THE FIRST NIGHT WITH DUKE BY Bee Hlutei (Completed)

[Ngaia]

Zeronis POV

"Madam, Duchess khawiah nge i awm? Sylvia!" Meialh karah chuan chhiahhlawh ho chu an au nuai nuai a

"Ripley" ka ko an hriat chuan naupangte hi mittui tla chungin a rawn hawi a

"Kan chenna hi a kang vek, Madam leh Sylvia kan hmu thei lo" an tih chuan an rualin ka lut ve nghal

"Eng thil nge thleng?" Ka meng phawk hru mai, tui chuan an theh chiam bawk

"Ka hre bik chiah lo, inchhunga awm zawng zawng hi an chechang thei lova hrai ruih an ni maithei, kan pi room aṭang mei a rawn chhuak, ni lo Duke helai hmun hi a kang nasa lutuk" luh ka tum a hmuh chuan min dan a tum a

"Duke ka pi chu a ṭha mai ang, mei alh an hmuh chuan a chhungah tumah an awm tawh lo, Sylvia pawh hmuh a ni lova khawiah emaw an biru aniang. Duke helai hmun hi a hlauhawm lutuk ania, engtik hunah pawh chhe rup thei a ni" a rawn tih leh lai chuan ka hawng rup

A tang anih hi, tinge tunah ber kher

"Hmanhmawh in khawthlang lam ramhnuai a min zui tur lo buatsaih rawh chuan hei hi lo dah ṭha rawh" zawhte lem chu ka vawr phei a

Ripley ka lo kal e ka ngaihtuah chhuak a

"Hei hi vawi thum i hmeh chuan a rawn pawt thla ang" - Zeronis

"Wow, ka dam rei ve viau ania, mahse ka lo hre lo re re" - Ripley

"A ruka chhuahna kawng ka siam anih hi, thil thleng thut a awm takin, khawthlang ramhnuai a va pawh a" - Zeronis

"A va pui ve, engati nge hetiang thil pawimawh lutuk te min hrilh a?" Hriatthiam loh hmel deuhin min zawt a

"I fiamthu a ni lo maw?" Thutak deuh a ka zawh chuan hmun dang a melh daih

"A chhan min zawt maw? Ka chhan che ngai lovin i hrethiam mai ang" - Zeronis

"Anih chuan Sylvia tello in kan pahnih chauh in kan chhuak dawn mi?" - Ripley

"Ka sak chhan chu buaina a lo chhuah thut emaw inphiarrukna leh helna a lo thlen pawha tlanchhuahna siam ka tum alawm thih hun nghak mai lovin" - Zeronis

"Awle ka hrethiam tawh e i fing hle mai chuan kal dun i duh em?" Min rawn thlek ha a

"Ngaiah ka nei thei lo re re kan inchhung hmun tin hi" Kawngka chu ka hawng a

"A chhan chu i nupui ka nia lawm" a nui ri her her

"Ramhuai pawh lo lang se ka venghim tlat ang che" - Zeronis

Ripley! Dam taka i awm hram ka beisei

Ripley POV

"Madam i ṭha em?" Sylvia chuan min kai a

"Aw, mahse nikhua hre lo dawn tlatin ka inhria ka chau tawh anih hi" ka dul a thisen chhuak chu ka dawm a

"Ma'am la tuar hram rawh aw"- Sylvia

"Ka tum alawm" ka thaw ṭawk ṭawk

"Inchhunga chhuahna kawng awm hi ka hre ziah a, mahse tun hi ka vawikhat hmuhna a ni" - Sylvia

"Zeronis a'n a tirin min hrilh bik lova" - Ripley

"Amah chu ni ila ka hrilh bik lovang che, inneihna ṭhulh tum reng reng in hun i hmang a, tu in nge i tlan chhuak leh lovang tih ring ngam ang a?" - Sylvia

"Hun liam tawh anih kha ni lawm ni? Ka tihpalh aw Zeronis nen hian buaina ah ka hnuk lut reng che u a" inthiamlo deuh chuan ka nui hak a

"Ni e mahse harsatna i tawk nasa ve tho alawm, Duke i bum a, Lal fapa nen buaina in nei bawk a, chawimawina hlan i ni a, Duchess hial i ni bawk a, khaihlum i ni lo hi i vannei zawk khawp alawm" Sylvia pawh chuan fiamthu a rawn thawh ve a

"Kei ni lo ila chu heng buaina hi i tawk lo tur" ka ti chuai raih

"Eng maw? Mahse a hma pawhin ka ngaina che alawm, pangngai tak khan i awm ṭhin a, i rawn inthlak hlawk a, chumi chuan hlim takin min awmtir asin chuvang chuan ngaihdam min dil tawh lo hram rawh

"Cake lian deuh min leisak zawk la chuan chawlh hman ka duh bawk ang" - Sylvia

"Tak tak maw? Helai aṭang kan chhuah vat chuan rei tawk chawlh i nei ang a i ziak vek dawn nia" - Ripley

"Hey ma'am muhil suh aw kan thleng ṭep ania i hmu em? Chhuahna chu a lang ut mai, ka pi tihpalh aw ka thawveng huai mai" leiah chuan min nghat a thawk a la halh

Thingkung chuan min hual vel a, thla pawh a bial kulh mai

"Ripley" Zeronis chu kan lam panin a rawn tlan a, a hmel chu lungngaihna in a khat. Inchhungah min zawng a ni ngei ang. Tinge hlauhawm taka ka din lai hian i rawn lan ziah mai le?

Khawngaihin lungngai suh aw ka ṭha ania ka duhtak, a mal ah chuan ka chawl riai riai a, 'lo kal rawh' tih bawk chu ka hre leh, naute lem sam chu a rawn dum leh daih

****

In kang chhe tawh chu an thian a, hmun dangah kan insawn a

Sylvia chuan Doctor lo chhuah hun chu a nghak a

"Eng nge ka pi chu a an?" A lo zawt vat

"Sylvia a puma hliam chu a dam mai ang a, ṭhat lohna pawh a awm lovang, a awmdan han en chuan mei khu chhuah tirh khan boruak ṭha lo a hip nasa lutuk a chu lo ah chhuahna awm lo nen tih lo ah chuan a ṭha vek e

"Harh tawh tur a ni nan mahse a chhan ka hre mai bik lo" Doctor chuan a hrilhfiah zung zung a

"Engtin nge a nih theih? Tinge a la harh theih lova?" Sylvia mittui chu a far fap fap

"Sylvia tun hun hi intihchak ngaih lai tak a ni, i hrethiam em?" Doctor chuan a dar ah a beng thek thek, Sylvia chu inhru pahin a bu nghut

Doctor chuan a ngaihtuah zawm a, 'khami hnu kha chuan Duchess hian nikhua a hre lo char char a, a chauhthlak ngawt ang. Engvangin nge Duke hian khawchhunga Doctor zawng zawng a koh le? Danglamna kan awm vak der si lova, anchhia angin an sawi bawk a'

'Thuthang dik lo ani tih chu ka hria, helai hmun ka thlen chiah hian ka hrethiam, hetiang zozai dawnsawn hi a nuam vak lovang mahse Duchess nikhaw hre lo ai chuan Duke hi a ngaihtuahawm zawk daih'

Zeronis Pov

Kawngka an rawn kik a, ka lungngai lutuk kun raih tawh chu ka tho chhuak

"Min lo hrethiam lawk Duke ka tihpalh lutuk vawiin hian ruam a lily a lo par mawi lutuk a chuvang chuan Lady Ripley ka rawn ken a" mipa naupangte hi pangpar keng chungin a rawn dak a

"Awle a ngaina dawn lutuk" ka lo tih chuan a hmel a eng nghal surh

"Sylvia hnenah khawi turin ka ti ang, keimah pawhin ka thei nan ka thiam lo lutuk a, mi hi an buai hlawm lutuk a, a lehpek ah chuan khawi ka zir tawh ang Lady Ripley hi ka be lawk thei ang em? Sir" a lukhum leh pangpar chu dahin min dil a ka bu nghauh ringawt

"Chibai le Lady Ripley, vawiin hian ruam a lily par a mawi lutuk a ka rawn thliah sak che a, he pangpar i ngainat zia thu i sawi kha ka la hrereng a, ni rei lo te ah a rawn mawi lehzual dawn a, a chuai hmaa i rawn harhchhuah vat ka beisei" naupangte chuan thutak zetin a sawi a

"Ruam a lily a ngaina maw?" Mak ti deuhin ka zawt vat

"Vawi khat chu eng pangpar nge a ngainat ber huana phun tur ka zawt a, lily ruam a mi chu a ngainat thu min hrilh a, a chhan pawh a te in a duhawm reuh a tia" ka lam hawiin min hrilh a

"A lo ni maw?" Ka ti raih

Chu mi pangpar a duh chhan chu amah nen a inhmeh vang a ni hrim hrim ang. I pangpar duhzawng ka vawikhat hriatna, sa chu i ngaina tih ka hria, mahse i pangpar duhzawng chu ka lo la hre miah lo. Cake leh sweet i ngaina tih pawh ka hria

Mahse i thingpui ngainat zawng ka hre miah lo, rose thingpui i in kha chuan i ner sawk tih ka hria, ka hrechiang viau che maw ka tia mahse hriat loh tam tak ka la nei anih hi. Rawn harh la hriatchian lehzual na che hun min pe leh ta che

I ngainat zawng tak hriat te, hlim taka awmtir che ka duh asin, ka laka i thil duh te pawh a vaiin hriat vek ka duh

"Miss ka ngai lutuk che, kan vai hian kan ngai che, naupang mai ka ni chungin ka ngaihdan min ngaihthlak sak a, hlim takin i nui sang reng thei bawk a, lily a chuai hma in i rawn harh chhuah leh hram ka beisei" a mittui chu a hru a, a sam ka chul sak zeuh

"Kei pawhin mawle" ka ti a

****

A chhuah hnu chuan Ripley mutna khum bulah chuan ka ṭhu a

"Ripley Erenel ah hian thuthang mak tak a leng asin anchhia vangin i harh thei lo an tia mahse khawvel dangah i awm tih ka hria a ni" a sam chu ka chul sak a

In kha a kang chhe vek a mahse kang ve miah lo pakhat a awm a chu chu naute lem kha a ni mahse a sam rawng a lo inthlak daih a, a dum daih

"Ka venghim ang che ka tih kha kawng ka zawng hmu em em ang ka ti a, mahse ka thutiam ka hlen thei lo anih hi chuvang chuan rawn kir leh hram ang che" ka mittui chu a rawn far a, ka inhup tawp

Ripley Pov

School bag chu ka ak a, ka sam pawh a dum niin a tawi bawk zawhte dum hi kawngah ka hmu a, ka nuih a ti za riau mai. Thli a rawn thaw heuh heuh a, hnahthel a leng chum chum

Ka mitthla ah chuan sam sen a rawn lang a, mak ka ti viau mai. Ka sam hi a ngai reng a ni sia tinge dang ta viau a ka hriat le? A zang viau bawk sia, tlemin a sei deuh khan ka hre sia

"Eng nge nangmah te chauh a i lo ngaihtuah ṭiah ṭiah?" Ka dar ah an rawn beng a

Ka hawi let vat a Ahyoung a lo ni

"Eng nge i phut viau le? A zahthlak ania eng nge i lo ngaihtuah?" Min rawn nghawk leh zeuh

"Engmah a ni lo, ka sam hi mak ka ti deuh a" ka hiat nghal heuh heuh

Tinge mak viau hi le?

