kal thla a ,zui ve ka tum uk na chu a kal thla chak lutuk a , zui hman pawh a ni lo, ka che chhuak uk tawk chu ka thu tha leh .





Rannung hram chuah chuah leh lui luang ri bak lo chu hriat tur a awmlo a reh tlawk tlawk , ngawih reng ai ah ti in biak han tum ve sa teh mah ila sawi chhuah mai tur ka hre thlawt lo.





" Min hlau deuh em ni min melh hrek hrek a "a lam chu hawi phei in " ka melh lo che "ti hlak a ka hawi sawn leh vat chuan a nui suk hmel erawh ka hmu thawi thuak hman .





" A nuam i ti em ?"





"Ti e " ka ti tawi tak , nichin lem ah a biak thlahlel ngawih ngawih in ka awm a, min be ta cheng a ka chhang tha duh leh chuang si lo





"In pa'n a phal em ni " ti in "kan zing a tel tur in i lo sawm ve lo a ni ,nuam a tih ve dawn tehreng nen" awlsam tak in a ti liam leh puat ,In pa a tih chu Simona a ni ngei a nga ,la inkawp tluang reng tur ah min ngai a ni mah na.





A ti mak reng reng a , Simona te chu aizawl lam ah awm tih hre ve reng si , 'i sawm ve lo a' te tih ,a lo kal thei dawn lo tih hriat sa reng reng.Tawng chimawm thiam thei khawp .





"Simona leh kei .." ka ti chiah chu dur khup a min rawn en in "sawi a ngai lo , ka tan a tangkai lo " a lo ti hmuk , a awmdan ngeng ngul leh a tawngkam hman dan te chu amah a ni ta lo emaw tih mai tur a ni, mi zaidam tak ni in ka hre thin a ,a zaidam reng bawk , mahse thin butut chu a lo nei ru ve reng tho a nih hi.









"A lo nih tak chu a " ti let ve hmak in ka hawisawn vat , hman ni zan a min la hmangaih thu sawi tu pawh kha a ang tawh lo ,





Rinai in midang ho lah chu an rawn la chho har em em zui , "tiang a kan thu dun hi i bialpa khan hmu se i lak ah a thinrim ngei ka ring " hniam chhak in a ti a , ngeiawm lam lek lek in a kiai suk bawk.







Kei leh Simona chungchang sawi ka tum in atan tangkai na awmloh thu in min lo ti tawp a , ngawi reng a ka thut mai mai tawh lai in amah bawk in a rawn sawi chhuak leh ang lawi a ,eng chu hria ni maw .





"Bialpa ka nei lo tlat "





"I uang em ni ,in innei tep tawh ang chu ka tia " ti in ka lam ah a rawn tawlh hnai hrut , hmanni zan kan inbiak dun a ,ka rilru puthmang ka lan chhuah tir leh amah chelh din tum a ka auh vak vak te kha chu hria ang in a awm leh duh miah lo chu ka ngei ru tak tak.





Thinrim leh ning ru tak hian "a mak fo , bialpa ka nei lo , kan inthen , a tawk em" a lam hawi in ka ti chhuak tuar , ka duh ai in ka aw a vin , Rinsawnpuia pawn ka awm dan thut chu mak tih hmel tak in min melh dawr a lawm.







"Eng maw,han sawi nawn leh teh "thaw hawk hian a rawn ti a ,a hmel hahdam huai leh hmuh nuam ta em em chu eng vang nge ka hre lo.





" Ka sawi nawn tawh dawn lo ,chu lo ah i tan a tangkai lo a ni lawm ni "nichin a a tawngkam hman ang chuan ka ti let ve leh kher ,





Eng emaw sawi tum in a ang zuau hman ,mahse kan thiante an rawn thlen chhoh takah chuan min melh vung vung in a ngawi leh ta zawk .







Ka tawng chhuah dan kher kha tullo ti leh hnuhnawh viau mah ila tih theih a awm tawh der lo .Midang kha lo lang vat lo se chu thil tam tak kan sawi dun hman ngei a nga , kan pahnih kar pawh in hmasawn lam a pan loh vek chuan hniam lam a pan ngei ka ring .







Lui kan kal atang pawn ni a kal leh duak tawh , Rinengi pawn Simona nen kan chungchang zawt in min rawn bia a , min dem lek lek tih chu ka hrethiam rei ruai thei ,kei ni ai kum lam ah nau deuh mahse , kan inkawm tam in thu tha a chhia in hrilh tawn thin kan ni bawk a , ka lak ah a lungawi loh deuhna pawh thup lo in min rawn hrilh a,





" U Simona tluk a hrethiam thei tu leh enkawl a dawh thei tu che i tawn leh kher pawh ka ring tawh lo, nakin ah i la inchhir mai lo ang maw ,a tlai tak tak hma hian in inkar chu siam that leh tum rawh , hna tha tak nei in a awm a , nakin hun lam ngaihtuah thlen zel phei chuan a ni tluk a chawm zo tur che an awm lo" ti in min rawn hrilh duh thawh khawp ,chhang lo in a thusawi chu ka lo ngaithla liam ta ringawt .







Ka hming tluk zet a ka hriatchian erawh eng tik ah mah Simona ka then hi ka inchhir ka ring lo , kei ai tha a la tawng ngei ang a, chu tih hun ah pawh rilru chhia pu lo in ka lawmpui em em dawn ,mahse a lak ah erawh ka inthiam lo kumkhua tawh in ka ring.







###Karleh ah semester exam kan nei dawn a , peihloh chung chung in kan zir ve thin a ,ka zir zawh lam ah hian ka rawn dah mai thin a , nizan kha dah tum deuh in awm mah ila mutchhuak in min rawn chenchilh ta tlat nen ,ka lo muhil deih a ,zia lo tak tak a ni .Ti hian zing ah ka lo dah mai aw .


Show post links
Top

[Ngaia]

HLUSANGZUALI







CHAPTER -21







Sawi hmaih theih loh ,a hma ka lo rilruk deuh ,inhnuai luah tur a siam tir ka tum kha thulh leh in kan in kawt ah dawr te tur ka siam tir ta zawk a ,kan ngaihtuah tlang chet chet hnu ah tha dawn riau a kan hriat tak vang a ni , kan awm na lam ah hian dawr hnai a awm lo a , mamawh chak khai lam tur pawn vengthlang lam ah kal a ngai daih thin , hla lutuk phei chu ni hran lo mahse ,hmanhmawh thil thu ah hian a buaithlak thin em a.





Dawr kan siam chuan hnai te ah khu lam kal ngai lo in an lei thei tawh dawn a , keini tan lah hlawk na a lo ni ve zel dawn bawk .





Ka biak buai tur neihchhun leh ka ngam tlak ber ka ka ni ka be pawh leh ta nge nge ,dawr bungrua tlawm na deuh min lo zawn sak tur leh min lo laksak mai tur in ka ti a , hnial buaina nei lo in a lo zawn tur thu sawi in min sawi phur pui thiam leh khawp mai.





"Inbiak dun kan ngai in i hre ve em ?" Rinsawma tang a ka dawn a ni , a reh vang vang hnu in min rawn be leh nawlh chu mak tih loh theih pawh a ni lo.





"I hmuh reng te chuan min rawn chhang let ve la aw , induh hun pawh a ni lo " chhanna tur ka ngaihtuah kual lai in a rawn ti nawn leh ,phone melh in ka nir nang mai , induh min rawn tih teh ngawt ni .





"Eng thil nge kan sawi dun a nga "ti in ka chhang let a , ka thinlung hian beisei a nei a, beidawng leh hma lam pan a kal ka tum pawn khawi emaw lai ah hian hma lam pan thei lo a min pawt bet tlat tu a awm thin.





Min rawn chhan let mai tak loh ah chuan status ka en kual a , mi status en kual nuam ti viau mah ila keimah tak hi chuan status te hi ka nei khat khawp ,thla khatah hian vawi 5 ka nei ve tawk mai thei tih vel a ni.





Doroi status ka en chuan ka hmet tawp chut ,sikul kawt a Rinsawma nen a inkuah chial a an lak dun na hi a hmang a , a hnuai ah





*A ni nen hi chuan eng kim hi a hlim awm zel zawng a nih hi "tih thu a hmang tel bawk , chiang deuh in ka en chiang a ,an pahnih a nui hmel chu a der ni lo in thinlung tak a nui an ni tih a hriat bawk , keimah ah che dawt a awm a , ka phurna ve te kha chu khu tah a awm leh daih tawh .





Nitin an inhmu thei tih ka hria ,thenawm lawk an ni a ,an in len pawh awl lo bawk ,chuta chhap ah Doroi sikul ah mi ai a kal lai tak a la ni zui.





Ka en reng lai chuan Rimsawpa a hnen atang message ka dawng a " kan pahnih inkar chungchang "tih te hi a rawn thawn a ,chhan let chak na ka neih hrih loh avang in phone dah in ka mu ta daih ...





Zing lam ah pawh min rawn wish ta thlap , chhan loh tawp ai ah ti in ka wish let ve a, ka nu pawh dam tawh in , duh ang ang in a che leh thei tawh , a chawhmeh huan ringawt a rilru ah a awm bawk nen, feh a tum leh ut ut thin erawh ka phal lo a , chawhmeh lak a hun leh thlawh fai a ngaih chang chuan keimah ka feh mai thin , Sikul kal loh ni anih chuan ka naute pahnih ka hruai tel ve thin .





Kan dawr te tur pawh Pu Hmuna kan kawmthlang a awm mistiri chu kan ruai a , a lian lutuk lo bawk a nihnih ah a peih fel hman vek , ka ni in dawr a zawrh tur a then then a rawn thawn chho tawh bawk nen a zan a zan ah kan unau in kan rem fel nghal vek a , dawr kan han hawng tur chu ka nau te pahnih hi kei ai ai an phur zual a ,nuam ve tak a ni .





Chhuah mai mai kan thei tlang tawh dawn si lo ti in Chhana te in ah kan thianho a thil tih khawm kan rawt a , dawr ka hawng tan dawn a ni a ,kei phei chu a tan tir a ni dawn nen inzir chawp tak meuh meuh a ngai dawn a ,dawr hawn reng duh dawn phei chan chhuah vah vel chu a harsa tawh in ka ring bawk.







Rinsawma lah ni se krismas kan hnaih tawh a ,naupang ho exam zawhna tur siam a lo ngai dawn nen an buai zual hun lai tak a ni ve dawn a , chutin Chhana pawh an nu nau neih a hun tep tawh , chhuah san reng chi a ni tawh biklo ,





Hmingi leh Zikpuii pawh an mahni tawk ah an buai ve em em a , Hmingi phei chu an dawr a ti lian belh zel nen keini zawng ai hian a buai emaw tih mai tur a ni, ngaihzawng han buaipui hman pawh in a khawsa lo.







Zikpuii lah krismas a hnaih tawh avang in kawr thui tur a ngah a , nileng hian khawl nen an inthut chilh nileng zak thin.





"Nakum lam chu pasal ka neih san tawh mai thei che u a ni " kan thut khawm thep thawp laiin Zikpuii chuam a rawn ti chhuak hlawl, hmeichhe ho chu kan te deuh that, ka awm bo hlan khan aizawl ah puan thui a zir a ,a bialpa pawh aizawl lam mi ni in hmaichhan ah la ve hmu chiahlo mah ila,





Hmingi hian a sawi fel em a a, ani hialin fel ti a a fak chu a fel hle turah ka dah hmak ,a kum erawh a naupang zawk zawk tawh bik lo hle thung .





Chhana chuan "Hmeichhe ho zing ah i fing hmasa ta ber a nih hi ,pasal neih hreh tak tak hma hian neih tur zawng a neih vat tur chu ti lo zawng ,mahni in ah duh dan dana khawsa in , midang in a va lawi luh leh te hi in hreh phah ang a , in leng senior thak mai ang ,keipawh chuvang a nia ,kan nu hi ka neih vat " ti in a tawp lam chu a rawn fiam thu a, midang kan nuih hawk hawk hlawm lai in an nu erawh a nui tha duh der lo.







"Chhana sawi kha a dik riau a nia , kei ni pawh Hlusang kan ti ve huk mai dawn em ni " U Sanga'n min melh in a rawn ti





Fiamthu bawk a chhang let in "Thiani pasal neih hma in tih khalh ila a that dawn chu ''ka lo ti let a ,nui chung a ka hawi kual chu Rinsawmpuia nen kan inmelh fuh ta chat , midang an lo nuih lai in thinrim mitmeng tih hai rual lo in hmun dang pawh melh lo in min lo en reng ,a bul a thu Doroin a biak pawn en pawh en lo in a chhang hmuk hmuk a, ka hawisan ta daih.





Rinsawmpuia'n min la melh reng avang chuan ka sa hat hat a , ka biang dawm in ka thaw hak , a melhna ringawt pawh ka lak ah nghawng a la neih nat dan chu a ngai reng.





Eitur kan siam lai in Rinsawma chu ka bul te ah a rawn thu thla , dawhkan ah a kiu nghat in a khabe a dawm a





" Thiana , khati em em a hnai ah va melh lo la ,a chet i ti khawr vek a lawm "Chhana tui in tur choka lam a rawn kal chuan a thianpa awmdan chu nuih zat hmel tak in a rawn ti lang lang ,





" Nang ni hi e nge in awm zia "hrilhhai hmel tak in Hmingi pawn a rawn ti ve bawk , kan inkawp tha leh tawh emaw an ti tih an mitmeng atang ka hrethiam vek .







Ka bul a mi lah in eng mah sawi a tum si lo ,kut nen meuh a tang kawp in " in ngaih ang kha a ni lo . "ti a kan inngaihzawn loh zia thu sawi ka tum chu Rinsawmpuia thu rawn sawi avang in ka ngawi ta daih...





" Kan inkawp tha leh dawn "a rawn ti nih chu ,a mal a ka va sik hlak , ka kut lak let leh ka tum chu vuan bet in a hum a ,a malchung ah a dah hmak ,pawh chhuah tum a ka che ka che chu ka beng bula te zawi te thum fiah tak si hian ''awm hle hle rawh ,ti lo chu " ti in ka hmui chu melh ran in a then sak ,ka che ka tawp chiang teh a sin aw.







Phur tak hiam "awi, in inkawp that leh hi lawm kan duh ber , inthen tawh lo in innei tawh ngei ngei ang che u in hria em ,Thiani saw ka va hrilh ve teh ang" Hmingi chuan ti hluai in Zikpuiii te awmna lam ah chuan a phei nghal, auh zui tum a ka che chhuak tur chu Rinsawma chuan ka kut a a hmer deuh vak a nih chu , ka en chu a lo nui vur vur , a nui mawi teh sawng leh nghal.





"Inbiak fal in mamawh ka ring , sitting room lam ah ka lo va phei a nge ,Mate ka thianpa thusawi kha ngaihthlak sak la , in inkar siam tha leh mawlh teh u , chuti lo zawng a leng tar mai ang " ti in Chhana chu a kal sawn ve leh, Rinsawma lo phun hluk chu rawn hawi let in a rawn la nuih hram .





Kan pahnih chauh a kan awm ta chu boruak a dang ta zar,, zam miah lo leh zak lo ang tak a awn lui tlat in ka melh a "nichin i sawi awmzia kha " ka tih chuan ka kut la kang in a hmui ah a nawr si vang vang ,hahdam ta huai ang mai hian maimit chhing in a thaw chhuak siai siai a,a chezia chu hmuhnawm tak a ni .





Chutah rawn meng chhuak leh riai riai in "kan pahnih inkar hi siam that leh ka duh " zawi sup hian a rawn ti chhuak , chhan na pek dan tur ka thiam lo , duhlo bik chu ka ni lo ,mahse hlauhna leh rinhlelhna hian min rawn chen chilh leh thin .





Doroi nen an inkar pawh zawh fiah ka duh a , a awmdan ka chik a ,tun ah ngat phei hi chuan an inkawp loh zia ka hre tawh ,mahse zawh fiah chian erawh ka duh tho .





"Doroi nen hian " tih te chu ka sawi chhuak , han zawh dan tur kha ka baih vai leh riau pek a ,chiang tak leh mitmeng de sat sat in min melh reng nen lai rual ni tawh lo mah ila ,kum a tam hnu pawn a kiang ah chuan ka la lai ve tho chu a nih hi,





A mithmul chung lam kan zeuh in "sawi zawm la " ti in a thutna chu min hnaih leh zual tur in a siam rem , kan inthut hnaih ta lutuk te chu nuam ka ti chiah lo,midang an rawn lut thut ang tih hlau reng reng in ka meng kual hrek hrek .





Chhana chhungte chu in ah an awm lo tih chu ka hriat sa a nia , an ni chu eng nghelh ber ah ka nei lo , a la tlai chhe lo a ,an rawn haw vat ka ringlo bawk , kan thiante tu emaw ber an rawn lut thut ang tih chu ka hlau ta ber in ka hria .





"Min hnaih chilh lutuk " ti in ka tawlh hnung hret ,min si chet a a thut mai bak ah ,ka kut hum in a a khabe ka lu chung ah a nghat vang vang nen ka thaw dep dep a,





Eng ah mah ngai lo in a awmdan ngai in a awm lui reng tho "Doroi chu sawi zawm la " dam dap in a rawn ti chhuak sup .





"In inkar ah eng inlaichinna nge awm , ka sawi awmzia chu , thian ni lo " ka ti bah nuai , nui ruh ruh a min melh in "ka ruahmanna kha a thawk ni maw " a rawn tih leh sup chuan ka bang bo viau mai , eng ruahmanna nge a sawi hi ka hrethiam chiah lo.





"Tun hi chu sawi hun tak a ni in ka la hre lo , hei ai hunthawl tha kan neih hun ah ka hrilhfiah ang che "ding in ka kut chu a hmer zeuh a , a thlah ve ta bawk .





Sitting room lam ah kan phei a , Doroi bul ah a thu leh dawn a maw ka tih lai in ka bul chet ah rawn thu thla in " Kan thil ei tur siam chu ei tawh dawn ila "midang melh kual in a ti zang vawh , kan thil ei lai leh a hnu lam thleng pawn ka kiang ah a awm ta chawt, chu tia awmdun mang ngai lo kan han awm dun chu puitling thil man thiam thah awm khawm vek kan ni bawk a, rindan tawk an nei theuh ang.





Doroi pawh in min ngaihven tih hairual a ni lo , kan lam a rawn thlithlai deuh reng te chuan nuam lo min tih tir deuh ,mahse nula fing tak a ni a ,midang tana ngaihbel theih tur in a khawsa lo , chik viau lo ila keipawn Rinsawmpuia a duh tih ka rin thiam theih ka ringlo.







Inchhung lut hmasa lo in dawr ah chuan ka luh pui a ,ka hnial deuh na chu sawi dun tur kan nei ti a atan tlat avang in an in ah haw lo in min zui haw a , ka chungte an mut tawh ka rin avang leh a hma tawh hran loh avang in in a luh pui lo a, dawr a luh pui ta ka ni .





Dawr a thutna tur kan dah ah chuan a thu thla a, a bul ah ka thu ve bawk ,dawr chhung chu en kual in" dawr a zawrh tur thil te i nei nghal thlap a law "a ti he haw chu, ka ni ka chah lawk thu in ka chhang mai a ,





Dawr chhung a kan rem erawh tam a la ni lo , naktuk lam ah emaw a tuk leh lam ah rawn thawn chhoh leh hman a tum a,, pawisa ka thawn zat in a daih zat zat a lei mai dawn a ni.





A ngai te bawk in ka kut ka malchung a ka dah chu a pahnih a rawn dawm in a hmer kawp vang vang ,mitmeng beiseina khat a min melh in " in inkar ah engmah a awm tawh lo tak tak em , "tih min zawt a, ka lo buk nghat chuan a ha var lang that in a nui .





" Bul kan tan thatna dal tu an awm tawh lo tih na a ni mai lo mi ,ti hian kan inkar chu inngaizawng ti a sawi theih kan ni nghal"a ti awlsam then , hlim hmel tak in a nui leh thin.





" Doroi kha " ka lo tih zeuh chuan ka biang chu a kut a rawn nul zeuh in "i rilru hriat nan ka hmang a nih kha , ka rin ang ngei in i thik bawk a, " a tih chuan ka ner nang nang , lui kan kal a min biak duh loh dan te ,Doroi ngaihtuah lutuk ang a a awm te kha ruahman lawk vek a lo nih chu a .





"Mahse , ka auh na leh kal lo tur a ka tihna che hre duh lo der in , hlim tak a awm tur leh ka nun a rawn inrawlh tawh lo tur thu i sawi si a " ka tih chuan a thaw ham ham , ngaihtuah tam tak nei hmel a rawn pu a,kha zan kha ngaihtuah let leh tih hai ruallo in hrehawm tih hmel tak in a thaw chhuak ta hawk ,







A rilru ang tho hi ka pu ve ,kha zan zet kha chu a hrehawm in a hahthlak tak zet , ka mipa hmangaih ka nun atang kal bo tur auh let tum a zah pawh sawi lo a ka auh vak lai te ,tlai khaw hnu ah ka la hmangaih zia ka hriat chhuah leh tak lai te , Simona nen kan inkar ka tihtawp tak lai thleng chuan ka mitthla let uar uar thei , kha zan zet kha chu ka tah hnem ber zan a ni ngei ang , khatiang thil , buai chuar leh lungchhiatthlak lutuk kha chu hmachhawn nawn leh pawh ka duh tawh lo ,ka inhuam tawh hek lo bawk.







"Kha thu ka sawi lai kha chuan ka ti tak tak , i mitmeng ah min la theihnghilh bik loh zia ka hmu a , chu mi den chhen a rawn be thin che pawh ka ni , mahse thil hriat chhuah ka nei ta a,i thinlung nasa tak a hliam tawh tu ka lo nih avang in ka lak ah rinna i nghat ngam tawh lo a , ka kiang ah lo let leh pawh ni la,min thlamuan pui theih ka rin tawh loh avang leh Simona nen khan in nghet viau tawh ni in ka hria a , tihbuai tawh loh che a , hmalam pan tum ta ka ni " a thinlung chhungril ber atang a chhuak ni mai awm a nghet in a ti ban charh ,





Zawi te in"mahse tun ah tiang hian i che leh bawk si "ka ti sep , ka nun ah inrawlh tawh lo a inthiar fihlim a tum a , mahse tun ah kan inkar siam tha tur in hma a la leh si.







A chal ti chuar tap in " sawi ang ngawt a awlsam a ni leh lo te pawh a niang , tun thleng in i tello chuan hmalam ka la pan thei lo chu a nih ber hi a , " rawn ti nghut in ka dar ah kut rawn nghat in a awm ah rem leh rem lo in min kuah bet ,hnial tum na ka nei lo , hetiang a min kuah lohna chen rei tawh zia ngaihtuah ran chungin thlamuang tak in ka bei ta hle hle .







Ka nghawng chu a hmui in a rawn nawr leh ne ne thin mai bakah ka hnung chu a kut a chul thla riai riai in " In inkawp tawh loh thu i sawi khan keimah ah cho na thar lian tak a lo awm a, nang men hma hun ka lo suangtuah thin ang kha tawng thei tur a tan lak bak ka ngaihtuahna ah a awm thei tawh lo "ti sup in nghet tak in min kuah bet zui a.







Kan pahnih hmahun kan duan lawk leh suangtuah thil te kha harsatna kar ah ti hlawhtling tur in, invuan dun tlat chung in ke kan pen dun thei tawh ang a , kan hmalam hun a kan thil lo tawn tawh zo zai te khan chakna thar min pe in , beidawnna kar ah pawh beiseina mei de zeub zeuh chhawm nun zel hlut zia hre fiahtu te zing ah kan tel theih ngei ka ring





Rinsawma nen pawh sawi buai awm lo in inngaizawng ti a chhal theih kan ni leh tawh , kan thiante pawh in min lawmpui hlawm viau a, a chang erawh in kan nunhlui leh kan inthen boruak sawi a min chhaih an ching thin erawh , za lo deuh in kan nuih liam pui ve zel ,an sawi chak zawng ber a ni tlat nen khap sen pawh an ni thin lo.





Kan dawr ah pawh thil chi hrang hrang kan zuar kim thawkhat viau tawh ,beisei phak loh khawp in dawr tu kan hmu tha phian zel te chu a lawmawm in min tiphur thin khawp mai.





December thla kan han chuang kai chho a , boruak a dang ta zar , mitin rilru ah krismas lo thleng tur bak a awm meuh tawh lo, kum tir phat atang a kan nghahhlelh thil a ni bawk a,boruak ken tel tam tak a nei , mi thenkhat in hlim tak a kan nghah thil ni mahse ,thenkhat erawh in an hmangaih mual liam ta te ngai a in dawm kun reng an awm bawk.





"Zanin chu ka rawn leng hman lo ang , KTP branch committe an ko a " a rawn ti dut dut , a hman chang apiang hi chuan a rawn leng a ,kum lam a kan naupang chhe zawk zawk tawh lo bawk a , a hma a kan inngaihzawn dan ang ngawt kha chu kan ni tawh lo ,thu ho mai mai a inhnial leh thinrim tih vel pawh a awm tawh lem lo.





"Pawilo inleng ka ngah tho , ka lungleng hman bik lo tur ah ngai ang " ka ti zeuh chu a rawn pawr leh hlar"Hlusangzual ,ka rilru nawm loh nan a thil sawi hi thiam viau suh aw "a rawn ti nghut nghut chu ka lo nuih san,







Kan veng tleirawl rual ho hi dawr kawt a thuthleng kan dah ah hian zantin deuh thaw rawn thu in ,games an rawn khel khawm thin a , ninawm chang awm thin mahse an han awmloh chiah hi chuan khua an ti har lek lek zel.







" Ka fiamthu mai mai nih kha "la nui reng chung a ti in " I bialnu hlui helam ah a rawn awm rih tih ka hria a nia ,nang hi chu lam a len tum in committee i rawn chhuan lam chiang "ka tih zawm a, zanin chu ka phawk a chhuak emaw ni , han fiam kual vel chu nuam ka ti tlat.





Rawn chet hluk in " Ruih i nei emaw ni , thil ni lo lo rawn sawi suh "" a rawn ti ta hmuk a , a insiam pah emaw a ri leh deuh sut sut thin.





"Ka hmuh hun ah che ka duat hlak ang che " amah bawk chuan a rawn tih zawm leh , min hmu thei lo tih hre reng mah ila ka hmel ka lo siam chhe nasa, a kal a hun tep tawh avang in rei pawh kan inbe zawm ta lo .





Zan dang ang in dawr pawh ka hawng rei lo a , mutchhuak in min zem chiai chiai reng a, ka men luih hlei theih tak miah loh avang in Rinsawma committee zo min lo biak leh hun pawh nghak chhuak zo lo in ka muhil ta daih .





Chawlhni chawhnu inkhawm ban ah Rinsawma nen kan leng dun a , a ke a dam chiang tawh bawk a a bike in ni kan in phur chhuah.





A hla hran lo bawk a , in ngaizawng leng an lo awm ve zut mai , kan khaw mi ai mah in khawdang mi an tam mah zawk.





Tlem a fal deuh ah chuan kan thu dun a ,hun thawl tak kan nei khat bawk a,tiang a kan pahnih te a tu ma chim buai phak lo a kan han awm chu eng emaw kawng zawng tak in a hahdam thlak tak zet .





"Lo tawlh hnai rawh" a tih rual deuh thaw in ka chet pawh ngai lo in ,a hma ah a mah si chet in min pawt phei a ,min kuah zui than bawk.





"Ka zawt ang che ka tia ka theihnghilh leh thin " ti te te in ka nghawng chu a rawn tuai zeuh "engtik ah mah phelh suh ti a ka thi awrh tir che kha i la kawl tha em " a rawn ti chu nuam lo ka ti tak tak , inthlahrung ru tak chung chuan "kan inthen tirh kha chuan ka la dah tha reng a ,mahse lawng a ka thawh tak hnu khan kan zin chhuahna tuipui ah ka paih bo daih "zawi tak hian ka ti sep .







Kha thi ka paih bo dawn khan thutiam deuh reuh ka nei a ,Rinsawmpuia theihnghilh a nun bul tan that tum in ka intiam a nih kha .