"I lu i su lo a ni maw?" Min fiam a

"Su nang" ka ti ve mai bawk

"Tak tak maw? Eng rim emaw ka hre tlat thil thlum lampang a ni" min rawn hnim dun dun a

Ka inhnim nghal dun dun

"Kan hmanhmawh a ngai kan tlai mai ang" a phone chu a bih a

Thil thum lampang maw? Tukin zing ah thil thlum ka ei em ni? Zing ah khan eng nge ka ei le? Ka mitthla ah chuan fork a eitur min barh lai a lang leh a

A mak hle mai ka awmdan chu engati nge engkim hi hla tak ang maia ka hriat le?

"Tinge in zir ang ka thlan le? Ṭhiante inngaizawng ka hmu dun leh dawn che u a ni ringawt" a tukhum ah a kut suihin ka hmaah a kal a

"Eng chungchang nge i sawi? Tute maw inngaizawng?" Hrethiam lo zetin ka lo zawt

"Thutak viau lo teh, awle i bialpa chungchang chu kan sawi tawh lovang, ngaihzawng nei ve lo chauh thu ba rawh ah ngai mai rawh" min rawn beng thek thek

Bialpa ka nei maw? Ka hriat theih chinah chuan ngaihzawng ka nei ngai re re si lova, ka mitthla ah chuan mipa kawr kilh a rawn lang leh zawk

Bialpa ka nei tak tak em maw ni le? Ka single reng bik lo aniang ka mitthla ah bawk chuan hmeichhe sam sen leh mipa chu an lo inpawm

"Kan tlai tak tak dawn ania, tlan ang" kan pen thauh thauh a, kan tlai ṭep a ni

Hei hi ka bialpa chu maw? Mipa sam dum chu ka bulah a rawn ṭhu a

"I mu tui em? Nizan kha kan inbe rei lutuk aniang a" min nuih sak

"I aw phawi inthlak danglam chak zia kha i hmu em? Ka ṭim chuai chuai" Ahyoung chu kan hnungah ṭhu in a lo ner vel suk

"Hmun dangah i ṭhu thei lo em ni?" A hawi let a

A hmelṭha ve tho nan tinge engtin mah ka awm loh le? A hmel ka hmuh ringawt pawn phengphehlep thlawk chuai chuai ang hian ka awm tur a ni sia

"I mut a la chhuak a mi?" Ka sam a rawn khawih chiah chu ka lo beng sawn vat

"Tihpalh" ka hmui ka hup a, tinge ka lo inven vat le?

"A lu a su lova" - Ahyoung

"Ka su reng e" - Ripley(a hming tak tak hi ka la hre bik chiah lo)

"Engtin maw? Chutiang vang mai mai chuan i lungngai maw? Duhawm reuh lutuk" Ka bialpa chuan min rawn nuih leh sak

Zirtirtu chu a rawn lut a, hetianga awm tur hi ka ni lo asin. Kan bana in ka thlen leh hnu chuan ka room pawh chu dang ta riau hian ka hria, ka naute lem sam sen chiah chu a danglam ve lo, engvang nge niang le?

Naute lem mai a ni sia mahse pawimawhna riau a neiin ka hria, khumah chuan ka chhing siar siar a, zawhte hram ri chuan min ti harh zawt

Min va tihlau hman ve, engtik in nge ka lo muthilh a? Zawhte chu a hram ring kher mai, engemaw ti tak hian min ko in ka hria

Zawhte chu tukverh ah a rawn dak a, zawhte lem a ang reuh lutuk, a va mak reuh tak a hmel kha ka hmuh sual em maw ni le? A awmna hmawr lutuk chu a tlak ka hlau leh deuh

Thla chu a rawn eng phut a, thla en zan a ni hial ang a? A van mawi tak, tukverh lam ka hawi reng a

"Hi, ka lo lawm a che" naute lem chu a rawn ṭawng a, min ṭhawng lutuk chu ka tawlh hnung dawrh mai

"I danglam hle mai" hmeichhe sam sen kawrfual eng ha hian naute lem chu a rawn lek kang a, ka hmaah chuan dingin min nuih sen sen

"Engtin nge naute lem a ṭawng theih?" Ka en reng ringawt

****

Chhunzawm tur
(Changtunu hi khawvel tak ah a let leh a, a hriatna a hloh a ni maithei ka hre bik lo )


Show post links
Top

[Ngaia]

Film siamna hmun aṭang a rawn let chiah aniang a, a ni thei lovang

"Tunge i nih? Kawngka ka kalh chiang viau in ka hre sia engtin nge a neitu phalna lovin i lo luh theih?" Ka kawk sawk mai

"Tunge ka nih min zawt maw? Min hre lo a mi?" A rawn kal hnai a

Ka hriat tawh hnu a ang hle mai a, ka hmu tawh a ni maithei, film chang ṭhin ram dang a mi aniang a

"Chiang deuhin min en la i hre thei tawh lo maw?" Ka lu a rawn dai lek lek

"Nilo lo kal hnai tawh suh ka hmu chiang thei lo" ka mit ka chhing tawp, in mawi deuh a mipa thil ei ka mitthla ah a rawn lang a ka harh chhuak chiah Zeronis

"Tunah chuan i hre tawh em?" Ka hmaah chuan a kawng dawmin a nui suk mai

A aw leh a mizia zawng zawng nen Ripley diktak a nih hi

"Tihpalh aw, i taksa a ka awm khan nangmah angin ka lo cheng a, buaina tam tak ka siam a, hawihhawm deuh hlek tur ka nia" ka ṭhu tawm kek a

"Chutiang tho chu alawm ka nih, nangmah angin ka awm ve tho alawm, he lai hmun hi a pui lutuk, electric light te, car leh elevator te a awm a, phone pawh hi thil thar a nih hi

"Zawhna ngai reng 'pasal i nei dawn tawh em?' Tih chhan reng a ngai tawh lova, mawhphurhna lian tak mihausa fanu te angin lak a ngai lo bawk a, zanah mi te sawi sep ngai lovin kan leng thei bawk a

"Eng pawh ka duh apiang ka zir thei a, Proffesor phei chuan ka kutziak a hmuh khan mawi a ti lutuk a, min fak luam alawm. Ka ṭhiante nen kan in pawhin ka bialpa pawh a ngainat awm lutuk

"In hi te deuh mahse mahni in insuk, rawngbawl leh thil chi hrang hrang ka ti thei hi ka lawm lutuk ringawt" phur deuh chuan min hrilh char char

Hun nuam deuh i hmang thei chu a thawventhlak huai e, bialpa te i nei bawk a, ka chhuang zawk hle mai che a

"Ngaihdam dil tur chu keimah zawk ka ni, hlimna naute lem kha ka thleng sak daih che a" Ripley chuan min rawn en a

"Isla anchhe pai naute lem kha maw?" Ka lo zawt vat

"Aw tehreng mai nun thar tih khan khawvel danga mi nen thlarau inthleng a ni ang tih ka ring ngai lo. Helai room a ka harhchhuah khan mak ka ti teh asin aw" khumah chuan a rawn ṭhu ve a

"Keipawh mawle khawvel dang daih ka hmuh khan thawnthu ah chauh thleng turin ka lo ngai a" ka nui ve suk

"Ni e tumahin an ring lo hrim hrim ang mawle" a rawn nui huah huah a

"Nia hrilh pawh ni ila mi â ah min ngai hrim hrim ang awi Zeronis" ka hre chhuak leh thut

Ni lo min ring tu chu ka nei ve alawm ka thu hrilh zawng zawng a ring vek ka van ngai tak, ka mittui a rawn tla a

"Duke Inglid chungchang kha i sawi tiro?" A rawn tih leh chuan ka melh nghal vat

"Engtin a?" Ka mittui chu ka hru pah mawlh mawlh

"I duh ve a ni maw? A hmuhnawm ngawt ang chu, he lai hmuna mipa ho hi chu ani angin an hmel ṭha ve vak lo va" a biang dawm chuan min rawn thlek a

"I phone a thawnthu ka chhiar aṭang khan ka hre chiah alawm, Duke Inglid chu changtupa ni awm reng a ni" a nui leh ver ver

"Thawnthu kha i lo chhiar maw?" Ka meng bial kawk mai

"Ngaihnawm ka ti reuh lutuk. Baron Hailey fanu kha changtunu a inhmeh ka ti lo" min rawn siai zak a

"Engvangin? A hmelṭha in a zaidam a, mi zawng zawng in changtunu ah an ngai vek asin" ka lo hnial a

"Mahse kan tan chuan fahrah vannei tak ve mai kha ania Duke Inglid nen inzawmna pakhat mah an nei lo. Rose pawh khan a vawi khat hmuhna aṭang a ngaina lo in ka hria, a sawi chiah chuang lo nangin" a ngaihtuah zui vung vung a

A ṭawngkam a van na reuh tak. Etoile hian eng nge dik lohna a neih a? A zaidam a, a tumruh bawk. A aw leh a hmel pawh a ṭha vek, ka lo sa ve phat mai

"A tawp lamah kha chuan a duhawmna kha ka hmu thiam ta a, ka ṭan lutuk alawm" a nui sen sen a ka thaw huai mai

Ngawi teh anih chuan Etoile leh Zeronis thawnthu chu a la kal zel a ni maw?

"Ripley, Flower of Erenel chu a tawp lam i chhiar tawh a mi?" Hrechiang chak deuhin ka zawt a

"A tawp lam maw? Ka chhiar vek, extra leh webtoon a mi zawng zawng nen khan" a rawn ti a

Pui ve Webtoon pawn an siam maw? Chutiang lam chu duhtawk phawt ang

"A tawpna chu Etoile leh Zeronis inneih tiro?" Zam ru deuh in ka kut ka seh neuh neuh

"Tehreng mai" min rawn en a

Khami khawvel ah khan Zeronis nen kan ni a, Etoile nen kan inṭhian bawk. Thawnthu ngai chu a la inthlak lo a ni maw?

Engtin nge a danglam theih ang le? Zeronis nen innei pawh ni ila tawpna chu a rawn thleng dawn lo a ni maw? Ka hrilh vat a ngai dawn a ni. Ka ding hluai a, ka awmna hmun chu ka hrechhuak leh chiah

Ni tak e, khawvel tak tak zawk ah ka awm alawm. Duke chenna kha engtin nge a awm ang le? Room kang leh Sylvia nen kan tlanchhuak bawk a

A hnu khan Zeronis ka hmu in ka hria, ka lam panin a rawn tlan tlat in ka hria

"Ripley tinge hetah hian min koh a?" Chiang zet chuan kan in en a

A nun thar hi nuam a ti sia, tinge a taksa ngaiah a let leh a? Rawn kir leh hi ka duh tawh lo asin. A nun kha min pe turin ti ta ila Ripley hian engtin nge a tih ang le?

"Helai hmun hi ka ngaina alawm nun bul ṭan thar ka duh hetah hian" a nui her her a v sign min hmuh

"Keipawhin khalai hmun kha ka ngaina alawm, hetah hi chuan hriatrengna ṭha lo chiah ka nei, bo daih te ka ngaihtuah hial a, ka men chiah khan ka hlim lutuk

"Tunah chuan ka ngaihhlut thil a awm vek, ka let leh duh a ni ka khawvel chu chutah chuan a kim si a" ka mittui a rawn tla a

Ka nu leh pa leh Sylvia min hmangaihtu te, Etoile ka ṭhian ka bul hnaia min ṭan tlat tu leh ka hmangaih, ka tana nat pawh pawi ti lo, a engkim ka tana phaltu te hnena kir leh ka duh a ni

"A ṭhat nasat chu" phur deuhin Ripley chuan a ban a rawn phar

"Anih chuan let leh rawh, kan inthleng mai dawn nia, naute lem hnungah khan lehkha a awm alawm" a rawn ti a

Isla khan chutiang min hrilh lo re re

"Hetiang hian a inziak a, nun thar nei duh te chuan thla bial zanin nunna nei zawng zawng an chhuah hunah kan taksa in thla bial a hmuh veleh chuan vawi hnih kan in bin ang a, vawi thum kan bingbi lailet ang a, a tawpah an lu in an ding ang a, an chham tawh ang

"Chumi hnu chuan kan inthleng tawh mai ang hun tiam a zawh chuan khawvel ngaiah bawk kan let leh ang, naute lem hi inthleng nan kan hman a, a pawm bawk chuan kan khawvel pawh kan inthleng tak tak thei alawm

"Chuvang ania heta lo kal tura ka koh che mahse i thlarau in a zawm duh tlat lova, thla bial zan kha a chiang chiah lova chu lo ah a tlai tak tak hma a kan inhmu vat hi a thawventhlak viau alawm tiraw?" Min nuih sak a

"Tak tak maw ka kir leh thei tak tak em ni?" Ka zawt vat

"Tehreng mai vawi khat kan ti tawh a, a awlsam alawm. Isla thil neih re re hi chu ngaih hniam theih chi a ni lo. Khawvel in Isla a nei lo hi chu a pawi tak tak" uar fahran chuan a chal a dawm a

Thu awihawm loh ber pawl a nih dawn chu a

Isla chu mi bum ching viau mahse naute lem kha chu a tak tak aniang. Tunah chuan ka let leh thei tawh ang

"Tun ṭuma i kal chuan i rawn let thei tawh lo ania, kumkhua a daih tawh ang i hria tiraw?" A rawn ti dam diai

"Aw chu chu ka lo suangtuah reng ṭhin alawm" thutak deuh chuan ka hrilh a

"Awle anih chuan" a ti chiah chu zawhna ka lo zawt a

"I ṭha em?" Ka tih chuan min rawn en deuh ha

"Ka chau lutuk a khawvel aṭang bo hial ka duh a, mahse nang chu nuam sa takin nu leh pa thla zar hnuaiah i awm thei a, helai hmun chu thil mak hlirin khat mahse i chenna khawvel ai i thlang thei tak tak ang maw?" Ka ti leh rak

"Thawnthu ah khan ka lan hun chhung kha a rei lo e, Count fanu ka ni ve sia" a rawn tih chuan ka hrethiam lo lehlek viau

"Rose-i nen thingpui in dun paha Baron Hailey fanu lak kan rel lai chiah ania, Count fanu sual tak ka lo nih hi" naute lem chu a pawm chial mai

"A lo ni maw?" Ka hre tawh lo re re

"En la nang pawhin i hriat tawh miah loh kha?" A ti zawi sap

Engtin nge ka hriat theih tawh ang?

"I sawi dik alawm hlim tak leh zalen takin ka chhungte thlazar hnuaiah ka awm a, ka tan engkim an buatsaih lawk ṭhin, chutiang chuan ka hlim reng turah ka in ngai a mahse ka thin hi a tawt deuh tlat a, thawnthu ka chhiar hnu khan ka hrechiah alawm

"Helai hmunah chuan changtu ka ni thei ngai dawn lo chuvang chuan helai hmunah hian ka cheng ta alawm, tunah ṭan ang le naute lem hi chelh la, ka chhungte leh Sylvia hi i kutah ka kawltir e

"I enkawl ṭha viau tih chu ka hria chuan Rose pawh kha min lo biak rawh aw?" Nui ver ver chuan naute lem chu a chelh a

"Rose maw?" Ka nui hul hak

"Thawnthu ah khan a ngeiawm sia a sual lutuk lo ania" a rawn ti a

Ka hrilh lo law law mai ang

"A hahdamthlak hle mai, i kawng chu zawng la khawvel chuan a lo hmuak ang che" min nuih leh ver ver

"Dam takin le Ripley, he nun hi kumkhua a i chen tawh ka beisei pui che" kan invuan a, a rawn eng phet phet

Chumi hnu chuan keimah chauhin thim zingah ka lo ding a, ka mumang ah ka hmu tawh tlat in ka hria, zawhte ka hmu a

Han en chian takah chuan zawhte khawvel muanna venghimtu kha niin ka hria, "khawiah nge i kal dawn? Min lo nghak rawh kal dun ang" zawhte chu ka um a

Pangpar rim ka hre tlat, ka che thei miah lo, tluang takin ka thleng em le? Zeronis chuan thuthang Erenel a a len thu leh ka thawh an rin theih loh tur thu min hrilh a, min venhim a duh thu leh kawng ka hmuh sak tur thu a sawi hnuah ka kalsan thu nen, a mittui chu a sur zung zung a

Zeronis ka lo let leh asin khawngaihin ṭap tawh suh, a ṭha vek ania tunah chuan i bulah ka awm reng thei tawh ang. Ka sawi a ngai ka hriatna ka neih let vat a, Zeronis ka hrilh vat a ngai

"Zeronis" aw tham ṭiak in ka ko a, ka meng diar diar, a rawn hawi riai riai

"Tinge i hmel a dan em em? Ka thinlung i tina khawp mai" ka nuih sak a

"A dik alawm ka khur tak tak" a kut chu a che dar dar

"Zeronis i nuam vak lo em ni?" Va ban ka tum a, a tawlh hnung dawrh

"Zeronis" ka ko leh a

"Ka tihpalh ka khawih che chuan i bo leh ang tih ka hlau, i ring lo maithei a, ni sawmnga pahnih a liam der ania, ka thil hmuh te pawh hi ka ring thei lo hial zawk. I rawn harh chhuak tak tak em? Ka ngaihruatna mai a ni lo maw?

"Mumang pawh ni se pawi ka ti lo, vawi khat tal i aw hi hriat leh ka duh ania" a hmui hupin a ṭap leh char char

"Zeronis min en teh" a kut chu ka lak thlak sak a, a chalah ka fawp zeuh

"I la hria em? Indona aṭanga i rawn haw tirh khan ka mumang maw ka ti ve tho a, hetiang chiah hian min chelh anih kha, i ring thei tawh em? Keimah ngei ka ni, ka lo let tawh e Zeronis" kan inkuah chial

"Ka awmna hmun ngeiah chuan i awmna apiang chu ka khawvel a ni vek mai" naute lem sam dum tawh chu a rawn sen leh a

****

"Ka pi" Sylvia chuan kawngka a rawn hawng ṭhuai, ka lo nuih sen sen a, mittui tla deuh suk in rang mang khengin Zeronis chu a tlan pel fua

"Tinge i rawn harh har em em le?" Ka malchungah a rawn ṭap hlawp hlawp

"Sylvia hrisel taka i lo awm chu ka lawm hle mai" a darah ka beng thek thek

"I rawn harh chhuak tawh lovang tih ka hlau lutuk a" a aw a la khur dar dar

"Sylvia i kut kha a na viau em?" A kut intuam bur chu ka hmu chat

"Ka ṭha vek tawh mahse bandaged in ka tuam der anih hi helai thleng ka rawn tlan theih nan a fuh lutuk ringawt hna tlansanin ka rawn kal theih phah a" biang tai ṭap pur chungin a kut a rawn lek chhuak

"I ser hi a la awm reng anih hi, Sylvia tinge damdawi kan siam kha i hman loh?" A chal chu ka khawih a

"Eng a?" A meng bial kawk

"Hey Sylvia ṭha deuhin hnawih la chuan tunah hian i dam daih tawh ang" - Ripley

"Engtin nge damdawi hnawih ka ngaihtuah theih ang? Thi chhawngin khumah i let reng ania, nikhaw hre lovin i awm reng bawk si" - Sylvia

"Chu pawh nise han inen teh ka thinlung i tina em mai" - Ripley

Kan inhnial chhung zawng chuan Zeronis chuan kut kuangkuah in a lo ngaithla ve reng

A hnu lawk chuan ka nu leh pa te chuan kawngka an rawn hawng leh ṭhuai

"Awi lalpa leh Ripley ka fanu duhtak" an mittui a tling kuang mai

"Heti hian i ṭhu thei tawh a, i harh chhuak tak tak anih hmel" an pahnih chuan ka bul hnaiah an rawn ding a

"Ka nu ka pa, ka ṭha tak tak ania, a hma ai mah khan ka fit daih tawh zawk ania" ka nuih var var