Min kuah nghet zui salh in ''umm, ka hrethiam , ka thiamloh vek a ni, rilru na tak in ka siam che a, min ngaidam nawn mawlh mawlh teh " aw khur lek lek in a ti a, ka sam chu hui kiang in ka nghawng chu a hmui lum thar thar chuan a ti si vang vang,







"Tun ah chuan i rilru natna thlen sak leh che ka tum tawh lo , i beisei phak bak hlimna pek ngei che tum in ka bei ang " nghet charh a ti in ka khabe ah a dawm a, a lam hawi a min kuai her deuh in "Nitin hian i hmeltha zual emaw ni " a thusawi avang chuan hnuai lam melh zeuh in a nui huk , lai ru deuh in ka lo nui ve , chiang tak leh hnaih chilh tak a ka hmuh apiang in amah ang tho hian a hmelthat zia ka hmuchhuak thar leh thin ,





"Nangpawh i hmeltha " zah lam a lang tawh lo , a hmelthat zia hi in hre ve se , midang in hmeltha an lo tih ve kher ka mamawh hran lo , kei in hmeltha ka tih chuan chu thil chu a tawk em em mai a ni.





"Tak zet " a mit a ti zim sun a ,uar tak a ka lo buk nghut nghut chuan ha hmai lang tha a nui in a ka hmui hnuai lam chu a tuai heuh heuh , "Ka lawm e ," ti a ka hmui chu rawn fawp in , dam leh ril zet in a chet zawm a ,a tawp mai dawn emaw ka tih lai in reilote chawl zeuh in, a thaw chhuak ham ham ,a chezia thlir reng chung a ka lo thaw ve dap dap chu ngainat awm zet in min nuih a, ka tukhum ah dawm in min rawn fawp zawm leh mial mial , ka hmui ka tihchet ve chuan thaw hrawk in a ai uar mah in a chet zawm a , kan khawvel siam chawp a chuan tu dang kan ngai bik lo , hringnun hi a nuam a , ani nen chuan engkim hi a mawi zual thin.







Ka hmui hnuai pet zeuh a inla hrang in "zei ve tawh hle mai " a ti chiah chu a awm ah ka beng ri thlawp , mitmeng hriam lam mah a ka melh chuan nui huk in a lu a thing "ka fak che a nih chu , lawm rawh " teh ngawt thin a , ka biang leh lam leh lam ah dawm a, a piai chu duh lo in a taksa rem lai lai ah ka lo beng ve a, eng teh vak ah mah a ngai lem lo a niang ka biang a piai na pawh a thlah phah lo hrim hrim .





"Duhno " ti hluai in a kut a dahthla a, amah hmachhawn zawng a min thut that tir leh te te in "kum thar kan ah chuan inneih lam rilru ah dah tan ila " ka sam thli in a rawn chhem darh nuai chu min siam rem sak mawlh mawlh .







La inpeih lo deuh mah ila sawi buai lo in ka bu ve ta nghat tho , rilru in ruahman na tam tak a lo nei ve na chungin ,kan pahnih duhthusam te dan tir nan a hman tur khawp a pawimawh a ni in ka hre lo thung.


Show post links
Top

[Ngaia]

HLUSANGZUALI





CHAPTER -22







School an chawl tawh bawk a , Rinsawma pawh hun a nei deuh tawh nen ,a rawn leng zing viau a ,Pekin dawr min nghah chhawk zeuh zeuh bawk nen keipawh hun thawl ka ngah ve tawh khawp mai.







Dawr a thil zawrh tur ho pawh ka ni chah tawh lo in , bungraw sem a rawn kal thin te ta hi kan la ve tawh a , a awlsam ta phian .Thla khat ah vawi 5 emaw vawi ruk an rawn kal thin avang in hmun dang a mi lak buai a ngai hran lo bawk.







"Ehe , ngati nge , " Rinsawma leh a u fanu Celini rawn inkai lut chu ngaih na hrelo zet in ka en a , zan dang a a rawn len in a rawn hruai ngai si lo a, mak ka ti deuh.





Thuthleng ah thu in a bul ah a thut tir ve a "min ngen tlat a lawm "min en in a ti thum dut ,Celini ka en chu min lo nuih var var , nuih let ve in lolipop chu ka pe " Lawm e , "ti in a lo ban vat ,a nu ang mai a hmel fel thak hi a ni a,a tet zual lai pawh a tawng duh deuh a ni bawk a, a len ve tak deuh hnu thleng pawh hian a nu ang mai in a la tawng duh zat zat khawp mai .







" Au Mate , a nu in min hrilh a , a pute a nen in inei tep tawh a ti a , a putea te in a i lo awm hun ah chuan a nuam ngawt ang "a ti siam siam a ,Rinsawma chuan min rawn melh in a nuih a zat hmel viau ,a tunu te chu en a lu thin khum nghut in ''A nu a tawng thei bawk a ,hei pawh hi a nu siar"ti sup in " midang rawn len an tum hlawm em "ti a min biak chuan lu ka thing a .





Zikpuii phei chu chhuak hman pawh hi a ni meuh lo krismas kawr thui tur a ngah bawk si ,zawh hman loh a hlau bawk nen zan lam ah pawh a meng rim viau zel.





Celini rawn leng ve chu boruak a ti hlimawm phian ,amah a tawng duhsi a ,kan nuih pui leh thin , naupang na na chu dawr chhung ah a awm tih a in hre ve ran nen , eitur a ei chak zawng deuh chu lei a ngen leh thin a, a thlawn a pek ka tum lah in a putea chuan " a ngai lo , pawisa ka pe ang che ,a thlawn a pek ngawt zel chu nangma tan leh a ma tan pawh thil tha a ni lo, a zawng chhang mai mai "ti in min lo hnial zel a, tul lo ka ti chung chung in an thil lak man chu min pe ta lui ta nge nge.





Celini mu hil chu pawm in " Zanin chu duh ang pawn a awm theih loh chu a nih hi , tlangval leng kan naupang te reuh te hian min zui tlat si a "ti in a pen chhuak zui a , kei pawn ka zui chhuak ve vat , dawr kawt ah ding dat in " zanin chu rim tu dang i nei lo a ni maw "ti in pawn a thuthleng kan dah chu a melh pah zeuh ,





" Tun kar chu eng an hre hlawm nge maw ni , an reh riau "ka ti ve mai a.





Zan dang ah lem thutna kan dah a leng lo khawp in tleirawl rual ho an rawn thu khawm thin a , tun kar atang erawh in an reh riau , khawi lam ah nge maw an tuan daih hlawm ni.





A nau pawm lai a siam tha leh thin chu " puak na tur puan i duh em " ti a a a bul te a ka kal phei chuan lu thing in "a buaithlak mai mai , pawm hian a awlsam ber " a ti than ,kut a pawm bet hlun ai chuan puak a awlsam daih sia , a nau pawm lah chu a lian ve zuar tawh nen nuih an ti za reuh lutuk .







"Lo awn deuh teh " a lam ah chuan ka awn phei deuh "min lo melh la " tha te te chuan ka melh chho leh , rinloh deuh in ka hmui ah a rawn fawp ta zeuh , zawi fiah ruih si hian "kha bak kha chu zan dang ah a ni mai , a rem teh teu lo e mai " ti hluk a min melh chu ka lo insiam chhiat khum vak , za deuh a nui hawk hawk in "a nih muttui aw" ti in kan in thlah liam ta a .





Khua a vawh tawh em avang in dawr a awm reng pawh a vawt duh nen ,rei tak pawh ka inhawng peih thin lo .





Dam a hrisel chuan ni te hi an kal duak duak a ,Peki nen krismas hma kar ah thawmhnaw bazar tur in aizawl ah ni thum cham in kan kal a , aizawl kan awm chhung in Rinsawma'n min rawn be ngun ngang mai , bazar tawt lutuk a kan inhnawh buai lai tak a min lo be leh chut thin hi chu , hlim sar a biak hi a har talh zel ,dah ka tum lah hian sawi tur hre hawt si lo hian an phal lo tlat tlat thin nen , kan in vin leh khar khar zel a,thinrim a la lo in min rawn nuih leh kur kur thin .





Min dawh thei a, a hma ang mai khan min hrethiam em em a , innghahna tlak a nih zia min hmuh thar tir leh in amah a thlamuanna ka neih leh theih nan tan a la thar reng bawk thin.





Ka ni te in ah bawk kan innghat leh a, bazar kan chhuah pawn ka ni in min chhuah pui mai thin , Pa Bda a fel in , kan unau in krismas present ah kawr min lei theuh a, ka nu shawl tur a lei tel bawk , kan chung ah a tha in min duhsak bawk a,keini pawn thinlung takin kan pawh ti ila a dik ber ang .





Peki aizawl lam ah krismas hmang tur in ka ni in a chelh ta tlat a , a ni lah lo phur bawk nen ni thum kan cham hnu in keimah in kan khua ah ka let a.





Thawhleh zan ah kohhran zaipawl in , krismas leh kumthar a hla rem tur kan zir a, hmun dang a lehkha zir leh hna thawk ho haw khawm lai a ni bawk nen, thalai hla zir kan thahnem in a nuam mup mup viau .





"Doroi hi eng chu hria ni maw , kan zing ah hian a tal tam duh tawh lo riau mai,a pawi sawi kan nei a maw ni "kan piah a Doroi leh midang thu chu en in Zikpui chuan a ti vawng vawng .





Rinsawma nen kan in kar a that leh tak hnu atang hian kan thianho thil tihna ah emaw ,inkawm ho na ah pawh hian a rawn tel tawh ngai lo .







Hmingi pawn" , a in la hrang tlat a, han sawm ve pawn min hnial zel a ,a mak tak tak a ni "a lo ti ve bawk , kei erawh in a chhan tur awm ang ka ring thiam deuh a , han sawi vak ka duh loh avang in ka ngawi ta daih.





Kumthar ni a kan hla rem tur chu Rinsawma'n a conduct dawn a ,mahni bialpa te solfa vai a han zai chu a nuam riau , hla dang kan zir ai zawng in sak a nuam hial in nia ka hriat .







" Ka nupui i nih hun ah chuan , ka tir kual reng zel ang che , min hnial deuh hlek chuan ka vin khur khur zel ang che nga , ka thu tawh dawn sia a nuam ngawt ang "nui lek lek a a rawn tih chuan ngei deuh in ka melh , a ni lah chu a lo hawi cham nasa mai





" Min duat loh chuan ka tlan a nga , min rawn koh i tum pawn ka haw duh tawh miah lo ang "lei chhuah zeuh in ka tih khum " ka pawm lawk che nga , ka tlan haw pui vang vang tho ang che "ti in ka kut chu a rawn vuan a ,





" Ka duh lo chung chu min pawm awm lo e mai "ka lo ti zat zat chu a nui chhuak ta huk ,keipawh hlim tak in ka nui ve tho , nupa kan nih hun tur lam kan sawi rik hi chuan a tu a zawk zawk pawh hi kan phur sar reng mai thin.







"I lo tlang dawn em "ti a ka zawh chuan a ngawi vung vung a , a inngaihtuah a niang .Tullo ka ti viau na chung in hla zir zawh lam ah min thlah leh thlap a, khua a vawt tawh nen ,mahni a an haw leh rak rak tur chu a khawngaih thlak reuh , mahse hnial theih pawh a ni lo , min thlah thlap kha a duh tlat si a







" Ka rawn tlang tawh lo mai ang ,zan a rei tawh ,he lai thleng hi ka lo thlah ang che "rawn ti in kan in thlen hma a thingkung lian zet hnuai ah chuan min din pui a , he lai hmun hi chu kan pahnih tan hian a tangkai in a hlu tak zet .







Kan inngaihzawn hmasak tum pawh a chance kan neih na thin hmun kha a ni ve miau .





Krismas kan hmang zo a ,kum thar kan chuang kai ta der , krismas vuak vet chhung in kohhran thil tih na lam ah theih ang tawk tawk in kan in hmang hlawm a , a buai pawh kan buai hlawm viau ,





Urlawk zan Hmingi te in ah kan hmang ho a , kumhlui thlah zan erawh Chhana te in ah ar hem in , guitar te nen nuam deuh in kan hmang tlang bawk.







Zikpuii'n kan bul a a sawi thawi zeuh tawh ang ngei in rei lo ah palai hmel a hmu ta ngei a , a ngaihzawng pa Muanchhana pawh rawn zin chho in ,an sawi ang ngei in a fel in a dam dup a , a hmel en erawh in a naupang chhe zawk zawk tawh lo tih a hriat hle .





Buaina awmlo in March thla tir lam a innei tur in an insawi fel ta ,Rinsawma pawn inneih lam ringawt a sawi tawh a , duh loh na em em nei lo mah ila chiang tak in aw ka la pawh mai thei lo thung .





Ka chhungte ka ngaihtuah lo thei si lo ,hmun hla tak ah awm bo dawn lo mah ila , pasal nei a midang in a lawi luh tawh chuan duh ang tak in ka ngaihtuah in ,len luh reng te kha a rem tawh dawn si lo a,ka nu lah upat lam hnaih zel a ni tawh bawk nen ngaihtuah na sen thiam pawh a har khawp mai.







A rawn len leh hmasak ber ah kan sawi dun a ,"tun ah tawt tawt hi chuan inneih lam chu la tin zawn hrih lo ila , ka la inpeih chiah lo deuh in ka hria"inthlahrung tak in ka ti a , Rinsawma lah in inneih a phur in a chak tawh si a .







Dam thluam hian " ka nghak thei che ka tih kha ,duh ai in ka lo nawr lutuk che ni in ka hria, ka nupui i nih hun ka lo nghah hlelh lutuk na lam ah nangmah lam ka lo ngaihtuah kai lo a ,min hrethiam teh "ka rinloh dan tak a a rawn tih chhuah chuan zah pawn dawn zo lo in ka kuah vang vang , ka lak a a dawhtheih zia ka hre thar leh a , a ni ang mipa tha lutuk ka lo tawng hi ka lawm tak zet.





Min kuah let ve vang vang hnu in , min nem hla hret a,ngaihnat awm em em a min nuih in " tah awiloh "ti nghut in ka mittui luang tur chu a rawn tuai hul zung zung ,hmeichhe tahbelh lo tak ka ni ve a sin le, mahse a kiang ah hi chuan ka rilru a no leh tlat thin.







" I tah hliam hliam chuan i chhungte mu an rawn tho a nga , ka hau che emaw an ti mai a nga sin "ka mit sir te ah chuan rawn fawp zeuh in a rawn ti lum hak ,







" Ka hmangaih em che a lawm "ti tiau in ka thlamuan pui thin leh ka hahdam thin na ngei mai a awm lum nuam tak ah chuan ka bei than , duat tak in ka hnung chu a lo chul ve hliau hliau bawk .







Kan in hmangaih na hian tawp chin nei tawh lo in , kumkhua in nung reng tawh se ,he khawvel a ka hmangaih mipa ni tur a a lo piang hi a siamtu Pathian chung ah lawmthu awm mawlh teh se .







Thiani te in lam ah nitin deuh thaw kan kal hi a ni mai a ,an inneih a hnai tawh a , inbuatsaih na pawh a kal chho ta mup mup ,monu thian a kei nge Hmingi a hman zawk dawn tih ah kei ni thian thum chu kan buai a .







Hmingi hmang zawk tur a kan tih ve lah hian Hmingi lah chuan a lo hnial ve tung zel a,





" Matei hi hmang zawk rawh , kei chu ka zam dawn lutuk , kum tam ve viau tawh mahse tiang lam hi chu ka thisen in a ngam lo"ti in tan a khawh tlat ,tih theih awm hek lo mo nu thian ah chuan keimah ka tang dawn ta nge nge .





A pasal tur te Chanmari veng ni in , Chanmari presbyterian biak in ah dan khat na in an in nei dawn a , Zikpuii pazawn te in ah aizawl kan chhuk thlak chuan innghat in ,an chhungkhat hnai leh thenrual tha zual ten inneih chhimpui tur in kan zui thla hlawm bawk a ,keini thianho phei chu kan kal kim vek ,







Sawi hmaih thei miah lo Chhana te pawh naute mipa an nei thar tawh a, buai chung chung in inneih hmang tur in aizawl lam ah a rawn chhuk ve tho .





"I va hmeltha ve " ka hma a Rinsawmpuia ding chu ka en a , a ni pawh a chhe lo tak zet, coat sen duk dak hlarh in bel in , smart shoe dum tle tha zet a bun a ,amah a sang bawk nen hmuhnawm tham tak a ni .







"Nang pawh " ka ti sep chu rawn kun hniam in ka hmui ah a fawp zeuh "mo nu ai pawn i nalh aw, mipa dang in nalh an tih ve che ka rem ti hauh dawn lo a nia ,ka bialnu ka Duhnoi i nih hi " a rawn tih leh chuan





"Zikpuiin i thusawi hria se, a ngei ngawt ang che "ka ti a , rawn hre tak tak se Rinsawma a tim hrep duh hrim hrim.







Hnar tum dat in " dawt ka sawi hlei nem "a tih hmak chuan ka nuih ta ringawt ,mo kawr leh ka kawr hak hi kan hawh a,Zikpuii ni fanu in kan hmai min chei sak thlap bawk, inchei teh chiam ngai lo tih tak ah,duhtawk leh nalh tur ang ber a min han chei chiah chu ,mahni leh mahni pawh kan inhai mai dawn a lawm.





Kan thlenna in hi a lian lutuk lo nen , inneih inkhawm a kal tur an han inchei sap sap chu a beng chhen mai bak ah , an vei suau suau nen hmuhnawm tham a ni.





" Awi ,ka zam e , thulh leh mai a nia ka duh"Thiani chuan a ti hak , a hmel zawng zawng ah a zam zia chu a lang vek, lehkha in a in zap leh hluai thin a,a khawngaihthlak lek lek .Hmingi lah chuan a zam lutuk chu a lo nuih san leh vur vur thin .







Inneih inkhawm kan hman zawh atang ka bodyguard ang mai in Rinsawman min veng run a ,mopa thianpa U Dinan min biak leh zeuh thin chang pawn ,a lo inrawlh vat zel chu atthlak ti lutuk in ka nuih leh heu thin,a bialnu hi eng ka nih loh tehlul nen a thikthu chu pe chhe ve tak a ni.





Ka beng bul ah min rawn hrilh ru in "inneih ve ka chak tawh " a rawn ti sup ,a hmel ka en chu a lai ve deuh nge ,hnuai lam hawi in a lo khi suk suk a,a kut ah ka sih chuan rawn hawi chho vut in a phun ta hluk .





"Sawi awm leh awm loh hi hre rawh "





Ngai pawimawh lo fe in "a dawt chu kei leh nang kan nih ve tawh ngei ka ring " a mit vun chuar lang kalh in a nui zui a .





Lungawi hmel fe hian min melh zui vang vang ,a mitmeng a min duhna leh hmangaih na lang chuak zut zut tluk a thil hmuh nuam hi a awm lo ang.







After party hran an buatsaih lem lo a, mo neitu leh mo ta lam in a tul an tih hran loh vang a ni ,ti hian lungrual tak in hman loh an rel thlu ta kha nia.





Kan khua kan haw hma ni ah Rinsawma nen kan chhuak dun a , inneih zawh lam ah keipawh ka ni te in lam ah ka awm leh ren rawn a, Hmingi te leh midang ho chu khaw lam ah an let leh tawh thung







"Ka putea te nupa in chaw ei ah sawm rawh an ti che a , an hmu ve chak che a niang"





"A zahthlak awm e mai , zanriah ei lo in ka lo kal zawk ang " ka ti a , min hnial lo se ka duh zia chu ,Tha te te chuan"a pawi lo, nakin atan khek mai ang "nui pat pat in a ti a , lai deuh in ka ner khum ta nang .





A hma a thi min pek ang chiah kha min lei sak leh a , phelh lo tur leh paih bo mai mai tawh lo tur in min chah ngun viau , a hma mi pawh kha duh vang reng a paih bo ka ni der si lo , kha thi ka hnuh apiang khan ani nen a kan hun hman dun tawh te ka hre chhuak leh thin si a , theihnghilh a hma lam pan ka duh lutuk tih ngaih na hre si lo in , hmalam pan tur a ka tih hmasak ber ngai a ka hriat vang a paih bo ta kha ka nia, sawi lan leh hnuhnawh erawh a tul in ka hre lem lo.





" I rilru a awm ka hria , ka thiamloh ka tih tawh kha ,demna che pawh ka nei lo"ti nghut in ka kut ah rawn kai a , bazar tawt lutuk mihring phe nuai nuai lak atang chuan min kal sawn pui in , dawr ah kan inhnawh puar leh te te hnu ah a pu te in lam chu kan pan ta a .





Scooty a rawn ken avang in ,bus tawt lutuk a inhnawh kual vel a ngai lo a ,a hahdamthlak.





Kan thlen chuan min lo be nghal bawrh bawrh hlawm , an monu chei tak a min lo chei nghal chu keimah zawk ka awmthiam lo lek lek thin , a cousin te ho pawh an lo awm a, kan inrual tlang hmel viau hlawm ,an chhungkhat kual ho hrim hrim hi an hmeltha in an hleitling hlawm thaw khat viau a nih dawn hi ka ti ta.A chhan pawh an hmel leh pian a vantlang pawl tih tur chi vek an ni .





A pa lam atanga an laina hnai ho pawh kan khua ang ah chuan a langsar pawl an ni nawk hlawm a, mahse thingtlang a awm zawk tih tak ah a nu lam a a unau te ho erawh an tluk lo hlawm deuh in ka hria





"Awi, Mampuia hian a phu lo che ,i hmel a tha reuh in i hleitling si " a putea nupui chuan a lo ti hlut , hmai chhan a min fak hian awmdan tur leh sawi tur hre lo thin tih tak ah "a awi awmloh e ,Rinsawma te chu a hmelthat em hi , ka phu lo zawk " kan ti ngawt a, ka bul a thu pa chu a rawn nui huk , chutiang bawk in a pitei pawh , ka thusawi kan ngaihtuah let leh chu ka zak tak tak , keimah leh keimah ka inpuan tak der chu a.





La nui sang chung hian"nih leh inhmeltha ve ve , "a pitei chuan a rawn ti a ,ka lo then ve tha mai





Ka bengbul te ah" Hmeltha min lo ti fal bik thin awm hi ka tia"ti a a lo phun sup chuan , a kut chu ka hmer vak , nghal lutuk mai ,







"Ka pu te in ah ka hruai lo ang che tih ka hlau" zawi dup a ti in, a nghal a rawn la chhuah zel ,





A awm ah nem dat in "kal teh ,i chhia " ka tih hlak chuan a nui huk huk a,a pite in thingpui min rawn pek tak ah chuan la nui ruh ruh chung in min chhaih zawm ta lo .





Dar 4 dawn ah min thlah a , a pu pawh min hmuh tir a , tar chak lo a ni tawh a,a pindan ah a tawm deuh chawt tawh ti in a sawi kha nia , a kum upat tawh ang ai in ka la hmu tha viau thung .A ri hriatna pawh a la tha in han biak vel pawh a la nuam khawp mai.







Min thlah zawk a , let leh mai a tum kha a nia , mahse ka ni in a lo be tang leh rih , rinai in zawh tur a hre zek lehnghal a, Rinsawma lah in tha deuh in a lo chhang ve zel nen an inkawm dun thei phian , thingpui a in leh te te hnu ah a haw ve thei dawn ta chauh .





A scooty hun na bul thleng ka zui chhuak ve leh a"i ni kha ka ngainat chi tak "ti in helmet a khum pah mawlh mawlh ,





" A ni pawn a ngaina che tih ka hre nghal , "ti let in ka nuih a " a chelh rei ta phian che sia , a zia lo tak tak ,i hmanhmawh nen "ka ti leh thuai , a unau te nen khan khawi emaw a chhuah an tum ni in ka hria, min thlah dawn pawh khan let leh thuai tur in an chah hlawm sap sap kha nia.





" A pawi lo , ti khan makpa interview ka nei nghal a ni zel mai "uang zet a ti in scooty ah chuan a thu a ,





" Over vel siah "ti a hmui ka tihsawih khum vak chu atthlak tih hmel lutuk a min melh in, " i kum zat hrechiang viau lo ila chu, he tleirawl phawng phawng chu ka ti ngei ang che "a ti chu lei ka chhuah khum leh zeuh, lu thing nghut in " ka kal dawn , ka thlen hun ah ka lo bia ang che ,"ti in a tlan chhuak zui a , a lan theih chhung chu ka thlir char char





A sawi ang tak tak khan ,tleirawl hlim ,dawn nei lem lo ang a tawng leh phawng phawng thin hi ka hrat leh zeuh thin , fanu innghahna tlak tak leh puitling tak a awm hi ka duh leh ka nih tum ber a ni a , kan thenawm hnai vai leh ka nu thiante ho pawn ka nu bulah "Matei hi chu a puitling ngawt mai , i tan pawn innghahna tlak tak a ni a,kum naupang te a nih atang in a chawm thei nghal che u a ni a, fanu i nei tha tak zet" an tih ka hre leh thin , ka nihna ni fai vek lo mahse ka lo lawm ve em em thin .





Mahse ,Rinsawma bul a ka mizia erawh a letling thawk thung ,a lak ah ka pangchang in ,tawng leh phawng phawng ka hrat bak ah mize thup em em ka nei lo bawk ,inchhung a ka ko rit lutuk leh ngaihtuah tur tam tak hi a kiang a ka awm chuan min chhawk zang khai sak a ,hmeichhia tih tak ah duat tu mamawh ve tho ka lo ni nen a ni bul ah chuan puitling tak a awm pawh ka thei thin lo, chung zawng zawng chu min hriat thiam pui in min dawm thiam em em a,he khawvel ah hian a ni ai a hmeltha zawk, mipa tam tak awm mahse Rinsawnpuia lo hi chu thinlung tak a thlan tur ka neih ka ring chuang lo .





Inchhug a ka luh rual in ka ni hnen atang zawhna ka dawng hnem mawlh mawlh khawp mai , zep ngai a ka hriat lo avang in engkim ka hrilh ve vek a .





"Hman a ka hmuh khan innghahna tlak tak mipa a nih ka ring nghal a ,tun ah kan hmu leh a ,,pasal tlak tak tur leh mi fel tak a ni in ka hria , hna tha tak a nei bawk nen , i tihsual ka ringlo " ti a ka ni in a sawi chuan thinlung tak in ka hlim veng veng thei .





Chhung te lam atang a ka bialpa min duh pui lo thu hriat tur a awm lo ringawt pawh hi vannei ka inti in nihlawh ka in ti khawp mai.





Rinsawma chu tlai lam a min rawn biak a a sawi lawk tawh ang ngei in a reh vang vang , an kal hma in an unau ho a zanriah an ei chhuah tur thu leh phone khawihna hun vak a awmloh tur thu min rawn hrilh lawk hmasa thlap a .





Zan ah ka nu te nen kan inbia a ,dawr bungraw lei ngai tur a an rin an rawn sawi mawlh mawlh , aizawl kal remchan lai chuh in bungraw phur te an lo kal hun nghaklo a, naktuk ka haw rual a lei a, ken chhoh mai ka tum a .





Peki te an exam zawh tawh avang in ka awmloh chhung chu a man a nghak deuh chawt a , dawr nghah vel chu kei ai a ti mi viau zawk bawk .





"Duata awm lo em ni , a va reh ve " ka ti a ,nidang a kan inbiak te hi chuan ring deuh deuh a rawn tawng in, a thil duh zawng rawn sawi a ,hawn sak tur a min lo chah hi a hrat a , ka nu nen an in khak leh hlak hlak thin.





"An thian ho in i Pu Chhunga lui kal an zui ve a ,an rawn la haw lo deuh , nichin a ka biak kha chuan an rawn thlen tep tawh thu in min chhan kha" a ti a , a tawng dan atang reng in Duata chu a ngaihtuah leh viau tawh tih a hriat , vawi eng emaw zat chu biak tum in a phone leh reng dawn tih lah ka hre chiang .





Pu Chhunga a tih chu Duata thianpa ve ber Rinpuia pa ni in, lui kal leh ram vah peih zet mai a ni a ,a ram vak emaw , lui a kal emaw pawh nise a hlawhtling thei em em a ,Duata te thian ho pawh a hnungzui tur in a hruai ve fo tawh a , an rawn hlawhtling haw thei khawp mai







Chawhnu sumo chhuak a haw tur kan ni a , kan haw hma in Zikpuii kan tlawh leh phawt a ,a pasal chhungte an fel a niang ,amah pawn nuam a tih hmel khawp in ka hria, mahse a lunglen thu erawh a sawi lang leh zeuh thin chu awm ka tihpui viau ,a awm rei a nga a zia mai tur ah ngai ang .