"A ṭhat nasat chu kan vannei hle mai" min en ngawih ngawih

Kei aiin chawlh hahdam an mamawh zawk anih hi. An lungngai hle aniang. Ka pa phei chu a tla dawk mai. Ripley diktak khan khawvel dang a thlang zawk sia, ka beih nasat hle a ngai dawn anih hi

"Ka ti lungngai che u a, pawi ka ti hle mai" an pahnih chuan ka en ha a

"Ka naute tinge tiang khan i sawi a?" A rawn kun hniam

A tukah chuan Etoile in kawngka a rawn hawng leh ṭhuai

"Nikhaw hre lovin i awm tih ka hriat khan min ṭhawng lutuk a ka hlau hle bawk tunah ka hmu leh che chu ka lawm hle mai Ripley, awi Duke a lo awm ve anih hi" ṭah loh tum chuan a insum nasa

Zeronis chuan bawp khawkher chung leh kut kuangkuah in a lo en kar

Ṭah lo a tum ngar ngar a ni maw? Kawngka an rawn kik leh a Wright a rawn dak zawk

"Sir Zeronis ka be lawk thei che ang em?" A rawn nui var

"Ka chhuahsan rih phawt mai ang che u" Zeronis a chhuak fel chiah tih chuan Etoile chu a ṭap baw hawk hawk mai

"Etoile eng nge i an?" Ka be vat

"Ka ṭha alawm mahse nikhaw hre lo in i awm tih ka hriat khan ka ṭha vak lo" a inhnit hlawp hlawp

Sawi tur dang a awm em le? Kan thusawi lai thlak vat a ngai

"Ni e kan damdawi siam kha eng nge chanchin le?" Ka nui hul hak

"Aw kan dawr kha kan hralh thei khawp mai. A hmaa ka sawi pawh kha kan chhawpchhuak thei ṭep tawh ang" a mittui karah a rawn nui ver ver

"I thawkrim hle mai ka awm loh lai pawhin brand thar siam vat ila a ṭha ang" phur deuh chuan ka hrilh a

"Chawlh hahdam phawt i mamawh alawm Ripley" min lo hnial vat

"Thla khat leh a chanve ka mu tawh a hna ka thawh vat vat a hun tawh zawk" ka lo ti leh thuai

"Tak tak maw anih chuan i hriat chak ka rin vangin kan thil hralh dan ka rawn keng a, ka ziah ngei anih hi" lehkhabu chu a keu mawlh mawlh

"A va phurawm ve, a ṭha hle mai report ṭha tak anih hi" hrethiam miah lo chuan ka nui ringawt

"Ka lo hrilhfiah dawn che a mi?" A rawn tih chuan ka lo bu nghut

"Graph hi i hmu em? Hemi number hi Liverpool chhungkua leh Baron Hailey te pawisa insem zat a ni. A bang zawng hi siam leh tur mi a ni a, chuan heng hi i neih zat tur" lehkha inziak chu min pe a

"Hei hi ka ta tur chu maw?" Phur deuha ka en hnu chuan ka phu zawk

"Eng a?" Ring lutuk chuan ka ti chhuak ṭhawt, pawna Zeronis leh Wright chu in lam hawiin an rawn hawi vat

****

Chhunzawm tur


Show post links
Top

[Ngaia]

Vawiin atana hralh kal ber chu damdawi hnawih chi hi a ni, natna dang zawng zawng pawh a ti dam thei vek. Hetiang pawh hi a tih theih anih chu

"Khawngaihin Mrs R he damdawi thuruk leh a hlawhtlinna chanchin hi kan rama sawi hlawh ber a ni" chanchinbu mi te chuan min kawm a

"A tirah chuan he sumdawnna hi ka duh vang rengin ka ṭan ve tawp mahse thawhpui ṭha tak ka neih zarah tun hun hi ka thleng thei ta a ni" ka hnungah Sylvia pawh a lo in post ve

Hmeichhe pangngai ve mai kha ram a sumdawng hausa a lo ni ta, chutiang vel chu suangtuahin ka nui ver ver

"Eng nge i ngaihtuah? I lawm hmel hle mai" Ka hma takah Zeronis chu a rawn thle phei thut

"Huan ka tlawh lohna hi a rei leh tawh a ka hlim em a ni chuan ka ngainat te ho ka hmu leh thei hi ka lawm" ka nui chhuak leh sap

"Tak tak maw?" A rawn ti bul hmuk

"Ka hmangaih tak kut vuana kal te hi ka chak tawh lutuk a engtin nge ka hlim loh theih ang?" A lam hawi chuan ka nui ker ker

"Ni e" a hawisawn daih a lai ve deuh aniang

"Chanchin thar dang ka la nei ania, ka mut reng lai khan kan damdawi siam kha kan lo hralh nasa lutuk a, ka hlawh zat i hriat chuan maw mak i ti ngawt ang" a beng bulah ka han hrilh ru a

"Mamawh zawng i neih chuan min lo hrilh rawh ka lo lei sak vek ang che" intithei deuh chuan ka sam ka ti leng siau

"Min lei tak tak dawn maw?" Thutak deuh chuan min zawt a

Ngawi teh kan ram a hausa ber a ni leh si tak, kei dawra inhlawh mai mai hian mi hausa lutuk mai thil ei chhuah pui ah ka sawm thei dawn em ni? Ram vel chu ka lei sak thei dawn miah lo ania

"Chutiang a nih chuan ka lo ngaihtuah dawn nia" a nui chhuak hak

A mit han en pawh hian a eng lutuk a, ka mit a vai hial dawn alawm le

"Thil dang a la awm, Etoile nen fahrah inah kan kal dawn ania" ka biang a sen ṭawn ṭawn

"I nuamsam vak lo a mi?" Chik zet chuan min rawn en a

"Ka ṭha alawm. Ka mu rei lutuk a, insawizawi ka duh deuh engmah ti lova ka awm mai mai chuan nuam ka ti lo. Fahrah ina naupang ho in min ngaihtuah tih ka hria a

"Inneih chungchang vel buaipui tur kan la nei sia, ka hrisel lai hi hmuhtir ka duh hlawm khawp mai" ka tih lai chuan a lo phu deuh zawk

"Hello Lady Ripley, Duke" mipa naupangte chuan chibai a rawn ti a, ka kut ka lo vai nghal

"Miss Ripley helamah aw ruam a lily a par mawi lutuk ania" kawng chu min kawhhmuh zel a

Pangpar ka hmuh chuan mawi ka ti ngang mai ka thlir dauh dauh

"Khuma ka mut chhungin khawvel hi a lo mawi hman hle mai" ka kut hnung suihin ka thlir leh veuh veuh, boruak ṭha chu ka hip veng veng

"Nia tiraw i mut lai khan khawvel pawh ka thlir hman bik lo, a lo mawi hle mai" min rawn en vang vang

"Kan chenna ṭhin in chu a hma lam a dum ruah mai sak ṭhat vat a ngai ang, tunah chuan bungrua kang bang chiah a awm tawh" in kang tawh chu kan en dun a

"Helai hmuna i awm duh loh chuan kan insawn mai dawn nia" min rawn en a

"Eng a? Hmun danga insawn maw i duh?" Ka zawt deuh ha

"Heta kan chen reng chuan hriatrengna ṭha lo tak vangin kan tuar reng dawn asin" - Zeronis

A sawi dik alawm mahse chu pawh chu ni se

"Ka ṭha ania, thil duhawm lo thleng fo ṭhin in ka ngaihtuah chhuah changin ka la hlau tho hriatrengna hlimawm hi a tam fe zawk alawm. I bula ka awm chuan pawi tihna ka nei lo" a dar chu ka ngheng der der

"I duh anih chuan a pawi lo ania" ka biang chu a chul heuh heuh

Zeronis chuan a chenna pawh ka tan chuan chhuahsan a pawi ti lo a ni maw?

"Ni tak e kan inneih hun tur kha keimah vangin hun ṭha kan bawhpelh a, a ni kan siam ṭha leh dawn mi niang?" Phur deuh chuan ka melh a, thil ngaihtuah vung vung hmel a pu, ka ko nawn leh a

"Ti la" a ti ringawt

Tinge hetiang hian a awm a? Nidangah kha chuan ni se chu naktuk vel angah inneih kha a duh nghal tut tut zel sia anih loh pawhin ti nghal a duh hmak zel sia

Ka hriat ṭhin changtupa kha a va ang ta lo em

"Ka rawn harh veleh ka hrilh che kha, thawnthu a khawvel kha chu khatiang kha ania hemi hmunah hian kumkhuain ka awm thei tawh dawn, chuvang chuan kan inneih vat a ngai a ni" ka tur deuh ut ut

"Awle ka hria alawm" a hmui chu a tuai vut vut

"Anih chuan innei nghal vat mai ila" ka ti a

"Ngawi lawk" a ban a rawn phar chhuak a

"Eng nge ni?" Hrethiam lo deuhin ka meng bial kawk

"Hetiang hian awm rih lawk ang khuai a awm a" min pawm hle hle

"Khuai maw?" Ka biang a rawn sen pup pup

Khuai hi chu ka ngaina lo asin mawle, nasa lutuk chuan ka kuah bet

"Khuai mit la tak a ni, kan chenna ah hian mawi a tihna hmun hmunah a thlawk kual vel anih hi" a nui suk a, ka sam a chul leh heuh heuh

Eng thil nge maw a sawi chu le? Tumah an awm lo hlauh a, Duke thusawi hi hre ngat se chuan an lunngai viau ang chu, thin phu dup dup ri ka hria

Ka nam sawn dawn a, chiang deuha ka en hnuah ka kuah ṭha leh hmak

A hma aia nasa in a rawn ri dut dut, keimah vang a ni hrim hrim ang, ka bula a awm vang hian kumkhua a ngaihthlak mai ka duh

"Ripley a tawk tawh e, khuai chu a bo tawh e, eng nge ni? I hmai kha a sen lutuk ania i khua a sik em ni? Kan chhuak rei lutuk aniang a" Min ngaihtuah viau mai

"Ni love a, min kuah khan nuam ka ti lutuk a ka khur ve mai mai alawm thil thar a ang tawh e tiraw" za lo deuh chuan ka nui hak a

"Keipawhin Ripley, kan kal dun thei leh kan inbe thei pawh hi ka tan chuan a nuam lutuk ringawt, kan inbiak har viau vang a ni maithei min chhan apiang hian ka bengah chuan ngaihnawm tak a tling

"Tlawh tu kan nei tawh lovang tiraw kumkhua in inbe reng ang aw" ka kut chu la in a biang min dawm tir a

"Naktuk thlengin aw kan pahnih chauhin" ka biang a sen leh ṭuk ṭuk tawh

"Naktuk thleng chauh chu a tawk lo ni sawmnga pahnih chhunga kan sawi theih loh zawng zawng kha sawi dun ang aw" a nui suk a inkuah chialin kan kal dun

****

"Damdawi kan hralh ṭeuh vangin Ripley pawh a hlim khawp mai, a lungawi lo ang tih chu ka hlau ve deuh mahse ka lungngaihna hi ka sawn thei si lo

"Keimah vangin Ripley nen in inbe tam hman lo sia pawi ka ti viau mai" inthiamlo deuh chung chuan Etoile in chhuat lam a melh tlat

"Engah mah ngai suh, Miss Ripley ka biak rei lutuk chuan Zeronis a'n a kutkawr in min theh pawp mai ang" za lo deuhin a nui hak a

"Miss Ripley chu a ṭhat tawh hmel hle mai" - Etoile

"Miss Ripley lo harh hma a Zeronis tha nei tawh lo ang khan i awm ve ang tih ka hlau lutuk a ka thawveng huai mai" Wright chu a thaw huai

"Vanneihthlak lutuk, tunah chuan hlim takin kan awm vek tawh ka beisei" Etoile pawh a nui sak

Naupang ho chu an tlan a, "Hey i hria em Duchess anih hi" hmeichhe pakhat hmai tuam bur lukhum khum tlat lam chu an hawi a

****

Fahrah ina naupang ho chu an lo inhnial laih laih, sa leh cake chungchang ah a ni

"Eng thil nge i sawi a? Sa a tui daih zawk, cake in ei hnem lutuk chuan in ha a ṭha lo mai ang" - Sa duh lam

"Nitin ha in nawh a ngai dawn asin. Sa ei zawh a ha in nawh loh chuan a inang reng tho" - Cake duh lam

"Sa chu chawhmeh ania, cake te chu chaw ei kham lama ei chi ania, nitin in sa chu a ei theih reng mahse nitin in cake ei chuan mi a hne tir hlui ṭhin" - Sa duh lam

"Teuh lo mai nitin cake ka ei thei reng" - Cake duh lam

Naupangte u inhnial tawh lo hram teh u, thil hi a buaithlak vek mai ang

"Lady Sakei hmaikawr, eng chawhmeh nge i duh ber?" Hmeichhe naupangte hian min rawn zawt a

"Keimah maw? Sa ka duh berin ka hria" ka ngaihtuah zui vung vung a

"In hria maw? Sakei hmaikawr nula pawhin sa a tih chu" sa duh lam chuan cake duh lam chu an nuih vak vak

"Tinge? Cake te chu a thlum tui sia, an lan dan pawh a mawi fe zawk. A vai belh pawh in a ṭha daih zawk" Cake duh lam chuan an ti chuai raih

"Khatiang lam a ni lo ania, mimal duhthlanna ania lawm ka thusawi kha thutak a lak chi pawh a ni lo, sa ka duh zawk a, kan chenna ah ei siam thiam deuh kan nei a, a thil siam in ei tawh chuan thil dang in mamawh tawh kher lovang" ka ti sat a

"Eng anga tui nge a nih?" Min lo zawt vat

"A pawn lam chu sak hmel deuhin a lang a, a chhung lam chu a nem lutuk, han ei chiah hian a tui a rawn chhuak sek, kan han ṭhial leh chiah a, a tui telh telh, kan ka a thleng chiah hi a tui veng veng, ka ei chiah tih hian hemi ei tur hian ka piang a ni tih ngaihdan ka nei nghal" naupang ho hmaah chuan phur deuhin ka sawi a

Naupang pawh ka ni tawh lova insawithei ka ang dawn riau, an lo ei chak hmel lutuk ringawt

"Khawiah nge chutiang chu an zawrh a?" Mipa naupangte chuan min zawt a

"Mawla an zawrhna pawh hria la engtia tih nge i tum? A man a to lutuk a kan lei pha teuh lo" pakhat chuan a lo khak fek

"Ni lo unaunu Etoile in ka piancham ah ka duhzawng tak min lei a tiam alawm" a lo hnial leh a

"Unaunu Etoile pawhin a lei pha teuh lo mai" an inhnial leh char char

Kei zawk hi mi mawl ber chu ka nih hi. Sa chungchang kha sawi kher lo ila ṭha tur. Kei pawhin nitin ka ei bik tawp si lova, sa vang khan kan sawm tur an pun phah ṭeuh dawn inneihna ah

"Naupangte u, a ei dan tur chu kan inneih hunah ka hmuh tir dawn che u nia, ka sawm vek ang che u" phur deuhin ka hrilh hlawm a

"Inneihna hmunah min sawm dawn maw?" An hmel a nung sarh hlawm mai

"Tehreng mai ka lo mikhual ang che u cake pawh a tam dawn lutuk chuan sa ka hrilh che u pawh kha a awm ang" ka kut ka phar chhuak vuah

"Awle sakei hmaikawri hi a ṭha ber" an au rual dual dual a

"Mahse keini ang kan lo kal chuan mi in an nuih ang che nge" hmeichhe naupangte chuan a lo ti deuh sap

"A ṭha vek mai ang, chutiang tumah an awm lovang" ka pawm kang lawp a

"Anih leh min nuih ta se" a ti leh hram

"In rawn kal anih chuan mo hlim ber ka ni ngei ang, nangni hi Etoile nau in ni a, Etoile ṭhian ṭha ber ka nia chuvang chuan ka naute in ni ve mai, ka unaute ka sawm chuan tunge min hnial thei ang?" Zawi te in ka dah thla riai riai

"Sakei hmaikawr unaunu hi a ṭha ber" an au leh dual dual

"Ripley ka lawm lutuk ania, min kalpui vang hian in inneihna turah naupang ho i sawm ka lo ring lo lutuk a" Etoile chuan lawmthu min hrilh mawlh mawlh

"Ka duh vang rengin alawm ka sawm mikhual sawm tur ka hre lo lutuk bawk a, naupang ho te khan min pui a ni ve mai" ka lu chu ka hiat neuh neuh

"In inneih ni tur in sawi fel tawh em? Naupang ho in min zawt char char a, an nghakhlel tawh viau aniang" a nui leh sak

"Khami kha maw, a ni kan la siam fel lo deuh a" ka nui hul hak

Ka ngaihtuah let hian Zeronis ka zawh khan a hmel landan kha mak ka ti e khuai a rawn lan thut vang khan ka theihnghilh daih alawm le

"Ripley eng thil nge i ngaihtuah ni?" Wright chuan min lo zawt vat

"Zeronis hmel landan kha a mak lutuk a" ka lo ti vat

"A rihna a hloh ṭeuh a chuvang aniang chu" Wright chuan min rawn chhang vat

"Chutiang lam a ni lo, ni rei vak lo ah khan Zeronis nen inneih chungchang kan sawi khan a chiai vek a, tuna Mr Wright awm dan ang chiah hian" Wright lam chu ka hawi vat

"Wright mak i va tih hmel ve, a ni em?" Chiang kel kawlin ka en

"Awihawm loh lutuk" a tih pah chuan a khur dar dar

"Zeronis hnen aṭang hriat i nei chiang mai" ka inseh chilh nawk nawk

"Kei hi maw? Ni lo ve engmah ka hre lo eng lampang nge i sawi a?" A ṭawng bah nuai mai

"Tiang hian i ṭawng ziah em ni? Mr Wright, hre lo der tawh lovin min han hrilh chiang law law teh mipa takin" ka vau ti tih der mai

"Ka...ka engmah ka hre lo" a ban a rawn phar chhuak a, lemchan a thiam hlawl lo

"Engmah i hre lo tak tak maw?" Ka melh leh ralh tawh

"Aw ka hre lo tak tak" a la khur char char

Khur char char chungin a sawi ania, ka awih a ring emaw ni?

"Mr Wright hi i chian hmel bawk a, i ban tan pawh huamin i ṭang ngam ang em?" Ka meng rum ngang mai

"Ban tan maw? Awle ka ngam sak" huai deuhin a rawn ti leh mai

Chutiang pawh a ngam a ni maw? Harsatna siam sak ka tum em em pawh a ni lo, mahse thil zep nei tlat in ka hre sia, a ban chu a ho mah mah aniang a, chutiang a nih chuan

"Etoile nunna chhalin i ngam ang em?" Ka ti leh ngat

"Eng a?" A phu deuh zawk

"Ka ṭhianṭha ber hi dawt min hrilh tu hnenah chuan ka pe phal lovang, Etoile hi ka la bo daih ang a, i nei thei lo mai ang" Etoile chu ka pawm bet tlat

"Ni lo Ripley hei hi chu a" a meng bial leh kawk

"Eng nge i tih dawn Wright? Etoile hming chhalin i ṭang ngam ang em? Thuruk i nei lo tak tak maw?" Ka tifuh chaih chaih dawn ngei mai

Tiang mai mai hian ka ngawi reng dawn lo ania. A hmel en ringawt pawh hian a hriat reng mai. Etoile chu a ban ai a ngai pawimawh zawk hrim hrim ang. Ṭap tur hmel a pu alawm le. A khawngaihthlak hmel zawk alawm le

"A ṭha e, Ripley hnena ka awm theih dawn phawt chuan lawm takin ka pawm ang" Etoile chu a rawn nui ver ver, Wright nen chuan kan hrilhhai lek lek

"Chutiang a ni thei lo Etoile" ka lo ti vat

"Mahse i sawi tawh sia lawm" a nui leh ver ver

"I thei lovang Etoile, eng chungchang nge i sawi, inhual ka sawm lai che khan Ripley nikhaw hre lova a awm vang khan min hnawl a ni lawm ni?" Wright chu a rawn ding hluai

Inhual a lo sawm leh tawh maw? Zungbun inbun tir hma lehnghal in pui dawn ve, keimah vangin a lo hnawl maw?