"In haw hma in chaw ei ah sawm che u kan tum leh tehreng nen , kan buai a talang in kan lo mangnghilh der a, a zia lo tak tak a ni , tun ah han sawm leh dawn che u in hun a awm tawh si lo, aizawl in rawn zin leh hun atan khek tawh mai ang " Muanchhana chuan a ti luam a, keini pawn aizawl kan zin leh theih veleh a kan ei ngei tur thu kan sawi ve a.





Thiani hian pasal a nei fuh dawn khawp in ka hre ta ,an pa hi a puitling in ,a dam dup reng a , tawng tam lutuk mipa ni lo mahse mipa innghahna tlak tak ni in ka hria a ,a tawng dan lam ah a mi ni emaw a thil tih reng reng ah hian a nghet thlup mai a ni .







###Last kan thleng tep e aw ##

Naktuk zan ka dah dawn nge dawn lo ka la chiang lo ,comment that dan a zir in kan rel dawn nia


Show post links
Top

[Ngaia]

HLUSANGZUALI





CHAPTER -23







"Innei vat vat ru , kan khaw lam a lo chhoh na remchang a ni nghal mai" kan pathum chauh a kan awmlai chuan Zikpuii chuan a ti su su a.





"Ringawt thin a che " ka tih lai in pakhat pa lah chuan "i thiannu hi lo nawr ve deuh la, i thu a zawm leh,kan khua a zinna hun tha lutuk i nei a ni mai " a lo ti fel than .





"Tak a ,inneih ni a U Hmachhuana'n thian a hman khan a lo ngaih melh deuh che nge ni, i no min dil a ,i chanchin min zawt awl lo bawk "





"Amah kha a fel reuh " ka lo ti chu Rinsawma chu a lo rum nghut ,Thiani lam hawi in "khatiang lam i sawi pui dawn chuan ka haw pui vat ang " a ti ta hmuk ,a va han ho e aw .





Zikpuii nen in en in kan nuih ta hak hak , amah pui lah chu a thu tum ang bur a , biak ka tum lah chuan a hre lo der ta hmak hmak , a chezia chu thinrim lam ai in ka nuih a ti za ru khawp a.Naupang chhia min ti thla zen chung hian a mah pawh hi naupang ang mai a chet leh zeuh hi a ching ve reng tho .





Mihring hi eng ang a kum upa ,thiamna sang tak nei pawh ni se , puitling tak a awm reng hi zawng thil theihloh zing ah ka dah tawp , kum phu lo a naupang ang mai a chet chhuah chang hi chu a tu a te pawn kan nei , mihring famkim lo kan nih zia ti lang tu ah ka ngai mai.





"Naute ni la vui zo lo ang mai " ti sup in a dar ah bei rem deuh tur in ka lu chu min siam rem sak tih ka hria a ,ka lo muhil zawm leh nghal mai a niang ka harh chuan kan khua kan lo lut der tawh .





Kan khaw lam pan tur sumo a kan chuan chhung zawng khan ka muthlu tluan deuh thak a , a chang in sumo tukverh darthlalang ngheng a ka mutthluk loh leh Rinsawma darah bei in ka muthlu a ,tlem a kawng chhe deuh lai kan tlan in ka harh tih loh chu ka harh mang pawn ka hre lo e a.





Mahni in ngei a han awm leh tak chu ,a nawm dan a dang riau bik mai, ka thil hawn sak ho chu ka pe a , Duata tan kawrlum nalh zet mai ka hawn sak a ,Peki tan kekawr a ni thung , ka nu pawh shawl pan nalh zet mai ka hawn sak ve thlap bawk a , ka ni in ka nu ta tur kawr a ta hlui, la tha si ho min hawn tir chu ka phawrh chhuak a ,





"I ni tak hi chu, a ti lawmawm thei ngawt mai, a nalh hlawm si ,lawmthu zuk sawi nghal tur a ni " phur tak in a ti mawlh mawlh a , ka ni hian ka nu hi a duhsak thin reng a , chu chu ka nu pawh hian a hrethiam in,ka ni hi chu a fak thin viau reng a ni .





Ka nau te pahnih pawh an lawm thiam leh pek khawp mai ,zep nak emaw an tan a ka thil hawn hi a man a to lo hlawm tih en mai pawn a hriat reng , mahse a man ah an buai ve lem lo , an tan thil ka hawnsak hrim hrim kha an lawm tawk em em mai a ni .





Ka intleuh fai thuak hnu in chaw kan ei a ,Duata sangha man kan hmeh bawk nen a ei hnem theih ham ham khawp mai .





Ka dawr bungraw hawn pawh ka la rem fel peih lo a , naktuk lam hna ah ka dah hrih tawp ,zan lam ah pawh dawr chu Peki tho in a la nghak a,ka motor chuanna ka chau deuh nge ka mu hma khawp , mutthilh lam erawh a lang lo thung , vawiin lam ah ka muhil na sa lutuk a, ka mut a chhuak lo tak zet .







"I mu tawh em ni?" phone ka lak rual in a rawn ti chhuak sup ,





"Mu tawh mahse ka la muhil lo "ka tih chuan a rawn nui ri deuh suk ,nghal zet hian " vawiin ah i muthlu nasa bawk a ,zanin chu i men rei viau ka ring "a rawn ti zang vah a,a nuih a la zat hmel viau in ka hria.







" Min ngheng nasa lutuk a ,ka sil thum mai"a rawn ti zawm leh zat , awihloh lutuk in phone chu ka melh ta nghek .





"I derdep reuh ka ti ,pasal tlak i ni dawn lo tawp mai " ti a ka fiam let chu rawn phun hluk in "Pasal tlak ka nih zia hre tur in ,min neih hmasak phawt loh chuan eng tin nge ka tlak nge tlak loh i hriat ang " sawi fuh in ti zet in a rawn ti a , thil dang ka sawi kai ta daih chu a nuih a rawn zat hmel viau .





----





Inrinni zing ah sub centre ah thosilen a chiah theih an tih avang in Hmingi sawm phei in kan kal dun a , midang an lo awm nuk hlawm nen rin ai tak in kan nghak rei , kan chiah zawh hnu in haw tlang nghal lo in Hmingi dawr ah ka thu khawmuang leh rih .





"Zikpuii chu a lung a rawn len hmel theih khawp mai , kan inbiak hian , kei lah in a lunglen ti zual tur ting in kan thianho thil tih khawm thin tlem dawt belh tel in ka lo sawi thin a " ti in a nui ar ar a .





Zikpuii te in neih atang kar hnih zen zawn a ral leh tawh , min rawn biak chang pawn a lunglen thu lo chu sawi tur a la hre mang lo , mahse hun a rei deuhh a nga a zia mai ang ti in ka lo hnem ve thin , kan Hmingmawii hi chuan hnem lam ai in a lunglen ti zual thei tur in thu a lo hrilh zawk thin chu a nia , nuih te lam an ti za .







" E tak a , Doroi hi sawi leh thin ila , a hma a ka rinhlelh deuh thil ni mahse , Rsa hi chuan thian ang bakin a en lo tih ka hrethiam a , ka sawi lang duh lem lo , tia in inkawp that leh hnu a kan lak atang a a hran tak daih ah chuan a chhan tur awm ang ka hrethiam ta chiah "a rawn ti teh daih ,thawveng deuh ang in lang thin mahse thil hi a chik a ,thil a hethiam in a man chak hle thin bawk ,





Chhana leh Zikpuii ten Doroi rilru puthmang an man dawn lo teh reng nen a ni chuan hei a lo hre leh tlat tawh .







" Keipawh ka rindan ruk tho a nia , mahse a rilru a dam hun ah kan zing ah a lo tel leh mai ka ring "zawi sep in ka ti let a, ka awmbo lai zawng zawng in an lo inkawm ho a , tia an hrang ta thut hi, Doroi emaw Hmingi pawn hrehawm an tih ve ve tho chu ka ring .







Ka rilru hrethiam tak in " i rilru nawm lohna tur a sawi chhuak ka ni lo nia , i thiam loh pawh a awm lo , duhna te, hmangaihna te hi chu kan duhdan ngawt a her kual theih a ni si lo , Doroi pawh dem na leh a lak ah lungawi lohna ka nei tawh lo , kan kiang a a awm ve reng chuan in pahnih inngaizawng a hmu reng che u a nga ,a tan a nuam lo dawn tih ka hrethiam, a rilru leh thinlung tak a hmalam a pan theih hun ah kan zing ah a rawn tal leh mai tur ah ngai ang"a ti dap dap a ,a thil sawi chuan ka rilru nawmlohna tur zawng zawng a rawn ti kiam duak mai.





Tukthuan ka la ei loh avang in rei ka leng lo a, in ka thlen hnu lawk ah kan ei zui mai bawk ,





"Kal zawm chu i duh nge duh lo ni ta , i zawm duh chuan ka ni pawh in kan bul ah lo awm rawh se a tih kha " ti in Peki chu ka zawt a ,kar hmasa khan 12 result a chhuak a ,first ah a rawn pass ve hlauh , ropui lua in lawm lo mah ila , a thian tha zual sawm in chaw kan ei pui a, ka ni in zan lam a an cut tur cake man a rawn tum sak bawk ,





Kan khua ah higher thleng chauh a awm avang in ,engpawh lo ti zawm duh se aizawl lam ah a chhuk thlak a ngai tawh dawn a ,a zir zawm duh leg ka ni te in ah a awm mai dawn a ,beisei phak bak in ka ni leh Pa Bda an inhuam viau zel bawk a .







"I zawm duh leh duh lo chu i thu thu a ni mai , nawr luih che ka tum lo " ka ti dam leh thlap , ama tan a tha tur thlang thiam rual a ni tawh a ,ti hian puitling kawng a zawh chhoh zelna tur a ni bawk , a peihloh chung college kal tur in nawr lui tal ila, amah ah phurna leh tih tak tak na a awm chuan si loh chuan awmzia a awm in ka hre lo , a tuina kawng zawn tak ah duhthlang se , atan pawh a tha ber ang .







"Ni e,Bawihi college kal zawm i duh pawn sawi la , harsa deuh mahse tih dan dan a awm zel a nia " ka nu in a lo ti ve bawk.







"Ka rilru a chak lo si , thil ka hrethiam har thei bawk si, lehkha zir zawm leh hi chu ka peih chiah tawh lo a,a u dawr siam hi nghah zawm a , tlem tlem a in khawl bek bek hnu ah nepnawi dawr chauh ni lo thil dang thawmhnaw , lehkhabu , leh a tam ,chutiang ang chu siam ka chak " rinloh deuh in a ti ta daih a , ka nu chuan zir zawm leh se a ti deuh a, keipawn pawi tihna ka nei lo mahse a zir tur ber in a inhuam tawh loh kha chuan tih vak ngaih na awmlo .



Class 12 pass ringawt chuan thil engkim tih a harsat zia hretu ka ni a ,hun a kal leh hlek a nga , mi thiam tam tak an rawn la chhuak leh ngei ang ,thiamna leh qualification a zir in mihring hi kan la in teh in kan la inthliar lo ang tih pawh sawi theih a ni lo .







"I thutlukna chu kan pawm pui che a nga ,mahse IGNOU ah hian BA chu ti ve hrim hrim la ,nitin class kal a ngai lo a nga ,assignment a awm a tih ve leh exam kha a ni mai dawn a , nang chu i taima a , i ti bek bek a nga i pass leh thei mai ang" ka ti a, min pawm pui a niang a bu ta nghat nghat mai .









Zan a Rinsawma rawn len chuan "Naktuk zan ah palai rawn kal tir tawh mai dawn e maw ni , i inpeih thawkhat tawh in ka hria " min dawn tak chung in a ti sup a, he ti chen hi dawhthei tak in min nghak tawh a, hnial reng ka tum bik tawh lo.





Ka buk nghat tak ah chuan , hmel hlim sar a min melh in "tak tak " a ti hawk , a phur zia lah chu thup a tum lem hlei lo, kei min nei thei tawh tur phur tak leh a mize hlauh khawp a a che vel zang ta vah chu hmuh a nuam tak zet.





Ban phar hluai in "a tawp a tawp ah chuan "ti in min kuah a , ka bek zawn chu a fawp leh vang vang thin .







" Palai tirh ka remti ta chu ka rinai in i hlim daih "ka tih chuan awlsam zet in" ka hlim loh in"a ti mai a , rawn kun hniam a ka hmui ah fawp zeuh in "hmeltha lutuk mai " an ti ngei a, a hmel hlim na a khat chu ka en ta reng ,ka thutlukna siam ah hian ka tihsual ka inring ta lo .





A sawi ang ngei in a tuk zan ah chuan palai a rawn kal tir ta ngei , sawi buai em em awmlo mahse tihdan pangngaiin vawi khat rawn kal nawn leh tur in kan thlah phawt a,





Ka ni pawh kan zuk hrilh a, a ni'n ka pa te lam atang a kan chhung hnai vai ho a lo hrilh hriat tur thu phur tak in a rawn sawi a.





Zep lo ah chuan ka pa te lam ho nen hian kan in nel hran lo , hmun dang daih ah an awm bawk nen, a hma ka sawi tawh ang khan ka pa te unau chu ka ni nen chauh an ni mai a, ka pa pa ,ka pu te unau hi 3 an ni a , ka pu hi upa ber leh mipa awm chhun a ni tih bak hriat ka nei lutuk lem lo .







Ka nu ka zawh chian chuan "I pu nau i pi Hmuaki hian kolasib ah pasal a nei a , i ni sawi dan hmang ah chuan a ni chu a thi tawh ni awm a ni , fa pali a nei a , nupui pasal nei vek tawh in an tu leh fa te nen an rual viau tih a sawi , chuan an naupang ber i Pi Duhi thung chu aizawl ah new capital lam ah a tu leh fa te nen an khawsa a, a tar ve viau tawh ang, i la sen deuh lai a i pa nen aizawl kan zin pui che in kan tlawh tawh a,khami lai pawh khan kum 60 vel a ni tawh ang , an ni kha chu an zau in an fel khawp ,an in atang a kan haw tur te kha i pa hnen ah harsatna a neih chuan rawn sawi zel tur leh inthlahrung lo tur te khan an chah ve luam nghe nghe a lawm, i pa boral pawn i pi Duhi fate chu an rawn kal kha, i hre tawh lo em ni "a ti a ,ka ngaihtuah a , ka ni in min in hmelhriat tir te kha an ni mai in ka hria, ka pa ang rual mipa pahnih kha an ni ngei ang ,a rei tawh em a an hmel erawh ka ngaihtuah chhuak zo tawh lo.







Palai vawihnih an rawn kal leh zan in engkim inneih hun tur te an sawi fel nghal vek. ,





Rinsawmpuia pian ni June ni 18 chu inneih ni atan an ruat ta a .





Inbuatsaih nan thla hnih zen zawn la awm mahse a theih ang ang in kan inbuatsaih tan chu a ni der mai.







" Mokawr hak ve kher i duh em "ti a Rinsawma'n min zawh chuan ka bu rang ngei mai .Ka kawng ah a kut rawn dah lut in " hun hi kal zung zung se, kan inneihni tur rawn her chhuah pui thuai se "ti in amah si chet in min pawt phei a .





Dak ha a en in " mokawr hak chu i ti chiah lo em ni "tih ka zawt let ta daih , hmeichhe tam zawk chuan ,naupan tet atang a kan tleirawl chhuah thleng in pasal ka neih hun ah chuan ti a mokawr var fual nalh deuh hak kan suangtuah ve vek in ka ring a , chutiang ngaihtuahna nei zing a mi ngei chu ka ni bawk .





Hmeichhia zawng zawng in kan suangtuah thin lo a nih pawn a tam zawk hi chuan kan ngaihtuah tho in ka ring





" Tih loh lam pawh a awm chuang lo "ti mai in " i nalh dawn si a, ka hmu chak nghal che "rawn tih zawm leh in ka nghawng chu na lo te te in a seh fiam zui a , kei lah za ti hma chi ka lo ni nen ka rak chul,a ni lah in min tih luih nan ka zak ah a dek pah bawk, kan pahnih chauh pawn kan hlim dun khawp mai.







Muanpuia kan inneih tur thu te ka zuk hrilh ve a , kum tir lam khan Simona nen Goa an chhuk leh tawh ,Rinengi erawh an khua ah a la awm reng thung .







" I rawn chhoh hman hmel em ,min rawn tel pui hman ula ka ti "ka ti na chu an hman ka ring chiah lo thung .







Muanpuia ka biak zawh ah Simona biak ka rilruk ran a, kan inthen atang khan kan la in be zawm leh miah lo ,ka bialpa hlui ni tawh mahse ka thian a la ni reng a, harsatna ka tawh chang pawh a tlanchhe lo a min pui a ka kiang a awm tlat thin a nih na te hian , ti tawp a kan in thian thatna bo tir mai chu ka phal bik lo.





Muanpuia chu rawn fiamthu hluai in " Nang meuh in pasal in nei tur chu a va ropui em , i lengtar mai ang tih ka lo hlau hman khawp "ti in a nui zui vak





" Chhe siah, nang anih kha len tar hma bak"





"I thianpa luck zia hi i hre ve si lo" a rawn tih fan ruih chuan ka awih lo lutuk a ka hnial zawm peih lo , chuti lo chu dawt hlir in a rawn insawi thei leh nasa dawn lutuk.





A hnu ah erawh rawn haw chhoh dan a ngaihtuah tur thu a rawn sawi a, a theih tak loh pawn eng emaw tal leina tur pawisa erawh min pek a tumruh viau mai .





Kan inbiak zawh hnu ah hreh tak chungin Simona number ka hmet chhuak a , engtin nge a lo dawn sawn dawn tih ka hre lo , mahse biak ngei ka duh si .







A hna a a buai lai a niang vawi 3 zet ka call hnu pawn ala lo a, nakin a biak that leh tur ah ka dah ta tawp .







Peki'n dawr a nghak chawt tawh a,, bungraw lak leh a tul ang ang pawh a kut ah ka dah deuh tawp a, a tul viau te a nih loh chuan ka in rawlh ngai meuh tawh lo.





A tuina zawng tak a ni bawk a, harsatna em em a la tawk lo a, a ningkhawng a man chak riau bawk , nakin a dawr tih len belh zel na tur pawisa tlem tlem dah hrang nghal thlap thlap in ,pawisa thu hla ah pawh a ngaihtuah awmlo hle , a u mah ni ila tluk lo ka in ti khawp mai.





Kan inneih ni a min dinpui tur atan Hmingi ka hmang dawn a ,a huphurh thu a sawi a sawi leh tawh ,eng ang pawn sawi mahse a ni lo chu hman ka tum lo a , midang han an mai tur thian tha tak leh pawh em em ka nei hek lo.





KTP lam ah pawh ka inhmang rei thei tawh dawn si lo a ti in, ka phak tawk ah chuan inkhawm a ni emaw,hla zir pawh ni se ka thulh meuh lo .







Pathianni chawhnu dar 4 vel ah venglai ah mitthi kan nei hlauh a ,Hmingi nu u fapa a ni nghe nghe ,ruihtheih thil lam a tlan nasa tak a ni ve a ,a thih chhan ber pakhat pawh a zu in nasa lutuk a taksa lam in a zo leh si lo chu a thih pui ta a ni.







Kum tir lam atang a a insawisel neuh neuh reng avangin, aizawl lam te pawh an pan pui a, zu in tawh lo tur in doctor ten an ti na chu , a kum tel lo in tawh tan chuan nghei mai theih a ni tawh si lo ,ti hian he lei a a dam hun chhung chu tih tawp sak ani ta mai chu a ni si a .







Ka ngaihtuah thin , mihring nun lo derthawng leh lo tawi zia hi , mit khap kar lek a bo a ral mai thei vek kan ni si .







Rinsawma nen kan kal rual a , Chhana erawh an naute a dam chian loh avang in a kal hman dawn lo thung,





"Mi in min hmu a nge " ka kut a rawn vawn chuan ka ti a ,ka thusawi hre lo ang hmak in a awm vel chu ka chek tlak tlak .





"Innei mai tawh tur kan ni a, kan inngaihzawn lai a ka kaih hnuhnung ber tur che pawh a ni tawh maithei a sin ,a hriat miah loh " a thu lak dan chu ka nuih pui hak , sawi buai zawm duh tawh bik lo in ,kut in kai rial chuan kan kal dun a , zan a ni bawk a min rawn en chiang viau a ,min rawn kal hnaih viau te a nih loh chuan midang in min rawn hmuh theih a rin awm loh.





Palai tir a inneih ni tur te sawi a kan inbiak fel tirh lam khan , khawlai a han chhuah te hian inneih ni tur min zawt nawlh pawl an awm nuk hlawm a, duhsakna te min han hlan liam liam phei hi chuan la innei lo mah ila a hlim awm in a nuam ka ti ve viau thin .





A hnung sir kil lam ah kan thu dun a , kan ep chiah a Doroi leh Hlutei thu chu ka va hmu a, an lam ka hawi lai tak in Doroi chu a lo hawi ve a mahse a hawi sawn rang leh viau.





Mi ka atang a ka hriat dan in ka chanchin chhe zawng an sawi duh dun hle tih ka hria ,Hlutei chiah hi chuan lo sawi pawh ni se awm tihna chen ka nei a , a ni hi chu a hma atang reng a min ngai thei lo a ,ka chanchin chhe lam sawi nuam ti tak thin a ni tih ka hre sa vek a ,chu lai kar a Doroi a lo tel ve zel chu mak ka ti a , tl chuan ka rilru pawh a ti na ve deuh .





"Zai vak vak rawh , i mut a chhuak hnai dawn a niang kha i ham bai bai reng mai " ke beng bul chet ah a rawn ti su su, zep miah loh chuan chhuak tawh tak a ni ,tun ah hi chuan khum a mut veng veng a chakawm khawp .







"Ka zai nasa lutuk a ka hrawk a na tawh lawm " ka tih chuan a awihloh hmel viau , mahni tawk ah zai nasa intih ve nak lai a.





Thalai tlaivar kan thahnem a, zai pawh a tui viau , ka bul a ka kut khawih a thu pa phei chu a zai tui viau a niang mutchhuak hmel pawh a la pu lo.





******







Vawiin ni hi ka nun a ka hriat reng tawh tur leh ka theihnghilh mai mai tawh lo tur hun a ni a, ka mipa hmangaih kiang ah ding a tiam tlat e ka tihna ni tur ngei chu a ni .







Darthlalang hma ah mokawr var thui nalh tak ha chung a kan in en chu , nalh ka inti in ,hmuh nuam ka in ti takzet ,





He kan inneihna min hman pui tur hian chhung khat hnai te pawh an rawn kal tha hlawm a, kan in phei chu kan ri huai huai reng mai a ni .





Thil lawmawm leh em em chu ,buai tak chungin Rinengi kan inneih min hman pui tur in a rawn kal a, kan han in hmu leh chu sawi tur kan ngah dun teh a sin.





Aizawl a hotel lian tak pakhat ah a thawk tawh a , a thawh na pawh a la rei lo , chawlh la reng thei a nih loh avang in inneih ruai kan theh zawh ah, kan chhungte haw thlak nghal tum ve tho te motor in aizawl lam pan nghal an tum a.





Cham rih tur in chelh lui viau mah ila ,hnathawh lai nei a ni si a ,ka sawm lui hram duh ta bik lo.





Muanpuia leh Simona erawh an rawn tel hman ta lo , Simona nen pawh tha tak in kan inbe tawh a, an rawn kal theih loh ai ah tul lo ka ti chungin pawisa min rawn thawn dun hram bawk .





"I pa kha kan kiang ah la awm ve se zawng , a fanu pasal neihna tur hian keimah ang tho in a va ti hlim dawn tehreng em " ka kut vuan in lunglen hmel tak in ka nu'n a ti vang vang ,kum tam a vei tawh a, ka nu pawn ka pa chungchang a lam ri zen zen tawh lo,vawiin ni ah erawh kei ang tho in ka pa a ngaihtuah chhuak ve in ,kan inneihna min hmanpui ve tur a ka duh ang bawk in ka nu pawn a fanu inneihna ah hian dam in la awm ve se a duh in a thlahlel tak zet tih ka hrethiam .





Ka mittui tla tur chu dang hram hram in "Van atang in min lo thlir ve ngei ka ring a ni "" ka ti let sap a, ka nu pawh tah chhuak tun chung in a rawn nui ta sang ,





Duata'n min kai lut a,hmangaih tak leh lungawi hmel tak a min lo en tu ka pasal tur bul ah chuan thu in ka kut a chelhna chu nghet tak a chelh let in ka nuih a , a ni pawh rawn kiai suk in "i hmeltha zual hle mai " kan pahnih hriat phak tur tawk lek a zawi in a rawn ti ril ruih .





"Nang pawh " ka ti let ve sep chu hmangaih hmel ngawih ngawih a min rawn melh in nui mawi ka tih thin dan deuh in min nuih let .





Maicham hma ah ding a chhe cham na thu kan tiam lai te chuan rilru leh tih tak zet in ka tiam a,Pastorin nupa kan nih thu a puan lai te chuan hlim lutuk avang in ka thawk ka chelh ngar ngar ,zam lutuk avang in ka taksa khur mahse ka bul a ding ,mipa rinawm , innghahna tlak,leh min hmangaih tlat tu ka kiang ah a awm avang in engkim hmachhawn tur leh harsatna kar ah pawh tlu mai lo tur in chakna thar ka nei tlat thung .





Inneih hunserh a zawh ah biakin kawt ah thlalak na kan nei zawm leh nghal a,kan inneihna min lawmpui tur a rawn inkhawm ho hmuh te chu a nuam tak zet .





Zan lam ah pawh thenrual tha te leh chhungkhat hnai te an rawn lang tak tak a,present hawn na te nei in kan hlim tlang hle ,tlem a nghal zual deuh in zan lam hun kan hman dan tur sawi chhan in min fiam leh zuk zuk thin .





Kan inneih hmang tur liau liau in Zikpuii te pawh an nupa in an rawn chho a, rei tak cham thei an nih loh avangin naktuk mai ah chhuk leh nghal an tum .









Kan nupa pindan tur ah chuan kan awm a, a hma a a pindan ngai tho chu la ni mahse ,a hma aiiin a zau hret tawh a,bathroom zau lo te dah tel in ,pindan chhung lam rawng pawh a thim lampang hnawih tawh lo in rawng eng lampang in an thlak vek bawk .





"I chau em , va intifai hmasa la " khum ah rawn thu thla ve in , a kawr hak chu a phelh zawm zat ,chau han tih tawp tur chu ni lo mah ila pheikhawk sang bun chung in vawiin ka nileng tluan thak tih theih a ni a, chu lo ah a boruak hrim hrin kha hlimawm viau mahse ka zo meuhlo chu a ni.





"Chau hran lo, ka ke hi a na ve deuh a ni mai " ka tih rual deuh thaw in in ka ke chu a rawn chawi kang a, a malchung ah dah in , a hmet zui mawlh mawlh , chutia thiam tak a an hmet chu ka hahdam sawng sawng mai.





"Ti hian i nupui chu ka ni ta der sia " ka ti chhuak hliai , beisei ngaih na pawh ka hriat tawh lo hnu ah , kumkhua a nupa ni reng tur in harsatna leh bawrhsawm lai pawh a inkal san lo a invuan tlat tur in Pathian hma ah chhechham na thu kan tiam dun der chu a ni ta mai a.





Ka ke a hmeh chu chawl in min rawn en a ,a mitmeng ril ruih ah chuan thil tamtak ka hmuh sak thei .





"Ka nupui ngei i ni , zaninah ka nem nghet bawk ang " zawi sup a ti in ka hmui chu a rawn fawp vang vang , zun nei ngawih ngawih a min fawh mai duhtawk lo in ,taksa lumna cho chhuak tur in ka hmui mai duhtawk lo in ka taksa chu a zut kual a ,



Ka kawr hak min phelh sak tum a rawn chet chuan "in tifai hmasa tur in min duh emaw ka lo tia " mitmeng de sar a en chung a ka lo tih zeuh chuan rum nghut in "tun ah hrih chuan kha lam kha ka ngaihtuah leh tawh lo,ka ta a siam pum hlum phawt che ka duh " zawi sup a ti in ka hnar chu a rawn seh fiam leh zeuh.





"Ka la inpeih chiah lo " nuih insum ru tak a ka tih chuan,a rum nghut a, mitmeng tak run a min melh chhuk run in "I pasal hi i hnar dawn a" ti thuk ruih in min rawn hnaih chilh nghal run .





A thil duh leh mamawh thup buai tum miah lo a min han melh zet zawng ,ka chhungril a khur dar dar hial in ka hria .