"Ripley chhiahhlawh a ṭan chu pawi i ti lo maw? A rawn harh tawh a, min nei dawn lo em ni?" A awm a dawm vang vang

"Chuti maw? Engmah kha i rawn sawi tawh si lova Ripley rawn harh hnu khan ka hnawl vang che khan min huat ka ring a" Etoile chuan a en ṭha ngam lo

Ka lo duh dun leh pek tawh khawp mai, film en ang mai ka ni leh tawh

"Eng thil nge i sawi? Chutiang eng tikah mah a thleng lovang. Ka hmangaihna che hi nitin a zual zel zawk asin. Ngawi rengin ka lo nghak che a, in inṭhianṭhatna hi ka zah em vangin, khawngaihin i khawvel nih ka duh, ka hmangaih che Etoile" a kut chu a vawn sak a

Wright kiss rawh le kiss rawh le ka lo phur leh ngang mai

"Wright kei pawhin ka hmangaih che" an inkuah leh vawng vawng

****

"Miss in thingpui in te chu a tui em?" Sylvia nen kawtthler ah kan kal a

"Aw Wright a'n Etoile a sawm nawn leh a, mahse Etoile in a hnawl a" ka lo chhang vat

"Ni maw? Eng nge dik lo le?" A lo ti ve chiah

"Keimah vang ania" ka tih leh chuan a meng phawk hraw

"Inneih sawmna i dawn apianga i tlanchhiat ziah kha a chhawm ve chiah anih dawn chu" a rawn ti var

"Chutiang a ni lo, a tawpah chuan an innei dawn tho alawm tak takin" - Ripley

"Ni khaw hre lova i awm reng vang khan thil dang ka lo ngaihtuah thei lova, mahse miss thingpui dawr aṭang kan chhuak chiah sia engtin nge chhang i lei leh theih?" Ka pawm ṭun chu a hmu a

"Fahrah ina naupangte khan sausage chhang hi a tui lutuk a tia chuvang chuan ka ei chhin chak alawm" ka nui sak

"Naupang duhzawng chu i duh ve kher ka ring lo deuh" za lo deuh chuan a tui hak

"Sylvia thawnthu ṭha deuh hi a i in thukru ṭhin an tih ang deuh khan helai hmun hian thawnthu ril tak a neih ka ring tlat" ka lo hnial leh hram

Tlan thawm a lo awm a, "Duchess a ni e" ṭawng thawm ka hriat chuan ka hawi vat

"I sawi dik alawm nikhaw hre lovin i awm rei em a, khatih hun chhung zawnga i ei theih loh kha ei char char mai rawh, min lo pe rawh ka lo khai ang" Sylvia chuan a ti sap

"Ni love Sylvia i kut a nat kha" - Ripley

"Ka hrilh tawh che kha ka ṭha vek tawh" - Sylvia

"A sat lai hian pakhat ṭheuh kan ei dawn mi, ka lawm e mahse a ngai lo e" ṭawng ri chu kan hre nawk nawk

Ka hre sual em mi le? Hmeichhe pakhat inkhuh tlat bandages a intuam mit pawl ram hian min rawn melh tlat in ka hria a ni, ka hawi let leh ngat

"Miss, eng thil nge ni? I chhang ken chu i ngaina leh chiah na nge? Eng thil nge i hmuh?" Ngaihṭha chiah lo chuan min zawt a

"Engmah a ni lo ka hmuh sual aniang, mi pakhat na taka inhliam a ni, mahse a mit kha Rose-i mit nen a inang chiah, a ni thei lovang tiraw a thla pawh a ni maithei, lungngai suh a tak a ni lovang" ka ti zui vawng vawng

"Rose-i i ti em ni?" Tih pah chuan a tlan nghal vut

"Sylvia eng thil nge ni a?" Ka au zui vat

"Khawi lamah nge a tlan? Kan man ngei tur a ni, Rose-i chu kan man tur a ni" a ti nawn leh a

"Eng thu nge i sawi? Rose-i te chu a thih tawh kha" ka lo zawt vat

"A thi hleinem, i room ah khan ruang pakhat mah an hmu lo" min rawn chhang leh thuai

Ni lo a ni thei lovang

****

Chhunzawm tur


Show post links
Top

[Ngaia]

I mi hmuh kha a ni em?" Sylvia chuan min zawt nawn leh a, ka la bing chuk mai

Ṭe thawm kan hria

"Rukru an chhuah zalen tawh i nih hi lawm nachang hre ta che" mi pakhat hian hmeichhe nu kha hmunphiah in a lo um chhuak

Leiah chuan bawk vak pheiin, "Khawiah nge i awm?" A ṭap vak vak

"Helai hmunah hian i rawn kal leh anih chuan ka chhuah tawh hauh lo ang che, ka vanduai hle mai" inhrosa nghut pahin chu pa chu a kal daih

Sylvia chuan hmawlh a la a, chu nu chu va umzui a tum

"Sylvia kal tawh ang" ka tih laiin chu nu chuan bawlhhlawh a lo hai ruk ruk

"Nang kha i hmel min han hmuh tir teh" Sylvia chuan a vau deuh hrep

"Hei hi ka ta anih ka chhar ngat" apple chu a keih mawlh mawlh

Apple ṭawih ei saw tunge ni le? ka en reng lai chuan ka chhang ken chu ka thlauh a, chu veleh a rawn tlan nghal, a rawn chhar a, a ei leh nghal mawlh mawlh

"Miss fimkhur rawh" Sylvia chuan min rawn chelh a

"Sylvia he nu hi Rose-i a ni tiraw?" Mak ti deuhin ka la melh char char

Khuh bawrh bawrh chungin a rawn hawi chhuak a, "Nang hi zaidam tak i nih hi, i ṭhatna hi ka hre reng tawh ang, tunah chuan bal rih viau mah ila, i hming min hrilh phawt chuan ka rul let leh ngei ngei ang che" a hmai bandages a tuam luk chungin a rawn nui ver ver

Min hre tawh lo tihna em ni le?

"Nang kha eng thil nge tih i tum a?" Sylvia chuan min rawn veng vat

"Engmah tih ka tum lo, dik tak chuan in awih lo maithei a, Duchess ka nia" a hmui hupin a nui leh sak

"Tu ah nge i inchhal a? Tun thleng pawhin i la harh chhuak lo em ni?" Sylvia chuan a vin leh hrep

A hriatrengna a hloh vek chung pawhin Duchess ni ah a inngai tlat a ni maw? A thil nih chak chuan a kalsan thei lo a nih hmel, engin nge hetianga siam che le? Misual role i chan vang em ni?

"Lal ina ka kir leh hunah ka rul leh tak tak ang che" a rawn ti nawn leh hram

"Miss kan ngaihthlak reng a ngai chuang lo ania mi an rawn kal ṭep tawh ang haw mai ang" Sylvia chuan min tur sek

Rose-i chuan ka kawrfual a rawn chelh a, "Khawngaihin ka pi, chhang kha tlem min pe thei ang em? Chhang kha khawngaihin" a kun leh ngawih ngawih

"Awle kei ai chuan i mamawh zawk daih ang" ka chhang ken a vai chuan ka pe vek

"In pahnih khan in mawiin in zaidam hle mai rei tak dam turin duhsakna ka hlan a che u" lawmthu min hrilh mawlh mawlh

Lirthei a kan chuan leh hnu chuan ka lo ngaihtuah zui vung vung

"Miss khati khan i awm reng dawn em ni?" Sylvia chuan min rawn bia a

"Ka hre lo le, Zeronis hian Rose-i a dam tih a hria em?" Ka thaw halh

"Aw khami zan khan ka hrilh vek alawm. Rose-i chu tuemaw in a lo pui a, Count Jenkinson anih an ring vek, mahse ani chuan a dam tih a hriat chuan thah vek pawh pawi a tih loh thu a sawi a

"Thuhretu a din pawh kha ka duh hial a, mahse Duke in Earl Jenkinson chu mi phakar tak anih avangin kal liam tir mai turin min ti a, buaina min thlen a hlauh vangin

"I lo harh veleh a hrisel tak leh hlim hmel taka ka lo hmuah che a beisei a, thil dang ngaihtuah lova nangmah chauh buaipui tur che in min ngen alawm" Sylvia chuan min hrilh char char

"Anih chuan...." ka tih lai mekin ngaihdam min dil a

"Ka tihpalh lutuk Rose-i a la dam reng, i rawn harh veleh khan a ṭhawn lutuk che ka hlauh vangin ka hrilh lawk lo che a, chuvang chuan Rose-i hi kan man vat a ngai" ka hmaah chuan a kun raih

"Sylvia, Zeronis pawhin phuba lak aiin a venghim che a, ka lawm asin chuvang chuan min ngaihtuah lutuk duh suh" a kut chelh in ka nui sen sen

"Ka pi, phuba lak lam pawh ni lovin Count Jenkinson te chu an rethei tawh tawp" min rawn hrilh ru sar sar

"Dik tak chuan ka tihtur ber hi ka hre chiah lova, Rose-i kha khawngaihthlak viau tawh mahse ngaidam ka tum chuang lo" ka zungbun chu ka tuai vet vet

Rose-i kha Ripley diktak ṭhian ve ber kha ani sia, keimah ang bawkin khawvel danga awm a thlang daih sia chutiang chiah chuan keipawh he lai hmunah changtupa nen kan in hmangaih daih a

Rose-i chu sual viau mahse a tawpna chu a duhawm bik lo hle mai, chutiang chu tinge ka ngaihtuah reng le?

"I thin a rim lo a mi?" - Sylvia

"Eng a?" - Ripley

"Rose-i a thi lo hi, vawi tam tak thah che a tum a, i inthiamloh a ngai lo ania" a rawn ti leh hram

"I sawi dik alawm mahse awle" ka ngawi leh vang vang

Kan ngaihtuahna hian kha hmeichhe hmakhua kha a thlak ve thei hrim hrim ang, a ngeiawmna pawh kha a zia sawt mai ang

"I thinlung in a tum tawh chuan keipawhin ka kaltir mai ang, a dam rei tawh pawh ka ring lo. Pathian hremna a nghak a ni tawh ber mai" a thaw chhuak halh

A dik alawm Rose-i hi chuan kawng sual lam zel a zawh anih hi, thawnthu ah pawh khan thihna nunrawng tak a hmachhawn a anih loh pawhin lungngai takin a hun a hmang zo ṭhak, amah pawhin a inpawm a ngai

Mahse ka ṭhian min ngen avang khan inṭhian leh lam ni lovin vanneihna ka beisei pui che, a ṭha ang em?