"Ka nupui duhtak "rawn ti dut in ka hmui chu a fawp a , a kut chu ka taksa ah a vah kual tir ruai bawk , chu mi hnu a a chet lak zawm dan chu ka beisei phak bak a ni.





Ka thianghlimna chu a hun tak ah ka pasal hnen ah ngei ka hlan ta a ,ka pasal in chhuang tak a min melh vang vang lai ka hmuh te khan ka thianghlimna ka lo vawn that reng hlut zia leh ropui zia min hriat thar belh tir hle a ni.


Show post links
Top

[Ngaia]

HLUSANGZUALI







CHAPTER-24(LAST)







Mo thar tuk a thawh hai ka hlauh avang in nizan lam ah alarm ka set lawk vek a , kan tho chhuak chu ka taksa a na deuh thum mai .





Rinsawma chu bawk khup a mu in a la thaw suk suk a , kan pindan atang chhuak in choka lam ah ka lut phei a ,Rinsawma nu a lo tho daih tawh hi a ni , min hmu chu





"Mate , i va tho hma ve, nimin lam ah i chauh awm tehreng nen ,la mut mai mai tur che a lawm " a lo ti thuai , nu fel leh tawng duh tak a ni a , kei pawn ka nel viau.





Ka chauh loh thu a chhang in , thingpui in pah in eng emaw sawi in kan nui dun leh hak thin , harsa ti lo tak in nu ti in ka ko nghal mai thei bawk a , nakin a ka buai loh nan an thil dah na leh an chhungkaw kal phung tlem min hrilh hre bawk .





Midang pawh an rawn tho chhuak sap sap hlawm a, Rinsawmpuia chu ka bul chet ah rawn thu in "Duhno, i va tho hma awm ve" a rawn ti sup chu Nautei'n in a lo hria a niang , kan lam rawn hawi in





"Au Mama chu ko duat vel ve "a rawn ti pat pat ,midang an awm ve thup nen ka zak lek lek mai.





Ka bul a mi lah chuan a nau thusawi chu chhan en ah pawh a en lo a niang , a nui suk duh chauh .





Rinsawma te chhung hmun dang atang a inneih hmang tur a lo kal ho an la awm nual a,a then erawh inneih ruai theh zawh hnu ah an haw tawh thung.



-----





Nitin sikul kal in Rinsawma a chhuak a , in ah ka nu leh pa te nen kan awm mai thin, a chang in zawngtah huan ah kan feh ve leh thin bawk a , ka pa hi huan lam ah a che tla tam ber a,a man nuam a ti bawk nen in awm ni a nei meuh lo .





Nautei erawh aizawl lam ah a pu te in ah awm in college a zawm a , rilru tha ngang chhungkua an ni bawk a ,tu man min en hran na nei lo in , ka nu leh pa pawn an fanu ang mai in min en a ,Rinsawma unau te nen pawh kan in pawh viau.





Chhun ah U Sangpuii an naute nen an rawn leng a ,a ni pawh a pasal hna thawk a a chhuah bo daih thin avangin ,Celini sikul bang nghah pah in an rawn kal ni tin thin , a tawng duh in fiamthu a duh bawk a ,a bul a awm chuan kan nui deuh reng mai a ni.





" In va rawn bang hma ve "Rinsawma lo lut ka hmuh chuan ka lo ti thuai , ka zawhna chhan pawh nidang a an ban hun a la ni lo miau a.U Sangpuii te nufa pawh nichin lawk khan an haw chauh.







Zawi zet a thuthleng ah thu in ,a mitmeng te chu a sen ram " ka nuam chiah lo emaw ni "zawi te a a tih chuan a chal chu ka va deh sak nghal , a lo sa vur mai .





" I pang a sa lutuk ,nachhawk na ei rawh aw"ti in damdawi bawm a nachhawk na chu la in ,tui nen ka ei tir a ,kan pindan ah kuah phei in khum ah ka mut tir , a bul a ka thu chu "lo mu ve rawh " a tih tlat tak ah chuan kawngka va kalh tha sawk sawk in , a bul ah chuan ka mu ve a.





Ka nu leh pa te aizawl lam ah Nautei tlawh pah leh Rinsawma pu a that loh deuh avang in nimin khan an chhuk thla a, an rawn haw theih hun tur tak pawh an la sawi chiang thei lo.





Sir zawng a mu in ka kawng ah a rawn kuah hlun , vawt a ti em tih ka zawh chuan lu a thing mai , ka awm ah hmai rawn phum a ,a thawk tak siai siai ah chuan be zawm tawh bik lo in , a lu chu ka chul sak ta hliau hliau.





Engtik lai in nge ka lo mutthilh hman ka hre lo , ka harh chuan hnai zet ah min lo en in min nuih a ,"i khawsik a la awm em "ka ti chhuak hmasa ber , ka lo mu rei viau a niang , bang a sana tar na lam ka en chuan dar 5 a lo hnai thuak tawh.







" Awm tawh lo ,ka pangngai leh var var tawh "ti a nui in ka hmui ah chuan a rawn fawp zeuh , thawh chhuah tum a ka che chu ka chung ah a rawn in nem khalh run , bangbo tak a ka en chuan " thil tih chak deuh ka nei "ti sup in min rawn fawp leh ,







A awm ah lo nam tang tang in " eirawng pawh ka la bawl lo a nia "ka tih chuan " a hmanhmawh thlak loh"lo ti mai in ,a ngai ang bawk in ka hmui chu a rawn fawp zawm leh , a kut pawh a rem lai lai ah a vah kual tir nghal ,





Hnial pawh ni ila ka hnial hneh dawn lo tih ka hriat avang leh pasal te tih lungawi chu ka duh ber anih avang in phur tak in ka lo dawng sawng a ,a tir a hnial deuh tu zawk kha ka phur ta zawk emaw tih mai tur in ka che a , a thaw ri leh hrawk thin te chu tun ah tak chuan rimawi ang mai a mawi a ni





A awm ruak kang ah chuan ka bawk hle hle , "damlo si ah chuan i in fit hle mai " a nui huk , kei tak pawh ka thusawi avang chuan ka nui ve hak a ,





Ka sam ah rawn fawp vang vang in min hmangaih thu a sawi sup ,tlem a awm kang deuh in lungawina a khat a min en tu ka pasal chu a hmui ah ka fawh sak ve zeuh ,"min hmangaih thu kha hriat nawn reng ka duh ngei ang , "ti let in a sam kir ,phir deuh sang chu ka tuai mam sak thuak thuak , rei pawh mu tawh lo in kan in ti fai dun a ,chu mi hnu ah zanriah tur kan buatsaih hman ta chauh







Choka ah lo awm ve reng in, kan pahnih in kan bawl dun a ,a kar lak ah min lo ti buai in min lo chhaih fiam thul , choka chhung zim te ah chuan kan in um kual leh thin , puitling pui tawh tleirawl inngaizawng ang mai a kan han khawsa chu nuihzathlak lam ah kal deuh tlat mahse a hlimawm em em thung si.







Innei hlim hlawl ni tawh lo mah ila, kan inneih atang in kum pawh a la vei lo nen tun ah hrih chuan kan la induh in, kan la inthlakhlelh mai bak ah ,kan la hlim dun viau zel a,tiang ang reng in kan hlim reng thei dawn lo tih hre mah ila , a kut vuan chung a engkim hmachhawn ka inhuam tlat ang hian ,a ni pawn engtik ah mah min thlah ka ring bik lo.





Zan lam ah naupang exam paper check in a buai khawp a , a bul ah lo thu ve in Zikpuii nen kan in bia ,thla hmasa khan nau a pai thu min rawn hrilh a, an pa a lawm viau thu te, leh ei tur a lei sak nual thu te kha phur tak in a rawn sawi kha nia ,tun ah erawh rai no hreawm zia a hlir a rawn sawi tawh thung .





" Chaw ka ei thei bawk si lo, zing ah ni se ka uak deuh reng a , ka chau ngawih ngawih ,U Hmachhuana hian min duat lo phei se chu a hreawm zual ngawt ang , chhungte lak ah pawh a inthlahrun awm zawk , ka che peih mang si lo "a rawn ti duah , tawn hriat la nei biklo tih tak ah han sawi zui luam dan ka hre vak lo " i rai chhung zawng khatiang in i awm bik nang, a reh ve tep tawh ang,dam te a kan awm a nih chuan ka la rai ve awm sia , ka huphurh lawk "ka tih ban charh chuan Rinsawma chu lo nui huk in





" Nang chu raino luak chhuak nei lo tur in uluk deuh in kan saim dawn nia "a rawn tih zuk chuan, ka melh rawm rawm, la nui reng chung chuan a paper chu a check zawm leh mai bawk a.





Thiani nen kan inbiak zawh hnu chuan phone pawh khawih zawm peih lo in Rinsawma thil ti lai chu ka ti buai leh thin , a malchung ah ka ke ka va dah chuan min rawn en in a nur nang, kei in ka lo nuih var var,



" Hmingi te rawn leng leh se"ka ti chhuak sep , dawr nghak a a buai thin avang leh kei lah pasal ka nei ve tawh nen, a hma ang a inkawm reng te kha a har a, a hman chang erawh in a rawn leng lut ziah thung , Rinsawma sikul a kal hlan in a dawr ah ka va lang ve zeuh zeuh bawk.







Doroi nen pawh kan inbe tha leh tawh a, kan inhnaih bawk a inhmuh fuh chang a tam a, inbiak loh reng theih ni hek lo , Rinsawma nen inpawh deuh a an ti ti pawn thikna rilru ka pu tawh ngai lem lo.





"Kan pahnih chauh a kan awm dun hian ka che romantic thei a,nuam ka ti a sin " min en lem lo in a rawn ti sup ,





Ka ke chuan a pen ken na lam chu ka va tlawh ,min rawn en ve leh "i thil tih lai ah ringawt i rilru i pe a, ka biakna pawh min chhan that hman loh kha " ka ti nang nang , phone khawih peih reng ang chi ka ni si lo a,a ni a buai deuh phei hi chuan ka khua a har deuh thin.





Ka sam ah rawn tuai in"Umm , ka hrethiam ka zo tep aw Duhno , ka ti zo thuai a nga , ka duat ang che "ti in ka hmui ah rawn fawp zeuh , tunlai a lak ah ka pangchang lutuk thin hi keimah ngei pawh mak ka in ti , a duat hi ka thlahlel ngawih ngawih reng a , thinrim tak tak si lo a a lak a tih tauh leh bar bar thin lah ka hrat .







Ka nu te aizawl kal pawh kar hnih ngawt an cham tawh , inrinni a rawn haw chhoh tum an ni a , mahse ka pu in a chelh rih tlat avang in an la awm leh deuh dawn a .





Chawlhni chawhma kan inkhawm a , inkhawm ban ah thiante leh Rinsawmna thawh pui te ho an rawn lut khawm sap sap a, chhun ei tur atan ti in suji kan siam teuh bawk .







Hmingi bul ah chuan " saw saw ti raw , Pu Duha te chhung ,U Hminga ai a sikul a thawk kha "ka ti a ,a lo bu nghut, ka pasal nen chuan in bia in eng nge maw ni an sawi dun ni, midang ngaihsak lem lo in an nui dun leh thin.







" Miss Sawmsangi a nih saw , a fel khawp mai , hmun dang atang rawn awm mah ni se ti hian KTP ah a rawn tel nghal a , kan khua ah pawh a tlangnel tawh khawp ,amah pawn kan khua chu nuam a tih thu a sawi a sawi mai "a rawn ti a.





Miss Sawmsangi chu nula lian lo tak ni mahse a hmel chu a fai veng a , a vun chu a nung sar bawk , a hmai vun mam han mai chu hmeichhe tam tak in neih kan chak ngawih ngawih ang kha a ni.





Kan ei tur siam kan ei zawh hnu in , chawhnu inkhawm tur in an kal zui leh hlawm a, an kal hnu lawk ah min hringtu ka nu te in lam ah zanriah ei tur in kan nupa in kan chhuak phei ve thung ,kawng lak ah min lo be tu an awm ve leh zeuh thin nen kan kal sawt lo khawp.





Pasal ka neih tak hnu khan dawr chu ka nau Peki'n a enkawl ta chawt a, kum lam a la nau deuh na na chu a tir lam ah harsa ti deuh mahse , tun ah erawh eng kim dawr bungraw lak leh thlan lam ah pawh buaina a nei hran tawh lo.





Ka nu pawh ram lam a hnathawh kan phal tawh tak tlat lo ah chuan , in ah a awm ni tin a, a hnu ah erawh in a eng vak ti lo a awm reng chu a peih ta ngang lo aniang in bul huan chu ti fai in thlai chi eng eng emaw tuh in a buai pui ta a , chu erawh kei ni pawn kan khap tawh bik lo.





Duata leh Rinsawma chu inkhel en in an thu dun a , an en tui dun ngang mai .





Ka nu zo ar tui lai thau tha zet kan hmeh a ,a hang tui dap dap bawk a ka ei hnem khawp mai , kei ai Rinsawma'n a la ei hnem zawk a, tui a ti ve ngang a niang zo ar tui bik zia chu ka nu bul ah a sawi deuh reng mai a ni .







Zing kar luak chhuak ka neih reng avang leh thla hmasa ka hun bi ka awl avang in ka in ringhlel deuh a , test kit ka kawl sa hmang a in test in, ka rinhlelh ang ngei in ka lo rai ta ngei , ka hlim lutuk chu ka mittui a rawn tla hial.





Rinsawma hrilh hlan mawlh chu a ni ka nghah hlelh tawh ,ka pum chu tuai in keimah in ka nui leh ver ver thin.





Chhun ah U Sangpuii Celini sikul bang nghak in an naute nen an rawn kal a,a fapa te reuh hian min ngai ve khawp a , tun ah pawh ka malchung ah pawm in ka chhaih nui uar uar mai.





"Ka nu leh pa hi khaw nge an kal a , an va reh teh diak ve "a tih chuan huan a an kal thu ka sawi a, Ka pu kan a an zin kha thla khat deuh thaw an zuk awm pui hnu in an rawn let leh tawh a.





Celini leh a putea chu an rawn haw rual a ,zirtawp ni a nih avang in chawhma chauh sikul an kal a, a nu leh kei min hmuh rual in a kut a thil ken chu rawn ti lang va va in"A putea'n barbie min lei sak a " a rawn ti zang vah ,barbie thar a nei chu a hlim tih hai rual a ni lo.