"Duchess bawlhhlawh i hai leh a mi, hei hi chhang em ni, i ruk a mi?" Hmeichhe naupangte chuan Rose-i chu a kaitho a

"Ni love nula hausa takin min pe a" a tho ṭuah ṭuah

"Tak tak maw? Nidangah chuan nangmahin kal tawh suh aw, chhang zuar tupa khan min hau hrep alawm" inkai chungin an kal dun rial a

****

"Thil dang leh thil ṭha lam chauh ka ngaihtuah tawh dawn, ka tha hi lo thlawn in ka seng tawh dawn lo. Inneihna lo awm tur atan inbuatsaih a ngai" a rawn tih leh chuan ka harh chhuak thut

Wright hnen aṭang engmah ka hre ta lo anih kha a van pawi tak, Etoile nen khan ka lo en tui lutuk a, ka theihnghilh daih tinge Zeronis kha khatiang khan a awm le

In kan thlen hnu chuan ṭhutthleng ah ka mu tawp

"Sylvia mipa te pawh hian inneih hma in rilru hahna an nei ve ṭhin em ni?" Ka hmel a dâng vek

"Engtin a? Tinge chutiang chu i sawi teh thut a?" A hriatthiam loh hmel viau mai

"Tukin zing thil thleng vang ania" ka tho ṭual ṭual

"I rawn tho chiah e" Zeronis chuan min lo thlir veng veng

"Min kaitho tur i nia sin" ka tih chuan ka biang a rawn fawp zeuh

"I mu tui lutuk a niminah fahrah ho bulah i awm nilenga i rawn thlen khan i muhil nghal sia i chauh ka ring alawm" dam deuh chuan min chhang a

"Thil thleng a tam khawp mai" ka nui hul hak

"Anih chuan Wright ka hauh a ngai anih chu" a nui suk, ka hrechhuak leh nghal thut

"Zeronis" ka au deuh phut

"Eng nge ni?" A nui leh a

"Kan inneih ni tur kha ka pangpar ken turah lily ruam a mi kha a ni thei ang em?" Ka en kar mai

Tun ah hian hreh a hun tawh lo asin

"Ruama Lily kha maw i tih awle an mawi alawm" thil dang ngaihtuah hmel deuh chuan a awm leh a

Vawiinah hian eng thil pawh thleng se a chhan ka zawng chhuak hrim hrim ang

"Chuan kan inneih ni tur pawh kan la thlang lo ania, khua hi a ṭhat hmel sia naktukah innei mai ila" ka thlan a rawn bawl ṭek ṭek

"Eng a? I thutak em ni?" A phu deuh zawk

"Thutak ta ila engtin nge i tih ang?" - Ripley

"Kan hmanhmawh mah mah in ka hria" - Zeronis

"Anih chuan naktuk tukleh ni ta se" ka melh hrawk

"A la inhnaih lutuk ang" a thlan a rawn tla ve hlap

"Tun kar tawp hi ni mai rawh se" ka ti leh hram

"Kan inneih ni tur chu kan ngaihtuah ṭha leh dawn nia" a nghawng awrh chu a siam ṭha mawlh mawlh

"Eng a?" Ka ti chung chuan "I la chau anih kha la mu deuh rawh" puan chuan min tawm tel vek

"Ka kal hmasak a ngai, lalber nen sawi dun tur kan nei" a chhuak nghal daih

"Min lo nghak lawk teh ka ti chung pawhin a ngaithla lo re re khami hnu khan ka hre chhuak ta alawm" Sylvia chu inhum ruh ṭeuhin ka hrilh mawlh mawlh

"Ka pi, naktuka inneih emaw tuk leh emaw kar tawpa inneih chu i duh tak tak em ni?" Min zawt nawn leh a

"Chutiang a ni lo, ka lo ngaihtuah ang a tih kha mak i ti ve lo em ni? Zeronis a hma ang kha chu nise inneih kha a duh nghal tut tut dawn asin" - Ripley

"I sawi dik alawm" - Sylvia

"Chu tak chu ania, a sawi chu ti nghal zel ṭhin kha a ni sia tinge tun a takah a pehhel vak le" - Ripley

"Inbuatsaih lehzual a duh a ni maithei asin" la chu a phiar leh mawlh mawlh

"Inneih hma a rilru hah ang kha a tawng ve a ni chiang mai, engtin nge ka tih ang aw?" Ka kut ka seh neuh neuh

"Ka thusawi i ngaithla em?" - Sylvia

Kawngka an rawn kik a

"Ka pi, inleng i nei a" chhiahhlawh chu a rawn lut a

"Inleng maw?" Ka hawi vat tunge ni ang le? Rawn kal tur an awm em ni?

"Hello Duke nupui" lal fanu naupangte chu nuam deuhin a lo ṭhu der der

"Lal fanu nang maw?" Ka lo dawngsawng vat

"Duke Inglid kha lal inah a rawn kal tih ka hria a, i khawhar ka rin vangin ka lo leng anih hi" phur deuhin min hrilh a

"Kan inhmuh lohna a rei tawh sia, i lo hlim em?" - Ripley

"Tehreng mai" - Lal fanu

"Duke tello chuan hrehawm i ti ang tiraw? Chuvang chuan ka lo kal alawm" min nuih leh ver ver

"Ni e" ka lo ti vat

"Vawi tam tak ka rawn kal ṭhin a, mahse i lo muhil reng a" - Lal fanu

"Ka mu rei hle a ni tiraw" - Ripley

"I rawn harh leh vat ka hmuh hian vannei ka inti hle mai" a biang dawmin a nui leh sak

"I hmel duhawm tak ka hmu thei hi vannei ka inti zawk hle mai" ka nui ve suk

"Ka sawi duh zawk chu i ṭhian ah min hmang la ka duh" min rawn siai zak

"Eng a?" Ka meng bial kawk mai

"In inneih hun chuan ṭhian duhawm deuh i mamawh dawn alawm" intithei deuhin a sam a then hlak

"Kha kha maw min hrethiam la kan inneih hunah ṭhian ka lo sawm tawh a" ka nui hul hak

"Eng a? Tu nge?" - lal fanu

"Etoile ania" - Ripley

"Tunge chu chu?" A rawn ti bah hluk

"Baron Hailey fa lak ania" ka nui sap

"Eng a? Fahrah kha maw?" Thinrim deuhin min zawt nawn leh

Lal fanu hian Etoile a ngaina lo em maw ni?

"Ka hriat theih chinah chuan keimah nena khaikhin pawhin Miss Etoile chu tinge a mawi em em" a kut a seh neuh neuh

"A hmelṭha asin" ka thlan a rawn bawl ṭek ṭek

"Ka lungawi lo khawp mai duhawm zawng chuan ka hneh theih mai ka ring asin. Tinge i ṭhian tur chu duhawm zawngin i thlan loh?" A ang chiam mai

"Mahse hmelṭhat lam zawngin ka thlang bik hleinem" - Ripley

"Anih chuan min thlang mai la" duhawm hmel deuhin a biang a rawn dawm a

A va duhawm reuh tak, "Aw, ni leh lo, min hrethiam mai rawh ka lo thlang vek tawh a" ka ti sak mai

"Khawi aṭangin nge chu chu a lo kal? A fair lo khawp mai, inelna hun min siam lo a" a kut chu a leng vak vak

"Anih chuan flower girl i ni duh ang em?" - Ripley

"Flower girl maw? Chu chu eng nge?" A rawn meng bial kawk

"Naupangte hian inneihna ah pangpar an theh ṭhin a, chu tah chuanduhawm tak an thlang ṭhin, ka mi hriat zawng zawng ah chuan i duhawm ber, thuruk anih chu aw" ka hrilh ru sar sar

"A ṭha e, kei ang mi duhawm tak hian in inneihna ah pangpar ka lo theh ang mi buai tak ka ni chungin hun ka lo insiam ang" intithei deuhin a kut a kuangkuah

"Ka lawm hle mai lal fanu" ka kut ka beng thek thek

"Anih chuan engtik nge in inneih dawn?" Min rawn zawh chuan ka hawihai leh vek

"Engtin maw?" Ka chhang thei hram

"Mawi taka ka lan theih nan a hun ka hriat a ngai alawm, inbuatsaih a ngai dawn a" - Lal fanu

"A rei lovang in hre vat mai ang, hmun tinah a darh chum chum dawn alawm" ka chhang fel thei hram, kei ngei pawhin ka la hre lo chu anih hi

****

Lal fanu haw hnu chuan in chhungah ka vei tawn sek, hetiang hi chuan ka tuar thei tawh thlawt lo, ka chhuak thut

"Ka pi khawiah nge i kal dawn?" Sylvia chuan min lo zawt vat

"Zeronis ka hmu lawk dawn sawi fel tur kan nei" rang lutuk in ka chhuak thurh

A dik chiah hetiang chuan engmah ka chingfel thei dawn lo, frank deuha ka hrilh a ngai ani, na tur pawh ka awm hleinem

Kawngka ka hawng chiah, chhiahhlawh a lo ding a

"Inleng ka nei leh a mi?" Ka hmai a sen vek

"Ni love ka pi inleng ni lovin Duke zawk ania"
- Chhiahhlawh

Tinge huanah kal tura min koh le? len dun a duh leh aniang a? A hun chiah anih hi ka pehhel tawh lovang. Kan kal dun pahin ka zawt dawn hrim hrim.

Eng thil nge thleng le? Tinge inneih chungchang a pehhel zel le? Engkim hi

Huanah chuan a lo ding a, ka thawm a hriat chuan a rawn hawi vat

"Ripley ka rin ai i rawn thleng hma daih" a thaw halh mai

"Min rawn ko lo pawh ni la rawn hmuh che ka tum hrim hrim, hrilh duh che ka nei a" a hmaah chuan ka ding a

"Lo nghak lawk teh" a hawisawn daih

"Eng nge ni?" Ka meng bial kawk

Zeronis hian khawi lai nge a en le? A chhan ka hre lo nan tun kan boruak hi eng nge ni? A zahzum hmel bawk si, ni dang zawng aiin a danglam daih

Inneih hmaa rilru hah kha ka rin ai a lo nasa daih mai a, chutiang vang chuan a lungawi lo a ni thei ang em le? Ni lo, hetia ka awm reng chuan a ngai ang bawkin engmah ka hre leh lovang

"Zeronis ka hrethiam alawm" - Ripley

"Eng a? Eng chu maw?" A hriat loh hmel khawp mai

"I lawm lo tih mawle" - Ripley

"Eng a? Keimah maw?" - Zeronis

"Ni e, inneih hma a rilru hah kha hmeichhia chauhin an lo nei lo anih dawn hi, kan awm dan ka ngaihtuah hian hetiang thil vel ngaihtuah hian i buai hle anih dawn hi" ka khabe ka tuai vut vut

"Ka lungngai hleinem" - Zeronis

"Sawi lo mah la ka hria alawm, inneih hi ka lo tum tawh a, tlanbo ka tum tawh lo ka hmaah lang ruak ruak tawh mahse engmah lo in min khuh si, ka hrethiam che alawm" ka melh chho ralh

"Eng thil nge i sawi? A hmasa berin ngawi rengin i lo nghak lawk thei ang em?" A va melh leh ralh

Tinge a ngai bawk a melh le?

"Ni lo ka nghak thei tawh lo" ka kut hum ruh in ka lamah ka pawt a, ka fawp hmak

"Ripley lo nghak lawk rawh" a ti chung pawhin ka thlah duh lo

"Zeronis tunah min hrilh rawh, engtikah nge min neih dawn? Eng thil pawh thleng se min neih i tiam kha? Tinge i intiamna i sut leh. Neih vat vat che ka duh asin" a biang chu ka dawm a

Ka phur lutuk mah mah in ka hria. Zawhna changkang zawk hmang tur ka nia sin le, ka melh leh zawk, lo na ta se engtin nge ka tih ang?

"Ripley nang hi" ka kut chu la thla in za lutuk hian a nui char char, a kawng dawm meuhin a nui leh a

"Eng nge dik lo? Tinge i nuih vak vak?" Hrethiam lo deuhin ka zawt

"Ripley ka nupui duhawm tak te, ka thil tum angin engmah a thleng lo anih hi, pangpar sangkhat nen inneih a sawm che ka lo tum a" ka biang a rawn dawm a

"Wright khan min hrilh a, 'inneihpui ah i la sawm lo em ni? Min nei rawh tih ringawt kha a ni lova,Thil thleng chu ka hre lova mahse tihsual i nei maithei ania, i ṭhian ka nih angin ka hrilh che anih chu' a ti a, chuvang chuan inneihpuiah ka sawm dawn che anih hi" a kawng a dawm a

Wright a'n Etoile vawi thum inneihpuiah a sawm vang a ni chiang mai

"Pangpar sangkhat nen inneihpuiah sawm che ka tum a, mahse hun min pe duh si lova" pangpar awmna lam chu a kawk a

Pangpar keng turin mi a lo ruai anih hi le, ka lo hre lova min hre lo der maw ka lo tia mahse midang an lo awm vang a lo nih dawn hi

"Min sawm dawn ta em?" ka zawt nawn leh a

"Aw, ka sawm tak tak ang che" a nui sak

"A tharlam vet vet hle mai neih che ka lo tum tawh a" ka sam chu ka biangah ka zep vat

"Nia tiraw, Wright sawi hma khan ka ngaihtuah nasa lutuk a, ni sawmnga pahnih nikhaw hre lovin i awm a, nitin khan eng nge hmaih ka neih, tihsual ka nei em? Tih te ka inzawt ṭhin" - Zeronis

"I thiam loh a ni hleinem" - Ripley

"Engmah ka neih loh hnu pawhin min la hmangaih a, ka lawm lutuk a, neih che ka duh alawm" ka kut chu a fawp a

"Min hmangaih turin ka siam ang che, min hmangaih mai rawh' chutiang ngaihtuahna chu ka nei ṭhin. Kan inneih hnu pawhin ka thinlung chu eng pawh nise min la hmangaih reng a

"Thawnthu thuruk te min hrilh a, harsa i tih deuh chenin ka hnenah i rawn kir leh a, tun ṭum chuan ka nawr tawh lo ang che, inneih pawh ka tur lovang che, Lady Ripley De Liverpool, zana i thu min hrilh khan

"Ka nunah eng min hmuh fiah tir a, a tukah khan awlsam takin ka nunah i lo lut nghal a, ka hmangaih che min nei duh ang em?" Ṭhingṭhi in ka kut a vuan a

"Aw ka nei ang che" ka nui ver ver

****

Inneihna tur hmunah chuan mi an phu mur mur

"I hmu em? Saw saw sakei hmaikawri pasal tur anih saw, a hmelṭha hle mai an sawi dan chuan a hlauhawm in chem vai a thiam a, ei siamtu lu a tan a, lu mettu ha a phawi vek bawk" fahrah ho chuan an lo sawi khawm laih laih

"Ka hlau hle mai sakei hmaikawri pasal tur chuan a tling meuh ang maw?" Naupangte chuan a lo zawt a

"Anih chuan innei ta sela tu nge chak ang?" A tih chuan "Miss Sakei hmaikawri a chak ang" an lo ti sap sap

"A ṭha ang em le? Zei lo taka ka pangpar siam kha inneih ni pawimawh lutuk ah hian a tawk zo ang em? Min lo zirtir la chu a ṭha mai tur mahse i damlo der zel a" mipa naupangte khan Sylvia a chhuahchhal a

"Ka damlo der hleinem ka na tak tak alawm chu lo ah pangpar remkhawm ka thiam lo re re. Miss Ripley in a ngen che khan i phur sia tinge i lungngaih leh a?" Sylvia chuan kawng dawmin a melh a

"I bengchheng em mai a" a ti ringawt

"Lungngai lutuk suh, a harh chhuah leh nan ṭha taka i pangpar enkawl kha ania Miss Ripley pawhin a ngaina lutuk alawm" Sylvia chuan a lu a chul sak heuh heuh

"Tak tak maw?" Phur deuhin a zawt a

"Tehreng mai" a nui sak

"I thusawi chu ka awih tawp lo mai Sylvia" - naupangte

"Engmaw han sawi leh teh?" - Sylvia

Lal fanu te chuan pangpar a theh a, violin an tum sap sap

"Ṭan a ni ta" lal fanu chuan a theh pah zel, a hnungah chuan Zeronis nen kan nui dun sap

Pangpar chu ka keng lang a, mipa naupang pawh a hlim lutuk, ka nu leh pa chu an lo ṭap char char, Etoile leh Wright pawh an lo nui sang mai, maicham lam kan pan a

"Miss Ripley Duchess a ni tak tak chu ka lawm hle mai" mipa naupang chuan a mittui a hru a

"Keipawhin mawle" Sylvia chu a aia nasa zawkin a lo ṭap a, a hnung a ben sak thek thek

"Tunah chuan nang Zeronis De Inglid hian Ripley De Liverpool hi i nupui turin kumkhua in i nei ang em?" Puithiam chuan a zawt a

"Nei ang" a nui sak

"Nang Ripley De Liverpool hian Zeronis De Inglid hi i pasal turin kumkhua in i nei ang em?" Puithiam chuan min zawt a

"Nei ang" ka va en zeuh

"Tunah chuan inneih thutiam hlen nan infawp rawh u le" a tih lai chuan mi an lo phu mur mur

"In lo infawp der tawh a ni maw" a rawn hawi chhuah chuan kan lo bur ngar tawh

Etoile in juggling a bei bawk, kan phu zawk a, kan nui leh ver ver, kan infawp leh bawk

A chauhthlak hle mai a, party chu a nuam a, mahse mi chibai tur an tam lutuk a ka hah vek

"Lord Wright leh Miss Etoile maw?" Ka va hmu a

"Miss Ripley" Wright chu a rawn nui suk, Etoile i'n a dar a lo ngheng a

"Miss Etoile chu a muhil em ni?" An bulah chuan ka va ṭhu ve

"Juggling kha a zam lutuk a, a mittui tla nasa lutuk a chau anih hi" - Wright

"Chuti maw? A ṭap vak lo in ka hre sia" - Ripley

"Miss Ripley, ṭah loh a tum nasa alawm" - Wright

"A duhtawkin a ṭap thei reng asin, i hria em Lord Wright? Zeronis pawh hi a ṭahbelh asin, vawi engzat nge ka hmuh tawh le? Ka ti thinrim ngun bawk sia, ka inthiamlo tak tak" ka ngaihtuah let a, ka nui sap

"Zeronis chu a naupan laiin a ṭap ngun alawm, intihsiakna ah a chak lohin a ṭap a, uiin a um pawhin a ṭap bawk chuan ni khat chu a ṭap ngai ta miah lova

"A theihnghilh hmak mai a ni. Engmah hian a rilru a tibuai ngai lo, thuthlukna pawh a siam awlsam ṭhin. Ka ṭhian anih angin ka ngaisang thei khawp mai

"A chak ta sawtin ka hria, thil engkim a tluang ah ka ngai mahse a tawn hnu che khan tihsual a nei ve fo va, a tilru tibuai tu a nei ve bawk, a thinlung a na in a kehchhia a, a rawn tho chhuak leh

"A hlim in a ṭap bawk a, hetianga hmuh hi ka duh zawk, ka lawm e nangmah vang liau liau a ni Miss Ripley Zeronis hi ṭha takin i lo enkawl dawn nia" min rawn nuih sak

"Chawl turin ka tia Wright nen bawk in lo awm leh a ni maw?" Ban kar aṭang a rawn dak dek

"Kan pahnih chauhin kan awm lo ania, pathum kan ni" a rualin kan sawi leh a

"In sawi rual leh ta" a tum deuh bur

"Hetianga a awm chang hi chuan ka ngaina lo" Wright chuan a kawk a, ka lo nui ver ver

Ṭhiante malsawmna kan dawng a, mipui nui hluah hluah thawm nen, tlai hun nuam tak chu kan nei zo ta a, harsatna kan hneh zel bawk ka hmangaih tak nen tawp kan khar thei tawh ang

Tawpna hlimawm ka lo suangtuah reng kha anih hi, chutiang hmachhawn chu ka tum chuang lova, kan pahnih hian rei tak hlim takin kan awm dun zel ang

"Mikhual te kan buaipui tawh dawn lo a mi? Chibai tur che in an intlar ṭhup sia" khumah chuan ka ṭhu a

"Inneihna a mo chu amah in ka awmtir thei lo alawm, hetiang hian khawvel tawp mah se pawi ka ti lo" min rawn fawp ngawih ngawih

"Chutiang a ni thei lo" khumah chuan mu in ka nui suk

"Kan zan hmasa ber tur chu anih hi" a rawn in nem khalh a

"Anih chiah loh kha" ka lo nui var

"Vawiinah kan innei tak tak a, chuvang chuan kan zan hmasa ber a ni, i duh lo em ni?" Min en chik viau

"Duh e a ka duh e" a nghawng ah ka kuai a

"Anih chuan ka zawt leh ang che zan hun ka hman pui thei ang che ngem" Mu chungin kan inpawm a

A tawp ta

(Ka lehlin hi Comics ania, a chang chuan a har ve khawp mai, ṭawngkam thiam lo viau mah ila ka tihdik loh lai a awm chuan min lo hrilh zel dawn nia ka lawm lutuk e )


Show post links
Top