U Sangpuii te an haw hnu in Rinsawma pindan a inthlak mek bul ah chuan ka va ding ,ka kawng ah dawm in ,a mah si chet in min pawt hnai a,ka bek ah a fawp zeuh in ka chal ah a fawp leh ,inla hrang deuh in "min lo ngai tawh em" thum zawi dup in a rawn ti a,rang deuh a ka lo buk chiam chuan kiai suk in





"Keipawn ,class lak lai pawn ka nupui hi ka ngaihtuah char char che " mitmeng tak run a min en in a ti ril ruih ,a mitmeng mawi tak a min melh vang vang tawh hi chuan ka lai leh nge nge thin.





A awm ah kut nghat in "thil hrilh tur che ka nei " hlim deuh in ka ti ta a,mit ko san zeuh in "ka hre chak tawh hle mai " lo ti ve sup in ,ka kut chu la kangin a nghawng ah min kuah tir .





A hmeltha tak chu melh chho a ,thawk ka lak vang vang hnu ah "nu leh pa ti a min ko tu tur naute ka pai mek " ka ti zo chiah chu ka hmai ah a rawn fawp kual nghal mawlh mawlh , eng thu mah sawi lo mahse a hmel ah chauh pawh a hlim zia a hriat theih vek .





"Hmangaih loh har nu " a hnu fe ah rawn ti in ,min pawm lawk a, khum ah min nghat in a ni pawh a rawn mu thla ve nghal ,ka pum chu a chul kual hauh hauh a , ka inhriat chhuah dan te chu min zawt in , keipawn phur tak in luak chhuak ka neih leh thin thu leh , thla hmasa ka period lo tih ka hriat hnu a ka in test tak chuk chuk thu te chu hlim tak in ka sawi a.





Ka nu te huan kal rawn haw chu kan lo hrilh ve nghal thuai ,an ni pawh an lawm ve hle a ,ka pa in a lawm nan ti in thenawm lawk a sa zuar te in ah vawksa rep va lei in kan siam tlai khaw hnu leh a,Rinsawma pawh a hlim viau a niang zanriah kan ei lai te chuan min en in min nuih leh suk suk thin.







Rinai takin rai no chu ka la na zek a , thla hnih chhung chu chaw tui ti tak a ka ei pawh ka hre meuh lo , keimah pawh hmuh theih khawp in ka tla ta dawk reng a , ka pasal in min ngaihtuah viau ,ka ei theih tur ang chu a dap kual vat vat thin , a chang hian ka vin leh khar khar thin a , a hnu ah erawh keimah zawk ka inthiam lo leh ziah thin .





Ani erawh in huat ah a la ngai lo a , ka rai no avang a thinchhia ka ni tih a hria a ,min dawm thiam viau .





Ka nau pai thla li a nih atang erawh in thil eng pawh chu ka ei tui viau tawh ,zingkar luak chuak pawh ka nei tawh ngai lo .





Mut hmun ah Rinsawma hian ka pum puar ve ak tawh chu a chul leh heuh heuh thin , zantin ka rai tirh atanga a tih dan a nih avang in ngai ah ka nei tawh,a chang phei chuan ka pum ah a lu nghat in a be vel thul ,a lo puan chhuah hma hawt atangin kan hlim pui nghal em em mai a ni.





Tlai lam ah Rinsawma thawhpui pa in a fapa piancham a lawm dawm avang in an sikul ban veleh rawn haw zawk in veng chhak lam ah a bike in a in khalh chho leh nghal a, a bul ah kal ve tur in min sawm na chung in ka nawm sam loh deuh avangin ka lo hnial thung ,ani pawn a rawn haw hma tur thu sawi in a kal ta kha a nia.





Nautei nen kan in bia a , nau ka pai hnu atang hian min rawn be zing zual , naute thamhnaw a lei thu te leh naute a pawm chak tawh zia te,rawn piang vat vat tawh se a tih thu te a rawn sawi nasa viau,kan inbiak zawh in Rinsawma biak tum in a phone number ka hmet chhuak a,rawn haw hma a tum ve sia ,tun ah dar 8 a pel dawr tawh.





A rawn lak rual in "I lo va haw har tawh ve " ka ti nghal hlar ,a ngawih vang vang hnu ah "a muhil a , kan kai tho ang aw " hmeichhe aw sin zet in a rawn tih chuan ka biak mek chu ka pasal a ni lo tih ka hre zawm nghal , lehlam pang atang a an rawn tih tawp tak daih ah chuan engmah zawh chian na hman pawh ka nei lo.





A phone lo chhangtu khan a muhil a tia ,eng nge awm zia pawh ka hre lo , rai lai chuan an thik thu a chhia a , an rilru a no bawk tih zawng zawng kha ka nei zo emaw tih mai tur a ni , ka rilru a nuam lo in ,thil tam tak ka ngaihtuah kual hman vek a nih chu.





Ka nu leh pa tv en na lam ah pawh thu phei peihlo in kan nupa pindanah ka mu meng kar a , ka nuam sam chiah lo tih an hria a, min rawn ngaihven leh zeuh zeuh thin.





Reilo ah ka nu te leh Rinsawma in be thawm ka hre zui .





"A nuam sam chiah lo a , a mu nih kha , rinai i rawn haw har zek a " ka nu in a ti a ,a chhanna tur hre chak in ka beng ka tun hra tawh .





Rinsawma'n "kan thawhpui pakhat nuam sam lo ka thlah kawi a ,rei lo te ka thu khawmuang ve bawk nen ka rawn haw hma thei ta lo a ni " ti a a chhan chuan awi lo zet in ka phun chhuak sup .







Kan pindan a a rawn luh lai pawn kawgka lam chu ka hnung chhawn lui tlat a , ka muhil lo tih chu a hriat vek tho ka ring.





"I nuam deuh tawh em,i eng lai tak nge na " a in thlak nghal a niang a ri sut sut a , min bia tih hre reng mah i la ka hre lo der lui tlat .





Ka phone a min lo chhangtu kha a thawhpuinu U Hminga ai a kal kha a ni tih ka hria a.







Thinrim loh ka tum pawn ka thei ngang lo chu a ni , hman ni Hmingi te dawr ah Doroi nen kan len tum in , Miss Sawmsangi hian Rinsawma chanchin a ngaihven thu leh a sawi peih thu an sawi chhuak zeuh tawh a, an thil sawi ho nen a ka hmeh bel kual phei chuan ring hlel dun bur si lo in ka ngaihtuahna hi an ti buai tak zet .







Ka pasal chu ka ring , mahse a hmeichhia zawk kha ka ring lo bur..







"Ka lo haw hma leh loh avangin i lungawi lo em ni " rawn ti dut in ka hnung lam atang min rawn kuah a,ka hmel en thei tur in a lu chu a rawn thle phei pah bawk .





"I ngawih reng chuan ka awm i ti nuam lo a nia"





A rawn tih leh pawh in la la ngawi reng , ka pum ka dawm na kut chu rawn dawm hnan in "naute ,a nu hi a lungawi theih nan eng nge kan tih ang" nui nghawr dat in ka nghawng chu a hmui in a ti si leh vang vang .





Beisei loh tak a ka pum a rawn chet tak ah chuan "i hre ve ti raw " ka lungawi loh na theihnghilh vek khawp a phur in ka ti a ,





"Naute pawn i ngawih reng chuan nuam a ti bik lo a nih kha " nui vur vur a rawn ti in dim zet in min kuai her ,







"Lem ,eng ber in nge lungawi loh na thlen che han sawi teh ,ka rawn haw tlai vang ngawt ni in ka hre ta lo " dam dup a ti in ka kha be chu a tuai pah heuh heuh





"Biak che tum in ka rawn call che a , mahse hmeichhia in min rawn chhang in , i mutthilh thu a rawm sawi ,eng thil nge in tih dun " pawr deuh in ka ti hlar , Miss Sawmsangi a ni tih hre mah ila a hming ka sawi lang lo thung .





Rawn nui chhuak hawk in "eng thil nge ti dun se min tih reng reng ni" ti in ka hnar ah a rawn piai , a kut ka lo ben thlak sak chuan a ai uar zawk mah a min nuih leh in "i rai hi i thinchhe zual ngawt mai "a ti chu ka melh na ngang mai .





Ka pum ah a kut nghat leh in " naute a nu hian thil a lo ngaihtuah kual leh vak tawh a nih hi ,min ring chhe thei si "nur nang in a ti chhuak sup , thinrim a sawi phei chu a ni lo.





Ka pum a melhna atang a rawn insawn chho in min melh a " Miss Sawmsangi a nuam lo deuh a ,ka rawn haw tur in ka rawn thlah kual lawk maw le ,a inluah kan thlen hnu ah damdawi ei nghal in a mu mai a, rawn haw san nghal ngawt chu thil mawi ni in ka hre lo a, rei lo te ka thut pui ve leh chhungin , ka lo chhing sek hman a lawm maw le"a ti mai a , dawt a sawi lo tih ka hria a, tha deuh chuan fa enkawl dan tur te sawi in ,kan ti ti dun leh ta reng .





Fa enkawl hi thil na mai a ni dawn lo , kan ril a rah kan fa te ngei chu kan hmangaih vek ngei ang mahse an than len chhoh zel a, sual kawng dai lo tur a enkawl tur chuan nu leh pa kan tan rual that hi a pawimawh dawn khawp , an tet te atang in an rilru ah taimak na leh rinawm na te tuh sak hi kan nupa in a fa kan neih hun a kan tih tur te zing a hmasa ber pawl a ni, .





Nupa dang te hian mut hmun ah in kuah chial chung in fa enkawl dan a ni emaw ,an vei zawng leh nitin hun an hman dan an sawi tlang ve thin a ngem le , kei ni nupa chuan a tur reng ah kan dah deuh tawp tawh a , kan pahnih inzawmna pawh a ti nghet zual in in pawh na tha zawk min siam sak ka ti lo thei lo.







Ka pum pawh a lian ve telh telh a , naute pawh a rawn che nasa tawh khawp mai , zing kar ah Rinsawma'n kawng dung vel ah exer la in min vei harh pui thin a , a thiam ang tawk leh theih tawk in min duat ve viau , ka ei chak zawng kan khua a awm lo ho pawh aizawl lam a mi min ngaihtuah sak vang vang thin .





Tuk dang ang bawk in zing kar ah kan vei chhuak leh a , kan let leh hma in kei ma nu te in lam ah leng lut zuai in, thingpui te kan in a.





Peki'n dawr a lo hawn dim diam tawh lai in Duata a erawh a lo la mu thung .Tleirawl thang lai tih tak ah mut te hi duh tak a ni.





Zikpuii pawh in naute chum zet mai a mipa a nei tawh a, a thlalak min rawn thawn ka en chuan a nu ai in a pa a ang mah zawk in ka hria .





Rinsawma ka hmuh tir ve chuan a ni pawh in a pa a an zawk thu sawi ve sup in ka pum puar ve ak tawh zawn ah thu hniam in "tereuh te ,nang pawh lo chhuak vat rawh aw, kan hmu chak tawh che a nia , i nu leh i pa hmel rawn chhun chhuak viau la , naute fel i ni nghal mai " dam dup a ti in ka pum chu a fawp zeuh , a pa biakna chu kan naute pawn a hre ve a niang ka pum chhung atang in a rawn che ve dat dat mai .





Kan chhungkua a hlim na nasa tak rawn thlen tur leh a pa hmangaih em em ni tur in fanu duhawm deuh mai ka hring chhuak a , kei ai mah in a pa a rawn chhun nghal em em bawk.







A hming atan a pu in Anna Malsawmtluangi tih a sa a , naute tah belh lo tak ni in , zan lam ah pawh mut duh loh tih vel a nei vak lo a ,kan hahdam phian.







A pa hian a duh khawp a , a hming pawh a ko phal lo in ka pum chhung a a awm lai atanga a koh thin dan ang in" tereuhte"a ti mai zel a .







Sikul kal a a chhuak tih loh chu a fanu bul ah a tal chawt a , chutiang bawk in a pi leh pu te pawh , Duata sikul kal tur pawn a tunu hmu chak in a rawn peng ta ziah thin a ,ka nu pawh a tu nu awm tur in a hman chang apiang in a lo leng ziah bawk .





Hnute a hnek lai tih loh chu ka chang meuh lo ,nau pawm zing a hahdam ber leh buai lo ber ka ni ngei ang





Nautei exam zo a rawn haw atang phei chuan midang hian an pawm hman meuh tawh lo ,a man a kuah chawt a ,Annai lah naute fel tak ,tap mai mai ngai lo a lo ni nen an in awm thei dun khawp mai.





Zan lam ah erawh a pa in pawm chawt lo leh a mutpui a, a lo tah tak hlauh leh "Tereuhte,a pa'n ka pawm hlu hlu ang che ,tap tawh lo la" ti dut dut in kan pindan chhung ah chuan an in awi dur dur zel a ,hmuh an nuam pafa thei a nia aw.





Kan Annai lah in a pa pangtilum a hre hrang tawh em em a, hnute pek hmasak kher ngai lo in an in awi mu leh mai thin.







Keimah Hlusangzuali ,hmeichhe naran mai,chhuan tur eng mah nei lo he ti khawp a min hmangaih tu, min dawm thiam em em tu pasal min pe hi chung lam hnen ah lawm thu ka hrilh bang thei lo hial ang , Ka pasal hi nun awm zia min hriat tir tu leh min hmuh tir tu a ni a , chutiang bawk in hmangaihna awmzia min hriat fiah tir tu a ni bawk.





Kan hma hun ah eng in nge min chim buai dawn tih hre lo mah ila ,nupa kan ni tawh a , eng harsatna pawh tawk ila bei a hmachhawn dun zel tur in kan chak tawk .Thihna in kan chung a ro a rel hma chu rinawm tak a awm dun reng tur in rilru kan siam thar ni tin thin.









##A hmawr kan bawk ta , a tawp zan te a nih ang in comment kha han hnutchhiah liam liam ila.





Exam ka neih dawn avangin thla khat vel chhung chu ka reh vang vang in ka ring a, ka hman veleh an fapa te thawnthu rawn ziah leh te pawh ka rilruk deuh a.



Eng pawh chu ni se ,story thar kan neih leh hma zawng lo dam in lo hrisel em em reng rawh u


Show post links
Top